德記潮州菜館

營業中

休息中

鹹檸七：每人一杯。個人認為中環某店較好脆皮糯米釀大腸：豬腸中釀入糯米、花生、蝦米、瑤柱碎、栗子、臘腸等的材料，雖然吃起來都幾肥下，但陣陣的糯米飯香非常吸引，我也淺嚐一件，感覺頗特別，最重要的是內裡的材料還很爽脆，不會煮得淋晒碧綠川椒雞：人地專登叫比我架，哈哈，辣野岩晒我，由於無咩人嗜辣，差唔多都係我負責晒，微煎炸過的雞肉不會鞋，還保持其肉汁，都夠辣喎！潮式拼盤：有墨魚卷、炸蝦棗、素卷、海蜇：整體味道不錯，多人的話嗌兩盤吧，這個好搶手！呵！多款選擇中最受歡迎的是蝦棗，金黃的炸蝦棗炸得很香脆鬆化，蝦味濃之餘還不會太油膩，蝦肉爽口彈牙，可吃到一些馬蹄粒、肉碎和蛋碎，必定要試！潮式糖醋伊麵：由於本人不愛吃飯，所以這個麵麵吃了不少哦。甜甜酸酸的伊麵，普通得來很開胃，麵質剛好，我愛！香酥芋茸鴨：這個炸得金黃香酥，可酥香卻不油膩，多吃幾件也可，但吃了咁多煎炸野要多喝水哦，哈

自從德記搬去新地點之後，因為地方大了而且環境比舊店好，所以都差不多一個月會光顧一次。今次叫了個2人餐，$198再加一杯咸檸7$1x 以及1碗蠔仔粥 小黃瓜+海折頭 - 普通貨豆腐拼鵝腎 - ok味道胡椒豬肚湯 - 夠分4-5碗分量，胡椒味可以再加多些川椒雞 - 正~雖然比較油蟹肉扒豆苗 - 都不錯，蟹肉都比較多咸檸7 - 自家推介飲品，其實檸根本就不咸，不過就沖淡了7up的甜味蠔仔粥 - 非常足料而且$24的份量很多，味道一貫好味如果不是今次懶惰，其實散叫更加好。不收加一，不過就有$8的介菜收費。以往我會叫鵝肉、川椒雞、蠔仔粥、沙嗲牛肉炒介蘭。德記不是一間十分精緻的菜館，味道亦不夠尚興好味。但就勝在很街坊感覺，而且味道價錢成正比，所以多年來都有很多人光顧。

年廿八嘅團年飯知道嚟德記食都開心d, 好過去食普通酒樓小菜, 不過冇第一次食咁正我地大約十五人, 食咗唔係好多, 因為要留肚去小甜谷食甜品1) 鹵水鵝拼盤(大): 鵝肉好食, 夠鹵水味2) 墨魚拼紅腸: 完全唔特別, 只係紅腸 + 墨魚3) 蠔餅: 鍾意食蠔餅嘅人會鍾意, 我就一直覺得蠔幾腥, 麻麻4) 蝦棗拼墨魚餅 : 墨魚餅完全食唔出係墨魚, 只知佢係deep fried, 又硬, 唔食好過食, 蝦棗冇食到5) 芋頭雞粒玉子豆腐: 呢個係我喺德記嘅favorite! 玉子豆腐好滑, 撈飯一流~6) 椒鹽九肚魚: 炸得夠鬆, 幾好食7) 紅燒鱔球: 鱔幾韌, 一般仲有叫啲可樂橙汁啦....total $1000 有找

今天在朋友家大戰四方城後一起到他們家附近，在西環赫赫有名的德記吃晚餐雖然巳經訂座，到德記還要再等上半小時才有位子還好朋友S在我們還在開戰時，早就先下樓拿位子巳經是晚上9點，德記還是爆滿門口還有一堆客人在等位子果然是西環名店！每桌奉上前菜三小碟有椒鹽花生、豆卜菜莆及鹹酸菜鹹酸菜酸酸鹹鹹的一坐下就被我們幾個女生吃光了豆卜菜莆則有點甜膩一行六人點了：- 炭燒梅子烏頭- 鵝片- 煎蠔餅- 欖菜肉碎炒四季豆- 糖醋麵- 蠔仔粥- 蒜泥炒芥蘭- 鹵水豆腐上菜速度很快飢腸轆轆的我們當然一點也不會客氣，呵呵~~~炭燒梅子烏頭以錫箔紙包好，以梅子醬淋滿烏頭魚上烏頭魚肉質鮮嫩沒泥巴味沾上酸甜適中的梅子醬，很是醒胃！烏頭魚魚肉很容易拆開，每一口都是嫩嫩的肉，好好吃唷~~~~一整條烏頭好像都被我吃掉一半了鵝片一小碟，沒吃到所以不知道味道如何鹵水豆腐入味非常，皺皺的豆腐皮裏是嫩滑的豆腐美容的嚕！煎蠔餅一份兩大片，疊在一起很有份量煎的金黃金黃，卻不會油亮亮的蠔仔給的很大方也很大一顆不過沾醬用的魚露有點過鹹，隨便沾一點點就好欖菜肉碎炒四季豆很惹味不過肉末有點過鹹，這個小菜用來配白粥吃最好一大窩的蠔仔粥可以分成約8小

第2次去，因為朋友生日！叫了8樣野，我主要講下幾款餸，蠔餅，枱枱都有叫，但我等咗成30分鐘先上，炸得好勁，好多粉，蠔反而唔多！另一碟係鹵鵝片，唔係大碟，切得夠薄！炒飯好一般，但夠多菜！胡椒豬肚湯，料超足，又係鹹的！服務差，你一食完就有侍應叫你走人！

記得上一次黎既時候已經上年既事, 當時德記仲未搬, 一定要六點前到先唔洗等位, 所以今次黎我地都特意早少少. 黎到先發現原來德記搬左去隔離街...二個人, 食唔到D咩, 所以只叫左三樣餸.. 潮州蟹粥 滷水鵝片 炭燒梅子烏頭蟹粥好足料, 但蟹較細, 無乜肉, 但都好鮮味!鵝片肉唔韌, 滷水汁好好味, 其實係為左滷水鵝而黎...烏頭個梅子汁酸酸甜甜, 魚肉食落感覺好新鮮. 成條魚都幾大條, 多兩個人食好D~~

今晚與朋友飯聚，聽聞西環德記的潮州菜不錯，故特意由鯽魚涌的公司「遠道而來」一試。德記由大道西的舊鋪搬到附近的新鋪，店面為一般酒家格局，不作多介紹。可能因頗具人氣，所以檯凳排得較為擠迫。我們一行五人被安排到小房中的一張通道旁的小圓桌，由於桌面位置不多，所以我們先點了三數小菜，免得放不下。 胡椒豬肚湯：雖有胡椒味，但一點咸菜味道也沒有，火喉不足，就像一般家常滾湯般清淡。另外，豬肚份量雖足夠，但質素一般，軟淋淋得可憐。很失望！ 鹵水雙拼：為鵝片及墨魚雙拼，再加數片豆腐墊底。鵝片肉質尚可，但鵝味欠奉；墨魚還可以吧。 香煎蠔餅：兩大塊煎蠔餅疊在一起，煎得香口，蠔仔亦夠份量，相比之前兩道算做不錯了。 潮式拼盆：$100 元的拼盆有墨魚餅、蝦丸、素粉卷及海蜇。蝦丸內全是粉，不是看過其他朋友的食評根本吃不出是蝦丸！ 墨魚餅煎成藕餅般，白中帶淡黃，賣相欠佳，亦在水準之下。 其他兩款中規中矩，但醬汁卻稠得像蠔油般，奇怪。 大地魚炒芥蘭：一般食店的炒芥蘭貨色，伴以數片小得可憐的大地魚，失望。 食物質素比想像中差很多，反而最可取就是前菜中的豆乾吧！我們最後放棄繼續點菜，急急結帳轉戰甜品作罷。後來聽聞

凍蟹難得老豆滿意味道, 伯涼伯伯都願食到無停手,弟婦又讚d殼扑得夠碎, 蟹鉗殼一除就甩又夠大啖肉, 我第一時間攞個殼黎食, 有幾多蟹膏吓, 清清地幾好味。 寫單人服務一流, 我問佢凍蟹幾錢, 佢話細隻$$$ (我忘了), 大隻有$310, 有$280, 我決定要兩隻大既, 佢就先去攞兩隻埋黎畀我地睇睇, 跟住先開單, 程序做足好均真, 跟住仲識提議我們先食蟹, 其他菜後上, 廚房等通知才上。 鵝片我係叫鵝片架, 點知埋黎變咗得幾片係片, 其他係鵝肉。我唔好鵝片, 呢碟應弟婦要求落單, 應該幾o岩佢+堂兄口味, 好快清晒。 糯米炸大腸又係我唔食, 但弟婦愛吃既。伯伯伯涼堂兄都喜歡食。 胡椒豬肚湯熱辣辣既湯 - 正！夠胡椒味 - 正！咸酸菜 - 正！我唔食豬肚, 但其他人都食得津津有味, 願意飲第二碗湯, 好！弟婦甚至話食到腐竹味道添。 川椒葉脆皮雞雞皮好脆好脆, 弟弟就嫌無雞味。大家都好鍾意川椒葉 , 伴菜都食晒。 蝦棗拼墨魚餅我試咗墨魚餅, 唔點醬就食到墨魚味, 混咗馬蹄幾爽口, 不過一定要趁熱食。弟婦凍咗先食就彈佢好粉。 炒魚麵好多料, 爽芽菜夾魚麵, I like it. 伯

星期六冇野做全家總動員去左接小雞放工，點知人地一D都唔領情。繼上一次去左生昌，今次又決定去西環的德記繼續我地的「潮聖」之旅。由金鐘慢慢坐叮叮落去西環，很優哉遊哉呢。德記以前就係隔離街，個招牌仲大大個未拆的。新舖就係西寶城的對面，環境完全違反左一般潮州餐廳，好光鮮好乾淨。因為當晚落雨，知客們係會叫D客人套上個遮套，以免個地下太濕。入面不但乾淨，所有野都睇落好新，又夠光猛，似係D連鎖酒樓既格局多D。小雞聽聞依度既蠔餅同川椒雞都好食，於是叫左。四個人再叫左三個餸︰潮州炒魚麵、欖菜肉碎爽炒涼瓜同鹵鵝片。川椒雞係非常出色的一味。雞肉嫩滑，有微微的黑椒味又炒得香。好多地方的川椒雞往往都炒得好油，川椒葉係更加一口咬落去都油都「必」晒出來，都依冇咁既情況。蠔餅又係冇介紹錯，一客有厚厚的兩大塊。厚厚的又炸得非常鬆脆，蠔仔又多又鮮甜。小弟鐘意較厚的，所以食到停唔到。鵝片都幾好食，並唔係食友們講到咁鞋口，幾入味，不錯的。但係最後的兩個餸就較失色了。潮州炒魚麵基本上係切麵條狀的魚片頭拎去同韭菜芽菜等等炒，魚麵談不上彈牙，而且整碟野好淡口，一D味都冇。欖菜肉碎爽炒涼瓜的涼瓜的確幾爽口但苦到不行，欖菜睇落好多但唔

門外的牌, 大大隻字咁寫住呢個口號,令到我未入到餐廳內都已興奮!入門口係剛剛6點, 但已係爆滿!坐了入細房, 冇電視睇2個人只叫了一個蠔仔粥, 芋茸鴨, 及個梅子蒸烏頭!蠔仔粥唔洗多講, 蠔仔多肥又多,加上有足夠佩料, 如冬菇等, 特別香!芋茸鴨必定要一提, 能夠炸得香口夠脆又唔油, 係好好手勢的!但原來兩人食一碟芋茸鴨, 都幾滯...媽個梅子蒸烏頭, 叫了個列牌, 即半條.冇乜泥味, 梅子好香, 媽叫了碗飯食添.怕骨的我只食了幾舊魚肉, 夠了~服務好有效率, 一讚.走果陣, 門外好多人等位. 再看看個牌, 相信門口在等位的人, 見到此口號, 都會等得開心d!

jun 23, 09,4人來dinner,叫咗 : 1) 糖醋麵-面喺小脆,但比較薄身-+埋糖同醋食,還可以 2) 炒魚麵-我第1次食炒魚麵-材料都幾豐富,有蛋絲,芽菜,韮王等-魚麵似乎幾彈吓-呢個都不錯 3) 魚湯浸菜心-菜都大條唔老-不錯 4) 酥炸蝦棗拼墨魚餅-蝦丸混有馬蹄粒,但蝦肉並唔彈,而且亦無黏埋,少少鬆嘅質感,但味道還是可以-墨魚餅我就食唔到墨魚味-2者都伴以個甜甜哋又小"杰"嘅醬-我自己就比較喜歡蝦棗,但2位友人就喜歡墨魚餅-佢唔會難食,但個人對呢個招牌菜嘅評價麻麻地 5) 梅子燒烏頭-呢個汁偏向甜甜哋,肉亦嫩滑 6) 蠔餅-2塊,炸得厚厚的,所以裡面比較心-蠔仔料亦足,有蠔味 7) 鹹檸7 x 2-友人話唔多得* 西環之友話呢度嘅水準的確比以前差咗

成日經過都未去過，　今次去試下我地５個人，叫左蠔仔粥，多料，　有咸魚粒好香，蠔仔都好食～　我地食食下無哂湯叫佢加湯，服務生都好樂意，　ｇｏｏｄ！蠔餅，脆，唔算油，　ｏｋ凍蟹，普通鵝片，不錯總結，ｏｋ不錯

6點3去到已經滿晒座,好勁呀!好彩朋友一早到左!我地總共9男女,叫左以下食物~鹵水鵝片：鵝片好瘦,不過又唔會"老" wor,而且幾入味,好好!仲有d豆腐墊底,good!蝦棗拼墨魚餅：味道同口感都好好!有碟甜甜地o既汁"點",好好~脆皮糯米釀大腸：我無食到,真係接受唔到食大腸,過唔到心理關口,哈哈~我d friends話好得呀,裡面有糯米同栗子ga~家鄉煎蠔餅：好厚身,令人覺得好有口感,好脆口，好食!蠔仔份量過適中.蠔仔肉碎泡粥: lee個味道同材料分量ok!我好鐘意食方魚.所以覺得方魚少左d lor~魚湯浸菜心:lee個平凡既菜色做得好好!魚湯令到菜心好鮮味!菜心煮到剛剛好!名爐梅子烏頭-賣相ok,味道一般啦,可能有火燒住,所以覺得d肉有d老.潮式糖醋伊麵: 想食lee個潮州菜色好耐啦~有別於一般既炒麵係因為外面脆但裡面係"軟屬"o既.加埋糖同醋一齊就變左一個好有特色呢!好味!p.s 前菜三碟:都幾好味ga,可以送粥一大班人去真係幾好,有大圓枱.方便傾計呀!

尋日落開西環食飯, 途經寶翠園, 見到lee間野出面好多人等位 唔通好好食?? 決定搵次黎試下...點知今日大家都唔知想食咩之際, 男友就提議黎lee 樹.....8:45分到 唔洗等位就可以入座....快速望左個餐牌最後叫左.....卥水鵝片拼(鵝/大)脹 - - 好大碟..不過鵝片得果6, 7片 其餘果d 就只係鵝件, 而且唔入味, 無卥水味又無鵝味落order 果個女仔有小小九唔搭八...問佢野好似雲遊咁...最後拼鵝脹結果黎左拼大脹 一問次下先知佢地根本都無鵝脹...早知係咁就唔會拼大脹...因為我地又叫左脆皮糯米釀大腸脆皮糯米釀大腸 -- 香口, 條大脹好乾淨, 唔肥, 不過糯米飯濕左d..可以乾身小小...酸梅蒸烏頭 -- 我覺得唔夠味, 酸梅同咸味都唔夠...只可以話ok..不過男友就話好 "zen", 食左一啖之後就無再食... 蠔仔肉碎泡粥 -- 材料ok...但又係無咩味....食完之後, 男友問我會唔會再黎, 我好快答佢...唔會

德記係西環都幾出名，現在搬了新店，座位環境較以前舒適。鹵水鵝片：鹵水味道淡了些，鵝片不夠入味，肉質OK。蝦棗拼墨魚餅：蝦膠及墨魚膠加入馬蹄及豬肉等食材炸至乾身，味道唔錯，亦因有馬蹄的緣固，咬落有爽脆嘅口感。脆皮糯米釀大腸：無食到，no comment！家鄉煎蠔餅：份量夠，新鮮炸起夠脆口，好食。胡椒咸菜豬肚湯：胡椒味恰到好處，鹹菜猪肚份量足，唔錯！蟹粥：有蟹仔一隻，有少許羔，可惜整體無乜蟹味，只屬一般。腐乳通菜：無乜腐乳香味，不過通菜幾脆口，幾好食。鹹檸七：見有好多人叫，所以試試。味道調教得幾好，鹹味適中(除了杯底last嗰啖)，幾好飲。