何明記麵家餐廳

營業中

休息中

周圍食飯都好迫人, 見有位就入了何明記, 都好似好耐冇嚟過喇!以前嚟親通常都係食早餐, 其實佢係由自家製金絲麵起家,叫了一碗雲吞麵, 麵真的很彈牙, 有些蝦籽添~雲吞都好有水準, 塊皮好滑滑, 入面的蝦同豬肉比例剛剛好, 鮮味, 好食!老公叫了斑腩炒麵, 麵是脆脆的, 好正呀!

跟家人到元朗吃東西.我點了香菇肉片炒麵家人點了咸牛肉芝士烘底;咸牛肉芝士烘底;吃了半份; 芝士剛好熔化,麵包脆;香菇肉片炒麵; 麵脆脆的;茨汁也不會太鹹;凍飲大杯

在家做咗成日野, 三餐`夾埋一餐`吃, 所以決定唔做宅女, 出城搵野食好耐冇食何明記的金絲麵, 所以就"共"咗入去食晚飯. 六點九, 有卡位坐, 都ok.因為三餐`夾埋一餐, 所以叫咗好多野, 有牛筋麵啦, 魚皮啦, 油菜同凍0茶囉!!今日的野就比起我前幾日亂咁撞入去果間麵檔可靠得多了!! 金絲麵依然爽口, 牛筋依舊焾焾. 魚皮脆脆, 芥蘭亦爽脆清甜. 凍0茶就甜咗D (搞到我起晒啖) 不過總體算唔錯, (但因少點其他食物, 而因個人喜好亦只會點這些東西吃). 服務就.......... 自己意會吧, 平民茶餐廳水平吧(我不理他, 他不理我)... 但我未食完就放個'留坐牌'在我張枱,即係趕我走啫

食物一般嘅一般,杯茶就甜到咩咁 (已經叫咗小甜, 唔通D糖平 ??)但係水吧d野就麻麻地,個D花生醬厚多士....凍既....無味樓面既服務態度唔好,我唔明點解D人話樓面服務態度好?問多句都好似欠咗佢咁.最後,再講番食物既質素,廚房D野就...不敢恭維....唔會再去食野 ! 貼錢買難受 ? No way !

當天晚上，和女朋友出外吃飯，其實也沒什麼頭緒，途經一間新開的意大利餐廳「Rome Italian Café」，心甚好奇，當即和女朋友去看看，不過晚餐動輒百多二百元，女朋友一方面覺得有點貴，另一方面，我們今晚只想簡簡單單吃點東西，於是作罷，及後想起和女朋友很久也沒光顧過「何明記」，於是便選定「何明記」為晚膳地點。到達時約晚上八點，不用等住之餘亦有卡位，我和女朋友當即入坐。我和女朋友每次到來都是選兩個餸套餐，套餐包括了四碗白飯或兩碗淨粉麵、一碟油菜、兩碗例湯及兩杯飲品。我和女朋友點了咕嚕石斑塊及金銀蛋莧菜。例湯侍應先送上例湯，我只淺嚐了一口就沒喝了（一向知道「何明記」的例湯均下了很重味精，我和女朋友一向以「味精湯」稱之）女朋友見我放下湯匙，心裡也很明白，也就喝都沒喝了。咕嚕石斑塊咕嚕石斑塊賣相還算可以，石斑塊是一貫的橙色（在一般茶餐廳，也很難見到像V Cuisine吃過的古法山楂咕嚕肉般呈棗紅色，想起來也叫人回味，詳情可參閱食評-《將進酒》）配上一些青椒及菠蘿。先試了一口石斑塊，石斑塊很腍，表裡如一的腍（估計應該是炸的時候油溫不夠，導致外層不夠香脆，隔油的工夫亦沒做好，進一步令外層變腍）雖

佢d早餐唔錯,,開左都好耐!!我最中意食(豬扒金絲面),好正XD仲有佢d湯好正XD野飲就差小小LU!!價錢合格,係唔錯既選擇=]

零九年一月中旬下午茶元朗的麵店真不少，單是埠財街已有兩間人氣麵店，周末要在附近辦點事，就來到話題性不少的何明記，記憶中網友的食評已寫過這裡的小菜、常餐麻麻，是日已下定主意吃～麵。三時許人如潮湧，很辛苦才找到位置坐下，同好到底一樣主賣的是竹昇麵及蝦籽，堂食外亦有外賣。老遠看著佈滿捷榮廣告的麵檔，已點下的蝦籽撈信心多少打上折扣。人客雖多，但店員訓練有素，老闆一家亦在場頻撲，數分鐘已吃得到，效率很高。茶記膠碟盛著的蝦籽撈，微細蝦籽若略地蓋著麵頂，比好到底滿碟澎湃的蝦籽撈，感覺是很兒戲。麵爽韌沒多餘水漬，除沒有麵應有屬性，又帶鹼水味外，也沒什麼不好，翻了兩翻把蝦籽撈起來吃，麵變得鹹香起來，但沒有豬油配搭，少了一分甘腴味道，而大地魚湯底味道夠鹹，卻不夠沉實，對面街做得好好多。伴碟的生菜及流浮山的蠔油反而比主角更出色，蠔油鹹鮮細滑而生菜是附近街市新鮮交來，新鮮爽口得不得了。埋單近四十元，一點也不平，以新派茶記計，這裡的蝦籽撈其實做得唔錯，但要吃正宗一點的，還是建議好到底。

星期日同男朋友黎呢度食早餐。竟然要等位, 食茶餐廳早餐要等位, 我都係第一次。等位個陣已經睇好曬食什麼, 所以坐低就立即嗌野食。我要B餐, 炸菜肉絲通,腸仔,薯塊,方包, 凍奶茶多奶(+ $2)佢要B餐, 炸菜肉絲米,煎蛋,火腿, 烘底(+ $1), 凍央多奶(+ $2)全場滿坐, 所以等左6,7分鐘先有得食。炸菜肉絲是罐頭貨, 沒有好食同不好食。份量都幾多, 但係個湯底好咸。薯塊雖然不是自製, 但炸得不錯, 外脆內軟。一向都不食茶餐廳方包, 所以無評價。凍奶茶多奶, 好淡, 無咩奶味, 又無咩茶味。男朋友的凍央, 反而好好飲。

約咗媽咪喺元朗等,我又遲到,去銀行做啲野後去下午茶,但媽今日想食西式,就入咗嚟.媽咪好肚餓,要鮮蝦芙蓉蛋飯,我要乾炒牛河,兩杯熱杏霜.鮮蝦芙蓉蛋飯-啲蝦仔當然係雪蝦,啲蛋好假,溝咗好多水,亦都冇幫我地落豉油乾炒牛河-牛肉好韌,都唔知係未用萬年油,因食過幾次都有陣燶味杏霜-夠味,好飲,唔會淡如水其他冇乜點變,係價錢變咗.

食物一般,面檔既野唔錯,尤其雲吞同埋d水餃,在下係個度食過幾次野,早午晚都試過,面檔d面既質素參差,一時就爽口彈牙,一時就"林"過d東坡肉/_\,可能企檔既師父問題啦!至於水吧,杯茶就一時甜到咩咁,一時就淡而無味,可能水吧既"師父"搵唔到個中位掛....早餐價$唔係貴,都係大路既價錢,二十蚊已經有得食,但係水吧d野就麻麻地,個d多士....凍既...d煎旦...黑色既....炒旦我覺得似煎旦皮多d囉....之前都唔會咁..唔知係咪轉左人?之前既時間就係係今年二月前.....之前個杯茶都好好飲,可以稱得上為一杯茶...得罪講句..依家個d我覺得唔可以算係茶囉...唉....樓面既服務態度唔錯,我唔明點解d人話樓面服務態度唔好?!我自己眼見有時有d入去『何明記』食野個d客,比個少少錢好似想要『五星級服務』,大佬,大零蚊你想點?我覺得『何明記』只不過係一間茶餐廳,你地想要咩態度?有既,去酒店食幾百蚊個個d早餐咪有『五星級服務』囉!我依家舉一個例子,大家自己評評理,係我食野個陣親眼見到既!!!!!!!!!!實例一:有一次大約下午二點幾差唔多三點,有一台食客,一個男人一個女人(應該係2公婆)二個

去茶餐廳想飲可樂,相信大家都係想飲冰底杯裝,斷估唔會飲罐裝或樽裝卦?!但呢間食肆好唔同,想飲可樂竟然一定俾罐裝,我話得茶餐廳飲飲品,梗係想飲杯裝啦!點知呢間餐廳話冇杯裝喎!我心諗,如果有人想飲凍檸茶,咁俾罐維他罐裝檸檬茶人,咁大家又會唔會接受呢?雖然成本係罐裝貴,但去得茶餐廳,就一定係想飲人手沖製飲品啦!我要飲罐裝飲品,我不如去便利店同士多啦!所以...咁唔識做又自以為是茶餐廳,我下次都唔會再幫襯!

星期日入玩朗搵有薑嘅皮蛋酥，搵個地方食下午茶抖一抖；見呢度門面大，又有卡位，於是入去坐低。一坐低一杯凍奶茶少甜一杯凍鴦。杯鴛鴦啡、奶、茶比例一流，幾乎想一口飲晒。點知到件芝腿治烘底嚟到，十分失望。烘完好似冇烘，得個乾字，芝士同火腿都凍冰冰。快餐店質素。如果唔係杯鴛鴦，味道值零分。

何明記...!?ｄ食物都算ok,但係ｄ樓面就個個都好似黑面神咁,一ｄ禮貌都冇,記得有一次,我叫個樓面比杯水我,佢就指住張枱,碌大對眼咁話...果到咪有囉@@哇哇哇~~~咩態度呀,我都知果到冇杯水,但係喺我坐低之前就已經係到,我點知ｄ水有冇人飲過架,拎多一杯水嚟好難咩＞＜

一年多冇幫襯過啦! 今日荃灣老友兩公婆,特登入元朗搵我食飯,因為去另一間差唔多收鋪,所以過呢度幫襯番。一入電動趟玻璃門,又見到前朝老臣子【嫦姐】,打個招呼後獲派往卡位坐。坐低發現竟然冇晚餐,只有散叫或中式套餐,感覺好似逼人食貴咁。叫【金銀蛋浸白菜仔$38元】、【咕嚕肉$38元】及【鹽焗雞$48元】,跟餐凍飲另加$2元,例湯跟餐送。【金銀蛋浸白菜仔】,個人覺得味道唔錯,白菜仔鮮嫩口感唔錯,可以接受。【咕嚕肉】好細碟唔抵食,味道好一般,但中間有骨應該係生炒骨,廚房竟然連【咕嚕肉】,同【生炒骨】都分唔清楚,感覺好似廣告咁『西芹同西蘭花都一樣!』。【鹽焗雞】又係例牌分量以下,味道及肉質都ok。不過散叫【鹽焗雞】一隻話,由一年前$120元一隻,突加到依家$150元一隻,加幅確係幾犀利下喎!我發覺呢間餐廳內好食品價格,都明顯有好大升幅。雖然服務係唔錯,但硬身木椅坐得唔舒服,加埋仲係得一個方向有電視睇,隔離咁多間有競爭,加價加得咁犀利,而且食物質素一般但分量少,下次都係唔考慮幫襯囉~

昨晚到這裡吃晚飯，點了三樣食物，味道都不錯，只是其中一樣比較差，但服務就非常之好，又細心又有效率，一定會再光顧！金菇肥牛煲- 味到很好不濃，肥牛又不是很肥，豆豉雞煲- 很香，雞肉都滑乳鴿- 一般，很鹹