峰壽司 (已結業)

星期天行山後再逛畫展，累得不行，只想快快找間餐廳吃晚餐。尖沙咀海港城一帶擠滿遊客，到處都是排隊輪侯的食客。 最後來到新港中心，峰壽司在美食廣場旁，晚上六點還有很多座位。很久沒來，好像加價了。點了最喜歡的三文魚跟油甘魚，挺新鮮的。北寄貝。蝦。三文魚腩。帶子味道都ok, 火炙帶子比較好吃煮蜆的湯略嫌不夠鮮甜玉子沒有上次的好吃，不夠熱感覺沒以往般抵食及好食。但在尖沙咀這繁忙地區來說這個價錢質素環境還算可以。

做完健身行落尖沙咀新港中心地庫嘅「大食代」搵食，兜咗兩個圈先發現到電梯嘅呢間舖。油甘魚刺身薄身咗少少，勝在冇筋，食落幾甘香油潤。日式芥辣係手磨靚嘢，唔係水溝粉。軟殼蟹沙律手卷－食唔到乜嘢蟹味，只有沙律醬味。玉子壽司－一般帶甜味嘅雞蛋壽司。腐皮壽司－腐皮韌韌哋、甜甜哋，幾過癮。墨魚壽司－爽爽哋、韌韌哋，不過個人唔太鍾意呢種口感同味覺。三文魚壽司－好正常而大路嘅三文魚味道。總括嚟講，壽司飯似乎落唔夠醋，冇乜醋酸味。湯底幾清甜，下午茶套餐嚟講都算幾大碗同足料。

同好友出去行街食飯, 小聚當然去食下d平時比較少食嘅嘢, 我哋兩個不約而同地揀咗食壽司, 因為有朋友唔鍾意食生野嘅關係所以真係好少可以食🍣, 今日難得兩個人出到去揀咗係新港中心呢間峰壽司, 不過未知是否因為心情影響食慾, 味道方面好似總係覺得沙田分店好似比較好食咁🤔🤔🤔 以平板電腦揀選自己鍾意食嘅壽司, 落單冇耐已經開始送上壽司😁😁😁 開餐喇開餐喇!除咗壽司我哋仲叫咗一個海鮮辣湯, 始終唔係日本人香港人食慣熱野熱野, 始終每一餐又熱野落肚可以中和食生野對腸胃嘅不適...熱辣辣, 味道對我來講有點辣, 不過辣度尚可接受, 海鮮份量適中, 因為辣湯但係影響了青口同蜆機原有味道, 食唔出太大鮮味, 整體感覺一般壽司方面, 三文魚脂肪分布均勻, 食落未至於覺得好有油香味道, 但味道唔算太差的帶子既大小同返嘅大小相若, 帶子入口偏軟身, 味道其實一般般唔算太大驚喜. 鰻魚並非一般嘅燒鰻魚, 鰻魚很淺色的, 而上面沾上部份鰻魚汁, 食落同平時食開的味道一樣, 感覺一般般最熱切期待嘅蛋壽司, 可惜食落味道不太甜美, 缺少了蛋壽司原有的甜甜味道, 對我來講有點失望😢最後介紹你一個壽司個人覺得比較出色,

臨近聖誕節，帶小朋友去尖沙咀感受下聖誕氣氛，小朋友要求話想食日本野，即刻諗起久遺既峰壽司，可能因為位置比較唔顯眼，所以一直都唔駛排隊，一去到即刻有人帶位，坐低咗就叫野食(叫咗好多但影既唔多)油甘魚、吞拿魚、海膽依舊新鮮先黎個鰻魚壽司，好味！之後就係呢隻我都唔記得係咩野蝦，都唔錯！不過飯有啲散之後仲有呢個鵝肝壽司，水準保持到！我地仲叫咗個蒸蛋，配好大碟既三文魚子，我身邊既小朋友食得開心到我地食得七七八八叫埋單，侍應哥哥仲攞咗支壽司形既波板糖俾我地，小朋友拎住跳跳札滿心歡喜咁離開滿足！

12月14日, 本身都已經少來到尖沙咀, 每來幾次, 可能相隔幾個月, 就會想來食一下峰壽司, 來懷緬一下以前去銅鑼灣排隊食峰迴轉壽司~ 現在雖然分店少了, 但食物都尚算保持水準, 所以我地都仲好鐘意食~::: 池魚 :::望落都幾新鮮幾有光澤, 肉質唔算太油潤, 不過都幾彈牙爽口~ ::: 挪威三文魚腩 :::雖然係推介, 不過見到佢連皮咁, 白色嘅筋過多, 味道唔係好鮮同埋筋過多, 有d韌...::: 千尋海老 :::個蝦係唔錯, 鮮甜得嚟亦都好彈牙~ 面頭嘅蟹籽有少少多餘, 唔多又唔係到味.::: 帶子 :::帶子依舊好好味, 佢未到特大帆立貝嘅級數不過都已經好大件~ 味道鮮甜亦都冇帶雪味, 好味~::: 北寄貝沙律軍艦 :::北寄貝沙律就十分之凍, 應該係啱啱喺雪櫃攞出來未解夠凍, 味道唔夠只係雪味... 食到少少酸味, 應該係沙律醬味.::: 長腳蟹碎軍艦 :::這個雖然都係推介, 不過好普通, 蟹肉真係好碎, 但係都只有成舊壽司嘅一半, 另一半就係塊青瓜... 蟹肉撈埋一大pat沙律醬都唔係好食得出肉味.::: 火炙蟹棒 :::蟹柳都係普通料, 唔會差得去邊, 都算係比較好

燒平貝壽司，就甘食有d腥，加埋檸檬同海鹽就好好食，仲有鮮味。三文魚腩壽司，好肥美，不過略嫌薄咗啲。芝士蟹柳，炸得好香，蟹柳仲有一絲絲既感覺，芝士味濃。炸蝦烏冬，炸蝦好脆炸粉很薄，烏冬彈牙。鵝肝壽司，有口感，洋蔥可以減少油膩感，味道好甘香。蟹棒壽司，有厚度好有質感，面頭仲有蟹肉同蟹膏，味道鮮美！

尖沙咀的日本餐廳真的是特別多～可能是香港人本身愛吃魚生壽司，即使在尖沙咀出沒這麼久，吃過好幾間不同的壽司店，也沒有試過峰壽司呢😆今天趁外面太陽太猛烈，且留在商場吃日本餐吧(=´∀｀)人(´∀｀=)午餐價錢比起樓上另一間日本餐廳較宜人，不過選擇較少，以壽司🍣、魚生飯🍱為主，另會附上沙律，個別的餐會有麵豉湯或迷你烏冬🍜，價錢都只是$58-98，$58的魚生飯已經比海港城超市冷冷的飯盒便宜一大截了！壽司拼盤 $58同事柯打了這個，上菜速度非常快，幾乎是下單三分鐘後就送上來了，可能是午市較早的時間，但這效率還是抵讚👍🏼👍🏿👍🏽沙律我們一人一碗，用上和風柚子醋之類的醬汁，酸甜開胃，生菜爽脆但有一兩塊有黑邊，挑得不夠仔細呢，整體還算新鮮～雖然同事嬌小，但胃口不小的她吃罷亦表示非常飽😂😂😂大家不要小看這裡的份量哦！作為一個碟外人，看著壽司的顏色也覺得挺新鮮，並非超市放久了的瘀瘀色水～來一個近鏡，有加洲卷、甜蛋、蟹柳、蟹子、魷魚、魷魚沙律、甜蝦和三文魚，是一個款式滿多的拼盤🌸🌸🌸魚生飯連迷你烏冬 $58⭐️⭐️⭐️⭐️⭐️餐牌上的魚生飯很繽紛，上桌是完全沒有差別呢～～～外表已值⭐️⭐️⭐️⭐️⭐️，上層鋪滿了三文魚吞拿魚

在尖沙咀捉完小精靈，我和友人也體力盡秏，心血來潮很想食峰壽司，份量輕怡而且選擇多。於是我們坐下後便二話不說點選了我最愛的三文魚盛，醫醫肚子的空虛感! 特大三文魚盛的三文魚冰涷、肥美，口感甘飴，特大厚切的三文魚塊足足是飯團的3倍長度，非常誘人! 我喜歡把三文魚塊卷著飯團吃，感覺像吃花之戀壽司，好幸福噢! "吱"少許檸檬汁在三文魚上，更加提升整體新鮮度。蔥粒吞拿魚腩很滋味，吞拿魚腩很腍滑，鮮味過人，配上惹味蔥花和脆脆紫菜片，令人難忘! 火炙海鰻魚也是我的必食推介，鰻魚燒汁味濃郁，鮮甜而焦脆，飯團只要有甜燒汁包裹，連豉油也不用點，已經非常滋味! 迷你烏冬雖然是清湯底，但配料也算豐富，有海帶絲、名門卷、豆腐干，烏冬口感彈牙、滑溜，"o雪o雪"聲，便把迷你烏冬吃光光了。不過我很貪心，如果能加入糖心蛋更正! 麵豉湯很大碗，很喜歡湯中的滑嫰豆腐粒，湯中也有海帶絲、豆腐干和蔥粒調味，暖暖的很和味。總括而言，<峰壽司>的壽司水準不錯，用材新鮮，三文魚盛特長，令人超級"舔舔脷"! 宵夜特然想食壽司，也不妨光顧一下，吃多吃少也很隨心，實在滿足。

特選海螺超新鮮 超爽脆！ 本身已經鮮甜，再配上獨特醬汁，有點醬油/ XO醬既味道，惹味可口特選北寄貝，同樣本質鮮甜，配上獨特醬油，爽口好味特選平貝， 相對愻色，口感因為燒得有點過火 有點鞋口 鮮味不足 口感薄弱海鹽同檸檬似乎適合生食 刺身多過火炙柚子面豉三文魚腩柚子清香滿滿 配上比較清既面豉 仲有啖啖吊味既胡椒粉味整個味道感覺很新奇/新鮮唔錯唔錯赤座海老牡丹蝦口感 大啖大啖肉 超級鮮甜 蝦頭新鮮甘香美味北海海老肉質有咬口 味道清甜獨特醬汁 香濃 仲有啖啖蛋黃醬風味唔錯皇帝蟹柳係， 唔係蟹腳 係蟹柳味道同口感都比眼見為佳 啖啖口感 絲絲鮮甜

試左好多間峰壽司，係尖沙咀呢間先可以保持到水準海膽好鮮甜，好滑三文魚肥美甜美，好味道鵝肝好香口，入口即溶, 不過細左少少，每次size都唔同，時大時細活帆立貝係推介，好鮮甜肥美，同普通帆立貝好唔同三文魚腩壽司好鐘意見到條銀邊，肥美鮮甜

新港呢間開返後一路未有時間來7:00左右來到 正 唔駛等位 （2人only)宜家裝得靚左，不過電話就好難connect 上網加多左main menuSeasonal menu 亦更豐富左 係香港普通食壽司食到生蟹腳 仲要呢個價錢都真係唔錯咁梗係唔係蟹道樂個d la 呢個 紫菜豆腐湯好有返左家鄕 既感覺好似係温泉酒店 坐係tatami 上面食晚膳和食咁 碎蟹肉軍艦蟹肉碎鮮甜好味 口感豐富 佐賀海膽 嗯 都係平時d海膽甜d 蟹膏蟹肉蟹蓋份量好多 好味 蟹膏多 全部混入蟹柳絲同蟹肉絲入面 其他Sushi當然都保持水準la 鵝干 依然 香口 唔會過焦 juicy 正！

今日又約了舊同事食飯，原本我們應該會到美麗華中心一帶吃的，但不幸地，我早上的meeting overrun了，起碼比平時遲了15分鐘才能外出用膳。美麗華看來是太遠了，附近較受歡迎的餐廳又怕已經滿座，於是他提議到峰壽司，因為這裡通常比較多座位。我其實對這餐廳的評價只是一般，但心想反正很久沒來了，偶爾來光顧一次也好。這裡的lunch set十分經濟，最便宜的壽司set也只是$48。我order了一個G set 海鮮丼套餐 ($68)，跟餐的還有味噌湯和前菜沙律。上菜速度很快，基本上order後五分鐘便上菜了，可能因為店裡客人比較少的緣故。我被味噌湯的尺寸嚇了一小跳，湯碗幾乎和海鮮丼差不多大小。湯的味道挺清甜的，嚐得出它沒加味精，但沒有味噌湯的咸味。可惜有些昆布還留有莖部，所以較為硬了。沙律我有點失望，生菜質素只是平平，不算很新鮮，而且顏色偏黃。最不滿的是我發現了一截頗大的菜頭部位沒有切開，這實在有點不細心。海鮮丼配料挺豐富的，包括：生文魚、三文魚籽、甜蝦、油甘魚、鯛魚、吞拿魚碎等等。大部份刺身都不錯，挺新鮮肥美。吞拿魚碎拌飯簡直一流，魚的脂肪為白飯增添了嫩滑的口感。比較可惜的是甜蝦，雖然味

我估不到，新港中心大食代原來有細細獨立既舖頭。我同朋友見新港中心既 food court 剛裝修完，行去睇下，原來多了不同既美食！不到12點半就人山人海！於是我哋去咗峰壽司，價錢不算貴！仲有午市套餐，價錢由$58至$ 78。我哋叫咗壽司盛同炸雞丼。仲有一碗湯，同沙律。壽司盛款式幾多：有兩件甜蝦壽司，一件熟蝦壽司，兩件三文魚壽司，一件墨魚壽司，一件甜腐皮壽司，兩件小青瓜壽司。味道唔錯！幾新鮮！呢個價錢算抵食！$78蚊！講到炸雞丼，味道幾脆！份量都可以！午餐時間，算不錯！坐位坐得舒舒服服！可以小休一下！又可以靜靜同朋友傾下計

印象中的這間食店是我喜愛列中的其中一間，尤其是尖沙咀新港中心這間，其牛舌，爽而牛味濃。所以在辛勞工作後想慰勞一下腸胃，便到這兒用餐。可是在大食代裝修後的這店實在令人有點失望。它不但沒有牛舌，連最基本的挪威三文魚魚生也冇魚味，平價貨貴格賣。是租金貴了嗎？背魚肉質太淋，有如煮過的魚，魚味不夠香濃，失望！團子，皮厚且硬，可是不太甜，但皮是重要的一部分，黏韌才好吃。仲要落錯單來了紫色那款。 海膽是推介，但一試，不夠新鮮，失望！金鯛魚也冇味，火炙帶子很一般！唯一這隻鵝肝能帶來點安慰，可算是牛舌的取代者！ 最後，我張枱的待應特別差，枱上沒有自斟的熱水壺，叫她斟茶，裝看不見，應了後連影都無。很差！好眉好貌，哼！

新港美食廣場裝修一輪，峰壽司也由迴轉壽司變成普通壽司店。今曰試試蒜香三文魚丼：火炙三文魚有三片，微微炙過表面，但非常非常薄，毫無囗感可言。蒜香三文魚碎調味不錯，濃郁蒜蓉味可帶出三文魚的味道，但非常非常碎。附餐味噌湯普普通通，有D腐皮海帶；沙律ok fresh. 但醃漬薑已經不再供應了。沒有薑的壽司餐實是怪怪的，像是缺了什麼似的。以數十元來説，一試無妨。