尚鮮海鮮料理 (已結業)

是日火鍋日，友人建議去出名食海鮮嘅尚鮮，又幾唔錯喎！除左用海鮮打邊爐，仲可以當刺身食調味料都幾多選擇，我想要既醬料都有血池麻辣拼鮮牛肝菌昆布湯底：麻辣味夠，對於係3哥食開2小辣既我啱啱好！牛肝菌昆布清甜，多料！百花釀油條：新鮮炸，中間係墨魚滑，可以打邊爐，亦可以就咁食！花甲：好大隻，好鮮甜！雲吞拼香菇餃：應該係自家製，雲吞足料，香菇餃亦唔錯！手切牛邊位：超級好味！有牛味，肉質正！推薦！西洋菜：份量足成餐飯都好滿足！

女友話食來食去都係果兩三間火鍋，今日指定要試新野，所以就揀咗依間尚鮮，因為book位有優惠😆好啦，去到剛剛另外有兩啤人都係因為優惠而黎依度食，我哋三啤人坐埋同一間房，好似試食局咁😅經過經理推介，我叫咗兩隻特價聖子$38隻、安格斯牛、墨魚滑、油麥菜、鮮淮山、鵝腸，湯底就要咗冬陰公+菇湯首先冬陰公湯底，我同女友都唔太like，佢唔似一般麻辣湯底，麻辣湯底辣得來都仲食到食物嘅味道，冬陰公湯底就完全比香茅遮蓋晒食物味道，所以我哋都主要係食菇湯嗰邊...其實我幾欣賞菇湯，裏面有一隻菇好重牛油味，我覺得幾正，但女友係唔食菇嘅，所以...😰牛肉份量比較少、得幾塊，相比同等其他火鍋店，同一價錢應該大碟好多，而且無乜牛味聖子好新鮮、$38隻我覺得算係抵食其他火鍋料都新鮮，但唔算特別

呢間於銅鑼灣核心地帶既火鍋一試難忘。點左個雙拼湯底。係一清一濃既麻辣湯底配冬瓜松茸湯。麻辣湯辣度適中，相信唔太食得辣既朋友都可接受。冬瓜松茸清清地，但亦唔失禮。手切本地牛肉：雪花紋。脂肉比例均勻，食落好有牛味。頗有驚喜。2人海鮮盛，海鮮鮮甜飽滿，有蝦、廣島號、聖子王、大花甲同彈牙白鱔片！ 水餃雲吞：雲吞大大粒好中飽滿好多蝦仁，有港式風味。食落好彈牙，配上雲耳絲味道絕佳。蜂巢豆腐：有豆味、有口感，食落有層次。芥蘭苗新鮮，色澤翠綠，食落無渣，非常嫩！總結：環境寬敞、乾淨企理、待應服務周到，不妨一試。

今日老公同事生日，大家知同事喜歡食高質素的日本刺身和火鍋，所以訂左銅鑼灣尚鮮火鍋海鮮料理為他慶生，當然也有我份啦！每天有不同新鮮食材由日本直送，今天尚鮮活魚刺身是日本真鯛，師傳刀功了得，片片魚肉厚薄均一，用冰底墊住上枱，新鮮的魚肉晶瑩剔透，味道鮮美。湯底選了雙拼，血池麻辣湯拼泰式冬蔭海蝦湯，麻辣湯真的又麻又辣，喜歡辣的同事說好夠味，我就喜歡冬蔭海蝦湯，大大隻海蝦鮮甜彈牙，還有很多爽口的菇菌類，冬蔭湯酸中帶微辣，十分惹味！火鍋配料也很高質，雙拼蟹皇餃，即叫即做，並非一早做起急凍果D，餡料加入蟹黃，味道香甜又名貴。豚肉片厚薄肥瘦適中，煮熟後，瘦的部份鮮嫩，白色的肥肉爽口，一點也不肥腻。百花釀油條是油炸鬼釀入手打蝦滑，即叫即炸，上枱時熱騰騰可以即食，油炸鬼卜卜脆，蝦滑鮮味彈牙，另外一種食法是浸湯中灼一灼，吸收了湯汁的油炸鬼又是另一番風味美食。西洋菜，侍應介紹是即日手摘的，新鮮蔬菜多吃有益身體健康。

好耐冇打邊爐 終於等到呢間尚鮮🙊 餐廳好多多都係四人卡位 燈光偏暗 但點晒燈咁都幾溫馨 又有私隱度揀左個雙拼湯底先 鮮牛肝菌昆布同血池麻辣 有辣有唔辣 牛肝菌又夠健康 未食已經流哂口水🤤 醬料就正常自己落 非常齊全 萬事俱備 只欠野食順便俾埋張單大家睇 唔算特別平 但食物質素係幾好嘅 真係食到新鮮牛三併 切粒切片同肥牛都有 睇都知油脂分佈好靚😳 款款都好友牛肉味又近乎入口即溶 唔講以為食緊和牛🤣百花釀油條 就咁食又得 浸啲辣湯食又得 油炸鬼包住蝦滑 口感彈牙 味道又唔會太鹹👍🏻雙併蟹皇餃 有蟹肉同蟹粉非常足料 一款圓型一款長型 係全晚僅次於牛三併 我第二鍾意嘅菜式🙊五味豚併盤 總共五種豬既食物 豬皮爽口 豬紅唔會一夾就散 豬肉又唔會羶 我唔食豬膶同豬大腸 但朋友話都幾正✌🏻冇理由淨係食肉 都要食返少少菜嘅 我哋就揀咗羽衣甘藍 幾fresh但好大盤 兩個人食唔哂🙊 太抵食嘅錯？😂

好耐冇打過邊爐，所以就同朋友搵左一間位於銅鑼灣既火鍋店打邊爐。呢間店既環境唔錯，有獨立既卡位，可以同朋友好舒服咁傾計。一坐低當然就即係揀湯底同埋點菜啦，我地揀左個雙併既湯底，分別係血池麻辣湯同埋秘製土鄉清湯。之後，我地就自己調醬汁，呢度有好多選擇。我地點左個四色丸尚盛，全部都係新鮮手打既丸，分別有豬肉丸、牛肉丸丶魷魚丸同墨魚丸，啲丸入面仲有唔同餡，正。我地仲叫左牛三併，有牛肉粒同其他唔同部位既肉，佢既擺盤真係好吸引啊，牛肉擺成一個小山丘咁，令人流哂口水。啲牛肉好新鮮，滾一滾就食的。另外，我地點左尚鮮活魚刺身，呢條魚既特別，叫左魴鮄，肉質紮實，味道清甜，呢度打邊爐如果早啲走或者遲啲食都有折架，好抵食！另外，見到餐牌上有埋私房菜，好似幾好味，下次試下先！

新年前與好耐冇見既朋友來黎個聚會揀左呢間食和牛 至尊和牛放題宴每位$398 任食燒肉、刺身及炸物另外仲有好多飲品任飲每台都會有部細機自選點單方便快捷！個人覺得這間的燒肉整體味道都不錯！和牛燒物燒肉中特別推介A4鹿兒島黑毛和牛板翼牛板翼肉質鮮嫩多汁香甜沾上醬汁後更惹味可口推介！A4一口黑毛和牛肉質嫩滑腍身再燒一燒後味道濃郁油脂均勻 口感爽脆特別美味！推介！海鮮拼盤有蟹膏甲羅燒、海蝦、扇貝、鮑魚、蠔蟹膏甲羅燒蟹蓋上放了蟹膏、蟹籽、蟹柳、香蔥同鵪鶉蛋用爐火烘熟混合食 口感豐富！鮑魚裙邊整齊完整鮮味濃郁 口感彈牙可口大蝦肉質嫩滑不會死實生蠔扇貝燒一燒食juicy美味刺身燒玉子卷、北寄貝、吞拿魚拖羅蓉、綢魚、甜蝦刺身、三文魚刺身、帶子刺身、希靈魚炸物雞軟骨、榴槤炸彈、炸墨魚雞軟骨熱辣辣外酥內脆口感豐富榴槤炸彈 外脆內軟咬下去滿滿既榴槤肉 香氣濃郁絕對推介！還有MOVENPICK雪糕！正！

早兩日跟朋友去尚鮮打邊爐，呢間係朋今個冬天最常去嘅火鍋店，朋友知我鐘意飲湯，就話要帶我嚟試好嘢🤤醬料($15/位)一坐低店員就奉上醬料，有蔥花，芫荽，生蒜，炸蒜，紅辣椒，XO醬，麻油，豉油，芝麻，薑蓉。呢度嘅湯底真係好啱我心水，養生湯底五款都好吸引，其他精選湯底睇落都好唔錯👍🏻川貝海底椰燉鱷魚肉排湯($178)我地揀咗養生鱷魚肉燉湯，是出面買鱷魚肉煲湯都唔平，仲有埋川貝海底椰，呢個湯潤喉潤肺，我同朋友飲晒成個湯先再加湯打邊爐。湯底好足料，好飲又滋潤😋百花釀油條($58)油炸鬼入面嘅蝦膠非常新鮮彈牙，仲食到有一粒粒蝦肉，油炸鬼炸得香脆，又唔會油淋淋，可以點酸辣醬就咁食或者好似食響鈴咁浸一浸湯先食。四色丸尚盛($88)由上至下 : 金沙鮮肉丸，松露豬肉丸，芥末籽蝦丸，甜薯墨魚丸四款丸都好好味，每款丸入面都有特別嘅餡料，各有特色！五味豚拼盤($138)三層擺盤好精美，呢個係朋友每次嚟嘅必點item。上至下 : 豬紅，豚肉片，黃沙豬膶，豬皮，豬粉腸羽衣甘藍($38)見到Menu上面有羽衣甘藍嗰陣有啲好奇，未試過拎嚟打邊爐，上菜時店員提示可以滾耐啲先食👍🏻洛神花蜜($26)清新得嚟小小甜又唔會太

男友係打邊爐控，一個月都有5次以上🤭佢既新年目標係要試哂全港既火鍋店🤫，今日同男友去完AIA 玩左大半日，消耗左好多體力。 佢帶我黎依間火鍋店試下🤤今日佢咩都book 好哂， 抵讚喔🥳-餐廳位於百樂中心，地點方便。而且環境確實不錯，木系格調裝潢帶點日式風格，大大張台，冇逼狹感！ 坐得舒服。 餐廳是無限時的火鍋店，但有做特別promotion ! 當晚21:30 入座，還有折扣呀！-醬料方面：居然有薑蓉及芝麻-食物方面：🌟姬松茸冬瓜湯併血池麻辣湯 $136 雙併男友無辣不歡，而我又偏愛養生湯底。一於黎過雙併無煩惱。滾起時麻辣香氣撲鼻；而另一邊的冬瓜湯底相對清甜。-🌟尚鮮活魚刺身 $238❗️令人滿足感爆登的刺身❗️由日本空運新鮮到港的活魚刺身，食材珍貴。 男友知我很喜歡吃魚，所以點了請我食🥰 冰盤上的活魚刺身，魚肉晶瑩剔透，入口滑嫩鮮美。嘴裡瞬間的鮮甜滋味，真是超級幸福啊。-🌟百花釀油條 $58即叫即製油條炸至金黃色，油瀝得乾身沒有油膩感；還釀入彈牙蝦滑！無論是原汁原味吃或是放入鍋裡淥一淥，同樣滋味。-🌟四色丸尚盛 $88➡️松露豬肉丸，金沙鮮牛丸、甜薯墨魚丸、芥末籽蝦丸每款都很有特式、肉丸相

停咗一排冇打邊爐，今日心思思又出左去打邊爐。今晚打算食得清淡少少！湯底我哋揀咗個牛肝菌昆布湯，味道比較清淡。覺得太清淡都唔緊要，可以點醬料㗎嘛！足足10樣野俾你混醬！搞掂就開始食嘢啦！ 打邊爐當然要食牛肉啦！本地手切牛肉嘅肉味好濃，口感都唔錯，不過肥膏唔係好多，所以比較有咬口！百花釀油條唔係度度有得食！中間嘅花膠幾爽口彈牙，成舊嘢嘅口感好豐富，外面香脆，右面爽口之後仲有一碟紐西蘭蜆，$118一碟，好抵食喎，八隻蜆大大隻，每隻都非常飽滿！味道好鮮甜！跟住要埋雲吞拼香菇餃，兩款都非常足料！雲吞真係皮薄餡靚，必食推介呀！食完咁多肉都要食啲菜嘅，我哋揀咗羽衣甘藍，好健康呀！最後重點左青檸梳打同洛神花蜜，兩杯都酸酸地，好好飲，好清新！呢間打邊爐都幾好味，下次可以試吓其他勁啲嘅湯底！

雖然今年冬天唔太凍，但一班朋友食飯唔係雞煲放題就係邊爐個d😂所以今次都唔例外黎左打邊爐。呢度都多選擇，除左火鍋仲有小食串燒同類似私房菜😂先叫杯野飲😋湯底叫左鴛鴦鍋，因為有個朋友超愛麻辣，所以就一邊麻辣一邊菇湯。麻辣湯底幾夠香，麻得黎唔會死辣。菇湯好鮮甜，感覺冇咩味精。醬油夠哂多選擇，最正係有麻油芝麻沙茶醬呢d，肉類丸類掂真係一流。叫左份手切肥牛，切得偏厚身，食落唔算太大驚喜，份量適中。手打特式丸，試左蝦同牛個款。蝦超級鮮甜，又夠彈牙，好正！有款係入面有紫薯做餡幾特別。牛個款係咸蛋黃，算幾夾。蔬菜就要左羽衣甘藍，夠哂healthy!當然要叫份海鮮，我就食左蝦同蠔。2款都好鮮甜新鮮！蠔烚完亦冇點縮小🤣🤣仲叫左d小食，蝦膠釀油條，超好食！蝦膠勁多，成條就甘食or好似響鈴甘掂湯食都正！蝦餅就不過不失啦~

尚鮮火鍋海鮮料理就係位於銅鑼灣百樂中心 8樓 入到去位置唔多但係 大概每一個位置都係一個包廂 一入到去 侍應就帶咗我哋入去其中一個包廂卡位入面坐 入面嘅裝修好靚 座位上面設有軟墊 每個包廂卡位嘅牆上都會有一個電視 侍應哥哥嘅服務態度亦都好好 呢間餐廳係服務上絕對值得一讚率先嚟到嘅就係一個醬油味料拼盤 上面有著唔同嘅 打邊爐調味料 包括炸蒜芫茜 生蒜 等等 應有盡有打邊爐最緊要梗係個湯底啦 跟住我哋亦都嗌咗一份雙拼湯底( 牛肝菌昆布湯 血池麻辣湯) 熱辣辣喺肉類方面我哋就嗌咗 特尚手切牛 每一塊都係有番咁上下嘅厚度 每一片都充滿牛肉味 加上個牛肝菌昆布湯底特有嘅牛油味 個味道相映成趣 十分滿足食完手切牛我哋就嗌咗一份雙拼餃( 餛飩拼香菇餃), 個雲吞一食入口 就感受到店家嘅誠意 因為個雲吞入面係足足有三至四隻蝦 非常彈牙非常爽口 咁足料嘅雲吞真係喺度先可以食到 我哋決定喺食海鮮拼盤之前 食番少少小食 見到呢份百花釀油條 喺菜單旁邊放咗個手指公 就嗌嚟試下 原來百花嘅意思就係花之 油條就係我哋本身食開嘅油炸鬼 做法就應該係將花之同油條放埋一齊 再即叫即炸 所以一上菜嘅時候係非常脆卜卜同有好

我哋嗌咗藥膳醉雞鍋，一嚟到已經聞到一陣藥材味！醉雞係一上枱先開始煮，唔好煮太耐先食！最欣賞佢哋嘅本地手切牛，肥瘦適中又比肥牛厚切，鍾意啖啖肉有咬口！另外日本葛絲好特別，係粗版粉絲蔬菜方面有生菜、娃娃菜、金菇蘿蔔等等唔知係因為佢哋嘅湯底又有藥材定係生菜本身有少少苦，令到味道麻麻。但蘿蔔薄切值得一讚，唔使淥好耐就有得食！服務態度好好，定時定候就會拎豉油醬料俾我哋添，亦都會主動幫我地畢走鍋裏面嘅油！👍🏻👍🏻

而家呢個年代冬天越黎越短，難得上個月聖誕節之後凍左幾日，之後都係一直17-21度咁，都唔知今年仲會唔會再凍。所以趁又熱返之前，想打多幾次邊爐應下個冬天 (雖然而家夏天都係照咁打🤪)而家在銅鑼灣的樓上火鍋店都有唔少，同事就介紹左呢間尚鮮，佢話野食新鮮同埋靚不在話下，最重要係有好多二人卡位仲有獨立電視，講到咁浮誇，所以今日就同女友黎左試下晚飯。好彩一早book定枱同埋都早到，所以仲坐到有電視既卡位✌🏼雖然多數商廈入面既食肆都唔會話好大，但呢間攪位攪得好，每張枱都坐得舒舒服服。先叫左兩個小食，獅子狗魚旦本來我麻麻的，估唔到佢入面有啲芝士，又熱左融融地咁，令到個質感好好，唔似平時嗰啲咁乾身！另外就叫左openrice好多人推介既百花釀油條，果然香口得黎唔油，個蝦滑好香又彈牙，配個油炸鬼脆口，好食！我覺得點一點麻辣湯仲惹味，不過就咁食點佢既酸甜醬都好正😋湯底我地叫左鴛鴦湯底，血池麻辣同秘製傳統土鄉材料就叫左特尚手切牛(中)，燙數秒就食得，好嫩滑！同埋好有牛肉味！另外仲叫左盤海鮮尚盛(二人)，好新鮮，有廣島蠔，白鱔片，海蝦，大花甲同聖子皇。

呢間餐廳係朋友介紹，最特別係除左一般火鍋，佢嘅海鮮、尤其是刺身十分新鮮，仲有得飲日本sake。此外，嚟緊新年仲有圍菜小炒食，內容都幾豐富。裝修似居酒屋，日本風～嚟到梗係打邊爐加食刺身。刺身方面，點左尚鮮活魚刺身（根據店鋪入貨情況供應，每日不同）日本島池刺身 $228今日想食刺身，碰巧池魚新鮮到店，所以餐廳經理特別推介～擺盤好靚，而且真係好新鮮，好鮮甜，加dd 檸檬汁食已經好鮮，再點dd wasabi加魚生豉油，味道更加豐富，忍唔住係咁食。火鍋方面，點左鴛鴦湯底，一半係血池麻辣，另一半係牛肝菌昆布$146牛肝菌昆布湯底味道偏淡d，有好多唔同菇菌同昆布，食落清淡應該冇落味精。血池麻辣湯底一開始食只覺得舌頭麻麻地，但係食多兩啖真係好辣好麻，入面仲有好多木耳。醬料$15/人特尚手切牛（中）$180擺碟望落好靚，牛肉份量都ok，碌兩碌就食得，口感軟嫩有牛肉味，唔錯，值得一試！百花釀油條 $58花枝滑好爽口彈牙，加上脆卜卜油條底好香口，就咁食略嫌油條比較油膩同質感偏紮實，但係碌落邊爐度食就啱啱好，好似響鈴咁脆脆地，幾好味。四色丸尚盛 $88總共有四種丸，每一粒入面包唔同餡，食落幾特別。（由前到後）