寿司源

營業中

休息中

一直想試呢間要預早起碼一個月訂位的元朗人氣店，要先付$300一位訂金才能成功訂位，心諗應該有返咁上下先敢出呢個條件？中午12:00走入店內，見到應該係總廚的言師傅早已準備就緒招待客人，可惜我沒有被安排坐他的面前，而是由另外一位師傅負責，更意外的是這位師傅仔一直在準備各樣用具，根本還沒準備好招待客人，更加唔得閒同你落order。結果同小姐叫個中價$580，又係等好耐先又得食前菜，因為師傅仲係執緊工具，抹緊檯面等前期工作！感覺已經遜色左，如果想試，相信只有預約到言師傅可能感覺會好啲。講返食物質素，個人感覺係中上，但未到高質素，壽司處理上幾乎每件壽司都會落同一支調味過醬油，一路食覺得味道變化太單一，失去omakase 的精髓！師傅只係簡單講每件壽司是什麼材料做，不太喜歡溝通，唔需要坐板前食都可以。價錢可能比市區平少少，但唔值得咁樣去元朗、又要等個幾月、又要比訂金。

同老公食$1500一位共15件壽司,二小樣刺身,魚是ok的但太薄身,無蠔無帶子,太孤寒,招呼又麻麻,我未試過食吾飽廚司發板,不值這價錢,不會再幫襯,不是評價中說得咁好,一句好吾抵食

位於元朗的壽司源，是一間擁有非凡人氣的高級日本料理店。在元朗區有三間主打日本廚師發辦的餐廳，壽司源雖然最後才掘起，但至今也有四年歷史啦。向來評價和聲譽良好，實力雄厚，不怕與其他人競爭。後起之秀，也絕對不能睇少哦! 餐廳隱身在一條小巷之中，幸好之前開業時來過一次，不然大家要預點時間找路哦。店內佔地不大，只有十多個吧枱坐位，加上疫情關係，每晚能接待的客人數量不多，建議大家一定要預先訂座呢。 餐廳的樓底高，坐位寬敞，有充夠的空間感，加上燈光明亮，裝潢簡約，令人感覺舒適之餘，又有高檔氣派。 當晚品嚐由源師傅負責的 19道菜式 廚師發辧 $1200/位，包括:前菜、4款刺身、9款壽司、和食、湯和甜品。 前菜是雪梨配漬物，雪梨非常清甜，放上食用花瓣後，更加高雅。 赤貝刺身，經源師傅拍打過的赤貝，貝肉收縮，更為爽口彈牙。 日本石斑刺身，帶粉紅色的魚肉，賣相高貴又漂亮，肉質爽滑，味道很好呢。 池魚刺身，排列整齊的池魚，魚味最濃，用薑蔥去除魚腥味，更容易入口。 炙燒鮫魚，鮫魚是平常用來做魚蛋的原料，炙燒後，脂肪溢出，更為美味。 野生鰤魚壽司，俗稱寒鰤，是日本冬季必食的美味魚肉，特別肥美鮮嫩，入口有滿滿的

二訪呢間係位於巷仔既廚師發辦料理店❤️lunch omakase有3個價錢$380/$580/$780, 今次揀左$580set (未連加一）因為係逐樣由淡至濃味咁上，食左2個鐘好滿足😋ps全部食材調味由師傅負責，所以唔會有豉油及wasabi提供😆1️⃣首先有前菜及茶碗蒸 （圖3）味道正常發揮2️⃣伴碟有薑粒，淮山（圖2 ）准山有淡淡嘅wasabi 味好食3️⃣壽司及刺身及燒物真鯛刺身（圖2）&帆立貝刺身第1，2道調味會無咁重，鮮味唔錯平靜魚壽司係油甘魚科類，但係油甘魚咁重味日本銀鱈魚壽司因燒過令油脂更香，更滑！好食！響螺刺身 （圖2）配青檸岩鹽黑椒汁，好爽口！燒物免治雞軟骨串 （圖2）沾上生雞蛋汁唔錯！調味唔會太濃秋刀魚壽司切得好靚，味道不錯但不太大驚喜甜蝦壽司 配燒過既蝦膏好食到暈低！吞拿魚腩壽司拖羅永遠唔令我失望！鐘意師傅咁切3片再舖上去炙燒腦天壽司係吞拿魚頭側邊嘅肉，呢個燒到有d散，味道無上次黎咁好食，小失望三文魚子壽司有啲柚子碎係三文魚子面，清新而且更好食海膽壽司足料！好好味！3️⃣卷物鯖魚 配紫蘇葉手卷（圖2）味道唔錯吞拿魚蓉手卷師傅會即場將吞拿魚切成蓉，再慢慢挑晒啲筋出嚟，所以啖啖美味4️⃣味

$580就可以食到15款唔同嘅壽司刺身熟食（再加一）應該可能都係得元朗先至做得到呢個價錢😳今日比較突出嘅有北寄貝，牡丹蝦，中拖羅，大拖羅，海膽，三文魚子牡丹蝦嘅size大到無倫🦐應該有成隻手指咁長蝦肉鮮甜不特止放埋蝦膏蝦子入去撈勻黎食成個感覺好似上咗天堂咁😇海膽甜到好似食緊雪糕咁真係好想encore中拖羅油脂分布平衡🐟食到魚嘅鮮味同時亦都有油脂嘅甘香當然仲有前菜，茶碗蒸，味增湯同甜品唔想食咁貴嘅話可以揀平少少嘅Menu

元朗有3間享負盛名嘅壽司店🍣其中一間係 寿司源～其餘分別係... 寿司の神 同 鮨文唔講大家可能無為意...喱3間店店長都係出身自「見城」嘅同門師兄弟👨‍🍳至於 寿司源 老闆...就係車仔麵老字號「永年士多」第3代傳人劉先生言歸 Omakase👨‍🍳 環境名亮整潔餐廳主打 日本傳統江戶前壽司～而代表當然係 握壽司 啦疫情期間～全店只提供14個CounterSeats🪑...都係一位難求早係6月尾疫情期間Book位...先至可以係9月黃金時段星期六品嚐 廚師發辦～滿心期待午餐Omakase有3種價錢💰$380、$580、$780...分別在於食材同數量第一次嚟揀咗最貴$780...可以試多幾款嘛上枱先嚟薯仔沙律、茶碗蒸...大路合格👌跟著就會由淡至濃味食落去喱隻生蠔有海水味、夠新鮮、幾creamy...但size細咗啲清新...魚味好淡秋刀魚當造～入口有魚味火槍燒過～魚油出哂嚟...但未至滿口油香喱件好孤寒～有鮮甜魚味...but好薄好薄好薄吞拿魚魚頭上兩條肉～極稀有部位...味道比大拖羅更鮨香軟嫩一個字Fresh～放上燒過嘅蝦羔...羔香中帶鮮甜爽彈咁瘦嘅中拖羅...第一次遇到～詞窮係

初嘗omakase滿心期待著 早了一個月前預約之前已經聽說午餐是十分難預約的午餐有三個價位可以選擇分別是780 580 同380 （未加服務費）相對其他omakase 算是平價今次難得預約到位置當然要選擇最高價位$780愈貴會有愈多菜式而且三款餐嘅內容都有不同其實味道方面普遍都是普普通通 沒什麼特別沒覺得特別新鮮主要是可以品嘗到一些平常比較少吃得到的魚類或是貝殼類還有可以一邊吃 一邊欣賞師傅刀工和壽司技巧而且可以跟師傅聊天比較值得一提有幾款壽司覺得不錯在香港本來是比較難吃到好吃的拖羅這裡的拖羅壽司味道不錯而且有三層拖羅 非常滿足另外這個魚子壽司亦非常鮮甜配上淡淡柚子味 十分特別最後係海膽壽司看圖已經可以看到份量很多的海膽而且非常鮮甜 服務方面其實師傅都非常健談其他服務員都態度很好會不斷幫你加茶環境亦十分舒服雖然食物普遍都不錯但未驚豔到令我想再去吃～

疫情之下，居然早一個月才訂到午餐時段。12:30到達，只有我和太太二人。原來大家都習慣1:00才開始。餐廳位置不起眼。裝修是乾淨整潔的。主廚也不多話。直接開始正題了。幾樣小前菜做的都好吃。酸薑、山藥、蒜頭、牛蒡。和壽司文果然系出同門。可惜沒能一試他們的師傅的手藝。

朋友想食Omakase，元朗幾間就呢間未試，所以安排左試壽司源打電話黎book 既時候:1st callMe: 星期一有無位Staff: 星期一full 左Me: 星期四晚有無位？Staff: 有呀Me(不死心): 星期一晚係咪真仲係無位😭Staff: 哦夜晚，夜晚有位呀！嗰陣時我都未無諗到，大家多數都係黎食lunch，好少係食夜晚😂FOOD：醋鯖魚壽司 - best of the night腦天手卷 - worst of the night （廚師發辦嘅餐廳都好鍾意用腦天...）唔係好鍾意佢整到咁熟，個肥美魚香無乜呢件食落真係太薄...以下嘅，都係大路，無話特別好食熟食：只能夠講，佢啲熟食真係好麻麻，寧願係淨壽司Overall:佢食材都係正路冇話特別新鮮，都冇話有啲咩罕見嘅魚壽司／魚嘅次序未能夠突顯到每件嘅特色同埋contrast，我覺得呢個位係Omakase 最重要同埋最有個價值嘅位：老實間間食材都差唔多，唔啱季節嘅都唔會用（想用都未必有得用），來貨都差唔係太多，反而係師傅嘅功力先係最值錢。用夜晚嘅價錢食佢，唔係唔好食嘅，但係真係唔值；Lunch 未試過所以唔敢comment, m

旅行、生日宴、生日飯局、身體檢查、家庭朋友聚會 ....... 一項項的取消和無時限的押後清單，不少人或會感到沮喪和無奈！其實宅在家的日子，並不是一種被動的生活模式，時刻記著快樂地對抗疫情，什麼時候也可找到快樂的根源！壽司、壽司、壽司、壽司、壽司，壽司是老公和我至愛的日本菜式，這晚我們來到「壽司源」，追求我倆快樂的根源  ！別以為元朗不是核心地帶不需訂位，讓我告訴您，「壽司源」經常爆滿，尤其星期六、日的午餐時段，排隊要排上接近一個月，所以欲快人一步，最好選擇晚餐的 Omakase！抗疫食前三件事，量體溫、除口罩、消毒雙手！然後是立即查看餐牌，晚市 Omakase 分為 HK$900、HK$1200 及 HK$1500 三大內容，看不懂日文，由專業女侍應為我們講解吧！我選了 HK$1200、老公選了 HK$1500，主要分別是後者可享三款特選的精品魚類！不管了，趕快開動才是享受旳王道，先來兩款開胃前菜！在品嚐前菜之時，師傅為我們備上牛蒡、薑粒和 Wasabi 淮山的伴菜，三款也不錯，Wasabi 淮山最具特色，濃淡恰好的 Wasabi 口味，予人舒暢感受！正式開始第一道 Omakase！

經朋友介紹 知道元朗竟然有間隱世 位置唔太起眼既日式食店有得食omakase 當然要走去試試啦👍🏼👍🏼打電話book位 都要book到下星期先有😢第一次食omakase 唔係好知係點 見lunch set 有3個餐牌 因為係日文黎 我都唔識點解 就用價錢去揀🤣🤣Lunch有3個價錢 我同女友就分別揀左$500 &$600既餐 食物質素好高👍🏼👍🏼 食材新鮮 師傅遞上每道菜 同時會介紹番係咩食材 用左咩調味 （調味食材配搭得好好😋）同師傅都有互動 知道我唔食得某樣野 佢會轉另一樣食材（佢地會偷聽我地講野嫁 知道後期開始飽 佢就減少番飯既份量👍🏼👍🏼👍🏼）環境裝修都好好 樓底好高 感覺就好舒服 慢慢食 食左兩個幾鐘都唔覺辛苦 仲好享受😃總括 如果lunch set 去食真係好抵 因為呢個價錢有呢個質素 絕對值😊

剛剛打電話去訂座、接電話嗰位姐姐啲態度真係無得頂、我話我想訂某某日子的午餐、佢好快速回答；「我而家好忙、唔得閒招呼你、你一陣再打過黎啦、byebye、收線🤬🤬🤬」、真係火都嚟、我明你而家喺疫情下生意仍然咁旺抵你囂張、但都唔係用咁嘅態度答客人囉、忙你可以唔接電話、而唔係咁樣對待客人囉、我一定唔會幫襯😡😡

呢間餐廳係我嘅心頭號每逢有啲咩大事慶祝嘅話都會選擇喺呢度食不過我主要會去幫襯嘅時間都係lunch實在太抵食都係$300-$600左右👅 有三個唔同嘅Menu俾你揀👉🏼🖖🏻300👉🏼🖖🏻500 ✌🏽（I ordered this)👉🏼🖖🏻600 當然越貴嘅價錢啲材料就越新鮮越名貴同埋越多款式啦🤙🏻🤝🤗佢樣樣食物都係廚師新鮮係你面前切然之後整俾你食！ 有得睇有得食 超正呀！🤲🏼🤲🏼🧔🏻佢每次你嘅壽司度擺得好靚我都影咗好多張相 哈哈 係靚到唔捨得食呀。🍙🍣🍣廚師會好有心機咁向你介紹每一道嘅菜式超級高質服務廚師發板推介！ 地方坐得好舒服，因為佢嘅樓底好高裝修嘅格調都係淺色為主，燈光有充足，感覺係好溫暖🙈💡 🔮

呢間壽司食omakase嘅lunch真係好抵！！我同幾個朋友去食，我哋嗌左$600嗰個set(由於食評入邊只可以放12張相所以想睇menu就去返出邊睇啦) 🙏🏻🙏🏻🙏🏻我就唔逐樣介紹啦，整體來講每一樣嘢都係好新鮮嘅。環境好好然後會有一位廚師尊係serve你，非常專業。每一道餸都係你食完佢即刻放上嚟，即叫即整。仲可以一路食一路睇住佢為你準備嘅下一道菜，真係自己一個食都唔會悶👍🏻👍🏻👍🏻👍🏻廢話唔多講比大家睇下啲嘢食相😋😋😋😋去到最後其實仲有吞拿魚碎手卷，無奈真係放唔到咁多相🙏🏻🙏🏻🙏🏻🙏🏻呢間餐廳真係好值得去食，雖然位置有啲遠🙈🙈🙈🙈大家得閒入元朗一完要試下😋😋😋😋

想食高質的日本料理但又有有限的budget，我會建議大家揀lunch time食omakase😗 上星期去咗元朗嘅壽司源食lunch set，首先跟一個茶碗蒸，之後師傅會用當日新鮮限定的食材以壽司、刺身、卷物的形式遞到你面前。唔止添啊其實食嘢係應該有先後次序，所以師傅會先上左較有鮮味嘅魚同貝類，再到醬醃、灸燒濃味少少嘅魚同蝦，最後到高潮位中拖羅、大拖羅、海膽同京蔥吞拿魚腩卷🤤味道好有層次！臨尾再有湯同豆腐雪糕🍦-身為港島人其實平時都會有食港島區嘅omakase，不過呢間真心有驚喜！帶子係用柚子醃製過，refreshing得來個帶子好甜好滋味！🧡隻石垣魚貝唔知係因為俾師傅按摩完定真係好新鮮，食落去肉質勁爽口！切條池魚卷同平時出面食的係完全兩回事🤭至於鯖魚其實我不嬲都唔好，但係師傅用完紫蘇芝麻創新的調味又係另一個interpretation😳海膽拖羅就唔洗多講啦，每啖都係幸福感滿溢#齒頰留香系列-Btw我鐘意食omakase除左因為食物質素高之外，另一樣我鐘意既係師傅邊整俾你食既同時會邊為你介紹每一道的料理，不過有啲鋪頭既師傅會好cool講兩句就當交貨....反而呢度既師傅好好人，全程我哋