功德林上海素食 (北京道一號)

營業中

休息中

自從開始一星期食5日素以後，openrice 上既收藏餐廳8成以上都變左素食餐廳功德林開左好耐亦有幾間分店但一直未有機會去過，星期六同姊妹行完山就一齊去試左尖沙咀既功德林，一路坐車一路睇食評，所以未到餐廳未睇餐牌都已經有哂心水小菜因為大家都話份量唔大而且我地兩個都好肚餓，所以就叫左兩個前菜兩碟小炒先黎左雞絲粉皮好味啊，不過份量唔多，兩個人夾幾下就清哂再叫左脆鱔，甜甜酸酸正啊又脆卜卜小菜就係獅子球同咕嚕肉獅子球做得好似！但得兩粒....真係多個人都唔知點分.........咕嚕肉都好好味，食完一d都唔濟餐廳上菜快得驚人，服務員都好有禮貌，係一餐滿足又舒適既晚餐，下次要黎試下佢既素點心先

旅居美國嘅家姐同外籍姐夫，正值回港度假，姐夫絕少食中菜，楂筷子嘅樣子好可愛兼攪笑。 同媽媽商量，都係帶佢去見識多方面中菜，今次重係無肉嘅素食中菜呢！一家人陪佢去到尖沙嘴shopping完，就上去北京道嘅功德林醫肚，侍應帶領我地到一個臨近海景位置坐落，開揚舒適。侍應遞上餐前小食苔菜花生 ，味道甜中帶鹹，香脆惹味。點菜都唔問姐夫啦！由我話事，首先嚟嘅雞絲粉皮配上青瓜，味道唔錯，惟可惜麻醬唔夠充足。 乾燒蝦扒西蘭花，賣相一流喎，橙紅色汁液啲大蝦碌，配以翠綠嘅西蘭花好吸引。都聽過同事講，唔可以錯過呢度嘅無錫脆鱔，咬落好脆，切粗條形炸脆，一向鍾意食香脆嘢嘅我，梗係覺得好好味啦！姐夫都樹起手指公呢！但都興趣知道係咩嚟呢！侍應話係用菇類，廚師精心研究而成的。 都係甜品時間了，叫左碗芝麻湯丸給媽媽 佢話啲羌味剛好，甜度適中。原桶豆腐花又點會放過呢？真係即叫即製，所以都要耐心等候，上枱時除跟普遍有嘅黃糖外，特別嘅有清香嘅桂花糖水，呢個又係我嘅“飛佛”，咁要讚嘅梗係豆腐花嘅本身，好夠滑好有豆味 ，好果唔係聽日要返工，我想再等多一桶呢！ 落樓時，姐夫話想回美之前嚟多次喎！

成日大🐟大肉。捉咗老公黎清心寡慾。食個齋清清腸胃。撞正Green Monday 有8折堅持不加味精。不加色素。少鹽少油。啱曬多肉少菜嘅香港人。冷盤可自由配搭。一款/三款/五款。五福臨門拼盤～（大）右至左（順時針）🐔絲粉皮 凍🍆🐴蘭頭脆皮素鵝中）無錫脆鱔黑松露醬蛋白炒飯～每一啖飯有淡淡黑松露味道。飯粒粒分明。唔油膩。

放工之後約左朋友去食飯，成日都係尖沙咀食野真係有時都唔知食D咩好。所以有朋友提議去食齋，齋平時就好少食，今日就去試下。炒芽菜，爽口得黎加上有小小辣味，真係唔能夠唔叫既小菜素鵝皮脆又唔油，仲要好鬆脆，裡面包住甘荀絲、冬菇絲同木耳絲材料十足上海粗炒麵好可惜，菜比較多，但太過油膩，食左少少已經唔想食紅豆煎餅完全唔係上海個隻，好似放左好耐先煎出黎咁，自己覺得太甜猴頭菇津白甘栗煲熱辣辣咁上黎，而且煲到D食物入哂味，每啖都有滿滿既醬汁

這天，跟E先生來到位於尖沙咀北京道一號的功德林吃上海素食。 落地大玻璃窗外是有遮擋的維港海景，而且靠近窗户的都是八至十二大檯。一坐下，店員就送上茶芥花生。 雖然功德林有套餐提供，但我們還是喜歡單點。 無鍚脆鱔 $98 炸得香脆可口，裹滿甜甜的醤汁，雖然越吃越覺油膩，但不失為—道香口小食。 水煮魚片 $118 點了小辣的水煮魚片，入口微辣，非常惹味。薄切的蓮藕片爽脆可口，配上軟滑的菇片，口感對比強烈，讚！ 素仁鬆配叉子餅 $118 素仁鬆炒得香口，而且調味得宜，吃來味道濃郁，正好用來配撘香脆的叉子餅。 糖醋松子黃魚 $138 糖醋醬汁放有大量松子，而且是上檯後再澆上的，令外層的炸腐皮不會太快變腍，吃起來口感香脆，裡面則是香軟的芋頭蓉，配合酸酸甜甜的糖醋醬汁，消除了不少滯膩感，不錯！

都市人注重健康，除咗各種運動最近都爆紅，亦都好多人重視食物，多咗唔少人強調要食得健康。今次朋友要約我去好出名嘅素食餐廳，食個健康午飯。功德林喺北京到1號入面，大玻璃窗可以望到文化中心同埋海景，確係令人心曠神怡。環境好闊落，乾淨企理，令人感覺好舒適。朋友仔好鍾意食年糕，佢先點左一款雪菜冬筍炒年糕。無肉嘅炒年糕，冇如我想像中咁啖口，反而食到雪菜嘅香味。中午時間，我比較鍾意食點心。我點左份雲吞，蘿蔔酥，同埋三色餃。三色餃賣相好特別，幾得意架。雲吞係上海雲吞，即係皮比較厚嗰種。入面嘅餡料全部都係菜蓉，清清地都幾好味。三款點心當中我最鍾意蘿蔔酥，蘿蔔蘇賣相已經好好睇，表面炸得十分香脆，一咬開感覺好鬆軟。表皮鬆脆，入面軟滑嘅蘿蔔蓉熱辣辣，口感好有層次啊。另外重點左兩款比較重口味嘅小菜。麻婆豆腐非常足料，勁大碟。茄子煲雖然冇落肉，但味道有啲似魚香茄子煲。豐富健康，每人都係百零蚊鬆啲，加唔中食下素食都幾好啊！

細個嘅時候，有種葡萄糖沖劑叫「得力素」，嗰陣時大行其道，依家好似已經唔見咗，連得力素糖都無埋，不過目前健康產品五花百門，「得力素」個名應該唔喺咁多人識，尤其後生一輩。但講到健康產品，與其靠依等藥物，就不如先晌飲食方面着手，哈哈！講健康飲食，小弟就唔及老婆，佢食素都多年，雖然唔喺全素，但白肉以外，紅肉就極少食，除自家煮之外，亦不時幫襯素菜館。尖沙咀嘅功德林算喺經常光顧嘅食肆，因為以前佢晌依頭返工，反而，小弟就第一次嚟，故此，平時一向由我點菜，今次就得佢出手。北京道一號嘅食肆，賣點其一就喺靚景，嚟到功德林同樣單邊落地大玻璃窗面向維港，鳥瞰整個1881，感覺相當唔錯，只可惜今日天色灰懞懞。而餐廳環境亦舒適寫意，除咗地方寬敞，樓底高，亦無話好似一般中式食肆咁逼夾，一室以青綠色為主調，加上自然光（當然有啲陽光就更好），讓人感覺清爽。此外，唔似啲齋鋪咁滿天神佛，又「煩」（梵）音不斷，亦喺佢多嚟光顧嘅原因之一。安頓好先點一壺鐵觀音，順帶一提，茗茶每位收$15/位，小食就收$12碟，喺紫菜花生，紫菜磨碎混和啲花生，面面黐滿糖粒，鹹鹹甜甜又香脆。打開餐牌，內頁第一版就喺餐廳嘅介紹，原來，不經不覺功德林晌

愛食肉的我是時候要素食一下，正好朋友的媽媽是位素食者，本人對素食無特別研究，所以餐廳當然由他們决定，他們帶我到尖沙咀北京道1號7樓的功德林上海素食。可能是正午時分，人不算多，地方很大跟酒樓一樣，坐得好舒服，正正對着文化中心和對面海景色，心曠神怡。打開菜牌原來齋菜也能有這麼大變化，跟不是素食的樣子一模一樣，真的大開眼界。《南瓜蟹粉魚翅羹 $78》那當然沒有魚翅成份，而是用粉絲代替。西式南瓜湯喝得多，原來中手 《咕嚕肉 $108》由賣相至口感都很像真的豬肉，實際卻是由面筋煮成。咬開真的能看到一條條的「肉絲」，像真度彼高。咕嚕汁的酸甜度很平衡，沒有過甜或過酸，不得不讚廚師的手藝。《上海粗炒麵 $88》面有囗感且煙韌，味道夠濃，非常多的蔬菜，炒的火喉剛好，也沒有太油膩。《糖醋松子黃魚 $138》冬菇作魚頭、魚尾，而魚身直接換成了香煎過的芋蓉，外皮脆內軟腍且芋香濃，沾上酸甜的糖醋汁後，再配上香脆的松子仁，很好吃。《原桶豆腐花 $58》店員提到他們的豆腐花是自家製，那當然要試試，原桶上大豆香味濃，份量好足夠4人用，豆腐花沒有散開，一片片舀起來很完整，入口香滑豆味香。再配上一般少用的桂花糖水作調味，

星期六做個好孩子，帶了老媽子去嚐素。 平時帶她吃開銅鑼灣世貿的港島分店，今次就試試位於北京道一號的九龍分店，有維港靚景、有美味素菜、有舒適環境，必定令她感到一樣滿意。《蒸素餃 $28》皮簿不韌，蒸的時間剛好，沒有肉餃那般油肉味，清清淡淡的味道很清新。《橄欖菜炒秋葵 $88》這個炒得夠鑊氣，秋葵份量多，每條都爽脆而且完全無一般炒菜的油膩感，配上橄欖菜更加提味。《擔擔麵 $58》本身帶辣，但可要求辣醬另上。麵質感軟硬適中、花生醬味濃。《菜汁蒸銀絲卷 $32》由於都是想清淡些，所以沒有要炸銀絲卷，而這裡的銀絲卷就加入了菜汁，內裡帶著淡綠色，有輕輕的菜味，但沾上煉奶的話，就吃不到菜味了。整餐都不油不膩、十分健康，令我決定每星期最少嚐素一次，而功德林就最適合不過了。

星期六上半天班，下班後最愛與娘親大人四處覓食，這天愛吃健康素食的娘親就指名要去功德林飲茶。也好，功德林的晚市之前試過，今天就試試午市點心吧！  白與蘋果綠再加上竹子，整體裝潢都給人自然清新的感覺，合符素食風格。北京道一號座落海旁，採光良好，伴著日光吃午餐心情也特別好呢！  餐牌上除了各式主菜，點心種類選擇也不少，可惜部分點心只在另一銅鑼灣分店供應，無緣一試。 素菜包是將野菜跟雲耳等等砌碎混合成內餡，把包子擠得滿滿的，入口細嚼有菜香散發。 三色蝴蝶餃賣相精緻，蝴蝶餃的三個角落放上三色雜菜，裡面是金黃色的粉絲內餡，蠻漂亮的。味道不錯，但要注意放久了外皮會變得乾硬，最好一上桌便吃掉。 磨菇包造型就是一只冬菇，可愛的外觀不論大人小朋友都會喜歡。磨菇碎內餡咸香惹味，忍不住多吃了一個。  非常長的長壽春卷剛剛炸起還冒著熱氣，春卷兩端都是香脆的春卷皮，餡料像是豆腐肉混合了腐皮，口感真的很像肉碎，夠特別！ 牛肝菌菠菜生煎包底部煎得焦香，菠菜採用嫩葉部分口感細軟，再以少許黑椒調味，微辣令牛肝菌的香味更突出，推介！ 雪菜鮮菇湯麵上桌時熱氣騰騰又飄著鮮菌香，大而圓潤的白磨菇點綴在麵上，

今日同屋企人出街食晏，屋企人提議不如食素。因為平時我都好少食素，而且食素對身體又好，我對於依個提議都非常讚成。由於夜晚要去尖沙咀飲，所以我地就揀左去尖沙咀功徳林上海素食。依度既環境都幾開揚，而且可以飽覽尖沙咀既海景，一邊食野一邊睇風景，真係一種享受。另食物方面，素食既種類都比較多，睇住本menu，真係差d唔記得要食素。炸三絲雞卷 $98 炸雞卷炸得好金黃，咬落去好香脆，成個卷一d都唔油，而且入面既材料好fresh ，再點埋甜酸汁黎食，好野味！觀喜南瓜包 $32 南瓜包外型做得非常精緻，而南瓜包入面分別有南瓜同紅豆溶，個包咬落去煙煙靭靭，而且甜味啱啱好，仲有好香濃既南瓜味添。菜汁炸銀絲卷 $32本身好鍾意食炸銀絲卷，所以見到依度有，當然叫黎試下啦。銀絲卷炸得好脆口，而銀絲卷既顏色好翠綠，而且口感好鬆軟，點埋煉奶黎食，好味。功德林您寫油雞菌雜菌煲仔飯 $108煲仔飲上面放左好多雜菌，未食已經嗅到陣陣既野菌味，食落去，成個飯已經索滿左好香既菇味，而且個底仲有d飯焦，好味！個煲仔飯煮既火喉真係煮得啱啱好！

一星期定一次素食，對身體有益健康，今次跟朋友來了款式眾多的功德林，位於北京道的分店，坐擁海景，景觀相當不錯。點了點心、麵食，最先來當然是上海粗炒麵 $88調味適中，不會太鹹，麵質煙韌，有柳菜絲、冬菇絲等用料豐富。一直以為上海粗炒是烏冬麵，經朋友一說原來是上海粗麵，我實在太笨了。長壽春卷 $35春卷皮薄脆卜卜，一點也不油膩。磨菇包 $32造型相當可愛，而且像真度極高。磨菇包鬆軟，一咬開就是滿滿的冬菇餡料，美味。菜汁炸銀絲卷 $32加入菜汁在銀絲卷中，都幾新穎，不過包炸後有點油。功德林除了咸食有好多款式外，就連甜品也是令人有選擇困難。很久沒有吃過豆腐花，而用不個木桶更少遇到。原桶豆腐花 $58豆腐花好滑呀！因為存放在木桶，豆腐花長時間仍保持很熱的溫度。除了一般黃糖，今次的糖水是加入桂花，多種清香。超滑的豆花配上清香的桂花糖水，還有少少黃糖，確實是絕配。剛巧光顧是星期一下午，除了有前菜送之外，也有8折（任何時段），好吸引！

週日假期難得跟媽媽一齊渡過著，特意和她來這家素食餐廳吃下午茶，其實之前跟友人已來過吃晚餐，覺得味道不錯且良好服務態度，所以今次帶她來嚐一下，位於北京道一號，餐廳可觀賞維港景色，相信晚上夜景會更美店員安排入座後送上小食紫菜花生，入口咸中帶甜，很香紫菜味，惹味又開胃開了香片茶，離遠已嗅到濃郁撲鼻，喝起來香味四溢，令心靈平靜且解膩<<功德林三拼盤>>由於想吃幾款前菜冷盤，所以點了這拼盤，可一嚐三味，分別有脆皮素鵝、無錫脆鱔和雞絲粉皮，想不到每款份量都挺多，脆鱔入口香脆可口，外層是甜甜的醬汁，咀嚼時有濃郁的焦香味。素鵝入口脆薄清香，雞絲粉皮拌了麻醬、青瓜絲和素火腿，粉皮口感薄帶彈牙，拌了麻醬一齊吃很香又開胃<<蘿蔔絲酥卷>>外形都像紅蘿蔔一樣，外皮入口脆身，內餡滿滿的白蘿蔔絲，非常香口，味道適中，像吃老婆餅般的口感<<糖醋松子黃魚>>用了冬菇弄做魚的頭和尾部，而黃魚內釀的是芋頭溶，皮脆薄之餘，吃一口已有濃郁的芋頭香，再沾上甜酸醬汁，惹味又開胃<<擔擔麵>>味道比一般在

話説食肉者偶爾間想去下齋店食一啲都唔易，因爲身邊的朋友未必有同一諗法。 恨左好耐，終於食到了，今次仲要係上海素食添。 只係睇Menu都覺得好吸引，照片尤如響真既上海菜的餐廰中。 雞絲粉皮 $78 雞絲係扁硬身的豆腐絲,粉皮夠淋之餘都有咬口，有少少青瓜絲，令整體中和，不過麻醬就唔夠多，有啲粉皮係無醬既。 無錫脆鱔 好正！同我一向鍾意既上海婆婆脆鰻差唔多，只係差在呢個無魚鯹味。超級脆之關係，每條都被甜甜酸酸既醬包圍住，唔明點解佢質地可以做到好似真鰻咁。 酸辣湯 天氣凍凍地想叫碗湯飲，呢度有酸辣湯，唔會好辣，都幾足料，有豆腐，荀絲，青豆，最surprise係有竹笙！湯夠味之餘，會因唔同既餸有唔同既口感，爽吖！ 甜品時間到了！唔想食高力豆沙同豆沙窩餅，所以點左薑汁湯丸同豆腐花。湯丸的薑汁好柔和，夠味得嚟又唔過辣。 湯丸有4粒, 2個人2粒剛剛好。 而豆腐花就奉上黃糖同桂花糖， 豆腐花很滑，好夠熱，啲豆腐花一啲渣都無。 我很喜歡呢間店的齋菜，真心覺得自己唔係食緊齋菜，似係響一間出色既上海食店食緊～希望可以好快食多次❤❤

喺香港擁有27年歷史，功德林……聽就聽得多，食……今次都真係第一次，由於我家大少成日都話想食素食，而我本身又鍾意食上海菜，因為貪佢夠濃味，所以同事推介功德林俾我，話佢精而不貴門口都有賣緊，紫菜花生，真係幾好味，好香紫菜味，而且……上面一粒粒唔係鹽，而係糖，所以唔係鹹食，而係甜食香酥鯽魚 - 去食素食，有一道菜我一定會order，就係香酥鯽魚，我本身好鍾意食芋頭，由其芋頭糕，所以令之去食素菜，一見有芋頭就一定會食，呢個芋頭魚，上枱一啲都唔會油，而且，佢重會問你需唔需要切，當然切開好啲，切開之後，見有滿滿嘅芋頭茸，好開心，食落口又唔膩，亦好鬆脆回鍋肉炒年糕 - 食上海菜有邊樣係可以話代表上海菜﹖除左小籠包，就係回鍋肉，回鍋肉本身都係多菜少肉，所以呢個絕對係岩大家食，入面有椰菜、青椒、豆欸乾、冬菇、年糕我最鍾意佢係個汁，加埋椰菜好好味五福臨門拼盤豆腐上面嗰啲我地食咗好耐都唔知係咩，不過個豆腐好滑，大少話應該唔係百福或者山水，應該真係街市豆腐店嗰啲，因為好香豆味呢個我覺得應該係麵筋、青豆、冬菇呢個係脆鱔，非常好味，異常地脆，初初我地都唔知係咩，我最後估係冬菇，問過店員，佢地話係菇上海菜冷盤一定