岩盤牛扒ミディアムレア ステーキ (Greenery Plaza ) (已結業)

又係係大埔覓食的一天😹行經太和發現附近有呢間牛扒店，見價錢都唔係好貴，就決定今日食呢間！🥩呢度係係門口點咗餐再入去坐住等～揀咗牛扒幾多g之後，店員會即刻喺你面前切牛扒🤣然後放上個秤度磅重～俾你睇埋幾多g！然後每份牛扒都可以揀要咩油，有蔥油、洋蔥油同蒜油！個價錢只係包一份牛扒，如果想要嘢飲同飯嗰啲就要再加錢轉套餐！$28可以揀三款✨有白飯、味增湯、沙律、溫泉蛋、飲品、波子汽水、啤酒🍻最後我揀咗洋蔥油配西冷牛扒✨超大份🤣然後配菜要白飯沙律同溫泉蛋～ 沙律超多醬！重口味人士最愛haha! 溫泉蛋撈飯都好好食😋牛扒佢會大概煎到五六成熟左右，如果覺得太生可以自己再喺鐵板度再煎一煎～佢個醬汁好特別～令塊牛扒更加加分🤣🤣

同事推介大埔有間同日本風味十足嘅牛扒快餐店，星期五放工稔都唔稔就試試佢。快餐唔等於d 肉會差d,一分錢一分貨。你比得起錢，和牛都有得你食，自問本人係窮, 所以都係冇點和牛。大埔翠怡花園下面大把野食，所以假日黎可能要等位。先點餐，比錢，再入去等食。選擇好你要咩肉，咩重量，咩咩油，再睇下你想唔想加$28 做餐。看圖識字，唔明可問職員。職員十分友善。提提大家，要主動同佢講幾成熟，如果唔係佢會比三成你。入面環境唔錯，唔坐得好多人。所以要有等位嘅心。我早黎，所以唔洗等位就可入。點完餐會比部機仔你，份牛扒ready 就會閃閃下，你攞部機仔去換餐就可以。我點左嘅係U.S.A. Prime 後腰三角肉（比較小見佢個部位）點左350g, 職員會盡量切比你，我差小小，345g. 放心，佢比幾多你，你就比幾多錢，唔會比多得。我冇特別話要幾熟，所以佢比左三成，所以唔食得太生嘅朋友，要自己切細舊d 再用佢鐵板再煮煮。職員推介蒜油，勁多蒜，好香，好野味。份牛重量十足，質素甚高，脂肪唔太多，唔un,好易切，好有咬口，點佢個秘汁好match. 有小小酸甜嘅柚子味，好開胃。我個餐係溫泉蛋，飯，同野飲，都係正正常常，冇咩

大埔抵食牛排大埔都開左唔少排房，但高質又抵食既排房就真係唔多！今日黎到呢間係大埔翠怡花園既 牛扒 ミディアムレア ステーキ🤪呢間餐廳喺大角咀同新蒲崗都有分店架～如果想食都唔洗去到大埔咁入🙈首先會喺門口收銀位落單，然後店員會即場切大概重量既肉再喺客人面前磅埋先收錢！咁今次我同朋友就叫左肉眼同西冷，我地兩個都加左$28升級做套餐，咁就可以揀三款食物或者飲品～我就想飽肚啲，所以揀左沙律、白飯同溫泉蛋！肉眼我叫咗300g，因為牛扒係店員即場人手切，所以未必會好精準，咁我呢度大概280g，計返數其實$100都唔使～牛扒仲可以揀蒜油、洋蔥油同埋蔥油～我同朋友揀咗蒜油同洋蔥又覺得冇好大分別～點完餐之後，店員會俾個牌你，然後個牌響嘅時候就可以去拎餐，主角上到嚟嘅時候，佢會起塊熱辣辣嘅鐵板上面！聽到咁大塊肉喺鐵板上面燒嘅聲音都流晒口水，最好係可以自己控制幾成熟，我自己建議切好晒先，因為牛扒比較厚身，中間位置可能唔太燒倒，怕太生嘅朋友，要燒一燒牛扒中間～燒自己最鍾意嘅程度再點跟餐嘅牛扒醬，鮮嫩嘅肉質配埋香濃嘅燒烤醬，十分滿足！整體來講我同朋友都幾滿意今次嘅用餐體驗，美中不足嘅係，我哋叫嘅沙律落得太多芝麻醬

作為大埔之人,間中都會經過呢間舖,一直都被門面嘅裝飾所吸引， 今次正式嚟到舖頭一試一試, 門面日式格局配上小窗口作為落單之處，十分特別首先餐牌上有六種不同位置的牛扒作選擇，以我今次選擇的牛扒是西冷，主要原因係見到佢屬於premium 既位置，味道應該更好！去到落單位置職員會先叫你選擇種類然後選擇份量，而我今次選擇左350g ，之後加$28可以轉為套餐配上三種配菜,本人選擇左白飯,溫泉蛋以及一罐飲品職員咁會喺顧客面前切開牛扒及磅重，以示公正，除咗選擇牛扒種類之外更可以選擇不同種類的調味油，例如蔥油，蒜油等等，而我選擇左蔥油餐廳內位置不算太多但算整齊，位置和位置之間有板相隔，餐廳內不斷播出日本主題的快歌有如置身於日本等咗大概5分鐘就已經可以取餐，眼前是一塊熱騰騰的鐵板，西冷牛扒的香味撲鼻，再配上高溫燒滾既蔥油，馬上令人流晒口水，急不及待試一啖,切開牛扒，熟度適中，大概七成熟，入口Juice，香濃嘅牛味，再配上流質溫泉蛋結合白飯簡直絕配,此外咁配上一兜柚子汁，又係另一種風味，可以令人去除油膩的感覺，而飲品本人選擇左蜜糖檸檬果汁，酸酸甜甜令人更加開胃.整體食物環境都10分滿意值得再去

牛扒專門店，大埔本店，扒同樣好味。喺呢間食嘢，可以先喺門口落order，磅下個扒幾多gram，然後再食。佢有好多嘢揀，我同朋友揀咗西冷、牛柳，各300 克。然後再加$28 ，五選三：白飯、味增湯、沙律、溫泉蛋、雪糕、飲品、波子汽水（加$10 ）、啤酒（加$20 ）。雖然佢唔算好貴，但如果在想食平少少，可以揀櫻花弁， $50 ，加$15都有得一set咁叫。落完order，即刻可以睇過肉，店員就會同你講佢哋default 係五成熟㗎咋。今日去有啲早，每張枱同櫈，相隔唔算好迫，都坐得舒服。望真啲，有一個位可以擺番你食完嘅嘢，順便走嘅時候還埋啲餐。落完order佢會比一個呢啲嘢你，當佢準備好嘅時候就會震，咁你就可以去攞嘢食啦。（1）西冷牛扒，$189。溫泉蛋、沙律、飲品。牛嘅質地唔錯，牛脂好香，一啲都唔羶。最上層加咗啲洋蔥，帶出牛味。肉質非常Juicy。佢嘅檔香燒汁係亮點。（2）牛柳，$138。溫泉蛋、白飯、味噌湯。牛柳呢一份，就上面落咗香蔥，牛本身已經好味㗎啦，落咗香蔥更加令到件事更惹味。肉質稔，完全全無筋。食呢個扒，好似好熱氣，呢個時候配下沙律、或者白飯，或者味噌湯，尤其是溫泉蛋撈個飯，濕

今晚突然好想食牛扒，作為大埔之友，試一試呢間太和的牛扒屋！位置方便街坊，於翠怡花園外食肆範圍，好容易找到。我本身是牛魔王，見到大大個招牌寫住「好Large大塊扒」，餐牌多款牛肉好吸引！未入到店內，已經聞到濃濃鐵板香味，令我食慾大增! 呢間餐廳係入座前，先在門口order食物及付款，在餐牌先選擇，包括牛柳、牛板腱、西冷、肉眼、和牛多款牛肉部位。我就選了牛板腱，平時比較少食呢個部位，試一試先！ 食客可以選擇200/300/400克，視乎自己喜好不同牛肉部位和食量，我點了300克，店員手法純熟，切了一片厚度適合的牛板腱給我，在量度重量，計算價格是大約$150左右，超大塊牛扒，這個價格真係非常抵食。我選擇了蔥油味配料。我最鐘意食蔥！ 正！ 伴隨牛扒，我選擇加$28 ，任選3款（包括檸檬飲品、麵豉湯、沙律），客人可任選3款（溫泉蛋、白飯、湯、飲品。）一個餐好整齊仲有咁多配搭，完美！ 入座了！餐廳位置舒適，有抗疫隔板，安心用餐。等了10分鐘，手牌震動提示可以自助領取牛扒餐，離遠都聞到好香呀！ 上檯了，賣相一流！見到大大塊牛扒配上我愛的蔥花（不喜歡蔥的朋友可以選擇蒜油或洋蔥油），牛板鍵部位好柔軟，我

返工有咩開心得過遇到好同事呢？應該就係同好同事一齊食好西 今日我就約咗同事收工後一齊食晚飯～我同佢都好為食（又大食haha），所以都想揾一間又抵又好食嘅餐廳，經過我哋精挑細選之下，就揀咗呢間係大埔嘅Medium Rare Steak同事係大埔地膽，好快我地就到咗餐廳餐廳門口都好易認，到咗係右手邊個窗仔到叫野食先，再入去等就ok餐牌有牛嘅不同部位可以揀，價錢計法係跟據牛扒嘅重量而定，我地仲可以選擇想要幾重，真係好貼心呢到要特別讚下餐廳員工好友善，主動介紹唔同部位嘅特色，我比較中意食淋啲嫩啲嘅扒，員工就推介我食牛柳～ 大食嘅我當然唔會淨係食牛扒就滿足，呢到只需要加$28就可以揀3款配菜變成套餐，也太抵了吧！！加飲品嘅話就可以有以上選擇，完全係挑戰有選擇困難症嘅我最後我叫咗牛柳套餐，跟沙律、溫泉蛋同埋麵豉湯。勁搞笑我話想要大概200-250g嘅肉，店員就攞咗件極大嚿牛柳出嚟，即場喺我面前切肉同磅重。最後切出嚟係231g，啱啱好係中位數，員工果然犀利餐廳好貼心，照顧不同顧客嘅需要每枱都會有一樽海鹽同埋黑胡椒俾我地調味5分鐘都唔洗，我個餐就ready喇！百零蚊就咁多野食，真係好抵牛肉係鐵板上咋咋

放工想屋企附近食就算，經過餐廳香噴噴烤香味又未試過，1st try!😎.快餐店形式，先係出面落單俾錢，揀🥩牛部位+磅數+醬汁🍖，店員即切磅重，價錢根據重量計算，好均真呀☺+$28 就有個套餐，有白飯，沙律，味噌湯，汽水，雪糕，温泉蛋，6揀3, 跟住埋位等攞餐~.我係一個大食妹，但300g對我黎講都有點飽(利申冇叫飯), 所以女仔可以考慮200g+飯😆.店員會將牛扒煎至3成熟，再上鐵板慢慢煮成5成熟。如果要熟 d記住唔好咁早落醬汁！一上菜鐵板的咋咋聲好吸引😍😍😍.🟥牛柳配蒜油汁 (1g=$0.37) 🟧牛柳比較扎實厚身，有咬勁無渣/筋，啖啖肉好有滿足感😎配上超級多蒜蓉粒，超香.🟨牛板腱配洋葱汁 (1g=$0.45) 🟩牛板腱比較軟身，啱哂我冇牙力的人😆一絲絲的肉，非常嫩滑。比較牛柳，牛板腱牛味更濃，係✨✨!! 必食推介!! ✨✨.不得不提佢配的柚子汁，更加畫龍點睛！😋甜甜酸酸中和肉的滯。枱上亦提供粉紅海鹽及黑糊椒(即磨), 更可帶出肉的鮮味♥.仲有我好欣賞佢的麻醬椰絲沙律！超大碗滿滿的🥗仲有肥 Pat 先生都好欣賞佢的手工啤🍻下次要實惠据扒唔洗去連鎖快餐店啦😎.

今日同朋友食dinner，佢話想食扒，我之前係大角嘴食過個扒覺得幾好食，大埔有開分店所以就再食！店員話牛板腱比較淋，所以朋友就叫左呢個。我就叫左西冷，可以share黎食。揀完牛之後可以揀3個配菜，我揀左飯、麵豉湯同溫泉蛋，朋友就叫左波子汽水、湯同沙律。鐵板熱辣辣上到，燒多陣就食，朋友個牛筋唔多而且幾淋。佢有比個汁我地點，我覺得佢酸酸甜甜咁似燒汁好好味。我地仲加左d鹽同黑椒，成個牛都好惹味！我溫泉蛋撈個飯好正，令我食曬成碗飯！西冷肉味比牛板腱濃，油花不算多，但分佈平均，而且好有彈性！個牛其實可以揀用咩油煮，我地揀左蔥油，仲有蒜油等等其他選擇。同埋佢除左用油爆香佢之外仲加左粟米，味道好多層次！

平時想食肉啊、牛扒，去餐廳食佢地肉嘅份量都唔係太夠。今日食呢間餐廳呢，就係可以根據自己想食嘅份量，佢叫牛扒嚟食呀。而且仲要係裝修非常之日式嘅一間食店。除咗揀牛肉嘅種類之外，仲可以揀食嘅份量，而且每一個餐呢都會再配三個小食，牛扒嘅味道亦都可以揀蔥油、蒜油、洋蔥油。揀咗肉類同埋黑數之後呢，店員就會即刻拎成塊肉出嚟切俾你啊，一定唔會唔夠食。我同朋友呢分別叫咗牛板腱同埋西冷，牛板腱就大概300克，西冷呢就係440克左右。我嘅套餐呢，我就揀咗沙律、麵豉湯同埋波子汽水。一上到嚟,已經感覺到個鐵板非常之熱啊，牛肉呢喺上面大概會燒到五成熟自到七成左右，唔會太老。由於係鐵板直接香煎, 一切開肉一d 都唔韌。而且好香。朋友嘅西冷，超級厚身

餐廳主打一人一個石板燒肉，想食幾多就食幾多叫左肉眼，加$28升級做套餐。餐廳提供幾個唔同既牛部位可以揀，落單既時候同侍應講想要幾多克，佢就會即時切出相對既份量，係客人面前磅，再按個磅數黎計塊扒既價錢，非常公正。廚師會將牛扒煮至三成，再放到預熱左既石板上，等客人可以利用石板將牛扒煮到五成熟。如果唔鍾意太生，係落單前可以事先知會。今次點左肉眼，300g左右，切左出黎同相像中差唔多。等左10mins左右，感應器就響。感覺到塊石板非常熱，切開見到d肉仲係生生地既，可以邊切邊放係石板到繼續燒，就可以變成五成左右。肉眼含脂量比較重，食落好‘林’好香口，配上大量蒜油後更惹味。餐廳亦都好貼心咁附上柚子醬，酸酸甜甜，解肉膩之後，仲好清新好夾。套餐揀左沙律、味噌湯同可樂。整體，肉既生主熟程度由自己控制，化身廚師煮野食，唔錯。而且肉質亦嫩。

之前去過另一間分店，一直都對佢嘅牛扒念念不忘，今次黎大埔終於又見到啦，二話不說即刻入去食番餐~~~ 一樣都係先排隊揀要咩部位同幾重，會即時磅俾你睇，再計番個價錢，然後等煮熟就拎得。今次試下牛柳，因為唔想咁肥，大約260克，升級套餐加配溫泉蛋、白飯同可樂。一拎到牛柳就聞到陣陣牛香味，切開仲見到血色，好吸引，可以按自己中意嘅熟度放上石板再燒一燒！牛柳肉質軟腍，我中意肉味唔會太濃，旁邊仲有柚子汁去油膩，仲有胡椒粉同玫瑰鹽調味。溫泉蛋好Q彈，食落口非常香滑，配上白飯一流！想食啲高質少少又唔貴嘅牛扒，依間係唔錯嘅選擇，佢仲有肉眼、西冷、牛板腱、後腰三角肉等等，而且係照重量黎計價錢，唔驚俾人搵笨~食完記得要自己將托盤放係回收站。

今日好想吃肉所以我便去了家附近吃牛排這裡的牛扒是以重量計算假錢想吃多些就選大塊牛肉我今日很肚餓所以選了一塊三百克的大牛扒這間有四五種牛可以選擇我選了後腰三角肉店員說這部位肉質偏實會比較有咬口我就是喜歡吃扎實有咬勁的肉質有三種調味可選店員建議洋蔥油即係牛扒上放有一些切磅的洋葱作為調味另外加錢升級為套餐套餐可以有三個配件有飲品、味增湯、沙律、温泉蛋、雪糕、白米飯我選了飲品、沙律和温泉蛋飲品是罐裝或紙包飲品在等候期間留意到店裡裝修十分日本風和日本一樣同樣是吃完餐顧客自己放回餐車架上肉來了！整整一大塊在鐵板上店員貼心的提示鐵板會很熱小心燙手另外如果肉還沒熟就不要加醬汁肉類是五成熟上菜的如果想熟一些就要煎久一些些這塊牛扒肉質扎實原實而且肉質是嫩滑有咬勁吃起來真的是啖啖肉身為食肉獸的我吃得過癮配上洋蔥油真的很讚洋葱味使牛扒味道提升更帶出牛扒的鮮味📍 牛扒 ミディアムレア ステーキ (翠怡花園) (大埔)大埔翠怡街3號翠怡花園C座地下18A舖

食肉獸一定唔可以錯過大埔呢間食肉專門店雖然位置比較隔涉、肉類選擇唔多但係勝在選擇都係高質嘅肉有安格斯牛嘅牛三角位仲有和牛添鍾意食肉嘅我一定唔可以放過好食嘅牛扒今日揀咗牛板腱店員話呢款牛嘅質感比較紮實厚身鍾意啖啖肉一定要揀呢個呢度係幾重量去俾錢牛板腱1克$0.45可以加錢去選擇套餐套餐係六揀三我叫咗飲品、沙律同溫泉蛋♨️店員會首先同我地煎大樓扒煎到五成熟然後我哋就按照自己需要再將嗰啲肉繼續煎如果唔夠熟就唔好加汁因為加咗醬汁嗰個鐵板就冇咁熱塊扒我加咗蒜油蒜蓉同牛扒係絕配我鍾意食比較熟嘅扒所以我濺到七成熟左右食牛肉非常嫩滑完全冇渣而且啖啖肉好有滿足感呢度仲新出左櫻花丼但因為我覺得食肉比較飽肚所以我又食咗大大塊扒今朝食咗咁大塊牌好滿足下次決定食另一款肉📍 牛扒 ミディアムレア ステーキ (翠怡花園) (大埔)大埔翠怡街3號翠怡花園C座地下18A舖

今天很想鋸扒，就來到大埔的一間專食牛扒的餐廳試一試！看到門口的相片，牛扒極厚！很想立即吃！這間店十分有趣，在門口點了餐後，職員會立刻拿出一塊大牛肉出來，拿起刀來一刀切下，放在榜上，證明真的是有400 g，也可見牛肉是新鮮的肉，這個過程會令你很想快快把牛扒吃掉！我點了西冷，等了一會職員就為我送上餐，這塊牛扒是超級厚！有半隻叉這樣厚！我再加上蒜蓉汁，聞到很香的味道！付款時我已告訴職員想要七成熟，職員解釋牛扒來的時候應該是五成，我可以切成一塊塊，放在熱熱的鐵板上，慢慢牛扒就會變成七成熟，是我想要的熟到，切的過程幾好玩，哈哈這是蒜蓉汁切後在鐵板燒一會兒，就變成這樣嫩嫩的粉紅色朋友點了後腰三角肉，是超級的極厚！差不多有一隻叉子的厚度了！從來也未吃過這麼厚的牛扒！這塊三角肉的肉味比西冷濃，但是西冷的肉比較嫩口，看看你喜歡那一種口感