憶食尚臘味煲仔飯 (已結業)

Tst要搵野食，多數都會黎呢條街，好多隱世好店都會開喺呢邊。諗唔到食咩黎呢到行一轉，就一定有間想試嘅。行過呢間係見佢裝修幾靚，好乾淨舒服，睇真啲先知係食煲仔飯！未見過煲仔飯嘅裝修咁靚咁乾淨。入到去好摩登好西化，最緊要坐得夠舒服。見到佢有張海報係自家制嘅臘腸，用左酒同黑豬肉制作。一於試試佢嘅臘味煲仔飯臘腸板鴨煲仔飯（小）$156夠兩人食，原煲上台十分香，職員好熱心幫我地拌埋同加頭抽。臘腸的確唔係講笑，好好食！好香板鴨=臘鴨，但比臘鴨又鮮味啲！好味最後刮埋飯焦出黎食，好惹味芥菜排骨煲$98點呢個剛好中和左臘味嘅味道，好清新，湯頭順口。芥菜鮮甜，排骨唔算好多，但肉質靚清蒸鮮醃海鯧魚$88好特別，似食緊新鮮嘅咸魚感覺，又有鮮味又比平時嘅魚咸啲，清蒸已十分惹味。一啲都唔腥川味臘腸炒蛋$68因為臘腸太好味，又點了呢個食，呢個臘腸帶少少辣味，加埋蛋就好襯。蛋炒得夠滑身另外一人點一杯薏米水，好清新，薏米好多可以慢慢食。仲有啲冬瓜可以食最尾追加個甜品御髮膳粥$58類似紫米露嘅感覺，好滋潤又唔太甜滿足

有朋友介紹話尖沙咀有間有特色嘅煲仔飯，叫我去試下，咁啱今日放假去尖沙咀行街，順便去亞士厘道試下呢間餐廳。去到坐低覺得環境好舒服，店員好有善，我同朋友叫咗一湯四餸加甜品飲品，非常豐富！個湯係板鴨蘿蔔煲，板鴨好夠味，啲蘿蔔好清甜，加埋黑胡椒，好開胃。然後嚟咗個川味麻辣雞，辣到好啱香港人口味，係辣得嚟會想繼續食嘅程度，正！跟住叫咗個手工黃金麵，個麵炸到卜卜脆，點甜酸醬食，口感味道一流！因為係夏天所以我哋決定唔食煲仔飯，改食雙味臘腸貝殼包，一隻係香甜廣東臘腸，令一隻係川味辣臘腸，兩款我都好鍾意！最後食多個XO醬鮑魚伴麵，真係有鮑魚㗎 ！啲麵軟硬度適中，絕對唔係街邊貨。最後我哋食埋個紅豆紫米甜品，飲杯去濕薏米水，兩個人就好滿足咁返屋企喇！

在尖沙咀番左咁耐工，看著此店開鋪但一直都未食過，就等我搬公司前去食一次。此店標榜著是煲仔飯，臘腸一定是重點啦，而店內裝潢設計非常優雅，都算行中高檔格調。首先送左杯冬瓜薏米檸檬水，職員介紹我地食荷葉蒸雞飯，米粒非常爽口跟平時外出食的是有不一樣，也不油，味道很平均。川味蒸臘腸配蒜頭，不太咸、送飯一流。煎鯧魚，唔會煎得乾身也不用點醬都很好味👍🏻豆乾炒雞肶菰，帶點辣但很惹味的唔試唔知原來質素幾好、又送甜品紫米露。正

之前來亞士厘道食飯已經過過這間潮裝餐廳，單憑外表活著一間西餐廳🍴，但看看餐牌其實是中菜🥢，還是主打臘味及煲仔飯為主🤔！內𥚃裝修以柔和色調為主，予人舒適感覺！⭐️鮮腌海鯧 - 一道鹹鮮但鹹味並沒有過火，味道剛剛好，能帶出海鯧🐟本身的鮮味！鯧魚外皮煎得十分香脆，脆的程度就像薯片一般😉！因為醃製過的原因所以魚肉分外結實而且上碟的時候已很貼心地為食客切開一件件上，讓食客一啖便能品嚐到鯧魚的脆口和鹹香！⭐️川味臘腸 - 臘腸🥓是餐廳自家製的！川味臘腸，肥瘦均勻，豬肉味香濃，加上花椒調味，為臘腸注入一些麻的味道🌶。臘腸食法除了單食外，還可以加上蒜片一起放入口，或加上花生🥜，令臘腸的味道更加提升！⭐️四季豆干煸雞髀菇 - 素菜之選🥬！四季豆炒得剛剛好，不會過乾，但仍能保持爽口的感覺。雞髀菇🍄很入味，加上麻辣肉碎來炒四季豆和雞髀菇，味道有點像XO醬烹調而成的，令整碟素菜更加香口！⭐️籠仔荷葉蒸土雞飯 - 雞件🐔用上了土雞，囗感香滑嫩口！因沒有特別醃製過，所以能保持着雞的鮮味 。用荷葉來蒸飯除了可以將荷葉味帶入雞件，還能將 入面的米飯充滿了荷葉的香氣，而且米飯吸收了 雞件的肉汁，更加鮮味。整個蒸飯並沒有用很多的

朋友臨時約我於尖沙咀飯聚，選了這間憶食尚臘味煲仔飯，因為這天不想吃飯，以為是要吃煲仔飯所以想去其他地方，她卻說這裡不只有煲仔飯，好，那便去看看煲仔飯店不吃煲仔飯可以吃什麼吧。一進去便被鴨仔牆吸引了。霸王蔥油雞 很香薑蔥味，豉油汁亦調得很美味，雞不算太老，算是入味。雙味臘腸貝殼包真的很久沒吃臘腸，這款一邊是鮮肉臘腸，一邊是川味臘腸，兩款都不會太肥，鮮肉臘腸肉味十足帶鹹香，口感油膩，川味臘腸偏重口味，鹹中帶麻辣，十分刺激。臘腸是重口味食物，但配搭口感鬆軟的貝殼包，便來得剛剛好。手工黃金麵真的很喜歡吃麵，麵條炸到外面香脆，內裡保持煙韌口感，若油份再少一點便更好。點上酸甜醬汁更醒胃。板鴨蘿蔔煲板鴨入口帶鹹香，蘿蔔切了絲，都吸收了鴨肉香。XO醬鮑魚拌麵雖然只是小小一粒的鮑魚，但味道不錯，口感也有彈性好咬。麵條煮得軟硬剛好，口感順滑有彈性加上帶海鮮鹹香鮮味的XO，拌好後惹味好吃。御髮膳粥材料有蕨麻、黑米、黑芝麻、蓮子等，味道香濃但不會太甜。整體來說質素不差，若部分菜式油份更少會更好。

平時成日經過，都好想試吓，今日終於有機會👍🏻👍🏻餐廳喺正尖沙咀亞士厘道，又易搵又方便👍🏻佢有好幾款Set Menu, 最後選擇了散叫, 比較啱心水😂😂本身諗住食煲仔飯, 最後選擇了XO醬鮑魚伴麵, 味道很好,而且份量也不錯。 我最鍾意係板鴨蘿蔔煲，味道好濃郁，好好飲，最後我一滴都冇剩到😋😋😋侍應也介紹了川味麻辣雞，感覺就像口水雞，雞肉很有口感，味道也不會太辣👍🏻👍🏻其他小食還有臘腸貝殼包，黃金麵😋飲品有檸檬薏米水十分清甜，最後還有甜品紫米粥😋最後埋單兩個人都係三百幾蚊，抵食到飛起，下次試埋佢哋嘅煲仔飯😋

今日同個uncle見面，而且佢又喜歡吃煲仔飯，因此所特找來一間較高級又可以吃煲仔飯的餐廳芥菜排骨煲-煲中的芥菜湯甘甜可口，是整個煲的精華所在，作為頭盤有湯喝，有肉食，有菜吃，完美嘅選擇特色臘味煲仔飯-有港式臘腸、川味臘腸、臘鴨，幾種蠟味令整煲飯很香很香，港式臘腸和川味臘腸味道很不同蠟鴨鹹度不重，不用送飯直接食用也非常可口港式臘腸很重油香，甘香鮮味；而川味臘腸，麻而且辣，非常開胃，有川菜特色川味臘腸炒蛋-滑蛋炒得很鮮嫩，配上川味臘腸麻麻辣辣，醒胃又可口，越食越多一見鍾情- 其實是清蒸鮮腌海鯧魚，這點的招牌菜之一，由於海鯧魚一早醃過，師傅只是加了些少蔥絲，攞去蒸就可以了，因為前期功夫醃制過程做得好，簡單一蒸味到已經很好，不會太鹹，很易入口，鮮味更勝未腌前檸檬薏米水- 清涼解渴，薏米吃落口感很口，一杯可口嘅健康飲料御髪膳粥 $58 - 粥內有大量不同穀物，清甜耐有咬口，口感非常好，用來結束完美的一餐這餐uncle 表示非常滿意,說這店非常好，不只食物，服務也是，送上煲仔飯是會幫我們加豉油撈勻，食到最尾的時候，店員會幫我們起飯焦，服務真的是一流另外，佢哋有自家製蠟味售買，下次可以買來送禮

夏天食下臘味過下引　*同男朋友食暈全港九*　上星期收工，下雨天，感覺涼涼地，食下飯溫和下個胃，就去左公司附近食下臘味。我地叫左四樣野，籠仔荷葉蒸土雞飯，清蒸川味臘腸，香煎鮮腌海鯧魚同四季豆干煸雞肶菇。籠仔荷葉蒸土雞飯呢個飯係用東北的五常大米，吃起來米味更香，個籠仔荷葉都包包埋埋好多飯，起碼有2碗飯。另外D雞肉都好多，加上係土雞，因為在活動量較多，所以肌肉比較多，肉質有嚼勁，令到個荷葉飯更香更好食。清蒸川味臘腸侍應介紹這個好食，係四川經典美食，剛剛蒸好，臘香味好正。單食似辣肉腸，想辣小小可以夾住生蒜頭片一起吃，味道更加突出。我個人就鐘意單食，再連花生食。香煎鮮腌海鯧魚簡單用鹽醃製既野生海鯧魚，煎炸的好脆好乾身，脆卜卜，魚骨都好脆。肉質都因為快煎既關係所以結實，用黎配飯一流。四季豆干煸雞肶菇呢個就偏向辣小小，椒香麻辣感覺。乾煸四季豆鍋氣好夠，加上雞肶菇切得薄薄地，鼓油香好入味，用來配飯岩晒。

憶食尚臘味煲仔飯係 以煲仔飯聞名嘅一間食店 但係除咗廣東菜式煲仔飯以外 更加令人驚喜嘅係食店入邊嘅其他四川麻辣菜式 都係一樣惹味 竟然有意外嘅發現😯由於母親唔係咁想食飯 所以我當日就沒有點招牌煲仔飯食 而嘗試下點麵食😋酸辣手工空心湯麵($78)🍜呢一份湯麵不得不提嘅就係佢嘅酸辣湯底 集合咗酸，麻 ，辣， 三種感覺 湯底簡直有四川成都嘅味道空心面嘅質感幼滑 吸收曬湯底嘅味道 旁邊再配上臘味菜心等等嘅配料 材料簡單但味道卻是天衣無縫😎清蒸土豬($98) 🐖清蒸土豬係我覺得呢一餐飯最高質嘅一味菜式 憶食尚嘅肚豬係用上黑毛豬作為材料 餐廳張黑毛豬厚切 令到 肥瘦均勻唔會太肥亦不至於太瘦 醬汁係用上甜豉油，麻辣椒 ，蠔油等等製成 同黑毛豬味道好夾 誠意推介😋手工黃金麵 酸辣汁 ($88)🍝手工黃金面係一份脆炸小食 食落口非常爽口彈牙 內裏亦都保留住面嘅水份令到黃金麵唔不至於太乾 很考功夫的作品清蒸臘味拼盤($98)🍱臘味拼盤入面有三種臘味組成 分別係一般臘腸，麻辣臘腸同埋臘鴨臘味食落油脂好香有獨特嘅味道 老闆娘介紹話係落咗特別嘅米酒調味 是當中嘅亮點係比較少食到的麻辣臘腸上湯時菜($68)🥬用上

#憶食尚臘味煲仔飯 (尖沙咀)尖沙咀亞士厘道22號好利時大廈地下-----呢間餐廳行歐陸裝修風格 以類近Tiffany blue嘅顏色作為餐廳色彩主調 望落非常吸精 令B仔同朋友誤以為佢係西餐廳 入去坐低之後 認真望一望餐牌先發現 原來呢度係食廣東菜 出名食煲仔飯嘅 真係完全估佢唔到 第一次見環境咁高級嘅煲仔飯餐廳 同傳統嘅街坊feel煲仔飯完全唔同感覺 雖然睇相啲煲仔飯好似唔錯 但由於天氣太熱 所以B仔同朋友都一致決定煲仔飯留返下次先食 今次試吓佢其他食物先-◆XO醬鮑魚伴麵（$88）鮑魚唔算好大隻 但係鮑魚味道頗濃 呢個價錢來講 鮑魚質素可以接受 XO醬同伴麵嘅分量都非常多 XO醬辣香味突出 但食落又唔太辣 有好多瑤柱絲 撈落彈牙嘅麵條入面 二個字 惹味！😁-◆手工黃金麵四件（$48）炸完之後嘅黃金麵就好似佢個名咁 呈黃金色 口感半脆半軟 點埋佢自家調製嘅醬汁食 感覺好似潮州嘅糖醋麵 酸酸甜甜 幾開胃 😊-◆雙味臘腸貝殼包四件（$48）店員話俾我哋知 呢間餐廳其中一個賣點係 佢哋擁有自家農場所有臘腸都係以自家放養嘅土豬製成 同普通以飼料豬製成嘅臘腸味道並唔一樣 所以即使唔試煲仔飯

成日都以為廟街先有得食嘅煲仔飯，原來尖沙咀都有得揀㗎環境好舒服而且可以帶埋老人家過嚟食，唔使怕地方污糟或者唔就腳呢度有套餐選擇，而且臘腸都係自家製，最正嘅係加咗辣椒係臘腸度，所以同坊間嘅臘腸好唔同，如果喜歡嘅現場更可以即場買走四季豆干扁雞髀菇有少少麻辣，食落好好味籠仔荷葉蒸土雞飯，土雞行肉質嫩滑而且蒸飯好重荷葉味，值得一試薏米水落足料而且係炎炎夏日飲薏米水簡直一流甜品亦都落足材料，綿滑足料， 如果可以再添食就好啦

很滿足的一個套餐😊.X.O.醬鮑魚伴麵($88)使用了人手手工麵條，加上憶食尚自家製XO醬，乾撈而成，還有小小的鮑魚在麵裡，XO醬瑤柱味突出，有少許香辣，令人食慾大增。.手工黃金麵($48)麵條從俄羅斯空運到港，全人手手工製作，把麵炸成麵餅狀，再沾附上的酸甜醬汁享用，特別是麵餅不會完全炸脆，內裡部分都仍然呈軟體狀，使口感變得有層次，外脆內軟。.雙味臘腸貝殼包($48)，聽店家所說，廣式原味臘腸由純鮮豬肉製成，採用了散養三百天的供港土黑豬，使用豬脊背與後腿肉，有三肥七瘦的黃金比例，再以大曲醬香型茅臺酒和特製醬油調味。而特別秘製的川味臘腸，都採用一年時間放養的土黑豬，使用到豬脊背和前腿肉部分，有二肥八瘦的黃金比例，再以國酒茅臺與野生花椒調味。兩種臘腸都是無添加香料和人造色素，均以純新鮮土黑豬以傳統工藝以古法製作。整個菜式，有原味臘腸和川味臘腸，再附上貝殼包，可以配合臘腸一起吃，口感豐富，味道非凡，完全能夠突出臘腸的肉味及鮮味。川味臘腸吃時，充滿麻辣味，而原味臘腸則充滿醬油味。.川味麻辣雞($98)是一道冷盤，相似四川口水雞，切雞肥瘦適中，雞皮新鮮有彈性，底部的麻辣椒油非常刺激，辣度不弱，還

早排係尖沙咀行日本超市，買到手都軟埋～之後梗係揾地方醫肚啦，朋友想食中式食物，見到呢間煲仔飯裝修咁特別，就入去試一試☺整間店都很光亮，以白色為主調。一開始店員先送上廚師自家製冰涼薏米冬瓜水，味道清淡，但消暑又醒胃👍🏼——————————🔸酸辣湯空心麵 $78這個空心麵採用全人手製作，所以食起來較有口感，不會一咬就斷，啱晒鍾意硬麵質嘅朋友🥰酸辣湯比我想像中辣，麵條吸收唔少辣汁，所以越食越過癮～份量啱晒兩個人分嚟食☺🔹手工黃金麵 (4件) $48這個麵的外層炸到金黃色，入面仍保持軟腍嘅口感，外脆內軟，食起來都唔會太熱氣。再沾上甜甜酸酸的醬，不錯👍🏼🔹清蒸臘味拼盤 $98這個拼盤有臘肉丶臘腸和臘鴨，三種都唔會太鹹，聞起來好香～ 肥肉部分更蒸至透明，食落一點也不膩，不錯👍🏼🔸香煎土豬肉 $78土豬肉每塊都切得很薄，肥瘦均勻，食落仲有點爽口。雖然係清蒸，但食落完全冇怪味，蘸上有姜蓉、芫荽和蔥的甜豉油，味道更上一層🔸上湯浸菜芯 $68食完咁多鹹嘅食物，當然要食返啲蔬菜🥬菜芯用鮮味的上湯浸住，再配上金華火腿絲，整道菜很不平凡。🔹御髮膳粥這個粥內含黑米丶黑芝麻和蕨麻等食材，食落有啲似咋喳或黑糯米糖水，

喜歡食臘味的老公，從朋友口中得知尖沙咀有一間高級中菜館，主打不一樣的高級臘味，店名是憶食尚臘味煲仔飯。今晚就約左我去試試，餐廳裝修時尚，雖然食中菜，但座位和擺設都很西式，在此用餐環境相當舒適。侍應招呼週到。食物除了散叫，還有套餐選擇，我們選了B餐。X.O醬鮑魚伴麵：鮑魚有口感，XO醬與麵伴均勻，麵滑又彈牙，十分惹味！手工黃金麵：有點像上海菜的兩面黃，口感香脆，配以糖醋汁，甜甜酸酸的，好醒胃。雙味臘腸貝殼包(4件)：睇過餐牌介紹，這店的臘腸與别不同，雙味即係原味和川味，原味鮮肉臘腸用傳統古法秘制，採用土黑豬純鮮肉，選用豬脊背和後腿肉，三肥七瘦比例，加入國酒茅臺、頂級醬油調味。另一款川味臘腸採用土黑豬的豬脊背和前腿肉，二肥八瘦比例，加入國酒茅臺、野生花椒調味，所以帶辣味。用鬆軟的貝殼包夾住食，無論口感和味道都是一流！霸皇蔥油雞：採用走地新鮮雞，皮薄爽口，不會有太多脂肪，肉質鮮嫩有口感。板鴨蘿蔔煲：奶白色的湯水鮮甜，板鴨味香濃，蘿蔔絲清甜。檸檬薏米水：清涼消暑，冰凍解喝。滋潤甜品御髮膳粥：口感像食紫米糖水，低糖甜度。

Weekend同屋企人出左尖沙咀行街，到左夜晚食飯時間，屋企人中意食中菜，係尖沙咀搵食，上網睇到呢間好似唔錯！酸辣湯空心麵第一道菜食呢個開下個胃，麵條細幼柔軟質感，酸酸辣辣，胃口大增之餘又刺激味蕾！清蒸鮮腌海鯧魚魚肉質感少少實肉，但有甘香可口嘅感覺，似食緊咸鮮魚嘅感覺，初次食咁嘅做法都唔錯！好驚喜大熱天時有臘味煲仔飯！臘味食到豬肉鮮甜，無咩脂肪，同平日食嘅完全唔同，感覺新鮮得多！米飯同飯焦索哂臘味精華，再加醬油，好好味！以後想食臘味煲仔飯幾時黎食都可以！清涼薏米水有熱同凍之分，有檸檬味，飲落感覺清新！最後送上甜品，御髮膳粥，甜度剛好，感覺食緊紫米露與喳喳之間，好多材料，足料！