冬蔭公公 (已結業)

其實將軍澳不嬲都有分店，不過都未試過。近黎屋企附近新開多間分店，一於試下。新店型格裝修，環境乾淨，仲有雜誌借閱，放假黎hea下都幾舒服！我早到拎位先，坐低左之後佢主動問我坐唔坐另一個更好既卡位，讚！食物主要有麵食(自選湯底，麵底，配料),飯同小食鮮魚湯幼薯粉($36)，以上既配料係跟湯底，無再自選。湯底有魚味，不過芫茜味仲出。冬蔭功湯幼薯粉($39)配牛肉($10),枝竹($8)，有分三個辣度，我揀左中辣,同出面既辣度差唔多(下次可以試埋大辣)冬蔭功夠辣又夠香，薯粉有口感，配料就真係無咩特別，$18有d貴。。。香茅燒春雞($58),呢個係見到隔離枱果份幾靚而order既。呢個價當然係雪雞啦，不過整體都幾好，大份,皮脆,唔肥,夠香,唔鞋口,推介！

諗吾到下午茶食咩，見到冬蔭公公幾抵食，真係不錯呢個冬蔭公公湯底辣豬肉碎薯粉，個名好長😂😂真係值得推介，揀左BB辣，個湯底足味，薯粉又好入味。另外叫左個拼盆，乜都有，樣樣都好好食，有豬頸肉、烤蝦、串燒、鳳爪、蝦餅，個蝦餅好好食，啖啖肉串燒同豬頸肉都燒得幾好，蝦仲好細心咁挑走條腸生蝦係必叫，不負眾望😂😂正！肉質爽脆服務都好好，推介

見將軍澳開了＂冬蔭公公＂昨天同朋友黎試吓這間裝修靚靚仔仔，嚟得泰國餐廳當然要試一試冬蔭公湯底啦，不過太失望了，味道太差了我們2人嗌咗1碗冬蔭公湯麵1個拼盆嗰冬蔭公湯底淡麻麻無味我煮還好過佢嗰拼盆有好多嘢㗎睇都幾靚嘅，食又再失望第二次啦泰式蝦餅、咬了一口中間凍冰冰的似係雪櫃拎出黎酸辣鳳爪、本來係我最愛的但是佢真整得唔好味，好淡有怪味，好難食豬頸肉又乾又硬食唔到這間餐廳令我們太失望了，一次就夠，唔會再來。

I have literally had two solid Thai meal in one day to celebrate the Thai New Year Day on 17th April, 2016!Hot Malaysian milk tea ($22)Since I am not a big fan of sweet stuff, I have asked for a less sweetened milk tea and I think they have followed and provided what I want exactly. Malaysian milk tea tasted a bit different than the Hong Kong one with less condensed milk. The foamy milk was smooth with a nice aromatic tea flavour. It is always my favourite kind of drink from Tom Yum Tom Yum. Pap

同朋友咁岩係將軍澳行街，見到呢間好似幾特別嘅泰國野，出面其他商場冇見過呢間，所以就晚餐試試啦 我地一齊嗌左d野食share,有馬沙拉咖哩原隻羊膝配飯、冬蔭公海鮮米線、薯仔薄餅同泰式生蝦。google下究竟咩係馬沙拉咖哩，瑪沙拉爲印度一種主要香料，經常與咖喱搭配調味，而印度小廚卻將其與牛奶混合制成印度瑪沙拉香茶，待煮成後，由印度廚師經過1米多的距離反複地拉，越拉味越濃，直至拉出一層很厚的沫。還未品嘗，便聞其香。呢度d咖哩唔算好辣，但食得出特別嘅香料味，配埋羊膝食好juicy，羊膝又大份而且肥瘦均勻，肉已經煮到好熟好冧，用刀一切就好輕易將佢骨肉分離，唔會韌到切唔開咁樣，羊肉食落去都唔乾而且冇膻味。咖哩配埋飯食都好正，又多汁夠食曬成個飯，總結都係大份抵食架！！本身對薯仔薄餅冇乜期望，本想醫飽個肚。但又出奇地幾好食，上菜嘅時候係岩岩整好仲好熱，所以咬落外皮脆脆地又有D煙韌，夾住中間鬆軟嘅薯蓉，又香又脆好好味，熱要快D食好快就清曬成份生蝦配蒜片，唔敢配埋辣椒食啦，感覺應該超辣！生蝦都好鮮甜，不過口感略嫌唔夠爽，唔知係咪唔夠新鮮嘅關係。不過個人覺得食生蝦個主角其實係酸辣醫汁，配埋蒜再點醬汁，蒜同

Thinking that its new around the area, so try.  It was the biggest mistake ever.  Floors was greasy and tables were dirty.  Ordering from the tea menu, got the viet cold noodles just to be safe because no one possible can fxck this up.  Was I ever wrong.  It was tasteless and dry.... the fish sauce was basically colored water.  I have never seen anything so orange... and lack of what fish sauce supposed to taste like.  Nevermind we walked out and told the waitresss its the worst food ever.  Of c

平靚正泰國菜在將軍澳招牌的冬蔭功海鮮米線有點淡口，不過勝在海鮮多料搭救，而且海蝦很爽口新鮮。不過吃慣辣的人士會覺得未夠喉沙嗲雞肉好多汁，不至燒到好乾身，十分嫩口，這個價錢令人驚喜萬分。加上甜辣的沙嗲汁簡直畫龍點晴！軟壳蟹撈檬很驚喜，未見過原隻軟壳蟹上碟。炸漿剛好不會食到成口粉，檬粉份量很足夠，抵食之選！

這天與友人行popcorn , 跟住梗係搵野食啦, 行行下發現天橋通去另一個商場, 就係將軍澳中心, 跟住就搵到呢間野食。因為港島區未有呢間野,所以試下啦! 首先, 話明店名冬蔭公公, 梗係要飲冬蔭公湯啦! 最好係唔食得辣的可以叫少辣,甚至bb 辣 ,啱晒口味, 雖然係少辣, 但係一d 都唔會淡, 好香, 好足料, 好多香茅。。。。木瓜沙律~木瓜絲足料又大碟, 正宗又香口,友人吃了少許後就說太辣吃不到, 結果我成碟食晒。海南雞飯 ~ 雞肉夠滑同夠雞味, 黃油! 有薑蓉, 醬油同辣醬點。燒猪頸肉~猪肉好夠淋, 推介個沙嗲汁，超香沙嗲味。馬來脆雪山~係一個甜品，賣相已經好吸引, 入面係咩黎呢? 原來入面有花生同糖, 好得意好特別, 用手自己一塊一塊撕出來食, 甜甜地脆卜卜!凍馬來拉茶~ 最後來一杯拉茶, 好正宗之風味!原來冬蔭公公已經有3間店, 呢間係第3間,希望佢港島區有會開分店啦！ 

因為要去將軍澳拎DORAEMON RUN隻選手包, 所以順便喺呢頭食飯平時好少入嚟, 原來都幾多食店呢間冬蔭公公都幾多人排隊, 應該幾好食(未入去之前心諗), 食過, 又真係幾好食喎味價比唔錯主菜要咗個海南雞例牌,堅.滑! 海南雞嘅真粹就係要滑, 完全合格(你食過啲又韌又鞋又伏嘅, 你就明我講乜)所以呢碟嘢勁快清咗, 如果你冇叫其他嘢, 可以叫半隻, 圖係例牌的量另叫咗一碗冬蔭公, 細, BB辣, 唔食得辣嘅人都啱飲飲過冬蔭公嘅人都知, 湯入面有落一啲香草, 令你想一飲再飲佢雖然辣味減弱咗, 都係無損香味, 湯料亦足, 有隻大蝦tim!軟殼蟹都好正! 炸得剛好! 爽脆香口, 但係細碟的, 只可以當小食甜品係個泰式蒸糕, 好香好香椰汁味, 但唔係淋嗰種質地, 係韌韌地嗰種飲品我係提子益力多, 幾好飲, 又夠本杯, 夠送哂成餐飯~~ YUM~

話說家的附近開了好多新餐廳，尤其是這家冬蔭公公，是主打平價東南亞菜式為主，今日見不算太多人入去試一試。黑珍珠椰子冰 ($22)幾大杯和足料，而且飲到尾都不會太淡！而且粒粒的黑珍珠，口感幾特別，夏天會很解渴！印度烤餅 ($22)四塊厚薄適中的烤餅，十分煙韌，而且很軟身，如果連埋咖喱就完美了！軟殼蟹撈檬 ($66) 上枱時很想嘩！是原隻的軟殼蟹，炸得很鬆化，加上檬粉，十分大碟，記得同朋友開心share! 不過如果配料多一點就好了冬蔭海鮮米線 ($69)十分足料的米線，內有海蝦，青口，蟹柳，龍蝦丸，鮑片……很多海鮮而且辣度可以自已選 (BB辣/中/大)，食不到辣的朋友可以一試。這個冬蔭功湯底，我覺得未夠濃味，湯底不算熱。而且酸度也不夠，感覺未夠過癮。這個有點失望呢。不過，個人認為冬蔭公公最令人驚喜莫過於是串燒了，熱辣辣上枱，即點即燒！重點是價錢一點也不貴！燒牛筋丸 ($22) 大大粒，不過不是很吃到牛筋呢。但即燒上枱時很熱，小心食！串燒雞肉沙嗲 ($48/三串)驚喜的地方是店家用了雞脾肉，很厚身，吃起上來啖啖肉，很有泰國香味，加上沾汁甜甜地，十分惹味。最重要的是價錢十分實惠！不想食雞的還有牛

住係將軍澳區，其實附近嘅商場都幾好行，今日就係附近嘅將軍澳中心食呢間新分店冬陰公公！入到去，好多人客，經店員安排好位置後就慢慢選擇食物！嘩！想講d野食真係好平！！難怪咁多人客，而且見d食物都幾好貌相咁，一於嗌多少少豪食一下先！我地嗌左，海南雞飯，加$8仲有得轉雞脾，話明豪食，緊係轉，再嚟個冬蔭公海鮮米線，再加小食馬來沙嗲串燒，要牛嘅，再加香蕉薄餅同芒果薄餅各一份，最後嗌埋飲品，黑珍珠椰汁冰，紅豆椰汁冰，嗌左七樣野食，$300都吾洗，又吾洗加一，係咪平先！整體全部都好食，海南雞飯真係好滑，我連雞皮都食埋，醬汁仲有三款嚟點！海鮮冬蔭公米線都好好食，好大隻嘅海蝦，又有青口，同其他配料，冬蔭公都好好飲，吾會太辣，好香椰味，而且好大碗，男仔食都勁飽！沙嗲串燒有雞同牛選擇，而且價錢都好平，$48就有三串！好香口，又吾會太un，醬汁都好好味，好食丫！香蕉薄餅同芒果薄餅估吾到咁大份，先廿幾蚊，咁大份勁飽，香蕉同芒果都各有特色，芒果一讚係芒果肉多同好甜，吾錯，而香蕉都好襯薄餅，最後食吾晒，一份其實我覺得三人都食得丫，又平又好食！整體真係吾錯，價錢平就吾洗講，仲吾洗加一，味道都好好食，好適合香港人口味，吾

辣豬肉碎撈檬，檬粉的份量超乎想像的大碟頭，足夠倆人分享，豬肉碎屬少辣程度。原以為牛骨清湯檬粉只有少許牛骨味及咸味的清澈湯底，但實際上是富有藥材香味的深啡色濃湯，讓人驚喜。三粒墨魚丸再配上數棵生菜，讓人垂涎欲滴。想不到泰式食店內竟有印度食物--雪山，放膽一試吧！雪山高度驚人，足足有半身高，不只夠脆身，還有椰絲、砂糖、煉奶混合的甜味，令人津津樂道。

將軍澳站最近有多添一間新食肆, 名叫「冬蔭公公」。對筆者而言, 這家食肆不算得上「新」。早在坑口站已發現這家「冬蔭公公」的存在, 只是單看名字直覺只有辣的菜式, 絶不是我杯茶。今日終於的起心肝, 到「冬蔭公公」一試。餐廳半開放式設計, 環境開揚。餐廳裝潢簡約, 用上橙、綠、藍, 3色出奇地撞出耀眼又時尚的感覺。店內到處可以發現自家設計的人物, 就是這位泰拳小子在食冬蔭功。形象鮮明, 好容易令人留下印象。午市選擇不是十分豐富, 只有粉麵、撈檬、咖哩系列、海南雞飯及肉骨茶湯飯。價錢不超過$55。另要加$3~9才有飲品。勝在免加一。<泰式海南雞飯 $55> 老火中湯、3味醬汁、海南雞、雞油飯同放在同一個碟上, 擺放得剛剛好, 用盡整個碟的空間。究竟店方是想省卻人力物力? 令賣想看起來夠豐富? 還是偷工減料的技倆?這個青紅蘿蔔老火中湯, 呈上時立即被表面果層油嚇壞。淺嚐一口, 湯温只屬微暖, 味道偏甜。滿口都充滿油感, 為了家人健康著想, 立即命令家母放下湯匙。其實泰式海南雞飯的雞，不算滑，雞味也不濃，即使非常出名的水門雞飯也不是很滑。如果要吃很滑的雞, 非星加坡莫屬。説回這個

呢間係屋企附近新開既泰國菜館, 一直見佢裝修緊, 都諗住等佢新開張就幫襯一下, 一於就今晚啦面積唔算大, 枱與枱之間仲有D迫(只能怪土地不足問題?!) 哈........望下張餐紙, 見到食物選擇方面一般, 唔算話好多, 但出奇地有肉骨茶, 海南鷄飯呢類星加坡食物係泰國菜食店出現, 價錢亦算係街坊價首次幫襯, 只小點以下2樣(套餐)試一試岩唔岩自己口味先秘制泰式豬軟骨米線 (包基本飲品一杯, 即係咖啡, 奶茶, 檸檬茶或汔水), $56份量普通, 有2舊豬軟骨, 肉質同出面食到既相似, 湯底幾清甜, 食完都夠飽呢款係泰式香葉肉碎配白飯 (亦包一杯基本飲品), $60侍應送上枱放低後, 只睇賣相 (隻疍及肉碎), 內心不期然諗起一個字 : 乾肉碎可選擇牛肉或豬肉, 呢款係牛肉, 味道食落都幾辣, 一路食, 個"乾"字仍然係腦海裏出現好彩包埋呢杯基本飲品 - 凍檸檬茶(份量都幾大杯, 就算2個人分享都夠飲), 一飲解到之前既辣同乾感埋單時發現無加一, 侍應服務態度OK, 若然下次幫襯會選擇試佢其他食物

星期日與家人一行7人於晚上6時30分到達，取票等位(108號)約30分鐘仍未有位，至於其他3人4人則不斷可以入去。家人向派票員(黑面女人)查詢，得悉我們只可以等全店門口位置那張枱，還要與側鄰的二人枱合併。店內有大量二人枱可以合併不給，卻只能等一張枱，簡直豈有此理。其後本人企正取票位置再等多30分鐘，勢色不對為什麼仍未有枱，再向那店員查詢(同一個黑面女人)，她竟說叫了108號幾次但沒人回應，所以已跳了我們而叫之後的號碼，此說法簡直離哂大譜，我們全程都在店外聽著，完全聽不到她有叫過108號。她之後說如分開坐會快啲，不然會等很久，又不停辯稱已叫了多次108號，絲毫沒有想幫助我們呆等了一句鐘的客人。我和家人見她實在不可理諭，破口大罵數句然後無奈離開。我發誓以後都不會再光顧這家店，服務態度差到不得了。