串カツ専門店

營業中

休息中

兩年前在名古屋市，於関谷醸造開設的居酒屋‘圓谷’內喝過一系列酒蔵直送的‘蓬莱泉’作品後，便一直沒有再喝‘蓬莱泉’。不是不好喝，相反，是太好，總覺得即使在香港買到，也不能跟當時的相比。今天再喝，主要原因是新一季的生酒，及原料中跟當時最出的一瓶一樣，加入了自家釀造的燒酌。標榜‘米由来’，意即除米麴外，連燒酌也是由米釀造，所有原料也是從米而來。也因為加入了燒酌，所以不能稱為有特定規格的日本酒。淡中甘，中重米香，微汽泡感，超香。極出色，雖然還不是我喝過蓬莱泉中最喜歡的出品。蓬莱泉 しぼりたて 生酒関谷醸造產地 愛知県設楽町使用米 日本産米精米歩合 55%酵母 --Alc 18%日本酒度 --酸度 --冷飲食物嘛，眼同類型的JanJan互有長短，兩家可以說是在香港找到最高質的就是了。

大板炸串唔係道道都有，呢度既大板炸串地唔地道我唔知，但就一定好好味😋今日個炸雞軟骨麻麻地炸得唔夠透，但係其他炸物都好好味最出色就係炸魷魚同牛肉，2個都炸得岩岩好。另外，吞拿魚他他都好驚喜！

一上到就好似去左日本既居酒屋一樣，大約30個位到啦，好多都係日本人，連個老闆都係，店員又好nice，餐牌有中文唔洗擔心，仲要開到兩點岩晒夜鬼既我🤪🤪店員推介左個烤香腸，點個芥末又真係幾好食喎😋八爪魚丸同大阪又真係無乜分別😂😂最好味係佢下面塊蝦片😂😂😂但係唔好等太耐食呀，佢好多汁會冧晒架明太子玉子卷值得推薦，因為好多既明太子啲蛋又香又滑😍😍我地仲叫左個牛腸鍋，好有九洲既味道個湯底好正👍🏼👍🏼PS個洗手間佈置得好靚，差啲唔舒得出番黎😂

前一晚女友同朋友試完，第二日就話要番食，有好野食，當然第一時間去試啦，我地大約6：45上到去(有book位) ，上到去環境感覺都似日本嘅居酒屋，大約有30個位左右，已有半場食客，主要日本人，因為呢間老細係日本人，所以全間鋪嘅員工都識日文，氣氛唔錯～我地點咗白子，薯仔沙律，芝士明太子蛋卷，啤酒煮蜆，酒盜芝士，鮟康魚肝，吞拿魚他他，鹽枝豆，炸串嘅有：牛腸串，芝士餅串，帆立貝串，白魚串....另外飲酒..咁多樣食物比我感覺～白子：好新鮮，似日本本地食炸物：感覺一流，炸皮唔厚，食材新鮮芝士明太子蛋卷：一定要食，非常好食👍🏻吞拿魚他他：佢做法唔做全蓉，中間留番一啲細粒，增加口感，新鮮，好食～酒盜芝士，鮟康魚肝：送酒小食，唔錯薯仔沙律：偏鹽咗一點啤酒煮蜆：全晚比較失望嘅一道菜，煮得過熟..除咗食物，最值得讚嘅係每一個員工都好有禮貌，同埋環境好乾淨(包括廁所) ，所以呢間一定會再番轉頭食

@oh_hkfood已經嚟咗依到兩次，而每一次都有好多嘅驚喜，依到嘅環境仲真係好有日本fu。首先，依間餐廳平日都好多人，但位置唔多，而嚟得嘅人客都會坐好耐同朋友飲酒食野，所以大家記住要book位💁🏻‍♀️跟住當然要推薦佢嘅野食！(1)必食嘅明太子玉子燒係我首推，唔好以為明太子得表面咁少，佢係蛋卷裏面仲有好多流心嘅明太子同埋芝士，配合起上嚟味道剛剛好，唔會俾明太子太咸搶左味！依家仲同依個啤酒做緊套餐優惠，配埋個招牌傳統料理土手煮👍🏻 (2)當然仲要食佢嘅炸串啦，講真所有都炸得好味，炸皮超薄，配埋個醬汁真係ichiban！炸串嚟講就一定要試雞蛋豬肉卷，炸得好有技巧，蛋黃仲要係流心的

唔知 知邊鬼個 茶毒 我，帶我嚟呢度食宵夜， 跟住我就上咗癮，隔天就要來一次如果 畀我拆解到邊幾隻手就知 邊幾個茶毒 我梅水晶 前菜必食鹹鹹酸酸 開胃好少地方 有甘原味既明太子食 我一個人食兩份正亞， 明太子玉子超乎想像中咁好食，中間包住除咗明太子仲有芝士，芝士仲可以接長，好夾未串炸以價錢嚟講係抵食嘅 ，ok囉幾廿蚊正常但係你話好好味又未去到就係呢碗拉麵 ,令我上咗癮,日日都想食麵質爽口 味噌湯底帶微辣夠濃味勁正炸雞軟骨都吾錯

今日放工索性食埋飯先返屋企，黎到呢間食炸串的餐廳試一試，又係銅鑼灣地鐵站出口隔離，就決定上去試一試。好少咁認真寫食評，但呢間餐廳值得推介一出電梯，成個感覺已經置身於日本的地道居酒屋，入去餐廳，更加好似去左日本咁，裝潢以木為主，計埋bar共有30個位，大部份都係日本人。前菜小食方面叫左螢光魷魚沖漬(味道好有鮮味，開胃一流) ，土手煮(即係牛腩，味道好濃)同埋魚肝(正！)跟住黎個海鮮卡爾帕喬，即係海鮮salad，味道調得唔錯，抵食之後就主食，梗係主打炸串，叫左和牛、帆立貝、雞脾肉、五花肉、八爪魚、蘆筍、甜蕃薯。最好食一定要叫的係和牛！外層鬆脆入口即溶內裡又多汁 ！之後黎個烏冬同飯團，一坐低個時已經叫左, 可能冇咩人叫,等左好耐都未黎, 呢到要減分。烏冬同飯團好有日本感覺, 係日本人先整到呢種質素, 呢個價錢, 抵食可能等個烏冬同飯團等得太耐, 意猶未盡咁叫多個明太子芝士蛋，呢個一定要叫！兩個人total食左$800 ，我地食到好飽, 成個環境, 食物質素都非常抵食！

大阪旅行時候第一次接觸炸串，一直都好想再食。見到銅鑼灣有，一於上去試一試！一打開門，環境真係好似入左日本既小小居酒屋既感覺，裝潢係木調感覺，有一行bar枱，大約4-5張4人枱，環境唔大，加埋我地只有4台客人。有位廚師係日本人，我坐正係佢前面。首先叫左兩杯frozen draft beer，一杯係西柚，一杯係百香果味。兩杯都好好飲，泡沫係半冰半泡既，兩杯水果味都好出，好適合唔太識飲酒既朋友飲。但兩款相比之下西柚更好飲，因為百香果個杯偏甜，我就唔太好太甜既啤酒喇！前菜叫左螢光魷魚沖漬，味道好鮮，咸咸地但唔係死咸，好食！薯仔沙津入面有煙肉粒，好似仲有吞拿魚，味道調得好好食！炸串方面叫左牛肉、和牛、帆立貝、蝦、櫻花蝦魚蓉、芝士三文魚、魷魚、蘆筍、雞腿肉、蟹肉。特別好食既係蝦，肉好扎實，大大隻，爽口！ 牛肉都大大舊但又一d都唔會炸過龍，仲有少少滑添！ 和牛有用香料醃過，入口都好快溶。蘆筍都好甜。櫻花蝦魚蓉個人覺得就咸左少少。蟹肉肉唔多，所以顯得炸皮厚重左。另外仲叫左個腐皮烏冬，不過不失！兩個人total食左$6xx ，有咁既環境同質素非常值呀！

放假成日黎銅鑼灣行街，周圍既野食都已經食到厭。偶爾見到網上有人推薦呢間專做日本炸串既餐廳，位於銅鑼灣Sogo附近，位置唔難搵，於是抱住好奇既心態一試😋甫踏入餐廳，就聽到一連串日本既greetings, 原來餐廳由侍應到廚師，差唔多全部都係日本人，而食客都講緊日文，唔講唔知仲以為自己去左日本。再講下食物，首先係呢個大陂傳統料理土手煮，就咁睇中文可能會一頭霧水😅原來佢係一個牛筋煮，牛筋煮到好稔，湯底好似係味噌，好岩撈飯。之後到呢個大阪代表美食章魚仙，一盤有六粒非常抵食，底部仲墊左大塊蝦餅，廚師好細心咁將蝦餅分左幾塊，以防因爲比醬汁整淋左而分唔開，讚👍🏼之後出場既係三文魚茶漬飯，三文魚碎配淡淡茶香，最岩係食炸串時比喉嚨清下味。一碗份量絕不失禮，岩晒食唔飽既大食朋友😂講左咁耐終於到主角炸串出場啦！呢度會將食客既炸串order逐開單整，所以炸串都係一次過上。我地二人嗌左幾款，總括黎講炸皮夠薄，仲keep到食物鮮味，配埋酸酸甜甜既醬汁，真係好開胃！以下係炸串既簡評：特選牛：夠juicy, 切成牛粒唔驚太韌蘆筍：食落索索聲，好清甜黑松露件魚蓉：口感特別，咬一啖黑松露味噗鼻而黎牡蠣豬肉卷：兩種食材都幾

熟識筆者的朋友都知我極愛吃炸物，最近從朋友處得知銅鑼灣開了一間串炸專門店「JunG39 Japan」，據說大廚來自大阪，用料新鮮時令，風味地道，加上店舖營業至凌晨四點，所以一下子已成為日本人的深夜食堂。餐廳位於銅鑼灣軒尼詩道 499 號永光商業大廈 17 樓，店面地方不大，設有散座和吧檯位。由於我們到的時間比較早，訂座嘅客人還沒到齊，所以可以拍到餐廳比較安靜的樣子，但7點半過後，整間店舖已幾乎座無虛席，而且大部份都以日本客為主，非常旺場。安頓後先拿起店員送上的餐牌細看，店內的串炸選擇有近 50 款，由黑毛和牛、煙肉、五花肉，以至沙椎、海鰻、野菜類等應有盡有，另外還有店子自家製咖喱飯、腐皮烏冬等飽肚菜式，甚至連甜品都有得供應，選擇非常豐富。先每人點杯飲品再慢慢揀。老公點了原味 Frozen Draft Beer ($68) 而我揀左杯西柚汁 ($35)。杯啤酒非常特別，頂頭的泡沫造型極像軟雪糕，搶先呷了一啖入口，質感幼滑度和思樂冰相若，再連同啤酒一起喝，冰涼爽快又夠 Cool。食物方面，先來幾款餐前小食打開胃口。點了大阪傳統料理土手煮 ($38)，所謂土手煮其實就係將牛肉、牛筋同木薯糕用

日本料理最吸引之處就是廚師對於料理的堅持及専一，當地大部分餐廳一般只會供應一種款式料理；即使是廚師，也只會集中精神鑽研一種料理，加上仍然實行非常傳統的師徒制度，所以，烹調技巧只會越來越精益求精。當然，對於鍾意多花款的香港人來說，可能會嫌棄單調乏味，不能夠在一間餐廳同時品嚐各款料理 - 不過，有此要求的話，亦可以光顧居酒屋。反過來說，要追求真正美味，就要接受這種專一及堅持。香港的日式餐廳也秉承了這種日本料理界的傳統，其中又以壽司、吉列豬扒、拉麵、日式咖喱最為普遍，近年，日式燒肉餐廳也越來越多。至於在關西大阪地區非常普遍的庶民美食，竟然在三四年前才在香港出現首間專門餐廳，直到現在尚未流行 ⋯⋯ 所講的就是串揚げ（或串カツ）。開業未夠一年的「串カツ專門店 JunG39」口碑相當不錯，趁着周四晚上又係唔開爐頭、出街食飯嘅日子，提前幾天訂位試試。所謂「串炸」，正如其日文名字「串揚げ」或「串カツ」，就是將食物用竹籤串起、沾上炸漿（或加有少許麵包糠）、然後油炸；食材通常是肉類及蔬菜，亦有少量海鮮。由於細細串、又通常只是普通食材，加上日本當地的串炸店環境有點庶民（即是地踎）；與同樣是炸物的天婦羅店採

日式炸串店係日本大阪地區非常出色，無論遊客定日本人都非常熱愛。以炸漿再落油炸，非常香口而且食得出食材嘅原味，再點上特製酸酸甜甜嘅沾醬，相信食過嘅人都回味無窮，而香港偏偏難搵到水準相若嘅炸串店。呢間位於銅鑼灣嘅JunG39係大廈嘅高層，店裡裝修有日本居酒屋風味，而且坐位舒適夠闊落。今次一坐低就叫咗個炸串界嘅Omakase，最先上枱嘅係數碟前菜鮟鱇魚肝同啤酒，我本人對醬汁濃厚嘅前菜一向都無特別喜好，但呢個魚肝令我食咗半碟，原因係非常下酒。海鮮沙律隨後送上，海鮮唔算好多，但依然鮮美。係炸串之前食點蔬菜，無疑係可以將罪惡感大大降低。章魚小丸子相信大家都食唔少，我開頭都無包任何希望，因為係香港同日本食到嘅章魚小丸子味道實在差太遠，但呢個令我有驚喜，醬汁好出色，小丸子內軟腍同大大粒嘅章魚彈牙口感交集。呢份炸蛋係其中一款驚喜，細滑流心嘅蛋黃，炸到鬆脆嘅外殼，實在回味無窮。主角終於上場，8款廚師發板嘅炸串，大約有蝦、牛、豬、雞同特色菜類。炸串口味與日本水準相若，會有突然去到日本嘅感覺，由於沾醬係另外附上，唔需要同人Share，所以唔需要再「只可點一次」。食曬以上嘅菜式基本上已經7分飽，當然一餐內對亞洲

失去了才知道他的重要， 說的是健康... 病了一段時間— 病了又好，好了又病，好了又病，經歷過這樣的3次循環，曾經比死更難受的失聲但要做司儀 (似是作為歌手的不能唱歌；足球員的腿受傷不能再踢），最後堅持還是要以最專業的態度完成活動了，看來以後還是要把自己照顧得好好的～2019年，食家又來了，感恩第一頓豐富吃的是美味的日本菜，小店有的更是一分溫馨和親切，有點似是居酒屋的格局，主理人好像還是日本人～ Kirin frozen draft beer先來喝點小酒，女生的話，很推薦喝這款Kirin，杯頂的泡沫很好玩，甜甜的容易入口，伴後來的美食也恰到好處。 海鮮沙律第一道的沙律已有驚喜，蔬菜新鮮，還有魚生在內，為晚餐打開精彩序幕。餐前小食除了沙律外，還有兩款餐前小食，該有一款是魚肝的，也好吃～ 大阪代表美食章魚仙可以吃到章魚小丸子是驚喜，有做到外略脆內軟的效果，墊底的是蝦餅，很有日式pizza的風格，該是小丸子的醬汁沾在蝦餅上而令它變軟了，如果蝦餅可以做到脆身的效果確是更好喔。 日本雞蛋豬肉串半流心狀態的雞蛋光看已吸引，脆漿薄而不油膩，很建議在吃前灑點鹽巴。 炸雞全翼這個炸法該跟大阪炸串的方法

聖誕節將於日本與家人渡過，出門前就先同甜心兒預祝一番。原本訂咗位去烚吓烚吓，點知同火鍋店訂錯日子，唯有急忙搵新地方啦… 哈，就咁就俾兩口子執到寶，誤打誤撞上咗去一家隱世炸串屋「串カツ専門店 JunG39 JAPAN」。小店藏於一幢銅鑼灣商廈內，據悉只開晚市，但就開到成凌晨四點，七點未到已坐滿食客。廚師清一色為日本人，就連顧客八、九成都講緊日文，坐吧位o既食客個個都同班師傅有講有笑，氣氛真係好好！細佬啲日文真係有限公司架，幸好樓面有位土生土長o既妹妹仔幫忙翻譯，自己先冇出太多洋相。四周可見不少傳統及可愛o既和風小擺設。二人被安排入座牆邊o既散座，小肥只見到牆上o既螢光幕顯示出店內所播放著o既流行曲目，情人唔提真係冇留意到每張木造餐桌都刻有餐店個名「JunG39 JAPAN」。桌上有齊備o既餐具。亦有多款調味醬油、紙巾及多雙公筷。飲品牌共有六頁之多。因晚餐有意食香口炸物為主，結果就揀咗飲沖繩大啤。兩頁食物點菜紙有齊日、中、英對照。店主推介及節令食品就要睇只有中日對照o既黑板。鮟鱇魚肝（$48）：好耐冇食過o既鮟鱇魚肝香濃軟潤，送酒一流！鹽辛魷魚（$38）：魷魚仔前菜滑嘟嘟，咸得黎又唔會過火