德記潮州菜館

營業中

休息中

夜晚去德記吃晚飯，平時中午都會,同班同事去吃，晚餐好少去，今日早沒有人，德記新搬遷，大左同靚左，感覺上class都高好多，不似大排檔似酒樓羅，今次點左我最喜歡的蠔仔粥，豬肚湯，蝦棗蟹棗，仲有鳥頭魚，全部保持水準，只有系鵝肉不好吃，沒味道，我男朋友(潮州人)話鵝肉差，不過條鳥頭就無泥味，而蠔仔粥就不似出面那些店河河落左好多豬油及味精。值得去吃。

今晚打完波一行五人專誠打的來幫襯，雖然上車時才致電訂檯，但到達後也不用等候便可即時入座。 自讀書時代在舊舖開始幫襯，多年來我都去過很多次德記，一向覺得它的潮州菜夠地道，質素可媲美一些成名的老店，雖然搬舖後質素稍為下降了一些，但仍不失為一間值得再次幫襯的潮州小館。 記得上次來吃飯時，年紀老邁的老闆娘坐在旁邊閑聊，聽它憶述早年創業之時，由大牌檔起始多番搬遷，一家大少胼手胝足，渡過艱難的低潮期，最終生意蒸蒸日上，賣下了大道西及卑路乍街的舊舖，在區內算是薄有名聲，及後更擴充至相鄰的舖位，年前再搬至現今的新舖擴充營業，座位及環境都比從前好多了，聽她娓娓道來活像是一篇香港奮斗史。 現在德記已交由第二代掌舵，但老闆娘仍堅持每天返舖，專職主理潮州粥及鹹檸七的位置，見她跟隨其它員工在晚市高峰期過後才吃飯，內心真的有點佩服她的工作精神。 今夜只有五個人來，也叫了九款食物之多，好讓第一次來的阿Van可試多幾樣菜式，好像吃潮菜九大簋。鳳尾魚叫了一碟糖醋醃製的鳳尾魚作為前菜，魚身比很久之前吃到的小很多，炸過的鳳尾魚入囗蘇香酸甜，是一味不錯的醒胃前菜。胡椒鹹菜豬肚湯我很愛喝胡椒鹹菜豬肚湯，不光光是落大

家人是潮洲人，故常時會有吃一次家鄉菜的衝動。在西環的德記，是我們常去的地方，那怕格局街坊，東西好吃甚麼都行。今天是星期五，幸好早上吃完祥香園後有到來訂座，否則一定會敗興而返。爸先到，已叫了鹵水鵝片、鵝肝、豆腐、腎片和鹵蛋，以及牙帶魚飯。鹵水汁頗香，不會過甜，鵝片不會一味肥或者過瘦，好吃；腎片夠爽脆，滷水豆腐吸收了汁液的鹹香，最是惹味。附送的鹹酸菜和豆腐乾都惹味，送粥一流。而魚飯則最能表達魚本身的鮮香，點著豆版醬吃味道一流。吃過冷盤，也叫了一些主菜：先是潮洲蠔餅，德記有分煎和炸兩種，其實前者比較正宗；以鴨蛋、雞蛋、薯粉、蔥花久菜、蠔仔等在鍋中煎香而成，其實難度甚高，只見蠔餅兩面顏色都是吸引的金黃色，但質感都是偏流質的，如果欠缺一點功架，又如何能成功將蠔餅反轉？味道又好，雖然我媽覺得好像有太多雞蛋，不過口味是個人的，我覺得點著魚露同吃，味道已是一流。之後是蠔仔粥-潮洲粥的泡飯質感，飯粒飽滿，其實是鮮甜的，只可惜蠔仔有點腥味，要下點胡椒粉來調一調味才行。再來是竹苼雜菜煲-清淡的一味來平衡肉和蠔仔的油膩，味道不錯。最後是雙面黃糖醋麵：一片片像pizza的伊麵兩面煎香，吃時自行加入醋和砂糖。這裡

今日約行山，行水塘至香港大學，到西環食飯啱啱好。行山的朋友一早到達，晚飯的朋友又遲到，到頭來，由六點坐到九點幾，埋單時要求每人多收 $8 "茶錢"，一問之下，話我地坐得耐，要加 "茶錢"。雖則每位收多 $8 不是大數目，但預先沒有聲名，當然唔服氣，最後同意取消此收費，但已敗興而歸。價錢唔算平，食物水準尚可，但就唔覺得有服務。分別點了煎蠔餅和炸蠔餅，較喜歡炸蠔餅的煮法，炸蠔餅唔記得影相，因為一到就被纖滅了鵝片 - 卥水汁唔夠香，以招牌作而言，有點失望。炸子雞 - 雞胸部份有點鞋方魚芥蘭肉鬆四季豆雙棗

這次的食評應是聖誕日的。不知道是否因為西方節日的關係，客人不多，可以直接入座。良久沒有到富貴人之地--港島。今次聖誕節，沒有在扒房渡過，因為實在不喜歡人多的地方，所以唱唱反調，到西環德記潮州菜館吃個晚飯。鵝片，沒有吃。因為家人一直在說「鵝很毒」，我不明所以，但長輩說的話，總要聽。何況自己一個也吃不下整碟鵝片。中式牛柳，傻傻的在潮州菜館點了一個廣東菜。牛柳軟軟，汁的味道與其他食肆沒有分別，不需要特別一試。梅子蒸烏頭，本來以為是用錫紙包住的那種，誰知原來是普通的用碟子盛著原條上。叫錯了！用鍚紙包住的是「燒烏頭」，大家要注意下囉。味道也是普通的，魚肉沒有梅的味道，就是普通的「蒸烏頭」罷了‥‥可能要「燒」要比較好。瑤柱雜菜煲，反而這個值得一提，因為份量真的很多，而且味道清淡，沒有其他酒家的「師傅」過多的情況。九肚魚肉碎粥一碗‥‥‥這個我不夠資格說好不好吃，因為很少到潮州菜館吃粥的。這個粥，不像粥！要說的話，「泡飯」較為貼切。而且，「見肉碎不見魚」。不值一吃，下次有機會可以試試蠔粥，看似多料一點。Ｐ.S. 不到西環一陣子連德記的位置也搬了，原本的位置已經變成了上海食肆。

德記搬咗咁耐，心血來潮想試吓，因為舊鋪嘅時候比我印象麻麻地。兩個人當晚點咗：檸檬蒸烏頭半條：夠肥有油又新鮮＄４８鵝肉片拚大腸：鵝肉鵝片夠淋滑，老人家都食得，大腸就一般＄8８沙爹牛肉炒芥蘭：我鍾意依個沙爹醬味道，唔似出面一味剩係食到花生醬味＄4８胡椒豬肚湯：湯底夠火候，唔錯唔錯＄３８蠔仔肉碎粥：蠔仔好新鮮，配得個湯底好清甜＄２４不曾有期望，但竟然有驚喜，依餐真係好滿足。下次仲想試吓豉汁蒸鱔同蠔餅，我又多個飯堂啦！

去 開 西 環 突 然 想 食 德 記 ﹐ 之 前 去 過 兩 次 都 覺 得 好 好 味 !我 諗是 星 期 日 的 關 係 ﹐ 好 多 人係 出 邊 等 位 。細小碟前菜: 鹹 酸 菜 /豆 腐 皮 (好 味 ) $8一 蝶 鹹 檸 7﹐ 男 友 話 正 !一 碗 蟹 粥 ﹐足料﹐好味! 蟹 就 唔 會 expect 太 多 ﹐ 因 無 咩 味 &肉 。通 常 蟹 粥 都 係 甘 。 ($40)蝦 棗 拼 墨 魚 卷 ﹐ 蝦 棗 好 味 d.($68)素 卷 ﹐ 好 大 蝶 ﹐ 好 味 似 素 鵝 !($50)埋 單 :$197一 定 會 再 來 !

"德記"係香港數一數二出名既潮州菜館, 好彩尋晚只需要等10分鐘左右, 除咗本身出名之外, 伙記效率高, 食物水準高, 咁先至可以一而再, 再而三幫襯... <食物>"蠔仔粥 $24 - 主角蠔仔變成大大粒, 料多粥綿, 水準保持淨鵝片 $68 - 鵝片好入味, 唔駛額外俾鹵水汁, 比灣仔鹵八好味得多豉油汁鱔球 $68 - 無論賣相同味道都同樣吸引, 鱔起骨後啖啖肉, 不膩不熱氣, 極力推介 大地魚炒芥蘭 $48 - 大地魚較咸, 要跟菜一齊食, 但今次菜就炒得太乾, 口感略差2人共消費 : $220

經人介紹,老遠走到來一試,唔清楚環境所以訂左位,6:00pm第一輪 到左馬上有位餐牌好多雜誌的報導所以加強了信心,人不多所以叫既野食都少d, 只叫左肉碎蠔仔粥一鍋,炸蠔餅,卥水鵝+秘製梅子燒烏頭,仲有鹹檸7..d野食份量好夠..而且料足..蠔餅新鮮炸出來非常美味...卥水鵝都好入味..蠔仔粥加左方魚係入面倍感芳香..燒烏頭開頭都怕有d腥..但鍚紙包住打開後食落又冇腥味..反而梅子醬個種酸甜味更能帶出口感...唔怪得好多台都有叫...又可以一邊食一邊睇電視..人生一樂也!

德記我都去過幾次，佢嘅質素向來唔錯。上次幫襯仲係舊鋪，今次嚟到新鋪呢度，地方大咗，好有新鮮感。今次大家得閒，我一早訂好位，就同D朋友聚一聚，擦番餐!味道方面，今次叫咗幾道菜式，菜式味道均不錯!食物包括1)家鄉煎蠔餅:食落去好多蠔，好豐富!(2)家鄉炸蠔餅:同樣多蠔，不過炸就香口D，所以個人中意炸多過煎!(3)胡椒豬肚湯:料都足，不過冇以前咁有胡椒香!(4)蝦棗拼墨魚餅:味幾好同埋有D脆口!(5)脆皮炸子雞:真夠脆，皮香肉算嫩!(6)欖菜肉碎炒四季豆:鹹咗D，但惹味!(7)鹹魚雞粒炒飯:普通，同埋不算大碟!(8)白飯:叫咗幾碗嚟送餸!環境方面，比舊鋪大咗，坐得算寬敞，不過開業時似乎冇乜裝修(裝修同上手南北嚼差唔多)，同埋較昏暗!服務方面，D待應都算有禮，係其中有個較黑面!衛生方面，碗碟算乾淨，廁所麻麻!抵食方面，叫咗咁多嘢，500蚊左右，唔算貴!整體唔錯，又可以同朋友坐好耐!如果中意食潮州菜，可以一試!

自從搬左來新店既呢一段時間都未來過! 今次去到新店前訂定位...門面真係靚左好多,...冇改變既係一樣咁多人係出面等位...已經係晚上9點...-.-好可怕的功力..有訂位等一陣就有位座...今次坐左係廂房入面...途中經過其他台..見到d人叫既野食已經流晒口水...坐定拿拿聲叫野食...蠔仔肉碎粥: 多粥多蠔 好好味 仲有d大地魚定唔知方魚既魚 好香..炸蠔餅: 非常脆 而且食落口唔會太油感...蠔仔份量都夠..墨魚餅拼蝦棗: 加埋個醬 非常出色川椒雞: 普通啦, 唔夠其他野出色卥水鵝例牌: 想叫半隻..但驚太多...雖然好好味..但最後証明決定冇錯..不過真係食完令人好懷念環境坐得唔迫..氣氛非常熱鬧,四周感覺打成一片..因此食得非常開心..但想食一定要訂台 或食早場...否則真係有排等侍應大部份係伯伯同一d阿e...唔好睇小佢地..好多都熟手技工..而且拿野拿到成層咁高都冇問題...反應都好快...而且我地唔明既小菜 佢都會解釋得好清楚..其實仲有好多野想食,例如梅子燒烏頭魚..風沙雞..燸米大腸個d..但真係人太少...所以想食多d..真係要多d人先可以...點都好 下次再來搏

極速父親節晚餐, 1750左右到等位, reception好串咁話冇book枱就等下睇下有冇人過左時未到同埋最重要係齊一半人 我完全明白我地冇book枱係一定要等~不過佢o既態度好差, 真係想即肯走人1815入座, 1915前要還枱~~ what a mess~~~冇咩菜式可以order, 因為佢地pre-set左一d set同一版o既菜........請睇相~~~最後order左: 鵝片$75, 必食item...........好味........我地多數order片.........因為可以啖啖肉, 當然會貴d啦~~~ 但都有附送少少鹵水豆腐!!! yummy!!!金菇瑤柱勝瓜甫$68, 原先以為係一個個圈o既勝瓜入面釀住一粒瑤柱, 點知完全唔係o個回事~~~oh no~~~被誤導 唉~~~佢上到枱完全係一pat pat咁, 好失望啊~~~ d金菇同d瑤柱又"散收收"咁潮州炒魚麵, $55 細碟到無話可說~~~ 唉~~~ 而且配料又少~~~ 原先想order紅色o個個麵食, 不過見menu冇又費事問, 而且又得一個鐘食添~~~ 你知啦~時間緊迫嘛~~!!!草草了事o既一餐, 令我

是日夜晚一行三人到屋企附近o既德記開飯去到果陣已經見到唔少人o係道等位最後等o左半個鐘左右就有枱不得不提o既就係, 佢個speaker真係好大聲每次一嗌號碼都好刺耳事關坐o係出面無野做所以一早就睇定哂菜牌一入到去就即點菜:大眼雞一條, 炸蠔餅, 火腿絲扒娃娃菜, 炸子雞同糖醋麵先黎兩碟前菜: 豆乾同酸菜同枱果兩個唔太好後者所以我就一個人獨吞成碟酸菜好爽口, 酸度適中, 幾鍾意*- 火腿絲扒娃娃菜成碟感覺好統一將娃娃菜切成一條條同一條條o既火腿絲好襯本身娃娃菜調味唔算好多所以夾埋火腿絲一齊食就剛剛好- 炸蠔餅反之我就覺得呢碟就唔算太好味入口o既炸粉蓋哂d蠔味最突出o既莫過於佢o既咸味無沾任何魚露已經好咸沾埋d魚露, 仲咸- 炸子雞上枱好靚, 又紅又綠半隻炸子雞旁邊放滿炸過o既紫蘇葉食落都唔錯, 個皮好脆雞肉都好嫩但係可能隻雞肥美o左d再加上係炸o既所以感覺有d油膩- 大眼雞唔算好鮮甜, 肉質有少少柴原本預期佢會俾辣椒豉油我地沾黎食點知無, 最後問佢拎o左碟辣椒油同樽豉油即場自製辣椒豉油- 糖醋麵最後上場o既一碟菜一邊脆, 一邊林灑上少少砂糖沾上少少醋食落好過癮

點解要讚前菜呢...因為我亞媽冇乜牙力, 食唔到花生, 而且菜甫味不會過咸過甜 $16香芋雞粒玉子豆付 $48 芋頭很淋, 雞粒一食入口是急凍貨色, 其實是否香港食店已經不會用''冰鮮'' 肉來煮菜呢 , 個獻適中不會過杰過稀過咸但玉子豆付過咸 燒梅子烏頭 例$78 但都唔細條嫁, 我自己去街市買都要$25/條, 酸酸的最好配白飯大肚婆炒飯 例$28 是用薑粒, 雞粒, 蛋來炒飯的, 薑(切得很碎+細) 味炒得頗勻但唔夠薑, 雖然未致於炒得很乾身, 但並不是話佢炒得很濕, 而且油的份量適中; 我落單前問過這碟飯有幾多份量到, 佢地話有3碗白飯咁尚下, 我地只有3個人所以便ORDER 了這個, 但其實都有3-4碗服務唔錯, 我同佢地反映玉子豆付咸, 原本想叫佢地唔好入D 咁咸的貨 (我以為玉子豆付是現成買回來) 點知個部長話是師傳自己調味的, 會叫佢地輕手少少, 咁話明白現代人少鹽少糖, 但我卻告訴他不是少鹽少糖的問題, 如果那個菜式應該是那種咸度便要配合番我覺得這晚ORDER 的菜式應該是配合白飯好過大肚婆炒飯咸檸七 $13 /杯 , D咸檸真係幾咸 因為是平日 (

拼鵝片尚可豬肚湯味濃川椒雞一流蒸鱔亦不俗炒魚麵美味煎蠔餅普通