悠蔬食 (渣甸中心) (已結業)

第一次試食，食物真系好食！但我食左咁多餐廳，呢一間真係我唯一極度不推介，極度不滿意，服務態度不佳，食完都未休息下，係咁問你有冇需要加食物！一話無需要加食物，立即就叫我地結帳，超級趕時間，趕人走！重點係飲品都未飲完，已經同我地講話要交枱。我地系未到交台時間架！而且食牌物上仲註明，每人最底消費$200. 又唔係啲咩高級餐廳，使唔使咁誇張！你地要去食，真系要唸清楚，真係俾錢買難受！ 食飯系想開心姐！洗吾洗咁呀！吾信你地可以去試下！坐耐少少都好似要比保護費咁

一班朋友聚會，冇諗到間餐廳咁爆，好彩都安排到位，但真心服務就好麻麻。菜就有好食都有麻麻既，推介冬陰公意粉，冇諗過冬陰公整意粉都咁好食，手卷就好似食緊草咁，竹炭薄餅普普通通，但整體都好健康，好好食。晚餐有最低消費，所以逼著叫好多野食又食唔哂。不過整體唔錯，有機會會book位再去幫襯！

今日朋友想食清d，所以我地黎左呢間專食素食嘅餐廳。我一路都對食素嘅餐廳都麻麻，因為多數都會好努力扮返正常菜式而令本身食材浪費左，好少會真係做得好出色。今次食完呢間我都仲係有呢種感覺，不過味道都算係唔錯。要讚嘅係花款算係多，可能今日我地無叫d最出色嘅餸，所以整體食物質素麻麻。另一樣要讚嘅係環境同服務，環境十分寧靜同舒服，好適合三五知己傾計。而d staff服務都好周到👍🏻宮保菇丁 - 將菇同腰果炸左，再配合返個甜酸汁。醬汁味道係ok嘅，不過個菇炸到淋淋地 (炸完放左好耐嗰種感覺) 同埋比個醬搞到無咩菇味。擔擔麵 - 無肉碎嘅擔擔麵，雖然有好多花生但整體味道都係好淡，叫左辣但唔辣。天婦羅露荀牛肝菌意大利飯黑松露大啡菇 - 除左黑松露，仲用左薯蓉、薯仔粒同粟米去焗。成個菇好香黑松露味👍🏻千層蛋糕 - 海鹽味好重，但個皮好厚，食唔出千層嘅口感。蘋果玫瑰花茶 - 不太推薦，因為味道似溝出黎，蘋果同玫瑰花味都飲唔到。

我是一個食肉獸無肉不歡，平常真的很少會在dinner time食一餐純素宴，但這間餐廳的菜式就有本事令我在沒有肉的情況下仍然吃得津津有味餐廳以粉藍和紫色作主調，座位亦極為舒適，令人心情愉快Menu有好多選擇，真係令人有選擇困難症，因為樣樣都想試，最後揀左2款set dinner, 包括前菜，手卷，湯品，主食，甜品和飲品。中湯~姬松茸椰子黃耳竹笙燉湯~材料非常豐富，湯頭好甜好潤，充滿姬松茸和椰子的清香，還有為數不少的黄耳和竹笙，好美味西湯~牛肝菌野菜忌廉濃湯~菇菌味極為濃郁，順滑而creamy, 一試難忘前菜~香樁伴翡翠/紅菜頭蘋果香橙伴合桃/泰式鮮果沙律所有前菜都是經過精心配搭，份量也不少，絕不馬虎，單看食物的顏色已令人胃口大開紅菜頭，合桃，車厘茄，火龍果，蒿筍等都是些營養非常豐富的食物，頓時感覺自己健康左手卷~香芒牛油果苜蓿芽手卷~無諗過竟然有手卷吃手卷要第一時間食，放耐了紫菜變淋就一點也不好吃了！這個紫菜意想不到的脆，配合香芒和牛油果的入口即溶，苜蓿芽的草青味，真是perfect matchDinner B 主菜~牛肝菌忌廉扁意粉伴吉列牛油果扁意粉煮得剛好，爽滑彈牙，配埋牛肝菌忌廉

【食家澄兄大讚嘅素食店】難得同澄兄去銅鑼灣，梗係唔想食鏈鎖食店，但要搵到食物同環境都啱小朋友嘅都唔易。湜澄媽今次揀咗一間樓上素食店，食完覺得我一定會再黎食，所以想同大家分享一下🤭#前菜 ：果仁鮮瓜絲麵沙律 配 檸香芒果醬🥗澄兄差唔多食曬兩碗嘅青瓜絲🥒，佢平時唔食架！可能因為酸酸地好好味 😋 媽媽分到一條試味🙈#主食：板燒猴菇芝士漢堡 🍔 配 紅菜頭乳酪沙律及甜薯條🍟其實我唔知個素漢堡用咩材料整，但食落好似雞肉，一d都唔似菇類，更加唔似素。同澄兄講食肉肉，佢一d都冇異議🤭乳酪沙律有驚喜，酸甜味可以遮咗紅菜頭嘅草味，澄兄同我爭食呀！#主食2 泰式鮮茄菠蘿炒飯🍍🍅相比之下呢個普通咗少少，所以俾咗爸爸食🤣#甜品 百爵紅茶千層班戟🥞茶味啱啱好，淡淡哋唔係好濃果種，而且一層層分明，少少實又唔會好硬，更加唔係一切就淋果種，係我最鍾意嘅質感🥰#甜品2 赤莓紅蓮🍓🏵️賣相吸引，一朵士多啤梨蓮花放喺tart上面，澄兄食咗好多好多🙈#澄弟食得乖 #有thecars禮物#有BB櫈 #有卡位#周日下午茶時段好多位 #銅鑼灣

As most of our colleagues were not around in office today, we decided to have a longer lunch break. My colleague suggested to have lunch at Leisurely Veggie, as he has a sudden craving for vegetarian food. It was located at Jardine Center, few minutes walk from Causeway Bay MTR.   Their lunch set consisted of appetizers, soup, main course and drinks. We can top up for desserts too. Cucumber & nuts salad served with mango lemon sauce - It was served cold and refreshing, and the salad was very cru

一行八人去吃晚餐，原以為是小餐廳，原來都有兩張大圓枱。環境裝修很舒適，座位亦不會感到擠迫，唯有旁邊一枱之後傾談時比較嘈吵，令環境扣了一點點分數。餐牌上有很多菜色選擇，只是在網上未有為意原來可以預定蛋糕和數款六人以上的套餐，不過是要提前預訂。幸好餐廳職員亦很樂意安排，說如套餐合適可以酌情將未能即時安排的菜色換作其他。這種靈活調配以客為先的服務只有小店才有，藉得一讚👍。選了一個半席六人餐，整體上份量亦不少啊，我們亦一度懷疑是否落錯了十二人餐。我最喜歡前菜三小碟，有紅菜頭配合桃蘋果、火龍果沙拉同疑似渦笋的東西，清清哋很開胃。手卷亦很好味，紫菜超脆。因為其中一人遲來，為免紫菜放久了變軟，職員亦不介意我們分開上。另外燉湯亦很美味足料，中西各有各好。其次較出色的有一味炸菇，食落香脆不油。還有職員推介的腐皮卷，上菜時造成雞槌形，食時中間一𢇁𢇁勁似雞肉紋理。竹炭薄餅亦很足料，餅底有炭香而脆。意粉充滿松露味，只是同枱人不太喜歡松露味。結尾的檸檬芝士蛋糕都很美味，另加名為赤莓紅蓮的士多啤梨批雖然我太飽沒試，但聽說批底都造得很脆。這餐廳最值得一讚是每道菜色擺盤都很精美，看得出是有精心設計，因此輕易令食欲提升

朋友知我喜歡食素，所以他今晚帶我來了銅鑼灣渣甸中心樓上一間叫悠蔬食的素食餐廳。餐廳以Tiffany blue和白色做主調，令人一眼看入去很有浪漫的感覺。打開餐牌看見他的set dinner 價錢大約250左右但包括很多菜式。首先是三款前菜，涼拌杞子百合黑木耳,夠酸夠凍好開胃,去帶一點甜美。日本南瓜梅乾雪梨，好爽脆呀呢一個薯蓉，泰式雜果沙律， 新鮮菠蘿粒，火龍果粒， 蕃茄仔， 簡單的沙律好開胃。猴頭菇燉湯，用料非常豐富，除咗猴頭菇之外有不唔同的菇類，豆豆，杞子非常適合我哋成日用電腦嘅年輕人。香芒牛油果苜蓿芽手卷,，苜蓿芽草青味好重， 纖維好高，有助腸胃消化。牛肝菌松子菠菜忌廉意大利飯配天婦羅美國露筍，天婦羅露筍感覺幾得意， 咬下去軟綿綿的。牛肝菌香味好重，再配上不同嘅菇類，口感非常獨特。焦糖海鹽樽子千層班戟， 焦糖味好重，千層蛋糕一層層，整得好好。另外我們散叫了雜錦香樁炒飯， 用珍珠米而且把所有嘅用料都切到好細粒，所以呢一啖入面已經係有曬佢所有嘅材料。黑松露薯蓉大啡菇， 食嘅時候要小心，因為隻菇好熱同埋佢有好多汁， 薯蓉配芝士非常好味 ，入面還有一些粟米粒，紅蘿蔔粒和馬蹄粒， 去配埋新鮮

上星期去完花展，又唔熟銅鑼灣有咩好食嘅我，上次係尖沙咀食完朋友介紹嘅齋菜後念念不忘，就一於食返呢間餐廳不過係銅鑼灣分店裝潢大致同尖沙咀店一樣，同樣都係咁摩登，只係個色系唔同咗，講真，我真係好鍾意係咁嘅環境食飯，好寫意同放鬆餐牌西湯:周打黃耳桃膠忌廉濃湯超香濃郁，又夠滑中湯:猴頭菇竹笙黃耳雪蓮子燉湯超足料，呢個湯簡直係女仕恩物前菜:掠拌杞子百合黑目耳 : 好開胃，醃製汁料剛好日本南瓜莓乾雪泥 : 感覺好似食緊蘋果蓉，味道加咗啲莓乾入去，和南瓜味好夾泰式鮮果沙律:名符其實嘅鮮果沙律，好多生果，再加上全部都新鮮甜美多汁紫貝天葵荔枝梳打紫貝天葵唔算太多，可能比較涼性，未必人人適合，感覺就係一杯荔枝梳打加小量紫貝天葵，味道都算好飲香芒牛油果苜蓿芽手卷呢個真係好好食，上次尖沙咀食完已經愛上咗，今次食，唔知係咪芒果當造，仲更加好食職員還很細心提醒叫我哋即食，以防紫菜淋咗，叫我哋保持最新鮮食，另外還配上濕紙巾好等我哋清潔雙手才進食，真係超窩心主菜真係即叫即做，所以要多點時間等候，但其實之前嘅湯、前菜、手卷已令我哋有一半飽😜主菜:牛油果鮮豆包雙薯藜麥焗千層闊麵食得出用豆製品代替肉類，嘻嘻，我真係好少食素

今日放左工之後同朋友去食野，諗諗下平時日日都食咁多肉，所以今日一於食得健康d，所以我地就去左呢間位於銅鑼灣既餐廳去食素菜。首先我地叫左前菜，前菜有雲耳青瓜同柚子沙律，酸酸地又多汁，食完之後都覺得幾開胃。之後黎嘅健康菜湯都好好味。我地都叫左牛油果手卷，雖然我本身唔係好鍾意食手卷，但係食完都覺得唔錯。跟住黎既就係主菜，主菜既意粉健康之餘，味道好濃郁，而且又唔會膩，令人食到非常滿足。最後我地叫既芝士蛋糕都非常有水準！總括而言今日食既幾道菜都令我同朋友非常滿意，希望日後都有機會番番黎呢度食啦。

平時覺得素食好似冇咩味，都係食草為主😂近日同朋友去咗一間素食餐廳，雖然餐廳唔算大，但淺藍色為主既裝修俾人感覺舒服。食物嘅種類亦比我想像中多，原來而家素食都可以咁新潮咁好味😆😆.1️⃣酥脆腐皮卷 $58/4件 腐皮卷整到成隻雞鎚咁，原來因為中間有支雪條棍，好有創意既做法😼個皮脆得黎唔會太油膩，另外佢有俾埋酸辣醬，可隨個人口味去點，點埋食會更惹味😊.2️⃣涼拌杞子百合黑木耳 $68味道酸酸甜甜，醒神開胃🤩黑醋嘅份量啱啱好，唔會過酸，配埋口感爽脆嘅百合，香香既芝麻，同杞子嘅顏色點綴一下，健康又好味😋.3️⃣黑松露薯蓉焗大啡菇 $158/3件大啡菇嘅size果然好大件🤤一切開咬落超級熱辣辣，仲好juicy，而好似芝士嘅其實都係薯蓉，再用少少黑松露令味道更出👍🏻.4️⃣日式竹炭手作薄餅 $148薄餅餅底做得唔錯，又薄又脆，面頭都有好多餡料，有紅椒青椒、菇、瓜、菠蘿、紫菜碎，好豐富🤗.5️⃣洛神花柚子蘆薈梳打 $38佢好多飲品都會寫明有咩好處，我揀嘅呢杯就有清熱解渴降火、降血脂同令皮膚紅潤嘅功效🤩味道清新甜甜地~~6️⃣紅石榴蘋果汁 $45 係餐廳都飲到鮮榨果汁😆朋友揀嘅呢杯就有助保護心血管、減少脂肪積聚同降血壓嘅功效。

間中係要食下素，出銅記食素就一定諗起悠蔬食～睇睇menu，真係好多野揀，又有set, 又可以散叫。同朋友一齊，最後叫左一個dinner set, 同散嗌兩款菜式，夠晒食， 仲食剩少少～Dinner set 由前菜到甜品樣樣都可以揀，最後決定❣️前菜有沙律、醋木耳百合、同青瓜南瓜蓉，樣樣都好新鮮。我最鐘意南瓜蓉，甜甜地但又有青瓜嘅清新😊香芒牛油果苜蓿芽手卷，紫菜脆脆，苜蓿芽新鮮～ 侍應仲提我要快D食，擺太耐紫菜會軟，軟左唔好食 😝猴頭菇竹笙黃耳雪蓮子燉湯好飲又滋潤，黃耳猴頭菇都大大舊，湯料十足😋紅咖喱野菜猴頭菇配印度薄餅、珍珠糙米飯紅咖喱野菜猴頭菇椰香味濃，少少少辣，即係唔辣，好易食，配飯又得，配薄餅又得。薄餅煙韌，質感同食老婆餅糯米皮無分別，煎得香，幾好食～另外散點嘅有咸香茄子猴頭菇栗子豆腐煲，好多料～ 栗子勁腍極甜～ 豆腐豆味濃郁又夠滑，真係想食多幾件～牛肝菌乾燒伊麵，醬汁香濃，陣陣咸香～ 完全唔覺得食素，好適合愛濃味嘅人，令人對素食刮目相看～Dinner set 仲有甜品，檸香乳酪蛋糕，細細件，多滋味😋😋😋另外亦都有叫野飲，朋友飲熱鹹柑桔蜜自己飲海底椰桂花雪梨茶，雪梨味甜，海底椰亦大

最近愛上素食,第二次嚟到悠蔬食,一定嗌返佢個招牌香芒牛油果手卷真係好清新又健康,好鐘意苜蓿芽嘅口感,好新鮮!今次係同媽媽嚟一齊食 ,叫左個湯品,都係好清甜入味。一碗岩岩好夠兩位share。主食叫左牛肝菌松子意大利炒配天婦羅美國露筍 。如果兩位都肚餓,建議叫多一碟主食,因為太好食,好多菌類加松子好有咬口,配上大大條新鮮露筍,真係食唔停口,我連最後一粒飯粒同菌粒都唔放過鐘意食素嘅朋友一定有黎過,但唔係食開素嘅你都可以黎食個Lunch/dinner  set 睇到Menu 原來仲有一圍圍咁book唔洗成日去酒樓食得咁傳統,一家人同親友食素聚一聚又唔錯呢!

一齊攪活動、一齊拎獎、一齊慶祝...............當中戰友食素，揀間新野試下，有水準。第一次食，最特別無飯的壽司🍣，口感層次一流，完全食緊手卷，又唔肥。大菇軟熟好味，醬汁唔漏........焗千層麵，加上麵筋，啖啖口感一流，配上偽肉醬，完全同真的一樣。中、西湯足料演繹，絕不馬虎。對於不辣的我，咖哩像微辣而不辣，味道特別，有別一般日式咖哩。甜品....綠茶味濃，但不苦，也不太甜，絕對可以再叫。

呢間素食餐廳聽過好耐 而且評價都好似唔錯所以今日放工一於去試下7點頭去到 未係好多人 但都5成滿之後8點幾已經有人等位 所以下次可能會book定位好啲有set dinner 亦都有a la carte不過set dinner好豐富 好啱我呢啲樣樣都想食既人總共有5道菜：前菜，湯，手卷，主食同甜品(部分款式要加錢，而飲品要另外加)前菜有哂以下3樣涼伴杞子百合黑木耳 好開胃 雖然唔係特別野 但都好好食😆日本南瓜梅乾雪泥 呢個好似薯蓉既野 淡淡地 但入面有啲青瓜同蘋果粒 好清甜👍🏻泰式鮮果沙律 有火龍果 菠蘿粒 提子等等 好多款式湯同手卷因爲每款都好吸引 所以同朋友一人叫一款試下猴頭菇竹苼黃耳 好足料 而且味道好濃 唔會好似溝水咁好淡周打黃耳桃膠忌廉 試左一啖 好香濃又唔會太creamy同奶味蘆筍手卷 原來係無飯係入面既 都係苜蓿(唔識讀)有沙律醬 所以都幾好食芒果牛油果 朋友食既 不過應該無咩醬汁 比較fresh紅咖哩猴頭菇配薄餅同飯咖哩係正常水準 印度薄餅好好好食 唔油但好鬆化 食完會好想再食黑松露野菜焗螺絲粉配腐皮卷螺絲粉好香黑松露味 加上有啲芝士係好惹味 真心停唔到口 好快就ko左