不倒翁中日火鍋料理

營業中

休息中

明明book 了7:30 p.m., 最後等到7:50分才俾檯.  那 book檯.的意義是什麼?坐下了叫侍應給水及碗, 每樣要叫超過5 次及分別叫幾個人先俾.  當然我們叫要收錢的飲品就立即送上.叫咗水餃但給了韮菜餃. 放了4隻下鍋先發現. 同侍應講, 佢話補返 4 隻水餃, 當然最後冇嚟. 我們自己再叫多碟水餃算.  做唔到嘅就唔好隨口噏嚟敷衍.雖食物味道ok (但唔算出色), 但唔值佢嘅價錢, 更抵銷唔倒佢差勁嘅服務同對客人敷衍的態度.  不倒翁算是較早期的連銷火鍋店, 但巳流失了很多客給有心有熱誠的獨立火鍋店.  以不倒翁的定價及服務, 真的唔奇. 唔怪得咁易 book.  應該唔會再去. 

上年2014年的農曆年初三飲茶, 去了佐敦偉晴街的”順德公漁村”. 閣下如果未去過的話, 下年一定要去見識一吓, 全店員工, 不斷來到你的檯前, 不斷地向你們(不是單一個”你”, 而是”你們”, 通常員工攞利是, 只會理解為一檯客一封), 講”恭喜發財”, 講到你比”利是”為此. 此情此境, 真是難忘. 今年, 老人家話上年的經歷太難忘了, 怕怕, 於是去了這間: 不倒翁.哈哈… 一位侍應也沒有來”恭喜發財”喎…老人家又有說話了: “嘜呢間酒樓咁怪既, 新年溜溜, 都唔講恭喜說話…”.. 頂… 真係難服侍既啫….哈哈… 當然, 老人家照樣派”利是”既, 正所謂, 新年溜溜, 大家開心….麻佐敦區, 這店的水準確實幾好, 所有點心都做得不差. 蝦餃, 皮彈口, 蝦肉爽. 义燒飽, 皮軟物, 不粉不實, 醬汁適中, 不杰不希, 义燒肥三瘦七. 咸水角, 熱度十足, 皮脆且煙韌, 餡足. 春卷, 皮脆蝦仁爽口. 炒飯, 要件138一碟, 但份量足, 炒得乾身, 好味. 唯腸粉皮較為厚和實.

上星期公司請食飯, 約埋幾個同事一齊去。上到去成場都已經坐滿, 公司book左枱就唔洗等位, 直接就坐埋位啦～行入去途經刺身bar, 師傅開緊生蠔, 齋睇都知正!!我地去到老闆都未到, 邊等邊同同事睇menu睇下有咩食, 愈坐愈餓, 所以勁期待一陣餐飯老闆到場就可以上菜, 首先上枱係預訂左嘅龍蝦刺身, 一放上枱成枱人都“嘩~~~”第一碟大家都好好心機影相, 等各人影好先開動! 一放入口, 係勁爽口鮮甜。我平時對熟龍蝦係零興趣的, 但呢碟真係毫無抵抗力, 食完一舊又一舊之後就到象拔蚌, 打邊爐必叫! 但係呢碟同我平時食開嘅好唔同, 鮮甜爽脆, 真係無得頂! 整隻蚌部分切條, 部分切片, 我比較鍾意食一條條個款呢!平時唔食生蠔, 我都ko左3隻! 好甜好新鮮, 但我嫌佢唔夠甘~~三文魚腩刺身, 魚肉同脂肪比例2:1, 岩岩好, 唔會太肥。一入口, 油香四溢, 正呀刺身部分食完, 都已經飽左一半~~~頭先龍蝦刺身個頭同腳就斬件, 用黎打邊爐!打邊爐食物實在影唔切, 食物一放低就俾班化骨龍同事倒哂落鍋, 唯有影個overview俾大家睇。脆骨腩: 我至愛, 無呃人, 真係脆架!響鈴: 新鮮炸起

很不錯的日式火鍋，窗邊位子景色非常不錯，食材非常新鮮，海鮮都是即做。龍蝦的頭很大，蝦也好吃，肉鮮美有彈性。值得推薦的是雪花牛肉肥瘦相間，鮮美嫩滑，泡越久越嫩，印象深刻。四喜丸子也不錯！

上月有好友慶生約定在佐敦「不倒翁中日火煱料理」茶聚，此店舖地方不大，勝在環境幽雅，服務員有禮貌，食物品質也不弱。我們點選：蟹肉小籠包~~皮薄肉鮮的小籠包用小錫碟子盛載，真是吃得論盡也無閃失！生煎菜肉包~~不太油膩，嫌無乜肉汁。蘿蔔絲酥卷~~與一般酒樓的酥卷製作有分別，蘿蔔絲是內藏酥卷，外形有點像春捲， 酥卷是外脆內軟，帶有蘿蔔鮮甜。韮王帶子腸粉~~韮王帶子是可口， 腸粉嫌稍黏，比不上大排檔的爽口。 銀杏枝竹豬肚~~有六小件豬肚剛好夠分，鹹酸菜已煲出味，沒有爽脆口感是正常， 煲稔的銀杏枝竹吃來清淡中略帶鹹味奶黃流沙包~~三個包包水準都不一？一個流沙較乾，一個流沙較冇咁乾，口感好的，看著奶黃流隨隨流下，都是視覺享受罷！ 黃沙豬潤腸粉~~ 師傅處理的黃沙豬潤，會特別爽脆。高湯灼芥蘭~~灼芥蘭稔，卻又嚼得很爽，高湯也吃光，沒有浪費！ 金珠鹹水角~~香口脆身的鹹水角一開二， 都算細心服務，少吃很滋味，但忘記請教侍應,,,, 何謂金珠？翡翠駝鳥柳炒河~~足料的翠肉瓜配駝鳥柳，駝鳥肉比牛肉低脂又無牛肉的臊， 味道也適合我們，不太鹹。撈起....獻汁也包裹每條河粉！ 奉送糖水~~我喜歡的麥米粥茗茶每

星期六晚，親戚廿人約埋到佐敦呢間打邊爐，野食係好新鮮，不過好貴$14000埋單。象拔蚌三盤，超新鮮鮮甜，片片爽囗大蠔5大碟共20隻，超級大隻，好鮮甜肥美肥牛5碟，雪花靚，好新鮮，好有肉味，正黑豚肉4碟--新鮮豬鮮味，肉味餃子3碟超足料大隻其他就冇乜特別，一般打邊爐食材，埋單有點貴

星期五諗住一家人打邊爐高高興興，先去不倒翁附近的一所但嗰度無位。於是想起不倒翁，咪出發囉。入座算快（星期五8點都仲有位，我一時醒唔起，可能中伏）。一座下，叫完飲品，侍應立即sale海鮮。 我話唔食生嘢，佢就話“咁食象拔螃啦”，我話menu上寫住係生架喔，佢就唔出聲。先叫個湯底同牛先，肚餓湯底：雪梨海底椰豬骨－－足料，不過鹽同味精都好足，鹹到飛起手切牛：可以食食吓，第二個又嚟，“先生，叫個蝦，唔係不如叫個魚”  又嚟！好，唔理佢，在叫。芝士墨魚丸：神奇，內裡無芝士！！試多兩粒，都無，問佢係咪送錯，佢話“係咁架”！！芝士係少少架咋！ 佢咁都講得出口！羊：可以黑豚肉：硬，難咬韭菜餃：叫做成晚最好食。。。蝦滑：不過不失收工。 成晚的感覺係好似佢逼我俾佢寫菜單咁，有提議係好，但唔洗逼唔洗不停重複呀嘛！食完後，結果口渴到我死，個湯真係出事，我已經盡量隔開唔飲個湯，“擎”乾水先放嘢食入口，哎。。簡言之，服務非常差，食物普通得無得再普通，最落足的就係味精，唔太乾淨！無下次！PS：一位侍應稍為有良心，我叫一渣凍飲，佢見有細路，即刻建議“飲熱好D喔”。。。

很享受假日可跟家人一起上酒樓飲茶，但現在已有點厭倦一些連鎖酒樓擠逼的環境、服務員可怕的態度及每況愈下的食物質素。聽說某些酒樓已將點心製作轉至國內工場進行，所以點心不夠新鮮，不知此事是否真確。想找一間好一點的酒樓，想起家附近的不倒翁好像也有茶市，於是立即訂枱。到不倒翁大多是火鍋，飲茶卻是第一次。之前曾光顧此店，總覺食物質素次於尖沙咀及銅鑼灣店。環境方面倒不錯，裝潢以木色為主，富日式風格之餘亦高尚雅緻；座位寬敞，坐得舒適。預約時向店員表示因有BB同行，故希望座位遠離出入路口位置，店員亦能安排，十分感謝。此店店員服務比銅鑼灣店優勝，雖然還稱不上殷勤，但總比該店有禮得多。點心選擇不多，也沒有花巧美點，大多是一般大眾化的食物。價錢不算太貴，由小點$20.8 至特點$35.8 。由於此店為中日式食店，點心以外有壽司刺生提供。  黃沙豬膶腸 皮雖不算薄，但倒是頗滑及帶點煙韌；豬膶切成粒狀，軟滑爽口。兩者配拾得宜，口感不俗。金珠咸水角  賣相不太吸引，看上有點油膩。皮鬆化，外脆內軟。餡料份量一般，肉碎帶少許醬汁，頗惹味。奶皇流沙飽 餡汁帶淡淡蛋黃味，不算濃郁，也不夠流心；飽卻頗軟熟。潮式蒸粉果 皮製作

夏日炎炎，經常無野揾野泥搞的我當然是拉埋呀媽呀爸去打邊爐。是夜去了一直都想一試的不倒翁中日火鍋料理佐敦分店。但進入此食評之前，我要開心share一件白痴事給大家。話説我去Openrice搜索這間火鍋店是，忘了怎麼打“不倒翁”三個字，竟然打了“北斗翁”。更爆是，真的有間火鍋店名叫北斗翁（全名是北斗翁頂尊火鍋料理）。當時的我不知道打錯了字，看見搜尋後有結果了，便以為這間是我一直想去的那間，就打電話去訂位了。後來無無聊聊在Openrice上閒逛，才發現成件事錯晒。唔緊要，最後還是發現了，立刻取消北斗翁那邊的booking，改為book這間不倒翁。最後奉上西瓜一片還有呀媽口中所説“好核突”的紅豆糕，吃下去，嗯，是有點核突。埋單每個人大概四百，以食物質素來説，不是特別便宜，但也不貴。如果不吃火鍋，他們是有小菜的，亦聽聞他們的刺身很不錯。

曾經光顧過位於時代廣場的不倒翁銅鑼灣分店, 雖然價錢稍高, 但食物質素和服務水平均甚佳, 因此這次選擇了其位於佐敦的分店吃火鍋, 可是卻換來一個不愉快的經歷。牛肉從來都是火鍋的主角, 這次於一碟牛肉內發現其中數片含有大量黑色污漬...... 黑色污漬上呈反光狀態, 方向甚為平衡, 估計是由切牛肉過程中產生的。於是便跟店員反映一下, 原本這位身穿黑衣說話帶點粗豪的店員服務態度是不錯的, 誰不知反映後這位店員的態度卻來個 180 度轉變, 首先把牛肉近距離研究了一會, 再走到射燈下再看, 之後回來的答覆是：「是牛肉放了過長時間所致。」 此時大家都感到非常詫異, 至少在座數位朋友也從來未於火鍋店遇過出現這種狀況的牛肉, 牛肉出現於檯上也只是一小時內的事。於是我們堅稱這是污漬, 至少也沒有人敢把這幾件牛肉放進火鍋內然後食用, 這時碟上仍有約八片牛肉, 而被發現有污漬的則有三片, 店員沒有作出任何道歉, 卻說: 「我換返兩塊俾你。」 什麼? 兩塊? 其實當時席間朋友也吃得七七八八, 來到尾聲時才發現這個問題, 大家已經很擔心事前已經吃了不少這樣的牛肉, 而我們的目的只是想反映這個狀況給店方,

我生日與朋友共5人,訂好位去不用等位,分兩段時間,6:30-8:30PM同9:00PM之後,佐敦分店的好處係話8:30PM要交枱,但無人等可以再坐.MENU的食品不多選擇,我們都吾知叫咩好,叫了兩次牛肉,真係見到人手用刀手切,蟹子燒賣餃同餃子,各$98有8隻,好貴,但全隻餃都係蝦,好大隻餃同蝦,另叫了生菜,脆響鈴,卷得太多層,可能因價錢貴,所以多弄幾層,較大件的感覺.芝士墨魚丸內芝士很少,係手打丸,好似MENU無咩嘢食選擇,因種類太少,吾知食咩好,所以食咁少飯後有附送西瓜及紫米糕,因價錢較貴,服務較週到,一入去有人同你倒茶.

某個星期日下午到上址, 很偶爾的一次相遇, 來到店內發覺原來空間感比尖沙咀店闊落多了, 可能同座椅都比較闊大有關係, 當日叫的點心都係一般款式,但質素之高令人刮目相看,蝦餃, 燒賣的體積係平時的1.25倍, 燒賣面的原隻蝦足可以將燒賣蓋住,無論做內餡的蝦肉同擺面的蝦肉都係同一品質,牛肉球有四小球, 雖然是四小球, 但一球一口尺碼又剛好喎,味道/質感完全OK咸水角,這裡是用剪刀一剪開半,點解要剪開呢?因為這咸水角皮的關係, 它應該是粘米粉比例重, 所以炸起後外皮比一般的硬脆而又因而外皮較簿,少了糯米粉那份軟糯口感,喜好與否每個人都會有唔同的反應, 但個人認為高個口感想必是小眾的口味, 雖然這裡點心品種唔算包羅萬有但最應該有的都可以叫得到, 另外想一提的是當日的炒河粉(駝鳥肉炒河粉) 一拿出來已經感覺到陣陣香熱氣上昇中, 証明夠鑊氣,駝鳥肉味淡只能靠醃料味道帶起,不過肉質同牛肉比較接近,河粉每條都顏色均勻, 沒有一啖咸, 一啖淡那種連調味料都炒唔勻嘅弊病,值得一讚,

睇返先知原來上一個食評係2010年4月，哈哈廢話少講入正題，訂左七點，不過六點半同朋友已經到左所以就入去，首先湯底係日式花甲海鮮鍋$138，我同朋友都鍾意呢D清清地既湯底，都算幾滿意加拿大象拔蚌刺身，時價今日要$428，係就係貴D，但真係好好食(小)$198，真係後悔做乜叫個細，真係好好食，絕對唔夠喉，口感夠淋又有牛味，切得又好美國桶蠔$138，呢個可以話係今餐唯一污點，呢個價錢但係咁細隻，熟左仲更加細隻，下次再黎唔會叫黑豚肉$88，切得夠大塊，只係肉味比較淡，但都算係出色既一味日式野菜藍$78，份量幾多，又有菜又有菇而且都好新鮮，正！招牌四寶丸$98，手打丸四種都好味，牛丸+豬肉丸+蝦丸+墨魚丸，有人可能覺得細粒，但我覺得呢個大細先最適中$49，其實諗過叫八隻抵食D，但侍應話好大隻問我地不如四隻試下，結果好彩佢真係幾老實，真係好大隻啖啖蝦甜品，不過不失的普通貨色呢度雖然貴，但無論食物質素環境同服務都好好，係值呢個價錢，有機會會再黎或者去第二間分店試試

環境和服務是無可挑剔，食物質素也十分好，星期四沒有太多顧客，環顧四圍也有吉枱，坐和傾談也十分舒適，說到尾只是價錢貴了一點，鍋底最普通的接近一百，有白粥底，價錢質素都以中上客為主。

一路都好想打粥底邊爐，今日終於有機會試嘞! 喺openrice搵到呢間，好似大家都讚，於是嚟試吓，真係唔錯喎!三個人唔可以叫太多嘢食:白粥底手切本地牛脊一份(細) - 好後悔要咗份細，因為真係好林好有牛肉味雪花牛肉(細) - 都幾厚身，但係都好林，亦有牛肉味，不過當然後牛脊好味啲四寶丸 - 呢個一般墨魚滑+蝦滑 - 原來可以兩溝，不過蝦滑麻麻地，下次可以淨叫墨魚滑珊瑚蚌 - 好爽口呀唐生菜半隻雞 - 配粥底好好味續樣計錢，而且都唔係平，所以都唔會狂叫，雖然冇出面任食食得咁放，不過呢度啲食物好新鮮，最後食埋啲滿有肉汁嘅粥，覺得啱啱好，好滿足! 食成晚唔算好多人，侍應時不時嚟加粥水，服務很好，食得好舒服!滙豐白金咭有9折，埋單$970