Oasis Cafe & Party House (已易手) 新餐厅

周日到oasisi cafe鬆一鬆, 坐位幾寬敞 點左推介的黑松露忌廉珍珠帶子天使👼麵，天使一上檯，黑鬆露股香味撲鼻而黎，天使麵配埋特製香草忌廉一齊食，好滑，而不膩，帶子好彈牙，仲有小小蘑菇吊下味，令到成個天使面的味道更加豐富， 食面的同時當然要飲返杯心愛的朱古力奶昔啦，相機食先不再話下，朱古力奶昔特別在不是很甜，面頭配合小小可可粉，可算系畫龍點睛，味道恰到好處， 小食當然少不了照燒雞柳啦，賣相一流，燒到表面剛剛好小小金焦，外脆內嫩，小小焦糖味，加照燒汁更是加多幾分! 環境舒適，絕對系舒緩壓力的好地方!題外話～ tea set 好抵食，有野玩有野食！

叫左戴安娜花茶嘆，入面配搭左好幾款乾花沖制而成飲落有獨特既花香味，俾人一種清新怡人既感覺，店員仲好細心問我地花荼會唔會太濃，俾左d蜜糖我地調味藍青口味道香濃。無海產類本身既腥氣，配埋蔥粒一齊食味道更香。肉味真係好鮮甜，同埋肉厚﹐無沙﹐充份吸收濃味白酒醬汁味道﹐但係酒味唔強烈，唔好酒味既朋友都可以放心食，青口份量都算幾多，同埋煮得好入味。小食有好多款揀，樣樣都想試，最後揀左特式拼盤因為貪佢樣樣都有d，而且又抵食。到上菜時，果然不負眾望大大碟拼盤，有日式餃子，咖哩角，春卷，雞翼，串燒等等…. 睇見都流哂口水。食落口感好脆，加上泰式醬既點綴就更加惹味。我同friend 食到停唔到口，哈哈吉列炸蠔肉僅熟，蠔肉軟滑、濕潤。新鮮熱辣炸出既蠔真係好脆口、香氣噗鼻，又大大隻，咬入口係嫩滑肥美既蠔肉，仲有汁，好有驚喜。卡邦尼意粉調味岩岩好。煙肉亦好多，質地al dente 好creamy賣相黎講可以見到佢成個意粉都充滿住濃濃芝士汁，配料有煙肉，味道好香好濃郁，配埋鹹鹹地煙肉一齊食，味道更佳。呢個意粉的確好好食龍蝦汁海鮮意大利燴飯，燴飯沾上龍蝦汁同鮮蝦青口既味道，而且配有白酒香味，食落好rich同juic

星期日行旺角，行到五點半左右，好攰想找個地方慢慢坐下食反杯好啲嘅咖啡，行到先達附近見到個依拉架見到有間oasis cafe，環境同食品都幾好～我今日叫咗個卡邦尼煙肉意粉，個汁好濃😍😍，意粉好有咬口，煙肉好香😘😘飲品我當然係我至愛嘅mocha，杯mocha一來到真係好香，好濃咖啡味，個套杯好靚😍😍最後叫多一個甜品朱古力雪糕窩夫，個窩夫外面好脆，內裹好鬆軟，窩夫好熱配搭好凍嘅雪糕，多種配搭嘅味道層出不窮👍🏻👍🏻

呢間係正先達個到 其實平時都冇留意到呢到有餐廳 係咁岩係樓下見到2拉架 就盲終終 終左上黎 鋪頭都好大 最正有電視睇 又有好多玩具玩 佢仲要冇時間限制 好岩一大班人上黎hea下 佢都算好多野飲選擇 食物方面主要一頁小食一頁主菜 小食都好平 平均先40幾蚊 主菜就一百蚊到 最後我就每樣簡左一種黎試 白酒藍青口香酒味超香 帶有小小牛油香味 用上好多洋蔥 蒜頭一齊煮成 入面仲有小小黑胡椒吊味 青口好入味 唔會好un 芝士拿破倫鴨胸意大利燴飯佢落單既時候 會比你簡想要硬定軟既程度 佢先用左洋蔥爆香左 加入飯 再用左番茄汁加芝士 去煮 好香 食每一淡都食到芝士同洋蔥味 再有小小番茄味係口到 飯方面本身我要左硬身 佢都煮得岩岩好 中間仲係有小小硬身 好好口感 上面有好多好濃味既鴨胸 用左好多黑胡椒去焗製 又香個鴨胸又滑 好好味 藍苺果茶 入面有藍莓 葡萄 芙蓉花 黑加倫美顏養生之選 好香花味同生果味 酸酸甜甜咁 都幾好飲 店員仲好細心 見到差唔多飲完再幫我地加熱水

 旺角亞皆老街83號先施大廈4樓406室想同好姊姐吹下水都計劃行程資料, 出旺角找個地方坐下好好商量安排,其實旺角每處都多人又嘈, 只好去樓上CAFE。2個女生, 朋友食量好小, 點了一份SET DINNER,十多款DINNER SET 飯同意粉等都不過一百元,更包予$38以下的飲品一杯, 如過了金額補回差價就行了。意粉是黑松露醬帶子天使麵, 向老闆反映份量超多,根本是出面正常SIZE的2倍,2女生合力加吃力才吃完沒有浪費。黑松露醬很多加上白汁, 每條麵都沾上了黑松露醬香,帶子很綿也成近二十粒, 比起坊間吝嗇只比你數粒,這兒真是良心的說。小食拼盤,雞翼和薯條等, 即炸每口都是香脆無比,最怕就是為了方便的店家, 炸起後放耐了已經不香脆,更有油脂結在表面, 而雞翼真的香吃更有蜜糖提味。咖哩角春卷炸得不油膩又脆如薯片, 就算怕熱氣都禁不住完全消滅它們。芝士焗西蘭花, 水煮後才焗西蘭花太軟欠了份爽口的利落,豐富的白汁令西蘭花更好味, 更宥芝左粉及脆煙肉碑提味,味道不會淡身。見有美容功效花茶小天使$52,有 玫瑰花, 檸檬草同茉莉花,聞上去就沒什麼花香味, 待加熱焗出味道,飲入口都有微微的花香,

假日約了朋友出旺角食野行街，1出地鐵站見到banner不如就試下呢間cafe la。雖然是位置於井型大廈中，有點混雜，但又帶點王家衛電影式的迷離，讓人有種探險的感覺。不過招牌都很顯眼，讓人容易就找得到。入到去是個面積頗大的空間，裝飾都有心思，有不同的紙牌遊戲，是個舒服談天的好地方，而最特別的是可以預留靠窗的位置給大班人聚會。餐牌有小食、甜品、飲品的選擇，最特別是有以十二星座命名的飲品，好有心思呢，不過我都係想飲朱古力，下次再試吧凍榛子朱古力($45)，上面噴了一大圈忌廉增加香滑感，榛子味好香唔會搶左朱古力味，好好飲！卡邦尼煙肉意粉，份量很多，忌廉汁很濃厚，每條意粉都係忌廉香味，而且軟硬合適，食唔停口。有個插曲是剛巧老闆出嚟問我地覺得食物如何？有咩需要改善？我問卡邦尼不是會加些洋蔥更香口嗎？他說在澳洲學煮時正宗的煮法只是加煙肉。我又學到野呢!而且老闆人很和善，要不是他還要去入廚，應該還可以請教更多。車打芝士海鮮焗飯，份量比有些餐廳還多，滿滿一碟。上面有厚切的魚柳、八爪魚、青口、魷魚同蟹柳。熱騰騰的飯是用日本或台灣米，粒粒飽滿，加上白汁好惹味，個人更喜歡呢個飯。平時食呢種白汁都覺得好鹹同蓋

Weekend行街行到攰想搵野食 周圍都人山人海於是轉戰樓上既cafe 可以hea耐啲 樓上cafe通常都係食西式野 呢間都唔例外而比較特別既係 呢間細細既cafe竟然有意大利燴飯 咁就當然要試下啦我點左黑松露醬珍珠帶子意大利燴飯 而朋友就點左忌廉煙三文魚配天使面 不過我地都是share食的😆天使面好快就上枱 個樣都唔錯 不過就覺得三文魚既量比較少 （雖然係有2大塊 但就覺得唔係幾夠喉） 意粉既質感好好 唔會過硬或過稔 咬落岩岩好 忌廉汁都好足本 每一條面都充滿忌廉汁 唔係求其淋啲汁上面 抵讚！ 而意大利飯就等得比較耐先有 但ok啦我地share食 完意粉一陣就有意大利飯食lu 呢個飯既味道比賣相吸引 個樣就普普通通不過呢 都未擺低個飯就已經聞到陣陣既松露香氣喜歡松露醬既人 一定會勁鍾意！珍珠帶子數量好多 食極都好似仲有 口感亦唔錯 帶子既鮮甜味並冇比松露醬完全蓋過 而意大利飯既口感都好好 比平時食既飯偏硬身 好有口感食完野 唔想走住 於是 點左可以飲好耐既花茶花茶我點左一款話有瘦身功效既小天使😂入面有玫瑰花 茉莉花 檸檬草花茶一黎到 哇 靚阿 好浪漫咁既樣原來入面仲有桂

早幾日約左一個好耐冇見既朋友食晚飯，所以想搵一個可以坐得耐啲靜既地方傾下計，於是就搵樓上cafe。先施大廈，我都係第一次去，好多賓館。其實有少少驚既！一入到去冇咩人，都擔心架。好彩點完野食就陸陸續續多好多人入座。 我點左一個龍蝦汁海鮮意大利飯。一杯芒果乳酪。意大利飯等既時間比較耐，大約20分鐘左右，不過cafe有好多card games玩，好易消磨時間。而家同朋友掛住傾計，啲時間都過得好快！個飯一黎到，已經聞到好香好creamy的味道！口水都流😆 意大利飯食落口感偏硬，米既心好似比較硬身！同左老闆娘講（煮既係就是她），佢話有人鍾意硬啲又有人鍾意稔啲，下次可以落單時同佢講講要求。就係咁，本來少少扣分，但都變成加分！個飯既海鮮有青口、蝦同小帶子，都幾開心，每樣海鮮都有調過味，而且味道唔錯！青口食落爽口配埋龍蝦汁味道有海水味亦帶甜甜既creamy味道，蝦就彈牙鮮甜，小帶子就冇咩特別好壞啦～而芒果乳酪，就有乳酪既酸味，而芒果味就淡淡香香的，成杯野好易入口！唔會話個芒果味好假～ 總括黎講，呢餐係滿意既！亦都係旺角中寧靜舒適既一間cafe。

有人話旺角好迫好多人其實都係睇你識唔識得係邊搵好野姐今日我就來到旺角十分繁榮嘅商場～旁邊既一間上樓CAFE 上到去嘅感覺一啲都唔迫，而且仲好寬敞好舒服！上來嘅目的係醫肚然後再落去行過街所以叫左一個帶子黑松露天使麵見到材料好豐富！帶子講緊有成十幾粒，煤氣味黑松露更加係唔吝嗇拌勻碟內意粉之後，每條意粉都會有沾上左黑松露嘅香氣天使麵係幼面嘅質地，所以更加容易吸收左啲汁，食起上來更加入味！當中仲有蘑菇，估唔到上樓CAFE既意粉水準都咁高～另外嘢飲名稱好吸引～點解咁吸引呢？就係因為呢度有一頁嘅嘢飲係用星座來命名！雖然我唔係天蠍座，但係我就叫咗一杯天蠍座嘅嘢飲 成杯飲品顏色好靚，感覺好清新唔知其他嘅星座係點嘅呢見到隔離枱一對情侶拍拖仔玩board game 遊戲但是令我好懷念年青的感覺下次一於叫埋舊同學上黎GATHERING～～～

估唔到先達可以買電話之外仲可以搵野食～地理位置算好方便！上到去見到好多沙發位，係旺角行得太攰上嚟坐下係個唔錯嘅選擇～ 我叫左一杯oreo奶昔哈哈～呢一杯飲品應該會好肥不過間唔中飲下又無乜所謂嘅（自我安慰中）～～～野飲上層先係厚厚嘅CREAM再灑上OREO餅碎下層就係OREO加朱古力打成嘅奶昔飲落唔係太甜，但係就好重oreo味最緊要係夠冰凍行街上嚟飲番杯野簡直係透心涼飲到最後都保持水準，唔會話D冰溶晒或者溝浠左 另外叫咗個小食拼盤份量都幾多，二至三人分量有六款小食，包括：雞翼、咖喱角、煎餃子、雞肉串、春卷同埋麥樂雞雞肉串燒汁好好味～雞翼呢，蜜糖唔會停留係表層，而係滲埋入去夠入味其他炸物都做得幾新鮮，唔會話炸到冧晒或好油吸油紙令到我覺得整個小食無咁邪惡！ 另外見到佢好多card game同一大班朋友GATHERING下，又或者一齊出嚟玩吓應該都係一個唔錯嘅選擇因為野食又好味，位置又方便，仲有咁多遊戲玩！

吹水好地方平時去開樓上cafe, 通常都集中係油麻地登打士廣場個邊,今日同朋友行完花園街,想係附近搵個地方食飯唔會俾人趕走,就試下上網揾,估唔到先達樓上都有樓上cafe.樓下已有當眼易拉架廣告。老實講, 外面走廊真係有D似警匪片D槍戰場景。你可以話有特色又可以話比較舊！cafe 隔離係一間拳館，都算易揾！可能經濟差,星期六都唔洗book 位,walkin 都仲可以坐到窗口梳化位，4人卡位好寬敞，又有有線睇，吹水一流👍😁我哋2個人各叫咗一個卡邦尼意粉同埋海鮮飯既set，天氣咁凍就各要左個花茶，因為可以無限次添飲 ！個卡邦尼意粉中規中矩，無乜特別，但份量都幾多，食落都有D漏。反而呢個海鮮飯有驚喜！由於我好鍾意食芝士落單嘅時候要求老闆幫我落多啲芝士，老闆又真係落重芝士焗，👍！海鮮飯材料充足，有蝦，青口，魷魚，蜆肉，蟹柳等材料，配埋濃濃既芝士淋面！飯既硬度適中，強力推介！飲品就簡左花茶，選擇就有4款。我地要左個薰衣草味既Diana系列及洛衛神花茶。甜度岩岩好！洛神花茶本身比較酸，但老闆俾埋蜜糖就剛剛好！花茶沖左幾次都仲有味但係顏色就變到比較淡色，但hea 住飲咗幾次算ok既！推介 :窗邊卡位 

呢間cafe ，我地已經去過幾次，今次同朋友點了兩個set一起分享：忌廉磨菇吞拿魚長通粉和日式咖哩豬扒飯，還點了小食拼盤。兩個主菜都很好吃，特別喜歡長通粉的白汁，好濃嘅忌廉湯味，又有好多磨菇和芝士，係我至愛，很好吃！咖哩豬扒都唔錯，啲汁唔係好辣，甜甜地，加埋入灑味D薯仔，好開胃！個小食拼盤，雞翼和薯條又係一樣好好食既，薯條新鮮炸而且有皮，比夠少食到。如果可加芝士就更好。雞翼脆脆地，有D似家x雞啲味，正啊！飲品我地叫咗芒果乳酪，酸味味有D益力多味，奶味亦剛好，好似食緊甜品yogurt ，而我自己就叫咗個＂隨意＂飲品，係由店主自由調配，叫"藍色珊瑚"，顏色好靚，似湖水禁，味道有D似波子汽水，好特別啊！這裡的環境不錯，很舒適，差不多每張抬都有sofa 位，野食都ok，又多野玩，唔係好多人，係一個傾計同玩既好地方。有機會會再來。

今日同朋友行旺角中心買嘢，之後想坐低傾下計，飲杯嘢，見到個banner 附近有間cafe ，便上去坐下。呢間cafe 都ok，分開咗2個areas，大部分位都係梳化，幾舒服，只係大廈舊啲同附近有間拳館。3點鐘左右，menu 可揀lunch set 或tea set ，四十餘元，係旺角鬧市食野係禁上下。我比較喜歡食甜品，叫咗個比利時窩夫，個餅係熱熱地同脆，配埋雪糕好好味，只可惜只有2款味選擇，如果多啲就好喇！餐飲我叫咗柚子蜜，味道ok 但係套杯就好靚，全set 係白🐰，好可愛啊！我朋友叫咗個海鮮併盤，入面有帶子，炸蝦，魚手指，蟹蚶同薯條！啱晒我最鐘意食海鮮既我，而且唔會炸到好硬，感覺冇平時禁油膩，推介其中嘅有皮薯條，比平時出面食脆好多，套餐加$15 可再加薯條，抵啊！👍😍

小學同學聚會，於是上網找cafe，看到這裡就腳便上來試試。平時我覺得CAFE,食物一般般,好少野食，食完今餐改觀.食物方面，我地選了party set 有12 款主食及小食，我地飽到要打包食物，唔好浪費😁😁凱撒沙律芝士西蘭花 (好多芝士同bacon)瑞士鷄翼薯條(有皮嘅，但係超脆)章魚小丸子（外脆內軟)日式餃子麥樂鷄2個意份（正正常常，冇乜特別）煙三文魚意大利飯（鍾意芝士就大愛）黑松露帶子天使麵甜品：朱古力布朗尼 ( 即焗的，細細粒唔係好甜)推介：凱撒沙律一上枱,好吸引哦..賣相好好,又大碟，夠灑份量沙律有菜，蕃茄仔，煙肉同焗脆的面包粒,啲香草沙律油好香，味道好夾如果係某餐廳食起碼過百元一個環境,優雅,大部分是沙發椅，很舒適,有很多桌上遊戲飲品方面有好多選擇，有花茶，朱古力，即磨咖啡，奶昔，沙冰和星座飲品等等......👍😀，不過我地係揀咗4款果汁任飲😁😁服務很好,出餐速度快，我地可以好快食完玩＂狼人＂坐咗成晚都唔會有人比面色我地睇，下次gathering 會再來😍

朋友生日飯 介紹呢間餐廳一入去有隻免仔 好可愛但當日係7點幾 點解冇人既我開始有d 驚於是保守甘叫 carbonara同 cookie n cream milk shake個意粉買相ok 味道ok. 但愈食愈口乾好唔對路 我相信係落左味精… 一間食店如果用味精真係好唔妥當食左一半意粉就放棄…好在個milk shake 仲ok食野我唔suggest. 飲野就ok.