大公別館

營業中

休息中

朋友同我都火鍋癮起🍲，喺ig見到中菜出名嘅大公館開左火鍋店----大公別館~同朋友快快手去朝聖先😏~大公別館位於荔枝角D2 Place，所以交通都好方便呢👍🏻!!!!根據地址，原來係大公別館係隱藏喺大公館入面😲。當你見到呢個紅色大門，就無去錯地方。喺店員引領下，到了大公別館。裝修中國華麗風🧧，空間寬敞，座位舒適!!!!📖菜單種類都唔少，而且有好多自家製嘅餐點。🌶川蜀麻辣鍋🌶作為麻辣嘅狂熱份子，必點🤩四川式嘅麻辣果然強勁📈，刺激口水分泌之餘，帶有花椒麻香，嘴唇有少少刺刺的麻痺感。好爽好過癮呀😝🐔花膠濃湯雞鍋有刺激嘅麻辣鍋，當然要個溫柔嘅花膠雞鍋滋補下呢🥰～鍋底好足料，花膠份量唔少🤗，湯底味道濃郁，養生美顏，女士必選🤭~本地新鮮牛頸脊🥩油花分佈均勻，鮮紅肉色，好誘人😍!!!喺滾燙嘅麻辣鍋中燙幾下，牛頸脊肉味香濃，麻辣提味💗，肉質軟嫩，好味~🍶花雕鮮雞件雞件份量唔少，帶有淡淡花雕酒香氣🤤，雞肉彈牙唔鞋~唔介意湯底有花雕味，可以連同醬汁倒入湯底，湯底又多一種酒香層次👍🏻👍🏻!!!招牌四寶丸🍡🥳令人有驚喜!! 🌑烏卒卒嘅以為係墨汁墨魚丸，點知原來係脆骨烏雞丸，雞丸入口綿密，脆骨增加口感，好味又滋

近排真係勁熱，感覺好似仲熱過上年咁，雖然真係熱到飛起，但都阻擋唔到我想打邊爐嘅心🥲 打邊爐呢啲野梗係要班人先開心，所以我就誠意邀請baba mama 一齊去happy shares 啦🤩 為表誠意，我搵左間近排係IG周不時都見到嘅餐廳試下，以前黎過大公館幾次都係飲茶，打邊爐都係第一次其實都係同一個位，不過就隔開左一個位做大公別館，專門係做打邊爐嘅，裝修一如既往帶有奢華風❤️我想食麻辣鍋個屋企人唔食得辣，好彩可以鴛鴦鍋，一次過滿足晒大家嘅願望！川蜀麻辣鍋/花膠濃湯雞鍋麻辣鍋唔會太辣得黎夠香！好正，大家都handle到，用黎淥牛肉超正！花膠濃湯鍋個湯真係好濃，我地每人都試左幾淡先開始打邊爐，大大舊花膠好厚肉🥰雞件好新鮮，花雕酒味好香👍👍👍招牌四寶丸見係招牌所以就叫黎試下🤣分別係脆骨烏雞丸，芥末豬肉丸，芫荽牛肉同芝心墨魚丸。最中意係芝心墨魚丸，不過食個陣要小心辣親，脆骨雞肉丸都好食，因為食個陣會Sop Sop聲😆好有口感本地新鮮牛頸脊❄️雪花好靚，食落淋滑牛味濃，好中意食牛頸脊，因為通常比美國肥牛厚d，食落juicy 好多😆豆腐紙好少見嘅item ，輕輕一淥就食得，食落有少少似滑lulu嘅腐皮鮑

店鋪位置十分之方便, 係地鐵站D2出口行3分鐘就到! 一入到門口店員好有禮貌咁帶位 店內裝修高檔 枱與枱之間都有好大距離 坐得好舒服, 店員亦都好細心咁準備左圍裙同口罩袋比我地用.坐低冇耐店員就放低調味盤比我地 調味料應有盡有!有 黃椒醬、炸蒜蓉、蔥香醬、蔥花、沙嗲醬、蠔油、辣椒、芫荽、蒜蓉我地簡左鴛鴦湯底, 一半係川蜀麻辣鍋 另一邊就係花膠濃雞湯鍋, 湯鍋同雞係分開上, 店員建議我地可以先飲一碗湯後先再放入三黃雞, 清湯好鮮甜 飲得出唔係味精湯 加入三黃雞後就變左香濃既雞湯.本地新鮮牛肉/牛頸脊牛肉雪花分佈平均 入口都好鮮嫩 好食!美國極黑和牛封門柳牛肉味相對本地牛重牛味少少.招牌四寶丸四款丸分別係 芝心墨魚丸、芥末豬肉丸、脆骨烏雞丸、芫荽牛肉丸芝心墨魚丸好好食 入面會有流心既芝士! 其中脆骨烏雞丸就最特別 第一次食 入面加左雞既軟骨 口感唔錯.鮑魚雞肉餃子幾特別, 入面真係有粒大大粒既鮑魚 好彈口, 一食就知千層腐竹入面有好多層腐竹 吸湯之餘又食得出佢既層次感 值得一試手打魚腐口感好滑同軟熟 不過冇乜味 要配埋調味料一齊食另外最後叫多左個淮山麵同時菜食打邊爐點都要食個麵同時菜最後甜

大公館出名中菜 今次試左新開別館火鍋 同一位置分左兩邊今次叫左鴛鴦湯底$328雖然比較貴但真材實料 一次過滿足曬兩個願望 分別係勁足料花膠湯 同蜀辣麻辣湯底 係打邊爐前可以先試下花膠湯既鮮味非常濃郁 滋補 花膠爽軟彈牙 蜀辣湯底 嗅落去好重辣椒味 但食落估唔到唔食辣嘅人都食到 湯底仲有鴨血 單點火鍋料比一般放題高質今次叫左幾款火鍋料美國極黑和牛封門柳 $288 大大碟高質抵食 色澤賣相都滿分牛味濃 厚切但唔會韌本地新鮮牛肉 $238 美國同本地既牛肉都好新鮮 本地既牛肉肉質比較軟 牛味相對無咁重 都係大碟抵食推介鮑魚雞粒餃$68稀有配料 每隻都有彈牙鮑魚貨真價實 皮都算薄值得一試招牌四寶丸$128 丸類黎講雖然有d貴 但擺盤同味道都值得的 分別係芝心 墨汁 同兩隻特別味道既丸 最好食係流心芝心丸 勁濃芝士味 其他配料都好抵食 除左食物質素好 員工既服務都非常值得一讚無論上菜 收碟 換碟 加湯 介紹食物 都好主動熱心幫忙 呢樣真係加好多分加上環境清靜 枱與枱之間距離非常充足 適合一班朋友慢慢打邊爐傾計

雖然成日30幾度，但係打邊爐始終係好多香港人鍾意做嘅嘢，耐唔做就好似吊癮咁，所以都係想打一打。但係平時打邊爐嘅酒樓又好似唔係好乾淨，所以就上網search下，發現到呢間係d2place 既別館。上到去睇吓個Menu，唔太平(係最後發現呢份係好抵)，但要乾淨就一定有d 付出。但當然，都唔係話貴到唔可以接受。俾貴少少所有野同酒樓真係好唔同。淨係睇過調味盤都已經夠氣派，井井有條，入邊嘅嘢唔似放咗好耐，最深刻係炸蒜，佢唔係普通嘅炸蒜，佢係有蒜香油！超正！當然仲有口水肩俾埋你今日叫咗個麻辣湯底同埋花膠湯底鴛鴦鍋佢個麻辣幾好食，佢實質唔係好辣，但係好香，入面仲要有鴨血！知個鴨血係幾好食嘅！所有叫嘅肉都好新鮮！好好食新鮮既肉固然係好食，但係啲副食品，都有另外一番風味。依一個魚腐，我未試過喺出邊食過呢個口感，佢係好軟，但又好爽，好特別，好唔好食。依個千層支竹又係不得了，掉咗落去麻辣果邊之後，朔晒啲汁，一野咬落去，口腔充滿香香嘅麻辣味！正！最後係後面嗰個麵，煮完之後加啲沙嗲汁(佢個沙嗲都幾好食)，再加啲高級牛肉，即刻變咗講高級沙嗲牛肉麵🤓🤓埋單四條友千六蚊，一定係比起普通酒樓貴咗啲，但係點解我會發現係抵

今晚約左荔枝角返工嘅frd 食飯，發現之前黎過食高質中菜嘅大公館開左間別館做火鍋，即刻好想黎試下，睇下有無中菜一樣咁正。個場有d 高級私竇feel，有酒吧，座位好闊落。醬料都幾吸引，最正有炸蒜，沙茶醬勁香，仲有好少見嘅自制香蔥油，醬料開始已經有驚喜。叫左麻辣鍋同花膠濃湯雞鍋，個湯頭真係超香濃鮮味，每人先飲返2碗，花膠好足料，雞肉好嫩滑，非常推薦。封門柳肉質比較嫩，肉紋分明，近肝臟位置所以有香濃嘅肉香，打邊爐很適合。手打魚腐望落平平無奇，但食落就有驚喜，好似食緊棉花糖咁嘅口感，彈牙嫩滑，食多2舊都得。原隻醉雞，花鵰味香，夠入味，雞肉鮮嫩彈牙。仲有一輪蔬菜同豆品大戰，最後黎個爽滑淮山麵，吸哂湯汁精華，撈香蔥油黎食真係飽到癲。甜品試左椰香雪芭，好有椰奶香味，份量唔少，2個人share 1 個都無問題。整體黎講真係高質邊爐，仲見到隔離枱開左條象拔蚌刺身，真係流哂口水，出bonus 個時要再黎豪一次

最近從朋友口中得知大公館嘅別館有打邊爐，所以放咗工之後約埋同事一齊嚟試吓，別館嘅環境寧靜，舒服，而且有啲似西餐廳。我哋一坐低，職員立即為我地送上水同埋醬料，服務態度好好。我哋一行四個人叫咗一個冬瓜米皇海鮮窩，呢一個湯底超級無敵推介，由於有好多海鮮同埋瑤柱喺入邊，所以十分鮮甜，就算係用黎打邊爐嘅湯底我哋都忍唔住飲咗幾碗。跟住我哋都叫咗好幾樣材料用嚟打邊爐，大家一致認為美國極黑和牛封門柳最值得叫，因為和牛嘅油脂分佈真係好平均，涮幾下就熟，而且啲肉都好嫩！仲有自家製千層枝足都好值得推介，口感有啲似響鈴，但係冇響鈴咁薄，咬落口感十足。食到最後仲有兩個淮山麵，面嘅質感到唔錯，唔似cheap嘅面，如果食量大又或者男仔都建議可以叫！

夏日熱辣辣，作為香港人，同朋友仔打邊爐 都係必需嘅呢間餐廳裝修雅緻，每個地方都有懷舊老香港嘅味道到咗餐廳一坐低，店員就已經拎咗醬油碟畀我哋混醬九宮格嘅醬油碟什麼都不缺：有生蒜、炸蒜、辣椒、芫茜、蔥、沙爹醬、麻油等等因為行到熱辣辣，所以即刻叫咗杯嘢飲醒醒神：陳皮話梅梳打，飲落酸酸甜甜好清新，相對上朋友叫嘅酸梅湯就冇咁特別 牛頸脊超靚，雪花好均勻。肥美得嚟厚薄適中，淥2淥就食得，絕對係全場最搶手嘅一碟肉肉切嘅大小剛剛好，味道比起平時食開嘅牛小排，牛肉味更濃 雞湯底除咗清湯之外，基本上係半隻雞斬件上，好足料花雕雞件味道清香，肉質嫩滑，落完之後個湯頭好甜，認真食落仲有淡淡酒香 呢隻菇叫黑松茸菇/鉛筆菇，食落爽口有纖維，而且索湯鴨血都夠嫩滑，咬落嘅每一片都唔會羶 四寶丸有驚喜，白色嘅墨丸中間包咗芝士， 芝心嘅效果熱辣辣流出嚟黑色嘅墨魚丸加咗墨汁，入面仲食得出有啲脆卜卜嘅脆骨豬肉丸包咗啲薑蓉，好彈牙，會爆汁牛肉丸就加咗啲青，好似山竹牛肉會落嘅芫茜 白雪雪包到好似玫瑰花嘅係牛胸油，珍貴程度係每隻牛得一塊食落好彈牙，屬於牛嘅筋膜，唔係脂肪，所以食完都唔怕肥千層枝竹好好食，放入湯裡面，保留到半脆半淋嘅口

呢間位於D2 place one 10樓的大公館除左係一間中菜館之外，仲係一間精品火鍋店。上到10樓一出電梯已經見到正中的大logo，仲有左右兩邊對稱的紅色門。而餐廳內中式的設計以柔和的黃光為主調，亦有多個包箱，感覺安靜舒服，成個人都變得優雅左。我們4人點了🍲鴛鴦湯底 ($328 / 川蜀麻辣+花膠濃湯雞鍋) 川蜀麻辣點了小辣，麻香十足，怕辣人士慎選! 而花膠濃湯則十分滋補，上鍋時附有半隻雞待湯滾後才加進去。雞湯鮮甜，雞肉新鮮嫩滑，花膠亦有一定厚度，初吃時比教爽口，之後吃則比較黏淋，而湯底亦愈煮愈稠，更加濃厚。餐牌上的食材選擇多，我們先點了 🥩一份本地新鮮牛頸脊 ($238 / 一份) 及 美國極黑和牛封門柳 ($268 / 一份)，牛頸脊雪光分佈平均，入口油香十足，口感爽嫩❣️ 而封門柳相對比對油分較少且較薄，但口感出奇嫩滑，牛味亦重。兩款牛都十分推介👍🏻👍🏻👍🏻除了牛肉外, 還點了其他的配料🍡 招牌四寶丸 ($128) 必點💕 每款2粒，分別為脆骨烏雞、芥未豬肉、莞茜牛肉、芝心墨魚丸。烏雞丸雞味濃，內有少量軟骨，爽口彈牙；芥未豬肉丸肉味重，內有薑蓉；牛肉丸則莞茜味重，食落有輕微皮蛋

難得帶阿爸阿媽出去食，梗係食好啲啦🤣🤣佢啲嘢食真係好高質👍🏼👍🏼環境都好高檔！我哋企咗喺門口一輪先諗緊係咪去啱地方🤣🤣調味盤好精緻好靚，有中國宮廷風🤣當中我覺得沙嗲醬同埋麻油最出色👍🏼心大心細就叫鴛鴦鍋，有花膠雞湯同胡椒豬骨湯👍🏼👍🏼一上嘅時候店員話可以飲咗湯先打邊爐！個花膠雞湯味好特別，同平時嘅有分別！最鍾意胡椒豬骨湯，辣得來有粟米嘅甜味！最正係兩個都有肉有菜！！花膠雞湯直情比成隻雞你添😍個雞超好食😋美國極黑和牛封門柳 $288肥肉均勻，而牛味相對重！佢份量超多，性價比高👍🏼👍🏼另外再叫咗本地牛頸脊做對比🤣有分別！我反而鍾意本地牛多啲🤣有咬口！仲要有肥肉係邊，相對肥美好多😋鮑魚雞肉餃子 $68入面真係有一粒粒嘅鮑魚㗎！！唔算好大驚喜，不過不失！！招牌四寶丸 $128值得推介！！豬肉丸同墨魚丸係流心㗎！！！豬肉丸入面係薑汁，成個配搭好新鮮好特別👍🏼👍🏼👍🏼墨魚丸入面係芝士，好得意！！墨汁丸反而係my fav!!!!佢唔知點解有雞軟骨嘅咬口同味道😚👍🏼👍🏼淮山麵 $38健康之選👍🏼不過要煮耐少少會好食好多🤣最後最後一定要食佢個意大利椰子雪葩，超好食😋真係有椰子係入面超好食😋香港好少有得食

反工咁攰，收工梗係要慰勞吓自己！同屋企人去咗個交通都好方便，又近大家收工既地方打邊爐！😂係荔枝角地鐵站D2一出就對住既D2 place 1期，餐廳係10樓，商場有𨋢直到架啦！！一入到去見到環境好舒服，職員都好有禮貌好helper，餐廳有好多廂房，好適合唔同既團體或者一班親朋戚友黎，私隱度高👍🏻坐底先叫湯底，我地叫佐個鴛鴦鍋，一個係微辣既胡椒豬骨湯底，另一個係花膠雞湯底，一個惹味，一個滋補！一個字，正！😂之後叫佐幾個火鍋野食，高度推介有牛頸脊，牛封門柳，四寶丸同准山面！牛味重得黎一d都唔‘蘇’！😋😋四寶丸有驚喜，有2款入面有流心餡，邊2款就交由大家去發現🤣最後叫佐個椰子雪皅下打邊爐既火😂椰子味重，一d都唔覺得heavy，椰子控必試！總結，必來！反食之選！

聽朋友講大公館開咗打邊爐🍲，聽到之後二話不說兩個就決定咗book位，餐廳入邊嘅裝修同平時大公館差唔多，不過有少少西式都有夾雜中式😂我哋嗰日平日7:00左右去到，眼見都仲有位置可以坐。1.首先我哋點左一個「冬瓜米皇海鮮湯」（呢個湯味道好鮮甜，冬瓜又清甜再加埋海鮮嘅味道，湯底已經包左四個鮑魚、帶子、蝦、蜆）2.黑和牛封門柳（呢個牛好香，油脂分布都OK，有少少咬口，整體都唔錯）3.牛頸脊（味道都唔錯，細細舊）4.牛胸油（呢一款真係睇個人口味，我朋友話好正，但我就覺得有啲油膩）5.招牌四寶丸（啲丸肉質彈，其中白色嗰粒仲有留心芝士😆）6.自家製千層枝竹（好有口感因為真係好似好多層，所以相對來講如果你煮得唔夠林嘅話就會硬身啲）7.手打魚腐（口感有啲似豆腐，因為林林地，味道都淡淡的）8.意大利椰子雪芭（有啲似椰汁味嘅雪糕，中間有一粒粒椰子🥥相對味道比較甜，但整體味道係好味😋）

我同朋友都非常志同道合 - 中意大熱天時打邊爐、凍冰冰食雪糕~ 今晚就約左個好朋友打邊爐，未泥食之前都唔太覺D2 Place有間咁古色古香既餐廳。先黎既就叫左杯特飲 - 話梅梳打。為陣間既麻辣湯底做好準備。一邊麻辣湯，一邊椰子花旗參雞湯。個湯入面都好多材料下，我地食到尾都有食到D湯渣，唔好哂~ 咁多火鍋配料當中，最印象深刻有以下呢幾款:1. 醉雞件: 非常入味, 即使放入火鍋湯底煮，拎番上黎食仍然充滿酒香味！2. 牛肉牛頸脊: 打邊爐點可以冇牛肉呢! 好林身亦好香牛味，厚薄平均3. 手打魚腐: 個口感好新奇得意，食落好似棉花糖咁滑同軟熟4. 鴨血: 近期火鍋配料大熱，我自己亦都係鴨血fans，份量多而且口感軟硬度恰到好處最後以椰子雪芭作結，非常滿足！

大公館既中菜平時都會同屋企人黎食飯同飲茶，聽到佢地新開左火鍋叫大公別館，特登揀父親節同屋企人去試一試我地揀咗鴛鴦鍋 - 川蜀麻辣鍋同天麻魚頭棉花鍋 一黎到已經聞到好香既麻辣味，服務員建議打邊爐之前可以先試飲一碗湯試下佢地湯底既原汁原味先魚頭棉花鍋會跟一碟魚頭另上，裏面既棉花原來是自家製魚腐，咁我地就每人試咗一碗魚頭湯，我地不約而同講咗句「嘩～好鮮甜」個湯底真係好真材實料！配料方面由於我地係食肉獸，我地分別叫咗兩款本地手切牛 - 牛頸脊，池板同牛胸油牛頸脊入口鮮嫩，雪花分布平均池板牛味相對比較濃牛胸油口感好特別，好爽口 (淥幾秒就可以）另外再試左佢地推介既招牌手打四寶丸 (脆骨烏雞丸，芥末豬肉丸，芫荽牛肉丸，芝心墨魚丸）。當中烏雞丸最特別，出面真係未試過，烏雞丸裏面加咗雞軟骨，口感好豐富，我地之後仲追加左一碟平時打邊爐一定會食響鈴，佢地服務員就介紹左可以試吓自家製千層枝竹裏面係十幾層既枝竹，超級吸湯，忍唔住食左三四件另外亦其他配料西班牙黑毛豬腩，紫淮山同淮山麵也不錯，父親就十分滿意！

有朋友生日諗住一班人去打個邊爐開心下，點解揀呢間係上網睇到呢間象拔蚌刺身做特價所以先揀呢間試下，‼️點知呢度海鮮要早一日訂貨‼️黎到食唔到象拔蚌刺身，已經好失望，點知再睇其他海鮮好多都要早一日預訂淨番只係少量普通海鮮同埋打邊爐食物種類超小無野可選擇叫左個花膠濃湯雞鍋，個湯底幾好飲雞係花雕醉雞，幾好食嘅想食海鮮要早一日預訂‼️‼️牛頸脊半份$148-少得可憐，正常野西班牙黑毛豬腩片$108-正常野招牌四寶丸$128- 唔覺得特別好食問佢有咩海鮮食佢推介台山蠔，勁難食🤮得4粒，四個人食都話難食🤮唔新鮮牛胸油$168-呢個要重點講一講，已經唔係平，上菜又勁慢，間鋪已經唔多人，我地食哂全部野都未上就吹下佢，點知黎到兩個唔同顏色，一個睇落新鮮啲另一個就唔新鮮咁，都算，食落唔新鮮個個勁蘇🤮鴨血食落無味呢度上菜勁慢，我地叫個湯底起碼半個鐘先黎到，啲野食全部好細份，特別牛胸油可能無人叫所以都未解凍等左成個鐘，話要取消唔比係咁講出緊，比我地吹一吹，佢即刻出但未解凍，兩隻唔同色😡😡😡又難食！連叫個萵筍出菜都好慢，可能因為廚師要練刀工。整體體驗：非常唔好食物方面：貴同份量少服務：得一位員工，照顧4枱客，員工態度很好