CURATOR Art & Café (已結業)

我地今日放假啦，約埋一齊去行街街，行完尖東就過左黎K11 Musea，呢度都有好多餐廳，見到呢間Curator都幾Artsy。好，坐低睇下有咩好食先。叫咗主菜，加48有餐湯、飲品。安格斯高級肉眼牛扒配烤薯，超有份量嘅牛扒，有10oz，雖然叫左7成熟，但肉質都好軟腍，仲有肉汁。薯角外皮好脆，裡面薯仔肉夠粉。波士頓龍蝦意粉，龍蝦好吸引，意粉喺蝦身入面，好有造型，意粉掛滿龍蝦肉同醬汁。Venchi 冰朱古力，Venchi朱古力係我至愛，呢個朱古力飲，有濃厚朱古力味，又唔會太甜。丸久小山園抹茶冰拿鐵，雖然飲咗latte，我都可能瞓唔着，但真係忍唔住要飲，奶滑又濃郁嘅抹茶味，滿滿幸福感。

女朋友係讀arts嘅，所以佢一直好鍾意帶我去睇唔同嘅藝術館，話希望陶冶我嘅性情…呢一日佢又帶我去睇藝術品，本來以為又係什麼美術館，點知係一間餐廳！呢間叫Curator嘅餐廳位於尖沙嘴K11 Musea，本來呢個新商場已經係藝術感滿滿，而呢間餐廳更加係好似一個迷你美術館！餐廳display左好多著名藝術家嘅作品，例如大家好熟悉嘅草間彌生嘅signature南瓜作品、村上隆嘅畫作等，所以用餐環境絕對係非常好！餐廳嘅menu選擇頗多，食物以西式食物為主。俾大家睇下個menu我地當晚先order左魷魚圈作為小食。魷魚圈好脆好香，配合埋啲醬一齊食，非常讚！另外我地叫左個龍蝦意粉：隻龍蝦係好鮮甜彈牙嘅，肉質鮮甜。但就得半隻，有啲唔係好夠喉呀！另外，我地叫左杯朱古力latte。呢度嘅朱古力標榜用Venchi嘅，所以好濃好香。甜品方面，我地食左朱古力心太軟同埋tiramisu。值得一讚嘅係兩樣甜品都頗大份，朱古力心太軟外面嘅朱古力雪糕好高質，賣相一流。至於tiramisu可以話係我近期食過最好食嘅！總結：呢度環境好舒適，食物高質，值得推薦！

呢間餐廳結合藝術同飲食，全店放滿草間彌生、村上隆、KAWS等展品🎨菜餚擺碟精美，仲有招牌藝術打印咖啡，啱哂港女打卡👸🏻💗安格斯高級肉眼牛扒10oz配烤薯 ($238)安格斯肉眼扒煎至焦香，肉質鮮嫩柔軟，肉味濃郁且肉汁豐富🥩伴菜方面有原個烤蒜、烤薯角、沙律🧄💗藝術打印朱古力 (+$48)今次揀咗我最鍾意嘅Chip & Dale 圖案俾咖啡師，自選凍朱古力底，然後用藝術打印咖啡機將公仔印落厚滑嘅忌廉泡上，真係靚到唔捨得飲🐿️（✨温韾提示輕輕喺杯邊呷住飲，就可以保留到公仔嘅樣）💗波士頓龍蝦意粉 ($228)扁意粉順滑彈牙，掛滿微酸開胃嘅蕃茄醬 ，配搭半隻波士頓龍蝦，肉質爽口鮮甜，龍蝦鉗更預先拆肉，啖啖肉夠哂方便🦞💗Venchi冰朱古力 ($79)冰朱古力濃郁香純厚，頂層嘅忌廉奶泡令口感更幼滑🍫

一直都想試吓呢間可以印相係飲品嘅餐廳。今次係夜晚嚟見到佢有set dinner，menu見到仲有甜品都好吸引。.我哋叫咗兩杯熱朱古力都印咗去旅行嘅相落去，懷念下去旅行，好靚啊！餐廳佈置都好舒服，周圍都擺咗唔同嘅藝術品。.食物方面，我幾鍾意佢個南瓜湯，飲得出係真材實料。我哋叫嘅主菜和牛同埋波士頓龍蝦，味道都唔錯。呢度食物擺碟全部都好靚，睇得又食得。最開心係最後嘅甜品每樣嘢都有少少，有tiramisu，cream brûlée，仲有macaron，啱晒兩個女仔一齊食。

網上預約了星期六食lunch，一坐低waiter放低餐牌，餐牌上只有很少選擇，價錢都唔係太便宜，當預備order時，完全冇人，需要自行離開座位叫waiter落單。直至食物嚟到，份量非常少，味道很一般，但收這個價錢，真係性價比極低👎。食物味道已係其次，最主要係服務態度，用餐時要求攞tabasco，但等了5分鐘還未送到，於是便離開座位出去問waiter，當時waiter正在跟廚房閒聊，於是問佢攞tabasco，第一反應係答我冇，跟住又話搵搵先🤨，呢個係乜嘢服務態度🤔。到埋單時都係需要離開座位叫埋單，無言。😓

每次嚟K11 Musea 經過Curator art & cafe 都想入嚟試吓，做一日文青嘆咖啡，但奈何每次嚟都全院滿座。今日難得可以收早，咁就早少少嚟碰碰運氣，幸好趕及最後一張枱安全入座😄晚市餐牌可以加$48升級套餐組合或者轉配貴店招牌藝術打印咖啡☕️/朱古力🍫，有得打卡又有得飲點可以錯過。安格斯高級肉眼牛扒（10oz) 配烤薯 $238手掌般大小嘅肉眼牛扒相當有厚度，5成熟牛扒熟度到位，肉質鮮嫩多汁，安格斯牛扒肉味香濃，加埋原粒烤焗蒜頭🧄一齊食就更滋味😋夢幻早餐 $148哩個完全係premium 版嘅all day breakfast ，有超過10款不同食物，包括豬肉腸、煙肉、大啡菇、黑松露炒蛋、冷盤都有煙三文魚、巴馬火腿，同大量沙律菜🥗，仲有幾款水果添。除咗食物豐富外，擺盤都相當有心思，色彩繽紛令人心花怒放🥰藝術打印咖啡/朱古力 （升級加$48）藝術打印咖啡/朱古力可以揀自選圖案/相片，又或者可以揀餐廳default 嘅選擇，小妹就揀咗starry night 同Nara 小女孩👧一上枱就忍唔住要即刻狂打卡，但唔使擔心會好似拉花圖案咁唔得太耐，藝術打印技術就可以延長保持圖案時間😌

今日黎到尖沙咀K11 Musea試下依間好有藝術感嘅餐廳，本身以為以打卡為主，點知原來味道都唔錯，而且有lunch set就更加抵！午餐包前菜、主菜同埋嘢飲，價錢HKD148-168。意大利水牛芝士配蕃茄沙律 - 沙律材料都算新鮮，配埋我鍾意嘅水牛芝士。南瓜忌廉湯 - 南瓜湯嘅味都幾濃郁，都幾推薦呢個湯。意大利香腸及蝦意粉配辣忌廉蕃茄醬 - 依個對於唔食得辣嘅朋友嚟講可能會覺得太辣，我覺得幾好食，辣味好香，配埋香腸同埋蝦，蝦夠大隻，夠足料。三文魚BLT三文治配乳酪汁 - 賣相好靚，三文魚煎得夠香又唔會太油，而且保存左魚嘅肉汁夠嫩，配上乳酪汁同埋麵包，味道好有層次感而且亦都好夾。整體嚟講我覺得除咗擺盤靚，食物嘅味道亦都唔錯，環境亦都舒適，都係尖沙咀食飯嘅好選擇。

🥢SET LUNCH-意大利香腸及蝦意粉配辣忌廉番茄醬 $148套餐跟配餐湯/意大利水牛芝士配番茄沙律湯係南瓜湯黎，好香濃既南瓜甜味，有少少蕃茄既酸味同奶味，好特別😋😋加埋脆脆地既麵包粒，好食🤤沙律菜新鮮🥗加埋黑醋汁特別開胃🥰🥰佢個意粉係長通粉，軟硬適中，加埋個醬汁食落去酸酸甜甜咁🍝雖然佢話係辣忌廉蕃茄醬，但係一d都唔辣，仲好開胃😝蝦都好彈牙🦐🦐🥢+48 Artsy Print Coffee/ Chocolate 藝術打印咖啡/朱古力由於當日咖啡機壞左，所以淨係試左朱古力🍫朱古力香濃，唔太甜，但口味唔係重點，重點係打印既內容🤣🤣大家可以去之前揀定相，去到order個陣店員會比個whatsapp number你send相過去，然後就可以坐定定等飲品啦😍😍如果好似我咁，係張相上面加字既，記住張d字拉返上近人頭既位置‼️如果唔係就會cut走左d字🙈🙈評分：味道：⭐️⭐️⭐️️⭐️環境：⭐️⭐️⭐️⭐️⭐️整體：⭐️⭐️⭐️⭐️————————————————————————

收工過來K11買野，轉角見到尼間好有藝術氣息的主題餐廳，色彩繽紛，就同朋友仔一齊試試。意式火腿配水牛芝士薄餅先上，個餅底好脆好香，又唔會太乾。火腿淡淡的鹹味，配上奶香奶香的水牛芝士，好開胃又滿足。酥脆雞錘配水牛芝士醬，雞錘有三隻，面皮好脆，雞肉咬落好嫩，唔會硬柴柴，芝士醬唔多，點綴在雞錘表面，都好好味。自家製意式肉丸配芝士，芝士控都忍唔住要讚，肉丸的肉香味跟芝士的香味配搭得perfect，又有番茄🍅的味道增加層次。咬一啖肉丸，要咬一啖蘸滿番茄湯汁的麵包，滿足。橄欖油炒墨汁意粉配帶子，橄欖油加蒜末炒得香噴噴，意粉唔會太軟且乾身，帶子肉勁厚，煎得兩面焦香，令人食慾大動。最後上佐tiramisu，賣相靚得來味道都幾好，輕盈的cream搭配濕潤的手指餅，充滿咖啡酒味，都幾出色。

一間好有藝術氣息同色彩嬪繽紛既餐廳，擺左唔少展品同藝街掛畫，燈光好岩打卡😎，最特別之處係有得做藝術打印飲品可選咖啡或朱古力基底😍🫶 只要跟餐+$48比張相佢就有了🫶🫶好靚❤️🌐火炙尼斯吞拿魚沙律超級大份足料，吞拿魚外層燒得恰到好處，味道濃郁，口感鮮嫩，沙律清新同夠濕潤好好食🫶-Chief’s Special-🌐橄欖油炒墨魚汁意粉配帶子佢以橄欖油炒蒜粒，意粉軟硬度好岩我地心意，帶子有成五大粒烤一烤個面，食落鮮甜，熟成度岩岩好，同埋呢個唔會食到成口黑色😝🫶🌐招牌安格斯牛肉漢堡個牛烤得好香，牛肉相當豐厚，一口都咬唔晒要分開上下咁食，超juicy😍勁好食！+$48 可升級加配餐湯&飲品🫶 都幾抵～🌐打印藝術朱古力我地揀左之前一齊去郊外一張好中意既相❤️ 張相既顏色都幾豐富嫁，估唔到印出黎都幾清晰無失真，超靚😘😘佢係一路飲到底個圖都唔會消失😳同之前飲過既唔同，唔洗驚整爛個圖🤣🤣🌐洋甘菊柚子茶另外叫左個茶暖暖肚，養顏又健康❤️ 解膩很不錯，同埋隻杯好靚，好岩呢到既主題😎

Ⓒⓐⓕⓔ 內擺放咗好多唔同嘅藝術品，好有藝術氣氛✨除咗店舖充滿ιgαвℓє之外，就連食物同飲品都可以瘋狂打卡❤️╰☆ʟᴏʙsᴛᴇʀ ʟɪɴɢᴜɪɴᴇ波士頓龍蝦意粉$228龍蝦新鮮，肉質爽口彈牙，每條意粉都掛滿蕃茄醬汁，香濃惹味😋╰☆ʙʀᴇᴀᴋғᴀsᴛ ғᴀɴᴛᴀsʏ夢幻早餐$148Wow 🤩 好色彩繽紛🌈超級豐富✨烤菠蘿清甜多汁，脆皮腸內有芝士粒粒好juicy🤤煙肉煎得香脆，配埋鹹香味十足嘅巴馬火腿、黑松露炒蛋同大啡菇，大滿足😙╰☆ ᴛɪʀᴀᴍɪsᴜ $68賣相吸引，食落咖啡味香濃☕️.，口感幼滑唔會過甜❣️帶淡淡酒香╰☆ ᴄʜᴇᴇsᴇ ᴄᴀᴋᴇ $68芝士控不能錯過嘅甜品，藍莓🫐 芝士蛋糕，入口香滑+$④⑧υρɠɾαԃҽ ƚσ αɾƚʂყ ρɾιɳƚ ƈσϝϝҽҽ/ƈԋσƈσʅαƚҽ我同朋友就揀咗店舖主打嘅藝術圖案，或者可以將自己電話入面鍾意嘅相比店舖ᴘʀɪɴᴛ都可以😌兩杯飲品都好香好滑🤤

今日同朋友尖沙咀K11 MUSEA 附近行完街就入商場睇下有咩食 , 無乜心水直至行到B1層見到此餐廳有D興趣就入去試下餐廳不算好大, 但佈置相當精緻 , 入面掛滿左各式各樣嘅畫作, 仲有唔少公仔擺設 , 令人賞心悅目 , 睇得出用左不少心機 , 場內燈光亦會定時自動轉色 , 黎打卡呃like一流作為一間藝術主題的餐廳 , 佈置方面可謂一絲不苟 , 飲食亦與購物一站式結合環境乾淨企理 , 座位舒適寬敞 , 店員亦殷勤有禮餐牌方面則簡而精叫了一個廚師推介SET 及一個special 再加$48升級套餐order了唔夠5分鐘就開始上枱前菜芒果沙律 及 餐湯(南瓜忌廉湯)沙律正常發揮 , 芒果新鮮又甜餐湯極為濃郁 南瓜淡然的甜味加濃稠接近"湖仔"濃度的忌廉湯CAPPUCCINO(左) 及 LATTE (右)叫了少冰 , 奶滑泡沬 , 咖啡味香濃出眾安格斯肉眼牛扒10安士 $ 238 - 7成熟 , 質地脆嫩酥香 , 內裡深紅牛肉酥軟 , 汁濃味厚 , 咬勁十足 , 牛油脂的香味在口中爆發 , 係正既 , 另配菜脆薯亦見高質德州燒烤味牛肋骨 $398(套餐) - 如圖 , 份量相當龐大 , 外

CURATOR Art & Café 將藝術與美食融為一體，正正與K11 MUSEA本身的風格不謀而合，這次再訪比當時初初開業食物款式略有不同，但一如既往賣相與味道具全。餐廳內擺放著不少聞名遐邇的藝術家作品，例如村上隆、草間彌生和KAWS等，牆上亦掛上多幅畫作，除了用膳之外更有如參觀藝術館一樣。招牌安格斯牛肉漢堡 ($178) 由煎蛋、煙肉、芝士、牛肉、青瓜、番茄及生菜層層疊疊而成，芝麻麵包塗上牛油烘香，牛肉肉質鬆化軟嫩且肉味香濃，煎蛋邊位焦脆而半熟蛋漿更添豐潤感。橄欖油炒墨魚汁意粉配帶子 ($188) 有別於坊間大部分墨魚汁意粉，直接將墨魚汁加入原料製成意粉，食用時亦不用擔心嘴烏齒黑，主要依靠橄欖油作調味並帶陣陣蒜油香，整體比較清淡而口感偏向油膩；不過帶子足足有五粒帶子之多真材實料，煎香至外焦內嫩味道鮮美。夢幻早餐 ($148) 包括黑松露炒蛋、巴馬火腿、香腸、煙三文魚、煙肉、烤菠蘿、大啡菇、法包、雜果及蔬菜沙律，淋上芒果醬香甜清新；煙肉油香豐腴並不過硬；炒蛋生熟恰到好處綴以黑松露醬馥郁濃厚；香腸內藏流心芝士並充滿煙燻香；烤菠蘿亦用上新鮮菠蘿而非罐果菠蘿酸甜多汁。另加$48即可升級為

每次經過curator都會停低欣賞店鋪門口擺放嘅精品，一直想入去食個tea但長期都好多人，今次終於夾到晚飯時間一嚐佢嘅食物。餐廳嘅設計令人感覺置身係美術館咁，坐底仲可以一邊欣賞住牆身嘅掛畫同精品，係非一般嘅視覺享受！套餐 ($398)我同朋友點了一份套餐，再散叫啲食物share食，套餐包晒湯、沙律、和牛主菜、甜品及飲品。當日嘅餐湯有蘑菇湯，湯係由新鮮蘑菇攪拌而成，食到粒粒蘑菇碎，另外仲有碟帶子蝦沙律，帶子同蝦味道鮮甜亦煎得好香主菜方面有10安士和牛，我地點了medium rare, 和牛外面煎得油香，內裏肉質嫩冧亦能夠鎖住肉汁，伴菜嘅仲有青瓜蕃茄沙律及烤南瓜酥脆雞鎚配水牛芝士醬 ($88)雞鎚望落唔大但食落啖啖肉，外皮炸得脆卜卜，再配上水牛芝士醬十分香口意式火腿水牛芝士薄餅 ($98)呢度嘅Pizza係薄脆批底，所以係屬於小食而唔係主食，parma ham夠油香，配埋芝士同脆批底特別夾Carbonara ($168)諗住最後簡單叫個意粉，點知呢個carbonara最有意外驚喜，煙肉件件大大粒，有口感之餘煙肉嘅油香亦滲透每條長通粉，值得一試套餐附送嘅是日甜品，二人share啱啱好Gree

知道有藝術打印咖啡好耐，前兩日終於有機會試到！餐廳從韓國引入最先進的食用色彩，將高清圖像直接打印在咖啡上，唔單止咖啡夠吸引，食物都唔錯。喜歡餐廳充滿藝術感的裝飾，牆上掛滿多幅著名藝術家作品，而且還有很多藝術家精品供選購，當中包括草間彌生、村上隆等等，是一間不能錯過的藝術咖啡店！ᴘᴀɴ ꜱᴇᴀʀᴇᴅ ꜱᴀʟᴍᴏɴ ꜰɪʟʟᴇᴛ 香煎慢煮三文魚 ($198)三文魚慢煮鎖住肉汁之餘，仲煎得啱啱好，外脆內軟，加上三文魚籽的鮮味，令口感更加豐富及出眾。ʙʀᴇᴀᴋꜰᴀꜱᴛ ꜰᴀɴᴛᴀꜱʏ夢幻早餐 ($148)顏色非常耀目的一道菜，食物種類夠豐富，三文魚、煙肉、Parma Ham、藍莓等。我最鍾意嘅蛋夠晒滑，而且仲有我最愛嘅大啡菇同早餐少見嘅燒菠蘿，肉同菜嘅配搭恰到好處！藝術打印咖啡同朋友選擇餐廳提供圖片作打印，未飲都夠賞心悅目，而且口感好滑，可以選擇咖啡味或者古力味。除指定圖片外，還可以提供自己的圖片給店員幫你打印，創作屬於自己的藝術咖啡。