利寶閣 (已結業)

17/7試尖沙咀晚餐放题，1)冷氣不夠2)人手不夠(員工笑容欠奉，感覺做得很辛苦，3)出食物超慢，要多次催单，且多次送錯枱号4)多數每件食物偏細，且味道只是中規中矩，總括:無下次，亦不建議

朋友在團購中買了，自問知道團購的質素及服務均一般，但也未試過這樣差....食物方面，燒味、蟹、中式點心炸物是可以接受的，不算太好不算太差；服務方面則是令人耳目一新....知道團購服務不會很好，但當天整個場地約有10枱客人，有一位男待應招呼我們，開始時方下餐具，已經不停地講:快d啦，幫手傳過去，我放唔到咁多位架；再者到上熱湯，明明已將轉盤搞好一個位置供他放上去，佢竟然都會話:湯到，快d拎，唔好講住，傳左過去先；都算了，最接受不了一分鐘都沒有，他捧著一個盤，說:快d啦，你地湯上面個蓋要收啦，快d快d；那時抱歉，即時忍不了向他大罵，問他點解我來吃東西，要好像軍訓式般，你說要快我便要快，我不可以先放在枱上，待你一會有時間才收嗎？那時候，他見我們都生氣，才連聲不好意思，知道老闆....我不是要很好服務，或者有人看了會認為我要求過份...但團購+服務加一+菜芥共324元...應該有地方的服務會比他好，至少，不會軍訓式快d快d....至少不會要人家生氣大罵一場，才去搞好服務...PS:旁邊一枱不是團購，普通點餐，都是因為服務，因為遲上菜已多收錢，最後都是大罵一場才將沒吃到的餐點取消....重申，食物

朋友慶祝，一起到尖沙咀利寶閣吃2小時任食放題。除了有55款中式食品任點任食之外，各人都有一份奄仔蟹，原隻鮑魚花菇及花膠響螺雞湯，十分抵食。為了試到更多款式，我們很多食物都點了一份，另外還有北京片皮鴨食。胡椒豬肚，豬腳薑，蒜香蝦都很入味。芝士年糕煙韌。雲吞，抄手很足料。食物的水準相當不錯，亦很多樣化。最欣賞的是奄仔蟹，雞油花雕蒸法和油鹽焗都做得很出色，唯比較細隻。還有燒乳鴿。甜品的種類也很多，有紅豆冰，布甸，奶皇包等。餐廳有海景，景觀甚佳，是朋友聚餐的好地方。但由於當日酒樓滿座，侍應都很忙碌，點菜要早點落單 並要耐心等候。

利寶閣服務的確是挺差的，因為即使我們一早訂了座，惟一上到去，就完全沒有人問我們幾多位，有沒有訂座，只是我自己前去報名一般。但是，即使我指訂座了，但是仍然被安排坐在升降機大堂附近的位置，本身我想坐去較大的大堂那一邊，但是看見那邊的窗邊位，坐滿了，勉強要坐在中間既擠迫又嘈吵，因此就勉強接受。早兩個星期訂了桌，結果都是被安排坐在門口，一張你看就知道是勉強加開的桌子，從上面看，的確有一塊酒樓的桌布，但是揭開桌布看一看下面那對「靚腳」，就知道那是一張臨時拉夫，加開的摺檯，最外邊的少許圓形位置，還要是往下垂的，我們放茶或是食物時，都要格外留神。貢菜，味道特別，有點兒像海白菜那般，有點兒鹹，但是口感挺不錯，有輕微咬口的。青瓜放在我貢菜旁邊，亦都有少許那種辣味。鮑魚酥是配給的，一人一隻，鮑魚都算是大大隻，味道普普通通，底下有不少蘑菇以及洋蔥粒頂起。灌湯餃，說真的，平時都很少會叫，因為印象中，親戚朋友覺得灌湯餃通常都是一個人吃，但是整桌朋友一起夾錢，因此通常大家都反對叫灌湯餃的。其他，例如流沙奶皇包，奶皇的質地不算太過流心，味道亦都不是太香，普通。酥炸蝦餃，反而比較特別，雖然酥炸了，外皮亦都不會顯得特別

餐廳裝修美輪美奐， 位置在17樓, 透過落地玻璃, 一邊享用美味粵菜 放題， 一邊賞到璀璨維景夜景 ， 簡直是雙重享受!粵菜晚市放題， 款式超過55款， 全部即叫即做，兩小時任點任食， 星期一至四每位$278每位 ，星期五至日及假期每位$298， 認真超值， 真是大飽口福。每位額外送爆膏野生時令奄仔蟹、 花膠燉湯、 原隻鮑魚花菇， 每位一份。爆膏野生時令奄仔蟹奄仔蟹好新鮮 ，打開蟹蓋掩， 發現豐富的蟹膏， 入口鮮中帶鹹香， 很似蛋黃嘅味道 ，令人食到舐舐脷。原隻鮑魚花菇原隻鮑魚入口彈牙， 賣相吸引， 鮮味突出， 配上爽口的花菇， 真是錦上添花。花膠響螺雞湯原盅盛上， 打開蓋 ， 陣陣雞湯香撲鼻而來， 材料豐富， 濃湯起膠， 女士恩物， 滋補又養顏。 片皮鴨廚師即場片皮鴨， 手勢純熟 ， 厚薄適中， 片皮鴨皮脆肉嫩， 餅皮薄而濕潤， 煙煙靭靭 ， 包上青瓜條、 蔥絲和鴨肉一起， 配埋甜醬， 感覺清新， 冇肥膩嘅感覺。黯然叉燒煎蛋飯 叉燒厚切大嚿， 肥瘦適中， 夠冧身， 配上蜜甜的叉燒醬， 鮮味更加提升， 加埋個半熟流心蛋， 好味到唔停得口。花雕醉蝦蝦肉新鮮， 爽口彈牙， 入口帶出陣陣酒香

喺The One搵嘢食，貪佢食夠錢又可以泊車三個鐘，揀咗去利寶閣食佢既晚市放題，居然有我最鍾意食嘅奄仔蟹。奄仔蟹多膏，揀咗花雕酒蛋白蒸，雞蛋都幾香花雕味，奄仔蟹啲膏爆曬出嚟，真係邪惡到不得了但係又抗拒唔到。

簡單來說，小鳥胃可以一試，扁皮鴨沒有什麼特別，其他味道不算太差。不過成個場得服務生得小貓四隻。叫乜都唔記得拎比你。菜式叫做即煮，意思即是等好耐。放題是兩個小時的，自己酌量😿因為我們是兩個人，網上所見$298/1位,$48.8服務費，再加茶位$17.6。一個人要365蚊了🤧不理解為什麼後面10多位那麼多人要食放題，已經夠叫一席。不過可能個人喜好。入座一人一碗花膠響螺湯，一隻鮑魚一隻蟹。蟹就無影相不過係迷你版。記得要訂枱，yahxx定慳$20，個響螺湯賣晒就會轉木瓜雪耳，聽到個經理同後邊客人咁講。

估唔到酒樓都會諗到做放題，自問喜歡食點心嘆杯茶的， 絕對不能錯過的， 今次仲要係由利寶閣做優惠，只需要$168 就可以自選1100 -1400 其中兩小時任食點心啦，不過就要提大家加一係收正價$22.8 因為點心放題原價$228, 最近先做呢 d點心放題優惠比大家，應該自五月初開始，又或者我發現嘅時候適逢母親節。全線利寶閣都有做 promotion, 上環分店最抵 $148 就得啦， 其他就自己訂位時問價啦！ 唔同日子有唔同價錢，The one還有靚景，同屋企趁假期攜老扶幼一家嘆點心，真是一樂也。點心選擇多，食幾多叫幾多，即叫即蒸 around 10 零分鐘就上枱，保證熱辣辣，最特別係有壞舊點心如鵪鶉蛋燒賣，大包，芝麻卷同黯然銷魂飯，另外每個客人都包左1隻鮑魚酥同埋花膠上湯灌湯餃的。只需寫件數就啱數，甜品亦多都兼好好味甜，真係食到捧住個肚走。大大隻大包，餡料足有鵪鶉蛋臘腸同瘦肉雞肉，熱辣辣食係十分滋味。真係好耐好耐無食過，只剩下印象老人帶我地飲茶都有大包食的。鮑魚酥每人一隻，鮑魚唔算大，但係彈牙得黎鮮味，酥皮底內餡有洋蔥粒同菇粒。蜜糖炸雞翼推介之選，皮脆甜蜜蜜肉嫩香口，好好味。冷盤拍青

The One利寶閣，無一道菜好食，道道菜都難食，沙律海鮮卷，裏面沒有海鮮，連沙律醬都冇😱，裡面只有紅蘿蔔粒+菜粒，賣相極度差（看圖），條魚又不新鮮，請問這是什麼大廚？

想受氣就泥 服務員照冇禮貌 食完全程冇人收枱執野 碟雞主煮燶左 仲不停同我坳 話果d唔係燶 係收汁 上個蛋糕上左半個鐘 之前睇OpenRice唔明點解咁多負評 食完乜都明晒 永不再來

母親節前夕每位188+15茶錢+22.8加一服務費茶樓位於The One17樓，居高臨下一覽維港景色，茶樓相對來說不算很大，但內在喪失咗說很精緻。點心款式都算多選擇，基本上平時會食開的點心都有。先來每人一客鮑魚酥和花膠灌湯餃，味道都算美味。點心是按人頭計的所以下單嘅時候要寫明要一件定係兩件，始終這間茶樓都有一定質素所以點心放題都不會太差點心都係平時點三嘅份量不會偷工減料，最好的好處是可以試勻咁多款點心，平時最多都係四五款今次食齊。

以為喺the one嘅酒樓應該都會幾貴，但係原來又OK喎。五個人叫咗上湯龍蝦伊面、炸子雞、燒腩仔、大澳啫啫生菜、杏汁豬肺湯最後再加一個香蕉拔絲。豬肺湯份量好多，雖然話係五人份量但係六個人飲都足夠有餘。龍蝦伊面不過不失，炸子雞有驚喜，附送嘅汁幾好味。比正常茶樓好食。燒腩仔份量有啲少不過幾好味，皮夠脆。最後嘅香蕉拔絲成功吸引全場嘅目光，好適合影相，只係$98幾抵。美中不足嘅係玻璃好反光，睇唔清楚好靚嘅夜景。仲有一樣可以改善嘅就係在場嘅人手有啲不足，經常要不停舉手先至叫到人黎。尖沙咀來講，公眾假期人均消費只係$200幾就食到咁多野其實真係算幾唔錯啦。

我們一同四人共享團購餐每位198元，除加一收費，兼另收茶(每位18元，貴啊!)介(18元)費，合共近250元。食物有質素，但份量不足填飽肚子，因無飯或麵等可充飢食物，倘能有改善則更完美!景觀及空間感甚佳，有大玻璃可看到海港的夜景，人多亦不覺嘈雜。我們額外潻加了兩面黃肉絲麵(118元)，甚香脆。銅盆雞(128元)則嫌不足料，不足半隻雞，貴及不抵食。惟服務態度值得一讚，該夜埋單時多計了收費，在事後主動致電通知可取回費用，誠實可靠，值得多來享用膳食!

又黎到公司一年一度既Annual dinner，轉左公司一個月，有得去😂The One利寶閣，藍妹之前未食過，印象中都唔係平野。呢啲應酬日子，禮物唔係特別吸引，成晚個心只係想快啲返屋企休息，所以唔係好仔細品嚐野食。😐－所有菜式自己睇Menu呢。－燒豬仔，肉唔多，皮脆。－藍妹好鐘意翠肉瓜，不過呢碟既翠肉瓜有啲生，唔夠林。😞藍妹唔太食海鮮，所以冇掂過。－應該係蝦球，每次藍妹都最期待呢個菜式，因為炸野通常都唔會伏。同預期一樣，好食，熱辣辣。😉－好多人都怕食翡翠苗，藍妹都唔例外，因為通常都好大陣草味，唔係個個受到。藍妹不得不讚今次既翡翠苗好綠，冇乜青味。😲－藍妹好Surprise竟然有燕窩食，而家唔多酒樓有燕窩魚翅食。講真，撈埋一齊之後，唔太食得出有燕窩，冇乜特別。😕－鮑魚唔大隻，例牌每圍每人一隻。冬菇幾大隻。－呃，條魚影到好似食物殘渣咁。😓總係覺得斑唔係好好食，因為好難蒸到好滑好嫩。－燒雞正啊🤭肉嫩多汁，皮又薄又脆。－有湯圓食呢！😜紅豆沙，好棉唔太甜。－雖然已經飽，但都忍唔住食左幾舊。好味道，好想學下點整。🤣

Join 左 OpenRice 好多年一直都只做 cd-rom 淨睇唔留言但今次點都要寫低感受因為平時真係好少食到成肚氣但今次....利寶閣，絕對係一次好嬲而不愉快嘅體驗！話說想食大閘蟹老公見到利寶閣喺 yahoo 度做團購所謂原價 $478 團購 $398咁就買左兩張去試下啦訂左 6 點枱去到有幾枱客但得一個樓面眼見呢個樓面阿姐態度有啲寸心諗成個場得佢一個做到有啲踢晒腳寸都應該既但原來我地咁諗係錯嘅呢個任食兩小時所謂原價 $478 團購 $398 嘅餐包左一碗湯、鮑魚一隻、大閘蟹任食、甜品加薑茶佢啲野食係唔差嘅任食嘅大閘蟹大約四両重同預期嘅差唔多合理嘅我地首先嗌左 3 款共 12 隻既大閘蟹食食下客人開始多亦多左啲炒散嘅員工出現4 両蟹... 對腳無乜肉食呢但從來唔浪費食物嘅我好有衣食地將成隻蟹身啲肉挖晒食晒嘅我地食完左第一輪再嗌左 6 隻呢次係一個鄉音未改嘅炒散阿姐上菜佢見到我碟上嘅殼竟然企係度鬧我唔可以咁樣食法我拎起個殼同佢解釋我已經食晒啲肉㗎佢唔理，照鬧真係難聽啲講我鍾意點食都唔輪到你管唔輪到你鬧我更何況我食晒啲肉點解我咁都要俾你鬧點解我要俾個炒散阿姐大庭廣眾咁鬧我好嬲到 8