元祖沾麵專門店

營業中

休息中

係公司附近所以想試下佢啲野食既賣相不錯但係食完啲拉麵個個同事都話勁口渴好重味精 我個don飯就唔夠味但係食完返到公司都係勁口渴但係間鋪既裝修ok 啲位再寬少少更好所以真係唔洗特登去食

自從幾年前一試沾麵後，我對沾麵既喜愛一直都係拉麵之上呢間元祖沾麵一直都好高人氣，次次行過都係排晒隊今日的起決心要試，放工後去到餐廳🍴門口，好多人😆好彩未餓，行個圈差唔到九點，終於唔洗等但入左餐廳入面都係坐爆😳平日既上9點仲滿座，係疫情下真係少見餐廳主打沾麵，但都有拉麵同丼飯類沾麵選擇好多，睇到我心大心細😍最後決定左極上芝士蟹皇沾麵🦀餐廳職員積極快手👍🏻等左一陣食辣辣既沾麵就上枱😍龍蝦🦞湯底既沾麵超濃厚，急不及待試一啖濃郁既龍蝦鮮味充斥口腔，滿滿龍蝦獨有既香帶住淡淡海鮮既甜沾麵湯既質感夠濃夠咸香呢點非常滿意👍🏻👍🏻試過有沾麵既湯偏稀同淡，最後好似拉麵咁食但呢到湯無論texture同味道都好好湯既濃稠程度可以輕鬆掛湯😋拉麵底係用偏粗既麵，但湯底亦夠濃郁確保啖啖入口麵夠鮮夠咸香👍🏻🍜拉麵麵條係我鐘意既粗麵，食落爽口彈牙，而且比較有口感，份量亦都十分足夠除左面條，一碗沾麵已經包埋4大執燒豚肉、半隻溏心蛋、蔥、紫菜同埋荀，真係超豐富😍另外幾鐘意佢會跟青檸，帶少少微酸既清新，可以俾食客解膩😆🐖4塊豚肉大大塊，店家細心火炙過，食落油脂味更突出，入口有淡淡炙燒香味，油脂同肉既分佈剛好，夠香又唔會太油膩

行開尖沙咀一於過嚟厚福街搵食，成條街唔係好長但已經有好多餐廳選擇🤩有拉麵、日本野、茶記、泰式野⋯⋯要試勻晒都唔容易😝今次我就試咗沾麵～佢有好多湯底選擇﹕魚介、赤海老、龍蝦、芝士海膽🤤價錢由七十幾至二百幾都有，豐儉由人😉豚肉魚介沾麵($89)我好鍾意佢啲湯用石鍋上，送上嚟嘅時候仲滾緊😆咁就可以keep住個溫度，食到尾都唔會覺得凍，魚介🐟湯幾濃厚，又唔會好咸，麵身夠煙韌，都掛湯，叉燒就有啲嚡口，不過燒得幾香，以呢個價錢性價比都算不錯👍🏻龍蝦沾麵($89)我通常食沾麵都係配魚介湯或者蝦湯，龍蝦🦞湯都算驚喜，好濃郁嘅龍蝦味又唔會好腥，但食到尾有少少膩🙈不過整體來講都幾好，感覺有啲似食緊龍蝦汁意粉🤣下次一於試埋佢個芝士海膽湯，好似好吸引😋環境﹕6.5/10抵食﹕7/10味道﹕6.5/10

香港人鐘意食拉麵，除左湯麵之外，沾麵都係熱門既拉麵種類。所以沾麵既鋪頭愈開愈多，沾麵店主打既味道都層出不窮。今日就黎左呢間喺尖沙咀既人氣沾麵店，試下佢地既豪華湯底。餐廳易搵，尖沙咀厚福街，大家都應該知點去。成條街都係餐廳，每逢食飯時間都人頭擁擁。沾麵店都唔係例外，我以為自己都算黎得晏，但都要等位先入得，好在都唔洗等太奈。果然係主打豪華既沾麵，龍蝦、海膽、鮑魚同蟹黃樣樣都有，就揀個極上芝士蟹黃沾麵黎試下，海膽湯底拼個芝士焗蟹蓋既沾麵，唔知係咩味道。等左一等就上菜。沾麵既湯用整到熱哂既石鍋裝住，確保佢上菜既時候係滾住咁上，用麵去沾湯既時候都盡量保持到個溫度。海膽湯聞落咸中帶d甜，而且一畢就畢到有海膽。麵既份量唔惹少，大大個碗裝到半滿。仲有四塊叉燒、半隻溏心醃蛋、紫菜、筍乾同香蔥。湯滾熱辣，熱到飲唔到，即刻夾塊叉燒黎食下先。叉燒既size對我黎講岩岩好，一啖一塊。叉燒肉肥瘦均勻，口感唔錯。叉燒咸咸地帶甜，出面既醬汁再增添左d甜味，味道唔錯。蔥花新鮮，又唔會勁辣味。筍乾都幾好，口感爽脆，又唔會好勁筍味。湯開始唔係滾到起哂泡，就係時候飲啖同沾麵黎食。湯同想像中既味道相似，咸中帶甜而且好濃郁，仲有

喺尖沙咀返工有個好處，就係食lunch超多選擇😌今次係厚福街搵野，見到門口有塊banner寫住set lunch $59有拉麵同波子汽水，即刻狗衝🏃🏻‍♀️.特制八代海赤海老拉麵🦐🍜 雖然只係$59，但餐廳絕對無因為咁而hea煮湯底👍🏻湯底唔算太濃稠但好夠味，櫻花蝦等配料都唔少，麵底煮得啱啱好🤩飲完湯底都唔會好頸渴😍糖心蛋🥚都好流心，只係略嫌叉燒🐖有少少乾。.日式燒汁叉燒滑蛋丼 🐖🍳🍚呢個係同事嗌嘅，佢話蛋🍳真係好滑，而叉燒🐖都俾得好闊佬🤤有好多舊角切，仲有片拉麵嘅叉燒喺面，叉燒煮得好入味😍不過都係略嫌有少少乾。同事表示好欣賞佢個飯用珍珠米🍚😆.波子汽水（西瓜味）🍉我同同事跟餐都叫呢隻味嘅波子汽水，係超級無敵非常好飲🤪。一啲都唔似藥水味，又唔會過甜，一邊食拉麵一邊飲波子汽水，正🤩🤩🤩.餐廳雖然加一但係都好抵，Lunch時間座無虛席🤪餐枱仲有濕紙巾供應，夠晒sweet😍

初時睇到朋友share，就已經好想試試，成板海膽配拉麵，價錢同賣相都十分吸引。晚上六點前已經到達，所以未滿坐，咁我就直接坐低左。我menu都冇睇就已經決定好要叫極上芝士海膽沾面配原板海膽，落單戈時先同我講已經冇哂。我心唸一場黎到都試唔到，心唸算啦，唸住叫黑松露芝士海膽沾面，點知結果又話冇黑松露。最後叫左個松葉蟹膏配芝士蟹皇沾面（另外加錢換成芝士海膽汁。茶就每位港幣五蚊，採用日本茶葉，算係良心價。飲住茶，個主菜終於到，熱辣辣嘅芝士海膽汁用石碗盛載，可以長時間保存溫度，於是我決定試試佢個松葉蟹膏先，味道鮮甜，完全冇雪藏味。再睇一睇個芝士海膽汁，裏面嘅海膽都唔少，加埋個沾面一齊食，完全唔會油膩。因為實在太好食，所以再加添芝士海膽汁 （記住係費用全免。食到好飽之際，原來最後係會加埋魚介子湯，飲落去冇左芝士嘅濃咪，飲落淡淡魚乾味，反而可以清清個口腔。好滿足

沾麵 相信唔會係常食嘅食物 起馬我真係幾個月 半年 先食一次朋友話呢間好出名 成日排隊 價錢貼地 仲要好食 梗係要一試啦首先講下環境 乾淨 企理 但空間就略為狹窄少少 但好彩坐椅下有個兜兜放袋 坐落去算OK有樣好好嘅係佢會送包紙巾 原來真係有原因 睇落去就知我就點咗個 豚肉魚介沾麵 第一樣要講嘅 就係啲湯真係好L香 佢有好似4款唔同湯 個個都好香 因為成間餐廳都彌漫住呢種香味而當上菜時 嗰種香氣係直頭撲鼻 真係好吸引強烈建議要趁熱食 因為凍咗係差好遠同埋唔駛慳住啲湯因為湯係免費任加!!! 真係好顛!!!重要真係講個湯先 好香已經講咗食落唔係死咸味 Feel到個湯底都足料 因為湯入便真係有嘢食 仲要好多!!而且個湯一啲都唔稀 掛湯完全冇問題 條條烏冬上邊都係湯汁!!講完個湯 就講下個烏冬 彈牙 好食嘅 個豚肉都夠食嘅 不過個人嚟講再大塊啲就更好啦個流心蛋亦都好好食 整體係十分滿足以為咁就食完 最後原來係可以加飲用湯撈埋沾麵湯 一齊飲 個感覺就好似圓滿咗成件事咁真係好鬼正!!!!其實坊間有好多餐廳唔差 但又未必話要Encore而呢間元祖沾麵 真係我心中一定要再Encore一係因為好味 二係

厚福街有好多好嘢食，想食沾麵嘅可以試吓 呢間🍜價錢由大約$80至到$200不等😂點解可以咁貴？因為如果你想食豪啲嘅可以揀有齊鮑魚、龍蝦同海膽嘅選項🥳不過想慳啲嘅我今次剩係叫咗龍蝦沾麵🤣湯汁有好濃郁嘅龍蝦鮮味，仲有啲肉粒係入面😍當然一分錢一分貨，入面就冇咩龍蝦肉嘅😌想食龍蝦要叫其他款啦~印象中佢有款有原隻芝士龍蝦😙另外麵質方面，麵非常掛湯，不過個人認為偏腍，如果爽啲彈牙啲會比較好😉▪️龍蝦沾麵($89)

這已經是我第N次到達位於尖沙咀厚福街的元祖沾麵專門店。先簡單介紹，顧名思義，沾麵專門店當然它的沾麵是非常出色，可是我已經嚐過各式各樣的沾麵了。 所以今天我特意一反常態，在這裡點了一客黑蒜豚骨叉燒拉麵 - $88。首先這個價錢實在是超值。價錢只是$88。 拉麵質素佳！不會太硬或太軟。黑蒜醬油味道農郁！叉燒份量也不少。燒到剛剛好，入口半熔化！整體而言，我個人非常喜歡這家餐廳。我幾乎每一個月都會惠顧一次。除了它的質素外，也有別的原因。如果你是愛惜香港的人，請到臨這裡一次！

有個朋友成日話食沾麵一定要有個石鍋，我又咁啱未食過有鍋嘅沾麵，所以就趁食lunch同咗佢地去食沾麵試下係咪真係有石鍋會好食啲👀同埋呢間沾麵嘅評價都幾兩極，有啲人就話好好食，有啲人就話冇下次，所以今日就嚟試下究竟好唔好食!!🤪-🦐元祖龍蝦沾麵 ($108)個湯啱啱嚟到嘅時候滾得好勁，不過好快就冇咁滾😗但係真係有鍋就keep到個湯係暖🤣成個lunch講咗勁耐嘢個湯都冇凍!!個麵唔會太硬亦都唔會太淋，硬度啱啱好🥰可惜龍蝦湯雖然好濃，但係佢嘅龍蝦味唔夠重，同埋食匀成個麵都冇龍蝦肉😅不過麵嘅份量都足夠，叉燒嘅調味鹹淡適中，叉燒邊都有少少焦香🤩而啲筍嘅份量個人覺得可以多少少，整體而言覺得呢個龍蝦沾麵如果龍蝦味重少少就會好好多喇😗-🍖豚肉魚介沾麵 ($89)個湯嘅魚介味幾出，而且唔會腥或者覺得好油膩😋呢個沾麵除咗個湯之外同龍蝦沾麵嘅材料大致上都一樣，所以除咗個湯之外我都冇咩特別評價😛-🍜特制八代海赤海老叉燒拉麵 ($57)呢個係lunch set，呢個價錢大大碗拉麵仲有野飲個人覺得真係幾抵🤩拉麵嘅麵底同沾麵用嘅麵唔同，隻麵幼啲同埋冇咁彈牙🧐湯底加咗啲蝦米仔提升鮮味同口感，不過叉燒可以多啲同厚啲就更好

因為之前同friends dinner嚟食過,佢哋嘅沾麵真係好正，🤤一排冇食又掛住，所以今日下午tea time又嚟食過啦！😻今次食好啲，試咗下佢哋$158嘅海膽拉麵，套餐包括極上芝士海膽拉麵🧀更加配上原板海膽，非常之邪惡，更加好豐富。原板海膽好足料，而且食落幾鮮甜👍好有海膽嘅鮮味，對於成日鍾意食日本料理嘅我來講，真係超滿足超開心！另外佢哋嘅拉麵都非常之有口感，好彈牙🥢唔同出邊嘅拉麵，唔係普通嘅圓條幼身拉，麵佢哋嘅拉麵比較粗身，🤓食落更加有咬口，好爽好滑。

超正嘅海膽湯底！今日lunch time嚟到，見到門口都已經排晒人龍，真係好旺人~😍所以咁受歡迎，都值得排隊試吓！今次試咗下佢哋嘅海膽湯底，湯底非常之濃郁，🤓面頭仲有鮮嫩嘅海膽，😋食起身非常之鮮味。湯底好滑溜，應該係加咗芝士，🍜麵條係粗身嘅沾麵，所以最啱點住食。😍因為佢嘅麵有紋路，所以更加可以掛汁。索晒呢啲鮮味嘅湯底，海膽非常之香濃，唔單祇有芝士味，😚又有鮮甜嘅海膽味，令我回味無窮。💕

每次經過厚福街都見到元祖沾麵專門店門口排長長人龍，一直好想食，今日見未到食既飯時間，未算多人，就即刻衝入去食。餐廳裝潢日式風格，地方不算大，餐廳主打拉麵和沾麵，大部分食材均來自日本，由日藉大廚主理。豚肉魚介沾麵沾麵湯底用石鍋上，可見湯底仲保持滾燙溫度，湯底勁濃郁，味道鮮甜，而且不會過鹹，叉燒有四塊，肥瘦適中，經過炙燒，油脂部位入口即融，十分香口。麵條用上粗麵條，粗麵條口感煙煙韌韌，有嚼頭，每一口麵都沾有大量濃郁既湯汁，而麵條亦非常掛湯。

今日嚟到尖沙咀區內出名食沾麵嘅元組沾麵專門店，位於尖沙咀有美食街之稱嘅厚福街，人流都算多，要排一排隊先入到今日叫咗碗赤海老沾麵同魚介沾麵海老沾麵，顧名思義就係蝦湯沾麵，好濃烈嘅鮮蝦味，好鮮甜，而令一個更加出色嘅係，佢個叉燒唔會太瘦，個皮燒得燶燶哋，整體惹味同好食過平時拉麵叉燒好多另外叫咗碗魚介沾麵，鮮味十足，食完之後有股濃烈嘅魚味湧出，好食👍🏻👍🏻另外佢個糖心蛋，都好入味，值得一試食完之後記得要加埋魚湯，飲埋個湯就大滿足❗️❗️❗️

元祖沾麵專門店位於尖沙咀厚福街5-6號多富閣地下5號舖，餐廳裝潢好有日式feel，見到勁掛住日本的小店，即刻入去食個拉麵止止隱。餐廳主打拉麵和沾麵，款式多元化，花多眼亂，款款都好吸引，款款都好想食～黑蒜豚骨叉燒拉麵（$88）拉麵湯底用上黑蒜和豚骨製成，香濃醇厚，濃得黎又唔會好膩，叉燒有3片，叉燒微微炙燒，增加焦香氣味，降低膩感，流心蛋夠流心，蛋味濃郁，而麵條屬於幼麵，沒有鹼水味，軟硬適中，非常吸湯。