Cuisine Culture

營業中

休息中

餐廳：Cuisine Culture地點：中環德己立街菜式：法國菜餐牌：多款前菜，湯，沙律，主菜，意粉，甜品同飲品選擇。紅白酒啤酒買一送一。焗法式地道古也芝士洋蔥湯 $78呢個焗法式地道古也芝士洋蔥湯上枱嘅時候，服務員特別提示個湯碗好熱，個湯果然係好辣咀。湯水呈啡色，洋蔥片㷛到腍哂，好甜。古也芝士可以拉絲，鹹香芝士配甜甜哋嘅洋蔥湯好夾。湯面頭有一塊麵包，上面灑上香草，塊包吸左d湯，好飽肚。飲完暖笠笠。蘑菇多士 $89蘑菇多士有一客八件三角形多士分放兩邊，烤得非常香脆，仲有燶邊，上面搽左少少牛油同香草。中間個蘑菇醬好大兜，蘑菇料多到絕對唔可以簡單用一個醬去形容。個醬忌廉味好濃，好似忌廉蘑菇湯，又香滑又邪惡，分量絕對夠伴多士食。慢火煮紅酒和牛面肉 $268慢火煮紅酒和牛面肉用咗一隻長碟上枱，舊舊都厚切大大舊，大概有八件，炆到腍哂，又有肉汁，有筋所以食落口感重膠質，啖啖肉好滿足，呢道菜好出色。配料仲有車厘茄，蘑菇粒同西芹粒。個汁都幾好，唔過鹹又唔油，帶微微酸味。配上兩塊香脆多士好好味，可以點汁食。香蒜牛肝菌意粉 $138香蒜牛肝菌意粉熱辣辣上枱。意粉係幼身spaghetti，係我最鍾意嘅al

真心講，我未去過法國，我唔知所謂既正宗法國菜係點，只知我叫左6個菜，但我只係食左1.5個鐘就賣單閃人~2個人，openrice 訂枱有75折，人均HKD$4006個菜，紅酒白酒係買一送一，叫左一杯都只係$79，人均400，所以我只可當佢係快食既西餐焦糖鴨干鴨干配法包  HKD$168鴨干一啲都唔腥，法包加一大舊鴨干再加小小醬，好正，唔會over 但多士可以多幾塊就更佳囉~火腿提子沙律 HKD$148係冇咩驚喜既沙律，屋企自己整都得，法國菜係咁嫁咩? 日本鮮帶子檸檬汁初榨橄欖油意粉 HKD$188個人覺得帶子一般仲有小小over cook, 食到最底好多汁，代表咩?  唔掛汁未好似健康小小，冇咁肥囉~~~鴨腿 肉腸 巴馬火腿煲仔飯 HKD$208最驚喜係有飯焦，又冇咩味，飯係煮足，飽肚，但我真心講，個人覺得好一般般酥皮蘋果批配雲呢拿雪糕 上枱幾靚仔，係好靚，但未到驚喜我唔知有幾多打手/餐廳比錢谷人氣，但我食過一次就算，都唔會介紹比朋友。

有時唔想食得太貴，但係又想食餐decent少少既法國菜，就會黎呢間中環樓上餐廳Cuisine Culture。呢度位置方便，係正中環既中心地帶，餐廳入面地方唔算大，不過裝修係可以既，主要以黃色梳化椅配深啡色木枱，感覺溫暖。Cuisine Culture既餐牌好簡單，有多款前菜，湯，沙律，主菜，意粉，甜品同飲品。飲品有茶，咖啡，果汁同汽水。我地點左一份前菜，兩碗湯，一份主菜，一份意粉同一份甜品分享。蘑菇多士 $89呢個蘑菇多士第一次食。蘑菇多士一客六件三角形多士，烤得非常香脆，上面搽左少少牛油。個蘑菇醬好大兜，至少有兩款蘑菇喺入面，忌廉味好濃，好似忌廉蘑菇湯，又香滑又邪惡，唔捨得食剩。焗古也芝士洋蔥湯 $68呢個焗古也芝士洋蔥湯有好多洋蔥片，㷛到腍哂，湯呈啡色，好甜。古也芝士可以拉絲，鹹香芝士配甜甜哋嘅洋蔥湯好夾。湯入面仲有一塊麵包，上面灑上香草，塊包吸左d湯，腍左都好食，不過建議可以早少少就食，唔好等到腍。上枱嘅時候，服務員特別提示個湯鍋好熱，果然係好辣咀。天氣轉涼飲呢個湯，正。燒蜜糖檸檬芥茶籽黑毛豬排骨配香蒜薯仔 $219黑毛豬排骨兩大三細，半肥半瘦，好邪惡。個汁堅特別，好濃蜜糖同檸

以前公司係中環好多時放工就已經去咗第二個地方 (岀event)所以係中環食得最多就係lunch 😂咁耐冇嚟，今晚一於就喺中環搵食係OpenRice 見到拒做緊唔同時段都有唔同折扣睇過餐牌ok就book左6:45pm (有七折)晚上無set dinner，可以A la Carte 1. 焗古也芝士洋蔥湯 $68x2食法國菜點可以唔試洋蔥湯呢😋😋叫左兩個 湯味道濃郁 超多洋蔥 仲有拉絲嘅芝士😋 飲完好滿足啊2. 法式焗蝸牛 $98另一個又係必試既🐌🐌有七大粒底下配上薯蓉不過我就覺得呢個比較一般 味道淡d3. 美國安格斯肉眼扒配焗薯 $228 7成牛扒唔錯，煎岀黎真係七成陣陣嘅炭燒香味🤤正4. 露絲瑪莉燒紐西蘭羊扒 $238 7成羊都OK 不過有小小乾如果冇比較就冇傷害的話 (就唔好同牛比較😮‍💨因為牛比較岀色)5. 香煎時令魚柳拼海鮮配海鮮汁 $218本身想叫個pasta 但係諗諗吓 試完肉 心思思想試埋佢哋嘅魚🐟🐟煎得幾香口 仲配有三隻帶子 一隻蝦 🤤幾好6. 食完咸點都要食返啲甜品😬叫左酥皮蘋果批配雲呢拿雪糕 $78我自己必叫list入面其中一個就係蘋果批，酥皮脆之餘 蘋果片都焗到好香

位於商業大廈內既法國餐廳，感覺比較隱世，不過網上訂座有折，加上酒類買一送一，閒日晚飯時段都有七成人🤫▪️ 焗古也芝士洋蔥湯（7.5/10）💲68呢款係廚師推介既湯🥣值得一讚係侍應服務貼心，上菜時提醒碗邊超級熱辣辣🤭有塊麵包浸係湯內，平時唔鍾意咁樣食，但呢塊鋪滿半溶芝士，兩種者融為一體，仲帶有拉絲效果，加上煲到腍身既洋蔥片，配搭唔錯濃而不膩🧀▪️ 法國焗蝸牛（7/10）💲98蝸牛肉質有咬口，有住陣陣香草味🌿而薯仔有奶油味，若果再軟身順滑一點就更好🐌▪️ 法式地道鴨腿配鴨油煎薯仔（7/10）💲189鴨腿外皮微脆，肉質軟腍，都幾容易就做到骨肉分離，但係調味會偏向清淡🤪 ▪️ 香蒜牛肝菌意粉（7/10）💲138厚身既牛肝菌，加上左黑椒同埋橄欖油，食落都惹味唔會太單調，略嫌意粉質感偏乾硬身🍝▪️ 酥皮蘋果批配雲呢拿雪糕 （7.5/10）💲78面頭鋪上蘋果片，仲有酥脆批皮，入口薄身感覺超級輕盈，食多一個都仲得😎雲呢拿雪糕入面有啲堅果粒咁，有少少似食緊金莎既感覺🤣🔎 整體評分（7/10）

一直心思思想趁着暑假期間，帶仔仔去食法國菜。但又很害怕那種超级拘謹的餐廳感覺，同時亦擔心價錢十分驚人。今次訂呢間，是因為同事最近試過讚不絕口，所以一於去試吓。餐廳位於商廈二樓，出𨋢經過長長走廊就是餐廳。環境氣氛是令人舒適有親和感覺。餐湯 焗古也芝士洋蔥湯必試推介，呢個洋蔥湯製法講究，整個湯味香濃，夾雜著芝士及法包，味道很出色，令人印象難忘。小食香草焗田螺一份六隻，兩個人 share 食啱啱好。Main Course 慢火煮紅酒和牛面肉牛面肉炆煮得剛剛好，肉質10分細嫩而又不會過淋，保留口感。配埋法包，吸收了肉汁，非常好吃。紅酒是牛的好朋友，所以忍不住點了杯house red wine ， 味道帶點甜而順喉。黑松露醬野菌意粉黑松露醬與野菌的味道是十分夾配的，加上軟硬適中妁意大利粉，好食到沒法停口。酥皮蘋果批配雲呢拿雪糕主菜之後，當然少不了甜品。我們決定要試一試這個酥皮蘋果批，果然同樣不令人失望，而且個雲呢拿雪糕的雲呢拿香味是特別香，有別於一般，值得一試。

已經一排無黎中環呢間樓上餐廳Cuisine Culture，係食法國菜既，今日收工再次幫襯。位置好方便，係中環既中間，即係世紀廣場對面。 入到餐廳入面，裝修同外面既反差都幾大，裝修係唔錯既，主要係黃色梳化椅配深啡色木枱，同隔離枱有足夠既距離。餐牌簡單，不過都有多款前菜，湯，沙律，主菜，意粉，甜品同飲品。飲品有茶，咖啡，果汁同汽水。我地點左一份前菜，兩碗湯，一份主菜，一份意粉同一份甜品分享。焗古也芝士洋蔥湯 $68上次飲過呢個焗古也芝士洋蔥湯，今次要encore，貪呢個湯夠特色。上枱嘅時候，服務員仲友善提示個湯鍋仔好熱，千祈唔好掂。果然係好辣咀。洋蔥片好多，㷛到腍哂，湯呈紅色，好甜。芝士拉絲好長，鹹香嘅芝士好夾甜甜哋嘅洋蔥湯。麵包上面灑上香草，塊包吸左d湯，腍左都好食。法式焗蝸牛 $98法式焗蝸牛一客六件，連殼蝸牛用左香滑薯蓉固定位置。廚師落左足夠香草，蝸牛味道幾好而質感好稔。薯蓉都可以食埋唔好浪費。配上專食蝸牛工具。法式地道鴨腿配鴨油煎薯仔 $189鴨腿一大隻，塊皮有少少脆，肉質唔硬或過韌，仲有少少肉汁，味道都幾好，好過我之前喺第二間食嘅法式鴨腿。煎薯仔有五舊，好粉稔，我哋另外叫左茄汁

今日經朋友介紹去左位於中環既Cuisine Culture，餐廳身處嘅大廈比較舊，而且Cuisine Culture 位於角落位，用「隱世」二字形容就最適合不過。餐廳俾我一種身處法國小酒館既感覺，裝潢簡約，到處貼滿法國國旗，為餐廳營造出輕鬆悠閒嘅氛圍🇫🇷- 龍蝦湯味道非常濃郁，每一啖都充滿龍蝦原味道，質感滑稠，另外每人仲送上一片蒜蓉包。- 法式焗蝸牛🐌餐廳貼心地提供鉗同小叉。蝸牛肉質帶有嚼勁，配搭法式蒜香奶油醬提升整體風味，而且香氣四溢，每一隻蝸牛下面仲有薯蓉，質感香滑，而且帶有牛油香味。- 黑松露野菌意粉餐廳一啲都唔吝嗇，黑松露醬落得超多，令每一啖意粉都沾上黑松露醬，加上野菌嘅獨特香味，味道超級濃郁。- 法式地道鴨腿配鴨油煎薯仔外皮酥脆，完美地鎖住肉香同水份，所以肉質比我想像中嫩滑得多。薯仔散發陣陣鴨油既香味，外脆內軟👍🏻- 酥皮蘋果批配雲呢拿雪糕蘋果批非常精緻，賣相有少少似薄餅，批邊香脆厚身，入面整齊咁放上蘋果片，非常精緻。蘋果非常香甜濕潤，整體完全唔油膩😍上至龍蝦湯下至主菜甜品都有驚喜，尤其係法式鴨腿同酥皮蘋果批😋。係輕鬆休閒嘅環境之下，我同朋友更加自在，可以暢所欲言，朋友果然無

𝙩𝙝𝙚 𝙥𝙡𝙖𝙘𝙚 𝙩𝙤 𝙜𝙤 𝙩𝙤 𝙬𝙝𝙚𝙣 𝙮𝙤𝙪'𝙧𝙚 𝙘𝙧𝙖𝙫𝙞𝙣𝙜 𝙛𝙧𝙚𝙣𝙘𝙝 𝙤𝙣𝙞𝙤𝙣 𝙨𝙤𝙪𝙥!😋.唔講唔知原來蘭桂芳下面有間隱世法式私房菜，古也芝士洋蔥湯果然係餐廳扣牌菜，香濃肉湯超足料落左好多洋蔥仲有埋拉絲芝士，飲完都幾飽肚！焗蝸牛好香牛油同香草味肉質軟滑，係薯蓉硬左少少；意粉同鴨腿都不過不失，鴨油煎薯仔就幾唔錯，索哂鴨油香又煎得酥脆，啲薯仔仲甜甜地！臨尾食埋個蘋果批做結尾～

以前喺中環返工一直都有人介紹呢間餐廳，今日反而閑日先抽到時間去試吓餐廳位置喺小斜坡嗰邊，都搵咗一陣先搵到路～一坐低就即刻睇吓食咩！主打高級西餐來講，我覺得選擇都算唔少，叫做每種菜式都有少少～先同朋友冇人叫一個洋蔥湯，以前喺中環第二間餐廳飲過，味道好清甜～ 呢間仲好飲，湯上面有小片半溶芝士同埋小多士，拉上嚟嘅時候仲有少少拉絲效果～ 飲落去都係好清新，洋蔥好香然後點咗法式焗蝸牛做前菜，每隻蝸牛上面有香草醬，而蝸牛就多汁又彈牙，好Match下面做伴碟嘅薯蓉都好好食，富牛油同奶油香味～主菜點左鴨腿，因為比較特別，唔係普通餐廳都有得食～食落去有少少乾，不過好夠味，同埋煎得好香，相信如果鴨腿肥啲一定會更加好食呢個黑毛豬排骨就比想像中好食，充滿油脂，但係又唔會過肥～ 伴埋蜜糖檸檬汁好夾好好食最後到甜品，真係要大讚～ 呢個蘋果酥皮好香，但係入邊有keep住濕潤嘅蘋果蓉～ 雲呢拿雪糕嘅味道都好香天然雲呢拿味，冇香精味 一凍一紅好夾另外餐廳店員都好有禮貌，仲會特登問客人意見，亦好勤於幫手加水 唔怪得見到好多回頭客

幾年前同媽咪去過一趟法國旅行，法式料理的美味程度令人難以忘懷，今日同媽咪去中環食一間高質法式餐廳，超滿足～Cuisine culture 位於中環鬧區，即使今晚是閒日也座無虛席，仲聽到隔離枱話佢係由朋友推薦嚟食添! 法式焗蝸牛$98📌前菜必點，蝸牛非常柔軟細緻，嫩滑的肉質配合牛油香氣是極致享受😋焗古也芝士洋蔥湯$68媽咪超欣賞的洋蔥湯，她說好飲的洋蔥湯需要不少工序步驟，絕對是誠意之作，湯裡還有芝士夠特別，平時出街好少機會飲到！法式地道鴨腿配鴨油煎薯仔$189📌鴨腿好有水準，咬開煎至脆卜卜的外皮之後是柔軟入味的腿肉❤️ 薯仔以鴨油煎香，菜以黑醋調味，食落唔會太肥膩感覺好好～慢火煮紅酒和牛面肉$248和牛食落超級軟嫩，而且牛肉味濃郁～配以法包蘸哂所有醬汁一啲都無剩🤤酥皮蘋果批配雲呢拿雪糕$78📌鋪頭的signature 蘋果批，批皮鬆化酥脆，加上啖啖蘋果肉香甜清新😍雪糕入面有粒粒果仁好咬口好甜好滿足😋

食完之後我同朋友都好驚歎除左因為食物好味同環境優雅之外 全間餐廳都好用心營造法國菜格調我地食左五道菜每道菜食完 侍應都好講究地收碟再上菜亦會留意客人食嘅速度上菜🥰亦會了解客人對菜式嘅意見整體體驗都係大滿意(∩´∀`∩)´•ᴥ•`焗古也芝士洋蔥湯($68)洋蔥湯係經典法國菜呢度嘅洋蔥湯經典之餘又好有創意地加左芝士喺湯入邊加咗法包 再將芝士放喺上面 再成碗湯入焗爐焗飲湯嘅時候會有芝士拉絲嘅效果而且因為焗過嘅關係 湯十分夠熱個碗亦好保溫 就算影咗一陣相再飲依然熱辣辣 好熱 好熱～法式焗蝸牛($98)食法國菜又點少得焗蝸牛( › ·̮ ‹ )好細心同專業地有晒鉗同小叉唔洗用蝸牛有肌膚之親都食到調味有最經典嘅蒜味鹽味等等下面一層薯蓉牛油味濃 不過我影耐左 凍左少少 大家唔好學我( ･᷄ὢ･᷅ )慢火煮紅酒和牛面肉($248)呢個係一個其貌不揚嘅主菜睇落賣相真係普普通通但佢係好有內涵嫁( o̴̶̷᷄ ·̫ o̴̶̷̥᷅ )和牛面肉喺慢火煮下非常腍滑算唔上入口即融 但一切就開唔洗點咀嚼就吞得(´･ω･`)紅酒汁味道濃郁 推介🧏🏻‍♀️黑松露野菌意粉($138)好濃嘅黑松露味傳入我的鼻👃🏻意粉比較乾身 用左淡淡橄欖油調味突出

中環多高級餐廳就人人皆知，但高質又抵食既真係要去發掘，今次去既Cuisine Culture係一間平民化既法式西餐廳，大廚係法國學藝已經20年，係一間傳統得黎，又充滿人情味道既餐廳食物款式都幾多，而且價錢合理，有傳統既法式焗蝸牛、洋蔥湯、鴨腿等，當日去紅白酒仲有買一送一，真係幾抵－－－－－－1. 龍蝦湯 $88 7.5/10龍蝦湯偏啡橙色，質感唔算太濃稠，不過鮮味十足👍🏻多士烘得好香脆，牛油味重2. 法式焗蝸牛 $98 7.5/10一道非常經典法國菜，蝸牛配蒜茸、牛油同羅勒，香氣撲鼻😌完全冇黏質感，肉質偏腍，蝸牛下面仲有薯蓉墊底，不過質感較實，唔太creamy3. 燒蜜糖檸檬芥茶籽黑毛豬排骨配香蒜薯仔 $219 8.5/10個汁真係好好味🤤酸酸甜甜，同黑毛豬排骨好夾，唔會太濃蓋過肉本身既味道，清新開胃，食多幾件都唔覺膩，薯仔也是亮點，外皮焦香，內裏夠粉4. 香蒜牛肝菌意粉 $138 8/10牛肝菌份量好多，味道濃郁，質地柔軟😋另外，橄欖油同香蒜令整道菜香氣再提升，意粉煮得剛好，有彈性不過我覺得多了一點橄欖油，整體係好味5. 酥皮蘋果批配雲呢拿雪糕 $78 8/10店員見我地食哂主菜，就

今日嚟到中環一間大廈入面嘅餐廳食dinner~位於蘭桂坊,幾近地鐵站~不過屬於樓上鋪,人流比起地舖較少🙈見到呢間餐廳食法國菜,環境幾高級舒服😍就嚟吓😆一入到餐廳見到裝飾佈置感覺好西式～枱面仲會點蠟燭,幾浪漫🥰好適合情侶聚會💕法國菜出名等好耐,不過呢間餐廳上菜速度都算快👍🏻同埋服務態度真係超級好☺️職員會不停幫你加水,收碟換碟～焗古也芝士洋蔥湯($68)好香濃嘅芝士味😋飲湯嘅時候仲會有拉絲嘅感覺🤣好濃郁嘅洋蔥湯～幾滋味🥰法式焗蝸牛($98)蝸牛殼出面有蒜粒，蒜味帶出蝸牛肉嘅鮮甜☺️一碟有六粒大粒嘅蝸牛😆蝸牛殼下面會有薯蓉～成個配搭都好夾👍🏻法式地道鴨腿配鴨油煎薯仔($189)油鴨腿係著名嘅法國菜😆好大隻嘅鴨腿😍外層幾香脆☺️內層嘅鴨肉好Juicy😋切開都見到有啲肉汁流出嚟～鴨肉好易入口，幾新鮮同入味🥰煎薯仔幾淋甜👍🏻雖然外層有浸油，不過食得出佢嘅香味💕香蒜牛肝菌意粉($138)炒得好香嘅意粉🥰食得出佢嘅蒜味好濃郁😋有好多牛肝菌😆幾軟淋鮮甜💕意粉淋度適中～好好味😍酥皮蘋果批配雲呢拿雪糕($78)好鍾意呢個甜品😍雲呢拿雪糕有濃郁嘅奶香味😋雪糕入面仲有果仁😆enrich呢個雪糕👍🏻蘋果批外層脆卜卜☺️