元祖沾麵專門店

營業中

休息中

八代海赤老沾麵 $83個麵正常，彈牙 個湯濃味 夠蝦味 偏重口味（咸啲 ，味道ok加左海膽底 送左兩塊有啲薄既叉燒🤣特製八代海赤老叉燒拉麵 $88又是偏濃口味，麵正常普通叉燒比較薄片炸雞 $46普普通通正常 ，粉有點兒厚份量足夠 熱辣辣牛肉可樂餅 （$ ？46 ）有3塊大塊 抵食 （鐘意食可樂餅既一定要嗌 😋😋😋 都是岩岩炸出黎 鬆脆💛支持 位於厚福街 地理位置方便多選擇 如果諗唔到想食咩 都可以去食水準有特提高會更加好😇👍🏻💪🏻

#元祖沾麵專門店 💛今次介紹嘅黃店係位於尖沙咀厚福街嘅元祖沾麵專門店😋😋成日見到網上面有好多好評🙈所以小編一直都蠢蠢欲動想去試😽😽今次終於去到啦🤤🤤而家小編就要介紹俾你哋✨✨大家快啲約朋友去食‼️‼️好好懲罰💛環境方面🤩店舖係比較狹窄 但係都唔會阻到你食好嘢嘅慾望😋😋佢有分Bar枱或者二人枱三人枱🤤可以俾你揀你想坐邊 🙈但係平時會較多人排隊 所以建議早少少嚟食😋😋店舖黏咗好多文宣 仲有個連儂牆💛比食客可以食緊嘢嘅時候寫痴上去😻仲會送紙巾等等✨店員服務態度仲要好好👍🏻因為碗湯係滾 所以會多次提醒小心熱😋真係值得一讚🤩特制八代海赤海老沾麵 $99💰（8.5/10）Shrimp Tsukemen With BBQ Pork店員一放沾麵上枱 就已經聞到好香嘅芝士味🤩🤩碗湯仲要係滾㗎‼️‼️‼️可以係張相見到仲係滾到起泡✨✨唔係講笑 小編真係流晒口水💦赤海老湯放咗唔少份量嘅海老上面😋😋而芝士海膽亦都放咗係湯面上面 真係好足料❤️❤️食到唔少海膽😻而且芝士好濃味 真係啖啖都係滿足😋😋小編真係可以飲好多碗湯落去個肚仔到🙊而因為色香味俱全 仲要送上枱嘅時候係滾緊 所以變相真係好吸引 令小編期望值好高🙈果然冇令我失望

行過幾次厚福街見到呢間餐廳次次都有人排隊，今日唸住試下。座位大多係兩人位，椅子下有個籃放包，咁樣唔會好逼。特制八代海赤海老沾麵$99:面底夠厚，麵系粗拉麵好有嚼勁。叉燒好大舊，半肥瘦，入口即溶且帶焦香。沾麵湯底熱辣辣既蝦味好濃郁，食第一啖就好有衝擊感，湯底仲有豚肉好煙韌，彈牙啲麵吸收湯汁食落口每啖都覺得好滿足，仲可以免費加湯添。黑蒜豚骨叉燒拉麵$88:材料豐富有叉燒、筍、半粒溏心蛋，木耳絲、紫菜，麵系細拉麵好煙韌，湯底用黑蒜油提味唔會膩，加埋豚骨味道易入口。總嘅話呢度拉麵份量足，湯底好濃郁鮮美，食得好滿足。

上次黎貪過癮就帶咗海膽沾麵我覺得佢做得好嘅地方就係國沾麵汁佢真係杰身可以掛麵但個海膽既味就一般今次醒水嗌普通拉麵無沾麵咁杰所以無咁膩Overall d叉燒拉麵同湯底都ok什至我個人覺得佢好食過沾麵不過可能我不嬲唔係沾面嘅fans男友繼續叉燒沾麵鍾意佢個汁又杰又夠熱上枱個石窩仲係滾住既食到味可以叫店員免費加湯另外有個海葡萄凍豆腐唔算好有豆味有啲似你出面買嘅豆腐然後個海葡萄比想像中細條好多不過不失不過上菜速度好快同埋 💛💛💛

一入到門口俾人命令式叫量體溫，跟住命令將把遮放喺遮架。當下感覺已經有啲唔爽，但仍然諗住可能自己誤會啫。入到去被安排坐一個通道位置，要求轉為位，初時話唔可以轉我想坐嘅角落頭位，跟住安排另外一個位置，還好都會順應要求去做即時安排。。心情稍稍緩和。點知又再嚟過，話唔寫紙仔。跟住個女侍應態度好差講：咁唔該出去門口掃描碼⋯嘩乜嘢事！先好似審判犯人咁⋯講返嘢食，真係超級一般！叫咗龍蝦沾麵、同埋海膽芝士沾麵。個湯底根本就係罐頭湯質素，啲麵係夾唔起成舊囉！口感又似橡筋！收咁嘅價錢比咁嘅質素！都唔明點解仲有咁多人話佢食⋯

炸蠔芝士海膽沾: 非常好，好香濃的芝士，熱辣辣，食到一半已經無晒湯，可以免費添加，當日lunch人客唔多，添湯都快，等5-10分鐘就有得食。蟹皇龍蝦沾: 蟹蓋唔熱，好彩食落唔腥，但面頭的芝士都硬晒，龍蝦湯正常，無特別。下次一定要再食多次芝士海膽沾。環境衛生一般，座位比較窄，唔太舒服。阻擋飛沫的透明軟膠檔看起來像是一星期沒有清潔過，望落都幾污糟，張透明軟膠同張枱都痴得比較好近，感覺有點唔開胃，食野的時候唔好兩頭望，專心食就無事。

好耐無食沾麵啦，一諗起沾麵，必定係去厚福街嘅元祖沾麵，呢間係我去過咁多間沾麵店最好食嘅一間。 餐廳嘅牆身都非常有特色💛，貼滿晒memo紙。 之前試過呢度嘅龍蝦沾麵好正，最近聽聞又有新嘢，推出咗個極上芝士海膽沾麵，一定要支持下！ 店員捧住個用石鍋裝住嘅熱辣辣芝士湯底🧀，入面仲有啲腩肉，增加個湯嘅香味，腩肉亦好腍。海膽有好大板，新鮮甘甜。沾麵煙韌彈牙，點少少湯嚟食，每一口都沾滿芝士香味🧀，掛湯能力高！如果唔夠湯仲可以免費添加㗎。如果嫌太膩可以唧少少青檸汁落去，感覺會fresh啲同可以消滯。 除咗沾麵，仲有拉麵㗎🍜，點咗個黑蒜豚骨叉燒拉麵，個湯底好濃豬骨湯味🐖，黑蒜味恰到好處，啲叉燒肥瘦適中，肉質嫩滑，麵質爽口煙韌。加埋大量嘅香蔥，木耳絲，紫菜，同埋至愛嘅溏心蛋，正呀！

同男朋友去staycation，個package只係包早餐同午餐，晏晝個buffet 飽到8點幾先落格，就去附近搵個拉麵醫肚，當自己去左日本咁😂一定要夜晚啪返碗拉麵同行埋Donki先捨得返酒店。係附近幾間拉麵店之中揀左呢間沾麵店，成9點幾都勁多人😑，唔知係咪好多人都好似我地咁😆。黑蒜豚骨叉燒拉麵湯底黑蒜味濃，唔會太咸，拉麵煙韌彈牙，份量又大，岩晒大食既男朋友。豚肉魚介沾麵沾麵湯上枱好耐仍然滾下滾下，真係要小心食，唔好燙親手😯，魚介湯底極濃，麵條掛哂沾麵汁味道剛剛好😋，份量對我黎講有d太大🤰🏻。行埋Donki先返去，真係有d旅行嘅感覺！🤣

聽日放假，今晚可以出街食。一個人食日本嘢最方便，今次就試下呢間嘅沾麵。落單後會比個沙漏⌛️，計時20分鐘，如果夠鐘都未上齊嘢食，就可以全單九折。極上芝士蟹皇沾麵 $148好豐富～ 分開三樣咁上1️⃣ 麵條粗身，質感煙韌，份量唔少；叉燒有四塊，半肥瘦，肉質嫩口，調味唔錯；溏心蛋有流心效果，蛋味夠濃，外層蛋白彈牙；另外仲有荀同埋紫菜～2️⃣ 碗湯上台時仲沸騰緊，蟹味香濃，點住麵食一流。而且仲有唔少蟹肉同埋豬肉係湯入面，幾驚喜，好多餸👍🏻3️⃣ 蟹蓋面頭係厚厚嘅芝士，用料足，芝士味突出。挖開係滿滿嘅蟹膏，邪惡但好味，而且食到蟹肉絲。隔離嘅蟹籽都係一大堆，撈埋蟹膏一齊食無咁寡～食完之後真係捧住個肚走😂 真材實料，味道又正～

今次又同朋友黎到尖沙咀厚福街既元祖沾麵。其實之前自己已經食過兩次，都覺得唔錯。今次再次幫襯，一於把心一橫，試下佢既招牌沾麵啦！店鋪雖然唔算闊落，但對客人都算照顧周到。員工好Nice，而且佢地每個座位下面都有個籃用來裝隨身物品，真係好貼心！要知道地方淺窄既麵店，成日冇位擺背囊擺手袋擺外套，擺椅背後又驚阻到人，放大腿上又怕食食下麵比湯汁整污糟。店家識善用凳底既空間儲物，值得讚賞。仲有個幾得意既位係點左菜後店員比左個沙漏我地，原來係20分鐘內上唔到菜既話可以全單九折。可見呢個麵店都對自己既服務水準有要求，會盡量避免拖單漏單，咁當然我地食六點幾果段時間算早，店內未滿晒，所以叫左野食後個沙漏未滴到一半就黎晒D野食啦 ~有大食大，我當然係點左佢招牌既「極上芝士蟹黃沾麵」($148) 啦！碗沾麵麵質尚可，唔會太腍，而日式叉燒、筍乾等配料都係基本，重點係佢個芝士醬湯真係濃郁！醬入面仲有足料蟹肉絲同蟹黃，而且仲有海膽，加上啖啖蟹味，真係不得了。每夾一住麵沾一下汁，都係超邪惡既食法。加上店家好似仲嫌唔夠咁，另外埋個芝士焗蟹蓋添。一啖沾麵，撈D蟹籽，再一啖芝士蟹蓋，盡享芝士既香同埋蟹黃蟹膏既鮮，所謂「極上」

今晚同朋友一齊行街街， 咁我同朋友一齊買完嘢之後，朋友話有好介紹，因為佢好鍾意食日本沾面，而我亦都相同， 咁我哋試下呢一間元祖沾麵， 入到去其實都幾多人食， 可能呢一頭比較少沾麵舖， 咁我哋就叫咗以下：豚肉魚介沾麵: 呢個豚肉魚介沾麵，佢個豚肉燒得都幾靚，而且塊豚肉有少少肥肉 ，脂肪比例平均 ，咬落口好juicy，當你放個麵落個湯底度， 佢個湯都充滿住魚介味都幾濃味， 但我覺得都幾好食。 另外佢個面都幾弹牙都值得讚的!極上Raclette芝士龍蝦沾麵: 呢一個龍蝦湯沾麵， 絕對係主角，因為佢個龍蝦真係成隻上，而且佢個龍蝦鉗同龍蝦身都係啖啖肉，都花咗我哋唔少時間去拆解。 而且佢個龍蝦又真係幾彈牙同有甜美， 再加上佢post上嘅芝士 ，真係非常 好食， 對於好似我呢啲鍾意食芝士嘅人，就非常之喜愛佢， 不過我建議就係將個芝士浸落個湯度食，因為熱熱地先好味。最後我建議大家早少少入去餐廳食，因為佢個製作都比較長 ，都等咗我差唔多二十分鐘以上， 可能我地叫嗰個係龍蝦需要多啲時間去整， 但overall嚟講呢一間餐廳都唔錯，值得去試的。

聽同事介紹完，馬上起程黎試元祖沾麵，餐廳係厚福街，近尾尾既位置，店門窄，等左大約廿分鐘就有位入，比想像中快，餐廳入面比較窄，有面壁位，有對坐位。「極上芝士海膽蟹皇沾麵」🧀🦀🍝$159石鍋盛載住熱騰騰既濃厚芝士海膽湯汁，視覺同埋聽覺，都已經率先得到左享受🥰芝士混合海膽帶出既香，沾滿每一條麵，麵條剛好有質感，唔會黏連，又有咬口🤩成為左濃味芝士海膽一個好出色既媒介！蟹蓋入面舖左芝士蓋住啲蟹膏，鮮味重🌊將少許蟹膏，芝士海膽，沾麵，一齊食，閉上眼，從鼻呼出氣，刷出左新既衝擊🏄好珍惜咁細味每一口，除左因為貴之外，亦係因為太唔捨得咁快食完咁出色既佢😔流心蛋都幾流心🤣如果有醬油醃下更好，叉燒半肥瘦剛好，無乜油膩感，幾出色。「極上黑松露芝士海膽沾麵」$178畀佢門口上方個電視播既宣傳短片吸引📺而選擇左黑松露，因為出面好少原片食😳亦好奇芝士海膽同黑松露會產生咩驚喜？結果一上檯，細片到杏仁片咁既黑松露，同短片中，大大片既，落差大令人失望😮‍💨黑松露味唔香濃，同芝士海膽關係唔熟，略帶有點失望，又或者因為蟹膏既對比😢價位略嫌有點貴，間唔中食下都可以啦😎

⿻⿻ 元 祖 沾 麵 𓏲𓏱𓏭𓏭已想試呢間厚福街嘅沾麵店好耐 不過基本上正餐時間去都會見到超長龍 今次晏啲去終於食到 (๑˃͈꒵˂͈๑)Menu款式好多 海膽、龍蝦、黑松露、鮑魚 超多沾麵店罕見嘅極豪華食材 最後試咗極上芝士蟹黃沾麵同豚肉魚介沾麵 極上芝士蟹黃沾麵係芝士海膽沾麵湯加芝士燒蟹蓋 個湯顏色已經好吸引 上枱嘅時候啲湯仲滾緊 芝士味超級濃 入面有唔少海膽所以幾有鮮味 麵底份量好多 口感唔會太淋有咬口 叉燒都唔錯 燒到有陣炙火香味肉質亦唔柴燒蟹蓋都係熱辣辣咁上 蟹膏好鮮味 配上一層拉絲芝士更加正一個超邪惡超豐盛另一個就食返清淡啲嘅豚肉魚介沾麵 魚介湯味道夠濃 入面嘅豚肉份量意外地好多 麵底一樣好有咬口 𓏲𓏱𓏭𓏭極上芝士蟹皇沾麵 $148豚肉魚介沾麵 $89

以為咁多人讚好一心來試下~第一感覺已好差職員冇禮貌~明明入面有吉台又唔係要清潔要係門口等左10 分鐘先入得出面又有蚊咬~好啦入到去d位又窄又細都算台邊痴住d蟹子冇人抹的愈坐愈痕個焗蟹蓋不知所謂， 芝士厚到硬入面仲可以稀過水，請問點焗的呢？真心大家樂肉醬意粉上的芝士好味過它貴得來唔好食~服務同環境又差先最慘未試過間所謂日本餐廳可以咁污糟，真心衰過大排檔沾麵普通同湯底普通冇特別~亦唔出色仲要賣$148...

第一次食沾麵🍜感覺同拉麵類同~只係換了湯底另上同埋麵的質感係烏冬同拉麵的中間Order左極上蟹皇芝士沾麵~味道ok, 蟹皇湯係石鍋上的所以由落單到上台大約需時20分鐘<<芝士焗蟹蓋>>但唔知點解焗完蟹蓋內係水汪汪的~味道偏甜。。。。。。湯底可以無限fill~不過其實連麵食左1/3已經好飽了~所以沒有再追加。。。建議餐廳可叫員工介紹如何食沾麵/張貼沾麵食飯的介紹餐廳有d 細位置唔多~如想食最好早d拿位