BB辣

营业中

休息中

近排天氣咁凍，女朋友話要出黎長沙灣工業中心買禦寒衣物，行過咁岩見到有間食川菜嘅餐廳，就提議咁凍不如買D 辣野返去食下。(其實本身想堂食但而家比政府禁左就無計啦)蔥爆牛肉肉質鮮嫩多汁，咬起來非常有口感材料有水魷、午餐肉、牛栢葉、鴨血，個底仲有水晶寬粉，店家好好，將辣湯同材料分開放，咁D材料返到去食嘅時候就唔會浸到變質。湯底麻辣味鮮，有大量辣椒同八角，相當足料。大部份雞肉都已經去骨，一開蓋就麻香撲鼻，食入口雞肉滑嫩，唔錯。

第四波！第四波！搞到冇得出街食晚飯，唯有又四處搜刮好味外賣返屋企食。今次第一次在荔枝角香港工業中心地庫嘅BB辣買外賣。除咗外賣有八五折之外，我哋早咗去買飯。佢嘅午餐及下午茶餐，竟然做到6:00pm. 真係超級優惠。呢間辣野，我哋之前食過堂食，阿囝對佢嘅橡筋（海蜇）讚不絕口，喺出面看車時叫我記得買海蜇。我哋全家八個人一齊食，狂風掃落葉，嗌左成七八個餐。仲要包晒嘢飲，只係四舊水。咁樣六點前買，真係意外嘅抵食驚喜。食物嘅質素，真係唔使講。連廚房嘅阿姐講嘅話，一聽就知係夠晒正宗。期間都見到好多人嚟買外賣。繼續疫情嘅話，呢間將會係我哋嘅飯堂。最最美味嘅係炸醬涼拌麵、同手撕雞絲涼麵，大家爭崩頭！冇得頂呀！唔使講，麻辣豬肚絲同口水雞都好正好入味！

一轉季就要去置裝，今天來到香工閒逛，行到 肚餓，看見地庫這家餐廳，吃辣的正合我口味。重慶酸辣粉+涼拌土豆絲+香酥花枝丸很後悔酸辣粉只點要小辣，他們的辣椒很香口， 薯粉細膩，軟滑，彈牙，嚼勁豐富，每條薯粉 都沾上香濃的酸辣湯底，讚一個! 涼拌土豆絲非常爽脆，口感味道都不錯。花枝丸都是即叫即炸，脆卜卜的，粒粒花枝，真材實料。酸菜魚配飯+口水雞+炸墨魚餅酸菜魚口感非常好，魚片肉質細嫩爽滑，湯味酸香鮮美，對我來說，中辣剛好。而且配料豐富， 還有涼皮，芽菜，金針菇，非常飽肚。 口水雞味道出色，混合了數種辛香料的味道，辣得有層次，而且雞肉嫩滑，老公一口接一口的咬。辣子海蝦海蝦非常讚，大大隻，蝦肉爽脆。整碟海蝦散發出香濃的辣子味，不要小看這堆辣椒，老公咬了一口辣椒，那種麻辣不斷衝擊着舌尖，很刺激。海蝦炸得卜卜脆，廚師還細心的剪去尖銳的蝦頭，我們就能放心大口的吞下去，由於實在太惹味，我們整隻蝦連殼地吃下去了。餐廳很細心，除了有辣食，還有不辣的選擇。適合喜歡吃辣但不吃辣的另一半。

今日放工買外賣返家同家人做晚餐，放工行左去荔枝角BB辣買外賣。點左螞蟻上樹，回鍋肉，酸辣土豆絲，麻辣蒜蓉青瓜，無骨口水雞。螞蟻上樹：粉絲軟硬岩岩好，肉碎都夠味，小小辣更加開胃好味道。回鍋肉：蒜苗，青椒紅椒等配料都幾好味唔算太辣。肉質都幾好，口感加味道都不錯。酸辣土豆絲：口感不錯，味道配合起其他餸更加正。麻辣蒜蓉青瓜：青瓜爽口加埋醬汁更加好味道。無骨口水雞：半隻口水雞份量都算幾多，撈埋先食好夠味道。雞肉肉質良好，口感都不錯。個花生都好好味道。

疫情後，政府禁晚市堂食，難得媽媽終於肯休息叫外賣🤣，所以今次我收工經過荔枝角附近，就到了這家BB辣，買個酸菜魚和媽媽一起分享吧。一打開外賣包裝，只要一倒湯料下去，便是暖笠笠的酸菜魚。酸菜魚酸菜魚配料豐富，有花椒、辣椒和酸菜等配料，媽媽都大讚配料落得足，而主角魚片，更是爽口，沒有泥味，吃下來酸酸辣辣，非常開胃惹味。最好的是，酸菜魚底下還有QQ的透明麵條，吸收了湯汁後，非常正斗。我也點了一些配菜，配上酸菜魚一起吃，更豐富。手切肥牛我們點了細份，分量足夠與人分享，肥牛質素不錯，值得一點。豬皮女士要補補骨膠原，所以點了豬皮，口感彈牙👍🏼👍🏼蟹籽丸值得一讚的是，蟹籽丸的份量很多，絕對足夠二人分享。一咬鞋遠視，內裏的蟹籽滿滿的，吃得我和媽媽都十分滿足。

不知不覺在香港以生活了很多年， 很多人都說長沙灣是一個女性的購買熱點， 本來我還不相信，但這天和我的同事一同前來，真的真切體會得到， 但令我最意想不到的，就是位於大廈之內的餐廳。這家餐廳是一家主打四川美食的店舖 ，但我最欣賞的就是他們可以外賣自取，疫情一天比一天嚴重，我也十分擔心在街吃飯的風險。但餐廳對防疫措施真的做得十分足夠， 既有測量體溫，又提供酒精搓手液給客人使用，真是貼心。食物方面，我選擇了bb辣炒飯， 我相信這是他們一個十分著名的美食， 味道方面，還不錯， 可以挑選不同的辣度，這樣已經十分滿意，最重要炒飯不油膩，吃起來我覺得也十分健康。 另外， 我還挑選了麻婆豆腐， 但是不小心點了走辣， 本來還擔心味道不太適合 沒想到 他選擇了雪菜配搭豆腐這個組合也不錯吃起來還有點清新。

與同事閒聊時提起,我平時喜嚐麻辣菜式,遂向我推薦一家位於長沙灣區內的川菜餐廳--BB辣,說其味道甚佳,而且價錢較便宜;於是用Openrice大神查看,見其風評很好,就留待機會相約同好前往;這天機會來了,約到同喜麻辣味道的好友一起來個飯局,便預先打電話去訂位;是夜,與好友在荔枝角地鐵站碰面後,選擇最近的路線就從B出口前往;數分鐘的腳程來到長沙灣工業中心,入口處已有指示餐廳位於地庫;簡潔但整齊的裝潢,配上明亮的燈光,而且有極佳的抽風系統,一點都不侷促;我們在侍應生帶領下先量體溫再入座後,安頓好隨身物品就開始研究起餐牌;似乎是餐廳力推的招牌二人套餐,相對極之合理的價錢,一個主菜加兩個配菜,形成的組合相當豐富!商議一番過後,有了決定--點選了必食酸菜魚,回鍋肉及熗炒油麥菜就立即落單;因為訂位時已問過,可讓我們自帶美酒;等上菜時當然就慢慢架設好這些第二主角;必食酸菜魚首先粉墨登場,一上來時酸菜湯與麻辣的香氣已飄逸在空中!白雪紅梅黃菊綠荽茜,一幅誘人的拼圖,引得我們即時食指大動!馬上開啟這趟美食旅程,夾起魚肉來嚐味;細嚼之下,魚肉爽滑鮮嫩,又帶點厚實感;酸菜味滲透其中,適當的鹹味令花椒的香氣及麻度

喺香工行街，行到咁上吓睇睇時間原來已經去到6點，見唔係好夠時間返屋企煮飯就諗住叫定外賣返到屋企收餐，正準備走嘅時候見到有個招牌寫住BB辣，一向鍾意食辣嘅我就算幾趕時間都好，當然會為咗呢個廣告招牌而停步。加上睇咗唔試等下次都唔知等到幾時嘅時候，就直接落咗地庫睇吓餐牌。睇完就決定買呢到嘅外賣返屋企食。三個人點五個餸+一個甜品小食，打定返屋企叫屋企人再炒碟菜就夠哂飽啦！點咗嘅餸菜包括夫妻肺片、回鍋肉、雞軟骨、黃金芝士豆腐同埋蔥爆牛肉，而甜品就係黑糖糍粑。因為屋企人唔係太食得辣，所以平時叫大辣都改咗做BB辣。先講講個蔥爆牛肉，呢個牛肉好嫩滑，仲好有鑊氣嘅味道，好有大排檔嘅風味。回鍋肉嘅肉片夠薄，亦都好夠味，媽媽仲食到唔停口。雞軟骨拎到返屋企淋咗，其實都預咗，所以放入氣炸鍋三分鐘，變返熱辣辣之後再食，真係好脆仲好入味。夫妻肺片都幾多牛展，仲好香麻嘅味道。最後食埋個黑糖糍粑，黑糖另上唔會搞到痴埋哂之餘，多甜少甜可以自己決定，而糍粑口感煙韌，味道唔錯。埋單@364

估唔到會有間性價比高嘅食辣嘢餐廳開喺香工地庫, 地點隱世但係又好易搵😂 午市去食, 叫咗回鍋肉飯$58 +凍飲$3, 少辣程度, 好惹味呀, 椰菜新鮮脆口, 回鍋肉又香口, 炒得夠鑊氣加個小食麻辣豬肚絲 +$26, 小食份量都唔少, 同埋我都好鍾意佢有埋花生碎, 食哂😆😋煎雞扒腸仔飯 $44, 煎得好靚仔, 又好食, 雞扒好juicy, 大量薑蓉超下飯😋😋😋唔再北上, 好掛住d大陸辣嘢味, 咁嚟BB辣真係有得食返大陸嘅風味喇, 價錢又合理!

近排好想食酸菜魚，同個friend 行開長沙灣買下衫，見到有酸菜魚即刻衝落去試吓。見到佢哋有個招牌二人套餐超抵食，一於試，其實佢哋仲有水煮魚，打邊爐套餐都好抵，下次黎開都可以試吓，酸菜魚-我哋叫咗小辣，魚無骨，料都多，二人餐都無偷工減料，有水晶粉，味道可以。農家小炒肉－夠鑊氣，送飯一流清炒油麥菜－朋友超愛，大讚同平時食嘅菜唔一樣，我就覺得菜夠新鮮柑桔酸梅湯－啱哂食咗咁多嘢消一消濟咸檸檬梳打細黑糖糍粑－一定一定要食糍粑，外脆內QQ，點黑糖食，有滿品先至係滿足

成日來香工買衫，食嘢還是第一次，今晚朋友想食辣刺激刺激，於是帶她來試試這間隱秘川菜小店！餐廳在香工地庫，以卡座為主，疫情關係以小膠板作隔間，食得安心。這裏環境乾淨企理。招牌2人套餐$288好抵食，仲要免加一服務費！辣鍋有四種口味任君選擇，我們選了《麻辣水煮魚》～中辣。紅紅的辣椒辣味十足，充滿四川風味，非常刺激！魚肉嫩滑，鮮味無比！底層是滑口薯粉及大豆牙菜，份量非常多呢！小菜選了《麻婆豆腐》 ~ 滿滿的豆腐香嫩順滑，但出奇地不是太辣，可能味蕾已習慣了辣味吧！最後是《酸辣土豆絲》，非常爽口味美，同麻婆豆腐一樣 ，佐飯一流！估不到在工廠大廈裡也有高水準又抵食的麻辣川菜， 實在難得，加上服務細心殷勤，值得一讚！

今天放假，專誠去找荔枝角上班的舊同事吃晚飯聚舊。麻辣海蜇一上枱已聞到酸香醋味，令吃濟了的我垂涎欲滴，猛吞口水。海蜇爽口入味又ok大碟，要了中辣，不是太麻，但也能吃到麻辣加酸酸的，醒胃。因為這幾天都不停暴飲暴食，腸胃開始有點受不了，於是今晚乖乖的只敢叫中辣。自選孜然香鍋底最少選五樣食物如其說一鍋，不如說是一大煲，紅色一遍，賣相又紅又綠，顏色令人提神。午餐肉午餐肉切得好厚呀，可能近來興厚🤪真的要命惹味，辣味均勻，肉沒有油油的，辣椒🌶️籽滿舖上餐肉上，每口也刺激著味蕾。滷香金錢肚切成一口size，有滷汁香，軟身並煮得很淋及軟熟易入口，牛味不俗。嫩牛肉很夾呀和孜然粉，互相輝映，肉塊十分入味。豬皮索汁一流，吸收了底下的辣油，質感爽口。水魷切好大件，比較難入味，魷魚🦑本身就難上色難上味，反而令孜然味掩不到其原味道，各不搶大家風頭。柑橘酸梅湯很開胃解渴消膩，喝後由簡單的酸梅味再喝到啖啖的柑橘香。杞子六花茶有點苦，似涼茶味，朋友說這是回甘，說我不懂欣賞。食後感：沒有加一，真材實料。

今日懶得放工去荔枝角香港工業中心到行下街行都有少少攰就去咗呢間BB辣到食嘢啦夜晚有個二人套餐，二百幾蚊就有一盤酸菜魚加兩個小菜仲有埋白飯添！如果唔係太鍾意酸菜魚嘅話，都可以揀水煮魚同麻辣雞煲嘅！呢度最值得讚就係有得揀BB辣！以我哋呢啲食唔得辣嘅人來講，又鍾意食酸菜，BB辣就最啱啦！岩岩好，唔會太辣！真係好多酸菜魚呀！超級足料！成個煲都好滿！入面有薯粉，魚肉好滑！魚有細骨，食既時候要小心。如果魚係冇骨嘅就好啦！好香口，惹味！ 肉片唔會太肥！正！第一次食酸辣土豆絲，因為酸既關係，薯仔既質感唔同左，都幾得意，幾好味！好抵食呀真係，平平地食一餐酸菜魚，可以試下呢間！

上次黎BB辣係食放題今次黎試下食lunch佢地lunch set 都幾多選擇有粉麵有小炒仲有每日精選今次試咗酸辣晶絲薯粉 $34加配咗涼菜 麻辣肥腸 $26 另外凍檸茶+$3今次叫咗大辣但吾算太辣個晶絲薯粉份量唔會太多但薯粉係較扁身所以都入味但本身個粉無乜餸所以加咗肥腸呢個豬大腸好食肥瘦適中配埋個粉食一流 👍🏻其實佢仲有好多種小食但因為得一個人食唔到太多款

今日約了朋友取東西，可惜朋友要臨時加班，我只好隨處逛逛等他下班。商場內有不少零售批發商店，誰知行行下給我發現有間麻辣食店，馬上想起朋友十分喜好辣食，不如就進店ㄧ邊食住等他吧！可能時間尚早店內仍未滿座，但已有陣陣的麻辣香味撲鼻，相信今晚可滿足我朋友。一會兒朋友都到啦！我們ㄧ起看過餐牌，不約而同都是想點酸菜魚，朋友知道本人不是吃得太辣，所以遷就我選了小辣。酸菜魚雪白的生魚片泡在酸菜湯內，襯托著紅紅辣椒乾和粒粒花椒粒，眼球被吸引已經目不轉睛。馬上嚐ㄧ口，無骨嫩滑生魚片配上爽口酸菜，煙韌水晶粉，清爽大豆芽ㄧ起食，口感豐富，味道不是太辣，花椒粒帶來的麻痺感，真是越食越過癮。麻辣海蜇海蜇爽脆，混入麻辣汁，十分惹味，是不錯的前菜無骨口水雞去骨的咸雞浸在紅紅的辣椒胡麻醬汁內，令到嫩滑的雞肉添上ㄧ陣陣的麻香味，真係ㄧ邊食ㄧ邊大留口水。酸辣土豆絲師傅將土豆切成幼絲，再加入白醋和辣椒乾ㄧ併快炒，口感清爽，味道微酸，十分開胃。黑糖麻糬糯米條經油炸後，外層脆口，內層軟糯，再淋上甜甜地的黑糖液ㄧ起食，是ㄧ客平凡中見不平凡。咸檸檬梳打咸咸地，檸檬味適中，真係可讓口腔解解辣。石斛竹蔗茅根水食得多辣味菜式，飲番枝竹蔗茅