拉麵Jo (已結業)

米芝蓮星級推介拉麵拉麵Jo ～～～～～～～～～～～～～～這一間位於九龍站圓方嘅拉麵店< Jo>，之前榮獲米芝蓮推介，今次小編就嚟試一試佢！小編order了蒜油豚骨拉麵 ($88) +牛舌飯另外再加個大阪燒，拉面感覺沒煮好，有點沒煮透，湯底比較濃但又未好咸，味道剛剛好。牛舌飯先甜後辣，黑胡椒的辣，牛舌正常，美中不足是飯，日本飯該有的飽滿它吃下去感覺飯有點乾～～～大阪燒相對上比較咸，咸味道的比甜味重，怕咸可以少醬，薑味超不喜歡，(柴魚超多，柴魚控值得一試)。

📌 拉麵Jo - 尖沙咀柯士甸道西1號ELEMENTS圓方水區1樓1030號舖🗓(23/10) 星期日 ⏰ 晚上6點左右 💈特式：途經Element，又未食晚飯，見到有呢間拉麵Jo，曾經上網睇過都見有人介紹係香港比較出名嘅拉麵店，但一試真係失望到極，以下慢慢同大家講。🥩🍔🌭🌮🥗🥯🥘🍲🍝🍣🥟🍤🍱食物：食物方面佢種類都有返咁上下嘅，咁我地今次就叫左1個特製低溫叉燒麵，1個安格斯牛扒溫泉卵蛋飯同1個小食蔥花牛舌，等我同大家講下佢d味道有幾唔掂先。特製低溫叉燒麵 - 首先個湯底唔夠熱，之後完全唔香濃，出前一丁d湯底都好過佢，麵係直身幼麵，一向都覺得拉麵用直幼麵係唔襯，又掛唔到湯，雖然有d店用直幼麵都做得好好食，但唔係佢呢間囉，之後d低溫叉燒係做得好淋身嘅，但真係太肥，食左4片之後已經覺得太肥膩，最後係隻糖心蛋，唔算夠糖心，食左兩三啖麵之後已經見到變左全熟蛋。安格斯牛扒溫泉卵蛋飯 - 呢個飯係做得ok嘅，d安格斯牛扒就有牛味，但略嫌煎得太乾太柴，最緊要講係佢跟餐個麵豉湯，咸到一個點，係咸到飲完要洗腎個隻咸。蔥花牛舌 - 太熟太柴，無牛味，唔想多講。☕️🍵🥤🧋🍺🍷🥃🍹🧉🍾🍶🥛飲品 - 餐廳有供

套餐-細拉麵+飯準備去m+同fd去左圓方搵野食,黎左呢間，見佢有個套餐，有飯又有拉麵2樣都齊哂，諗住試試⋯迷你蒜油豚肉拉麵+迷你照燒雞扒飯拉麵一般，還可以啦，湯底吾太濃本人鐘意濃味一d 但個迷你照燒雞扒飯完全吾掂，又冇汁，個飯太爛，而且雞肉太韌有d失望，果然食番拉麵係最佳選擇。

係element冇咩拉麵選擇，見呢間未試過就俾次機會試吓，點知試完好後悔，又貴又難食，自問要求唔高，但個拉麵做得真係好唔用心。點咗個加大既醬油拉麵。以下總結失敗之處：- 湯鹹而無味，好稀既湯水，好似水+鹽既味，一點豬骨味都冇- 流心蛋，切爛咗兼過熟了大半冇流心（未浸湯前已熟）- 叉燒，冇肉味，薄，普通- 筍，其他配菜，質量差，口感差，味道差- 麵，湯冇味所以麵都冇味衛生：枱係「粒痴痴」的，冇抹乾淨，餐檯污糟食每一啖拉麵就好似食水煮麵充飽肚，毫無喜悅滿足感，一路食一路後悔，未試過咁難食既拉麵，埋單過百，食樓下譚仔好過

晏左去午餐，見到有位不如試下啦。叫左個特製東京醬油拉麵、雞白湯拉麵，及一客日式餃子🥟餃子先來，小小的五隻，煎得香脆香脆，餃子底有微焦，皮薄餡料多料，不錯。拉麵上枱，特製東京醬油拉麵好多料，有一塊滷豬肉、2片叉燒、半顆半熟流心蛋、一顆鵪鶉蛋、一大堆的荀乾、一堆菠菜及一塊紫菜，真是吃料子都吃了很久。滷豬肉滷得入味又林，叉燒就稍為太薄又太肥了，流心蛋同鵪鶉蛋都好夠味，荀乾難得沒有霉味，爽甜好吃，醬油湯底咸鮮味美，係稍為油左啲。雞白湯拉麵湯底都夠甜夠濃，雞片非常嫩滑無渣，又有雞味😋

你好，作為你哋開店就已經開始捧場嘅粉絲，頭先我啱啱食完一碗令我非常之失望嘅拉麵，想喺呢度同你地分享吓我嘅感受。記得我個一次食拉麵Jo嘅時候，香港仲未好興食拉麵，算係個風潮啱啱開始，嗰陣你哋老闆仲喺bar枱幫手，好謙虛好勤力嘅後生仔，印象非常好。熱辣辣嘅拉麵一上枱，食完兩啖之後我就愛上咗，如果冇記錯，你哋係第一間我會食晒連湯都飲埋嘅拉麵店。第二次食，叫埋朋友嚟，大家都好欣賞，讚口不絕，估唔到你哋連餃子都幾出色。我再一次飲晒成碗湯。好快你哋就拎米芝蓮，我都不停同朋友講話呢間拉麵店好正，覺得你哋實至名歸。因為搬咗屋，所以越嚟越小食。呢幾年，更加多過江龍過來香港開分店，但你哋仲有年年拎米芝蓮推介，同時你哋都開咗分店，雖然少咗幫襯，但我都為你哋感到驕傲，間唔中都會懷念去你哋舖頭食拉麵嘅時光。上次食嘅時候已經係上年，都係圓方分店，食咗蟹拉麵，湯底非常之咸，每食兩啖麵就飲一啖水，但係麵質、湯嘅整體同埋蟹等配料都係水準之內，食完我好滿足，仍然會想再次支持你哋，不過係我第一次飲唔晒你哋啲湯。今日我去圓方分店，叫咗蒜油拉麵，今次係唯一次連麵都冇食晒，但我明明好肚餓。個湯，稀到一個點，豬骨味冇，得個咸味蒜油

我係附近番工, 本身都有同事話唔好食, 星期六同另一個同事膽粗粗去試下, 睇下有幾唔好食定係個同事口味唔同。。。。。。我叫左特製蒜油豚骨拉麵, 個同事叫左醬油拉麵, 加碟餃子。。聞係聞到少少蒜味, 但係個湯飲落一D蒜味都無, 仲要勁咸 同事果碗都一樣, 得個咸字。。。。。個湯已經衰左, 個麵幾好食都唔會再食不過個麵其實係普通到, 我覺得似係超市買個凍櫃拉麵自己煮咁, 唔彈牙, 個豚肉好大陣豬味, 我唔鐘意果陣豬味。。但係肥瘦黎講, 都算平均, 口感唔錯。。餃子又係出事 個皮好薄, 不過好少餡 食完呢碗麵, 我係飲左喪多水, 坐低比果杯茶係得半杯, 見佢地好忙咁, 唯有番公司先勁飲水

有朋友推介過這間拉麵，話有機會一定要試試，平時好少去圓方，今日四點經過，見到冇人買到，可以直入，就入去試下。叫咗兩樣嘢，一麵一飯。低温叉燒拉麵，$118另加一，賣相一流，碗面舖滿叉燒。習慣逢係食麵，先飲啖湯，唔識分係咪自家淆製，還是係買現成湯料，豬骨湯底普普通通，比較淡口。再食一啖叉燒，比一般日式叉燒嫩滑，但沒有醬油色及醬油味，切得比較薄沒有口感。糖心蛋做得好好，生熟程度啱啱好，蛋白有濃厚醬油味，值得一讚。有幾條筍，沒有噏味，有醬油味，竟然全碗麵最好食就係筍。唔知有冇得另外 order🤔😂😂😋面底係直身幼麵，沒有覺質感，亦不掛湯，not my favour. 食完始終覺得碗麵總係差啲嘢，諗咗好耐，原來係冇芝麻，唔知係佢嘅特色還是係預咗你另上🤔炸雞鰻魚明太子丼，$89另加一。一來到，第一個感覺就好細碗，飯得少少，3舊雞，2兩塊仔鰻魚，一隻糖心蛋，另上面豉湯。個麵豉湯煲咩麵豉味，淨係得啲醬油味，唔合格。炸雞細細嚿，但炸得幾好，外脆內軟，juicy，林上明太子汁，食唔到明太子味，淨係得沙律醬味，整體炸雞質數算係中上。鰻魚比較淋身，冇咩彈力，差少少。糖心蛋好好味，蛋黃夠流心，蛋白都入味，正！飯

好少可夜晚會食拉麵當晚餐，嚟到呢個商場嘢食唔算太多選擇，因為比較貴所以去咗食呢間拉麵店，呢間拉麵店座位唔算太多，佢有一邊係坐吧枱嘅，另一邊就係有卡位枱，但卡位都係二人枱嚟嘅啫。咁坐低咗冇耐，我同朋友見到有個二人套餐，套餐來講都算係抵食嘅，$300左右有兩個拉麵，再加多兩個小食。我哋叫咗個蒜味拉麵，同埋一個魚湯嘅拉麵，再加咗個明太子煎蛋同埋餃子。分量方便係非常足夠嘅，而拉面嘅軟硬度我覺得係比較硬身少少，明太子煎蛋明太子份量都好足夠，唔會偏鹹，餃子就醬料非常之充足，仲有好多芝士醬添。

平時都唔係啲無理嘅客人但呢間嘢真係令到我嬲到核爆叫咗一個飯一個拉麵一個沾麵點餐嘅時候話沾麵要等10分鐘然後過咗20分鐘都淨係得個飯到咗問個waiter叫佢跟跟張單 已經等咗double時間 佢都仲笑笑口話要我等耐啲嘅然後無動於衷已經眼見隔離嗰台遲過我哋嚟都食完 另外有枱成 10個人嚟都已經開始食緊我隔5分鐘又問佢啲嘢嚟末 隔離遲過我哋嚟到食完啦啲待應們都仲係行行企企 有個仲大大聲話 「而家呢啲繁忙時間廚房啲單好多㗎」嘩 我咪駁返佢我哋嚟先架喎好啦ok到咗30分鐘個陣個沾麵終於嚟我再問個待應咁個拉麵幾時嚟佢哋先話「係咩仲有個拉麵咩」嘩最後40分鐘個拉麵上到完全feel到個拉麵係 3分鐘極速烚熟就上枱 硬過我條命個湯就淡如水然後就成肚氣趕時間食咗佢直到埋單為止都有人同我講句一句道歉呢啲係乜嘢嘅服務態度就算係茶餐廳都唔可以接受何況係喺elements

food is good, but bad service given its not even full house tonight. have to asked 3 times for tea, ordered okonomiyaki, waited for almost 20 mins, asked the waiter twice only to be told it is sold out. no wonder its not crowded eventhough on sunday night.

發生咩事，點解會見到咁多差評？？？雞白湯拉麵❣️❣️加沙律套餐 （$118）肉嚟講 得四舊 普普通通要讚既係湯底！！！同拉麵！！好正！雖然本身要特硬 佢搞錯咗整咗落第二碗度😂但都好好食哦～個湯底好creamy✨😋 第一兩啖就即刻Feel倒好濃郁好香（甚至好飲Xd）不過畢竟日式拉麵都係鹹，加上我輕口味，之後就會越嚟越鹹。🚫大家唔好飲曬啲湯呀🚫小食揀左薯仔沙律，係呈好似波波形狀嘅薯蓉😶 正路👌🏻要套餐明顯抵食好多。 醬油低溫叉燒拉麵 加雞皮餃子（$128）低溫叉燒咁樣鋪滿個碗，睇落好多 賣相吸引！呢個價錢感覺偏平$🌞✨ 湯底方面，遜色過雞白湯哦。拉麵特硬就係好食🎶🎶🎶小食第一次食----雞皮餃子😶內餡非常普通! 不過雞皮煙煙韌韌 嘗鮮都唔錯😊(P.S.［餃子屋］係我食過最好食嘅餃子 大大隻💕詳情見以前食評）

Hard to find food during peak hours at lunch (1ish)but I could walk right in for this one over the weekend🍴Had the Hakata ramen coz the pic shows that it should be clear broth but waiter came back saying that only Tonkotsu broth available for all the ramen. 🤷🏻‍♀️Not that I've a choice now that I'm already seated so went for it.The ramen costed $78, the broth was okay. I don't usually like tonkotsu broth because its usually too thick and heavy for my linking but this one was okay as it was quite w

- 💨打風時候，梗係要搵間喺地鐵站連住嘅商場入面嘅餐廳比大家😉 拉麵Jo係由2014-2019年獲得米之蓮嘅餐廳，除咗九龍之外，佢哋喺銅鑼灣、元朗都有分店～ 雖然鋪頭細細、服務麻麻，但係勝在多款式，拉麵、沾麵、丼飯都有☺️🍜雞白湯拉麵 💰95 配料好豐富，除咗兩片慢煮雞肉之外仲有三片叉燒🤩 另外仲有啲紫洋蔥粒同埋溏心蛋🧅🥚 雞肉超級嫩滑，比預期中好食；自己好怕食肥膏，呢度嘅叉燒又啱啱好唔會好肥；雞白湯打到有泡，味道濃郁，飲落係creamy嘅🤍唯一一個扣分位就係嗰半隻溏心蛋唔知點解俾佢切到不規則形狀(如圖😂)，不過就唔影響味道嘅~出面好多餐廳食雞白湯拉麵唔計加一都要過$100，呢度唔使$100就食到，性價比👌🏻(P.S. 歡迎follow埋我IG @foodstepsinhk 每日更新美食! thank you🙆🏻‍♀️)

本身諗住食台灣野，點知太遲起身，原本揀好嗰間餐廳落左場，唯有食附近嘅餐廳，就盲舂舂入咗去。入去之前都見到僱客人數算多，應該冇咩事，點知。。。一坐低冇耐就發現店員愛理不理，服務態度唔算差，但係好似做咩都慢半拍咁。我哋叫咗泡菜豚肉飯（$88)、低溫叉燒拉麵、明太子八爪魚球（$65)。點知店員轉頭過嚟話冇晒叉燒，要轉其仔，但係又比我哋見到佢有其他叉燒製品嘅菜式出場。any 肥，最尾轉咗雞肉白湯拉麵（$95)味道尚算可以，湯底杰身，但係偏鹹，食多兩啖之後好想飲水。泡菜豬肉飯味道唔錯，整體出品好過拉麵，溫泉蛋啱啱好，撈埋啲泡菜汁食飯一流。最離譜係呢個餐前小食，我哋嗌咗明太子八爪魚球，嚟到之後都覺得奇奇怪怪，食咗兩粒之後發現完全冇明太子味，原來佢係落漏咗明太子醬成餐飯味道唔算去到好差好差，但價錢同出邊正常拉麵店食嘅差唔多，咁就自然有比較