寿司源

營業中

休息中

睇咗好多網上嘅食評同KOL既介紹之後，一直好想黎試一次既壽司店 但因為實在距離我太遠 所以一路都冇試到。今日終於提起決心嚟到元朗試一試佢前菜很精緻，店員建議先吃海膽三文魚籽，接著吃麻醬菠菜和芋頭配上柚子麵豉醬。個人很喜歡芋頭部分，十分香濃。開始壽司部分了！帆立貝壽司帆立貝鮮甜之極，食材新鮮。真鯛壽司真鯛配上柚子醬帶點清新感覺。鱸魚壽司第一次食鱸魚壽司，今次用上的是九州縣鱸魚，上面用了烏魚子作點綴，豐富口感。左口魚燒過既左口魚邊更香，魚油感豐厚。深海池魚最愛出場！很喜歡深海池魚口感，食落層次分明。池魚接下來是池魚，上面配上綠色薑，突出魚味。絲魚來自北海道的絲魚油份相對較重，口感類似油甘魚。炭燒鰻魚來到中段部分，先來一客串燒，炭燒鰻魚新鮮即整，外皮很香脆。接下來也是第一次品嚐，九州梳子魚壽司 魚味濃，上面放上蘿蔔茸，口感特別。北海道虎蝦壽司呢客壽司心機之作，壽司上面係燒過的蝦膏/蝦籽，很香濃。差不多去到尾聲了，有這款灑上芝麻的小几。朋友點的set多了兩件壽司，分別是熟成7日大吞拿魚楠和北海道馬糞海膽。兩款壽司超讚，特別是海膽！份量超多，每吃一口都品嚐鮮甜幸福的味道。最後兩個set以三色手卷

呢間喺元朗屹立多年好受歡迎嘅壽司源，晚市omakase 有分為三個級別，我就揀咗最抵食$1080/位嘅套餐試一試先，包含咗前菜、12件壽司、和食、手卷、湯同埋甜品，非常豐富，而且使用嘅食材都好新鮮！店員都好熱情友善。✨前菜一品✨有醋水雲+豆乳湯葉海膽+菜之花木魚三款口味各有不同嘅前菜，賣相非常精緻。水雲口感滑溜酸酸地好開胃、豆乳味道濃郁仲有海膽，口味更為豐富～✨壽司十二貫✨大分縣真鯛-配上辣椒蘿蔔酸汁，鮮味十足。鰤魚-冬季限定，入口爽口肥美鹿兒島深海池魚-omakase 必食之選，味道甜美，爽口帶油分，仲配有九州博多香蔥。青森縣左口魚-左口魚本身都好肥，上面仲有火炙左口魚裙邊。甜蝦-蝦好大隻，連埋紫蘇花一齊食，味道好特別。北海道縞蝦-上面加咗啲燒左的蝦膏及蝦籽，真係啖啖滋味。和歌山拖羅-油香十足又無筋。赤身鯖魚馬糞海膽-海膽非常之鮮甜，入口即溶。三文魚子迷你飯-醃漬咗嘅三文魚子，甜甜地，超正呀！✨和食一種✨金鯛立鱗燒檸檬汁，熱辣辣連啲鱗片都好似薯片咁脆可以直接食，醬汁口味清爽又creamy。食完壽司之後仲有一件拖羅手卷，入面有啲蘿蔔好爽口加上大量切碎咗嘅拖羅，咬落口成口油，紫菜仲要好脆

🎌Omakase $1280🎌前菜刺身 三種寿司 七貫和食 二種一品料理 二種手卷味噌汁甜品🔸聽朋友介紹嚟咗呢間元朗近地鐵站嘅廚師發辦，佢晚市有三款選擇，我揀咗中價嘅$1280😋以廚師發辦嚟講價錢算親民，食落師傅係非常細心，功夫扎實，而食材又新鮮，性價比的確唔錯❤️🔸前菜係一個牛乳煮嘅腐竹，配上海膽三文魚籽；菠菜同埋秋刀魚卷。三款嘅味道口感都非常唔同，但同樣係開胃美味😋🔸刺身食咗真鯛，左口魚，同埋鯖魚👍🏻前面兩款雖然係正路嘢，但師傅用咗特別調味令到佢地呈現出比平時更昇華嘅味道❤️我係第二次食鯖魚刺身，師傅燒咗個外皮令到油香滲出，食落口係外皮半熟，入面魚生感，非常過癮😎🔸寿司每款都唔錯，個人特別鍾意縞蝦寿司，好似係第一次食縞蝦🦐產於北海道日本海，口感豐實飽滿，味道有種獨特鮮甜清爽，師傅再配上縞蝦蝦膏燒成嘅調味放係寿司上面，味道口感都係一絕😍🔸另外都覺得好深刻嘅係深海池魚寿司同和歌山大拖寿司，前者魚味真係好濃，後者天然魚油脂嘅甘香令到入口即溶，舒服😌另外仲有食到嘅款式包括咗章紅魚，帆立貝，中拖，同海膽😛都特別提一提呢度嘅海膽好啱我食，鮮香而唔會有怪味👍🏻🔸手卷好有驚喜，外表無咩特別，但入面係吞

能夠坐在吧枱座位聽著主廚對食材精闢的講解，不時分享故事談笑風生，還能親眼所見主廚巧手的絕妙手藝，這就是源壽司最為人津津樂道，也是最有意思的地方，或許成了食客嚮往走進源壽司的理由。以牛乳為主角的牛乳湯頁淋上北海道根室馬糞海膽和三文魚子，擺盤精緻，兼具視覺與味覺的饗宴。牛乳湯頁絲絲的乳香，口感細緻滑溜，海膽與三文魚子的海味在口中爆開，味道層次豐富。青菜以上湯浸煮，引出菜鮮來，芋頭配以柚子醬，爽口酸甜，十分醒胃。子薑片微酸清爽，一開始我都會吃幾片作為開胃小菜，在品嚐壽司過程中又能解膩。醬油牛蒡漬爽脆宜人的咬感再配上醬油香味，醃製入味，使人胃口大開。淮山漬以芥末輕漬，蠻適合與魚油豐沛的壽司享用。當師傅拿出北海道根室帆立貝壽司時我就開始期待，因為我本身超愛帆立貝，新鮮的北海道根室帆立貝入口清甜軟嫩，讓人口中充滿自然的味道，教人意猶未盡。北海道左口魚壽司的厚度不是在開玩笑，肥滋滋的左口魚油潤程度剛好，扎實又彈牙，左口魚壽司上還放了辣蘿蔔洋蔥和炙燒的左口魚，一魚兩味，盡享北海道左口魚的生熟風味。島根池魚壽司切得頗厚身，送進口裡十級飽口，保證嘴巴不空虛，一旁的客人發出「好厚啊」的驚嘆聲。島根池魚鮮度不

寿司源是元朗日式廚師發辦店的始祖之一，已經開店6年，抱歉今晚方才首次到訪，最欣賞師傅細心解說食材及流程概念，食材亦優質，性價比高。晚上的廚師發辦有三款，$1080、$1280及$1580，分別在份量及有否牡蠣，我們認為中間價的一款最適合女生胃納。最欣賞真鯛及帆立貝刺身回甘很鮮甜，熟成赤身、馬糞海膽錯不了，深海池魚壽司的蔥香出衆。縞蝦壽司以火槍先燒脆蝦膏蝦子非常好主意，倍增食味！ 前菜一品：三文魚子海膽豆乳先來一客清清地的前菜，豆乳味濃非常出色，配上三文魚子及海膽，入口少少鹹味剛好，不過海膽的甘甜就不明顯。 前菜亦有兩款配菜真細心。麵豉里芋白色細細粒的里芋像魚蛋，其實是去了皮的芋頭仔，質感軟熟。 菜之花以木魚調味，基本上是吃蔬菜的味道，少少甘。 漬物：壽司薑、芥末淮山、醬漬牛蒡自家製漬物，壽司薑作用是清味蕾，芥末淮山及醬漬牛蒡可作小吃，我最喜歡淮山因為爽口微辣，打開味蕾。 刺身三種．壽司七貫：真鯛來自九州東北部大分縣，以柚子皮及自家製酸汁調味。 即是我們的赤鱲，帶春天氣息，有開運之寓意，因此挑選為第一道刺身。肉質鮮甜，餘韻非常甜美。  北海道帆立貝右方的一片以柚子豉油調味，建議先吃；然後

為咗食好西，就算是山長水遠也覺得是值得的！晚市有三款Dinner Set： $1080， $1280 同$1580！今晚我哋就揀咗中間那款，即$1280/person!前菜1️⃣豆乳、三文魚子、海膽2️⃣竽頭 3️⃣菜之花 店員建議我們順着次序由1️⃣開始食到3️⃣，三款前菜，首先為我哋打開味蕾！此外，Wasabi 淮山同醬漬牛蒡兩款小食都好好味，當然還有最常見的薑，要黎幫手清一清味蕾簡直一流！師傅要一再為我哋加添！😃😃真鯛來自九州大分縣，上面灑上柚子皮碎，仲有紫蘇花，配上自家製酸汁，更加提升了鮮味。北海道帆立貝右邊柚子豉油，所以味道較清新，而左邊就係一般傳統的做法。金目鯛薄切，魚味更濃。鹿兒島深海池魚灸燒迫出魚油香味。清心縣左口魚頂層食原味，下邊就加咗燒香魚邊，口感更豐富。魚湯仲有舞䇯和白蜆，好鮮味！縞蝦首先燒熟蝦膏同蝦子，然後放在縞蝦上面，一口放進口裏，滿口充滿蝦的鮮甜味。鱸魚生子平時對生子冇興趣，但可能現在係鱸魚季節，生子味道也不錯。和歌山中拖羅 - 拖羅夠肥美。醬油漬赤身 - 味道唔錯。磯燒帶子脆紫菜包住食，外脆內軟，豐富口感。北海道馬糞 - 從來都keep 到水準。三文魚子已經醃過，所以比較甜。

今次去咗元朗食廚師發辦，晚市提供三個套餐，分別有$1080、$1280同$1580，我哋揀咗$1080試試，包括有前菜、 壽司12件、 和食、 手卷 、味噌湯及甜品。前菜用鮮腐皮、海膽同三文魚籽製成嘅前菜，既清新又不失鮮甜。漬物壽司薑山葵淮山醬油牛蒡木魚味噌蒜頭壽司北海道根室帶子上面灑咗岩鹽同柚子皮，可以帶出帶子嘅鮮味。大分真鯛肉質細緻柔軟，鮮甜味十足。北海道左口魚 肉質比較煙靭，上面加咗火炙過咗左口魚裙邊同辣蘿蔔蓉，增加油脂感，味道層次豐富。長崎深海池魚肉質細緻，口感爽脆帶油份，味道鮮甜美味。九洲鱸魚 肉質柔軟，配烘乾後磨碎嘅魚籽，口感層次豐富。九洲梭子魚又稱竹籤魚，魚肉經輕輕火炙過，配上酸橘汁有提鮮作用。島根池魚肉質緊實而爽口、略帶油香，味道鮮甜。九洲金目鯛魚肉味道濃郁，肉質細膩，油脂感較重。牡丹蝦 蝦肉鮮爽，配上火炙過嘅蝦膏，味道甘香鮮甜。青魚魚肉用醋醃漬過，入口柔軟，味道略帶微酸。長崎吞拿魚腩 魚肉經熟成7日，肉質軟綿，油脂豐富，入口即溶。北海道馬糞海膽口感嫩滑，味道濃郁，用了一個精緻嘅器皿盛載著，顯得份外吸引。和食金目鯛鱗燒 魚肉連埋魚鱗一起炸，火喉控制得恰到好處，魚肉入口

元朗都算係omakase嘅集中地，呢間仲要算係老字頭頭盤有三款，最淡味嘅有豆腐皮配海膽同三文魚子(˶‾᷄ ⁻̫ ‾᷅˵)再之後食菠菜卷配日式沙律醬，最後係芋頭配柚子濃醬漬物係由師傅自己漬，有四款，蒜頭、牛蒡、子薑同最特別嘅wasabi淮山，我個人最鍾意蒜頭！主角壽司上場！北海道帆立貝爽口而且好清甜，仲配咗啲柚子皮鹿兒島真鯛時令食材，係呢段時間先有，比較清甜，肉質相對比較淋身深海池魚油份會比啱啱先重少少，而肉質係比較爽口九州梭子魚油份相對都係比較重，肉質就相對厚滑，所以加咗啲酸橘汁平衡北海道左口魚肉質比啱啱啲魚係較煙靭，for調味上面仲加咗燒咗嘅左口魚邊，增加油脂感島根縣池魚到呢到開始魚會相對比較濃味，加咗啲九州博多嘅蔥同薑蓉佢調味九州金目鯛肉質好嫩滑，魚味都係幾濃油份重北海道獅魚呢個亦都係時令魚，油味較重，而且較濃味北海道縞蝦縞蝦比較少食到，配燒咗嘅蝦膏同蝦籽，好濃味，亦好鮮甜北海道活北寄具鮮甜爽口，再加咗啲酸橘汁調味沙甸魚油份好重，而且十分濃味吞拿魚腩係經過熟成嘅吞拿魚腩，油份好重，亦都係入口即化馬糞海膽海膽幾鮮甜而且份量唔少，食落口係滿足三色手卷（海膽+吞拿魚腩+三文魚子）最後仲有手卷，

其實住係元朗真係會肥，有好多酒店級水準嘅好餐廳，上次亞哥生日無意發現咗一間食蠔好正嘅西餐，今次又比我發現咗一間超正嘅隱世餐廳🇯🇵日本料理Omakase😋💕 🍣寿司源Sushi Hajime 我係元朗土生土長都係最近先發現，因為佢嘅位置唔屬於購物區，即係平時行街係唔會特登走過去的😆餐廳樓底幾高有空間感，坐位不多，除咗乾淨整潔外，服務員及廚師都好有禮貌及細心🥰👍🏼每一道菜式都會好詳細介紹💕除此之外，廚師係用依家呢個季節最靚嘅食材，當中有八成以上嘅食材都係嚟自北海道😋同埋佢哋嘅Omakase set 除咗新鮮仲份量仲好夠，我食到肚腩仔都突咗出嚟😂😂😂1人份量Omakase set 前菜1碟壽司12件燒鰻魚1碟手卷1條湯1碗甜品1碟真心飽飽，超滿足😋💕

為慶祝紀念日，女朋友特地訂了這家Omakase。餐廳裝修簡約，一條長形吧枱，坐位不多，所以空間相對闊落。前菜：牛乳湯業，口感像腐皮；一小梱菠菜上灑上木耳末有嚼勁；柚子汁芋頭很是開胃。真鯛刺身：師傅介紹屬於日本新年時節食品，配上紫鬚葉，很有喜慶感。真鯛肉身徧淋軟，加上酸汁提鮮，作為開胃菜很合適。北海道帆立貝壽司：帆立貝十分冰涼鮮甜，醬油加入了柚子汁有清新的感覺。九州鱆紅魚壽司：師傅利用魚腩位薄切三件，令到口感更有層次，魚味油香十分濃郁！鹿兒島深海池魚壽司：點掇上薑蔥茸提昇香口味道，肉質厚實有嚼頭。青森縣左口魚：共計三件，不同煮法。第一件純刺身感覺清甜，其餘兩件，師傅將燒炙過的左口魚邊，夾雜其內並卷上，口感十分特別，做到外嫰內脆，外鮮內香。牡丹蝦壽司：師傅除殼時將蝦膏留下，再將蝦膏加上醬汁燒得稠杰並點掇在牡丹蝦上。香濃的蝦膏在口裏爆發之餘，下面的刺身冰涼感雙重刺激味蕾，絕對一試難忘！和歌生大拖羅：以往吃大拖羅，只要厚身都很容易吃到筋位。但師傅除了選用了魚鮫部份，亦再用上三片薄切的技巧，除了再吃不到筋位外，更有入口即溶的感覺！拖羅魚茸手卷：利用上之前的拖羅邊，再加上沙甸魚茸及自家醃製三文魚籽

元朗Omakase餐廳都吾少之前生日已經到訪一次，食過返尋味，今次二訪今次師傅好NICE，刀工亦很好很細心前菜先清一清味蕾口腔，而當中最為突出為腐竹海膽真雕師傅推介是日本人喜歡新一年吃的魚🇯🇵酸汁調味得囉，好好，口感更加清爽而不膩日本北海道帆立貝2個字😂鮮甜！無需要挑剔鱆紅魚魚肉厚身屬腩位，魚味偏濃身，入口有咬口深海池魚加左薑蔥點綴，令魚味豐富左，令層次感升級左口魚左口魚本身魚味比較淡，但師傅在刺身中間夾了燒過既左口魚魚邊，魚油迫曬黎，增添風味牡丹蝦用埋蝦膏做醬🦐鮮甜到一個點！味覺既衝擊魚湯魚湯加上蜆肉更加鮮味，舞茸慢煮八爪魚經2-3慢煮後🐙八爪魚軟稔得黎但吾會梅炭烤饅魚外皮燒都脆卜卜好香口，少許調味已經足夠和歌山大拖羅師傅巧妙用上三片薄切，避免筋位，魚油味豐富醬油漬赤身吞拿魚的背脊，入口都能夠保持滑嫩，魚味濃郁醃鯖魚合格水準，但我本身對鯖魚沒太大喜好😅鮟鱇魚肝鮟鱇魚肝口感滑嫩細滑，入口即化海膽啖啖鮮味濃香，口感creamy，而且一啲都吾會腥，三色手卷拖羅魚魚蓉、沙甸魚、三文魚籽做成既手卷，口感濃厚甜品當中自家制蕨餅最為有特色，入口少許煙韌軟糯但不痴牙。