元祖沾麵專門店

營業中

休息中

昨天去咗呢間我覺得好像日本🇯🇵特色拉麵🍜店，我第一次在香港品嚐沾麵😋😋而且有好多選擇：芝士龍蝦🦞、黑松露、鮑魚龍蝦海膽、帆立貝等等！極上芝士蟹黃沾麵 沾麵湯用石鍋上 芝士湯來到係滾下滾下 🍜熱辣辣熱辣辣熱辣辣呀！蟹膏蟹肉份量都多啊！芝士味道濃郁 ，芝士控大愛！湯入面有些蟹膏同豚肉粒 ，沾麵麵條煙韌彈牙配以溏心蛋，確豐富的！🍜濃厚豚骨叉燒拉麵 叉燒真係好好味😋😍 肥瘦適中不知不覺又食完！元祖沾麵專門店尖沙咀厚福街5-6號多富閣地下5號舖

自從多年前在日本吃過沾麵後就念念不忘。見到這家主打沾麵的店，很想試吓味道如何*魚介沾麵，沾麵和拉麵分別在於湯底另上。沾麵湯用石頭鍋上，上枱時滾熱辣似熔岩漿。沾麵湯杰身濃郁，櫻花蝦的鮮甜味。麵條煙韌彈牙，粗身掛汁。紫菜軟淋不脆令人失望。沾麵可無料加湯，只是味道太濃郁，對我來說一碗夠滿足～*特製八代海赤海老叉燒拉麵，麵質爽口彈滑，叉燒肥瘦適中。每碗麵都有半隻溏心蛋。這個湯底鮮甜不會過濃，喜歡這個湯底多啲～

今日lunch time同同事去搵野食，朋友見到餐廳話好想去試於是我地企左係門口到望下餐牌睇下食咩好同排隊入去～ 門口嘅餐牌真係好得吸引，有海膽沾麵，龍蝦沾麵，黑松露沾麵等高級食材可以同埋沾麵一齊食，望到餐牌已經令我地垂涎三尺🤤等左一陣中於有位啦！見餐廳咁多人排，我諗點都唔差掛！原來佢係好好味Tim 呀！我哋叫咗魚湯同龍蝦湯，因為想2款唔同味道既湯都試一試！叫之前仲問左店員確定個麵底都係一樣包左4大塊豚肉同埋糖心蛋！所以我地就好開心咁上左2款麵就可以交流試下大家個湯底啦講一講個豚肉魚介先，個魚湯好香濃好好味仲有炆到好淋既豚肉可以沾一沾個麵一齊食，口感一流，值得一試芝士蟹皇同沾麵嘅龍蝦湯分開上，首先夾起咗麵再放喺個龍蝦湯到沾一沾，之後就加埋芝士蟹皇一齊食落去，真係好好味呀！下次要再去試埋海膽沾麵！

今次依尖沙咀厚福街個邊搵野食，望到門口有大大部電視介紹龍蝦湯沾麵，望到都覺得肚餓，於是就排隊等位入去啦！我地叫左2款唔同湯底既沾麵試下～有豚肉魚介沾麵同埋芝士蟹黃沾麵～芝士蟹黃沾麵係蟹蓋（甲羅燒）上有厚厚焗好既芝士配埋香濃足料既龍蝦湯底，個芝士一拉出黎超級長，芝士香味好充足，不得不提龍蝦湯底真係超正足料呀！個龍蝦湯內有好多龍蝦肉，好味好味同個沾麵一齊上既有超級皮脂均勻既豚肉，口感香香甜甜！仲有流既糖心蛋，筍同紫菜原黎青檸汁加左落左沾麵到小酸帶出青新口感配住爽口既沾麵同埋香濃既龍蝦湯加埋芝士蟹黃一齊食係咁正另外誠意推薦既仲有超級抵食既豚肉魚介湯，有魚介好香濃魚味，無味精食完唔會口渴，沾麵同魚介麵一齊食，啖啖爽口彈牙，真係超好味呀！

💛元祖沾麵專門店 @尖沙咀尖沙咀厚福街5-6號多富閣地下5號舖最近去親尖沙咀都成日尼到厚福街食嘢 因為呢條街真系有好多選擇✨今次就試下呢間人氣日式沾麵先💛 餐廳好貼心 放左一包紙巾係枱面比客人使用👍🏼 沾麵有多款選擇有🦞芝士龍蝦、黑松露、鮑魚龍蝦海膽、帆立貝等🦀極上芝士蟹黃沾麵 $148沾麵湯用石鍋上 芝士湯仲係滾下滾下 熱辣辣㗎🔥 🧀芝士味道好濃郁 個湯底都好杰身 本身以為芝士湯會好咸 但點知都唔會 可以放心😌湯入面仲有蟹膏同豚肉粒 沾麵麵條偏粗身 不過我個人比較鐘意幼少少🤏🏻既 但整體都算係幾煙韌彈牙～ 蟹膏份量好足🤩 仲配埋溏心蛋🥚整體尼講呢個沾麵套餐都好豐富！👅🍜濃厚豚骨叉燒拉麵 $79叉燒有驚喜！😍 日式叉燒總共有3片 肥瘦適中 而且燒到外層微微焦脆🤤🤤 麵條偏幼身 所以我個人幾鐘意😋 不過湯底就咸左d🤔 👅好味：3.7/5💲價錢：3.5/5🌟性價比：3.6/5👀環境：3.5/5👥服務：3.5/5

由於近排搬咗屋去尖沙咀，所以都成日去厚福街食嘢。但係呢間個沾麵真係麻麻哋，嗰個芝士海膽湯真係好似用三份溝出嚟咁樣，油膩到食完之後個胃好痛，有啲想嘔。至於個沾麵質地好似麵糊咁樣，想夾起都有啲困難，啲叉燒好似擦子膠咁粗糙。我覺得好難食，食完真係好唔舒服，嗌左支烏龍茶要20幾蚊。唔係貼晒memo紙話自己係黃絲就等於好食㗎嘛，試一次夠了！另外，餐廳淨係收現金，但係其實兩個人食飯起碼都要$300以上，咁樣都唔收信用卡，我覺得仲有好多更好嘅選擇！

終於嚟到厚福街試呢間芝士海膽沾麵啦😍真係想試好耐終於試到‼️禮拜日中午黎到，唔洗等位就入得去食🥰♥極上芝士蟹皇沾麵 ♥極上芝士海膽沾麵 沾麵湯用石鍋上，個湯就可以keep住熱辣辣滾住🥰 芝士海膽湯入面都有海膽，因為放喺耳筒嘅關係變到好似蟹膏質感😆 海膽好新鮮一d都唔苦好好味。麵既質地都岩岩好，夾起放落熱湯到每一啖都熱辣辣😋 湯入面仲有豚肉粒，同埋叉燒都好香🥰 湯有芝士所以食到好滯😂價錢黎講唔算貴，味道都唔錯

認識我的朋友知道我鍾意食日本野，所以介紹左我去尖沙咀一間食沾麵為主的食店 - 元祖沾麵專門店。早前出開去尖沙咀，我就順便試下。這裡沾麵款式有不少，最後選了極上RACLETTE 芝士龍蝦沾麵。沾麵上檯，見到麵上原隻龍蝦，賣相已相當吸引。湯以石頭窩上檯，保持熱度。湯偏向杰身，這樣麵可以掛到更多湯，而且湯裡仲有龍蝦肉粒。另外芝士龍蝦非常好味，肉質夠爽口彈牙，加上入口有香濃芝士味，雙重口味，芝士控不能錯過。食完後可以同店員講，免費加入湯，這樣可以飲幾口鮮味的湯，非常滿足。

其實好食既黃店真係唔多，但呢間的確食完一次又會再翻食既一間黃店。今日一個人係尖沙咀整完野，就過黎又幫襯佢地。間餐廳好日式，好似日本到地既小店，仲會播日本既歌。連膿牆貼滿哂唔同既表達，好親切今日叫左個極上芝士蟹皇沾麵，佢呢到有幾款沾麵湯，赤海老／龍蝦／芝士海膽，前面２款我都試過，所以今次就試芝士海膽。呢個餐個沾麵本身跟４片叉燒，仲有半隻蛋紫菜，仲有松葉蟹膏。送上台既時候大家真係要小心，因為真係滾熱，個湯除左海膽之外，入面仲有好多肉粒，仲要大大粒好多料。個湯入口好香，好濃既芝士味，仲有海膽味，好濃郁，中間帶小小甜，有小小栗米既甜味，都惹味。不過呢款會比較容易濟，所以都偽加湯，而龍蝦湯我就可以加湯，飲到一碗半而個沾麵本身軟硬都好適中，所以配埋個湯好好味，所以呢間黃店我食完又食左好多次。

厚福街元祖沾麵開業咁耐終於有機會食到，因為每次晚餐行到厚福街都係好多人，今次6點前就入場坐低。如果晏少少想食就肯定要等位! 好多人都食過話一定叫芝士味加海膽的沾麵，我自己就無乜特別想食芝士，怕太滯。所以最後都係叫返基本版，因為慣左去日本食都係食原味魚介湯底，另一碗就點左龍蝦湯，加多份海膽! 豚肉魚介沾麵($89)魚介湯底算濃，都好稠杰，容易掛湯，湯底鮮甜唔算咸，味道合適；麵條有硬度，好有口感，但唔夠彈牙，同埋可以再凍少少；豚肉炙燒左好香口，溏心蛋就無乜味。不過湯底係無限任添，添多左一碗魚介湯後再加返少少木魚湯清清個口。龍蝦沾麵+終極海膽版 ($89+$42)龍蝦比想像中淡味，龍蝦味唔夠，反而魚介湯仲鮮甜，掛湯力亦無魚介湯咁杰，再有D失望嘅係加左海膽呢… 個海膽份量得幾塊同埋其實佢放埋上湯裡面，真係食唔慣熟哂的海膽，所以下次再食一定會叫一板海膽另上。

今日做嘢做到三點半都未得閒食午餐😪餓扁了，好多餐廳都落場休息了，好彩仲有間拉麵鋪開緊🍜侍應態度好，一入去已經招呼坐低，仲送上茶同紙巾。紙巾好得意，係佢地自己嘅🍵綠茶好香，好似綠茶雪糕嘅香🤤叫左個極上芝士🦀蟹黃沾麵🍜見到糖心蛋已經流口水🤤，叉燒個樣都好Juicy😍，蟹黃湯超級濃郁，而且送上嚟嗰陣滾熱辣❤️🦀蟹肉份量絕對冇偷工減料，大大粒😍最鍾意將啲麵夾落去沾湯，每一條都可以吸收到湯汁😎，蟹湯濃到好似龍蝦湯咁，滿滿的蟹膏香氣😋，麵比較粗身，而且彈牙😁，沾麵就係要呢一種先好食🤩食咗幾啖，侍應突然送上呢個蟹蓋，先記得原來仲有個蟹蓋😜，見到啲蟹子嘅份量完全好似唔駛錢咁😂，配埋芝士🧀完全係天堂級美食⭐️⭐️⭐️⭐️⭐️份量實在太多我一個人食唔晒，我諗下一次可以搵多個朋友一齊嚟share，再叫啲小食咁🤤

Lunch黎講，厚福街真係首選，多野揀多野食，今次就係同同事選擇食呢間，店面細細但永遠都勁多人排隊既呢間，今次終於有機會。lunch menu有四款選擇，但我同同事都沒order到lunch menu，而係點了鋪頭最出名既龍蝦沾麵，等了一會新鮮滾熱辣既龍蝦汁上檯，熱到好似熔岩咁，而且香到你唔信，麵就好彈牙，第一啖我正係試了個sauce,龍蝦味好濃好好食，好食到麵食到一半，汁已經食晒咁制，同事唔提我既話麵唔知道原來有得無限添加龍蝦汁，一聽到就立即order多一個汁，真係好食到不得了！

夜晚同朋友想去食拉麵食， 見厚福街有兩間拉麵店都多人，天口熱想食沾麵就最後揀咗呢間。我哋叫咗兩個外賣沾麵（1）芝士海膽沾麵 （ 門外標價$99）（2）元祖龍蝦沾麵（ 門外標價$99）點知最尾收咗我地$108同$145。。。問sales點解會貴咗，佢同我哋講因為門外餐牌未更換。聽到都火滾，就算係旺店都唔可以咁做生意講翻嘢食一樣另人失望😞海膽湯完全冇海膽味 芝士味就濃嘅不過似平時d芝士撈麵 冇咩特別 係裡面有幾塊瘦肉粒 叉燒又乾又多渣 溏心蛋老左d不過味道都ok嘅算唔錯龍蝦湯麻麻 普通貨色 唔值呢個價錢結論，只食一次唔會再食😩

呢間沾麵老店一直係尖沙咀屹立不倒，雖然鋪面唔大，但一路都儲咗好多粉絲，大大碗，大食人有福了！濃厚豚骨叉燒拉麵$88，豚肉大大件，一碗足足有4件，每件燒到外層微微焦脆，入口半溶狀態！麵質彈牙偏粗身，份量十足，同區食物嚟講呢度絕對性價比高！特製八代海赤老沾麵$99，一碗麵再加一碗用熱鍋呈上嘅湯底，大量海赤老係面，非常足料！上菜時仲熱辣辣，湯底會比較杰身，麵底好掛湯，濃郁嘅海赤老湯底配埋拉麵一齊食中和返當中嘅油膩感！每碗麵都附有半隻流心蛋，少量筍同香蔥～值得一提嘅係呢度嘅款式唔少，仲可以加錢配新鮮海膽，價錢都唔會好貴架！

🍜特製八代海赤海老沾麵💰$98😈成條厚福街都係小店💛基本上唔使驚要排死一間隊😎呢間元祖沾麵最岀名就係沾麵所以就試一試呢個特製八代海赤海老沾麵🍜佢個湯好濃好濃仲好多櫻花蝦同豚肉🤔個底仲有幾舊豬腩肉仔幾好咬口😬而個沾麵個麵底都好彈牙唔會太硬身同埋重口味既我幾鍾意佢個湯底咁濃郁😬點落個湯到好好食同埋佢呢個沾麵湯係可以免費添🍛元祖鰻魚芝士蛋包飯💰$129😈而🐻小編就怕唔飽就試下佢個元祖鰻魚芝士蛋包飯🤤OMFG個蛋包飯成個碟咁條鰻魚仲好大條滿滿既醬汁Mix落個飯真係好好食💛不過真係太多飯🤣所以都食剩左少少🥟自家煎餃💰$39😈煎餃子一共有5隻😬但我就覺得正正常常