Soul9+ (已結業)

呢晚喺北角搵食，意外地發現小巷入面嘅呢間西式/fusion 餐廳，食物出乎意料中好味，且創新，有啲食私房菜嘅風味。店舖細但好舒適，木具俾人和諧嘅感覺，係談天嘅好地方。呢個一上菜真係嘩出聲！冇估到呢間小店嘅前菜都咁靚，好有心機。用乾冰營造出煙霧瀰漫嘅感覺，煙霧之後係一陣金光，原來豆腐上加咗金箔，仲有啲黑魚籽，材料夠哂高級。有口感之餘，材料配搭又富新鮮感，豆腐加溫泉蛋嘅味道同質感都好正～小食仲嗌咗烤洋蔥圈，份量好大又炸得卜卜脆～意粉落足明太子，食落卜卜噉好有口感，仲擺咗舊大啡菇加啲生菜喺上面，唔會咁齋。Cocktail 唔好預期太多，叫咗一杯 popping tequila 同 screwdriver，可能本身嘅酒品質唔係咁好，所以酒精味好強甚至嗆，調酒嘅份量亦未能控制得好。雖然呢度嘅飲品麻麻，但食物絕對可以搭夠，論食物味道、質素都維持得好，有實力！

夜晚係北角都有好多唔同嘅選擇，呢間西餐廳身邊好多朋友都有推介。新鮮盧魚 薯蓉 雜菜盧魚因為香煎過，食落去唔但至有魚既鮮味，而且脆脆地，仲要係無骨，新鮮得黎又多汁，配埋薯蓉同雜菜食，又唔會有種好油既口感。海胆 松露蟹膏 意大利飯韓國既海胆，食落去唔但至有新鮮既海水味，而且有成隻手掌咁大，更重要既係每件都金黃色，一啖一啖咁食，簡直係另一個既層次。最重要係個松露蟹膏，食落去淡淡蟹既味，配埋松露味道，真係估唔到咁夾，意大利飯煮得岩岩好，食落去有種芝士既味道，熱烈推薦。芝士條 松露醬食落去非常邪惡，外脆內軟。配埋松露醬，口感同味覺都非常特別，成個小食係出面係食唔到，真係色香味俱全，超級正。

好耐好耐之前已經食過Soul9一次，感覺非常良好，印象中環境好靚，好有心思，食物質素都好高今晚約朋友食飯，咁岩朋友勁鐘意食海膽，我就即刻想起Soul9既海膽飯超正，就帶左個朋友去食！————————————————————環境真係好靚，好高級，亦都好有心思好岩朋友們同情侶們去食飯傾計環境雖然唔算好大，但係好warm非常有心思，連枱燈都係咁有style地點好方便，雖然係一條行仔入面，但係由北角地鐵B4出口行過去都唔需要5分鐘食物類型多，無論係salad，定pasta，還是肉類，連burger&pizza都有價錢適中，飲品另叫，加$48仲可以upgrade做套餐，有湯同salad食————————————————————八瓜魚櫻桃蘿蔔蓮藕和風油醋沙律 蓮藕切到好薄好薄，師傅刀工真係好好蓮藕應該係生的，第一次知道蓮藕可以生食仲要係好爽好好食和風油醋，清清地，甜甜酸酸，配合埋蓮藕同沙律菜，好夾，亦都好開胃侍應仲好細心咁提我地，食幾多落幾多，唔好一次過落哂！雖然得一個侍應，但服務幾好，解釋得好清楚————————————————————-烤墨魚仔薄荷檸檬醬墨汁意大利粉wa！隻墨魚仔大大隻架，好足

今日到北角探朋友，與朋友傾談得特別𣈱快，開心時間過的真是特別快，很快又是晚飯時間，朋友推薦附近一間西式餐廳Soul9 ，於是與朋友一齊移師到餐廳延續今日的開心聚會。Soul9在大街的後巷，不住這裡的人一般不會找到這裡，一級級的樓梯級有一種蘭桂坊半山環境的感覺。門口有閃閃的霓虹燈，令餐廳顯得非常浪漫，室內牆上裝飾了樂器及抽象越野電單車，令室內洋溢著浪漫與藝術氣息。老闆非常細心，在門口開了兩張枱，為方便食煙人士。香煎紅蝦冬陰功意大利粉$108+48升級爲套餐，配是日餐湯及沙律。是日餐湯是南瓜湯，橙色的南瓜湯味道濃厚，帶少少咸及甜，味道適中好味，𤔡今晚帶㸃浪漫的晚餐展開味蕾之旅。沙律有車厘茄，沙律菜，青瓜片，柑肉，櫻桃片及紅腸...。平時食意式餐廳的意粉都覺得意粉是隻有少少甜味的意粉，絕無好味可言，這一次食意粉令我對意粉改觀了，意粉帶有少少辣味，入口軟腍煙韌，調味相當好及入味。蝦大大隻，粉紅的顔色非常吸引，帶少少爽口干身，非常好味。燒美國PRIME肉眼扒.新鮮薯角.雜沙律菜$298肉眼扒配薯仔，櫻桃片及白蘿蔔。肉眼扒厚切大大件，上枱已聞到幽幽的香味，五成熟，顏色帶吸引的啡色，見到真是令人垂涎

朋友介紹左一間係北角既隱世小店話個到既環境好，水準高，仲要有我超鐘意食既黑松露同埋海膽襯呀媽就生日，就帶埋呀爸呀媽同老公去食好西！因為想避開人流，好醒目咁預約左18:30，去到個時好似包場咁，但係去到19:00左右就開始多人，證明呢間小店好受歡迎！本來見到個裝修勁靚，以為要行好遠，但原來超級超級近地鐵站！只需要係北角站B4出口，出左向右面，見到有間車仔麵，就係個條行仔入面喇沿途仲有另一間差不多style既，大家千奇唔好入錯！遠遠見到Soul9，特別既店名！不得不讚賞呢到既裝修，仲有戶外既位，好靚呀！如果天氣再凍多dd，我都好想坐出去，有另一番風味啦室內裝修都真係好靚，地方唔算好大，但係坐得好舒服！每一個位置都精心佈置，睇得出老闆好用心機經營呢間小店！用心既老闆通常食物水準都唔會差特別既小擺設————————————————————-淨係環境好，當然唔夠啦！要做得住既話，食物質素好重要！尤其係北角，都係多好野食既地方！食物既選擇唔算好多，但食完之後我就知原因！呢度絕對係重質不重量！非常重要啊，有時d餐廳多野食，但無樣野好食！呢一度，我食過既食物都非常高質，朋友真係無介紹錯！我最最最最想食

約了舊同事到北角晚飯聚舊，心想兩個女孩子不會吃得太多，屬意比較精緻的西餐，同事推介了這家SOUL 9+ 。餐廳位於錦屏街，可以從書局街旁的小路走入去，沿路有好幾家餐廳，感覺好像去了迷你食街。餐廳面積不大，佈置營造童話世界的感覺及有點油畫般的粗糙感；喜歡呼吸自然空氣的朋友可以選擇坐在戶外座位。以小餐廳來說，餐單選擇算是比較齊全，選了主菜後加餐湯及沙律只需HK$48。粟米忌廉湯質感濃稠及粟米味香濃的一度餐湯，賣相也見心思。蘋果柑肉油醋沙律青菜沙律伴以蘋果及柑肉，以油醋汁把味帶起，表現不過不失。原板海膽黑松露蟹膏意大利飯 $158今晚主角隆重登場，原板海膽，配黑松露蟹膏意大利飯，竟附上幾片紫菜，讓食客可即席自製Risotto 手卷！最近發現很多餐廳把黑松露配海膽作菜；雖然兩種食材都屬於濃味，但互相卻十分配合，鮮甜海膽混和咸香黑松露竟可帶出對方的獨有味道，實屬驚喜。慢煮日本雞胸XO醬扁意粉 $128我建議點這度餐牌招牌推介的扁意粉，雖然舊同事對雞胸有點抗拒，怕肉質會較粗，但亦屈服於我的遊說之下。雞胸肉因為經慢煮處理，所以甚為嫩滑，配以開胃茄汁，兩人不一會便把他吃清光！餐廳氣氛不錯，跟舊同事吃飽

今日同媽媽黎到這間位於灣仔書局街入去的小徑中的這間多國菜餐廳小店，最喜歡品嚐這類型的小店！原來已經有7-8年的小店，好多熟客來捧場出面有張大枱（戶外位置）好有feel又有情調！內面的環境雖然唔係大，但好特別又雅緻，設計裝飾都好有特色（單車鐘、黑白相、懷舊相機等等）配上好靚的燈飾裝置，全個感覺都好好、好舒服！服務主要是老闆娘及廚師，友善又親切，為客人介紹酒類及菜餚；每枱都放上樽裝飲用水及餐具，更主動提供碟子及收碟，好細心又優質服務食物方面，都幾多特別菜色！有海膽溫泉蛋杯、紐西蘭蜆、海鮮、扒類、自家製pizza、小食等等，見鄰枱客人點檸皮雞翼及啤酒漿洋蔥圈，唔單止賣相靚，仲食得好滋味，配酒真係一流哦我們選擇了：1. 餐湯及沙律餐加$48就可以有餐湯及沙律，餐湯今天是南瓜忌廉蓉湯連湯都有伴碟，好有心思南瓜蓉好香好滑，南瓜味濃郁，有粒粒小南瓜肉；柑肉田園沙律一個黑色平可碟上放著五顏六色的沙律真係好吸引柑肉好甜美又嫩口、蔬菜好清新又新鮮翠綠、番茄紫蘿蔔清新烤香芝士碎增添香味，配上黑醋汁，健康又美味2. 慢煮雞胸XO醬鮮茄扁意大利粉賣相相當靚，未食已經好吸引!放了花瓣🌸🌸🌸雞肉慢慢煮的方法令它好嫩

唔搵唔知原來呢條巷仔入邊都有唔少餐廳林立，今日就黎到呢間soul9+, 個名都幾趣怪。門面加上少少藍色燈光幾好feel, 隔離又有d 小酒吧～有點置身中環既感覺。裏面環境唔算好大，大概只有6,7張枱。我幾鍾意門口既流星燈同枱面上既串串燈營造到一種小浪漫既感覺。✨餐牌簡單分為兩頁，加$48 可以升級沙律同湯。✨凍肉芝士拼盤（$88): 望落好豐富，估唔到d 芝士都幾多仲好大舊😮， 味道由淡至濃既都有，但係就咁食都唔會好漏。火腿厚身味道好咸香，配埋芝士好好味，呢個時候好想有塊麵包夾下xD。✨沙律除左醋汁之外，仲加左d 類似橙味既果jam~~撈埋一齊食超正。另外仲有青瓜，杏桃乾配搭埋芝士食，都幾夾幾清新。✨原板海膽，黑松露蟹膏意大利飯（$158): 個蟹膏超鮮味，意大利飯軟硬適中索晒忌廉汁，撈埋黑松露真係好香，不過個飯就細左d 唔多夠喉。✨原板海膽見到已經流口水，口感嫩滑鮮味，包埋紫菜無得彈。✨燒美國豬鞍扒（$178): 成個tone好靚賣相好精緻， 豬鞍雖然瘦左d, 不過切開係充滿肉汁。薯角好香超級熱辣辣，沙律仲配左兩舊好清甜既柑仔😋。呢度既食物我覺得擺盤上都幾精緻用心，以小店黎講質

完成比賽鼓勵一吓自己,去找好東西吃。上次行過未有時間,見這店介紹的相很吸引,今日就試試呢。環境氣氛也不錯,朋友吃飯飲嘢頃計最啱,重有戶外座位,好有旅遊 feel。🍻🍹自家制龍蝦片蟹味噌凱撒沙津,煎鱸魚烤沙津松露忌亷薯蓉,寳雲蘇澳洲羊架及煎雞軟骨餃子。味道不錯,😋很合個人味道,凱撒沙津味道很特別,想試新嘢的朋友一定要試吓。唔單只好味還有賣相很美😊,由於系小店,飯後走入去廚房和廚師打召呼,原來只有一人,重系後生靚仔😍,店内滿滿人,咁忙都咁有心思擺碟,很有誠意。一定會再來😉

朋友推介，於是就訂了位，由於兩人都早到，店內客人不多，所以早點入內坐下。到我們原來訂位的時間，已經差不多客滿了。餐廳位於距離港鐵站不到兩分鐘路程，只是在一條橫街上。餐廳分為有廿多個位置的室內部份及只有兩張枱的室外部份。店內裝修簡約，只有一些懷舊的物件及黑白照片作裝飾，木桌也相信是營造殘舊的氣氛。餐廳的名字Soul 9+頗為特別，與及店內的裝飾，可能會是與多年前流行souling音樂有關。餐牌上的選擇不算多，菜色主要是混合了意大利及日本兩大系列，除了飲品外，菜色分為六大類，每類有二至七款選擇，我們就點了黑魚籽海膽豆腐溫泉蛋杯($88)、煙燻鮮蟹肉玉子燒($98)、原個波特菇明太子忌廉意大利粉($98)及焗龍蝦尾有機蘆筍意大利飯($138)。前菜的煙燻鮮蟹肉玉子燒由廚師親自端上，並囑咐要等一分鐘才可以「揭盅」。原來是在日式的玉子上鋪滿了鮮蟹肉，用蓋來蓋著加以煙燻，而以蕃茄、沙律菜及花瓣等砌成美麗的圖案來伴碟，賣相非常吸睛。玉子蛋加上了調味，有少許汁，使玉子不致太乾及太淡，而蟹肉鮮甜，略加了煙燻味，很有特色。黑魚籽海膽豆腐溫泉蛋杯的豆腐很滑及有豆味，加入了鹹鮮的海膽及混著溫泉蛋一起吃，使本來

今日朋友話帶我黎北角食好野.黎到餐廳 原來係一間小店 我們選擇坐室內 店內大約有30位左右 環境裝修舒服沙律好靚吖😍😍配上和風油醋 甜甜酸酸 很開胃 整個配搭新穎海膽杯出黎煙霧瀰漫 原來係乾冰.海膽好鮮甜 而且份量很多 又一驚喜朋友想食大蝦意粉 所以揀了呢款冬陰功紅蝦意大利粉 個汁很濃冬陰功味道 而家不太辣 配上爽甜紅蝦 意粉al dente 正...另外樓面姐姐服務態度很好 很耐心介紹菜式...原來餐廳有水煙同酒 下次再約朋友黎

自從有次在北角尋幽探秘找到了這條街，看到有好多餐廳，就知道自己要來幾次。今晚，跟老爸撐枱腳，預先在這小店訂位了~一進去就如入了聖誕國度，門上的燈飾和其向裝飾、故桃夾子、甚至整晚播的都是聖誕歌，炎炎夏日都有冬天的感覺。餐牌就這頁，貴精不貴多。主菜加48元可跟沙律和湯，先來的沙律有清甜的橙，蕃茄等，配黑醋汁沙律夠清新。這忌廉湯的特別之處是加了赤小豆和菜，感覺不會油膩。喜歡海膽的我點了新奇的小食，黑魚子海膽豆腐溫泉蛋杯，旁邊還有乾冰來營造仙氣的效果，必需相機食先！毫不吝嗇的一板海膽倒進去，味道鮮甜甘香，黑魚子的鹹香味讓鮮味更突出。蛋和豆腐都很滑溜，整道菜都不用咬就能享受豪華的感覺。由上沙律開始，我倆就覺得廚師有特意襯過碟，就如這焗龍蝦尾有機蘆筍意大利飯，用黑底白點的碟來配襯雪白的意大利飯，突出蝦尾的鮮橙色，視覺效果好強烈！龍蝦肉大大塊，啖啖肉又爽口彈牙，味道鮮甜，充分感受到它的新鮮，好正忌廉意大利飯好creamy，夾呀！另一道是寶雲蘇澳洲羊架，配沙律和薯蓉，剛焗起就上菜，香氣四溢。看這隻碟又是好特別，整碟又如一件藝術品的樣子每件羊架都好厚肉又軟身，上層的焗皮酥香脆口，肉香而不膻，又是啖啖肉！

連鎖店與通街一色一樣的餐廳, 我和男朋友已經吃到厭了, 所以他與我最喜歡走到小巷尋幽探勝, 北角soul 9+ 是我地今次去探險發掘到的餐廳, 由地鐵站出黎其實只要3分鐘上樓梯, 方便得很。餐廳唔算太大, 但看得出小店有自己的風格, 不用冠冕堂皇, 但有得是溫馨小品的味道。今次叫了3道菜。煙鴨胸配墨西哥薄餅呢到菜有D 像北京片皮鴨, 用煙鴨胸取代油膩膩的鴨皮, 而墨西哥薄餅比中式薄餅皮厚, 另外又有大蔥同青瓜做拌菜, 果醬味道清新而不死甜。唯一美中不足的是墨西哥薄餅不算太好吃。燒美國豬鞍扒, 新鮮薯角, 雜菜沙律豬鞍扒兩面煎至金黃色, 既厚身大塊, 為方便進食, 廚師已切好一條條, 非常貼心。豬鞍肉質細嫩，外層微微焦, 肉味特濃而且十分軟腍多汁, 份量充足, 切開啖啖肉, 薯角新鮮即炸, 雜菜沙律有效解膩。鵝肝鴨肉意大利飯意大利飯煮得creamy, 有咬口又不會太淋, 鵝肝煎得香口, 與鴨肉相得益彰, 帶出香味, 香氣撲鼻。唯一美中不足的是意大利飯份量比較少, 只夠適合胃口比較少的女士吃。Overall 黎講, 小店fusion 菜幾有創意, 黎試試都唔錯。

上次食完牛肉麵先知北角有這樣一個美食小角落，沒想到這裡還有一間這麼chill的酒吧餐廳。入面裝修得有種田園的感覺，還有室外的空間可以嘆下酒，怕熱的我們還是乖乖留在室內。加48蚊就有餐湯和沙律，當然加啦！首先來的是很開胃的沙律，配上芝麻醬和沙律醋來吃十分惹味，菜很新鮮。餐湯是味道比較濃的羅宋湯，欣賞餐湯都有這麼吸引的伴碟。這杯榛子朱古力挺清涼我們點了一個原板海膽，黑松露蟹膏意大利飯，原板海膽上菜，賣相吸引，十分新鮮，不會有苦澀味。配上蟹膏更加惹味，海膽，黑松露和蟹膏互相配合奏出美妙的交響曲，沒有一種味道被淹蓋，在口腔中各施其職，味道恰到好處。朋友還有創新食法，包紫菜飯卷，味道更有層次，可以試試。主菜點了燒美國豬鞍扒，薯角，配沙律菜，豬鞍扒肉質鮮嫩，有咬口，份量十足，薯角外脆內軟，單單配上蕃茄醬食已經令人吃不停口。這間餐廳的菜式味道真心高質，值得一試，當天發現餐廳收爐之後會變身成為酒吧，下次同friend再來chill chill 先。

個日同媽咪係北角行街行到攰，就搵下附近有咩好食🤨搵搵下搵到尼間Soul9+，位置都有d隱蔽，行條樓梯就到啦。環境少少暗，但氣氛唔錯，坐得舒服，服務員態度好👍🏽.我地因爲加左$48有個套餐，所以有餐湯同沙律🥗店員先上餐前湯，尼碗粟米湯係用新鮮粟米整，飲落好有粟米味，加上滑滑cream, 味道好清新有開胃既感覺😋煙煄鮮蟹肉玉子燒 $98玉子燒食落啖啖都好滑，上面鋪滿新鮮既蟹肉，味道清淡🤨日式魚肉芝士條.自家黑松露醬 $68日式魚肉芝士條，芝士味濃郁👍🏽魚肉同芝士都唔會太搶兩者既味道。個黑松露醬亦好creamy好香黑松露味。原板海膽.黑松露蟹膏意大利飯 $158海膽味道鮮甜，蟹膏味濃配埋飯味道又幾夾。另一種食法可以將海膽放係紫菜上，一啖放落口😋一樣咁好食👍🏽煎北美銀花鱸魚.烤雜菜.松露忌廉薯蓉 $168銀花鱸魚既皮煎得好香脆又可口，肉身好淋滑，薯蓉配上松露醬美味而不膩口，好吃👍🏽呢餐我同媽媽都覺得好好味，好滿意佢地既食材同味道，價錢又合理，服務態度又好，值得一試😋