三和敘

營業中

休息中

三和叙設計得非常摩登，一共有五層，今次就黎試下g/f嘅爐端燒，被安排左坐吧枱，因為係open kitchen能夠見到廚師烹調食物，真是一件賞心樂事!! 好多時都見到啲串燒係即叫即整，唔係整好晒一串串放晒喺度，呢樣野要讚一讚!! 首先係蔬菜類，冷日本蕃茄， present得好靚，鮮甜番茄搭配鹽估佢唔到又幾夾!!有機冬菇串 & 日本青椒仔串，呢度嘅食材好多都標榜由日本運嚟，質素有一定保證，非常推介!! 日本粟米，輕輕地燒一燒，一個字”甜”!!黑豚肉蘆筍卷 & 雞肉大蔥串，兩串都唔會話燒到好乾，留有肉汁，廚師真係功不可沒!! 燒日本魚翅，口感有啲似燒雞泡魚干，好香口幾好味!!明太子雞翼，隻雞翼好飽滿多汁微辣，雞翼肉質仲好嫩滑!!炸忌廉蟹肉薯餅，都食到幾多蟹肉而且裏面好creamy!!牛肉稻庭烏冬，看似平平無奇但其實個烏冬做得好滑!! 欣賞呢間食店對食材有要求，唔止食材就連碗碟都好靚，而且服務好好，作為一間日本高級餐廳非常合格，真心推介!!

每逢月中我都會對自己特別好，原因好解單，就係因為完成每月的大Project!! 今次個Project跟足半個月，真係嘔心瀝血⋯今晚約左家姐一齊食，辛苦過後搵人傾訴下順便見下屋企人，三和叙係一個唔錯既地方！先來野菜沙律開開胃。羽衣甘藍 小青瓜 生菜 車厘茄等等，蔬菜新鮮不在話下，配合埋和風醬汁，真係滋味！談心少不了小食，炸白蝦仔。白蝦仔唔算細隻，而且脆口有蝦味，一啖一口連殻都可吞，順便補鈣，哈～吞拿魚小卷。是晚之最，美國安格斯薄燒。好正！無論係賣相定係味道，都係非常咁好；齋睇外觀以為係用上厚厚牛肉而堆設而成⋯No no no, 全部係薄切，份量亦不少；烤調火候控制得好；旁邊伴碟有片片鹽及漬物，可以帶起味道來～自家製雞肉丸。將雞肉拆骨調味，再造成串燒雞肉丸⋯配上特製雞蛋醬汁，真係Oishi~!! 我真係好鐘意呢度既雞肉丸，勁大串又惹味！雜錦天婦羅（3隻蝦+4款菜）。雜菜稻庭烏冬。三和叙係一個好地方，地方寧靜材全係好品質。同家姐邊食邊傾，不知不覺又到左散band時候⋯期待下次再聊！

如果你有經過三和叙，一定會被它的氣派所吸引。室內是高格調的裝修，一流的環境和服務令食客可以專心享受眼前的美食。吃的是多種不同的日式料理、鐵板燒、 爐端燒和壽司等，而且有日本直送食材，具質素。美國安格斯薄燒 $250安格斯薄燒以層層疊擺上，夠份量。牛肉具質素，口感香腍，鐵板燒的製作出色，牛肉肉汁得以鎖住。伴碟的鹽粒和金山麵豉有助突出安格斯的味道。吉列黑毛豬扒蛋飯 $150豬扒飯有豐富的滑蛋汁，黑毛豬口感討好，香脆的吉列感和爽彈的豬扒令人一試難忘，紫菜絲和洋蔥等令扒蛋飯的味道更豐富。日本阿波美雞翼 $100阿波美雞翼非常香嫩，入口已經知道不是一般雞翼的質素，加上以備長炭燒，炭香味非常吸引，非其他串燒可比。西京味噌燒銀鱈魚 $240銀鱈魚燒得恰到好處，外層稍有香燒的感覺，銀鱈魚嫩滑，加上香脆的魚皮，配沙律醬非常滋味。炸日本鮮牛蒡 $60有別於一般吃到的牛蒡，炸牛蒡咸香味十足，而且多了一份香脆口感，中間仍嚐到牛蒡的鮮味。巨峰乳酸特飲 $42巨峰乳酸酸醒開胃。100% 蘋果汁 $48香濃蘋果汁入口舒服，感覺就像吃了一口蘋果。享受過後，你會發現三和叙是九龍城不能錯過的餐廳。

餐廳入到去裝修好靚，好有氣派。店員會先比熱毛巾你抹手，再斟茶比你飲。叫左日本青椒仔串，青椒燒得幾香，細細隻易入口。之後到日本黑豚肉五花腩串，呢個好肥美，但食落去唔會覺得好油，剛剛好。燒得夠香夠好味。雞軟骨串調味亦都唔錯，鍾意有少少胡椒味。雞肉唔會好老，而且雞軟骨又容易咬。蘆筍串好清新，食落甜甜地，有炭燒香味。白鱔我好鍾意食，因為燒得好香，個鱔皮脆脆地，啲肉又夠嫩滑，啖啖肉。北海道白粟米非常清甜，唔係時時有，係咁啱呢個季節當做。炸蝦天婦羅炸得好脆，而且仲配綠茶粉，幾特別。鱈魚子飯團亦都好香，好香嘅飯焦味。最後牛肉稻庭烏冬，鍾意幼身嘅烏冬，牛肉亦都有牛香味。總括嚟講呢一餐質素幾高，而且環境唔錯，服務周到。

前兩日有位朋友仔關注左我，我打開佢既page，有400幾個關注😱好利害呀！！我再睇佢既食評，每幅相都描寫得好詳細好細緻，我即刻比老細睇，佢話：你又叫我吾洗寫得咁認真既？因為好多時食完餐飯都會等幾日甚至一個星期先打食評，有少量食物已經吾記得係咩野味，咁我就會叫老細幫我寫。我答佢我叫你隨意咁寫，吾好覺得好似要交功課咁啫🤦‍♀️佢話我知道你要咩啦，吹水係我強項✌🏻下一篇食評我寫～💢XYZ💢😑我話吾係叫你吹水呀，如果吾好食都話好食，就吾會再有人睇我地食評嫁啦...近排老細工作都比較煩，攰，辛苦～佢話要食好D，對自己好D，所以我地就入左依間一直想試好耐既日本餐廳🥰魚生我們選擇了大，中拖羅，大拖油份夠，入口即融；中拖爽口，少油但魚鮮味濃，兩種部位都好正。赤貝有淡淡海水味，加上超爽口，正！馬糞海膽更加係海瞻界的王者，冇得頂！串燒之精髓最主要有兩樣：第一選料，豬腩肉本質中上，其次是燒的方法及手法控制。看見廚師用日本備長炭以大火燒烤，令腩肉的其中油分逼出。令豬腩肉油香及口感適中，油而不膩。再配合－點點海鹽點綴，令整個味道再作昇華明太子雞翼，相信太多數日式食肆都有，但這間的出品是我心中的數—數二。明太子質素

近排九龍城開左一間高級日本餐廳所以我地就去試下一到門口就見到一座三層！入門口見到一個大的燒物的廚房店員帶我們去吧台吧台可以看往主廚在制作食物！我們點了燒日本番茄🍅番茄多汁爽口簿燒豚肉卷肉好香內面卷了薑蓉燒雞肉捲下面的汁是一隻雞蛋黃，汁香香的！燒銀雪魚燒得剛剛好！炸牛蒡脆脆香香好有咬口烏冬麵質好爽口，湯座是木魚絲湯底！總結價錢 合理味道 食材好新鮮！味道好好！但分量有點小！服務 主廚會關心客人的口味！😏🥰

✨#中女獨食難肥日誌 ✨#三和叙 #Sanwa Jo #中女食九龍城這間日本餐廳位於九龍城其中一條街，門面高級雅緻，這天與友人一同決定吃餐好的😉很是期待🥰坐在bar檯上，可以看到師傅認真準備美食給客人，一絲不苟的態度令人敬佩🙇‍♀裝潢亦令人感覺置身日本，服務、美食、裝潢全都令人感覺良好，是一頓非常愉快的用餐經驗🥰..#炸白蝦仔 $90前菜先來一客炸白蝦仔，本以為是蝦米大小，誰不知白蝦仔都有幾厘米長，甚至吃得到蝦肉🦐店員說這道菜好下酒，真的不錯👍🏼蝦炸得酥脆可口，是一道香口的小食..#鐵板燒什菜 $128最來是擺盤十分精美的燒什菜，有東菇、秋葵、青辣椒、南瓜、蕃薯及茄子共六款🍆。單單用盬略略調味已很能帶出食物的原味😉當中南瓜及蕃薯很甜，青辣椒略帶甘味，少少辣🌶..#西京味噌燒銀鱈魚 $240來到主菜部份，是令我覺得最驚嘆的燒銀鱈魚☺燒銀鱈魚是比較貴的食材，但一進口就知道物有所值了👍🏼魚皮燒得略帶焦脆，魚肉卻是嫩滑無比，入口即化🥰味噌調味帶甜，是十分出色的一道主菜..#佐賀和牛串 $220由於上菜都快，吃著魚的中途和牛串就來了，店員提示要快點吃，冷了就浪費了🙈一進口滿口牛油香，牛肉豐腴，

九龍城食肆林立，貴的、平的、新的、舊的都有，今天來到這間新開不到一年的「三和叙」，一嘗爐端燒。餐廳樓高五層，地下食爐端燒，二樓食鐵板燒，三樓供應壽司刺身，而四五樓是給客人包場，每層可容納10多人，提供卡拉ok設備，私隱度極高。先來餐前小食《炸白蝦仔》，蝦仔炸到金黃色，奇脆無比，味道鹹淡適中，佐酒一流。《西京味噌燒銀鱈魚》 $240銀鱈魚肉質嫩滑，外層煎到微焦，配上千島醬更能引出銀鱈魚的鮮味，中間加一條幼薑做配搭，又新穎又美觀。《黑豚肉莆燒》食物的擺設真是一門藝術，中間的黑豚肉包住薑粒和蔥粒，碟旁邊灑了海鹽，還有少許日本金山子的麵豉醬，經理說，食第一二舊不用點任何醬，之後可點海鹽或麵豉醬，味道由淡至濃，如果飲酒的朋友，連酒的味道也會有所不同。豚肉雖然包住薑粒，但食落一點都不感到辣，豚肉豬味濃郁不臊，薑和蔥更能令豚肉味道進一步昇華，實在讓人一試難忘。《佐賀和牛串》$220選用A4和牛，一串有兩大舊，厚度十足，肉質鮮嫩多汁並富彈性，第一口咬落去，嘩！油香在口中爆破，甘香豐腴之餘更覺肉味與脂香並重，真是嘆為驚人。如果覺得較肥膩的朋友，可以加昆布一起吃，能中和油膩感。《蟹味噌沙律》 $130蟹味

為左慶祝好朋友👭生日，所以係九龍地條食街度搵間好少少既餐廳吃飯。最後，我地一致選左「三和叙」。我們二人order 以下6款菜款：🌟炸白蝦仔🌟侍應一上菜，徐徐吹來陣陣蝦仔味... 呢陣味.... 係靚食材既味道，而每一隻蝦仔都香脆而不油膩，讓人胃口大開，作為前菜既白蝦仔真係十分稱職。🌟明太子油揚豆腐🌟呢道唔係一個普通既豆腐；經過師傅巧手炭燒下，豐富了豆腐鮮味。再舖上粒粒飽滿的明太子，我既味覺又發現左一個新綠洲。🌟西京味蹭銀鱈魚🐟🌟銀鱈魚滑𠽌𠽌聲，再加上食落口沒有腥味，魚肉鮮甜，保留食材水份，魚皮又燒至脆口，實在高質。🌟日式阿波尾雞翼🌟雞翼大大隻，雞皮燒至黃金，食落脆口，雞肉嫩滑，沒有過重味精蓋過雞味... 唔錯唔錯😋😋🌟安格斯薄燒🌟黎到成個晚餐既重要戲啦⋯⋯ 每件安格斯薄燒都包住滿滿的蔥花和蒜片，再被最低層的白麵包托上來吸取過多既油分，presentation一流，最重要係肉味重，薄切牛肉燒得香口惹味；十分juicy，所以我地食得好happy 😋😋🌟雜菜蕎麥麵🌟食完以上幾款都好似有點「虛飽」，最後食埋個蕎麥麵就為豐富晚餐寫上完美句點。雖然蕎麥麵做法簡單，但餐廳都無hea 煮... 清湯加

隱世大和美食三和叙---米白色的牆身及和風格調濃罩著整間小店，給人很自在及舒服感，腦海中馬上浮現東京後巷那些居酒屋之畫面，日本男人不願提早歸家，寧願和朋友暢飲一番及吃吃爐端燒才回家！跟新相識做自由工作者Harriet在三和叙會面，大談自由工作者之路如何艱辛及彼此初心，喜歡自然用心去做，跟這間日本小店，相信厨師就是喜歡日本美食，才用心製作每一道菜……叫了以下款色:1.炸白蝦仔: 先來前菜，炸白蝦仔，白蝦仔也有5至6 cm長，炸至金黃，入口奇脆無比，惟獨欠日本酒，作為前菜，它以亮麗姿態呈現，十分稱職地打開我的胃部，迎接下一道菜。2.日本阿波美鷄翼: 用炭燒出來的鷄翼，味覺馬上敏感起來，味蕾也擴張不同味覺區域，一口咬上鷄翼的中部，鷄味十分濃，肉汁也蠢蠢慾動地滲出，鷄皮脆肉又嫩，真的想從Harriort 手上搶奪另一隻鷄翼，貪心乃是人性一種，貪心衹因渴求吧！3.美國安格斯薄燒: 安格斯牛懶洋洋地睡在軟多士上，身上超薄的肉衫反覆摺上幾摺，分成四塊親密地背對背靠著，用筷子夾上，已感覺到牛身之薄及肉脂分佈何其均勻，油脂在口中揮發出來，口感十足，令人一試難忘，回不了頭。3.西京味噌燒銀鱈魚: 如手掌般

朋友帶我去佢屋企附近呢間爐端燒, 話食材好新鮮, 而且位置寬敞, 係敍舊嘅好地方一入門先知原來佢有成三層, 我哋食嘅係最底層嘅爐端燒, 地方乾淨整潔, 俾人一種好舒適嘅感覺朋友介紹呢道燒牛蒡, 牛蒡茶就聽得多, 呢個食法真係第一次, 出奇地好食, 感覺有啲似食緊薯條, 加上少量鹽粒, 好香口😍味噌燒銀雪魚肉嫩多汁, 我通常用嚟形容牛扒, 但呢道魚真係好唔同, 烤都可以烤得咁juicy, 的確抵讚👍🏻和牛鐵板薄燒呢道係我最鍾意, 薄燒和牛包住蔥蒜, 和牛入口即溶, 加上蔥蒜味道豐富, 仲有伴碟嘅香脆蒜片簡直有點晴嘅效果😍阿波美雞翼燒得剛剛好, 表皮香脆, 入面香嫩多汁烤日本粟米好新鮮香甜多汁😋和牛炒飯和牛份量多, 油香四溢😋

返工之後，食變成我最大嘅樂趣，每一放工後都會踏上尋找美食之旅，希望從美食中彌補工作嘅空洞。由於工作地點喺九龍，所以呢排更多發掘九龍嘅餐廳。今次就去左九龍城嘅三和叙。餐廳總共有三層，每層屬於唔同款式嘅食物，由下而上分別為爐端燒、鐵板燒同壽司。餐廳有吧枱位同卡位，坐係吧枱位嘅我哋面前放滿各種新鮮食材，另外亦見到師傅嘅英姿。我地總共叫咗七款食物，首先出場嘅係炸白蝦仔。炸白蝦仔本身味道夠鹹，炸完之後更加香脆，飲酒嘅時候一定要配呢個炸白蝦仔。西京味噌燒銀鱈魚肉質好滑嫩，除咗沙律醬，銀鱈魚上面仲有一條好似蔥既幼薑，配搭相當新穎。鐵板燒菜盤入面有秋葵、南瓜、番薯、茄子、菇同青椒。茄子切成扇型非常精緻，至於秋葵、青椒亦係大愛。和牛串係我今餐最期待嘅食物。外皮微焦，可以見到和牛呈鮮紅色，肉汁豐盛，入口即化既肉質更加非同凡響，旁邊既小食味道酸酸甜甜，可以解膩。日式阿波尾雞翼肉質嫩滑，帶有淡淡雞肉味，不過唔係太多肉，比較瘦。比起雞軟骨，雞胸軟骨應該係第一次食。兩者口感同樣爽脆，不過軟骨更大，旁邊既肉更多。上面嘅菜式都係串燒或者小食，感覺冇咁飽肚，所以最後叫左黑毛豬滑蛋飯。黑毛豬幾厚身而且多汁，滑蛋同洋蔥送飯

今日同朋友去九龍城買蛋糕，喺福佬村道經過見到一整幢嘅日式料理，先醒起之前响社交媒體見過有關三和叙嘅報導。咁近城煌廟就梗係要入去求支籤啦，反正都黎咗，朋友又唔介意食埋飯先走，於是就入去喇。三和叙原來都分左幾層有爐端燒、刺身、和食、鐵板燒。因為我朋友唔食生野，所以我地點咗啲爐端燒同和食。炸白蝦仔：好脆口，白蝦仔蝦味都幾濃，好好食，如果飲酒嘅話，叫依個邊食邊飲邊傾計，一流👍🏻黑豚肉蒲燒：薄切黑豚肉卷住薑蔥燒香，豚肉又唔會燒到老哂，鮮嫩兼juice。伴碟有金山寺味噌同昆布鹽。黑豚肉薄燒點昆布鹽食就令其鮮味提升；點金山寺味噌就令黑豚肉蒲燒甜味提升，完全係兩個口味黎。不過唔好兩樣都同時點，我試左係會中和返嫁😅日式阿波尾雞翼：用備長炭即燒，時間控制得好好，熟之餘食落有肉汁，皮脆肉嫩。西京味噌燒銀鱈魚：魚肉好滑，魚嘅醬汁甜甜的，完全唔需要點沙律醬。北海道爽甜粟米：日本粟米本身已經比較香甜，燒起上黎就更加好食。師傅好細心，燒好後將粟米破開，夾起上黎方便好多。野菜烏冬：湯好清甜，烏冬唔同出面超市/凍肉鋪買果啲真打稻庭烏冬，不論味道同口感都一流。最後食埋甜品，士多啤梨雪糕同柚子雪芭。士多啤梨雪糕好香同好滑，

去旅行前同姑拉食飯黎左九龍城三和敍，原來一橦3層都係三和敍，有分爐端燒，鐵板燒，壽司刺身Omakase我地叫左龍蝦鐵板燒，和牛鐵板薄燒有包1杯飲品，2款迷你飯麵或天婦羅套餐或吉列黑毛豬扒套餐，我地叫左迷你鰻魚飯，迷你和牛炒飯，吉列黑毛豬扒飯套餐，叫完先發覺叫得太多飯姑拉又減緊肥。。。最後都係我包底。2個餐有包刺身，有魚薄切，深海池魚，赤身，炙燒Toro， 每款刺身都好有光澤同新鮮龍蝦鐵板燒用左本地龍蝦，肉鮮甜彈牙，正，仲用左龍蝦膏整既汁鮮上加鮮又香濃和牛鐵板薄燒係A4佐賀和牛，肉質嫩滑加埋蔥花好香口，亦唔會肥膩，之前係第二到食過A5和牛就太油膩，所以A4係剛剛好。和牛炒飯炒得乾身粒粒分明，一黎到就有陣牛油香味，仲有d煎香左既和牛粒粒，好好味又充滿牛油香雞蛋香同蔥香。鰻魚飯既鰻魚都燒得好香個鰻魚汁唔會死甜滑蛋吉列豬扒飯，豬扒厚身唔會乾柴，都好食，估唔到飯類都好味。最後食埋個豆腐芝士蛋糕，幾濃郁豆味，係個汁酸左少少，夾埋一齊食就可以中和番。仲見到有魚缸養住龍蝦，鮑魚，蠔等海鮮，可想而知海鮮類新鮮個厠所仲好夠大，亦貼心提供埋牙線，至簽等。環境乾淨整潔，日式裝修設計，睇得出花左好多心思。侍應

前嗰排諗住幫個老友搞個生日飯，記得佢話佢好鍾意食日本野，咁就梗係落足力幫佢搵返間有份量嘅日本料理餐廳慶祝啦！知道九龍城有間日式料理好評幾多，餐廳嘅服務同埋環境氣氛都好好，咁就梗係帶埋我個老友試下佢啲嘢食啦！🥰首先嗌左日式阿波美雞翼，師傅係即時喺我哋面前用長備炭燒，燒得好均勻，好香！因為佢用咗海鹽醃製過，更加入味👍🏻再嗌左個日本鮮蕃茄炭燒作為前菜之一，蕃茄好新鮮，微焦再加上昆布汁，好開胃！之後再嗌左西京味噌燒銀鱈魚🐟，食落去好新鮮，冇腥味，配合埋甜甜嘅醬汁同沙律醬，更帶岀銀鱈魚嘅味道，正！然後再嗌左個炸白蝦仔，好脆好好食，又唔會話太鹹，食完之後更加開胃！在嗌咗個黑豚肉蒲燒，入邊仲有啲蔥同埋薑，之後再用薄豚肉捲着再燒，豚肉超嫩口，可以再點埋側邊啲海鹽，真係好好食！最後就叫咗個雜菜蕎麥面，面唔會話太硬太軟，口感好好！😍我最滿意佢呢度嘅環境之餘，依度嘅服務態度都好好，所以有機會一定會再過嚟！