凱悅軒

營業中

休息中

今次 Staycation 晚餐唔食 Buffet 揀咗中式套餐、不過呢個套餐 31/8 最後一日供應 ⋯ 九月就唔知道有乜嘢套餐啦！⬇️首先間餐廳清清靜靜、所有 Staff 態度都好好。Staycation 嗰個餐雖然同 Menu Set 一樣但係就冇包嘢飲 ⋯ 只可以飲茶不過都冇乜問題！⬇️跟住就會自動波上菜、食一道先會再上下一道菜。但係佢哋又keep到熱度，可以話上枱嗰一刻非常熱啱啱煮好咁。首先係豆醬蟲草花撈凍魚飯、不過佢唔係飯 ⋯ 好清新好好食上面啲炸蒜頭配合花生碎加埋好似係萵筍 Very refreshing！⬇️跟住碧綠蟹肉羹新鮮滾起、好重菠菜味加埋蟹肉 ⋯ 都係清新系列之一。⬇️上湯焗大蝦伊麵好似食西餐咁靚、蝦就爽口大隻配合伊麵亦都冇想像中咁重味。⬇️最後欖角梅膏骨最重味但堅好食、個汁好好味而舊骨肥瘦適中 ⋯ 不過就剩係每人兩舊。⬇️最後糖水就係綠豆清心丸、應該係潮州式嘅糖水 ⋯ 都幾好味！⬇️成餐飯都好食嘅、氣氛又好嘢食又熱，不過就唔算好飽。想飽到嘔就一定要揀返 Buffet！

想約長輩食飯，希望有比較寧靜舒適又唔限時交枱既環境。所以就揀左酒店中菜，完全冇睇餐牌冇準備。心諗豪一次就一次。我地係openrice bbok位有85折，坐低後環境完全配合要求。餐廳唔算大，星期五晚是客滿既，但環境都好清靜啱傾計聚舊。喜出望外既係竟然有包紅白啤和橙汁freeflow 套餐。4xx 加一連85折，仲有買3送一，就算飲唔多只係一兩杯餐酒都已經超值。套餐食物分量係正常酒店size, 唔會好大分，但又茶又酒其實係夠既。套餐有冷盤，有湯，有蝦伊麵同一個咕嚕肉。好味嘅，仲意飲番兩杯靜靜地傾下計是不錯選擇。

同太太慶祝周年紀念，一於staycation。今次揀尖沙咀凱悅酒店。酒店包兩餐，一餐响凱悅軒晚餐，另加自助早餐。晚餐係指定套餐，前菜係豆醬蟲草花撈凍魚飯。呢味菜非常好食，鮮味十足，豆醬配合魚飯，味道鮮美，食到唔停得口，此菜亦非常健康，不肥膩。另上璧綠蟹肉羹，蟹肉數量非常多，亦係非常鮮味，很好。主角上湯焗大虎蝦伊麵終於出場，大虎蝦彈牙兼爽口，伊麵吸收晒所有精華，很不俗。再有欖角骨，肥瘦適中，欖角味突出，水準亦高。最後有甜品綠豆清心丸作結，將此餐畫上完美句號。

早前响凱悅軒食過剛推出的潮州功夫菜，本來想約好友食潮州菜，但好友知道呢度的任食點心，口碑幾好，就諗住早兩星期就訂定，星期六的快閃優惠，可惜滿晒，反正都約晒了，無折都照食，就來任食點心食個痛快喇！足料老火靚湯叉燒鮮嫩好味。在餐牌內有齊點心、湯、粥、炒麵、炒飯及甜品，全部任點任食一定會吃食得好飽，而且一件件咁叫，唔會浪費食物外，自己叫多兩件食都得；每款食物都是好有質素，都好味架！個人至愛是叉燒、蝦餃、春卷及老火靚湯，飯後甜品的生渣凍糕，更是清甜好味，呢餐大家都食得開心又滿足。生渣凍糕好清甜。蝦醬海鮮炒飯，粒粒米飯都好入味。星州炒米香而不辣。黃金豆腐好香脆。牛肉球以上湯浸住提升肉香。前菜的桂花蓮藕片，口感清新又爽口。鹹水角口感軟糯。芝士蝦春卷，少少的芝士香，蝦肉好鮮甜。炸鮮奶外脆內軟，又有奶香。下次希望能搶購到酒店快閃優惠先，咁就可以有8折😋😋😋，再來食過。

我不是潮州人，卻是對潮州菜情有獨鍾，因為他們的菜式很有特色，經常使用的普寧豆醬及魚露都是我的最愛！知道「凱悅軒」最近推出一系列潮州菜，馬上找來好友一同來試試，結果每道菜都不叫我失望，尤其喜愛「蝦乾春菜豆醬雞球煲」，單是喝雞湯都叫我非常滿足；還有那「欖角梅膏骨」肥瘦適中，酸咪惹味，推介！最後來個潮式糖水「冰花綠豆清心丸」，煙煙靭靭，夠晒滋潤！餐廳位於酒店三樓，既有大廳，也有獨立房間。馬上打開新推出的潮州菜餐牌，好多款都想試；除a la carte之外，原來還有套餐，裡面有幾款潮州菜，如魚飯、欖角梅骨膏、清心丸糖水，每位$480，設三送一優惠，都好抵食！豆醬蟲草花撈凍魚飯 $138魚飯聽得多，卻從來沒吃過，凍的魚啊，我心目中覺得會很腥，今天第一次吃到，烏頭魚不單完全不腥，而且和萵筍絲、蟲草花非常夾，吃起來新鮮清爽，加上潮州普寧豆醬及花生碎，倍添美味。蝦乾春菜豆醬雞球煲 $268今天最愛的菜式之一。「凱悅軒」做的雞菜式向來出色，上次吃的客家菜「花膠黃酒煮雞」仍叫我回味無窮，今天的豆醬雞球也是相當出色。同樣採用三黃雞，煎至金黃，軟滑入味；旁邊的以為是芥菜？非也，這是春菜，味道跟芥菜相似，卻更腍

不是潮州人，但對潮州嘅食物總有一份特別嘅感情。 城中嘅地道潮州餐廳，都會特地去試一次，如果餐廳有Special Menu，更加會去特別試吓，呢個就係今次去凱悅軒嘅主因。 當然你不要期待到好似食好蔡館，或者是好酒好蔡又或是九龍城嘅地道潮州打冷店嘅火花，呢度俾你嘅係細水流長嘅家常巧手式。 先拔頭籌嘅係欖角梅膏骨，看樣子已經想高舉奥運10分牌，腩肉肥瘦適中，唔會死係得個肥美肉感，鹹鹹嘅肉骨加上梅子，絕對令人覺得開胃，送飯更是一流。 蝦乾春菜豆醬雞球煲，絕對是令人感受到春天的氣息，春菜嘅獨特香氣令到呢個菜式添上一個獨特嘅個性，豆醬嘅濃郁令到個雞更加出色，每啖都是嫩滑得驚人，猶如遇上青春少女嘅如沐春風。 個人最喜歡雲腿肉枕白菜，個樣好特別，真係成個枕頭咁，甜到飛起的津白菜包着瑤柱，蘿蔔，蝦餃，金華火腿，仲有豬肉，加上晶凝通透嘅汁，又係清麗脫俗的代表。 尾聲係豆醬蟲草花撈魚飯，我成日都好想食潮州嘅經典魚飯，但係呢度同埋我認識潮州嘅麻甩魚飯唔同，將烏頭魚拆魚肉加上萵筍絲同蟲草花嗰種繽紛味道，令人難忘。 潮州點可以唔食糖醋煎麵，平時你會吃到非常粗獷嘅感覺，

係尖沙咀既飲茶點心店都唔小同埋都唔平（比起舊或） 不過呢間睇落就唔算貴~我哋都唔係好多人，但係嗌咗幾個點心上菜時間快，而且亦都係熱辣辣嘅，唔錯喺尖沙咀，呢個價錢算係中規中距，親民

今天生日，預訂了凱悅軒吃晚飯慶祝。由於只限4人一枱，所以我們一行4人不能點太多菜式。前菜點了兩款雜菌素菜腐皮卷：脆脆的腐皮包著滿滿的材料，包括雜菌和一些素菜，可口又清新，不油不膩，沾點喼汁更好味，正！清酒凍鮑魚：鮑魚爽口彈牙，帶點清酒香味，有些貓耳朵陪襯，吃起來更加爽口，正！湯點了一款家鄉拆魚羮：這個魚湯底美味，能吃出鮮味，除拆魚肉外還有些佐料，不錯。主菜點了三款乾逼粉絲蝦球煲：蝦球大，份量足，有粉絲墊底，可當主食，粉絲非常惹味，不錯。生劏大東星斑兩味（碧綠炒斑球、紅炆斑頭腩）：碧綠可選西蘭花或其他菜，西蘭花翠綠青爽，斑球美味新鮮彈牙；紅炆有其他佐料，但不失魚本身的鮮味，正！甜品點了三款蛋白杏仁茶：生磨的杏仁茶美味不太甜，很多蛋白，不錯。栗子蓉西米焗布甸：水準之作，栗蓉香滑不太甜，正。酥皮流沙盞：像糯米糍但內裡藏著流沙，外面有酥皮包著，有點特色。總體非常滿意這頓晚餐。

時移世易，我除了是老媽老爸的女兒、我老公的太太，當下還擔起了好幾個不同的身份角色，第一個無容置疑、一生不變的是香港人，近期更愛上蘋果人的稱號，如果您比我更專業的話，也許已兼上什麼師、什麼師了，香港人可愛之處是夠靈活、快變通、放得下！在飲食方面，我的志願是做潮州人！不知何解，潮州菜在任何季節均能引起我的食慾，例如盛夏的薄殻、令人口水大流的檸檬鴨湯、邪惡的滷水鵝肝、還有百吃不厭的魚飯、水瓜烙、蠔仔粥、鹹甜俱備的潮州粿和蠔餅等，數不勝數！再次踏進凱悅軒，眼睛瞄一瞄餐牌，心裡呯聲拋出一句：「今餐發達囉！」，嘻嘻！我臉上的笑容，其實在透露主廚黃皓勤本是潮州人的身份，加上勤師傅一向的創意和變化，在他手上的潮州菜該是新穎與美味並重！故我對化身潮州人毫無懸念，舌尖也投了我一票！話口未完，勤師傅的創意立即在第一道菜中展現 — 豆醬蟲草花撈凍魚飯 HK$138！將人所共知的魚飯搖身一變，變成一道夏日清爽涼拌菜，更將潮州菜的特色融匯！筷子一挾，萵筍、蟲草花、已去骨的烏頭魚魚肉，連同花生碎入口，柔和的豆醬鹹香拌隨各種食材的原味道與質感，多彩多滋的感受，絕對是潮州魚飯的昇華，更要讚的是魚有魚香、萵筍有萵筍的清新

新婚初期蝸居屯門，當時治安又欠佳，而太太又要返夜校，所以經常要在巴士站接送，晚餐就在附近的小店解決。當中光顧得最多的，就一定是潮州打令檔。其實潮州菜的價位上落真係可以好大，由最平的蜆仔肉、韮菜豬紅，百零二百蚊可以飽餐一頓，到富豪級的堂灼響螺片，可以話豐儉由人。潮州菜係香港一直都好受歡迎，總有一間係附近，近日尖沙咀凱悅軒就推出了「潮州巧手菜」，正好合我心意。畢竟餐廳位於尖沙咀K11內，地點非常就腳，如果以地鐵作交通工具，就算黑雨都不會濕身。蝦乾春菜豆醬雞球煲（$268）以前多數是食春菜排骨，換上了豆醬雞球就比較少見，蝦乾用上了粗身貨色，比較有嚼口，春菜炆得超腍身，有點入口即化的感覺，而雞球則保留嫩滑的肉質，而所有的味道，通通都跑到湯裡去，單單喝一口湯汁會覺得偏咸，但用來泡飯是啱啱好。欖角梅膏骨（$238）可以的話，真係好想配返杯啤酒，大廚選用了肥美的骨腩位，欖角比預期下得輕手，但醬汁緊扣每件腩排，油香四溢，口感豐腴，重口味得來越食越想食。雲腿玉枕白菜（$198）其實潮州菜都可以見功夫及心思，原以為是以煮至軟身的津白包裹著豬肉條，但細心一看，卻是加入了金華火腿、蝦膠及蘿蔔，難怪味道複雜，澆

因為staycation嘅package包埋 所以泥食點知有驚喜🙈🙈🙈如果單點就係呢個價👉🏻乾燒龍蝦套餐 $740🎈碧綠蟹肉羹估佢唔到係超多蟹肉嘅🙈雖然啲蟹肉鮮味唔重但係完全無腥味，個湯本身好夠味👍🏻🎈果仁黑醋豬柳豬柳好鬆脆😋炸份裹得好好 厚度岩岩好🎈酒糟乾燒龍蝦 (席前烹調)呢間酒店嘅餐廳真係好鐘意席前烹調😂😂連中菜廳都有🙈個龍蝦酸酸甜甜幾好食 師傅仲放左啲菇落去 啲菇吸哂啲味好好食龍蝦肉都算爽身彈牙 都ok嘅👍🏻🎈瑤柱蛋白炒飯個飯都算炒得中上👍🏻夠乾身 味道亦唔錯😋除左野食好之外 服務態度亦很好呢🥰好味程度: 9/10性價比: 7/10

我笨唔係潮州人但偏偏擁有一個潮州胃，所以對於好味潮州菜的誘惑從無抗體！知道Hyatt Regency Hong Kong, Tsim Sha Tsui 的凱悅軒推出了多款巧手潮州菜，當然第一時間跟同好的美人們去大快朵頤啦！事不宜遲先品嚐打頭陣的豆醬蟲草花撈魚飯＄138，這造型完全顛覆了我心目中的魚飯模樣，師傅將鮮甜的烏頭魚拆肉，然後伴以香爽的萵筍和滋陰的蟲草花，加上香口花生和潮汕食品的親密夥伴普寧豆醬來共嚐，集鮮、爽、甘、甜於一身很滋味耶！然後到邪惡度和美味度也爆燈的欖角梅膏骨＄238，選用了肥瘦均稱的腩肉吃下口感充滿彈性兼鬆化，最重要的是鹹甜味道細緻互相輝映成可口的欖角梅膏骨。然後是我最喜歡吃的春菜，雖是家常但經黃師傅這位正宗潮州漢子的手，隨即變成這客蝦乾春菜豆醬雞球煲＄268。嫩滑雞球的油脂灌溉了淋甜春菜加上獨特香氣拼湊出這驚喜的火花，那湯更是可口非常我喝了兩小碗才罷休啊~接下來是賣相精美的雲腿肉枕白菜＄198，以淋甜津白包裹著混有瑤柱、金華火腿、蝦膠蘿蔔和雜菌的豬肉球，伴以濃香甜美的琉璃獻吃下香而不膩味道很吸引。然後到這客吃得我們超有幸福感的糖醋煎麵＄168，師傅先將潮州伊麵用高

之前食過凱悅軒嘅點心放題都覺得唔錯，原本係book咗帶兩老嚟試下，但好可惜阿爸要返工，就只可以再搵日子再book去同佢食！但今餐係照舊同我阿媽去嘅～一早10點就到餐廳，座位安排得好快，我哋一行4人被安排咗喺卡位，係就窄咗d，但就自成一角！職員都好細心，主動問我哋要d咩，咁我哋就叫咗四碗竹蔗茅根紅蘿蔔豬展湯，叉燒，桂花蓮藕，肉鬆豆腐，蝦餃燒賣，春卷，炸鮮奶，同埋其他蒸點心！上菜好快，過咗5分鐘左右就已經開始上菜，好快就成枱都係嘢！先講講個叉燒，好鬆化，又有燶邊，又熱，好好味！桂花蓮藕酸酸甜甜咁又好香桂花味，做開胃前菜就最啱！肉鬆豆腐啲豆腐都好滑，個醬汁又好味！蝦餃燒賣就正正常常啦！個燒賣食得出係切咗粒嘅豬肉包嘅，好有咬口！個春卷芝士味好重好好味！炸鮮奶炸得好鬆脆！又唔太甜！食完一轉之後就當然叫多咗一轉啦！之後再叫咗甜品木瓜雪耳糖水同山楂凍糕，木瓜雪耳糖水清甜潤喉，個凍糕有少少山楂味，清清地幾好食！雖然得兩個鐘嘅用餐時間，但係都非常之足夠，唔會好趕！

今日請父母到海悅軒食晚飯所有餸都好有鑊氣，味道非常好，中菜完全沒有油膩感覺。龍蝦好好食！廚師即場在你面前整。每道菜都食到廚師用心煮出黎。甜品-西米蓮蓉布甸非常好味😋好想再食！服務一流，服務員非常細心，不用叫，佢地一見到你有任何需要，就即刻送上服務，令我們一家有一個開心的回憶。下次特別日子會再幫襯！

與家人聚餐，中菜必然是首選。多次到尖沙咀HYATT凱悅軒享用晚餐，食物質素都保持水準。首先點了幾款前菜小食：🥢雜菌素菜腐皮卷水準之作😋！外層炸得超香脆，內層腐皮濕潤、餡料充足，冬菇、蘿蔔絲填得滿滿。🥢椒鹽茄子外型似椒鹽豆腐，同樣炸得酥脆香口。🥢麻辣口水雞辣汁過於濃稠，雞肉”鞋”口，味道只是一般。🥢陳醋海蜇頭味道偏淡，陳醋份量不夠。吃完開謂前菜肚子仍是空空的，幸好當晚客人較少，其他餸菜上菜也很有效率。🥢山椒汁野菌炒牛肋骨肉肉質軟熟，山椒汁十分野味，卻不會搶去牛肉的鮮味，令雜菌更香口👍🏻。🥢果仁黑醋豬柳炸漿薄身酥脆，豬柳軟腍，黑醋汁酸甜度適中，開胃之餘又減低油炸的油膩感，不愧是餐廳精選推介之一👍🏻。早已預訂的兩款招牌菜式終於登場😍😍！🥢北京片皮鴨填鴨皮薄爽脆，每口都像吃薯片，最喜歡挑淨鴨皮 (走肉) 夾薄餅、青瓜吃。🥢脆皮茶香雞餐廳另一精選菜式，有別於一般脆皮雞，除了皮脆肉嫩外還多了淡淡的茶香煙薰味，味道更有層次😋，其實脆皮雞已經很入味，廚師特別以將檸檬汁代替傳統的喼汁，以清新的香味中和油膩感，更可以增加食慾。🥢鴨崧生菜包北京片皮鴨是二食，於是將片皮鴨剩下的鴨肉、沙葛、炸米炒成鴨菘伴以生菜