Vici Stage

营业中

休息中

昨晚同屋企人去了荃灣 Vici Stage餐廳，我們點了飲品Danning Grape,用了巨峰提子做主題，甜甜酸酸有小小酒味，好容易入口，對於我好飲酒的人覺得非常好，系一杯超級好味的飲品，有檸檬在裡面，非常開胃，叫了第兩杯Plum Meng’s Soup,由*入味*演變成匯集酸甜澀四味的孟婆湯，好重烏龍茶的味道，味道非常特別，有中西合璧的感覺，柚子味都好重，一邊食野飲呢兩種飲品加埋台上嘅炮谷，一邊傾計，加埋環境好舒服，燈光好柔和，傾心吐意同朋傾心吐意的好地方叫了青木瓜手撕雞沙律，裡面有花生醬，加埋唔同嘅蔬菜，食飯前食呢個非常醒胃，手撕雞好滑味道啱啱好，裡面有清甜爽口嘅粉，配搭埋手撕雞同埋木瓜蔬菜，非常值得推薦的沙律又點了自制泰式無骨鳳爪，有木耳、洋蔥在裡面好爽口，甜甜地加埋小小辣，鳳爪都爽口加埋小小辣，好容易入口，我個好鐘意食鳳爪，呢個非常有水準叫了主菜鮮果青咖哩雞，配人配搭埋薄餅同米通，加哩汁甜甜地，不會太辣，老板好細心，因為帶了一個小朋友去，佢不能食辣，佢都可以食，裡面加了提子，茄子、無花果非常特別，第一次食咖哩裡有生果，加埋薄餅非常好，如果加一碗飯會更正到叫主菜紙包香茅焗鱸魚，

第一次寫食評真係要寫比你Vici Stage Thai restaurant 收費有問題既酒吧餐廳常常在app訂枱食飯 見到依間新既泰菜酒吧就試試佢 同平時一樣訂左枱去到唔洗等位 有限時用餐 餐牌食物有折外 其他都會計返正價 叫左幾款泰菜但味道一般唔夠味亦唔夠辣唔夠正宗 都算！！！唔知係咪因爲我地係經app訂枱有折 所以服務員成日想趕我地走咁（成個場得6台客仲有枱囉）又唔肯比水叫先肯加水（隔離枱就不停加水）同埋成日未食完就過黎收碟而最後果碟未食完連我支叉同碟都收埋 而隔離枱2個女仔又唔見佢地收野真過份都算！！！黎得酒吧都預左你會收nuts費 食完哂野收哂杯碟最後比多盤爆谷(太天真既我以為送既）成晚又唔見你攞黎臨走埋單先比多盤 到埋單收我2盤爆谷錢（$30/盤有圖有真相）仲要話計人頭（唱k咩）好離譜囉 問題點解隔離枱唔計人頭收爆谷錢呢？係咪因爲我經eatigo 有折所以要收取額外費用？但事前完全無講 係咪咁樣搵人笨呢？ 比左優惠客人又亂咁收取返費用咁即係點呢？最後我都無爭論當比左貼士算但一定無下次 寫依編野我想其他人注意一下依間店 希望唔會好似我咁比人亂收取不必要既費用 而又食到一肚氣

香港人對飲食的要求越來越高, 在各方面都比以前講究了很多, 酒吧要在市場中重新定位, 成為型格餐廳, 把同餐廳和酒吧合二為一, 才能迎合潮流來吸引客人。早前有朋友介紹Vici Stage給我,是間獨具形格的酒吧形式新店, 即時令我注目和深感興趣, 而喜歡試新餐廳的我, 當然不會放過機會, 找了一個晚上來試試。店員推介Dancing grapes , 是店方其中一款招牌Cocktall, 係由巨峰提子調制，酒精不太高, 好易入口, 好清新。再來青木瓜手撕雞沙律, 傳統的英式的一款沙律，用了青木瓜、甘筍、車厘茄、手絲雞等等，加上魚露汁淋上沙律, 味道清新自然。也試試燒菠蘿, 菠蘿咬下去就爆出清甜的果汁，感覺頗新鮮。主菜選了紙包香茅焗鱸魚, 用左西式紙包住條魚去焗，上菜時店員會幫忙剪開包裝紙，加入香茅同其他香料去焗鱸魚，保持魚肉嫩滑而且多汁，原汁原味，鮮味十足，好有香茅味, 配上秘製醬汁，好惹味, 還附上配菜一碟。另一款招牌Cocktall, 是孟婆湯，用碗盛載，以八味演變而成, 匯集酸甜苦澀四味而成, 味道比較複雜, 的確值得一試。餐廳是新開業的，無論在裝修格局、菜色和飲品方面，都看得出店

呢間舖係大街地下舖，環境幾好，由於係新開，啲裝修好靚，有個大電視同投影機。老闆話菜式都係用即日新鮮材料做, 唔用現成野。-青木瓜沙律唔辣嘅，幾特別，好似加左少少wasabi，都幾清新。 無骨鳳爪送酒都一流，辣辣地咁！”孟婆湯”用左Gin，少少酒味，酸酸甜甜咁！另外杯野飲無咁重酒味，好重蜂蜜味，易入口，仲加左紅棗味, 好特別😂, 女仔應該會幾中意！燒菠蘿都幾好食，而燒魚用左西式紙包燒法，保留番魚嘅鮮味😋至於咖哩雞配米通, 個煲好足料，啲雞大大舊!-最後，呢度服務好好，老闆會就番個人喜好推介番邊隻酒！Cocktail 啲花花好靚🤣 老闆介紹嗰陣話用左自家秘制配方㊙️㊙️㊙️ 呢間餐廳好中意加少少生果入每道菜，有個人風格！呀媽話個bartender仲幾靚仔, 真心幾好食，啲服務超好, 個老闆好nice！cocktail好多都自己獨家設計，成餐飯食得好過癮呀!

喺朋友介紹嘅底下，知道荃灣新開咗間酒吧，而且仲有得食泰國野，咁就去試下啦當晚8點去到，入面唔多人，環境幾好乾淨舒服，而且有人現場唱歌由於老公揸咗車同我唔飲酒既關係，我地叫咗兩杯Happy Ending, 幾好味岩曬唔飲酒既女士跟住我地叫左啲前菜；有青木瓜手撕雞沙律、自製泰式無骨鳳爪、泰式炒什菜同燒新鮮菠蘿沙律酸酸地幾好味，開胃一流，唔會好辣鳳爪同木耳涼拌一樣好開胃、不過比較辣燒波蘿值得一讚！一般既燒波蘿係連皮同埋得半圓形，呢到係無皮仲要大大條啖啖肉😋之後我地再叫咗兩個main，紙包香茅焗爐魚同鮮果青咖哩海鮮廚師好細心，中間條骨拆走咗，啖啖肉，一般泰國餐廳都係明爐煮或者燒，第一次食焗，好好味保存到鮮味之餘啲香矛亦都好入味如果有朋友想食泰國野同飲下野👍🏻必推薦呢間新店！

清吧選擇唔少，但係追求食物品質，酒嘅款式兩樣並行其實好少有，今日嚟到VICI STAGE 完全感受得到，難得帶fd嚟減壓梗係想食好飲好Dancing Grape，好可愛嘅名，係好啱女仔飲嘅一款，淡淡嘅巨峰提子味，入口帶甜再有啲微酸孟婆湯，完全係名副其實酸甜苦澀嘅層次一步一步深入口腔，味道層次分明，入口係每啖驚喜實在係不得不影張全家福，雙重享受呀完全係，重點推薦焗魚同鮮果咖哩雞，紙包香茅焗鱸魚香茅香葉味濃，魚油充分保留係魚肉內，肉質嫩滑入口鮮味，勁勁勁推嗰青辣椒汁，嗰個辣直衝上鼻，再飲啖酒好爽呢款係鮮果紅咖哩雞，其實係煮嘢食時加生果係一種好技巧但係好能夠提味嘅一個方法，呢款紅咖哩加入無花果，甜味唔會好搶，同咖啡味相得益彰，個米通好好食，鬆化香脆

📍Vici Stage (荃灣) (必收藏）表面係一間普通酒吧，實情係一間超高質fusion 有泰菜食既酒吧，無得彈👍🏼👍🏼👍🏼👍🏼👍🏼😍😍😍😍😍😍😍樓上仲可以包場，6-15人可以唱下k，depend on minimum chArge !老闆話可以傾！.仲有定期live band，環境食物質素好好的既有泰菜食既酒吧，唔洗驚酒吧無野食，佢份量都幾多，每一道菜酒都有靚仔老闆親自講解！煮野果個勁靚仔，坐係度睇佢都值回票價😱老實講價位都合理既！我比好高分呀今次！.🔻cocktail Dancing grapes &plum meng”s soup 一個係由巨峰提子調制，唔好酒精既我都覺得好易入口好清新，酒味不太濃$68！佢勁嘅位係另一個唔鍾意飲酒嘅人都覺得佢好好飲🥰另一杯叫孟婆湯，都幾中式，有齊甜酸苦辣嘅味道，味道比較複雜唔識形容，想解千愁都可以一試🤣.🔻青木瓜手撕雞沙律$68（極推）由青木瓜 甘筍 手撕雞配合酸甜秘製醬汁，好清新好好好食，仲好味過泰國既青木瓜沙律.🔻泰式無骨鳳爪$88入面有木耳，蕃茄，辣辣地！好惹味😯.🔻紙包香茅焗鱸魚$128+加配菜一碟（極推）用左西式紙包住條魚去焗，魚入

最近比較幸運，食親嘅都係質素唔太差嘅餐廳美食又多一間值得留個好評作紀錄！ 今次又係同個相熟嘅同事老友嚟試新嘢～難得工作以外可以傾吐煩惱心事，一於要飲下酒啦！知道呢間新開，環境氣氛都好似唔錯，雖然地方唔算大，位置唔係好多，但除咗酒仲有其他野食，dinner time嚟都ok先嚟講吓個cocktail~ 我個杯係Plum Meng's Soup，"由八味演變成匯集酸甜苦澀四味的孟婆湯"，初時有少少驚中伏，但我要係度推介+話比大家知係唔伏㗎! 味道好有層次， 平時甚少飲酒嘅我（利申：一年最多都係飲一兩次個種）都接受到，好容易入口。比起一般果酒或好多汽好多泡嗰啲cocktail，原來呢款少少酸嘅更適合我朋友個杯係Dancing Grape，我都試咗一兩啖，好濃提子味，用茶壺倒出來呢個設計好有特色好得意。齋飲酒好易醉，所以都要食返啲野落肚。呢度除咗有爆谷佐酒，仲有好多小菜可以order。   無骨鳳爪：溝咗啲熱情果、魚露，好清新，自家製果然唔同啲，有少少辣青木瓜手撕雞沙律：唔辣，都有魚露燒菠蘿：酸甜多汁又大串，無榨鱸魚：用紙包住，原條上，鍾意食魚嘅朋友食得好開心，好滋味青咖哩海鮮：配薄餅、米通仲

今日去左荃灣行街，行完當然要食野醫肚仔，最後去左一間有泰式野食又有得飲下酒傾下計既酒吧！裡面燈光柔和，環境舒服。好肚餓既關係，我地叫左好多野食🙈第1個推介自製泰式無骨鳳爪，自家製帶有魚露既醬汁，酸酸辣辣好開胃！鐘意食辣既人一定非常鐘意😍😍😍第2個青木瓜手撕雞沙律🥗雞肉份量多！蔬果好新鮮，撈埋一齊食正！第3個鮮果青咖喱海鮮🦞店員同我講佢地用唔同既新鮮水果來整，而今次用左無花果！入面有蝦、蜆、青口，配有咸米通、薄餅！青咖哩一開始食只係小小辣，但會愈食愈辣！咸米通同薄餅點青咖哩食💯👍🏿👍🏿紙包香茅焗鱸魚🐟用牛油紙焗，去左骨，入面落左好多香料。好鮮味，配自家魚露汁💯飲品方面我地叫左2杯cocktail。一杯Dancing grape，甜酸適中，易入口，造型非常特別，好似去咗茶樓飲茶咁呀！😂第2杯Plum Meng’s Soup(孟婆湯)，入面甜酸苦澀，但咁多隻味一齊又夾到啵！💯下次會再黎呀😍😍😍

係荃灣行街見到呢間餐廳又係酒吧又有泰菜食，有點新奇就同老公入去食。一座低， 侍應已經好熱情介紹他們店的飲品和食物，最後我地點了以下飲品和菜式。Dancing Grape $88(N.H) ~ 巨峰提子做主題，甜甜酸酸咁，用茶壺裝，附上兩個小杯仔係內裡加了冰塊，等我地慢慢倒出來嘆。泰式前菜 4款: 青木瓜手撕雞沙律 $68燒新鮮菠蘿 $68泰式炒什菜 $78自制泰式無骨鳳爪 $88手撕雞 ~ 木瓜和手撕雞加上個汁好夾，食落好清新。燒菠蘿 ~ 佢地燒好後再加糖係上面再燒多次，令到個菠蘿仲更加好味和鮮甜。炒什菜~普通的什菜但他們加左炸蒜和汁去炒，好夠味。無骨鳳爪 ~ 夠哂辣，每一口加洋蔥夾住一齊食好好味， 佢地每次都係去買新鮮貨返來自己醃製夠誠意。主菜兩款：紙包香茅焗鱸魚 $128鮮果紅咖哩雞 $128焗鱸魚 ~之前食開都係用爐上，第一次試紙包，但有驚喜喎，因為佢開左中間條大骨再係魚肚內放入香茅南薑果d 一齊焗，好香好鮮d 魚肉又唔會散開哂。咖哩雞 ~ 一件件冇骨雞肉，加上時令生果去煮，令到每一口咖哩都有果甜味，佢地仲配上米通比大家點汁食，太吸汁了，超掂， 這餐我最愛呢個咖哩。

荃灣嘅朋友多次想約我去呢間食飯，因為佢唔敢自己過去。佢話間餐廳成間酒吧咁，自己一個人去，驚比人誤會(太多靚仔)。一入到去間餐廳真係好有酒吧feel，暗暗地，檯面有一盞蠟燭。 餐廳左手邊一個吧檯 右邊一個舞台。佢哋嘅嘢飲都好有特色而我哋最終就叫咗孟婆湯&巨蜂提子主題。孟婆湯：孟婆湯比較重酒味，一入口已有一陣酒香，飲落口，口感複雜。一開始感受到甜既香甜，之後有少少酸辣，再之後有少少甘苦，就有D似飲緊人生，好應個名。而且佢係用碗飲，更配合到個湯名。巨蜂提子主題：巨蜂提子主題比孟婆湯易入口好多。佢酸酸甜甜，就有D似飲緊提子汁，但飲多兩杯，已感受到酒氣，好飲，但唔可以急飲。小食我地叫左青木瓜手撕雞沙律&自制泰式無骨鳳爪。青木瓜手撕沙律：手撕雞沙律好有心細，除左有花生粒之外，仲有石榴肉，酸酸甜甜，好清新，好醒胃。自制泰式無骨鳳爪：鳳爪係白鳳爪，個汁係自家制，酸甜得嚟有D辣，醒胃得嚟，又有少少刺激，十分推介。主餐我地選左大蝦泰式金邊粉&紙包香芧焗鱸魚。大蝦泰式金邊粉：隻蝦好大隻，肉質爽口。而且金邊粉炒得好好。平時食炒金邊粉，好多時都太咸。但依度完全唔會咸，而且配料係碟邊，鐘意放咩就按各自喜好。紙包香

餐廳：Vici Stage (荃灣)地址：荃灣沙咀道325-331號德仁樓地下B舖每次去開荃灣，揀餐廳食飯都真係一大困難，因為真係太多林林種種嘅餐廳野食，係沙咀道行左陣中南廣場，唔夠100米見到間新開唔夠一個月嘅bar and restaurant叫Vici Stage，係餐廳門口睇睇下餐牌嘅時候見到入面有好多靚仔職員，又播住hyper嘅音樂所以就被吸引左入去其實香港人好多時候都比人話冷漠又成日黑面，某程度上禮貌、親切同細心嘅餐廳職員真心會留到唔少客人嘅心，若果加埋食物質素高嘅話仲可以留埋客人嘅胃添。入到餐廳坐低，到每一道食物同飲品送上，甚至乎食飯其間觀察住餐廳職員嘅言行舉止，真係越黎越少有嘅真.服務態度，因為佢地除左會因應客人口味去介紹唔同食物同酒精飲品，每一次有食物同飲品送到嘅時候都會仔細但精簡咁介紹食材同食用方法，即使餐廳再多客人，都會抽時間去同每一檯客人互動同介紹，我深信我絕對比餐廳職員嘅誠意打動而會再黎過原來逢星期三五六餐廳都會有live music，專程係外面聘請歌手黎表演，可惜今日係星期日，唯有下次先再黎欣賞欣賞一邊傾偈一邊食住鹹爆谷小食，自然就會好想叫返幾杯野飲，先係叫

開係巴士站隔離的泰式酒吧，望入去氣氛十足，鋪位都幾大，長型設計的水吧同開放式廚房，仲有條樓梯上去-1️⃣紙包香茅焗爐魚 $128⭐️⭐️⭐️好大條既爐魚，我唔中意食香茅味既野，都唔會令我太抗拒，魚好新鮮，老闆話係用錫紙整完再用布紙包，做法好有心機/2️⃣鮮果青咖哩 $118⭐️⭐️⭐️入面有好多海鮮，青口、大蝦、魷魚、茄子、蜆，配米通，同青咖哩幾夾，不過幾飽肚下3️⃣Dancing Grape $68/88⭐️⭐️⭐️⭐️係一杯巨蜂提子味的酒，唔難入口，幾fresh，杯係用茶壺裝，好特別🤣-環境：8/10服務：6/10好味指數：6/10回頭率：6.5/10-

荃灣友有福了！繼Vici Bar之後又有新chill點！Vici Stage! 佢地主打泰國菜同高質stage cocktail，價錢親民但有超高級享受！事不宜遲，即刻入正題！Dancing Grape: 味道清新帶巨峰提子嘅微甜，酒係以近期最hit嘅Gin酒做base，酒味輕微，好易入口！加上佢用個茶壺裝住啲酒，倒出黎飲好過引！好啱女仔飲！Meng’s Soup: 孟婆湯係我最鐘意嘅stage cocktail！飲落去有好香濃中國香料味，同時以Plum Gin做base，用中國碗盛載，中西合璧，味道濃郁！每次都要叫番一杯爽下！好欣賞Vici Stage對cocktail色香味的細緻度，感受到調酒師滿滿嘅誠意！相信住荃灣嘅小編應該會不停落黎chill!!!!!!Attached with stage cocktail menu:

今日行開荃灣，想搵間chill d既地方食個晚餐。呢間野既主打係泰國菜，裡面有個bar，有時仲會有live band表演。氣氛好好，入黎食個飯又得，飲杯野又得，設有樓上座，可以睇下電視，又可以聽下音樂，坐番三五個鐘都無咩問題。我地叫左好多野食，先講下幾杯cocktail，杯杯都好賞心悅目，杯杯都係精心炮製，淨係份menu已經好有睇頭，因為每杯野飲個名都好有心思，並不是平時飲開既martini啊long island iced tea啊等等。Dancing grape顧名思義係提子酒，未飲已經聞到陣提子味飄左出黎，佢既presentation好有創意，用左一個中式既茶壺裝住D酒，另外有個茶杯，加左一塊檸檬同幾舊冰，飲幾多倒幾多。提子既香濃加上檸檬既清新，甜得黎又好fresh。Plum Meng's soup令人印象深刻，佢將D酒擺左落一隻碗到，旁邊仲有乾花點綴，正如description所講，呢杯酒集合左甜酸苦澀四種味道，缺一不可。Jujube highball係一杯好解渴既飲品，有少少似汽水，但又不失酒既烈同棗既甜，面頭仲有一串紅棗，無論味覺上定視覺上都令人心曠神怡。Yuzu forr