六公館

營業中

休息中

見呢間餐廳經常在openrice 受歡迎排行榜， 因為好奇，所以嚟試吓， 第一次來，都要花啲時間去搵下間餐廳入口 ，餐廳嘅位置對住個無敵海景，真係幾正 😄但係如果你坐窗口枱，出面咁啱又有人嘅話，其實都幾尷尬㗎😂另外，如果你想靜靜地食餐飯嘅話，可能會有少少失望，因為間餐廳都幾嘈😅今晚試咗個套餐 ，先係上個湯， 然後係頭盤， 一個一個上，令我有足夠時間享受每個菜嘅味道🥰🤤🤤🤤整體嚟講樣樣都好味道服務幾好，仲有個靚海景👍個套餐嘅份量好足，如果三個女仔可能叫兩個餐加少少野都夠食😄

難得的假期約了朋友到海港城六公館飲啖茶食個包，朋友一早就訂好咗枱嚟呢度食午餐所以唔使排隊。.估唔到呢度既環境好優雅別致，出面既風景真係好靚，相信夜晚會更加吸引！.因為早餐食得太飽嘅關係所以只係簡單點咗幾樣食物！手撕雞芝麻卷感覺就好似雞絲粉皮腸粉版，雞肉好滑青瓜絲好新鮮，估唔到原來用腸粉皮卷又有另一番風味喎！和牛黑椒酥香濃嘅牛肉味配上惹味嘅黑椒汁，再配埋呢個千層酥皮，真係好好食呀！金網鵝肝蝦卷一咬落口已經食到鵝肝嘅甘香，加上爽口嘅蝦肉同埋脆卜卜嘅外層，多重嘅口感！好正！整體來講，呢度嘅食物都係精緻得來又有特色，而且味道好、賣相又靚，今晚同朋友約會或者請客食飯呢度都係一個好合適嘅選擇！非常推薦！

話說不久前同朋友嚟到海港城行街，而呢間六公館都見唔少人嚟打過卡，想試咗好耐，於是今日就順便去試埋！我哋都叫咗好多樣點心，招牌黑金蝦餃我哋都不忘一試，果然十分之有驚喜，蝦🦐好大隻，食落好新鮮！其餘啲點心都係水準之上，用料新鮮，味道絕不輸其他酒樓！我哋都嗌左呢個海膽燴飯，香味十足，食完個口都不斷會回味！份量都好足夠。 另外海蜇都十分之爽口，牛𦟌都好入味！ 餐廳環境十分之舒適，仲可以出去花園打卡！ 好值得大家嚟試吓

環境靚 嘢食都正屋企人鐘意中菜 呢間既中菜好多唔同款式其中就鐘意既就係蜜汁黑豚叉燒 同 48小時慢煮牛肋骨叉燒係半肥瘦 唔會太油膩又唔會好鞋 啱啱好 出邊有焦香味 慢煮牛肋骨個個都覺得好好食 因為慢煮 所以肉汁冇流失到 而且好淋 好重牛味

正日慶祝生日，為左屋企人選擇左中菜餐廳。呢間六公館不論環境同食物都相當出色。特別講埋，呢度有蛋糕預訂，好靚，提前兩日預訂就可以~真係打卡一流。另外，大家黎食飯記得到餐廳外面場地影相，餐廳侍應會替大家補燈，相當PRO，服務亦相當好。食物方面介紹下先~日本金柚手撕雞：味道好特別，金柚加青瓜絲，啖啖仲有雞肉，好好味~不過雖然是前菜，但唔係第一時間先上，有點奇怪~八味金磚豆腐：超好味，表層香脆，內裡滑溜，真係入口即融的感覺，好滋味，推薦啊~龍眼蜜燒西班牙黑豚叉燒：真係完全唔同平日食個D，厚身到呢，肥瘦交替，入口鬆化，軟綿多汁，好好味。不過屋企人就覺得厚身左D﹗可以薄少少會容易入口D。濃雞湯浸菜苗：真係超香濃雞湯，可以想像用料相當好，啖啖湯汁加上菜，口感豐富。松茸羊肚菌海膽燴飯：濃濃嘅松茸味，海膽完全唔會覺得腥，真係啖啖飯粒都好好味，呢個值得食~生日蛋糕：相當奢華的感覺 ，蛋糕係earl grey chocolate moussey Cake，入口香濃又滑，加上朱古力脆脆，唔算太甜太膩，真係影相同味道都好無得頂~

由地鐵站行過去好鬼遠，最少15min 環境係幾好，出面有維港海景室內超級嘈，不能enjoy 嘅晚餐當日可能太多客人？叫乜冇乜，冇叉燒燒肉、冇乳鴿、冇水煮魚🤦🏻‍♀️價錢好唔抵，細細份已經叫係一味菜😧真係份量同價＄係其他洒家嘅三至四倍,三個人叫成八樣食物都唔飽，每樣都細細碟食物質素係ok 嘅，都叫好食，除左個椒鹽茄子，基本上食一舊已經唔想再食，整得好差！大排檔好食好多整體來說價格很貴，食物份量很小，食物味道ok ,環境不錯但好嘈,黎一次已好夠！

今日 我地Book左8:30pm食Dinner景觀：望維港夜景餐廳有紙口罩套提供🍽🍽🍽🍽🍽🍽🍽🍽🍽🍽🍽🍽🍽🍽🍽🍽我們叫了2個Dinner Set & 散叫其他美食Dinner Set🔽法國邊豆,西巴牙黑豚叉燒,海膽蝦春卷:邊豆脆口,叉燒正常,春卷食唔到海膽味松茸雪蓮子燉日本蘋果：清甜潤口胡椒香茅蝦:非常多胡椒粒,好味秋葵芥茉牛柳粒:牛柳粒配秋葵好夾鮮茨實濃雞湯浸菜豆:菜豆非常嫩桂花蟹肉炒新竹米粉:正常楊枝甘露: 非常足料,啖啖果肉散叫的美食🔽八味金磚豆腐:外脆內軟鴛鴦蝦球:3粒鹹蛋黃味,3粒芥茉醬味,兩隻醬都做得好好,個人比較鐘意芥茉醬味酒精飲品🔽港女:非常易入口,仲有兩粒馬卡農(係士多啤梨味&柚子味)唔記得飲品名稱：酒精濃度較高CP值🌟70%

話說我哋喺度諗緊爸爸生日食乜好，之後上OpenRice，就見到六公館，於是就打電話去book枱，一入到黎，職員好有禮貌，之後良緣體溫就帶我哋入去坐喺窗邊位嘅四人枱，望住日落嘅黃昏，特別有情調！之後職員都好細心話我哋端上茶，之後我哋就開始揀嘢食，最後我哋叫咗煎金豪，新竹米粉，嘉美雞，意大利蕃茄會牛尾，黑金流沙包，蟹粉小籠包，豚肉叉燒。。。每一樣野食都好符合高質素，食到好飽好好味，希望今個生日爸爸開開心心，做囡既就心滿意足！食完飯，之後就出咗去出邊個大草地影相，望住夜晚維港嘅景色，咁餐飯食得好滿足！

訂了今晚在六公館慶祝我另半的生日環境 食物 服務 一流 唯獨是個蟹粉小籠包就一般般 上半部外皮比較厚 個底就薄 一夾即漏 蟹粉不夠多 味道突顯唔到有蟹粉味. 最正是 龍井熏太爺雞 一食齒夾留香

挑選了六公館為男友慶祝生日，餐廳的環境很有格調，坐擁維港美景，如天氣好更可以選擇室外用餐。我們被安排坐窗邊座位，對住美景進膳，整個氛圍令人陶醉。我們共點了四道菜，每道菜的份量比想像中多，不過每道菜式都非常美味，捨不得剔除任何一道。首先是蜜汁黑豚叉燒，叉燒肥瘦分佈平均，外微焦內軟，淋上碟的蜜糖入口就有超濃郁花香味！真的非常令人回味！第二道的手撕雞屬前菜，手撕雞內有青瓜及柚子，酸甜味道非常開胃，雞肉嫩滑，是一道非常不錯的開胃前菜！第三道是意大利蕃茄炆手尾骨，牛尾骨入味，蕃茄味濃郁，完全滲透入牛尾骨入面最後是羊肚菌海膽燴飯，一上枱已經聞到菌香，加上海膽的鮮味，非常好味，不過個人認為味道有點太濃，如食多兩碗會覺得有點咸，但如多人分享每人淺嚐的話，絕對是齒頰留香！因為是慶祝生日，我提早致電餐廳預訂了生日拼盤，店員亦非常醒目，我們完成主食後迅速收到餐桌，用眼神向我示意已準備好生日拼盤非常精美的擺盤，左邊的啫喱有菊花香味，左邊是一杯奶凍，同樣是充滿茶香，味道清新，所以即使食到好飽亦不會太heavy令我印象深刻的還有餐廳的服務，侍應貼心有禮，合照時餐有打燈服務，整晚的用餐體驗令人滿意，有機會絕對會再次

其實已經食過好多次，不過最近佢有大閘蟹special 又去食下😋，大閘蟹超正 如圖多膏 ，不過尼個要睇彩數 無㕑藝可言，所以講反正題，想講的是蟹粉小籠包好精緻，小小醋好可愛，不過我覺略為大粒左少少🤏🏻，女仔要分兩啖先食得晒，另一個大閘蟹special 就係尼個 蟹粉油炸鬼，睇到佢哋社交平台張相已經即刻想去食，油炸鬼新鮮炸起，好脆好好味海膽燴飯保持水準，由始至終都咁好食😋，另外極力推介叉燒！叉燒！叉燒！因為太好食 所以即刻食晒，無影到相，我夠膽講尼度個叉燒係全香港最好食ge🤤

作為港女母親的生日飯，除咗食物質素，環境都是十分重要。母親大人鐘意食中菜，所以今年選擇了六公館。今天雖然間中有驟雨，但還算天清。維港夜景相伴，打咭絕對無問題。一家四口，先order三餸一飯，以免眼闊肚窄。但分量頗少，最後再追加一餸一米。龍井熏太爺雞 - 我喜歡滑嘟嘟的雞肉，而且食出有微微茶香，但雞味略嫌不足。黑蒜焗羊架 - 羊架上鋪滿滿的黑蒜泥。黑蒜泥沒有想像中濃味，亦沒有搶過羊架的原味。而且羊架肉質夠淋，同枱都讚好吃。48小時慢煮牛肋骨 - 靚牛肉只要簡簡單單的調味已經足夠。油脂分布平均，而且用慢煮，肉質夠嫩滑。松茸羊肚菌海膽燴飯 - 是中式的意大利飯嗎？想不到用中式菌類燴飯會咁出色，飯是不淋不硬剛剛好。加上海膽毫無違和感，質素好，無海腥味，好食。蜜汁黑豚叉燒 - 肉質軟腍，肥瘦適中，叉燒有少少燶邊而且麥芽糖面做得好好，不失為好叉燒啊。桂花蟹肉炒新竹米粉 - 蟹肉分量不算少，但最重要炒得夠乾身。甜品拼盤 - 除左個燉蛋比較正常，其他應該是拌碟？特別兩粒黑色東西似冧咗嘅金沙。$308當買一個驚喜給媽媽。👍🏻👍🏻👍🏻值得一提，找服務員幫手拍照，他們會一手拿著「打光燈」，一手「拍照」。人又

今次係帶爸媽食好嘢.我爸媽淨係鍾意食中菜, 出街諗食咩真係諗到頭都爆.依間六公館長期係OpenRice最高瀏覽嘅首位, 所以今次就同佢地嚟試下.我地4個都係叫Lunch Set B (HK$348/人)［三文魚籽燒賣］平時食嘅燒賣上面多數都係蟹子.依個燒賣就特別少少, 上面係三文魚籽.入面有好大隻蝦, 蝦肉都好脆.［南翔小籠包］賣相同味道都冇咩特別.［六公館黑豚叉燒］依個叉燒肥瘦適中.不過蜜汁好似濃咗少少, 味道偏甜.但都係好食嘅.［松茸雪蓮子燉日本蘋果］個湯真係真材實料, 除咗有松茸、雪蓮子、日本蘋果, 仲有原粒江瑤柱、雞肉&豬肉.味道好清甜, 完全冇味精.雞肉&豬肉都燉到好腍.湯下面係有蠟燭㗎, 令到個湯可以keep住暖, 好正!［羊肚菌露筍炒帶子］帶子好大粒, 外層煎得好香, 入面軟軟的, 好有口感.露筍好爽.整碟餸都係偏重味, 但好好食.［野生竹笙浸菜苗］依個波菜苗味道比羊肚菌露筍炒帶子清淡D.雞湯真係好濃郁, 成個菜都好好食. ［桂花蟹肉炒新竹米粉］裡面加咗炸江瑤柱&蛋醉, 所以食落好香口.如果蟹肉再多D就好喇.［桂花杞子配桃膠］依個甜品甜而不膩.有勁多桃膠, 食落有清清地嘅

環境優美，食物質素高！因為有海港城coupon, 故提早一星期book了六公館晚飯，一邊早餐一邊欣賞維港夜景，實在是賞心樂事！值得推薦的是龍井雞，茶業味道燻得很入味，蜜味金蠔亦是不錯的前菜，當然美食靚景也要付出一定的代價！😋

終於 book 到「六公館」。原本對這些新派中餐並唔係太感興趣（好難計卡路里），不過環境真係太靚。點都要一試。位於海港城最最最盡頭，可以想像海景一定無敵。親身來到，3面環海的景觀，非常震撼。裝修、擺設好精緻。座位非常舒適。好貼心地將座位面向中環景色。這裏水一支 $98。不喜歡的話開一位茶 $28。非常合理。沒有叫套餐，散叫比較啱心水。點完菜，面對如此景色，化身遊客四處影相😂。店員非常友善，主動幫忙影相。值得一提，室內非常黑，店員會配備大型的 LED 燈幫忙打燈影相，影出來特別靚。八味金磚豆腐 - 即係椒鹽豆腐。唔油膩、唔太鹹、皮脆心嫩。讚。日本金柚脆皮手撕雞 - 皮真係脆。好似去飲宴嘅炸子雞。肉質就無乜雞味。 不過配合青瓜、柚子，算幾清新。酸辣湯 - 實話實說，好離譜。有一層幾毫米嘅油。味道係⋯⋯ ok 嘅，但係口感油膩到不得了。我飲左一啖投降。鮮柚子雪場蟹腳 - 不過不失，配搭得唔錯，份量有一整條蟹腳拆肉，可惜蟹味唔濃，係咪唔係season？濃雞湯浸菜苗 - 非常出色。雞湯真的好濃郁，陪襯清清地嘅菠菜苗，食落非常舒服。黑豚叉燒松露撈粗生麵 - 松露醬味道濃烈，叉燒份量不多，撈麵彈牙有