Moodie Wine & Dine

营业中

休息中

🍤西班牙傳統蒜油大蝦 $158用左橄欖油，食都無咁罪惡感🙊味道唔算好鹹，反而配埋轉蒜片食好香口，帶少少辣🌶️蝦既肉質好彈同埋好大隻🍤🍝芝士三重奏肉醬扁意粉 $168店員大推🤩果然食完對眼發光，由3款芝士為主要精髓，上面係脆脆嘅芝士、中間係手磨嘅芝士、再配秘製芝士醬，撈埋食好香芝士既鹹香味，慢慢係口散出黎，配埋扁意粉同滿滿既肉粒，口感好豐富🥰🍲西班牙飯 $238雖然比想像中細少少但份量岩岩好（除非係食量驚人先唔夠食🤣）比較有汁而唔似出面有啲會好乾，上面有西班牙蛋黃醬，味道有啲似sour cream，青口bb，細細粒啱啱好 ，魷魚圈、蝦、青紅椒，飯既口感粒粒分明😆我地加左隻檸檬比較酸、建議唔洗加檸檬就咁樣食試咗個味先😛🍨Homemade Tiramisu ice cream ball$58外觀好可愛，睇得出餐廳用心擺盤🫶🏻有個好似冬甩既碗裝住自家制雪糕🍨亦有espresso啫喱增加口感，再配espresso ，令個味唔會偏甜，建議唔好不到咁深，唔係會太苦🤣💙餐廳下層主打藍色格調，上層則用木格調，店員亦超級nice，對客人有傾有講，好熱情，又會講解食法😆餐廳好有心機、無論擺盤定係食物質素上都好

中環蘭桂坊附近既橫街不嬲都係搵食好地方，有好多精緻既小店今次黎到 Moodie Wine & Dine 餐廳，食到性價比高，又有水準的西餐！前菜：西班牙傳統蒜油大蝦大蒜橄欖油既鮮蝦料理，帶有煙燻辣椒粉大蝦新鮮彈牙，每一隻都沾滿咗香氣濃郁嘅蒜油將醬汁同鮮蝦舀係酥脆既烤法式多士上面，絕對係朋友gathering 既開胃小食主食：龍蝦湯蕃茄長通粉配雞胸長通粉係大水管，粗度一流長通粉亦煮得剛剛好有嚼勁，好掛汁加埋啲龍蝦湯同新鮮蕃茄，味道鮮甜，好豐富雞胸肉慢煮，好滑好多汁，甜品：提拉米蘇夢幻雪糕配特濃咖啡啫喱中間嘅忌廉非常Creamy，有濃厚芝士味同蛋香，再加埋上面嘅可可粉，味道香濃而甜度適中，口感柔軟濕潤，最緊要係食完唔會覺得膩成為左今日既Happy Ending 值得Encore!

香港西班牙菜我总共试过3间尼间最岩我口味店面不大，但氛围很好，而且格调不错中环的Moodie之前有朋友来尝过，推薦过来说这里中午性价比較高，而且出品挺好的这次我们点了2个套餐1.秘創香辣蒜油煮法國藍青口 配薯条法國蓝青口是我的心头好香港的普遍是用纽西兰青口，偏大但是较靭，一般冷盤多而Moodie的选用法國蓝青口，更嫩，而且鮮味很足加上秘制辣蒜油，有点点刺激，真系好看薯條含薯量高，好有薯味，不会干巴。中午套餐1682.龍蝦湯蕃茄長通粉配鸡胸也是他们家招牌也是很香，有蕃茄的酸甜，还有点隱藏的蜂蜜味，挂汁充足，口厚也有咬劲，太愛了鸡胸也好好吃，一点都不柴158加40有一份蘑菇汤和甜品、沙拉沒想到跟餐的磨菇汤很香醇，沙拉是干无花果沙拉，很新鮮的感覺，擺盤好好看，一看就是有诚意的。我另外叫店員来了一点橄欖油真的有我在英國时的感覺。

餐廳位於喺蘭桂坊附近，裝修優雅，仲帶啲浪漫嘅氣氛。秘制青蘋果柚子漬帶子配沙律沙律菜帶子新鮮，配上清新口味嘅沙律醬汁，作為前菜都幾開胃。芝士三重奏肉醬扁意大利粉呢一個意粉除咗靚之外，邪惡又好好食，佢係滿滿嘅芝士，意粉上面係個人最鍾意嘅脆脆芝士，鹹香脆口，意粉濃郁嘅芝士味，再配上香口足料嘅肉醬，值得推介。自家製提拉米蘇夢幻雪糕配特濃咖啡啫喱佢啲甜品都幾出色，首先呢個Tiramisu雪糕有驚喜。佢係好Creamy 細滑嘅口感，真係有Tiramisu嘅感覺，再配上特濃咖啡啫喱配合返味道，呢個唔會話太飽肚，食完咁多嘢都一定有位可以試埋呢個！ 肉桂蘋果金寶Apple crumble 呢個係個人其中一樣鍾意嘅甜品，入邊嘅蘋果餡料係呢一道甜品嘅靈魂，食得出佢好足料，因為入邊係滿滿嘅蘋果同埋好香嘅玉桂味。再配合上面嘅脆脆，味道同口感都好豐富。

蘭桂坊串燒店轉入嚟嘅呢條街其實好多好野食😋位於珍姐隔離，有兩層高，以高貴嘅藍黑做主色，裝修幾有情調✨餐牌選擇喺小店嚟講都算多，有傳統西班牙前菜、意粉、主菜、青口同甜品等👀同埋感受到煮食嘅人好用心，無論係擺盤、食材定係味道都超出價錢🥹👍🏻亦都係即叫即整熱辣辣上碟💯上菜速度亦好快✨西班牙傳統蒜油大蝦🍤 $158感覺Gambas做法好繁複，多步驟多功夫，覺得都係喺街食好過喺屋企自己整🤣賣相非常吸引，食落味道好濃郁帶有鮮味，蕃莤蒜片配橄欖油味好香，帶有少少辣勁好惹味，另外配咗六塊香脆嘅麵包多士，擺滿蒜片加上醬汁嘅麵包多士真心💯主角蝦🦐大隻得嚟非常彈牙，果然冇令我失望😋✨法式明太子意大利粉 $168味道好特別嘅明太子意粉👀原來係因為冇用忌廉，低卡路里嘅選擇更加健康，但口感上依然係係非常Creamy濃郁，明太子味好重但唔會膩，配上紫菜絲👍🏻一乾一濕，可以中和口感，亦配有檸檬🍋個人比較鍾意明太子加檸檬汁，酸酸地嘅口感覺好開胃😋✨💫Moodie Style 秘製香辣蒜酒煮法國藍青口🧄 $178曾經有人教我餐牌上面有餐廳名嘅菜式就係Signature👀😋五款味嘅青口望落都好吸引，第一次嚟就一於試吓Sig

環境5分：西餐廳地下樓上兩層格局，圓形樓梯上落好有格調，廁所近門口，畀藍色佳磚遮住，外觀好特別，環境可以畀滿分。衛生5分：地方乾淨企理，光猛通爽好舒服。服務5分：服務一流，一個靚女侍應搞掂囇，落單傳菜加水全部爽手速度快，雖然佢要上上落落條樓梯但都好落力，態度非常好，一定畀滿分。味道5分：1)     西班牙辣肉腸牛肉他他有隻生蛋黃响上高，撈勻囇黎食最香滑，搽少少上旁邊四塊附送嘅西班牙多士面，味道已經夠濃郁，辣辣地好惹味。2)     所以食到半路就要加六塊酸種麵包黏埋餘下嘅牛肉他他，實在太好味。3)     西班牙海鮮飯有蝦，青口同魷魚舖面，滴幾滴檸檬汁上去零舍開胃，Ｄ飯粒濕濕地非常煙韌，好香口，好飽肚。抵食5分：西餐廳二百幾蚊位，有牛肉又有海鮮飯，非常超值，滿分。

🥳Happy Friday night🥂🥂去飲嘢之前梗係醫下個肚先啦😋捐窿捐罅搵到呢一間西班牙菜，細細間，但係響店外望到入面有個開放式廚房🧑🏻‍🍳好似幾特別，就入去試吓🍴🥗秘製青蘋果柚子漬帶子配沙律🥗新鮮既沙律菜🥗鋪上厚切帶子刺身，淋上特別調製既柚香醬汁，搭配著新鮮生菜🥗一起食用，酸酸甜甜加上新鮮帶子嘅鮮味，真係越食越開胃。🌶️秘製香辣蒜油煮法國藍青口配薯條🌶️青口味道清甜，配以秘製香辣蒜油烹調，煮緊既時候已經香氣撲鼻，令人流曬口水，即炸薯條大大條，送酒🍷一流👍🏻🥘西班牙海鮮飯🥘熱辣辣海鮮飯，飯粒嘅生硬程度煮得剛剛好👍🏻，入口有新鮮蕃茄🍅酸甜味，八爪魚🐙口感非常鮮嫩，食落唔會韌，而且非常入味，如果自己再加少少檸檬汁🍋入去，會令成個西班牙海鮮飯嘅口感更加有層次。

今日同朋友聚餐，佢推介公司附近的西班牙餐廳，話呢間位於中環蘭桂坊的餐廳，價錢唔貴而且食物質素高。地膽推介我當然有信心🤩。店鋪分上下兩層，裝潢簡約精美，最喜歡牆身用上鉆藍色的磁磚😍，令小店增添貴氣。餐牌選擇貴精不貴多，重點係現點現煮。6 Slices of toast $48.-酸種麵包多士，熱辣辣外脆內軟，味道微酸帶陣陣麥香味😋。蒜香大蝦火山扁意粉 $178.-大蝦非常大常，質感爽口彈牙，味道鮮蝦味足，扁意粉軟硬度啱啱好，加上蒜香醬汁帶有辣勁，更加惹味口🥰。西班牙海鮮飯 $238.-海鮮飯色澤非色吸引，用高湯及海鮮燉過嘅飯，飯粒濕潤，質感軟熟中心微硬，味道鮮香有陣陣蝦味，蝦及魷魚爽口彈牙，青口嫩滑鮮甜，熱辣辣零舍好食😍。

藍色的瓷磚是餐廳的基調，黑色扶手弧形旋轉樓梯是餐廳的風情，開放式的吧台廚房設計，令你看得見主廚的用心和細緻🧑‍🍳❤️🍷🌊傳統白酒煮法國藍青口 $178堆得滿滿的青口鮮味滿載。每一隻肉質嫩滑的青口裡有一片小小被炒至金黃的蒜片，去除腥味、提鮮甜味的同時，保留著青口原始的鹹與那淡淡的海水味。鍋裡三分之一的湯底，沒有任何人工加工的痕跡-雞湯/鹽。一口飲下，汁底還原了食物最本真的鮮美 - 只有白酒和青口的味道。千萬別浪費了這令口中鮮味滿載的機會，必須點上麵包沾著來吃呀！！！附新鮮炸薯條！🧀🍝芝士三重奏肉醬扁意大利粉 $168那彷如法國女人戴在臉上的優雅短面紗，不僅在視覺上、味覺上都驚豔到我了。這麽大一片薄薄、脆脆、暖暖、淡淡，想必是極烤功夫的，每一口都令人意猶未盡。搭配另外兩種形式的芝士，沒有想像中的鹹，有得只是淡淡的優雅，不搶風頭，卻畫龍點睛。🇪🇸西班牙油條配巧克力醬 Churros $78外層香脆，質地硬身，裹上糖分，淋上巧克力醬。我想唯有用西班牙經典美食Churro作結，這一餐才完整，滿滿的幸福感💕

上星期約左朋友係中環食dinner 由於朋友係中環番工 知道邊度有好野食 就帶我去試左一間西餐廳 秘製青蘋果柚子漬帶子沙律$148前菜我地點左呢個沙律 最吸引我係帶子 好鮮甜 其次係個沙律醬汁 酸酸甜甜好開胃 d沙律菜又夠fresh 推介 傳統白酒煮法國藍青口 $178朋友鍾意食青口 我見menu上有好多款式ge青口 我地最後揀左白酒煮 好大碟 份量好多 粒粒飽滿 用白酒煮完全可以帶出青口ge鮮味 very good, yummy 薯條好香脆 超好食 明太子意大利粉$168主菜我地揀左明太子意粉 上面加左極多紫菜 岩晒鍾意食紫菜ge我 個意粉好creamy 濃濃明太子香 正 總括而言 店員好友善 食物水準高 呢間西餐廳係絕對值得推介 下次試埋其他食物and飲酒chillchill

今日試左中環一間西餐廳, 食物水準都幾高而且好精緻Blue Mussel, Shrimp, Squid Saffron首先試左西班牙海鮮飯, sauce食得出番茄mix海鮮嘅鮮味, 海鮮配料非常豐富而且份量都幾多, 飯就煮得岩岩好軟硬適中, 有輕微嘅咀嚼感, keep到每粒米都沾滿sauce同油光, 而重點係鍋底個層飯焦, overall好有層次感Homemade Apricot PuréeMain點左慢煮伊比利亞黑毛豬配秘制杏脯醬, 呢個品種嘅黑毛豬都可以話係頂級, 肥膏同肉嘅ratio適中, 肉質濃郁而且鮮嫩, 配埋個homemade sauce完全係畫龍點睛, 杏脯醬甜甜地balance番黑毛豬嘅鹹香好fresh西班牙油條配朱古力醬最後試埋甜品西班牙油條, churros面頭佈滿左classic嘅肉桂粉, 炸到外脆內軟, 而朱古力醬有機會mix左少少黑朱古力因為唔會太甜, 又唔會好油, 超滿足!

喺中環收工，同朋友去咗一間近蘭桂坊唧西餐餐廳。 喺出邊望入去個裝修好特別，有啲情調甘。睇餐牌見佢好似主打係整青口。首先係佢哋嘅秘製香辣蒜油煮法國藍青口鮮甜嘅藍青口配上辣辣嘅蒜油，味道超級鮮甜。我估佢嘅藍青口係新鮮空運到港所以食落去非常鮮。 佢嘅尺寸亦會好大粒，唔似急凍嗰啲。配合麵包同薯條食又幾夾。巴馬臣芝士肉醬扁意粉佢嘅扁意粉係比較闊身少少，意粉彈牙，上邊有極多芝士好似唔使錢咁！芝士濃郁，食落好滑好香。再配合埋肉醬嘅蕃茄醬汁，唔會太膩！龍蝦湯蕃茄長通粉配雞胸 推介龍蝦湯濃郁香濃，長通粉吸收咗湯汁，每一口有龍蝦汁嘅鮮味，但係又唔會太Creamy！ 佢嘅雞胸煮得非常林，唔會好柴口！牛肉他他 同日本嗰種唔係好同。 佢家有少少醋，食落去好醒胃！牛肉鮮嫩多汁，牛味都好重，加埋酸種麵包，簡直一流！甜品焦糖燉蛋燉蛋都幾滑。總括黎講，環境服務都唔錯。 鍾意食青口嘅一定要試吓，佢青口好似都有四種做法，有蕃茄底蒜蓉底芝士底。

港島收工之後同男朋友去soho區食個dinner，揀咗呢間moodie wine & dine.Main點咗一個西班牙海鮮炒飯，另外一個pasta.講下味道先，西班牙海鮮炒飯有大蝦、青口各三隻，另外仲有魷魚圈。海鮮都算新鮮，飯底係蕃茄味配上特色醬汁，加埋檸檬汁感覺更清新。意大利米嘅飯底有別於其他香米，有咬口、水準正常發揮。另外雞胸長通粉反而驚艷到我，推介大家一試。長通粉醬汁好creamy，面頭灑滿芝士碎同香料。雞胸份量都好足夠，有肉汁唔鞋唔韌。最後食埋甜品。今次食咗焦糖crème brûlée. 蛋味濃稠，面頭夠焦香焦脆。見到有apple crumble都好吸引。可惜食到呢度已經飽咗，留待下次再試。

朋友在這餐廳食過lunch，說味道不錯，一於晚餐帶我來嚐一嚐。地點方便，在蘭桂坊往上附近轉個彎就到。餐廳有兩層，但每層地方不大，用上整面蔚藍色的牆，感覺舒適。•我們點了幾款食物: 傳統白酒煮法國藍青口 $178 經典的白酒配青口佐薯條🍟。賣相不錯，滿滿一桶的青口。青口雖然每一隻不算大隻，但味道鮮甜。醬汁味道頗濃郁，略咸。薯條新鮮炸起，外脆內軟金黃誘人。•蒜香大蝦火山扁意粉 $178 🍝 一上枱就聞到陣陣蒜香氣。蝦子又大又鮮甜，啖啖肉。扁意粉醬汁濃郁，一樣稍為過咸，但味道不錯。如果調味能輕手些則更為惹味🙈。•Churros with Chocolate Sauce $78 西班牙甜點的代表! Churros外酥內軟，灑上細砂糖增添了甜味的層次，搭配上濃郁的巧克力醬，啖啖滋味令人無法抗拒的甜品。推介！ •餐廳環境舒服，店員有笑容有服務，和朋友仔傾得開心~ •As usual, menu for ref :

收工約左舊同事係娛樂行睇夜場，係附近周圍行吓睇吓有咩野食，行過和安里成條街好多餐廳，經過呢間餐廳門口見到人地叫既食物賣相唔錯，價錢又唔貴，就行入去試下先。餐廳佈置得好地中海風格，下層適合2人世界，另外有條旋轉樓梯上一層，可以一大班人聚會。 餐牌選擇唔算多，嘢食雖然配搭簡單，但食落又幾有驚喜， 我哋叫一個前菜、一個主食、一個甜品。前菜係西班牙傳統蒜油大蝦，每隻蝦都好重蒜油味，超彈牙，帶少少辣，味道好夾。萬眾期待既主食慢煮伊比利亞黑毛豬配秘製杏脯醬，食落好juicy而不膩，配埋嗰張酸酸甜甜好開胃，加埋香滑薯蓉，食到停唔到口。食完主菜都已經8成飽，埋尾加多個甜品先至完美，甜品原本想試西班牙油條配朱古力醬，可惜賣晒，店員就介紹試佢哋個蘋果金寶，蘋果蓉再加埋肉桂嘅香味，酸酸甜甜有熱辣辣嘅果蓉，配埋凍冰冰嘅雲呢拿雪糕，簡直係絕配。值得一讚喺餐廳店員好細心，當我哋食完嗰頭盤，店員好主動講主菜要多少少時間準備，中間好留意我哋需要,適當時候添水同換餐具。