厚福館

營業中

休息中

一班約左好耐先約到嘅老朋友，終於都約到出黎，去了期待已久的厚福館食澳洲深海水晶蟹，每次經過都會望一望，好想快啲有機會食，今晚食到了有啲失望（我地坐在42號舖上兩層），首先一坐低我地點左佛跳牆湯底好足料本身只包兩隻鮑魚另加兩隻鮑魚，都好生猛隻隻都郁煲好後個湯好鮮甜，成煲比我地飲哂極黑肥牛，依個肥牛雪花分佈平均，好美味廣島蠔依個水晶蟹最唔掂，食落有種怪味（似尿味），雖然用左重花雕蒸，但都蓋唔過怪味，我地每人食左1件就個個唔想食！另外仲覺得有少少欺騙成分右邊係店舖門外的餐牌 水晶蟹$788起，左邊就係入到餐廳的餐牌 水晶蟹$988起，二樓個女店長就話從來都未試過$788，都唔緊要，一心諗住去食水晶蟹，落單時女店長就話冇$988啦！而家得$1088、$1188⋯⋯一不做二不休就叫$1188試下，點知中伏（睇上圖）其他野樣樣都ok好食，依隻咁嘅（水魚蟹）佔左全張單一半價錢響鈴都好新鮮五寶丸總括黎計樣樣都好食，除左隻蟹，如果唔係隻蟹 同 好似俾人當水魚咁，我會再去

介紹朋友嚟打邊爐，果然冇令人失望，有book位唔使等位，用了新鮮，價錢合理，服務好好，活魚刺身，新鮮大大隻鮑魚，肥牛，響鈴，皇帝菜，龍蝦湯底。我覺得好正！鴨紅也很特別，皇帝菜好新鮮，黃金炸魚皮好味，但唔夠熱，黑松露餃子，手打牛丸，都係好好食新鮮。原隻龍蝦湯底同佛跳牆湯底我食過都好好味！食完活魚刺身仲可以攞嚟打邊爐，冇得輸。朋友食過都話好正！地方雖然大，但環境坐得舒服，服務好好好細心。下次一定再來過！

雖則一早寫晒菜，但都等左好耐先有得食。 雞油花鵰煮水晶蟹 - 賣相好似麻麻，白雪雪咁，以為淡而無味，點知食落好鮮甜，花鵰仲提升左佢既甜味，蟹既底層係烏冬，食完大大隻蟹後，將蟹膏加到烏冬一齊食，超正! 牛肝菌炒元貝 - 元貝超大粒，咬落去好新鮮，啖啖肉，其實食材新鮮，簡單一煮已經好好味! 椒鹽蝦 (薯片底) - 可能我唔食辣，呢個對我黎講實在太辣，蝦都新鮮，薯片底亦好特別。 火焰砵酒蠔 - 先用錫紙包住，再用火燒熱佢，d蠔大大隻，d酒亦燴到入晒味! 菜心炒牛肉 - 簡單小菜竟然賣相同味道都依然出色!

朋友生日 今晚一行六人，跟大隊去咗九龍城打邊爐 ，今次幫襯咗原來有27年歷史嘅厚福館，喺門口已經見到大大個魚缸，有好多海鮮 ，最搶眼，就係大大隻白色嘅水晶蟹，入到去，睇到張點菜紙仲嚇親， 超多款式 ，湯底都有成二十多款， 今晚就點左水晶蟹4食， 有法式凍食丶 杜糠酒凍食丶 芝士黑松露丶 花雕蒸 ，最吊癮都係杜糠酒凍食，醃得很入味，酒香滿溢！還有店長推介的馬來西亞河魚王-巴丁魚 ，佢話全港獨有 ，因為條魚有成四斤幾，就決定分開用咗三種唔同嘅烹調方法 ，分別有清蒸 丶封煎 、炆。 味道各有特色，呢條巴丁魚，魚油豐富，肉質嫩滑，有驚喜。 仲有條飛彈魚刺身，鮮甜無比。打邊爐又點少得牛牛 ，今次叫咗三拚 ，有頸脊丶封門柳及邊抓位，封門柳最難忘，牛味超濃，原來一隻牛只得一少部份，激罕！今晚味蕾大滿足

近日天氣終於有點涼意，吃火鍋大可不必開著空調，真是舒服多了。九龍城食肆一向夠多，除了常見的泰國菜外，火鍋店都不少，今次朋友飯聚，就選了厚福館。其實餐廳在同一條街分佔兩個舖位，約朋友時切記講明邊一間，以免行錯地方。餐前小食是雞腳及木耳，雞腳炆得起膠，個人幾喜歡，但木耳真的太酸了。仗著人多，先來四人的蒸氣火鍋餐（$360/位）1. 4隻精選生蠔 可能細膽，一向只吃即開生蠔，還是給朋友享受。2. 4匙馬糞海膽刺身份量十足，而且入口即化的感覺，令人很滿足。3. 時令蜆類一份(蒸三分鐘)雖然細隻，但食落無砂，肉質又嫩。4. 4隻大扇貝  (蒸四至五分鐘)扇貝啖啖肉，但似乎蒸得太耐，肉質有點韌。5. 海中蝦一份 (蒸三分鐘)蝦肉鮮甜爽彈，未蒸時蝦腳郁郁，看得出的新鮮。6. 4隻深海琵琶蝦 (蒸四分鐘)琵琶蝦比龍蝦更少機會食到，論肉地比教削，但肉質較甜，還是不錯的。7. 炸菜拌滑牛一份 (蒸三分鐘)真的建議伴白飯食，牛肉滑溜，就算不蘸點豉油都已經好惹味。8. 雲耳滑雞一份 (蒸八分鐘)另一款蒸雞，亦同建議伴飯食，不過雞肉蒸得過了火，肉質有點結實。9. 精華海鮮湯泡飯/懷舊銀針粉客人可以任選其一，海鮮

老字號的店鋪，通常質素有一定的保證。不知為什麼，當你坐下來，看著餐館的環境，已給我一份十分安心的感覺，可能這就是老店帶給我的一種安全感吧！店內的座位不算多，只有約十多張長桌子， 座位與座位之間的空間還十分寬闊， 以主打火鍋店的店舖來說，這樣的座位安排真有點奢侈， 因為食客享用火鍋的時間應較一般餐館長， 很多火鍋店也因為這個原因而在店內設很多桌椅， 務求做到最多的生意。不過這裡似乎沒有按著這個原則而佈置桌椅， 讓食客可以在舒適的空間享用火鍋。 0 讚好火鍋配料的選擇極多，你可以見到在餐館的門外有很多游水的海鮮，各種各樣的魚蝦蟹彷彿在跟你招手一樣。而店內的餐牌和點餐紙的選擇也較一般的火鍋店多很多，由貴價的以至價格相宜的也有，任君選擇。以湯底為例，你可以選擇高檔的佛跳牆鍋，也可以選擇普通的清湯鍋， 豐儉由人。

第一次食靚生蠔以外嘅野都完全感受到個「鮮」字第一次食鮑魚刺身 超級新鮮啊我點麻油食 口感帶滑 好正 又唔會搶左鮑魚本身既味完全人會有任何腥味 相對熟鮑魚味道會更加出入面有好多唔同材料 好足料 有雞/火腿/翅水準完全超出想像 超好飲啊最少飲兩碗  所以材料都好好食 雞汁味夠濃 但唔係一般既味精湯 一次過試六種唔同部位 連極少食牛嘅我都忍唔住試本身唔太鍾意食牛 因為覺得有陣味 平時打邊爐只係嗌肥牛 但係呢個牛肉塔可以試得出牛唔同部位既味遁好好味啊 大家都同意再嗌多碟呢個真係超值得一試 完全冇油膩平時餃子餡都係豬肉多 呢個餃係有 D菇味道會比一般餃子濃味 似外國風味既餃子蟹膏蛋白配烏冬 烏冬唔係傳統圓條個d 係比較幼身 食落有質感好多 本來以為會比較淡 原來酒味都出 如果單係蟹膏會濟 但加左蛋白食落會輕盈d第一次打邊爐食黑毛豬 肉同油既分割都好平均肉質係比較嫩身關係 食落唔會覺得好油配湯底食好味過配豉油 豉油會遮左肥肉既味

應朋友的約, 他只告訴我們地址, 究竟是吃小菜還是火鍋?到達時已看見朋友們正在邊吃邊等, 檯上各有兩樽飲品, 他們竟然不喝啤酒只喝店家自己煲的竹蔗水及酸梅湯, 酸梅湯好生津, 真的會覺得口水多了。點了兩碟生醃螄蚶來吃, 其實兩碟對大家來說也是剛好而己, 尤其是......店家提供了這個開螄蚶的專用器, 容易開容易吃, 螄蚶醃得入味, 不會太鹹並帶甜味, 好吃!深海水晶蟹(凍吃)生長於深海水域, 陽光中紫外綫因無法透射而令蟹殼出現白化現象；再者是因深海的壓力讓水晶蟹的蟹殼偏薄並吸收了海水的鹹味, 從而令水晶蟹的肉質較其他蟹鮮甜、嫩滑。  店家把水晶蟹起肉, 肉是一梳梳的細緻、有彈性, 吃是吃蟹的原味加上矜貴的蟹籽及金箔。圓滾滾的炸雲吞, 金黃酥香, 內餡含肉及蝦肉, 裹得飽滿, 蘸甜酸汁同吃會醒胃解膩。黑胡椒炒波士頓龍蝦波士頓龍蝦以一雙雪白的龍蝦肉大鉗而聞名, 黑胡椒的炒法是滿有新加坡風味, 惹味十足之餘更吃出爽口有彈性又不失其原味的黑胡椒炒波士頓龍蝦。

一向知道九龍城多野食，但就從來都沒有在這裡吃過火煱，厚福館原來於這區同街有2間分店，主要以刺身、火煱為主食，今次難得到九龍城，就一試它的風味吧!門口有很多新鮮海鮮店內座位偏中式感覺，而這間店還有私人房間，一大班人吃就可以靜一點用膳了。因吃火煱關係，可以自己調配喜歡的醬汁。1.三文魚腩刺身 $982.活石蚌刺身 $3283.南非拳頭大鮑魚刺身 $428吃火煱前先試一試這裡的刺身，想不到整個拼盤都弄得很精美，份量又適中，三文魚最好吃，新鮮又鮮甜。活石蚌刺身就切得很薄，口感還好。鮑魚刺身就很大隻，但我覺得一般。火煱還未來，就先吃一口小食，非常香口，而且黑松露味道非常重，朋友們個個吃完都讚好!火煱底來了，這裡特別在是先喝湯，再用來吃火煱，一開始以為湯都是很普通沒甚麼味的湯底，怎料非常驚喜，整個湯雖然上到才倒進去，但湯是一早弄好的，而且非常濃郁，非常有雞味，不過偏咸一點。湯料都非常豐富，真的有翅呢!喝完湯就開始吃火煱，先吃最愛的牛肉塔，一共有幾款不同部位，還是最愛牛肉粒，味道最濃最香，就算煮久了很是很嫩口。這個豬肉很好吃，一樣十分香濃，有別於平時在外面吃火煱的豬肉，比較有咬口又不會太難咬!脆肉鯇

好久沒和中學同學們一起吃好西, 今次有人生日, 當然成班一起去打邊邊啦~來到這間厚福館, 不過差D 去錯地方, 今次我地去佢新舖大D 有房可以成班人在房度打邊邊打邊邊之前先來個刺身船啦~南非拳頭大鮑魚刺身 (HKD428), 切了片的鮑魚刺身, 鮮味及口感十足, 十分彈牙三文魚腩刺身 (HKD98),十分新鮮之餘魚油豐厚活石蚌刺身 (HKD328) , 味道就比較清厚福翅煲雞 (HKD298) 這個是打邊爐必食之一, 新鮮雞加上大梳大梳的翅, 竹笙及金華火腿, 加上秘製高湯, 等佢煲下先, 之後煲滾後飲埋個翅煲雞湯就可以開始打邊爐啦~不過等的時候食下其他野先, 炸午餐肉 (HKD48), 外皮非常脆薄之餘入口香口熱辣, 與平時吃的不同, 正~香炸黑松露餃 (HKD156), 這個是我們encore 再encore 的, 非常香濃的黑松露與餃子含料混合, 加上新鮮鮮炸, 香噴噴, 野味非常好啦, 厚福翅煲雞湯飲得, 雞味濃郁之餘, 加上竹笙, 翅, 及魚可等, 骨膠原超豐富可以開始大邊爐, 當然唔少得叫牛啦~ 牛肉塔 (HKD498) , 用上本地牛及牛的不同部位,每個部位都有不同的質感

自1990年便已在九龍城開業的「厚福館」，多年來見証著九龍城的變遷。雖然附近的食肆此起彼落，有的進駐此區不久，有的早已消聲匿跡，始終屹立不倒，而且除了位於南角道73號的老店外，還有位於同一條街上42號的新店。而這一夜，我就與數位新知舊雨一起來到這間「厚福館」分店吃了一頓豐富的晚餐。先上「刺身」，厚切三文魚十分肥美，切成花狀的巨型鮑魚冰凍爽口，原條石蚌刺身爽甜新鮮，為這晚餐帶來一個好開始。數款小食，以「秘製黑松露餃」最為出色，不但夠香，也夠好味，而且炸得香脆不油，必試。「香煎午餐肉」煎得甚香，不讓黑松露餃專美，淺嚐一件，感覺亦佳。要讚的還有那真材實料的「厚福翅煲雞」湯底，魚翅、老雞、金華火腿、竹笙、魚唇等材料盡在其中，倒進雞湯之後，讓我不禁連盡兩碗，大感滿足。吃火鍋怎能沒有現牛肉，我們這夜索性來個大堆頭大製作的三層「牛肉塔」，塔上除了各個常見的不同部位的牛肉，好像牛肩脊、牛腱等外，就連牛舌、牛胸油都有，新鮮的牛肉，不用多說，已是好吃的保証。這兒各款火鍋必備的肉丸也有水準，當中尤以坊間少見的「豬肚丸」給自己留下最深的印象。這特別的「豬肚丸」除了有豬肚的味道外，也有豬肚的彈牙口感，我覺得挺好

三十年歷史的老牌火鍋店, 舊店在南角道角位, 即賈炳達道交界, 雖說是三十年, 但此店仍未算最舊, 還有其餘三間, 分別是姓方, 姓合,  姓東的老牌店, 鐘意食火鍋的人, 一定知吧..., 這間屬新裝修分店, 在同一條街, 較近衙前圍道, 地面店鋪不算大, 但有幾層, 客來客往, 甚多生意, 來到門口, 店員帶我們上兩層高的樓上雅座, 屬於八人座位的房間.友人落單, 先叫小食, 天氣淡熱, 今天不酒, 先來竹庶水, 清涼, 甜度低,  啱晒健康現代人...店員放了兩個工具鉗係檯面, 聚眼看來..., 好似公司電腦強哥隻"網絡線鉗", 攪邊科? ... 應該係...火鍋網絡工程crossover.... 應該係...第一碟小食上檯, 鮮醃螄蚶 ($68), 老一輩上海人, 最喜歡吃生醃黃泥螺, 間中也會用醃螄代替黃泥螺, 這碟生醃螄蚶, 勾起了兒時回憶..., 這碟加了魚露的螄蚶, 味道更勝一籌. 網絡線鉗, 終於開估, 大派用場, 前端有兩塊金屬片, 把它壓入螄蚶殼頂, 然後手柄一握, 因槓桿原理, 不需太用力, 螄蚶的殼, 輕易爆開. 已查過, 淘寶有售, 人仔十元至廿元不等, 咁

香港人愛吃打邊爐已是不爭的事實, 所以有不少火鍋店分佈在各區, 當中九龍城一帶的火鍋店比較集中, 這晚就約了幾位朋友齊齊來到這間位於九龍城的厚福館新分店, 聽說這裡除了火鍋之外, 還有多款海鮮供應, 一於來試試幾款招牌菜。新店的裝飾較有和風味，店子分開地下和閣樓兩層,除了地下中間位置的圓形卡位外，還有樓上的散座及好幾間貴賓房，如果想舒舒服服的坐下吃火鍋，這裡真是不錯的選擇。這晚我們安排了坐在樓上的其中一貴間賓房，待人齊後火鍋聚會便正式開始。先來兩味小食打頭陣, 炸雲吞是非常脆口的，喜歡其豬肉下得夠多，有口感又較鮮美。炸魚片頭也是炸得脆口。炸雲吞和炸魚片頭都是跟甜酸醬的，配合甜酸醬來吃就更加醒胃, 個人而言是喜歡炸雲吞蝦多一點。當然要試試海鮮項目, 來個重頭戲的深海水晶蟹兩食, 先來凍食深海水晶蟹, 把蟹拆肉後, 再在面頭鋪了些魚子, 令賣相更美觀, 蟹肉味道夠鮮甜嫩滑,配合魚子同吃也加強了口感。再來花雕蒸深海水晶蟹, 這裡供應的水晶蟹也算大隻，十分好肉也兼實肉，味道同樣鮮甜嫩滑, 墊底的烏冬索了蟹的鮮味後,是不可錯過的。另一味海鮮就選了黑椒炒波士頓龍蝦，用了黑胡椒配合新加坡式炒法來做,

鍋毋須等到冬季才吃到，一年四季隨時走到火鍋館食都無問題。位於九龍城的厚福館，是今晚火鍋晚餐的聚腳點，一於刷番餐。在門外已見兩個海鮮缸，盛載了不少海鮮，其中一個滿是大大隻的蟹呢！來自澳洲的水晶蟹，有兩食，分別為花雕蒸深海水晶蟹（九百八十八個大洋）及凍深海水晶蟹（八百八十八個大洋），前者微微散發出花雕香味，令蟹肉鮮味得以提升，凍食則加以金箔及蟹籽，令水晶蟹更具矜貴，同樣地蟹肉更顯鮮甜美味。惹味自製薯片炸海皇（八十個大洋）。薯片是自家即炸，固有新鮮及香脆的口味，而海皇則包括魚和蝦，用上蒜子等香料炸起，入口酥脆而不油膩和乾身，食起來又係幾惹味的。今晚火鍋的湯底為火焰醉海皇湯底（一百九十八個大洋），火鍋的湯底實是不可缺少，尤其湯料，有蝦，魚肉等海鮮，再配上蕃茄粟米等配菜。當湯底滾起後，加上白蘭地，令湯底出現火焰，熄滅後再煮一煮，令湯底有種白蘭地的香味透出來。喝一口湯，確實是有著鮮的鮮甜味道。雙併鮮丸（一百零八個大洋）包括手打墨魚丸加芝士及手打鮮蝦丸，前者除了有煙靱口感外，還有一層半溶芝士在內，令墨魚丸有固態和流質的雙重口感，令人一試難忘；後者則爽口彈牙，亦是必食的丸類。另外，還有鮮魚皮餃及自製雲

熟我阿P的人都知我係一個牛魔王加邊爐怪，而識阿J的亦清楚她的口味很喜歡健康清淡同原味。但試問麻甩打邊爐又點會清淡？就係因為呢㸃，搞到阿J好多時都唔多願join我的邊爐局。今日PJ 到九龍塘探望友人新居入伙，順道到九龍城的厚福館開餐，我心唸今次發達la，去厚福館即係可以食佢地d靚靚本地牛加正爆湯底，點知朋友話佢呢排熱氣生"痱滋"，加上聽聞厚福館的蒸氣火鍋都唔錯，話不如今晚唔好烚下烚下，試下蒸的好唔好？我都未來得反應，阿J已經一口答:好！既然係咁，今晚一於試吓令阿J可以食得到清淡原味的蒸氣火鍋喇。睇門面有咁多靚靚魚缸，就知道厚福館都好主打海鮮吓，而這個四人份量的蒸氣火鍋套餐(每人$360)超過一半都係海鮮。這個套餐最震撼的地方是每位都有一隻生蠔及馬糞海膽，生蠔頗大隻，味亦鮮。海膽份量頗多，雖不算是頂級鮮味但都非常新鮮，味道絕不比刺身專門店遜色。到清蒸系列，包括時令蜆、大扇貝、海中蝦、鮑魚以及深海琵琶蝦。海鮮只要夠新鮮，清蒸就最鮮甜，這個蜆，嫩同鮮，講完。至於蝦，海中蝦夠哂彈牙大隻，頭內的蝦膏亦多。琵琶蝦肉嫩，但我還是較喜歡龍蝦的啖啖肉。大扇貝夠哂厚肉大隻，特別一讚清蒸的時間剛好，令到帶子鮮