創壽司 (已結業)

午飯時間突然想吃日本野，但又不想堂食，可以帶 回公司慢慢享用美食，便和同事來到創壽司點外賣。三色蝦丼（$60）三色蝦包括了甜蝦、玻璃蝦、紅蝦，食落都算新鮮，還有點蟹子呢！ 炸軟殼蟹飯配咖哩汁（$62）軟殼蟹炸到卜卜脆,香脆美味，咖哩汁不會太辣，很好！ 軟殼蟹手卷（$22）也是炸到卜卜脆的軟殼蟹，夾上蟹子等配料很美味呢！ 午飯時間可能等的時間比較長，建議大家可以先打電話到店內落單。

去旅行前揾男友食個快飯，佢係上環返工，所以我地去左附近食。天氣咁熱，當然揾d涼野食下啦，行行下發現內街有間新野，舖頭不大，因以外賣為主，所以只有十個座位左右堂食平的便當由三十幾蚊就有交易，魚生丼就六十蚊起男友叫左蟹膏三色丼，同參考相片基本上係一樣，松葉蟹膏份量比我地想像中多，味道鮮甜，拌飯一流，而三文魚帶少少肥，淡淡油香...我叫左七福丼(有七款配料)吞拿魚味道濃郁，肉質少腍，三文魚肥美厚身，鯛魚則較淡味，但鮮甜軟滑最緊要都係新鮮，冇咩魚腥味，油膩感也不重另外點丼飯會送三文魚豆腐湯，自家製冇味精，有豆腐番茄既配料，可惜冇三文魚既蹤影，但入口有淡淡既魚味另叫左一個厚燒玉子，老闆話熱好味d, 於是我地就要熱啦，黎到好香既蛋味，入口嫩滑，內層仲有少少蛋汁我鐘意，其實唔加sauce 係topping 都夠味！

今日經過上環，諗住去食返之前食過好食嘅飯堡點知去到先知原來Not a burger已經結業，取而代之的，都係賣飯，不過係壽司!既然黎到，就試一試啦！這間舖的設計十分簡約，在舖的一邊手寫了當日特別的餐牌，在另一邊貼了一般的外賣餐牌裏面只有幾個座位，這是一間外賣壽司店呢！我叫了一個壽司盛A同一個三重丼外賣呢度全部都係即叫即整嘅，需要等嘅時間比較耐不過見到師傅好細心咁即場做出黎，夠晒新鮮，等嘅時間都係值得嘅店長亦好細心，知我去嘅地方比較遠，仲主動係外賣盒上加上冰袋。壽司盛 A裡邊包括長三文魚、甜蝦、蟹子軍艦、墨魚、玉子及加州卷呢個長三文魚壽司比一般的長兩倍，真係好震撼，不過除咗樣之外，味道都唔錯，口感豐潤鮮味十足！另外要一提嘅係玉子壽司，呢樣我都係係呢度播放既影片上面學到，原來做一個合格嘅玉子並唔係咁容易嘅，無論食材、份量、溫度同埋力度缺一不可，要做到合格，都唔知要食幾多失敗的作品。呢件玉子壽司食落香得來又唔會太甜，有淡淡的蛋味，之前真係未食過呢隻玉子！當然要提提我的最愛：加州卷蛋黃醬加埋蟹柳、牛油果、青瓜，配合起來，就係一個字：正呀！食咗咁多舊壽司，要講下個舊飯呢位師傅手握出來既飯唔會太實

So this place just opened up near me and it's got great reviews. I think it's located where Not A Burger used to be-- I'm glad that's Not A Thing anymore. I popped in for takeaway at lunch.I see why people are excited: there are some pretty cheap sushi sets here. Unfortunately, I am a product of my culture, and so many things in the sets I just cannot eat, like raw shrimp, raw squid, and sea urchin. So I got the stuff that more closely approximated the sushi Americans are into.We got two rolls,

今日同女朋友去開上環行街,順便食個晚飯天時暑熱,唔想食太熱嘅嘢....最好就係壽司,見呢間壽司店開張冇耐,就試吓啦餐廳面積不大,應該主要做外賣生意,好在早去,唔駛等位,入到去睇吓個餐牌,都幾多選擇經過一輪商議,兩口子,叫左個特選壽司盛同埋限定嘅鹽燒三文魚鰭鮫等食物到嘅期間睇吓店內嘅裝潢:原來本身喺山林道有分店電視介紹緊築地市場10分鐘度,有嘢食啦!!!件長三文魚足足有6吋長!件珍寶帆立貝大到蓋住咗D飯!本人最愛: 三文魚籽軍艦, 喺口內百花齊放嘅感覺,太幸福了!!!!師傅非常細心,特登等我地食晒D壽司先上呢味鹽燒三文魚,唔想等佢攤凍點上檸檬汁後,可帶出魚嘅鮮味,亦可中和魚嘅肥膩感,不過條魚特別在,雖然多脂肪,但一D都唔油膩,令人回味無窮!!!當我哋食飽埋單時,已陸續有客人光顧,好彩我哋早咗嚟~~~是次用餐: 每人$200

在上環找吃見一地鋪壽司店有海胆食 位於摩利臣街近近地地鐵創壽司很大志便叫了68元一個的海胆手卷多口又問人是那兒來貨他們說是加洲，近墨西哥灣！非常大分物有所值入口甘香極鮮味食之令人心曠神怡再來一客精選魚生飯我選擇了這種7款不同魚大快朵頤計算劍魚甜虾，吞拿，，都有2件再度讚自己精明能吃它，是 7 福井887号！超抵上算飯盒。送一碗含蕃茄，豆腐粒蘿蔔粒清湯 ！一反日本料理總是面豉或豉油咸湯作風堪稱清新鮮美心情幾好因為有精彩海胆就再叫難得出色的鰻魚(除非十分貴)他們這火炙芝士鰻魚壽司十分抵食30多元但水準奇高好新鮮問他們，是中國產日本 加工怪不得做出了精細！

由於要返舊公司拎野，路經上環呢間壽司店！睇下門口個餐牌先！甚至俾裡面的環境吸引左，好多名人都去開飯的食堂喎！所以丼類都會奉送個湯撈起有豆腐同紅蘿蔔，湯非常清甜，比起真正日式餐廳提供麵鼓湯更加健康，始終上環上班族都唔會希望個午餐咁濃味吧！七福丼有三文魚，油甘魚，吞拿魚，劍魚，鯛魚，甜蝦，蟹籽！最值一提，油甘魚的魚油味好rich，劍魚同鯛魚就平時好少食，感覺上還是愛有魚油味的，蟹籽都卡卡脆！七福丼食落唔夠喉，所以揀多個sushi！灸燒芝士大紅蝦，個蝦都幾大，不過當然會被芝士味搶左地位啦！

放工經过呢家小店一於就入去試下, 店面都企理乾淨, 坐得舒服。每週精選便當, 我地就簡左特選海胆丼。特選海胆丼 ($158) - 海胆非常新鮮甜美,入口即溶,最驚喜係啖啖都食到海胆,份量之多同味道都令人喜出望外。另外仲會有幾塊紫菜,可以包住海胆同飯當手卷食,可以一飯兩食添。三文魚豆腐湯($20/碗) - 飲落唔覺有味精,味道反而有d似中式老火湯幾得意,清一清味蕾。中華沙律&縲肉小食 (每款$18) - 味道正常而且份量都算多。刺身盛B ($198) - 總共有21件刺身既盛合, 三文魚(5件)十分肥美厚肉, 珍寶帶子(1件)好新鮮甜美,份量可以一分二兩個人share, 特大紅蝦(2件)蝦味濃郁仲有好多蝦高, 油甘魚(2件)雖然較厚身, 但完全無筋一d都唔痴牙,希靈魚(2件)味道甜甜酸酸, 質感好爽脆。另外仲有鮑片2件、呑拿魚2件、墨魚2件同埋鯛魚3件, 份量之多好似食完放題。

八號風球前夕，與同事路經上環文娛中心旁的摩利臣街，本身打算趕快去乘地鐵回家，但發現了一間小小的壽司店（幹嘛我平時從未留意到？）有堂食、有外賣。門口位置放了當眼的手寫menu, 而且還貼上了餐牌紙，選擇眾多，令我們眼花撩亂、心大心細。想了一會,我們還是說服了自已先食飽才回家！～ 裡面地方細小，只有一個L型的日式靠牆枱供給客人用膳，所以該店主力都會是take away為主。話口未完，好幾位客人以在門口等待他們的外帶～店內個子雖小，但五臟俱全。有紙巾、即棄筷子、豉油、牙櫼、餐單紙及水～看到門口有海膽丼，我真的口水直流，完全抵抗不了海膽的魔力！然後同事決定點多一盤刺身及兩個小食大家share~ (興奮得完全忘卻T8正在迫近）～店員先送上2碗跟set的三文魚豆腐湯 （單叫 $20/碗）- 雖然沒有三文魚，但味道十分鮮甜，碗底有豆腐和紅蘿蔔，沒有腥味及味精，令我一飲而盡～《特選海膽丼 $158》海膽份量多，入口香甜，海膽的香濃味道十足，而且肥美丼中還有紫菜片，我便把紫菜包卷著壽司飯及海膽一同進食，口感不錯。壽司飯醋味不會過酸、黏度剛好不會太黏身，卷起上來不會鬆散。以$158這個價錢來說絕對超值。（

吃完薄餅，決定先去附近的出口店逛逛，一碰運氣。回程時路經蘇杭街口，見到這家近排網評不俗的壽司店，既然剛巧遇上，就一於進店看看，順道買點壽司刺身回家做下午茶。先跓足細看門外黑板的壽司哥推介，有特選海膽丼、蟹膏三色丼、火炙芝士三文丼；另外還有三款本週精選減價飯，包括角切雜錦丼、九州丼、富田丼和一系列特色手握壽司、刺身盛盒等。老公想吃三重丼，而筆者就鍾情蒲燒鰻魚飯，原來每個飯丼都會奉送自家製三文魚豆腐湯一客，決定各點一份，外帶回家和兒子一起分享。趁等候外賣嘅空檔，先進店細心一看內裡佈置，店裡面積不大，而且只得幾個堂食座位，不過裝修望落去頗骨子，尤其是店中央的木架，上面擺放了不少精美的京扇子，為店子添上幾分雅緻。回家後立即開餐，先吃老公點的三重丼 ($80)，其實所謂三重丼，即飯面放了三款刺身，當中包括有三文魚、油甘魚及帶子。先吃顏色淺紅的油甘魚，魚肉爽身帶甜、食落滿口魚香，加上師傅將魚肉厚切，入口啖啖肉，令人吃得滿意。至於帶子，水準亦不俗，不但肉質新鮮結實、而且入口充滿鮮甜味。不過要數最討筆者歡心的，當然還是肥美豐腴的三文魚，魚肉表面充滿光澤，而且油脂又高，夾著米飯吃，既飽肚又美味。接著輪到

今日跟肥B來了上環食壽司，我們點了特盛壽司盛。我和肥B都是壽司lover，35件壽司對我們來說完全沒難度。除了特盛壽司盛，我們還點了鹽燒三文魚鮫。壽司上枱了，第一件當然試我至愛三文魚腩壽司。三文魚腩十分肥美，而且每件都非常厚身，食落口啖啖肉，十分滿足。之後有我第二最愛－珍寶帶子壽司，件帶子超大件！！跟豉油碟一樣大！而且非常新鮮，有帆立貝獨有的鮮甜！很想encore這件呀！可惜眼前還有這麼多件，不能眼闊肚窄啊！三文魚籽壽司亦是令人十分回味的壽司，魚籽十分澎湃，一咬魚籽，魚油在口內四散，口感十分過癮，而且魚油又不會過腥。我們食完壽司後，隨即便上了鹽燒三文魚鮫。我們在撒了七味粉的三文魚鮫上擠了些檸檬汁，檸檬汁的酸和七味粉的辣中和了三文魚鮫的油膩，食落口都頗清新。師傅煎魚手勢十分好，三文魚鮫的肉十分嫩口（我常在家裡煎過頭令魚肉變老T_T）。今餐十分豐富，特盛壽司盛每件壽司平均不到10蚊，十分抵吃。另外，見餐牌上亦有各式各樣的丼，最重要有我最喜歡的海膽丼，下次再過來上環時必試！

上環開了一家新的壽司店～附近上班便一試😏店內小～主打外賣選擇很多 價錢也很合理～-✨三文魚之戀 (右上 三文魚丼連湯$60)✨🐟壽司飯上蓋上滿滿的三文魚🐟暖暖的感覺很新鮮！除了五塊切片 還有扭花般的一小塊🌺份量極足😍三文魚滿滿 也佈滿光澤🌞入口驚喜地鮮美有魚香！飯也塞的滿滿的🙆🏻 吃一個丼也能吃飽飽了！🙆🏻Rating💁🏻(7.2*/10*)-✨灸山丼 (右下 火灸左口魚&三文魚丼連湯$60)✨🐟相信很多人也很喜歡火灸後肥沃的魚生吧💗這個丼將三文魚 左口魚燒半熟！撒些許魚籽！左口魚意外充滿魚油 但薄切就沒太實在的口感🤔三文魚略嫌燒得過熟～不過沒他人討厭魚生的魚腥～Rating💁🏻(6.8*/10*)-✨鹽燒鯖魚飯 (左下 連湯$38)✨🐟好大的一尾魚！佔上幾乎半個盒子 還有點粟米🌽魚皮燒得輕輕脆⚡️ 香口的感覺舒緩鹽味 有驚喜～魚身🐟厚實不減料！魚肉泛油但幸好夠嫩滑 正！飯上的醬汁不多也吃不出味來 整個吃完稍感單調😳Rating💁🏻(6.2*/10*)-💥湯送完即止～💥可以先打電話去落單 留名和時間去自取～💥丼飯全日供應 壽司刺身14:30後才有

近着生日日子總有很多藉口給自己, 要買份生日禮物給自己、要給自己吃餐好、要去想去的地方、要做自己想做的事情……而我也是一樣, 生日前夕沒有人陪伴, 但獨個兒也要對自己好一點, 未去shopping揀禮物給自己之前, 先吃頓自己喜歡的日本菜。店子地方小小, 雖設有用膳的座位, 但主要是外賣。不斷變色的招牌高高掛, 再以多種鮮艷的顏色托底, 挺搶眼。近門口處貼了菜單, 而另一邊的黑板亦寫滿所推介的菜式, 見有不少途人都停下腳步細閱, 而我也是其中一位。決意走進店子, 讓自己在生日前夕好好吃一餐。第一眼便看到一個放滿刺身的冰櫃, 後方便是廚房重地, 而另一邊便是一張 “L” 字高枱, 約有六七個座位供客人堂食。牆上掛了一些日本扇子作裝飾, 亦貼滿師傅跟不同名人的合照, 而最搶眼是…...店子雖小, 但也鑲了一部大電視。枱上放了餐具、紙巾、牙韱、醬汁和餐單, 都算齊備。肚子快餓扁, 還是快快點菜吧! 餐單分門別類, 有丼、壽司、刺身、炙燒系列、手握壽司、卷物、手卷、前菜沙律、小食、其他飯類、壽司盛、刺身盛盒和熱湯/凍飲, 店子雖小, 但選擇一點也不少。估計店子主打丼, 因為足足四大種類, 包括

雖然我常常說討厭太陽的刺熱感覺，但有時候，它又會為我帶來無限驚喜，每次走在街上，為了逃避陽光而走到橫街時，總讓我有機會發掘不同美食。 這天與同事開會後，被太陽曬得發狂，走到較陰涼的摩利臣街，就看見了『創壽司』，說實，舖面不算很顯眼，很容易被人錯過，不過，這裏的食物非常有質素，而且價錢非常平易近人，所以，我與同事都各自買了一款定食回公司吃。 這裏的丼選擇極多，大約有30款以上，而且還有壽司、前菜沙律等選擇。 在等待食物的時候，發現店內牆上掛有大量相片，當中更有周中師傅呢。 由於吃中藥的關係，不能吃魚生，那就點一個熟食的便當，我點的是鹽燒鯖魚飯，價錢只需HK$38，對，我沒有說錯，真的是$38，非常抵食。 鯖魚大大條的斜放在飯盒中央，充滿霸氣，由於鯖魚本身魚腥味重，所以便當內隨有檸檬辟除腥味，不過，個人認為鹽燒後，其實魚腥味道已經不重，相反，入口時反而帶有淡淡的鹹味，而魚肉肉質結實，脂肪比較亦較重，所以魚香味道十足，非常甘香。而便當用上珍珠飯，粒粒分明，令飯粒變得更有質感及咬口，配上粟米粒粒，令層次感更豐富，非常好吃。 而全部丼飯不論外賣及堂食均隨送自家制三文魚豆腐湯(送完即止)，豆腐

在上環找外賣店，在Cali-Mex、麵包店和燒味飯之間猶疑，突然找到創壽司。除了外賣，佈置得有日本特色的小店設有少量座位，可以快速食個午餐。餐牌有各式不同的丼，款式很多，分成幾個不同的價錢。花多眼亂，很想有個自選刺身的選擇。另有手卷、壽司、卷物、前菜、小食。＄68有9件壽司的壽司盛都幾抵食，以後除了超市，又多個壽司外賣的選擇。中華沙律爽口的中華沙律，酸酸的，加上昆布可以降血壓，是個健康的開胃菜。附送的熱湯，混合甘荀的清甜、蕃茄的微酸和豆腐的黃豆香，味道很清。清甜的湯最適合夏天，喝完不怕壽司的生冷。蟹膏三色丼期間限定的這款並沒有列在餐牌之上，跟店員推介的另一款火炙芝士三文丼一樣寫在黑板上。放滿刺身的丼，顏色鮮豔，賣相不錯。松葉蟹膏的份量不少，濕潤帶甜，入口極鮮，單吃好吃，伴飯亦佳。上面有少少蟹籽，少少鹹的鮮味跟蟹膏的甜有對比，又增加口感。橙紅的三文魚，有一道道夠粗的白紋，顏色好看。肉質嫩滑，新鮮，但油香沒想像中重，以致偏淡。甜蝦雖細隻，但口感尚算黏稠，都幾甜幾鮮。壽司飯輕輕的醋味恰到好處，可是偏濕偏腍，飯粒黏在一起。份量都幾多，一人一個丼一定夠飽。Wasabi雖沒有即磨的粒粒口感，但夠味