尚鮮海鮮料理 (已結業)

食慣銅鑼灣地鋪，同朋友上去樓上餐廳試試食野。尚鮮係百樂中心八樓，同MTR時代廣場只係唔夠五分鐘既距離。餐廳既感覺好cozy, 燈光暗暗地，環境又幾靜，幾適合同三五知己聚會。一坐低店員已經好熱情介紹招牌美食，同埋時令推介海鮮。望一望餐牌先知原來7:30前離座或者21:30後入座都有八折優惠，生啤亦都做緊promo。火鍋配料同湯底既選擇都好多，同朋友諗左好耐都傾唔掂數，決定叫個星級之選套餐，咩都食下咁。又叫左個時令鯛魚試下。平時都好少係餐廳食到鯛魚，今次真係一試難忘，除左好新鮮之外，口感亦都好輕盈，入口即融。火鍋湯底叫左姬松茸冬瓜同雜菜湯，兩邊都相當足料，好鮮味，淡淡地唔會搶左配料既味。店員好貼心，知我地唔食豬內臟，轉左豬肉片比我地，牛肉同豬肉片都片片厚薄分明，肥瘦岩岩好。丸同雲吞都係手做，外表精緻又足料。海鮮拼盤同樣好新鮮，淥一淥d鮮味出曬黎。價錢雖然唔算特別平，但食物好高質，絕對係超值，特別推薦刺身同海鮮拼盤！

今次點左條日本鯛魚,份量岩岩好夠2人食,好新鮮,D肉好結實,可當刺身食又可當打邊爐材料。4色手打丸好彈牙,食得出係手打,特別中意墨魚丸,咬到墨魚粒。但響鈴好大個,好食!最特別係百花釀油條,有層次。個元西皮蛋湯好好飲,好清。叫左1 JAR LIME SODA,又係好REFRESHING,剛好夠2人飲。呢度既經理好好招呼,介紹左個「雨」衣甘藍,呢個菜好似CORN咁要煮得耐先食到佢地根部,食到佢既甜味。好新奇,之前冇食過呢款菜,呢個經理介紹完先知原來係咁食既。另外我叫左個SHORT LOIN,冇肥牛咁肥,比較厚身。呢度主要食中國野但又有OKINAWA既風情。裝潢都似日本野,亦有少少日本野食。中意飲BEER既就可以試佢D 日本BEER.我唔飲酒所以冇叫到。

之前已經好想試下呢間"邊爐"，都係聽啲同事講話幾新鮮！位於銅鑼灣樓上舖，自己對樓上舖又愛又恨，被我嘅感覺係好似好食啲嘅，隱蔽啲，但係要係下面等個部lift真係會想死。。。好似今次咁明明訂左7:30但係係下面等左20min先上都去，好彩staff到無咋形咋！（staff態度由頭到尾都好好）店舖嘅樓面唔係好大，大概有1x張枱左右。我同朋友都係柯打左個套餐，穩穩陣陣算，唔洗煩！即食嘅有清酒鮑魚同泰式生蝦，唔潺，同埋好有酒味！又有芝士腸，獅子狗同木耳鮮蝦雲吞，木耳鮮蝦雲吞好多料， 正！海鮮方面有：蝦，聖子，蜆同鱔片，新鮮嘅，食落爽口唔會有怪味，要讚下（可能咁啱啦哈哈）鱔片無骨正呀！"墨演"同"豬肉演"都係真材實料，唔係平時勁多粉個種。 手切安格斯牛都唔會好薄一片，淥一淥就夠！豬紅，豬皮同豬膶自己就唔係好食嘅，但係朋友就話嘅新鮮。佢嘅"鮮菜菌盛"份量都夠，唔會得幾條菜，有幾款菇同菜仲有好甜嘅粟米添！食埋個烏冬就夠晒飽！仲叫左個佢地自家製嘅青檸蘇打！好有青檸，絕對唔係溝水沖個種！湯底叫左血池麻辣同姬松茸冬瓜，自己鍾意麻辣野但係呢個真係堅，可能係啲食物又熱令到條脷好麻，都喺食番姬松茸冬瓜算，啲冬瓜s

作為海鮮狂迷，唔想俾人劏到一頸血，最好就係去間高質既火鍋或者蒸鍋店過口癮，聽朋友介紹鎖定左尚鮮。咁岩發現做緊生日優惠，拿拿林訂座登記埋會員，一坐低就送左一大盆鱆紅魚刺身，仲有埋蠟燭好似生日蛋糕咁。 係日式餐廳以外食刺身總係冇咩期望，難得鱆紅魚結實彈牙，好有水準，壽星有得打卡又大讚新鮮好味。姬松茸冬瓜湯 拼 血池麻辣湯 ($136)難得朋友食得辣，第一時間就揀左個麻辣湯。　見冇得揀辣度都知唔會好嗆喉，對我地黎講只係入門級既麻辣，唔係好過癮。　反而姬松茸冬瓜湯有驚喜，姬松茸香味好特別，冬瓜煲腍左都好清甜，大家爭住食湯料。二人海鮮尚盛 ($228)單睇色澤已經知新鮮，有蟶子、大蜆、蝦、蠔同鱔片，以此價位絕不欺場。　淥幾秒變色已經食得，彈牙鮮甜，唔洗點醬都夠哂味。　尤其是蟶子、蜆同蠔同完全係king size，大大啖好滿足，食完即時有衝動encore。　老實講我同朋友都怕蠔同鱔片會腥，唔太敢食，點知完全冇呢個問題，海鮮絕對係呢度既拿手菜。特尚手切牛 ($180)手切牛都算厚切大塊，油花幾靚，食落腍滑有肉味，兩個人分岩岩好。四式丸尚盛 ($88)金沙鮮牛丸、松露豬肉丸、甜薯墨魚丸同芥末籽蝦丸淨係

成班朋友踢完波，一齊去火鍋店同個波友慶祝生日。老細知道我地個friend生日，即刻叫我地上facebook免費登記做會員，然後就有優惠！！ (註：記得需要預早一日訂位先可以使用優惠呀）調味架～應有盡有。我地叫左個姬松茸冬瓜湯底，滋陰去濕。湯底香濃，未打邊爐都要飲返碗先呀。呢個安格斯牛肉就係生日優惠送架～～一d都唔馬虎，真材實料，肉質鮮嫩，油脂均勻，拖一拖就食得！入口即溶，牛味重，正呀！！青酒釀鮑魚～青酒煮既鮑魚味道帶甜，凍食鮑魚都幾特別，肉質彈牙，味道唔錯。生蝦刺身～生蝦大隻，啖啖肉。雖然未算極為鮮甜，但肉質肥美搭夠。生鮮海蝦好生猛，仲跳跳下架～果然鮮甜，蝦肉結實，好味。豬紅嫩滑，無腥味，好香口。豬皮夠爽夠彈牙，正！今次人少，下次一大班朋友生日再黎，愈多人食愈送得多野食，超抵～哈哈

今日喺銅鑼灣放工，就去咗附近嘅百樂中心嗰度搵嘢食，朋友話想食火鍋，我地就嚟咗呢間餐廳啦！一入去，地方雖然唔算大，但係啲座位都好闊落。今日天氣已經有少少熱，再加上打邊爐就梗係要飲凍冰冰嘅啤酒啦，原來呢間餐廳做緊promotion，啤酒逢星期一就買一送一，如此類推，星期日就買七送七！見到promotion咁抵，我哋即刻order番啲啤酒先！多口一問仲有冇其他優惠，店員話除左啤酒優惠，仲有生日優惠架。慶祝生日會有各種優惠，可以打電話book位時問下。另外，如果人數夠多，仲可以book房。-店員之後就介紹左啲湯底，今日我哋就揀咗一個清湯、一個麻辣火鍋湯底:個麻辣火鍋湯底好吸引呀！麻辣湯麻而不太辣，怕辣嘅朋友都食到。-泰式生蝦:生蝦配上辣椒、蒜片、鹹檸檬，食落蝦肉爽口，配上以上各種調味料，更加惹味。-百花釀油條:油炸鬼釀入蝦膠，再炸脆，熱辣辣又彈牙，感覺新鮮👍🏻-特尚手切牛:牛肉油花豐富，肉味十足👍🏻用上雙飛嘅切法，令牛肉快熟得尼又有口感，灼一灼就食得，正呀！牛肉份量唔少，好滿足呀！-四色丸尚盛:每種丸都有特色，例如:牛丸入面有鹹蛋黃; 豬肉丸入面有黑松露。平凡嘅丸，原來都可以不平凡。五味豚拼盤

生日當然又係去我們這一家至愛的打邊爐啦。我地用openrice 訂位，仲有8折添。我地6個人，有老人家坐輪椅唔套方便坐卡位，所以店員好好人就話俾我地坐房（10人檯黎架）湯底好多選擇，揀左椰子清雞鍋，雖然個鍋望落好似清水，但其實一放上檯就聞到超香椰子味😍飲落口超甜！提提大家原來平時訂位講定有人生日就可以送刺身。我地仲話我地冇叫刺身，原來係店員好貼心，偷聽到我地係黎慶祝生日所以送左刺身俾我地，超驚喜！一點都唔吝嗇架，好多片鱆紅魚，新鮮好味。火鍋配料方面，我地叫左牛三盛，頂級牛頸脊，後者好味d。海蝦肉質結實，百花釀油條香脆可口，四式丸普普通通，墨魚滑好彈牙，蟹皇餃幾特別。另外叫左生菜和皇帝菜，第一次打邊爐想不停食菜類，因為吸收晒椰子雞湯，超甜！另外抵讚店員會不時隔走湯浮面個層油，即使打完邊爐飲湯都唔怕油膩。埋單人均消費都係2百頭，算幾抵食，服務又好，值得再黎。

是晚跟E先生來到銅鑼灣尚鮮火鍋海鮮料理打邊爐。入座後就被是日時令海鮮推介吸引，可是兩個人打邊爐確實吃不了太多，幸好店員介紹星級の選套餐，套餐包括了很多款式的食物，正好適合每樣都想嚐嚐的我們。醬油味料 $15/位 我們先按各自的口味調配好醬油味料，準備開餐。星級の選套餐 $328/位<冷> 清酒鮑魚+泰式生蝦 <湯> 姬松茸冬瓜/土鄉莞荽清湯/血池麻辣湯/有機田園雜菜湯 (四選二) <海> 海蝦+聖子皇+鱔片+大蜆 <牛> 手切安格斯牛 <丸> 鮮打豬肉丸+墨魚丸 <餃> 木耳鮮蝦雲吞 <料> 豬三毛 (肝,血,皮)+芝心獅子狗卷+脆皮芝士腸 <菜> 時令菜蔬野菌盒 <麵> 日本葛絲/稻庭烏冬歡樂時光任飲優惠由18:00-20:30 / 22:30-00:30，+$38 兩小時任飲指定啤酒汽水+$58 兩小時任飲指定清酒汽酒。清酒鮑魚+泰式生蝦 鮑魚質地爽口彈牙，味道鮮甜；泰式生蝦肉質爽脆，味道帶點微酸辣，非常開胃，讚！有機田

食打邊爐我覺得最重要係食材新鮮，今日見天氣微轉涼又心思思想去食shabu shabu。要食就揀提供新鮮食材的店，於是我就揀左來銅鑼灣的尚鮮火窩海鮮店享受睇到都覺新鮮，同色、香、美俱全的火窩。這店服務態度唔錯，入座後仲細意問我們有無人該月生日，原來店做緊優惠，有格魯吉亞果氣酒、安格斯牛、鱆紅魚刺生、蟲草花花膠雞湯按人數計送法，人少送一樣，人多送哂，咁着數我下月生日約齊人又可再來過。今日主打食海鮮，故湯底棄藥膳、燉湯，選清清地的姬松茸冬瓜及酸酸地開胃的田園雜菜湯，圖兩款不會蓋住海鮮的鮮甜味又減滯。點好火窩料，先上兩款前菜，清酒煮的鮑魚入口淡淡酒味，肉質綿軟，齒頰留香，另一款的泰式生蝦，不太辣蝦肉彈口不錯。跟住來用英式三層架送上的/豬紅、豬潤、豬皮各式丸、腸及雲吞，每款都色澤令亮好新鮮，豬潤爽爽脆，特別要提的是芝心獅子狗卷一不為意給内裡的芝士燙着咀。丸丸，每款都正、彈、汁多從侍應得知是每日新鮮制無怪這般好食。手切的安格斯牛，雪花均匀，色鮮亮，一見就心悦，食慾大振。終於今日的主角海鮮出來了，長過日本筷子的蟶子皇，大過前菜九孔鮑的馬刀貝，大海虎蝦及脆口鮮鱔片，我見到心心眼都現，友人邊食邊讚真新鮮

● 六日夜晚出去算係價錢親民◆主打燒肉, 刺身壽司同小食放題★榴蓮炸彈好食！！炸物一般推介👉 安格斯牛小排, 薄切裡基肉, 安格斯三頭基👉 刺身種類多👉 燒海鮮一定要叫虎蝦同蠔 🐟**海鮮除左刺身記得要燒熟先好食啊I want to conpliment the servers because they are very polite and helpful, one of them helped explain to me how different parts of the beef would taste different and that helped a lot.

約好耐冇見嘅朋友聚餐 第一時間就諗起火鍋 聚會嘅好選擇😛 今次第一次試養生火鍋 感覺幾好！首先每枱都有好齊全嘅調味set俾你調自己想要嘅汁跟著都有前菜 係清酒鮑魚同泰式生蝦鮑魚幾好嚼頭 清酒味唔算好濃 唔會搶左鮑魚嘅鮮味 而生蝦亦都好新鮮 微辣更開胃👍🏻湯底我地揀左姬松茸冬瓜同埋土鄉芫荽清湯冬瓜湯底入面好足料 有好多冬瓜 豬肉 松茸 芫荽湯都好香好清😋手切安格斯牛牛嘅紋理好靚 肥瘦分佈得好平均 牛香味都好夠👏🏻跟著有手打豬肉丸 墨魚丸 雲吞 豬三毛 獅子狗同腸仔豬肉丸好彈牙 雲吞好足料 其他一般打邊爐食物都保持水準！然後有海鮮盆 包括海蝦 聖子皇 鱔片 大蜆全部都好大份好新鮮 正👍🏻最後都有蔬菜野菌盒 balance返之前食太多肉或海鮮😛最後送埋呢個炸蝦卷 香脆足料😎我地叫左個星級之選套餐 用料真係唔錯 值得一試😊

天氣凍凍地，就當然要同朋友打下邊爐啦，尚鮮都好近地鐵站，夠晒方便！入到去都坐得幾闊，如果卡位仲會有埋電視睇，十分貼心。我地就叫左個星級之選套餐，因為set好晒，唔洗再諗同埋真係幾抵。湯底揀左鴛鴦，姬松茸冬瓜同埋血池麻辣湯試試佢。冬瓜清清地，味道清甜，岩晒煮滾菜同海鮮，不過我個人就鍾意麻辣湯多D，唔係好辣，但係麻麻痺痺既感覺好過隱。套餐包埋冷盤，有清酒飽魚食，好爽口，再黎泰式生蝦，辣辣地好醒胃呀！之後就到手切安格斯牛，賣相已經相當吸引，同埋呢到D安格斯牛唔會得個肥字，脂肪同肉既分佈都好平均，加埋麻辣湯少少麻既感覺，真係好正。海鮮拼盤有海蝦﹑聖子﹑鱔片同大蜆，食落都幾新鮮同埋爽口，個人特別推介鱔片，肉嫩鮮甜，好出色。再黎就係滖左丸(鮮打豬肉丸+墨魚丸)+芝心獅子狗卷+脆皮芝士腸，全部都彈牙，但手打係唔同D，所以豬肉丸特別好食！仲有木耳仙蝦雲吞，有D菜係入面，清清地好爽口，同時同埋時令雜菜同菇一齊食，中和一下。食完菜又可以食D好邪惡既豬3毛(豬肝﹑豬血同豬皮)，佢將豬3毛放係個架到又幾靚，都幾方便夾。豬血唔係到到打邊爐都有得食，最鍾意就係配麻辣湯一齊，又係停唔到口！最後就食咗稻庭烏冬收尾，稻

太耐無見朋友，所以約咗黎銅鑼灣打邊爐。我地叫咗個星級之選套餐，貪佢乜都有，夠哂豐富又唔洗自己諗！一開頭嚟咗個頭盤，係清酒飽魚同泰式生蝦。個鮑魚切粒，食落好新鮮。而生蝦雖然冇泰國舖咁好食，但食完都幾開胃。我哋叫咗兩個湯，姬松茸冬瓜同埋血池麻辣湯，個冬瓜湯都幾足料，開頭飲咗幾淡覺得幾甜。而個麻辣湯唔會太辣，少少麻啱啱好。海鮮有海蝦，聖子，鱔片同大蜆，全部都好新鮮，建議落落去清湯，咁有食到浸鮮味！我地對個安格斯肥牛非常期待！試咗一舊返唔到轉頭，入口即溶感覺，如果唔係仲有好多野食一定會encore...丸方面有豬肉丸同墨魚丸，不過不失，如果有埋其他丸就更好，特別係芝士丸。雖然冇其他丸，但都有芝心獅子狗同芝士腸，可以補返數！我地幾鍾意木耳仙蝦雲吞，一咬落去口感豐富，我覺得比丸好食。另外仲有豬肝，血，皮，浸落麻辣湯一流！好似食緊川菜咁。最後就食咗稻庭烏冬，加埋啲雜菜食，清清地，唔會太過飽，份量啱啱好！

好耐無出銅鑼灣食飯，今日出開Sogo行街，就係附近搵食之前見朋友facebook打卡過，記得佢好似有海鮮套餐食，岩哂我呢d又想食又唔想諗食咩既人去星期之選套餐都係$328/位咋有海鮮，有靚牛，仲有其他火鍋配料。諗都唔洗諗就食呢個餐！要飲酒既朋友有極多選擇多款日本啤酒，手工啤，清酒及梅酒等。今次無人陪我飲，唯有睇調味架有8款口味我最欣賞係薑蓉真係好少地方有！！加埋蔥同椒絲係絕配～～生蝦刺身，蝦肉肥美，鮮甜，都幾彈牙~~海鮮拼盤~~份量唔算多，都係按人頭計，份量較少。不過全部都好新鮮，補番數。我覺得蟶子最出色，肉厚而彈牙，好甜，好新鮮豬潤顏色鮮明有光澤，一定唔係雪藏貨。質地結實有口感，好味仲有其他火鍋配料，食埋原來都夠飽喎。呢個獅子狗好盞鬼，入面有芝士架～好好味食埋蔬菜籃，清清腸胃，去油膩。不過都係果句，如果份量多返少少就更好。最貼心係卡位有獨立電視，岩哂要追電視或者要電視撈飯既你整體黎講，呢度既星級套餐都幾抵食海鮮質素高，服務好好。上菜同執枱速度超快，好有效率，店員成日係附近standby，完全唔會有舉手無人應既情況發生，值得一讚

覺得幾時都咁適合打邊爐嘅我，經過見到呢間火鍋店好似幾吸引喎，於是就約埋朋友一齊去試下，果然無令我失望啊！😋😋😋入到去見到個環境都幾闊落，如果一班朋友黎仲可以有卡位，每卡仲有一部小電視，如果又朋友係電視迷就啱晒😂😂湯底都有好多選擇，因為想要鴛鴦鍋嘅關係，我同朋友就揀左麻辣同清湯，下次有機會想試下燉湯湯底好似都幾吸引。 麻辣湯底都幾出色，一開似以為唔係好辣冇咩味，點知愈食愈有味，同肉類非常夾。醬料值得推介係個麻油，真係好香，太辣都可以點，點左會冇咁辣終於到主菜，由於太肚餓關係，本來慣左相機食先嘅我都忍唔住食左先影😂😂 我同朋友兩個人分別叫左手切牛，手打四寶丸，白菜苗，響鈴，同埋紐西蘭托托蛽。牛肉係好新鮮，而且唔會太肥，本來唔食牛嘅我都食多左幾塊！四寶丸分別係牛丸、墨魚丸，蝦丸同豬肉丸，四款都好彈牙。我最鐘意就係個蝦丸，仲食到細細粒蝦肉，口感好夠。響鈴係我打邊爐最愛之一，炸得非常脆，唔會一陣油味，一放落個湯底3秒再夾返上黎，有吸到湯，有仲有少少脆口，真係好正😋😋最後就係個蜆，個殼大，估唔到肉都好大粒，仲好彈牙，證明都係幾新鮮，講起又想食！！最後兩個人食左700，都差唔多，起碼呢度d野食真係幾