尚鮮海鮮料理 (已結業)

難得一約唔知食咩好之前有人推介過尚鮮就黎試下啦每枱都會有部電視既不過其實食得飯gathering都會傾計多過睇電視其實佢有d入座時間離座時間既優惠但可惜做咗個打工仔之後時間真係好難控制所以都冇優惠做到TT同朋友一人叫一杯我就要咗青檸梳打青檸夠哂酸不過略嫌soda唔夠所以飲落唔似soda叫咗個鴛鴦鍋因為朋友們有一個超食得辣我就唔食得辣既所以一個麻辣一個冬瓜湯其實唔係個人病病地真係想試下麻辣因為佢d味香到蓋過咗個冬瓜湯底本地手切牛打邊爐不能沒有牛牛味好足爽哂d湯但如果可以再切薄身多少少會好d海鮮盤有花甲蝦聖子蠔同埋白鱔好食就好食特別係佢既聖子好鮮但如果可以份量多多少少就好啦仲叫咗佢個丸特別推薦牛肉丸好爽口好食另外最好食既蝦餅病病地都要食食落唔淋身唔係話放咗好耐先拎出黎俾客食再加埋熱熱地食好食回頭度：7/10

早排同事去過佐敦嘅尚鮮打邊爐，返到嚟大讚話好好味，於是我就book咗方便我嘅銅鑼灣分店，帶埋最鐘意打邊爐嘅女朋友去試下。呢到嘅座位好寬敞，有獨立間隔嘅卡位，好有私人空間適合傾計，仲有電視睇。⭐️醬料費 HKD15/位呢到嘅醬料除咗有平時嘅蔥花/芫荽/生蒜/炸蒜/紅辣椒/XO醬/麻油/豉油，仲有芝麻同薑蓉。⭐️川貝海底椰燉鱷魚肉排湯 HKD178湯底我地揀咗呢個養生燉湯🤤可以慢慢飲哂先再加湯打邊爐。個湯好好飲，清甜滋潤，真材實料!!!! 推介👍🏻👍🏻👍🏻⭐️特尚手切牛(中) HKD180雪花好靚，油脂分佈平均，食落好香牛味，嫩滑爽口。⭐️百花釀油條 HKD58蝦膠釀油炸鬼🤤蝦膠彈牙，仲有蝦粒增強咬口，油炸鬼炸得脆卜卜，上碟前已索好多餘油份，唔會油冧冧。浸湯食定就咁食都一樣好味，仲有另跟一個酸辣醬可以點嚟食。⭐️四色丸尚盛 HKD88金沙鮮肉丸(咸旦黃)松露豬肉丸(松露)甜薯墨魚丸(紫薯)芥末籽蝦丸(芥末)呢四款手打丸各有特色，粒粒都彈牙，配撘亦都創新好味，下次要一人叫一碟先夠！⭐️五味豚拼盤 HKD138呢個tea set擺盤女朋友好鐘意，仲話要學佢買一個返屋企打邊爐嗰陣用😂拼盤有豬紅/豚肉片/黃沙

食物因為不食辣關係，今次揀左鮮牛肝菌昆布湯底。而食物方面，就叫左本地手切牛，紐西蘭托托蜆，百花釀油條，雲吞拼香菇餃同埋羽衣甘藍。先講湯底，材料非常足，有大量牛肝菌同昆布，味道又不會過濃。本地手切牛非常欣賞，肥瘦適中，食落牛味重。托托蜆鮮味十足。百花釀油條基本上可以直接食得，配合酸辣醫，香脆可口，係一款好好火鍋前小食，如果擔心油膩的，亦可以放入湯底道浸一浸先再食，都係另一種食法。雲吞入面粒蝦好大粒，好滿足。香菇餃皮薄。羽衣甘藍雖然要煮得比較有少少時間，但菜味都好出。飲品就揀左店舗的兩款特飲，包括係自家製洛神花蜜荼同青檸梳打蜜。兩杯飲品都非常清新，好適合配搭火鍋。當然，食火鍋一定吾少得火鍋醬料啦，有辣椒、蔥、芫荽、香蒜、蒜蓉、麻醬等。係開始店員會一盤咁放上枱俾我地慢慢揀自己鍾意的醬，吾使離開位去裝，走來走去。環境店舖本身雖然不算大，但都設有卡位同六至八人枱，可以供一大班朋友一齊食。部分卡位仲設有獨立電視，可以一路火鍋，一路睇電視吾怕悶。服務員工好細心講解食物選擇同照顧我地需要。進食期間不時提醒我地每樣食材需要煮的時間同埋幫我地換碟。由於湯底同肥牛的關係，個鍋不時有白色泡泡出現，而佢地都會過

一連幾日都得到十度左右🥶冬天一定要打邊爐，今次因爲佢有8折關係所以先嚟試下,7點半之前俾錢有8折😍所以今次6點就去到我食辣但朋友唔食所以叫咗兩隻—姫松茸冬瓜湯、血池麻辣湯(但其實唔係太辣，朋友都食到少少)坐底就可以加自己喜好嘅調味料，不過湯底其他都已經好夠味一杯青檸梳打，一杯洛神花蜜，可以揀少甜的，兩杯都有落蜜糖，更滋潤點少得牛肉，今次叫咗手切牛邊$198，牛肉光澤十分靚同新鮮，咬落只有少少肥肉😋唔似肥牛咁肥，健康朋友可以試下蔬菜🥬羽衣甘藍，其他火煱店好少見，店員提醒只要滾耐少少已經好好食⏰爽口新鮮見佢海鮮好新鮮，所以叫咗海鮮尚盛$228，有齊咁多款每一間手打丸都係各有特色，今次叫咗四色丸尚盛，每一粒丸入面都野，分別牛肉丸鹹蛋黃，豬肉丸黑松露醬等等，粒粒足料彈牙🤩💯一開始等緊湯滾嘅時候可以叫住呢個百花釀油條試下，入面包住蝦滑，夠創新😍亦都可以擺入湯浸一兩秒拎岀嚟👍🏼👍🏼整體唔錯，卡位又有電視📺睇，多人都可以包間房一齊打邊爐

平時打邊爐淨係識壽喜燒乜乜乜，今次試燉湯火鍋真係令我大開眼界😮 川貝海底椰䲔魚肉，落料前飲一碗，滋陰補腎，因為冇加任何味精就算食到咁上下個湯依然係好好飲，一路打邊爐一路飲湯都係第一次😂單點火鍋雖然係貴少少，但質素都自然會比任食好好多，鮮淮山、手切牛小排、脆鯇片全部都好高質，更高級有松葉蟹皇餃，每啖都湧啲蟹皇味出嚟好似真係食緊蟹咁濃味，而講到最特別一定係百花釀油條，將彈牙蝦膠釀落油炸鬼度，就咁食點甜酸醬又得，好似響鈴咁淥一淥再食又得，得咗😛飲品方面意外地唔hea，無論係吸晴度極高嘅洛神花定係酸甜解膩嘅青檸梳打，兩杯都有加入蜂蜜，飲完當堂潤返哂😛

天氣轉涼，喜歡食火鍋嘅我😋，突然好想吃，難得今晚唔洗OT👏於是即興相約朋友仔。就去公司附近銅鑼灣時代廣場後面，百樂中心 8/F 「尚鮮火鍋料理」盡情享受一下🥳🥳進入餐廳內，感覺暗暗地好有情調啊！還有獨立間隔設計，這裡約三五知己傾計嘅好地方👍👍店員先送來一盤火鍋醬料，有辣椒、蔥、芫荽、香蒜、蒜蓉、麻醬等，可以自己調味料多少👍👍先來個養身燉湯《蟲草花花膠燉雞湯》＄178，飲落味道清甜，食材豐富，火候十足🔥🔥。飲到差不多的時候，就可以叫店員加湯做火鍋湯底😋😋食住先《百花釀油條》＄58，入口香脆可口，蝦膠爽口彈牙，不覺油膩😋😋至愛牛肉出場😍《特尚手切牛肉》＄180，食落牛味很重，牛肉帶少少牛筋另到肉質爽口又嫩滑😋😋朋友要食《豚肉片》＄45，豚肉厚薄剛剛好，食落爽口有肉味😋😋又點了《四式丸尚盛》🍡＄88，分別有金沙鮮牛丸、松露豬肉丸、甜薯墨魚丸、芥末籽蝦丸，很有特色丸，味道好香😋幾得意😊《田園盛》＄78，啱晒的眼闊肚窄嘅人，精選蔬菜食落很新鮮😋😋食物質素高🌟🌟，食到滿足一餐火鍋🍲

當日放工跟同事去食火鍋,經過銅鑼灣。一口氣點了清酒鮑魚,手切牛邊位,香菇餃子,雲吞。如最令我深印象,就是鮮牛肝菌昆布湯。昆布又名為海帶, 配上牛肝菌,佢有食療作用。本人食完之後感到全身溫暖, 期望下一次跟母親再來食。😘😊

踏入秋天，打邊爐嘅意欲直線上升！今日同男友拍完拖就決定吃個美味火鍋！最後決定嚟呢間銅鑼灣嘅尚鮮海鮮火鍋打個二人邊爐尚鮮尚鮮，當然係主打海鮮！餐廳每日都會列出當天最優質嘅海鮮精選。海鮮嘅選擇超級豐富，包括冷食嘅刺身同打邊爐食嘅都有。男友叫咗個青檸梳打，我就叫咗個洛神花茶，打邊爐飲一流！先來個得尚手切牛，牛肉同脂肪嘅比例非常好，雪花好靚，食落口牛味濃郁手打四寶丸，包括牛丸、豬肉丸、蝦丸及墨魚丸，等睇落好似好普通，但原來每一粒入邊都有特定嘅餡，有特色！二人海鮮尚盛，包括有蟶子皇、鱔片、花甲、鮮海蝦及蠔，最出色係鮮海蝦同蟶子皇，簡直鮮甜無比！點菜嘅時候見到火鍋店非常罕有嘅羽衣甘藍，就二話不說叫咗嚟食聽講羽衣甘藍係一種非常有益嘅蔬菜！吃火鍋時佢煮嘅時間需要耐一點，食落有啲似芥蘭！值得一試除咗吃火鍋，我哋仲叫咗個百花釀油條，可以就咁食又或者放落湯度浸一浸先食都得！呢個小食非常香口美味，推薦

邊爐鬼再次岀動搵食，係海洋公園企鵝🐧洞穴玩完之後，凍到隻手無暖過。所以就決定早d走岀番銅鑼灣打邊爐🤤尚鮮有2間分店，之前已經聽朋友講過佢嘅湯底真材實料，當中嘅養生燉湯更加值得一試👍🏻一坐低，侍應就向我地推介佢嘅招牌限售湯，川貝海底椰燉鱷魚排湯，有雞腳，杞子，淮山等材料，啱曬秋燥滋潤下，係打邊爐前同男朋友一人一碗，有家的感覺呀🥰刺身、海鮮，好似生蠔、活皇帝蟹、象拔蚌等等，提早預訂確保留到貨，本menu亦都好”足料”，時令海鮮、手工丸類、牛肉、配料等應有盡有🤫🤫最後係侍應嘅推薦下，我地叫到一枱都係野食👻當中我嘅最愛一定係百花釀油條🌟🌟卜卜脆嘅油炸鬼，上面裝滿蝦膠，彈牙嘅蝦膠加上脆口油條，雖然職員話可以好似響鈴咁淥一淥再食，不過我覺得當前菜小食咁更好味👍🏻👍🏻尚鮮嘅牛肉選擇都唔少嫁，今次地就支持香港代表，叫左碟本地手切牛。果然無令我地失望，牛香味濃，肥瘦適中！岀街打邊爐平時都比較少order丸類，因為唔想浪費quota🙊 但職員話佢地嘅四色丸尚盛係招牌菜黎嫁，一碟已經綜合晒佢哋最耍家嘅手工丸，一共四味，見係招牌菜就梗係試試佢啦！四種都好特別，當中松露豬肉丸同甜薯墨魚丸係我嘅favorite🥰

今晚與友人前往佐敦一家火鍋店吃火鍋。店內空間不大，只有數張枱，能容納的顧客不多，但每張枱的空間頗大，沒有迫夾的感覺。坐下後，店員便放下了數樽醬油及一些調味料(蔥花、芫茜、豆醬等)讓我們調教自己口味的醬料。店內有一些套餐，可以考慮。湯底的款式很多，最後我們選擇了秘製土鄉清湯。火鍋配料選擇很多，主要分為肉類，海鮮及蔬菜，也有一些特色燒烤及小廚。飲品主要為酒類，有啤酒、白酒、紅酒及清酒，也有一些特式飲品。以下分享一下我們點了的食物。秘製土鄉清湯 (4*)頗清甜，不會只帶有濃濃的芫茜味。足料湯底 落了不少瘦肉手切安格斯 (5*)高質! 肉和脂肪的比例適中豬併羊 (4*)羊肉沒有羶味蝦滑 (5*)新鮮、爽口彈牙。脆鯇魚片爽口。豬腸粉絲洛神花蜜茶味道略為帶酸。青檸梳打蜜青檸味清新 酸酸的很開胃總括而言，這家店環境不錯，食物質素頗高，服務也可，價格不是十分大眾化，但不失為一個吃火鍋的好選擇。

今晚約左fd dinner, 雖然天氣開始熱,不過都想打邊爐。Openrice搵左幾下，見到尚鮮，想試好耐，無book位，就碰下運氣，看下有無位。去到都系一個工廈樓上，位置不算顯眼, 好在樓下的廣告牌夠搶眼. 上到去餐廳, 地方不算大, 但乾淨企理. 而且老闆同職員都好nice。不過好彩都完全吾多人，即興walk-in都吾怕。我地兩個人叫左鴛鴦湯底，血池麻辣湯同姬松茸冬瓜湯底。同叫左個 “星級之選套餐 ($328/位)”. 野食已經set 好哂。 首先有冷盤小食: 清酒鮑魚 + 泰式生蝦生蝦大大隻, 啖啖肉,配上特製的綠色泰式辣汁, 味道吾錯,好夾！冷盤吃完後，湯底先上。可能我吃得辣，覺得個湯底吾都濃同辣。先吃手切安格斯牛，牛肉色澤紅潤新鮮,,口感好嫩！ 豬三毛 ( 豬紅 + 豬潤 + 豬皮)本人麻麻地內臟，所以吾系甘好。反而好有驚喜系個芝心獅子狗卷 一啖咬落芝心獅子狗卷, 中間的流心芝士即時流哂出黎, 超正!個鮮打豬肉丸， 墨魚丸 ，芝士腸 + 都吾錯。分量剛剛好 海鮮併盤 : 海蝦 + 大扇貝 + 鱔片 + 大蜆樣樣都好新鮮, 質量唔差. 仲要d蝦同聖子都好大份。 扇貝好大隻,

天氣開始轉涼 心思思想打邊爐。家姐話發掘左銅鑼灣一間上樓火鍋店 近地鐵站 即刻去試下。上到去環境都唔錯 乾淨整潔 坐卡位仲有部電視 幾好喎。秋冬限定～川貝海底椰鱷魚排燉湯做湯底 先飲湯勁足料 好濃 好夠味 堅稱無味精 抵讚。我自己都飲左兩碗 真心覺得呢個好抵 因為屋企煲都唔止呢個價錢。我和家姐係典型牛肉控 即刻叫左碟本地手切牛。手切牛幾好 份量唔細 肥瘦適中 牛味夠曬濃 正～百花釀油條 推介！熱辣辣即叫即炸 即食或者輕輕一淥都得。油炸鬼脆卜卜 百花夠彈牙。蟹皇餃雙拼。幾特別 韮菜 西洋菜餃就食得多 蟹皇餃真心第一次。松葉蟹皇、尚鮮蟹皇餃 兩款都好好食 蟹膏香 有鮮蝦 口感唔錯。飲品推介 青檸梳打 好refreshing 又唔會太甜 打邊爐岩曬～整體來說 用料都好新鮮 環境舒適得黎 服務又好周到 讚～

天氣凍返，又係打邊爐嘅好季節！我同阿妹行完Sogo之後又去試新野！餐廳喺Time Square附近，位置超級勁方便！餐廳規模唔算好大，大約十幾張枱左右，大部分係卡位，舒服寬敞，仲有私人電視睇呢！打邊爐始終都有少少熱氣，所以揀左個好滋潤嘅川貝海底椰燉鱷魚肉湯做湯底，呢d天氣岩哂呢！未打邊爐之前飲左湯先，個湯好清甜，好有「媽媽老火湯」味道呢，我自己一個都飮左三碗呢！打邊爐點可以缺少牛肉呢！order左一碟例牌嘅本地手切牛，牛味濃郁之餘亦夠咬口，份量不少，正！另外仲有四色丸尚盛，分別有蝦丸、墨魚丸、豬肉丸同牛肉丸，我最鍾意豬肉丸，入面釀左黑松露，一咬落去香氣四溢，囗感彈牙唔會過淋或者過實，味道亦剛剛好。另外，蝦丸亦十分推介，竟然可以見到成隻蝦尾，超足料，又彈牙又鮮甜，非常正！百花釀油條都好味，新鮮熱辣炸起，唔浸湯就咁沾醬食都一流！第一次打邊爐有得order雙拼蟹皇餃，其中一款用左名貴嘅松葉蟹黎整，蟹味真係好濃好濃，真係好好味好好味（要講兩次！哈哈！）。得兩個人食唔到好多野，但蔬菜類始終都唔可以唔食，最後揀左乜打邊爐甚少有嘅羽衣甘藍，非常新鮮之餘份量亦十足，仲好有益㖭！飲品點左洛神花蜜，大大杯

朋友推介呢間火鍋店，因為知我好鍾意打邊爐，而且呢度啲湯底好特別吓。六點半上到黎，都已經有七成客人，食食吓更加全場爆滿，好旺場呀！坐位都好寛敞喎。我哋就揀咗川貝海底椰燉鱷魚排湯，係一個養生燉湯，營養潤肺，而且限量發售。當中有啲鱷魚肉同埋瘦肉，亦有啲雞腳，都好足料，幾好飲。火鍋食肥牛是指定動作吧，特尚手切牛（中）份量都唔少，係用手起雙飛咁樣切，牛味唔錯。最特別係四色丸尚盛，四種丸入面都有唔同嘅餡料，咬落去先知係咩餡，令人大有期望。紫薯蓉、黑松露、鹹蛋黃、芥末籽，四種餡都好有特色。叫返個羽衣甘藍，高纖又抗癌，係近期大熱，不過纖維會有啲粗，要淥耐啲先得架。百花釀油條可以當小食，一啖咬落去油炸鬼脆卜卜，好香口。亦都可以蘸湯食，兩種食法各有千秋。最正係木耳鮮蝦雲吞，真係成個乒乓波咁大粒，好誇張！ 入面餡料十足，無論係蝦、豬肉、木耳全部都好爽口，呢個做得好出色，大愛。配兩杯特色飲品：青檸梳打同洛神花蜜，爽呀！重點一提係店員態度親切友善，又好給力，服務五星。

銅鑼灣百樂中心，晚晚食飯都好多人，等𨋢上去都用左15分鐘。 呢度人山人海，又有咁多間餐廳，究竟點樣揀好呢？又有打邊爐、放題、炸雞、又有各式各樣嘅西餐，見到有間叫（尚鮮），個名幾特別，迎合香港人追求食材原味、新鮮嘅原則。 入到去餐廳入面見到成個海鮮拼盤出曬嚟 ，有好大條鯛魚， 刺身sashimi或者打邊爐都應該好正。 餐廳老闆推介咗由新鮮日本市場直送嘅秋刀魚， 第一次食生食嘅秋刀魚，口感同平時食嘅三文魚吞拿魚唔同， 魚肉係鹹鹹地，有啲似沙甸魚，當然較為出色。味道更鮮，肉質更香甜， 最緊要係可遇不可求，因為供應實在太少。 美國桶蠔 ，每隻都咁肥美。 手切牛邊位 ，淨係牛嘅雪花已經知呢碟牛肉， 夠曬好味。 店內鎮店之寶嘅五味豚拼盤， 好似同豬一齊咁嘅感覺， 有豬紅、豬潤、豬皮同埋黑豚肉， 最緊要係新鮮運到。另外一個signature嘅係百花釀油條 ，呢度嘅百花係指蝦滑， 夾埋啲油條一齊炸， 好似去酒樓飲下午茶嗌嘅煎釀三寶一樣咁充滿油香。好多自家製嘅菜式，用新鮮松葉蟹包嘅水餃，皮薄餡靚， 蟹肉夠香。 獅子狗洛神花蜜， 比較少見，因為浸泡都要時間 。顏色好靚好紅色 ，味道像紅莓梳打， 好喝。