德記潮州菜館

營業中

休息中

自從香港大學站開通了之後，第一次踏足。由落車行到最近德記的出口－西寶城，要近8分鐘（還是有扶手電梯的情況下）。不過，吃完之後，感覺完全值得。雖然食物水準不算非常出眾，但價錢完全「贏幾條街」，彷彿被定格在二千年前後的時間。蠔仔粥蠔仔大大粒、非常新鮮，傳統飯粒煮成的粥，加大地魚熬成的粥底，鮮甜！炸蠔仔餅蠔仔是新鮮大粒的，炸得也算鬆脆，粉槳不多，也沒甚麼油膩。只是我比較喜歡吃煎的蠔仔餅，只有這種做法才能吃到充滿油香的蠔仔。當然喜歡「香口」的朋友，這裡的炸蠔仔餅算是不錯的。蘿蔔烙入口鹹香滿載，最利害的是雖然用炸的方法處理，但仍能鎖住蘿蔔的水份，吃起來外脆內軟，相信是先蒸過才入鍋炸的，非常出色的一道功夫菜。糯米釀大腸相信和蘿蔔烙的烹調方法一樣，糯米用蒸的，入口除了糯米的綿香煙韌，也同時感受到大腸的香口薄脆，屬誠意之作。蝦棗成粒乒乓球的蝦棗，加了蝦蓉和馬蹄，頗爽口的。雖然蝦的鮮味不算突出，但味道尚算不錯。

It has been a long queue waiting outside the restaurant TT We, 6 of us, were soooo smart to book the seats but we still had to wait for about 10 mintues. We made our orders and those waiters and waitresses worked very fast Also all the food arrived so quick 潮州咸菜及豆腐乾 as appertizers so greatttt 炸蠔餅: Crispy one. With a lot of oysters inside  Its unlike as the others. This one was rather thick and two pieces were served. its was so crispy, not only the periphery. With the flavour of coriander it has

又正又抵的潮州菜館. 德記係由一個潮州基督徒開的, 位於西寶城對面, 交通十分方便. 係hku落去都係十分鐘, 地方闊落好好坐. 午餐時間, 有六至七款套餐, 包湯或飲品(建議:湯, 無味精, 好大碗, 抵到爛). 同埋上菜速度快, 好大份. 兩個女仔食一碟已經好夠. d嘢食幾夠鑊氣, 唔算好油.

三五知己，把酒談歡，可謂人生一大樂事。德記在西環是非常老字號的潮州菜館，我們一班好友吃了鹵水拼盤，潮州凍蟹，胡椒豬肚湯，反沙芋⋯⋯潮州凍蟹HK＄480－潮州凍蟹常用紅蟹，入口味道鮮甜而且肉質爽滑。例牌鹵水拼盤－鵝肝和鵝片非常入味，鵝肝入口軟滑而且甘甜，墊底嘅豆腐很滑，鵝腸爽口不過不夠入味！胡椒豬肚湯 -味道不太咸，加上大量的胡椒，入口辛辣頗刺激，很胃暖。石柳雞－ 外層入口像滑豆腐，裡面有沙角，蝦乾，芹菜，冬菇，蔥......川菜煲- 麵醬煮川菜，唔油膩，。脆皮糯米釀大腸- 外脆內軟，糯米口感較黏，大腸表面炸得香脆，薄薄嘅大腸內釀入糯米，花生，臘肉，蝦米等材料，多吃兩件後有少許飽滯感。清心丸綠豆爽－清甜的綠豆爽配上煙煙韌韌的清心丸和白果，味道一流！反沙芋－好吃的反沙芋皮脆肉香，芋頭口感粉滑，是潮州的秋冬甜食！星期二至日: 11:30-15:00 ; 17:30-23:00星期一: 休息評分：（以5個＊為滿分）食物：＊＊＊＊服務：＊＊＊環境：＊＊＊西環堅尼地城卑路乍街3號G益豐大廈地下TEL:2819 5568

因為住在這附近,永遠晚上回家經過它的路上都會看到長長的人龍。這家餐廳已開了好多年,一直都很受歡迎。自己也在這兒吃過好幾次。那星期天晚上舅父舅母和表弟特地駕車前來朝聖,於是便和他們一起吃了晚飯。早了半天訂位所以不用等位一去到便可以入坐。大部分食物都很有水準,必點菜有鹵水拼盆,炸蠔餅,蠔仔粥,胡椒豬肚湯等。但是餐廳環境很嘈吵,喜歡安靜的人也許不太喜歡這兒。而且由於人客多人手較忙,服務態度也有改善空間。

第一次食德記係中學時代，那時還在舊址。當年已是西環的老字號，街坊的推介。多年後再臨，地址轉了，環境乾淨明亮多了，晚上門外好多時大排長龍，但食物質素依舊保持水準。推介他們的蠔仔肉碎粥、蟹粥，好鮮甜，用料有誠意，最緊要吃下不會太口渴，證明味精不多。打冷鵝件肉嫩多汁，但個人較喜歡「阿鴻小吃」的卤水鵝，因較肥美。糖醋麵、蝦蟹棗、胡椒豬肚湯標準水平。臨走買了德記的鹹檸檬回去給屋企人做手信，沖水飲止咳，雖然好鬼鹹，但好像有點用。

由於細個嘅時候曾經住過西環，對西環有一種特別嘅情懷，父親大人突然醒起有飲食節目介紹過西環嘅潮洲菜館，想去一試，順便從遊舊地，看看西環嘅變化西環確實轉變了不少，惜日嘅舊區漸漸發展成高樓林立，海旁位置更開設了不少酒吧當日6點令到達，無需等候入坐，門面相對上較舖內光鮮看過餐牌後，好快就選擇咗出面較少見嘅菜式～脆皮糯米釀大腸大腸表面炸得香脆，薄薄嘅大腸內釀入糯米，栗子，花生，臘肉，蝦米等材料，外脆內軟，糯米口感較黏，多吃兩件後有少許飽滯感，脂肪含量相信頗高蝦棗併墨魚卷喜歡炸物嘅我，每到潮式菜館必叫小吃之一蝦棗以鮮蝦肉混合馬蹄打成蝦膠，為了令蝦膠更香口彈牙，大多還會加入肥豬肉，然後滾圓，炸成金黃色球狀，入口帶少許彈牙，但表面不太鬆化，唔算大粒墨魚餅較蝦棗淡味，沒有太多墨魚鮮香，口感較淋，沾上甜酸汁後，味道較佳糖醋麵表面煎得金黃脆身，底下則有小凍許淋，薄薄一塊，分成8小份附上白糖及甜醋入口味道較淡，需沾滿大量白糖及甜醋作調味，感覺一般，但較有特式，可以一試蟹粥以沙窩原窩上菜，粥底尚算鮮甜，但蟹的質素卻一般，蟹身較細, 肉質偏淋，蟹肉不足鹹檸七由於唔太喜歡有汽嘅飲品，所以一向好少叫野飲，但見到大部份

同老公第二次嚟晚飯，今次點咗大眼雞、蝦棗拼墨魚卷、白粥，再encore咗川椒雞，除咗墨魚卷麻麻之外，其他都很滿意，大眼雞有鮮味，配埋佢地自家製既豆醬，好好味，正！蝦棗炸得香，不太油，個啡色甜甜地既醬亦係自家製的，很令人回味。老公係潮州人，食得出係正宗潮式出品，感覺像回到兒時，哈哈！今時今日，正宗潮菜兼價錢相宜既餐廳實在難求。除咗食物質素好之外，服務員態度亦恩勤，如果住西環，呢度一定係我地既飯堂。

德記，實在太受歡迎。晚飯時間每次經過，門口都大排長龍。用餐人數少的話，菜館不提供訂位服務，所以我每次都要趁"非繁忙時間"來這裡！這次一行三人18:00到達，未到晚飯繁忙時間，菜館內已經很熱鬧了，很多人都是扶老攜幼在這裡開餐。侍應送上前菜，是潮州咸菜及豆腐乾，咸菜咸中帶甜，很開胃。餐牌上的食物，我們樣樣都喜歡，經過一輪討論，放棄了比較油膩的糯米釀大腸，點了以下的菜式：胡椒豬肚湯(9/10)，咸菜及豬肚加上大量的胡椒，咸味得宜，胡椒辛辣頗刺激，喝後胃暖暖的。滷水鵝片(5/10)，由於我對鵝肉會敏感，自己沒有試食。朋友說鵝片水準只是中規中矩。豉椒炒蜆(5/10)，蜆肉尚算新鮮，調味得宜。欖菜肉鬆四季豆(7/10)，四季豆很新鮮"肉厚"，炒得夠火喉。菜甫肉碎煎蛋(5/10)，超級大堆頭之作，蛋角十分巨型。菜甫不會過咸，但蛋略為"老"。最後是我最愛的潮式煎麵(10/10)，德記的煎麵，是我在香港的食肆食過最好的，比其他潮州高級食府更好！麵餅表面煎得很脆很香口，而裡頭仍然是濕潤香軟的，口感一流！趁熱時醮糖醋吃，超好味！

睇到各位食評同食後感, 早有準備, 一定訂位先~位置比想像中易搵, 小巴/電車都到~10個人叫左15碟食物非常之狼, 而且一小時清晒添, 哈~一入座個阿姐煩住晒, 叫人叫一SET果D餐, 講左唔要餐, 又再SELL人叫餐D餐一睇就知前人講過炸拼盤唔好食, 咩炒龍X魚直情呃錢啦,炸雞無雞味都一早知,唔係潮州菜~我發現佢SELL的都係唔好食, 大家唔好信果阿姐....叫左: 鵝片拼鵝肝(佢得鵝片無鵝件選) 鵝肝真係好正~唔漏又惹味~D豆腐好滑, 鹵水汁唔錯, 唔會得個咸字.鵝片拼鵝腸, 鵝腸又係好味, 鵝片一般, 但黎潮洲店始終要叫黎食下~鵝掌翼拼腎片, 樣皮都好大件, 腎片好入味夠淋啱老人家食, 我喜歡爽多D..9菜花炒咸肉豆腐--->真係好鑊氣, 普通小菜但好快清晒9菜豬紅---唔太得用豆板醬煮=.=??? 點解阿姐改左中SIZE呃我錢. 我都無話要中椒鹽9肚魚, 正~燸米釀大腸, 功夫菜必試.但早知唔轉中SIZE, 食2件都漏啦~好易肥架嘛..炸蠔餅, 本人好喜歡佢蠔餅, D蠔好大粒, 係無咩蛋, 但我喜歡啖啖蠔喎~蠔仔粥, 好味~D方魚炸得脆惹味~咸菜胡椒豬肚湯, 勁濃奶白

在西環有很多食肆，但這間一到七時左右就一定要等位，而且等的人又真的不少，好奇心驅使下，一定要試一試。 因為有備而戰，六點三左右已經到達，所以就可以避過人潮。餐廳主要提供潮洲菜，款式也很多，除了餐牌上的之外，有很多是寫在牆上的。更有一些冷盤是擺放了出來，可以自己挑選的。我們只有兩個人，就揀了三小菜一湯。包括了侍應介紹的胡椒豬肚湯、韭菜炒鹹肉、香酥芋鴨和竹笙雜菜煲。等了不久就上胡椒豬肚湯了。雖然說是兩人份量，但以酒樓的小碗來說，也能分到四、五碗，份量很足。湯的味道很濃，夠熱而且充滿胡椒香味，加上湯裡面的湯料也很多，豬肚和鹹菜亦沒有煮得過久，可以一路喝一路吃。跟著小菜就上了。韭菜炒鹹肉幾夠鑊氣，可以食得出是即炒的。鹹肉味道適宜，用來送飯一流。加上鹹肉、韭菜和其他配料比重亦配搭得宜，簡單中見到功夫。竹笙雜菜煲亦是水準之作。通常吃清淡的雜菜煲，我第一樣會先試上湯，因為上湯是這個雜菜煲的靈魂。為了使到蔬菜吃起來更有味，很多食肆在烹調時都會把上湯弄得偏鹹，我個人反而不喜歡。這裡的味道我就覺得適中，我自己的標準就是可以當湯喝的，而不會覺得太鹹，這就可以了。香酥芋鴨亦做得不錯，炸得夠香口。唯一可以挑剔的

咁啱入開西環，又唔知邊間好食，就求其搵間就腳嘅，點知咁就搵到一間會令我再返嚟食嘅舖頭。去到已經八點，見門口有人都驚要等位等好耐，點知兩個人就啱啱好有枱，真好彩。由於得兩個人，今次試嘅菜式並唔多，但款款都令我幾滿意。蠔仔粥，配料味道唔會太重太多，蠔仔唔會煮到成隻實晒，又夠多，都有好多算係巨型蠔「仔」，整鍋粥相當清甜唔重口味。蒸蟶子皇，蒸嘅時間啱啱好、易咬又有少少爽，蒜蓉粉絲都夠多。例牌鹵水鵝，味道唔錯，墊底嘅豆腐都好食，但唔知點解鵝肉好林，林到冇咗嚼勁，有啲失敗。蘿蔔烙，我願意為呢碟菜再返嚟。咁大個人第一次食呢道菜，外層炸得香香脆脆，蘿蔔條又夠甜，加上啲配料令到成舊嘢更香口，好好食。另外侍應嘅態度大多值得一讚，好積極、有禮貌，唔會好似其他餐廳啲侍應咁，望到你舉手即刻擰歪面當睇唔到。下次同朋友再嚟試多啲菜式，尤其係見到啲蠔餅好似好鬆脆，希望唔會令我失望。

對於經常出差的我，總是很懷念香港美食，特別是那些傳統老店，坦白說這已是我3个月來第3次到德記，每次必吃的包括有鹵水鵝片，煎餅及胡椒豬肚湯等等。但今日同老婆兩口子確作了新嚐試，点了一些平時没有吃過的 1. 凉伴海蜇頭這道原本是上海菜的頭盤，在這家潮州菜館保留了爽口的質感，但卻少了一點醋味，所以吃起來不夠酸 2. 鹵水掌翼拼鵝腸我個人很喜歡鹵水的味道，帶点甘绀的味道特別好吃，當中的掌翼特別有咬勁也很入味，而鵝腸份量很充足，厚切也是十分討好 3. 勝瓜粉絲炒海蝦這個是店員推介的時令菜，在夏天的时候吃瓜特別甜，再加上海蝦（是去了身體上的殼，吃起十分方便，抵赞一個）炒出來的湯極之鲜甜，粉絲也很入味，用來配大肚婆炒飯真是一流。 傳統的老店少了时尚的裝修及擺盤卻多了很多人情味，值得推介

今日去了離島，回程時想起街坊老店，德記！立刻乘車去。位置轉了，店舖亦大了很多，到達9時許，即時有位了😃店舖多了很多美食，2人點了蠔餅，一上桌就見賣相不錯，外面脆口而內裏亦很多蠔仔，大腸釀糯米，很少潮洲舖有得吃！依然如故地好吃。糖醋麵，我至愛，很多弄得面不脆口，濕濕地！但德記的外脆口，而不膿面，又給我小肥腩掃清光！本想再叫招牌䳘片加䳘肝。但肚皮已很脹了！不飲啤酒還可以的！留待下次再來吧

潮州野，最得我心既一定係佢既前菜，潮州咸菜夠爽夠入味既話可以自己食哂成碟！其他菜色都係普通啦個豉椒炒蜆，稍為唔夠惹味，可以再辣Ｄ蜆就唔係太大隻，但數量算多糯米釀大腸！新鮮炸起熱辣辣冇得彈佢外脆入面煙韌，糯米份量夾得好好，唔太多唔會過飽又唔會覺得太油，入面有加到栗子加強左個口感點埋蠔油食更香口！！個胡椒豬肚湯都可以豬肚同咸菜都多豬肚唔會腥，夠彈牙有咬口湯就好重胡椒味，唔係個個受到但夠熱又係好暖身，唔錯蠔仔粥，香綿清淡好多蠔仔，新鮮唔腥粥煮得細滑荳苗，好普通，好似白烚出黎，冇味又唔夠熱我鐘意食綠豆爽清心丸但唔欣賞依個一Ｄ都唔甜好淡，清心丸太碎可能咁樣先係正宗但我鐘意大大粒有咬口既清心丸反面反沙芋有驚喜少食因為唔係好多地方仲會整佢又係岩岩炸好食落係辣口外面層糖薄薄的入面芋頭好夠淋又唔油比層糖提升番個味道好味道