建興亞婆豆腐花

營業中

休息中

每次黎南丫島都會食呢度既地標，阿婆豆腐花，不過今次黎已經無得落黃糖喇，開頭個面真係唔係幾夠味，不過愈食個底啲糖水就開始愈甜。不過不得不讚佢既豆腐花真係滑到不行。所以每次食飽飯都係要黎食番碗先安樂

豆腐花，從來都是味道簡單的食物。要變得馳名，實在需要下一番功夫。有人認為這檔豆腐花著名，只是單純地理位置佔優勢，位於行山人士必經之地，從榕樹灣出發，可當是為自己打氣。從索罟灣出發，可當給自己的獎勵。但除了地理位置外，人情味亦是另一種味道。八十三歲的婆婆，堅守自己崗位，躲在鐵皮下，為的是讓過路人洗去疲勞，增添一份甜，這份情已是滿分。當然風味十足，讓人感受到香港鄉村文化已是難得。但味道亦很好，那綿綿的質地是在其他甜品店無法吃到的，豆味香濃，加上糖水配搭，攪拌之後吃一口，清新冰涼的口味入心，令人著迷。離開時不忘觀賞一下婆婆屋外新繪畫的壁畫，媲美台中的彩虹眷村，值得拍照留念。好好珍惜這一份濃厚的情誼，它們都是香港最珍貴的寶物。

今天一行十一人來南丫島，下了船便向著發電站的大風車進發，剛巧碰上亜婆正捧着大桶豆漿，預備撞出新鮮熱燙燙的豆腐花。我們都所被吸引得停下脚步，欣賞亜婆的手藝之餘也狂拍照。 各人都懷著興奮莫名的心情等吃荳腐花。荳腐花非常滑，質地比較削，荳香都唔算濃。 加了唔會太甜嘅糖水，吃得也挺快樂的！

當田為平日的中午12:30左右到，食客都不算少當天不同時段食咗兩次，豆腐花很滑，糖漿杰身，甜度充足，但沒有薑味的。頭一次食時，係差不多該桶豆腐花的尾水，因此只是和暖。另一次再晏少少去，係新一桶的豆花，因此非常熱。

都市人平日壓力已經爆煲，是日假期離開市區，到離島感受一種生活態度叫「慢活」。我穿過大街，從榕樹灣走到洪聖爺泳灘的途中，記起亞婆豆花，順道小休一下。到埗亞婆豆花的鋪子，和記憶一樣，帳篷下的店面座無虛席，連帳篷以外的都有遊人輪候著，好不熱鬧。我沿著門口的人龍找到隊尾，一邊輪候一邊猶豫要點什麼。不到兩分鐘我就排到隊頭，櫃面站著的不是那個亞婆，是個二十餘歲的後生哥兒。我東張西望，打探「亞婆」的下落，不過我沒有找到。「要啲咩？」哥兒問道。「凍豆腐花，喺度食，唔該！」我不敢為人龍造成任何延誤馬上回應。但「亞婆」失蹤之謎仍未解開。我捧著豆花在帳篷裡找到位置坐下。豆花雪白，形態完整，上層找到黃糖糖水的痕跡。我急不及待放一口入咀裡。豆花質感未算幼滑，不難感覺到豆花上似有細小粒粒之粗糙感。糖水份量適中，適合愛少甜的我，想不到哥兒隨手一揮竟然恰到好處。話雖如此，本質上豆花並非絕佳之品，若非配合到南丫島的慢活氣氛，和遊人到此一遊來「打卡」的雅興，相信遊人不會乖乖排隊輪候。我吃罷最後一口，腦袋終於有空檔思考「亞婆」失蹤之謎。亞婆在南丫島經已經營多年，到底亞婆還安好嗎？櫃檯哥身該是她的孫兒罷？我越去想，心越慌。究

香港人好似去親咩離島都要食下啲地道嘢食嘅，咁今次南丫島呢就有建興豆腐花。嚟到呢度見到縫縫補補嘅帳篷，甩色膠椅子，舊舊既木枱，歪歪曲曲嘅不鏽鋼托盤。好明顯香港人都係想食呢度嘅懷舊風味，咁就叫咗兩碗豆腐花用嗰啲不鏽鋼托盤攞去自己搵位。以為懷舊就會好好味🤔其實呢豆腐花冇想像中咁滑。豆腐花嘅質地唔係好夠實，有啲虛浮，又不算有豆渣嘅質感，我妹話呢度最出名啲紅糖，但係我見佢全部都落黃糖漿嘅，唔算甜又唔算凍依家＄12好似加左價，個行到身水身汗就想搵啲凍嘢食坐下既。

吃過蛋糕和卡巴，就準備上山行過蘆鬚城。路過建興阿婆豆腐花，又不太多人，也就買一碗試試。見口的對面有一幅壁畫十分搶眼，這是大灣肚村一號：內裡也沒有特別裝修，還是很久。看OR這兒說裝修中覺有得些奇怪，究竟之前裝修咗啲咩呢?裝修後應該又加了價，現在是$12一碗。我們要了凍的。單論味道，豆味不算出色，滑就一般般，但感覺上與外邊豆腐鋪賣的豆腐花比較，這兒的豆腐花較"虛"，就是吃下去少了質感，沒有實淨的感覺。可能我們還是體力充沛的時候。如果是在索罟灣行過來才坐下吃豆腐花或豆漿，相信會覺得好味好多呢。

乘船往南丫島時男友已不斷問我要不要「吃阿婆豆腐」，答要他說我居然連婆婆也不放過，答不要他又說我們難得來到怎能不嚐島上滋味，來來回回說了好多遍仍嘻嘻哈哈，沒好氣，由他自己一個玩得不亦樂乎。由碼頭走過來大約十五分鐘，棚架下放滿形形色色、大大小小的桌椅，可以說它簡陋，也可視之為風味，向婆婆下單付錢過後便拿著滿滿的豆花自己找個位置坐下。豆腐花 $12豆腐花大大碗，不像平日公和那種滑溜，反而有點像布甸/奶凍的質感，香滑之餘豆味也算濃郁，食慣淡口味的我覺得糖水超甜，但中間又不太夠味，一口盛多盛少要自己拿捏。是否好吃得必要到訪？未必，但在三十多度、頭頂著個太陽的情況底下，能在陰涼的樹蔭下歇歇腳也不錯。

那天天氣極度的悶熱，而我同LAM小姐竟然來到南丫島行山，真是自己攞苦泥辛。去程的時候見到「建興亞婆豆腐花」已經打算回程時要一試。大熱天時行完山，當然要來一碗凍豆腐花。下午時間，大多幫襯的都是行山客，很是熱鬧。找到位置放低背包，LAM小姐便拿著銀包到亞婆處買兩碗豆腐花。這裡都是半自助式的，去到付款後，亞婆會“畢”豆腐花，之後自己搬回座位。好快LAM小姐就捧著兩碗凍豆腐花回來。凍豆腐花 HKD 11.00不要期望豆腐花是冰凍的，它只是比室溫凍少少。豆腐花豆味不濃，可以說是…無豆味。而質地上，是滑的，不過，未去到真係好滑。只是正常豆腐花的texture。但是行完山，熱辣辣滿身是汗的時候，有碗凍凍地的豆腐花是真的很不錯。個人覺得「建興亞婆豆腐花」在行完山之後一食，是佳品。

原來，味覺是很脆弱的事情。上次來到南丫島應該是五年前的事，那個時候的我，磅數沒有現在的重，舌頭沒有這樣敏感。四年幾沒有試過來到這裡，本身想探下久未吃過的南島書蟲，可惜今天休息了。失望的心情也要行下去，從榕樹灣開始，繼續今天半行山之旅。當經過建興阿婆豆腐花，我記得我是吃過的，但好唔好味真係唔記得左，當人人經過也坐底吃，熱到大汗細汗都流哂出黎的我決定坐下。老實說，開頭已說過，味覺是很脆弱，如果可以忘記得一乾二淨，應該不會是特別的好。但我又記得我阿姨曾經打電話講過佢有幾好食。那個好奇叫我一定要坐底。不過講真，環境唔係好，枱和椅都是舊到不行的，但也有不少潮女文青坐底食豆腐花。那個阿姐和一個阿伯睇檔，令人放下戒心，好慈祥的樣子你覺得唔會唔好食，配好那些剪報，雖然忘記了味道，但應該錯不去那裡。十二蚊的凍豆腐，實在平得很。樣子是不錯的，有鐵盆裝著兩碗豆腐花，女友還叫我要豆漿，但我還是有點保留，結果只要豆腐花。一放入口，那個糖水，甜到不得了。一口豆花放入口，那個豆腐花是滑滑的，但那感覺卻是硬硬地，而且感覺好結實，如果平時像公和滑得像絲襪，一啖吃下就化開，那些應該是十針貨色的滑度，那麼呢度就應該過一百度

話時話都感覺好耐好耐乜過來南丫島呢邊喇，記得以前得閒果陣就會過來行下，依家唔係做嘢忙就係懶得來呢邊，呢次又再來南丫島竟然係因為公事，真係人算不如天算吖。亞婆豆腐花仲係以前咁個樣，上面撐著一張帆布，下面幾張臺，再放D膠凳係度，廣告牌比以前仲爛咗，哈哈、同樣一碗滿滿嘅豆腐花，上面淋咗D薑糖水，一擺落臺就聞到一陣好濃嘅豆腥味，豆腐花豆漿特有嘅味吖，豆腐花好似水蒸蛋咁滑一滑嘅，薑糖水都係唔夠甜，我鐘意食好甜嘅嘢，特別是糖水甜品之類嘅，所以呢度嘅薑糖水肯定唔夠甜喇，不過正常來講已經夠曬甜喇、其實呢度嘅豆腐花味道都唔係話幾咁巴閉喇，不過就係慣咗經過呢度留入來食一碗喇。

凍豆腐花 ($11) :唔會好凍既豆花, 唔滑好難食, 同埋好鬆散好水.佢既糖漿, 係好杰身 (西多士落個d ), 好難搞得開, 整到成碗豆花好難食, 糖搞唔到平均, 一d甜一d唔甜.冇咩誠意既製作.

到離島郊遊，山水豆腐花不能不吃。皆因「山水」。山水清甜。用來做豆腐花，比以普通水來做的方法，使用食用石膏粉的份量可以減少。（我記得曾經聽說過是這樣的。）使用食用石膏粉做的豆腐花，口感會比較粗糙。因此，山水豆腐花理應是滑溜的。也是深得遊人喜愛的原因。在南丫島家樂徑上，到達洪聖爺泳灘之前，是那裡著名的豆腐花店 — 建興亞婆豆腐花。我在回程時才到此光顧。「亞婆」那時已不在攤子內工作了。由於很熱的關係，我點了冷豆腐花，$11。熱的價錢是一樣的。黃薑糖漿是購買時店主淋上的。如需要多或少的份量，便要即時提出了。不過，還是建議不要提出加多一點黃薑糖漿。因為甜味頗濃，而且質感厚稠，有別於平常食用的糖漿。（質感像西多士使用的楓糖漿。）豆腐花有點言過其實。口感不算滑溜。而且豆的味道也不算香濃。在別的離島吃過山水豆腐花都比這美味、口感好。另外，建興亞婆豆腐花對面也有一間食店 — 輝記。也有出售「亞媽豆腐花」。不過，客人似乎寥寥無幾……然而，名聲不及別家，出品也未必真的不濟。下一次可以試一試其豆腐花。

黎到南丫島少不免都會黎搵亞婆食返碗豆腐花潮下聖 但今日黎到凍豆腐花已經賣哂 唯有要碗熱架啦 點知見到佢連熱既都分左兩盤 一盤好明顯睇落滑d一盤睇落好似未凝固好咁 都知不妙 點知佢比我地時真係先放左無咁靚果d係底先 面頭再比果盤靚既我地 好啦 都無計啦 睇佢一款 其實都真係幾滑既 不過見到一盤靚一盤唔靚咁比我地 又真係要扣小小分的

在洪聖爺灣游完水，順路上埋南丫風力發電站參觀，跟住去揾阿婆食碗豆花，但今日阿婆唔係檔口，有個阿叔in-charge。豆花已經加價到$11一碗了，仍然不斷有食客幫襯。雖然不是木桶豆花，但豆香仍濃郁，只略嫌凍豆花唔夠冰凍，消暑唔到囉