德記潮州菜館

營業中

休息中

以前這裡是人山人海，晚上要在門外等位，食物質素是可以的。一直認為，在港島區鮮有這水平的潮菜平民化小館。沒有光顧整整有一年，今年九月中再來吃晚飯。預先來電留位，準時七時半到達，竟然還有不少空檯！心想有些反常。我們點了胡椒豬肚湯，只有胡椒的辛辣味，豬肚的香味則欠奉；點了煎蠔餅，然那份蛋蠔相襯的鮮香味不知走到了哪處。失望，很失望。又少了一處吃潮菜的好地方。

點了半隻雞, 八寶海參(推薦), 芋泥腊味炒飯(推薦),很滿意.

周五晚打完波後，又係醫肚嘅時間，有人提議再去幾滿意的德記，今天只有五個人所以叫的餸品種沒有平日那麽多，共叫了以下五道菜:1. 胡椒猪肚湯2. 蠔仔肉碎粥3. 鵝片4. 豉椒炆大鱔5. 果仁炒什菜大家都很滿意這裹的食品，價錢又合理，個人特別推介的是胡椒猪肚湯，湯水有香濃的胡椒香味，但又不會太辣，味道比質素及份量不斷下降的老牌尚興高出很多，尚興除了味道及服務質素下降之外，坐得又非常擠廹而且嘈吵，相信再不改進，不久將來必被食客唾棄！除胡椒猪肚湯外，最好的算是明爐鳥頭了，湯汁下了適量的青檸汁，不像一般泰菜館的那麽酸，又能醒胃及提升食味，是我吃過最好的了，各位如果有機會到德記，記往一定要柯打這兩味菜試一試食。

好細個已經幫襯到而家，有時都會特登走去西環捧吓佢場。兩人點了：1. 金菇瑤柱西蘭花2. 豉椒炒蟶子3. 糖醋伊麵三樣野都好好食，份量亦唔少，所以最終都係食唔晒呀!

2 July 2007 (Mon) - 晚飯舊同學聚會，我抱病出席，因唔想錯過一班好友既Gathering！好多食物我都唔食得，亦確實冇咁既胃口，但係我所食得既我都覺得唔錯！各舊同學亦有讚賞此處的食物，所以我相信係’得’既！唯一唔得既都可算係呢度既衞生，因為我哋坐近牆角，坐坐下有隻好大既蟑螂喺牆上爬行，好驚，嚇到大家死，但我哋有位高手同學居然用厠紙搞掂咗佢，嬴得全場既掌聲，講緊既全場，唔單止係我哋嗰枱，而係隔離枱都有拍手，因為我哋既同學真係好勇！不過我哋見完咁大隻既一隻小動物後，都繼續食嘢，勁！而且呢間嘢都真係勁多人排隊～～好彩一早book咗位！

女麻女麻是潮州人, 我小時候經常食她煮的潮州菜, 她現在行動不便, 住在老人院, 當然不能再煮潮州菜給我吃. 我很想找一間有一點點傳統風味的潮州菜館, 買一些外賣給她回味一下.看到大家推介這間為港島區最好的潮州菜, 馬上試一試. 二人叫了:*** 前菜可以換***1)蝦棗拼墨魚餅2)鵝翼3)糯米腸4)兩面黃(糖醋麵)前菜的小粒豆腐, 好甜, 後來看到有酸菜, 問了$6一碟, 但食落味道很差, 好好好甜, 味道怪, 你們不要試好了, 好像還有花生可選1)蝦棗拼墨魚餅–其實我並沒有在家吃過這款東西, 不過我只看他的甜醬油, 便知道不正宗. 正宗的甜醬油顏色黑很多, 味也濃很多. 這裡的甜醬油混了大量麥芽糖, 太稀, 也沒有香味.2)鵝翼–味是夠, 但質地太淋了3)糯米腸–也是第一次吃, 不知傳統是什麼樣的, 不過幾香幾得意4)兩面黃(糖醋麵) –OK啦! 我記憶中的糖醋麵比較香, 這裡只得一面燶價錢: 偏貴, 但都算可以接受服務: OK喎! 個個STAFF都反應快, 也很熱心.應該無下次了!

英超球季收咧,一眾球迷之友,在西環德記潮州菜館,來個季後聚餐,聯誼一番.九人坐在閣樓一張大檯,人少少坐得夠鬆動,周日夜晚的德記,食客不絕.全部大男人,有些剛剛踢完波前來,點多幾味,相信也能吃光.鹵水鵝半隻,墨魚卷拼蝦棗,糯米豬腸,炸蠔餅,蠔仔肉碎粥,炒魚麵,墨魚片拼海蜇頭,蝦子八寶海參,沙爹牛肉炒芥蘭,還有味菜胡椒豬肚湯,總共十味,不夠吃的話,才算.鹵水鵝半隻,眾人覺得好一般,肉質的確有點鞋口,可幸鹵水夠入味.鹵水本身味道深厚,能彌補肉質上的不足,沒有人要的鵝頭,小弟將其"啜"得一乾二淨,吃正小小的鵝腦,份外甘香.墨魚片拼海蜇頭,兩者皆爽,吃正海蜇頭,不爽的話真的不要收我錢.蠔餅大大件,夠厚身,吃落也香脆的.蠔仔就不及月前,在新填的陵發吃過的肥美了.蝦子八寶海參,純悴想穿插一道有汁的菜式在內.味道也不錯.蠔仔肉碎粥鮮甜,胡椒豬肚湯則不夠刺激.糯米釀豬腸算是有點功夫,將糯米塞在豬腸內.同日前在潮州公館吃過的不同,這個相對不夠香脆,內裏糯米味道略嫌寡,似乎不能完全吸收豬腸的味道.反而個墨魚卷拼蝦棗,比豬腸更好聲譽.炸得夠香口,蝦棗並不是平日彈牙的蝦肉,將蝦肉搞到爛成茸,又是另一種口感.小弟

細細個爹地已經帶我黎食~個人特別喜愛佢既蠔餅同出面個d蠔餅好似有d唔同... 好似特別香咁~其他野食都唔錯!

朋友住西環,介紹咗呢間德記。叫幾個推介菜，最impress 我嘅係胡椒豬肚湯同一大堆笑料。食飯都係同係同一其他人一齊好。要咗:胡椒豬肚湯墨魚紅腸炸蠔餅炸鑲糯米豬大腸菜粒炒飯腿蓉津白想叫魚飯同凍蟹，不過朋友唔食，所以冇要。胡椒豬肚湯係白色嘅，好濃好香，完全停唔到口。d豬肚煲到淋哂軟哂，咸菜冇哂味，係飲個湯，真係唔可唔試。炸鑲糯米豬大腸--都唔係唔好，唔係唔特別，不個本人唔係特別喜愛。炸蠔餅-- 大炸，係好香口，但有咗蛋香。其他都ok，唔錯，不過都係鍾意尚興多d,對味d。

星期日行了幾里路，終於有啖好食啦。今次是第三次，每次都與唔同人o黎食，而每次都不會失望。鹵水鵝翼寫明「可能」係全港至好，是老豆的心頭好，不少得叫番一碟，顏色靚過聚好閣，老豆仲話好過一般新式的潮州酒樓。因為鹵水鵝翼無豆腐墊低，所以加多一碟鹵水蛋併豆腐，豆腐好食好嫩滑，而鹵水蛋唔夠入味。羊腩煲-煲仔細細以份量唔多，原來羊腩大大件，每人可分兩三件，羊腩啖啖肉，我嫌唔夠羶味，亦炆得唔夠入味。生炒骨炸得夠脆，炸粉又唔多，可惜食落有種油”益”味，可能係千年油關係?豉汁皇鱔球這碟是價值推介，鱔球爽脆，豉汁不會過鹹，尤其是墊底的芽菜吸晒豉汁的精華。青檸汁椰菜苗-可能用了青檸的關係，有點似泰式的味道，酸酸地又帶鹹，而椰菜苗又夠嫩綠。

晚上數碼港睇完戲搭車出番比較近的西環已經十時多. 去了德記食飯, last order是10:30pm. 好耐冇來了, 今次點了碗胡椒豬肚湯, 幾大碗的. 辣辣的, 不過酸菜多了點, 甚麼寒意都驅掉了. 另外點了很喜歡的蠔餅. 依然都很有水準, 不過對兩個人來說就多了點, 兩大餅(長碟). 見剪報介紹芋茸糯米炸大腸, 好似幾特別, 不過幾樣野配埋個味道反而不及分開好. 點了個菜, 是鮑片冬菇小棠菜...都唔錯.

早兩日同朋友兩個0黎食dinner, 因為唔太餓0既關係, 只係叫0左個鹵水淨鵝片同玉蘭炒飯share 食.鹵水淨鵝片夠入味, 不過偏乾身, 如果多返d 鹵水汁會仲好食, 墊底0既豆腐吸晒d 鹵水汁, 都好好食.另外要提0下用0黎蘸鵝肉0既酸汁, 好惹味, 朋友仲將呢d 汁倒埋落佢d 炒飯度食!玉蘭炒飯望落唔特別, 同揚州炒飯差不多樣, 不過味道食落驚喜地好, 如果再多d 芥蘭就好喇...環境係茶餐廳格局, 衛生情況一般啦, 不過service 並唔係茶餐廳0既招呼, 個阿姐好有禮貌!平平0地食潮州0野呢度係一個唔錯0既選擇!

在香港要食又平又正的嘢真唔容易, 第二次來德記, 蠔仔粥, 凍蟹, 凍烏頭等咸檸七, 全部都非常滿意, 價錢才一百蚊一個人, 真係超值！

(29/6)距離開始的時間還有十數分鐘，入座坐下為妙。樓下已有很多圍用膳，故被安排樓上雅座，但結果變了「包場」，剩下我們一圍；隔了數分鐘，又被阿姐催促下來，樓下大堂有空桌。相信這裡的特式食品：墨魚卷蝦棗雙拼，墨魚卷沒有試，蝦棗則試了一口，沒有了那油益味，味道則屬一般，彈牙爽口亦不算；鹵水鵝片，中規中舉，略嫌鵝片不太鮮嫩；炸子雞，雞味欠奉，略嫌咸一點，下次可以不叫；炒魚麵，味道清淡，配合三絲及蛋絲炒，魚麵並非粗條的那種，是扁扁的；反而全晚之最，就是糯米釀大腸，皮脆，內裡的糯米實實的被大腸裹著，但糯米部份濕了一點，如果乾身一點，配合大腸的內裡精華，怎能叫一碟？而不點醬汁也是美味。是否那麼值得去吃？不算得，但是，為了那糯米釀大腸的話，說服力增強。

一大班人同老友C(俗稱HL)補祝生日，同C由大學開始已認識，至今唔經唔覺已經超過十年。昔時同佢與數名損友一齊去落吧飲酒、睇靚女，宜家各人有美相伴。各人工作越來越繁重(尢其是我近年身體差咗好多，好多嘢唔食或者飲得，要減少好多傷身嘅嘢)，工餘大部份時間陪美伴。難得大家濟濟一堂，大聲講、大聲笑，一樂也。靚女律師E話想食潮州嘢，問道於我，我就提議德記。其實有幾間位於西區嘅潮州嘢都有唔錯嘅水準，德記門外經常大排長龍，自然有其致勝之道。我地共有十個人，叫咗以下菜式：1.鹵水鵝2.炸蠔餅3.胡椒豬肚湯4.明爐煮烏頭5.糖醋麵6.炒白菜仔7.海鮮煲8.炸子雞9.蝦棗併墨魚餅雖然食鹵水鵝仲未係時候，但呢味餸勝在鹵水夠味，鵝亦好入味，肉質也不韌，水準唔錯；炸蠔餅一碟疊成兩層，大大份好夠“派頭”。餅雖然厚身，但咬落入面唔會水汪汪，值得一讚；胡椒豬肚湯夠晒胡椒，飲落好暖胃，但係冬天飲比較合適，天時暑熱，飲到成身大汗；烏頭幾新鮮，肉質鮮甜，好快就食剩棚骨；蝦棗併墨魚餅係招牌菜，果然冇令我地失望，好香口，蝦肉配馬蹄，夠爽脆；墨魚餅好有咬口。雖然兩者都係煎炸嘢，但食落一啲都唔油膩，係我全晚最滿意嘅菜式；糖醋麵同炸子