九份飽 (蜆殼街) (已搬遷) 新店位置

Fortress Hill 炮台山 • 九份飽📍 北角蜆殼街4號宇宙商業大廈地下1-3號舖九份飽的裝潢設計有台灣九份的風味情懷，牆畫是九份的著名景點和街道，並以懷舊燈籠、雜貨商店、和木枱凳裝飾，好地道的感覺🇹🇼 紅燒牛肉麵 $46 🐄🍜懷舊魯肉飯(小）$30 🐖🍚肉鬆起司蛋餅 $32🧀🍳胚芽奶茶 $25🤎仙草奶茶 $23🖤牛肉麵選用牛𦟌，肉質軟腍，湯底用上牛骨熬製六小時，牛味濃郁👍🏼魯肉飯的五花肉切成一絲絲，加入秘製醬汁滷四小時入味，每一口都能吃到油香😋小編最鐘意食台灣蛋餅❤️蛋餅的芝士半溶，肉鬆的比例夠平衡，外皮煙韌，蘸上甜酸醬，必點🥰胚芽和仙草奶茶幾好飲，勁大杯👅➰👅 味道：🌟🌟🌟🌟👀 環境：🌟🌟🌟💫👩🏼‍🍳 服務：🌟🌟🌟💰 抵食：🌟🌟🌟💫

對於沒去台灣吃過小吃的人來說，可能吃不出什麼差別。但對本身是台灣人的我來說，這家台灣小吃蠻令人失望的...雖然不知道這家的老闆是不是台灣人，但如果老闆是台灣人，我想他應該很少吃台灣小吃吧⋯⋯滷肉飯的五花肉吃起來一點也不軟嫩，瘦肉的部分反而像五香肉丁，又乾又硬；滷蛋蛋白硬硬的，再煮一下大概就變鐵蛋了。蚵仔煎都燒焦了...小小一份兩人都吃不完，口味如何自己想🤨炸甜不辣可以接受，如果甜不辣能多些魚漿少些粉的話，口感會更好。飲料點了冬瓜檸檬，嗯...竟然人家不是飲料專賣店，我也就不好多加評論了...店裡環境沒什麼不好，就是侍應聊天的聲量會突然很大聲，有點嚇到人...結論：別抱太大期望

這間餐廳朋友帶我來吃過一次，今天咁岩係附近返工，所以放工便跟同事來吃。餐廳的裝修就好像去了台灣九份一樣，很有台灣的特式。餐牌上選擇不是很多，但都是地道台灣小吃。台灣擔仔米粉，好耐冇食過台灣米粉了，米粉較香港吃到的幼身，感覺有點像粉絲。擔仔麵的配料有肉碎、酸菜、炸蒜、蝦、豬肉丸和蛋，起初吃米粉的時候覺得有點淡口，但由於有酸菜、肉碎和炸蒜，味道酸酸咸咸，幾惹味。滷味拼盤，台灣的滷味出名好食，這個拼盤有牛展、雞翼、蛋、豆干、豬耳，豬耳好爽口，而且所有滷味味道都夠濃。肉鬆起司蛋餅，蛋餅內夾有很多肉鬆，肉鬆咸咸香香，加上有芝士和辣醬，令味道更惹味。酥炸花枝丸，台灣的花枝丸一向都很香口，而這款花枝丸外層很脆口，花枝丸鮮甜又彈牙，口感很豐富。滷青菜，淋上滷水汁於生菜，有淡淡的滷水味，唔會好油，也不會好咸。伯爵紅茶點了走甜，茶的澀味很香淳。而蜜桃紅茶有淡淡的蜜桃味，不會很甜。

之前曾經介紹過呢間小店，好食而且價錢唔貴，抵食夾飽肚😆今次放工後就帶左朋友仔黎食. 肉鬆起司蛋餅 $32蛋餅入面充滿住肉鬆同芝士，好邪惡呀😈點少少辣醬更惹味，更帶出蛋餅既香味😻.懷舊魯肉飯(小)$30魯肉飯上次介紹過☺️今次黎都要食返碗，水準都一樣！色澤好靚，油脂豐富，見到反光閃令令🤣味道濃郁入味，魯肉肥而不膩，如果加多隻魯水蛋仲正😪.紅燒牛筋牛腩麵 $48見到有新野😌之前食係冇牛筋架😛牛筋同牛腩都炆得好軟淋，又入味，麵條好彈牙，食得過😎.流沙芋丸 $35一粒粒炸好既芋丸，熱辣辣又香口，食落有啲似芋頭酥🤪中間就有流沙包既感覺，唔錯😉.珍珠奶茶 $23必飲珍珠奶茶，珍珠煙韌有咬口。所有飲品都可以按個人喜好選擇甜度，超好😘桂圓紅棗茶 $25近期我比較養生，少左飲凍飲，所以點左杯桂圓紅棗茶，好適合女生飲，補下血氣，又滋補美顏🙂

公司樓下呢間台灣菜，睇住佢由裝修到開張，午餐時段實在太多人，一直未能一試。今日晏咗落樓食嘢，喜見人潮散去不用等位，即刻唔駛諗入去坐低。店舖面積不大，勝在有一大片落地玻璃，增加空間感，顯得光猛明亮，裝潢亦有不少九份的元素，不小心會錯覺置身寶島哩。好多嘢想食，好多嘢想試，終於叫咗細滷肉飯、滷青菜、蓮藕蛤蜊湯，滷肉飯雖然係細碗，滿滿一碗份量其實都幾多， 粒粒滷肉肥瘦適中，味道香又惹味，最啱送飯。滷青菜其實係燙青菜，娃娃菜煮得夠諗甜。蓮藕蛤蜊湯啱曬鍾意飲湯嘅我，好足料，蓮藕爽諗，蛤蜊肥美，湯水鮮甜。好耐無食仙草，口痕痕又追加咗個甜品。芋圓Q彈有咬口，仙草軟滑，仲有珍珠同紅豆，加埋豆奶，好味又健康！呢餐好味又滿足，下次約埋同事一齊食過。

前個排收工同同事黎左依間係北角嘅九份飽食，間野位置唔好而且都幾多人，我地坐底冇耐就滿座。入正題！餐點上我就揀左台灣擔仔麵，胚芽珍珠奶茶同埋蚵仔煎。台灣擔仔麵🍜🍜🍜好似港式油麵，但冇油麵個種油膩，湯底同配料加埋亦十分香口，配搭得非常惹味，好有台式風味～呢杯胚芽珍珠奶茶🥛🥛🥛感覺比一般珍珠奶茶健康，胚芽又有肋消化飽肚嘅珍珠。另外，呢杯胚芽珍珠奶茶十分香濃，絕對要一試，飲完仲想飲多杯添!!!!!!!!蚵仔煎🍳🍳🍳就做得不過不失啦，蚵仔數量充足冇碎殼，配搭埋香蔥，蛋，薯粉，煙煙韌韌得黎有好香嘅蛋香味，加埋啲醬汁酸酸辣辣咁，好開胃，眨下眼就清晒lu😋

北角返工的老友約我，蜆殼街4號宇宙商業大廈地下1-3號舖，佢話食物不錯，餐廳裝修頗俱懷舊風格掛有燈籠🏮很有台灣風味。 我們點左鹽酥雞$35炸得外皮鬆脆，有鹹香味。蚵仔煎 $42，有頗多的蚵仔🦪和生菜絲，很 爽脆可口。九份芋圓$35，材料豐富，有豆腐花、紅豆、珍珠、芋圓和仙草。豆腐花很香滑，芋頭圓、地瓜圓和紫薯圓，都很煙韌，真不錯紅燒牛筋腩飯$48，牛筋腩夠腍又入味，紅燒牛筋腩麵$48，麵質不錯，好味😋

滷肉飯好好吃，每一個肉塊都是半肥半瘦，伴著肉汁一碗飯，起司雞蛋餅量足好吃😋，粉絲排骨，天呢，這個排骨有一股特殊的香氣，太銷魂了！鹽酥雞這麼多才38💰，而且味道和台灣一模一樣！最後說說奶茶，也是非常好喝

鍾意食台灣野嘅我，今次發現呢間小店都唔錯。地方雖然細，但係人流好旺👍🏼👍🏼👍🏼一入門口已經有人招呼，服務態度良好。普通話口音，服務員都係台灣人❤️❤️❤️❤️我同朋友兩個人叫咗排骨麵、鹽酥雞、魯肉飯，賣相幾吸引，酥炸排骨同埋鹽酥雞外層脆，而且啲炸粉唔算多，皮唔係好厚。❤️❤️❤️另外，鹽酥雞好香，入面有好細條嗰啲葉，唔知係咪擺咗九層塔，同台灣地道嘅味道有得比，所以特別有香味！👍🏼👍🏼👍🏼魯肉飯既滷肉比起一般食嗰啲比較大粒，肉汁入味。本身以為魯肉飯一定要整得夠碎，但係比較大粒嘅魯肉原來識落係比較有口感。❤️❤️❤️❤️

—買完整鬆餅嘅材料 搵到間台灣菜醫肚懐舊魯肉飯($40/大)熱氣騰騰的白米飯上澆上一層油亮醬香五花肉碎滷煮過後腴而不膩 十分下飯紅燒牛筋牛腩麵($48)湯頭濃郁不會死鹹牛腩燜得透徹柔嫩而不軟爛牛筋則有膠質 稍微黏唇 豐富層次肉鬆起司蛋餅($32)雞蛋與外皮貼合不鬆散煙韌富彈性且有厚度 芝士肉鬆餡料很飽滿花枝蝦餅($38)酥炸後金黃香脆厚厚一片但非常爽彈偶爾會食到花枝粒黑糖花生麻糬($25)Q嫩彈滑的黑糖糯米團不甜膩輕咬內餡流出醇厚綿密再蘸上花生碎饒有顆粒口感—————————————九份飽北角蜆殼街4號宇宙商業大廈地下1-3號舖

今天去了砲台山朋友帶了我去食台灣菜！餐廳在砲台山A 出口向左行到了餐廳見到好可愛的裝修！和台灣的九份小店的老街好似！有木制小亭！木餐牌🤣😂我們點了紅燒牛肉麵牛肉是牛展肉味道不錯好入味🤤👍🏻👍🏻都麵的質地有點硬🤔紅燒牛筋牛腩麵👍🏻牛筋牛腩好入味，牛肉肉味濃郁，質感淋滑肉鬆起司蛋餅肉鬆好好味！有淡淡的芝士香！鹽酥雞炸得香香脆脆，炸粉厚簿剛好！外脆內軟又有肉汁👍🏻👍🏻酥炸魷魚炸得香香脆脆內面軟軟的魷魚肉好彈牙！

今次介紹下呢間位於炮台山既台灣小店，主打魯肉飯、牛肉麵、各款蛋餅同台式小食，每款都只係30-40蚊左右，價錢親民，叫多幾樣都唔怕🥰 小店格局比較骨子温馨，老闆娘亦好有善，好似返屋企食飯既感覺🙈 呢晚我地一行二人叫左魯肉飯($30)、紅燒牛肉麵($45)、肉鬆起司蛋餅($30)、蚵仔煎($42)、鹽酥雞($35)及兩款飲品，味道唔錯，叫晒成枱野都係200蚊左右，2個人食到好飽，性格比高，值得一試👌🏻

香港原來仲有咁抵食嘅台灣嘢！唔係朋友帶我嚟，就走寶了～懷舊魯肉飯（大）$40食台灣菜必點的，呢個魯肉飯飯粒有咬口，魯肉好香，唔會太肥膩及死咸，唔鐘意食飯嘅都會成碗食晒～紅燒牛肉麵 $45湯底係精華所在，濃郁到你會不停咁飲～牛肉選用牛𦟌，切成一片片，肉質軟腍，麵條都好彈牙滷味拼盤$32有雞翼、豬耳、蛋、牛𦟌、豆腐，兩個人share一份啱啱好～滷青菜$15係清甜嘅娃娃菜嚟茉香珍珠奶茶$23茶味清香，就算唔記得叫少甜，都唔會話太甜鮮芒水果茶$29用上新鮮芒果肉整嘅水果茶，十分足料！

今日要過海，又搵間野食埋先番屋企，隻佬話想食台灣野，見到呢間都開左一陣子，應該唔會再勁排隊，一於去試下佢 !! 到左門口好在唔太駛等位，但都 full hse，勁呢 !店員好快安排左我地係兩人位置，唔駛答枱就好 !! 我地即刻睇下有咩自己想食，哈哈 !! 眼闊肚窄既我又黎料 ... 正餐都未食已經想食甜品 !! 俾人鬧 ... 哼 !好啦 ... 我填左 2樣野，其他隻佬話事 !! 我食既係 紅燒牛筋牛腩米粉，勁大碗 !! 我個甜品冇望喇 ... 入面牛肉唔多，有2塊肉同2塊筋，但米粉堅多 !! 仲有湯底既蔬菜 ~~ 正 !! 牛肉同筋好淋，味道唔差 !! 價錢係抵食 ~另外隻佬話要食細既 魯肉飯，同埋滷青菜，其實佢寫燙青菜會好少少，我以為佢有魯肉飯既汁 ... 個飯我覺得好味 !! 唔會太肥，味道都ok，個汁唔會太多，唔錯 ~另外呢個我俾佢個名扼左，哈哈 !! 話說我好愛台灣既蜆同絲瓜，所以見到呢個湯係 蓮藕蜆湯，對眼即刻 "" 咁，黎到係老火湯咁都有少少失望，ANYWAY 佢都係正常湯黎既，咪就係阿媽煲既老火湯多左蜆既味道 !! 哈哈 ~~ 成碗都好足料 !我地仲叫左個鹽酥雞，呢個

今日同朋友行開香港區，咁見到呢一間專食台灣嘢，我覺得幾得意因為入面啲裝修都幾有台灣嘅風味情懷，咁我同朋友就入咗去試一試，因為其實本人都幾鍾意食台灣嘢。鹽酥雞: 呢個是鹽酥雞作為餐前小食我覺得唔錯因為呢間炸得幾好， 同埋佢個鹽酥雞炸得比較獨特，同台灣嘅都幾相似。懷舊滷肉飯： 我叫咗呢個滷肉飯其實都幾好食，有台灣滷肉飯嘅風味，同埋嗰個味道都幾適合香港人食嘅口味，所以我覺得呢個滷肉飯係我推介之一。香酥排骨米粉: 呢個米粉雖然係我朋友嗌嘅但係我試咗少少個米粉幾幼細，同埋個湯底做得幾好， 如果鍾意食米粉嘅朋友我誠意推介呢個米粉，同埋佢個排骨都炸得幾有風味。酥炸花枝丸： 食完曬啲正餐覺得唔夠，所以叫咗個花枝丸食， 覺得呢個花枝丸如果叫埋啤酒嚟送簡直就係一流。 因為呢個花枝丸鹹鹹哋真係飲埋啤酒嚟送得幾有風味。最後如果大家行開呢一頭嘅話可以試下呢間台灣小店因為我覺得佢整啲小食、飯呀、米粉都整得幾好。