常滿百家菜

營業中

休息中

今天去此處食自助火鍋，都是因為看了食評，但發覺味道與事實不乎，十分失望，讓我解說：湯底方面選了雞煲，味道一般，之後點的火鍋配料，等了很久又不齊，出面取的麻辣雞是冰冰的，還未溶晒雪，猪腳薑差不多只有骨及千年薑，熟食及D點心味道一般，蝦餃和燒賣好大粒，味道一般，蝦餃外皮十分鬆散，不是其它食評所講的水準，有做媒之嫌！周圍環境噪吵，全店都是上了年紀的大叔大媽，坐我隔離的2位大叔不停粗言穢語，救命，沒有下次！

同幾個朋友到常滿打邊爐兼食下點心。透過openrice訂位，每人獲送半隻乳鴿。朋友未夠7點到達，餐廳當時已經幾乎坐滿晒人。我哋獲安排坐近門口、對住收銀處嘅枱(坐落之後發覺原來有3邊都係通道位，人來人住，每當遇到推車仔送食物/執枱就要起身讓路，坐得極唔舒服嘅一餐飯)。贈送嘅乳鴿好夠味，仲要係炸起無耐先送嚟，所以熱得嚟皮係有脆嘅效果。至於我自己就係衝住啲點心而嚟，所以叫咗幾樣試下。咸水角同蘿蔔絲酥餅似係即叫即做，好味道過好多酒樓、薑葱牛柏葉好夠熱，調味亦足、蝦餃好大隻，入個全部係大蝦，好滿足；我覺得比較差嘅點心係小籠包，塊皮好厚好乾，豬肉餡唔多夠味，而且又無畀醋。火鍋料都唔差，雖然只收每位$168+10%，肥牛都唔似係街市賣最平個隻而係貴一個價錢嗰種。滑牛都唔錯，真係幾滑口。手打丸(墨魚丸同鯪魚丸)好爽好有咬口，味道亦好。脆肉鯇魚好脆，兼且一啲腥味都無。牛柏葉、水魷、花膠(棉花雞嗰種)、豬紅、雜丸、各式蔬菜之類就喺自助區攞。仲有其他食品喺自助熟食區供應(可能天天不同)，我去嗰日就有鮮蝦腸粉、豬皮魚蛋、碗仔翅、片皮鴨、糖水等等。不過我哋幾個都無食，唔知咩質素。飲品都有十幾款，仲有啤酒都係任飲

第一次越食越火鬼滾，未食完就比個差評佢先。一入到去，一地口罩紙巾無人清理，餐具洗左等於無洗，有飯有油漬。我係食2小時點心放題，有1小時都係坐係度等，追佢係咪漏單追左幾次都無回應，個阿姐仲係度fing水壼，淋水落我腳度。最後叫個經理過黎，佢連check返落單記錄都費事，叫我再落單，然後上菜上雙份。我以後都唔會再幫襯啲咁嘅垃圾餐廳

因為宣傳易 所以真係想嚟試吓睇吓會唔會中伏？入到去個場都幾大雖然環境就係一般酒樓咁樣 同預期差唔多 不過嘢食真係有驚喜。鴛鴦火鍋湯底好足料 最正就係點心都可以任點任食 蝦餃燒賣鳳爪排骨小籠包炸饅頭流沙包叉燒包乜嘢都有 平時出去食一籠點心都二三十蚊 喺呢度食返幾籠真係贏咗。而且佢個蝦餃真係好有驚喜 有四粒大大粒蝦係入邊好爽口 我哋都encore左三四次 仲有個排骨鳳爪牛百葉都正。至於火鍋配料都多選擇 最驚喜就係大支裝啤酒都係任飲 加埋一$200都唔使有呢個質素 真係收貨。

飲茶食點心真係一一個夠晒傳統嘅傳統，雖然而家飲茶真係好方便周圍都有，但食下食下咁就百幾幾百蚊其實都有啲肉赤。曾經諗過究竟會唔會有點心放題可以遇到，點知真係一一完我嘅願望荃灣嘅大鴻輝真保係另類嘅旺角放題，成幢樓都有唔同嘅放題任君選擇，不過今次都係要試吓究竟點心放題係有幾特別。價錢方面又真係唔貴，百幾$ 200同附近嘅放題其實都係差唔多價錢，但一諗到可以瘋狂咁樣叫蝦餃燒賣呢啲高價錢嘅點心諗落都幾抵事不宜遲梗係食我最鍾意嘅蝦餃先啦，大大粒入面已經可以睇到有幾隻蝦包住左喺入面，仲要每一隻都係完完整整㗎喎，熱到亦都足夠，完全唔擔心擺得耐。另外仲有薑蔥牛柏葉可以推介一下，諗起牛柏葉就論到屋企樓下嘅魚蛋檔一串牛柏葉都要$ 10，而家喺呢一度就瘋狂食，諗落都真係幾抵。感覺就好似食刺身嘅話散買好貴，所以咁先係食放題嘅原因。呢一度除咗食點心放題之外亦都有傳統嘅打邊爐放題，材料除咗有必選嘅肉類之外另外仲有自助吧，但最重要都係圍繞新鮮兩個字，仲要每一樣食材都大大份唔會散修修，如果再多幾樣野選擇就Perfect啦飲品居然有好懷舊嘅支裝維他奶，真係童年嘅回憶，同可樂一樣始終都係支裝嘅先係味道，喺現今社會下可以懷舊

🌕Hello我係Moon🌕除咗日式同埋韓式都有放題之外，而家連中式食物都可以加入左放題元素，😍點心放題既有特色而且有保留左傳統，而且亦都有慢慢嘆茶變到戰鬥格，🥰不過主角依然都保持上承嘅質素💕以下就有幾款點心係經過我篩選出嚟覺得最好味嗰幾款🤪天津九不理，😜每一粒都包含着大量嘅餡，除咗晶瑩剔透之外更加係好似一個大禮包咁樣。😌食材當然要新鮮，每隻蝦都大大嚿，夠晒肉地又新鮮😋鮮蝦燒賣王，😊作為點心必要嘅常客，係我角度好嘅燒賣就要包含幾乎零肥肉嘅感覺。😇非常驚喜除咗有蝦之外入面包住嘅有冬菇同埋豬肉呢啲比較新鮮而且滋味嘅配搭，加咗冬菇之後整體就減少左純豬肉嘅過度肉味，🤣從而就中和到各方嘅味道可以連繫埋一齊。😎另外仲有各樣炸物、🤩例如春卷同埋炸雲吞亦都係新鮮製造冇購食到嘅係熱辣辣並非一早預熱。😤呢一度其實仲可以要買火鍋放題㗎，😳同樣都係超值嘅價錢，😛但千祈唔好以為品質一般，😙連每一碟牛肉都即叫即切夠晒血色，就知道對食物嘅要求唔會隨着選擇多而降低左。 🤪一個價錢可以享受到兩種放題，😍食點心亦都唔再區限於只有朝頭早先可以做嘅事😌🌕最後MoonMoon真係好滿意依度呀🌕

任食火鍋加點心，只係$158/位，忍唔住要試下。-點心多達十幾款，味道有酒樓質素！燒賣大粒又有嚼勁，口感扎實，蝦餃蒸得剛剛好，鮮蝦爽口彈牙。-火鍋方面，可以先揀雞煲，再加湯打邊爐，非常扺食！雞煲揀左小辣，都幾惹味，雞肉都幾嫩滑又入味。-本地滑牛牛味都濃，食幾碟都回本。豬肉片都肉質軟嫩，都算新鮮。-除咗點菜紙上嘅火鍋食物，仲有自助區食物，有丸、響鈴、公仔麵、雞肉等，任君選擇。另外仲有多款熟食，如豬腳薑、咖哩魚蛋等，令你食到飽-甜品篇有餐廳自家製奶凍同糕點，仲有幾款唔同味道雪糕！我試左奶茶味，好香濃又滑。-飲品篇有多款汽水、啤酒任飲，最驚喜係有維他奶！-又有點心又有得打邊爐，不論係同朋友黎食，定帶長輩黎食都啱口味！

屋企人想試呢間嘅平價點心放題 星期六下午茶時間淨係$91+1 連茶錢 點知就中哂伏😅😅 下午茶時段有兩張紙可以tick 其實款式都幾少😅😅最基本嘅腸粉 蘿蔔糕都冇😓————————————————————————🐕湯羹粉麵類🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯款款麵都好淋🥲🥲係嫩雞煨麵嗰湯有少少奶香 救咗碗野上海粗炒睇色水都知佢‘健康’ 勁淡鑊氣就一定冇㗎啦炒年糕先係伏中之伏同樣冇味 仲要好粉 一啲都唔煙韌😓😓 究竟我食緊啲咩 茄子炆米反而ok 有鑊氣但好油————————————————————————🐕點心🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯唯一好啲就係佢嘅招牌燒賣同蝦餃兩款入面都有幾隻蝦🦐大大粒 好飽滿 係幾足料嘅小籠包都OK 入面有肉汁鳳爪 排骨 滑雞 流沙包正常啦翠肉瓜蒸得太淋啦唔使咬 岩哂無牙婆婆食😅😅馬拉糕比啲倒汗水滴到濕哂炸饅頭用咗椰香饅頭 膩上加膩🥥炸物基本上都香脆 但唔熱但蘿蔔絲酥餅 粉多過絲炸雲吞就鮮蝦失了蹤🦐❓————————————————————————🐕甜品🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯桂花糕馬豆糕正常楊枝甘露就不知所謂🙄上碟見到隻

很久之前已經跟家人來過一次，這晚在荃灣行完街再過來晚餐除了火鍋外，更有點心任食，家人最喜歡以價錢來說性價比真係好高，先點個椰子雞湯做鍋底充滿椰子香味火鍋配料也有不少選擇，有劃紙仔，其他配料可以在外面拿蔬菜類，丸類，公仔麵等等更有汽水，啤酒，就連維他奶也有任飲肥牛，鮮蝦，鮮魚任食來說相當不錯點心選擇都幾多，即叫即蒸，個人覺得比火鍋來得更出色蝦餃，燒賣，炸饅頭，小籠包等等蝦餃皮薄料又多，食完忍不住多叫多一籠燒賣也很大一粒，肥肉不會太多小籠包有肉汁，有驚喜連加一每位都只是大約$170，超值！

荃灣大鴻輝中心出名多放題和火鍋餐廳，今晚就破天荒地去食左 ✨點心＋火鍋放題✨，價錢每位只需💲158/位！點心放題混合火鍋放題真係好少見，仲要汽水啤酒任飲添🤩，出面更有不同炸物和熟食自助取，真係震撼價，又平又有質素買少見少了。點心方面，常滿蝦餃皇 皮薄餡靚，蝦肉蝦膠都好多，咬落又爽口彈牙😋；燒賣皇既蝦肉比例好多，豬肉都好香口肥美，粒粒都好大粒，蝦餃皇和燒賣皇都encore了好多次，絕對係回本之選😍。其餘點心都正常發揮，不輸給一般酒樓飲茶質素👍🏼。火鍋方面，有超香濃椰子味嘅 椰子燉雞湯鍋底🥥，火鍋配料有海生蝦，意想不到火鍋任食會有如此新鮮高質嘅海蝦，隻隻都新鮮鮮甜唔痴殼，仲好爽口彈牙😍。晚飯途中突然有片皮鴨拎🤩，仲可以要求鴨脾。食飽後更有中式糕點、豆腐 和 雪糕 作為飯後甜品💯。

常滿百家菜位於荃灣中心地區，同一橦大樓超多間餐廳。貌似唔起眼但一定要泥一試！呢間餐廳主打任食點心同火鍋。價錢只係158！飲品區見到都嚇親你，除咗平時可樂烏龍茶，竟然有一支支既維他奶，仲有任飲青島！熟食區有照燒雞肉串酥炸雞軟骨炸雞翼，仲有些少涼拌小菜。所有雞來我建議大家一定要快啲去搶，全部都新鮮熱辣。點心方面都有大路蝦餃燒賣牛肉球，蝦餃皮博餡靚又大粒，燒賣大大粒彈牙，牛肉球火候控制剛好，唔會成粒太實。招牌小籠包仲有湯汁，冇比價錢影響質素！鳳爪排骨質素我覺得都中上，有encore。至於蘿蔔絲酥走有待改進火鍋揀咗椰子雞湯，佢多料到好似椰奶咁既味，但都清甜。海蝦必點，彈牙！精選肥牛都合格，出邊雪櫃亦仲有好多蔬菜選擇。下次約埋大班朋友喺度盡興

嚟到荃灣最出名嘅食野大廈交俾朋友揀餐廳佢見到呢間係點心+打邊爐 就揀左呢間而且勝在平揀左椰子雞煲Ok啦 重椰子味但唔似出面啲餐廳係原個椰青而係老椰子 不過正常啦 呢個價錢入面都有幾件雞打邊爐料有部份寫紙 部份出面自己攞蝦我寫左2 佢俾左成10隻 新鮮嘅熟食選擇都多嘅 但我地成8點先去豬薑腳已經俾人食晒不過佢有fill其他野食雞翼新鮮炸起 又有蕃薯糖水 都幾豐富點心都幾多野揀 平時飲茶必食嘅蝦餃燒賣牛柏葉鳳爪都有蝦餃勁大隻 入面有3隻蝦好誇張 啲蝦多到唔洗錢咁😂野飲竟然有維他奶有驚喜喎

而家成行成市都有好多打邊爐既鋪頭，點樣將自己間鋪頭成功，真係要諗一諗方法，就好呢我同媽咪去既呢間火鍋酒樓咁，佢地竟然諗到，打邊爐加點心，呢個想法，真係好吸引年長既一輩。我同媽思好早就到左，估唔到都好多人排隊。不過唔醫緊要，酒樓因為都大，唔駛點等就有枱喇。我地叫左椰子燉雞湯鍋底，勁大陣椰香！未打邊爐前，係大堂有一個自助拎小食既位置，佢地會唔同時間都放啲新鮮出爐既小食出黎，同埋有個保溫箱，保持小食既熱度。另外出面有飲品櫃，方便食客自行選擇飲品。雞軟骨都真係幾出色，好香口，食完一粒後，完全停唔到。。。 想拎第二碟個時，出面已經無哂另外又叫左幾籠點心食，一邊食點心，一邊飲個鍋底既湯今次大鍋了。。。掛住食小食同點心，完全唔記得點打邊爐既野食。。。但已經食到7成飽喇好間酒樓就真好矛呀我地都叫左幾樣火鍋既食料，但真係唔係好多。。。我承認我被啲點心遮蓋左雙眼

放工跟朋友約了去荃灣大鴻輝找吃的看了一輪 選了這個有點心又有火鍋的店上去看到人蠻多的 感覺是一家街坊式的酒樓湯底有大概10款 我選了豬骨鍋肉類可以寫紙 其他食材都是在外面自取也有一些冷盤 熟食 甜品  但人比較多我就沒拍照了 火鍋吃到一半 職員每桌通知有剛燒好的片皮鴨要了一份 還不錯 點心大概有20款因為是即蒸的 所以也要等個20分鐘所以記得不要吃完火鍋才點點心不錯 平時飲茶 一個點心都要20元起這裡任點任吃 好划算

一直都好鍾意食點心，但係返工關係，都冇咩機會飲早茶，聽到朋友話呢間餐廳除咗有得打邊爐，仲可以任食點心，而且價錢只係百幾蚊，即刻搵日放工去食下！一嚟到我哋立即點咗蝦餃同燒賣，兩款點心都非常大粒，蝦餃嘅蝦肉非常多，而且皮薄，而燒賣就彈牙，唔算太多肥豬肉，值得一題係啲點心全部都熱辣辣，朋友一拎到個籠辣到手指都紅晒，真係笑死哈哈。酥炸雲吞同埋鹹水角等等都係即叫即炸，熱到辣嘴呀另外甜嘅點心，我哋都點咗馬拉糕同流沙包，都唔會做得太甜，尤其流沙包，雖然唔算好流沙，但好香奶黃味會太Heavy，我哋都encore左兩個食！食左輪點心，我哋就開始打邊爐，打邊爐前可以先點左雞煲或者水煮魚煲，我哋就叫咗雞煲，花椒味好重，雞肉嫩滑，而且雞件非常多，食完都飽飽地，之後就加咗雞湯開始打邊爐啦，肥牛新鮮，而且都唔會話太肥，另外比較特別嘅有手打墨魚丸同埋鯪魚球，味道就OK。。脆肉鯇就好肥美爽口。另外飲品比較特別，竟然有維他奶揀，即刻拎咗支麥精飲先，另外佢仲有好多雪糕拎，同埋自家製嘅布甸糕點，不過太飽就冇食到啦，今晚都滿足我嘅點心放題