匠一麵屋 (已結業)

Ordered a pork bone soup based ramen, with a side dish buffet for roughly $100 in total. The ramen comes in a tiny bowl. Fortunately you can order additional ramen. However, it took a very long time for the ramen to arrive and the soup turned cold already . The soup belongs to a thin-texture type, which is not my preferred texture. The ramen texture is quite poor, sadly. However, the pork tastes good, and has a nice after-taste as well.The egg tasted average. The fried dumplings were small, yet

店內衛生唔錯,但位就迫左小小.同女友叫左2個麵魚介,醬油拉麵,加左30$放題配料.麵質還可以有咬口,湯就左咩特別,份量就小得濟,叉燒多肥肉都算又硬又小講就個放題就嬲,木耳得幾條好似毛咁幼, 唔齊料都算,仲要等得勁耐,後面桌人明明遲過我地好多先入來,但個炸雞就上左比佢地先,門口又一大堆人等緊位,搞到我地都唔好意思坐咁耐最後等多三個字,連個炸雞都唔鬼食....最後$205埋單食得2輪仲要唔齊單...唔會有下次

之前喺Facebook見到長沙灣有一間拉麵店只要加$30就可以任食拉麵嘅配料，所以專程過嚟試吓。嚟到見到有一條都幾長嘅人龍，但係既然專程嚟到，咁唯有排隊食啦。店內嘅座位大概有廿零30個，雖然係放題但係大家都唔會食好耐，所以排隊都唔使排好耐。最平嘅拉麵就係醬油拉麵， $65就有一碗。至於任食嘅配菜本身有半熟蛋嘅，但係可能我哋去到已經比較晏，所以店員就話半熟蛋已經賣晒冇得做放題。但係我哋仲可以食叉燒，可以加面，心知乎加白飯，另外仲有餃子同埋炸雞都可以食。依家食一碗拉麵$100左右，但係呢度比$100左右已經可以食到放題，都幾抵。我哋分別叫咗一碗醬油拉麵，同埋一碗豚骨拉麵。比較有驚喜嘅係呢度嘅醬油拉麵同埋豚骨拉麵竟然係用唔同嘅拉麵。豚骨拉麵嘅面係比較幼身少少，口感爽啲，而醬油拉麵嘅面就相對粗少少，口感比較淋啲。我自己就鍾意食豚骨拉麵多啲，但係女朋友就鍾意食醬油拉麵多啲，所以真係好睇個人口味。不過拉麵水準又真係唔錯嘅。餃子四隻一份，份量幾適合，唔算太多。不過略嫌餃子煎得唔夠乾身，唔係幾脆口反而炸雞就真係好正，首先佢嘅醬汁係加咗蛋沙律嘅，好特別，另外雖然淋咗醬汁喺面，但係啲炸雞仲係好脆口。

未有人排隊嘅時候試嘅， 未有人同佢宣傳嘅時候 ，晏晝去完全唔使排隊， 不過食過一次就夠啦，唔會想再食。想食拉麵嘅話， 我寧願去返東京街美寧中心下低嗰間， 雖然坐得唔舒服， 但係好食過呢間啦。依個拉麵味道同口感好一般，份量又少，湯味道非常普通，叉燒又勁肥， 都唔知食肉定係食肥膏， 真係唔知佢憑乜嘢可以賣到成碗麵咁貴， 仲要喺長沙灣嚟講真係天價， 又貴又唔好食 ， 啲炸餃子味道亦是一般囉。人手又少，咁搞法，唔知依間店捱得幾耐呢。btw, 幅相其實用咗 app去影， 實物叉燒 肥膏真係好犀利， 粒蛋都冇咁深色

今日同一班舊同事 來到一間深水埗好出名既拉麵鋪 — 匠一拉麵依間拉麵主打有醬油雞骨拉麵、魚介拉麵仲有幾款比較特別既拉麵簡直可以配合 唔同合味既朋友仔我地3個人就各叫左一款口味分來食麻醬辛辣免治肉担担麵 $83依個口味係我從來未試過混合左日式麻醬既味道同埋中式四川既口味麻中帶辣 再撈埋粗身既麵條食每條麵條麵可以掛上濃郁既醬汁相當惹味～醬油雞骨叉燒拉麵  $93依款就可以用剛柔並重來形容有醬油既甘香 不會過咸 亦不會太淡 味道恰到好處～店家師傅較得岩岩好～讚！豚骨灸燒叉燒魚介拉麵 $98 重口味既男性朋友仔就揀左依個魚介拉麵首先 厚厚既叉燒經過輕微既炙燒食落口肥膏～入口即溶 再配搭埋魚介湯底 又點可以停口呢？除左小食外～我地仲叫左幾個開胃小菜日本屋台行列脆口餃子 $22餃子用半煎半蒸既形式煮成所以既可以食列軟腍既口感咬到底又帶點脆！點埋配搭既醬汁 勁開胃～日本人食拉麵都會叫個飯而店家既叉燒十分出色我地就叫埋佢個叉燒炒飯 $38 來歎下肉既油香滲入飯到～一下子 成兜飯就唔見晒！我地幾個食完都覺得好抵食佢小食大約$20-40不等相當划算而味道都唔錯～份量又岩岩好下次要再來食先得！～

平時無寫開食評 為左呢間野都要破例一次我都幾鐘意食拉麵, 男友仔見到呢間野新開所以就帶我黎試一試佢大約7點半左右去到餐廳已經FULL晒要等, 係門口等左半個鐘左右先入坐第一感覺環境都算幾舒服, 裝修唔太靚但都算過得去等左咁耐坐低第一時間倒杯水飲下, 有別於平時拉麵店會比冰水 呢度提供既水係室溫 所以已經扣左少少分到點餐時發覺流心蛋只係跟麵有半粒, 要加蛋個位劃左唔比加. 我估佢地唔夠蛋用所以唔比人加, 一間拉麵店無得加蛋我會覺得好失敗 又扣d分 我地分別叫左豚骨叉燒 同辣擔擔麵再加多8隻餃子呢度既廚房都算幾慢 我諗等左over 15分鐘個麵先黎到個豚骨湯底唔錯都幾濃, 麵係偏幼身直麵, 軟硬適中都算彈牙 但蛋同叉燒就比較普通當我地碗麵都食到一半時候 其實d餃子都係未到既於是我地就追一追單睇下有無漏單啦 但其實樓面只係得一個staff 佢忙到話幫我地追追 轉個頭就唔知追左去邊大約過左5分鐘見仲未到 唯有再問多次 個staff又係答同一番說話 咁其實我地都唔係好急既 就食到一半唔食住等埋d餃到先等到花兒也謝了 終於見到出野食個位終於有餃子 點知個staff係囉去我地後面果台 但後面其實只係

今日我同老公無意中在長沙灣發現一間新開既拉麵店~匠一麵屋，我兩口子都好耐無食拉麵，一於以拉麵作為今晚既晚餐。幸好來時時間尚早，還有座位。觀望這裏裝潢，簡潔明亮，有幾幅日本poster掛於牆上，沒有太多花巧擺設，配合播放既日本流行曲，感覺挺舒服自在。拉麵店一般都會有冰水、紙巾、醬料等提供，這裡也有。拉麵餐單紙既選擇有醬油雞骨湯及豚骨濃湯，可根據個人口味，加減配料 ; 小食有餃子及唐揚炸雞，最特別係有叉燒炒飯及叉燒丼。列脆口餃子四隻($22)肉餡鮮嫩，那脆脆香香嘅口感，令人一口接一口，yummy。特製他他醬唐揚炸雞($28)外皮鹹酥香脆，鮮嫩雞肉充滿醬汁既香氣，加上特製他他醬，口感豐富。醬油雞骨湯叉燒拉麵($93)湯頭有雞湯嘅清香，也有醬油既醇香，喝多幾口也不覺膩 ; 麵條富有彈性，好易入口 ; 叉燒肉厚度適中，有肉汁甜味 ; 糖心旦煮得不錯，好味。豚骨濃湯炙燒叉燒拉麵($98)叉燒肥度適中，炙燒香味很不錯 ; 這個湯很濃厚，配合軟滑既白麵條，味覺滿足。CC Lemon($14)及烏龍茶($14)雖然拉麵店開業不久，但客人絡繹不絕，而且我兩口子離開時，還見到門口有不少客人等待中，果然係口碑

見最近有人介紹，我又住得近就去食下，都見到唔少人排隊，排左15-20分鐘左右。呢間野主打賣點有二:1.由日本師傅主理2.有得每人加30蚊配料/小食放題，包括蛋，竹筍，叉燒，餃子，加底etc得罪講句，日本師傅就一定識整拉麵咩，又唔見香港個個識炒牛河整燒鵝?所以我覺得完全唔係賣點，而30蚊放題又真係抵到爛，但係會唔會犧牲到質素呢?難食嘅話放題咪啫係整蠱自己? 所以小弟冇叫放題。我叫左濃厚魚介拉麵，加蛋，同埋煎餃以下將會逐樣配料由最好到最差評價湯底: 湯底清甜，整體幾好，但係佢背叛左濃厚魚介呢個名:既不濃厚，亦不魚介，只有聞落有淡淡魚介味，一飲落口就完全消失。但如果佢改名做甜豉油湯底其實唔差麵: 都算有咬口，不過不失煎餃: 普通煎餃，唔差蛋: 由於我追加左蛋所以有一隻半蛋，半隻嘅蛋都算幾好，但全隻嘅蛋明顯過熟竹荀: 好冧呀，入口即溶係竹荀界係一個貶義詞叉燒: 唔掂，係一塊街市買嘅薄切豬腩肉，浸下豉油再燒一燒就上。肥瘦分明(唔係好事)，肥肉佔50%以上，難以咬開。鳴門卷: 一放入口大開眼界，係真係瞪大左對眼。係粉啊。我放呢粒鳴門卷入口嘅一剎，Thanos撻左一下手指，粒鳴門卷就化成左灰。平時唔

食到一肚氣勸大家入座前3思(附上兩張單: 一張係入座, 一張係等左1小時先話冇晒湯底, 再改另一仲拉麵)效率:0食物質素:正常店員服務: 一般簡單一個拉麵都可以等左1個鐘先同個客講話豚骨湯底冇晒轉魚介好唔好問佢點解1個鐘之後先同我講話冇佢話以為已經出左我個面以為我食完間鋪2個店員又唔係大啲店員其實有冇溝通過?向2個店員都催過竟然話以為我食完會唔會過份左啲問佢要等幾耐 又話好快又話唔好意思送罐野飲畀我催左2次都話煮緊 幫你追追但追極都唔會同個客交代番究竟仲要等幾耐到個客嬲先認真處理下你張單如果你接受到咁嘅服務歡迎嘗試😊😊😊啲店員不斷話幫你追但追極都未有個厨房出餐又慢又亂今次係加左30蚊配料放題但我勸大家唔好上當... 今晚叫左3次煎餃子1個鐘只係食到2碟(一碟4隻, 每次只可以叫一碟)食完再追頭先加個煎餃子等左10分鐘諗住就快有得食點知到隔離枱催佢地個餃子個店員先講: 唔好意思, 煎餃子個師傅收左工啦, 介唔介意轉食叉燒.... 頭先又話追緊, 過一陣又話個師傅走左一餐飯, 我聽得最多嘅大話就係: 唔好意思 and 幫你追追無論係店員定厨房問題都唔應該要客無止境咁等

豚骨醬油拉麵 💲78濃厚魚介拉麵 💲78任食配料+小食 💲30（供應時間：星期二至四 5:30pm-10:00pm）平日7點幾去食🤔25分鐘等位30分鐘等餐餃子等左成粒鐘🥟👏🏻❌ 拉麵唔可以選擇軟硬度或者湯既濃度 而要求左走既配料亦照樣出現😸❌ 豬骨湯太濃 食到一半已經覺得膩😧❌ 炸雞售罄😫😫😫❌ 叫左三份餃子 催單三次後最終黎左兩份😂❌ 替玉從來無出現🍜👅Taste：2.75/5💰CP值：1.75/5🙋🏻‍♂Service：2.5/5👁‍🗨Stylishness：3.25/5

琴晚同男朋友去食，排一個鐘，落單仲要等45分鐘先有得食，樓面得一個人，做唔切，完全失望，碗面完全係唔熱，已經暖左，面質亦已經發脹哂，加咗個$30任食餃子同糖心蛋配料等放題，餃子每四件一碟上，咁樣好唔環保浪費水資源，不過煎餃既味道就還好，但糖心蛋就出晒事，好似淨係烚蛋然後加咗醬油同埋味醂咁，如果喺度可以講粗口就好啦我都識整啦，話就話放題，但係叫到第三碟之後，再叫第四碟，就同你講整緊，最後都係無黎到，完全浪費我時間，勸你地就唔好去，食碗雲吞麵無咁嬲！如果大家唔肚餓又想試呢個伏，可以去試，但一定會失望囉🤷🏻‍♀️我都係係FB見到所以先去，但中哂伏囉！如果唔夠人嘅話應該準備好先出餐啦嘛，搞成咁啲客都唔會返轉頭啦

同朋友去深水埗買完東西後，便順路去揾野食，剛剛發現了這間充滿日式風味設計的拉麵店門外招貼的醬油拉麵吸引了我地既食慾，我地就決定入內午餐店舖細細，但座位也相當闊落，坐得舒適😊而且店內有冰冷水和紙巾提供，真貼心😌湯底有2款，醬油雞骨湯和豚骨湯由於醬油鷄骨湯比較少有，所以叫了一個醬油鷄骨湯义燒拉麵並追加了半隻溏心蛋湯底味道清甜，😋麵條有靭度，义燒也不是平常食的圓形款，一片片長條型，似足系日本四國食個d款式,美味至於豚骨湯炙燒义燒拉麵也惹味，湯底濃而不膩，炙燒過既义燒也非常柔軟好食，餃子脆口之餘並保存肉汁👍🏻，唐揚炸雞外皮炸得乾身但雞肉不鞋，配上他他醬也美味可口😉

其實特登落黎食.排隊排左一個鐘都唔緊要見到樓面得一個人人手唔夠明明有位都唔入人.可能驚做唔切.呢一點都可以耐心等候但係入座之後追加$30放題配料配料無上齊.都唔緊要.我入座之後竟然要等45分鐘先上到碗拉麵.飲品要問先上.都唔緊要上到台碗拉麵啲湯唔熱.啲麵發哂.叉燒唔香又唔淋.個湯死咸.糖心蛋無味全熟.便利店果隻糖心蛋絕對好食過佢一百倍.其實兩個人埋單$250蚊呢個價錢我出到其他拉麵店都起碼唔洗等唔洗一追再追.真係好失望.我未食過一間咁難食既拉麵.仲要等咁耐.總結就係.一定無下次😑

聽我太太講，這間拉麵小店很多人贊所以今晚去試。但今晚試過，我真係唔想彈新開小店。但我今次真的要發表下，這碗麵麵質一般，湯底無驚喜，叉燒只是五花腩，但充滿肥膏及未淋，樓面只有一個侍應，打單，埋單及攞麵一手包辦。碗麵煮好放在枱前成3分鐘先攞黎，這時碗麵已開始凍。其實我都很贊成幫襯下小店，但今次呢一間，係人手問題導致食物質素下降，我不會再去食，好多時第一次幫襯是好關鍵。希望店主能看到這食評及作出改善增加人手和監察一下食物質素。

比得起錢賣咁勁廣告唔該請夠人手先，得一個樓面佢又辛苦客人又受氣。7點半入座，7點45分樓面先有時間黎同我地落單，之後又係一輪漫長既等待本身衝住佢個加30蚊任食配料宣傳而黎點左追加半熟蛋，叉燒同餃子上到菜一樣追加都無。個豚汁湯底，望落就係夾硬加料整杰佢，一飲落去又稀又膩切舊叉燒都切成咁，入口硬到咬唔開，大半都係肥肉，真日本師傅主理定係博宣傳呀，真日本師傅就叫佢返返日本深造多幾年先啦半熟蛋，無氣講了自己睇相比得起錢賣咁勁廣告，唔該出品對得起「日本料理」4個字。