Hungry Korean (新都城中心二期)

营业中

休息中

叫左個牛肉石頭飯，飲梅實汁(味道似酸梅湯，偏甜，飲汽水正常d…)牛肉飯好食，有芝麻香，紅羅白，茄子，芽菜，菠菜，洋蔥，加一隻蛋自己加辣醬，唔辣偏甜另叫炸雞，一般，粉太厚雞肉枚枚地醬就幾好有3種味平民價錢，飯好食因為多菜食得好舒服，炸雞唔推介，飲品就揀翻汽水正常d

去開將軍澳探朋友，朋友介紹樓下間韓式餐廳Hungry Korean都幾好食，就去試下，鋪頭裝修比較簡單，但食物方面都好幾款式選擇!幾個人叫左牛肉韓國壽司，泡菜豬肉豆腐鐵板飯，韓式鐵板牛小排! 牛肉韓國壽司-個人都幾鍾意食韓式壽司，唔會凍冰冰，通常都係微暖或者室溫又唔驚遲左食變壞，呢個壽司味道都唔錯，少少肉味加多少少泡菜一齊食仲正!泡菜豬肉豆腐鐵板飯-鋪頭自家醃製既泡菜味道好好味，同豬肉煮埋一齊，嬾滑既豬肉完全吸收晒d泡菜香味，甜甜地辣辣地好惹味，不過韓式野始終比較濃味配埋軟棉棉既豆腐一齊食同飯一齊食比較夾d!韓式鐵板小牛排-去親韓式鋪頭必點呢款，呢度都整得好好食，牛仔骨好淋好入味，甜甜地既醬汁，令人愈食愈想食，伴碟既年糕都好煙煙韌韌，好有咬口!最鍾意就係呢度鐵板餐，上枱熱辣辣，唔會咁快凍左食得慢都唔怕!飲品凍梅實茶味道好特別，酸酸甜甜，飲落醒神開胃! 凍綠茶牛奶，不過不失奶味重左d，但味道唔錯!

總結: 店鋪面積細，座位不多，但人很多所以要等一陣先入到去。上菜時間好快，約5分鐘就開始黎了。食物都幾“韓式”，味道ok啦，始終快餐店唔好期望好似名店級享受。推介梅實茶酸酸甜甜幾好飲。炒粉絲唔會好油。不過係屬於小食所以份量唔多。牛肉壽司令我諗返起係韓國街頭既紫菜卷梅實茶酸酸甜甜正!雞肉全州拌飯都幾足料架。韓式辣醬。落多多都唔辣

行過見到有間平價韓國快餐，就食下喇叫左個平平地既拌飯魷魚拌飯 $46其實撈埋一齊之後，吾會食到d魷魚味，純粹食魷魚既口感。拌料有雞蛋，茄子，芽菜等，味道就不過不失咁喇冇咩特別但個人認為d服務態度幾好，員工幾有禮貌。

前日在將軍澳新都城買了戲票看電影，電影晚上七點半開場。心想看完電影才出來吃飯，餐廳可能大多已經打烊休息，但是太早吃晚飯，散場後肚子感到空虛又怎麼辦？看見戲院旁邊有間韓國菜餐廳「Hungry Korean」，不如進去吃個晚飯，連同點菜等候上菜在內的程序，應該可以消磨打發一點時間吧。「Hungry Korean」有很多之前我在韓國菜餐廳吃過的食物，如韓國壽司、韓式紫菜卷、韓式炸雞跟辣炒年糕。我本來想吃韓式鐵板燒，但最後被旁邊的石鍋飯套餐引開了注意。因為石鍋飯的外表，實在有點很像全州拌飯，看過「running man」令我對全州的事物特別好奇，特別想試試全州拌飯的味道。「Hungry Korean」雖然說是韓國菜，但它經營模式更像快餐店。「Hungry Korean」沒有漢堡包賣，但它們的食品即叫即做，上菜速度快到超出我的想像，名副其實是韓式快餐店。由點菜後直到石鍋飯上檯那一刻，始料未及整個過程只需要三分鐘左右，真正是韓式快餐啊！整個韓式石鍋飯餐，包括石鍋雞肉飯、三碟前菜和一杯抹茶牛奶，價錢約$69。三碟前菜分別是泡菜、薯蓉跟韓式魚餅。另外有一支韓國辣椒醬放在旁邊，方便之後為石鍋飯調味。三碟

快餐店格局，位好窄，坐得不舒服，本來唔想幫襯，女友話幾地道韓食，咁就試下。店員友善，讚辣雞套餐，只跟一碗白飯，$50，都好味既，但好少好少好少肉，全部都係菜，甜雞套餐，一樣$50，這款肉菜適中，好味既加10元有凍咩梅茶，oK。牛肉壽司卷，$34，唔掂。2人晚餐$154，ok既

快餐除左西式麥當勞之外，韓國亦都會有佢嘅快餐，都係以快，平價為本。為大家增添唔同口味的快餐。唔太肚餓，口痕嘅時候，除咗食燒賣同埋魚蛋之外都可以試吓食紫菜包飯，有d新意。45蚊至50蚊一客韓式餐，先買單後坐，店員攞到埋你個位，唔使又排隊，又攞嘢甘麻煩。甜辣雞炒椰菜配白飯--白飯用咗珍珠米，好林，啱我口味。雞類似雞扒切件，雞肉都尚算滑，食落去甜味重，再配埋個椰菜炒。雖然配搭有少少似中式，但口味的確係韓式口味。泡菜湯--泡菜湯入邊嘅材料除咗有泡菜，仲有洋蔥，少少肉片同埋有豆腐。湯嘅味道好不好濃嘅泡菜味，唔算係辣。另外在配埋一個白飯可以分開食又得，撈埋落去個湯食都得。唔同食法唔同味道。另外仲叫咗個小食，即係蜜糖芥末雞翼。佢呢個雞翼係炸嘅，炸完之後本身隻雞翼係冇乜味，佢另外會配上一個蜜糖芥茉醬，呢個蜜糖芥茉醬個味道就正正係麥當勞點雞仔嘅味道。跟餐加多＄10就可以有幾款飲品選擇，正常嘅凍檸茶，凍奶茶都會有，特別少少就可以飲佢個梅茶，個味道酸酸甜甜咁樣，都幾好。咁講得係快餐店，咁當然係快餐店嘅環境啦，呢度嘅環境其實同其他快餐店係差唔多嘅，位置會比較窄小小，坐得可能冇咁舒服，迫d，但係就一份價錢一份貨

因為正餐成日都食，一個人想食年糕但驚唔夠飽，見Order年糕加$24可以要份韓式紫菜卷，咁就試下啦韓式紫菜卷味道不過不失，不過$24得果4件仲要連年糕上，加$15既3碟小食都分開上啦，都有DD失望，畢竟$34一碟既紫菜卷都有十幾舊炒年糕比上次係尖咀食份量少左，同埋年糕煮得過耐，斷開左同黏碟，不過味道ok下次都係食番正餐啦!!!!!

行開新都城到食飯時間諗起未試過呢間韓國快餐，難得見唔係好多人排隊，又排隊試吓。排隊時職員已送上餐牌，見到餐廳標榜冇落味精即叫即煮。石鍋牛肉飯望落對板，起碼隻雞蛋仲係生可以撈到。石鍋好熱，雞蛋一撈就熟，加啲韓國辣椒醬好冶味。食到底有少少飯焦。泡菜湯跟飯個泡菜湯夠咸夠辣，食落好開胃。呢間餐廳果然比一般同價錢快餐做得要好。

晏晝去開新都城順便食埋午餐，經過Hungry Korean見平平地就入去食。 叫左一個石鍋牛肉飯同牛肉壽司，石鍋牛肉飯($44)餐牌上影出嚟賣相唔錯，但係煮出黎加左蛋黃同其他配料後，成個飯就變得好濕，食落淡而無味。雖然餐廳有提供辣醬，但由於唔係好食得辣，於是唯有照食。 另外叫左牛肉紫菜卷($34) ，紫菜卷有淡淡的麻油味，但略嫌牛肉太乾同味太淡。 雖然價錢唔算太貴，但係整體感覺一般，食物質素平平，類似價錢坊間會有更多選擇。

難得入將軍澳睇戲，就嚟開場去咗間韓式快餐店食啲野員工親切和善嘅服務態度非常抵讚，好有耐性好warm 由落單到送餐唔洗5分鐘，咁先係快餐店o架嘛 一向都覺得牛肉係最好味，所以今次都係揀牛肉，紫菜包飯質素中上，份量就剛剛好抹茶牛奶幾滑幾好飲，奶滑香，但略嫌抹茶香不夠炒粉絲香口惹味，但份量就細份咗啲，剩係咁叫一個當午餐一定唔夠飽，呢個質素好好，出餐又快佢Ｄ麻油香真係條條粉絲都均勻架，所以我地都食到一條不剩瘦身男係第一次食韓國快餐，要挑剔真係第一次食唔知份量咁少，知就實叫多一兩份野食，送餐又快，野食又唔錯，快餐店30幾蚊重想點？無得頂

同肥髀睇戲前食個快飯，因為時間不多，所以食個韓式快餐，去到門口要排隊，店面唔大，綠白色清爽，等5分鐘店員比咗個二人枱我哋，座位幾迫！會聽晒旁邊講嘢！坐好再去收銀處落單，排隊時已經睇定餐牌唸好，店員叫我坐在位置等就可以！食物好快到！ 石鍋牛肉飯（$44）雖然味道正常，亦夠熱，但估唔到配料會用茄子（真係未見過！）軟趴趴，好核突，亦無味道，加上唔喜歡嘅大豆芽，唔喜歡！牛肉較碎，而且韌！因為要同肥髀分享，所以撈時唔落韓式辣椒醬，等𢳂好落碗仔再撈辣椒醬，加番啲香味！ 魷魚壽司（$34）紅黑色賣相靚，魷魚煙韌，加上泡菜微辣！整體好味，係捲得略鬆！飯卷咬唔住餡料，爭啲！ 凍檸茶（$9）茶底唔夠濃！唔過甜！ 凍梅實茶（$9）梅子味道清爽，解膩一流食物之外，店員幾爽手，上菜又會提醒小心石鍋熱！快餐唔一定西式，韓式都唔錯！

此店標榜食物不含味精，不含人造色素，即叫即做。今天來就試了個石鍋雞肉飯。 石鍋飯的主要用料主要是飯加素菜，加上一隻生雞蛋，肉類只是配料而已。此店放在鍋底的飯，軟硬適中，多款蔬菜有黃色的荳芽，橙色的泡菜和甘筍，紫色的茄子，綠色的菠菜，加上撒在面上的一把芝麻，符合健康的多色要求。飯送上來時，鍋很熱，吱吱有聲。我即用勺子拌飯，鍋底的飯已開始結焦了。如果你愛飯焦的話，建議稍等一下才開始拌飯。 石鍋飯的靈魂，是辣醬。此店的辣醬放在清潔衛生的瓶子內，分開上。我先試了一下醬，不太辣，少少甜。愛大辣的朋友應該會失望了。但對於我這種對辣欲拒還迎的初哥，則可按自己可接受的程度，逐步加辣。我一邊往鍋內加醬，一邊試味，調出最合適自己的味道。 吃飽飯，來一杯茶。味道很特別。問阿姐是什麼茶？答曰玉竹茶。回家上網查看，原來此茶包韓國出口，用玉竹和玄米製成。 只44元，夫復何求？

去年才在新都城開業初開店時都見排長龍,,,所以一直沒去試然後漸見人龍少了,,才決定一試!!點了牛肉石鍋飯老公則點了鐵板牛小排另點了抹茶牛奶石鍋飯的醬汁是自行加的加了很多但味道還是很淡而且也沒什麼香味~~牛肉也沒什麼味~~味道一般牛小排味道不錯至少煎得香,,而且夠稔不會韌!!比較好吃些~~~抹茶牛奶則太重奶味不好喝>.<"若不是牛小排搭救一下,,就會給喊臉的了!!

由尖沙咀首間店食到現在全港都開分店，就連家附近都設有一間，全部都經常排滿人龍。6點多7點前總會有位，不用等，職員又布禮貌，招呼周到。食物方面: 魷魚包飯 - 不辣，唯有自行點上大量醬汁。魷魚爽口不硬，其他配菜豐富入味水冷麵 - 冰震湯底帶點微酸，麵條彈口，再加點辣椒醬令味道更加濃郁。