新天地美食

營業中

休息中

附近飲完酒，梗係想飲碗湯舒服下。兩碗雞腳，兩碗豬肚。胡椒味重就不在話下，驅酒寒又暖胃。豬肚軟林非常，易咬不會韌。雞腳入口即散，滿嘴骨膠原的感覺。炒麵乾身，可以更好，豉油香味不錯。椒鹽生蠔雖然細細粒，但炸得尚算香口，某啲嘅粉未熟透，變咗呵仔煎咁。干鍋大腸係四個最正，大腸肥瘦適中，處理得乾身，小小辣，最香口係哩味。炒蜆其實真係唔明點解枱枱都要叫，蜆又唔鮮又唔甜，個芡又一pat pat, 傑 tat tat，完全不是我的菜

晚餐不想吃太多，又想又想飲碗湯，記起這裡有間晚上開店到凌晨的小店。朋友說這間小店越夜越多人，尤其是過往附近酒吧林立，每到凌晨時份，不少去完酒吧喝酒的人都會來這裡飲碗湯，解解酒才回家。這裡有4款招牌湯，有雞腳湯、豬肚湯、豬肺湯、蕃茄薯仔湯。全部都十分足料。今晚先來一碗招牌雞腳湯。碗湯不算大，但盛滿湯料，雞腳煲到腍晒，入口即刻離骨；冬菇細細隻，但厚身有咬口；加上黑糊椒入湯，帶點微辣，卻是驅寒袪濕之選。湯水入口，感覺像在喝骨膠原到肚。再來一碗蕃茄薯仔湯。顏色好靚，蕃茄用上肉茄，啖啖肉；薯仔煲到幾近溶化。喝第一口，味道有點似曾相識，有點像坊間濃濃的羅宋湯，有點甜。舀湯料吃的時候，發現有肉，看清楚，應該是牛尾 (素食者請留意，這裡的蕃茄薯仔湯不是素湯)。小店店面只有一位店員，應該是老闆娘，落單、傳菜、舀湯、收錢、收拾，全部都是她一個人，所以還是耐心等待，別要催三催四。

凌晨收工，在九龍區，天氣凍凍地想飲碗湯幾個同事見這間餐廳營業至早上六點鐘，就一齊搭的士去試吓。他們有招牌雞腳湯、鹹菜豬肚湯、蕃茄薯仔湯招牌雞腳湯嚴格上係用胡椒煮，碗底成碗都係胡椒，＄30一碗細細碗有啲貴，我碗湯有三隻雞腳兩粒冬菇，大量胡椒。我朋友的番茄薯仔湯，一飲就知用番茄醬來煮，多謝＄28一碗。滷水鴨腎，not bad 炒蜆，啲蜆好大隻，但係唔夠鑊氣唔夠味西炒飯，一般椒鹽豆腐，個皮好厚，小小椒鹽味咕嚕雞球，應該係我全晚覺得最好食嘅東西，有菠蘿同翠玉瓜在內。豉油王炒麵，芽菜多個麵，仲要有有一陣窿味四個人去食三百九十幾蚊，地方狹窄，唯一最欣賞他們提供Templo

此店位於婚紗街盡頭，三角公廁附近，金巴利道嘅小學隔籬。店面玻璃偌大的三個字「老火湯」，相比店名，更似寶號招牌。近日經某傳媒報道，嚟呢度嘅人忽然多咗，目測店內有人影相打卡，相信都係傳媒效應。凌晨搭正十二店，門外泊滿車，入嚟買外賣嘅人不斷，店內亦幾乎滿座，睇得出生意算唔錯。蝦醬炒飯，聞落係香，但食落偏油，好一般。勝在份量足，兩女一男三人行，啱啱好食哂。蝦仁炒蛋，煮呢個菜嘅食肆幾乎無一例外地衰響啲蝦食落唔夠新鮮呢個問題上，此店亦然。主打重頭戲係啲湯，都係講返湯水。三個人分別叫咗三款湯試味，花生雞腳湯、胡椒豬肚湯、蕃茄薯仔湯。花生雞腳湯－一個飯碗嘅湯之中有成五隻雞腳加一件冬菇，雞腳冇剪甲，我唔介意，皆因煲呢個湯，雞腳若然剪甲就會爛哂，識煲就係唔應該剪甲，咁至有雞腳吮吓骨。湯中充滿黏口膠質，老火煲出嚟無疑，花生香雞腳甜，掂。胡椒鹹菜豬肚湯－三個湯當中，呢個最好。夠辣，豬肚乾淨。但鹹菜唔好食，外貌似洋蔥，乾身、薄、冇味。豬肚份量非常多。蕃茄薯仔湯－鮮甜、濃郁。我就飲到好似有啲茄膏味。下次路過再試試佢個菜乾豬肺湯。

又一次夜晚路過柯士甸路覓食，今次去到老婆學校門口，佢讀左咁多年都未食過呢！入面環境好大排檔feel...但營業至深夜，我當時10點幾去，都見到幾多人買外賣。呢度有碟頭飯、炒粉麵飯、小炒同老火湯等等。我一條友主要想飲碗老火湯，招牌雞腳湯（$30）：足料有冬菇同雞腳，雞腳夠淋又起膠，骨膠原豐富，湯頭夠濃味，好真材實料！口痕叫多一個小食。手作煎餃（$32/半打）：餃子都幾飽滿，漲卜卜咁，一個人食六隻都夠，略嫌佢油左啲。如果唔介意環境的話，黎呢度飲碗老火湯做宵夜都幾好。

趁今日早收工，和友人去尖沙咀食晚飯。今日朋友說想食辣野，於是我哋就去咗金巴利道嘅韓國街食韓國料理。由於兩個人嘅關係我們叫的菜不多，叫多一碟又好像太多。於是我突然想起新天地及建議食完晚餐不如去飲湯，飲湯之餘又有雞腳食！一配湯已經有5，6隻雞腳！正呀！啲雞腳勁淋，食一口雞腳飲一口湯個嘴好'漿'。心諗今次飲左食左好多骨膠落肚今日個冬菇怪怪地，唔係好juicy 咬落一pat pat咁。湯頭加左胡椒，依家飲完個肚暖笠笠。見到隔離枱個番茄薯仔湯也不錯，下次也試一試。

韓國客人來香港，跟他空肚飲到近乎不省人士，送完個客上的士快速到附近新天地飲碗解酒湯。老闆娘完全無怪L滿身酒氣，依例問要邊款湯。當然要碗招牌雞腳老火湯，湯味濃加上胡椒味足以令L由地獄折返人間。酒醉沒有數了，大概六隻雞腳再加兩隻冬菇吧，雞腳同冬菇都煲到好林了，相信L再過多四五十年無晒牙都仲食到，頓時覺得骨膠原大增! 再加多個鹹蛋蒸肉餅連白飯，走味精加上即叫即蒸很有家的感覺。搵食艱難，要回家睡了明天再拼搏。

可能近期在自己的Facebook上載多了一些飲酒相片，有朋友問我解酒食物的事情。老實說，酒我其實不多喝，但倒可推介金巴利道的「新天地美食」，此店絕對是酒徒找解酒物之樂園也。日前再度前往此店，發現店子裝修過來，光鮮了一點點（但依舊地踎）。此店供應四款湯品，選擇不多，卻是精華所在。而其名物雞腳湯，依舊十分足料，有齊煲得軟熟的雞腳及冬菇，但最特別的是店家下勁重胡椒，十分醒胃，喝起來有點像喝新加坡的潮州式肉骨茶，絕對是一流的解酒湯也。另外，豬肚湯也是充滿胡椒味，可說是我的第二最愛。正如我所講，此店十分地踎，愛乾淨及想坐得舒服的的勿去，唔駛同我等市井之徒爭湯飲也。

十年前的迷思，終於解開了。就在母校門前，有一家白天不營業但又不是酒吧的店。店名甚有工業區飯堂式茶餐廳味道，乜乜「美食」，但白天不做生意，多數是放學時段才見到鐵閘上捲了一半。曾有幾次這店在白天開門，但相信只是在準備食材而已，並非開門做生意。窺探過後，看見極其地踎的陳設、不甚吸引的餐牌，作為中學生的我和同儕完全沒意慾去試，心想：「去聯威都有碟頭飯啦！」畢業後，每年總有大型活動會回校，即使在晚上、適逢這店真的在營業，都沒有打算試。直至最近，有人跟我說我校門前有好吃的雞腳湯，確認之下竟是這家我一直沒有看上眼的店。十年前的餐牌是怎麼樣，我都忘了，總之就是不會令十餘歲的年輕人覺得吸引。算是茶餐廳加川菜店，什麼都有一點，但不算便宜。碟頭飯、蒸飯和一餸米線都要四十餘，比周遭的茶餐廳都貴。長大後知道裝潢不是一切，但當你看到價錢和裝潢不太相襯，自然會猶疑有無進錯店了。這裡的重點，以紅色字貼在門外的玻璃上 - 老火湯。一碗近三十元，且看看是什麼的一回事。店面只有木桌幾張，盡頭就是店主舀來一碗碗熱湯的地方。看不透廚房有多大，但小菜的食材之廣，可媲美一家規模大得多的小菜館，價錢亦是。點完湯品，赫見桌上的過膠餐牌

其實唔講你唔知, 我真係成日行街, 係條街即係跑腳果隻, 1晚跑幾場係平常事, 所以, 我得閒經過都會黎新天地美食飲返碗湯, 呢間野其實係幾打耳的, 因為佢主打其實唔係飲湯, 間野黑蚊蚊, 人都唔多一個既, 但係我就幾鐘意佢地D double-boiled 湯, 料足, 同埋唔算太油, 呢叫左呢碗雞腳湯, 你見到佢煲到面頭起左層膠你就知佢應該係煲到出曬味既老火湯啦, $3x 碗一D都唔平但係咁足料黎講又唔可以話佢貴既。平同貴呢家野, 係睇下佢價唔價既姐!尖東小店一間，岩曬屋企冇人煮飯比我食既１１１１，值得推介！

我應該第一次寫一篇屬於深夜的食評，從未試過記錄一餐咁夜的宵夜。零晨三點，嚴格黎講，都應該唔係三更半夜，應該係清晨，係安達中心唱完K，幾個爛玩到不行的人唱飲左兩支威士忌都唔係好夠，然後有人說要去吃宵夜。在尖沙咀，又零晨三點幾鐘要食宵夜的地方唔多，之後有人提議係尖沙咀附近的新天地。之前已經吃過一次，那次和朋友睇完電影節食，六點幾鐘的晚上，滿足的一餐，然而那個感覺卻不是那應有的感覺。大約是什麼感覺呢？就像在家吃的飯的味道和出街吃都不一樣，喝著湯是溫暖的味道，完全不像外間所說的什麼酒後勝地。今晚終於有機會，帶著四分的醉意來到這裡，新天地。以為零晨三點冇人，唔好意思，裝修後我新天地成間鋪頭都係人，有一班男男女女飲完酒的人，有一些唔知係唔係開完房的情侶，有幾個男人應該去完風月場所後做賽後檢討……我們仨個以為要等位，點知係學校隔離一條後巷原來有位可以坐，於是我地就係呢個咁漆黑的後卷吃零晨三點的宵夜。雞腳湯是必點吧，上次喝到的是家庭味道，今晚在醉意下，飲到的是另一種風味。足料就是不爭的事實，雞腳又多又大大隻之餘，那個湯和腳的骨膠原滿佈湯的每一部分，還有煲得很淋的冬菇，還有那個暖暖又強勁的胡椒味，係酒意

係！都是被它的例湯引來。店在金巴利道盡頭，即玫瑰堂背脊，小甜谷對面。六點開鋪，只做晚市。店內簡陋只有兩張大枱，大約容納約十人吧？ 湯，又真係多料又好鮮甜。只是炒豆苗有點過咸，落單時可要求少鹽。服務也很親切友善。近年九成香港食肆都是公式化或內地化的服務。一時重遇久遺了的本土親切和微笑，心舒服哂~

終於等到新天地開店營業。六時許來到，看見新天地還未開店，一心來喝湯的我們，不禁擔心起來。這些小店通常極有性格，説開便開，要是今天不營業，也沒法子。唯有先去對面的小甜谷吃個甜品，隔著玻璃等待。6:30老闆娘提著一抽二抽的飯餸開門。我們告訴老闆娘我們專程到來喝湯，她開心得笑不攏嘴。河馬生極愛豬肺湯，菜乾豬肺湯（$25）少不了吧！河馬太酷愛暖胃湯水，咸菜豬肚湯（$28）正合心意。這所地踎飯店環境雖不十分光鮮，檯椅也立痴痴的。然而給客人的筷子卻頗衛生，桌子上也為顧客預備了地踎店罕見的紙巾名牌tempo。兩款湯水都十分足料。豬肺湯的湯底沒加杏汁，卻依然奶白。河馬生估計大概是豬骨熬了很久，湯底變成奶白。喝下去，味道濃厚鮮甜。黑椒在咸菜豬肚湯內雖是配角，若缺少了會令味道失色。新天地的黑椒份量剛好，那種辛辣而不嗆喉的感覺剎是暖胃。聽說這裡的煎菜肉餃出色，叫了半打（$30）試試。菜肉餃有兩款，九菜和椰菜豬肉。餃子皮薄，像是日本煎餃那類。如不是看見老闆娘預備的餃子餡，真會以為是外來貨。味道不錯，卻油膩了一點。河馬太個人覺得潮州舖買的九菜餃（如九龍城義香）較為香口。後記：幫襯完2天後，念念不忘這裡的湯再來幫

當日黃昏於尖沙咀見完客，我就與同行太座考慮解決晚餐的地方~我倆曾考慮到街市買仗餸煮飯，但礙於時間所限，所以決定留在附近覓食算了~~~ 由於自己非常愛喝湯，所以時報四處尋找有靚湯飲既地方~新天地就成為我倆既首選~有點骯髒的Menu~(不過並不影響我倆的食慾~因為為了美食，並不太計較)老闆娘自己包的菜肉餃~ 煎得香脆，內裡包著椰菜及豬肉~但可惜皮有點薄，所以大力一點夾起就很易穿~主要來到新天地的目的: 菜乾豬肺湯~~超級足料，小小的湯碗內已經盛著四、五片豬肺~碗內更有著其他湯料如豬骨，紅蘿蔔等等~只可以說......"冇得頂" (太座的咸菜豬肚湯我忘記了影相.....但豬肚亦是非常足料，而且充滿辛辣的糊椒辣味~ 好此味道者就不能錯過了~!)更值得加許的是，老闆娘有人情味的招呼~ 其實地方狹小，"地茂"一點也沒有問題~因為並不是光顧一些高級餐廳呢~除了翠華等茶記，可以說是另一個宵夜好去處~~

是日比賽的最後一晚, 贏了, 暢飲了, 當然去食宵夜吧!!!路痴的我, 跟著隊友一直走一直走, 汗流浹背的, 終於去到新天地美食! 去到時已滿坐, 剛有好一枱吃完, 所以有位!! 可惜沒有冷氣的說.....一路吃, 汗就一路都滴, 洗澡似的.....一坐下, 一人來個老火湯, 有的喝招牌雞腳湯, 菜乾豬肺湯, 真的是十分的足料!!! 湯非常非常的濃, 愈喝就愈好味!! 真的喝得出是很有心的去做的湯!! 讚!! 另外都叫了幾個小食, 先吃的是豬肚, 十分清的小食, 食到淡淡的豬肚味, 略嫌調味足! 如果有醬汁會好一點之後的是煎韮菜餃, 我吃過最好吃的煎韮菜餃是澳門下環街市對面的一個好店, 皮薄餡多! 這是我暫時在香港吃過算數一數二的煎韮菜餃, 雖然不及澳門的好食, 但真的好不錯! 要試! 最後吃的是炸雞翼! 嘩, 超熱....!! 非常的惹味! 我不太清楚是什麼味, 但我自己就吃到頗濃的南乳的味道, 雞肉好滑! 美中不足的是店內完全沒有冷氣! 真的邊吃邊流汗, 如果有點冷氣就好得多了