新斗記 (已結業)

今天到新斗記午飯，未到中午十二點食客不太多，不用等即安排近門口的四人枱。大熱天時，先開壺鐵觀音解渴，茶夠滾熱。熱騰騰的水先沖洗碗筷，自從沙士一役後，這動作使心理上覺得消毒了。之前日本朋友來港，拍下我沖洗碗筷的過程，從他們角度來看是怪怪的。我們三個人，叫了四個點心一碟炒河。豉椒雞球炒河，配料有青紅椒芽菜洋蔥及大大件雞片，有雞肉質味，豉汁調味不錯，河粉油較多是難免但不會膩口。五香蝦米鹹水角值得推介，熱辣辣出爐，皮脆糯米軟韌有嚼口，餡料是雞粒菇粒味道適中，我吃的那件吃不出有蝦米，仍然好吃，滿意的。香煎蘿蔔糕及蜜汁叉燒包則一般。奄春蛋燒賣普通，燒賣皮不是一般黃皮而是白皮，奄春蛋可能雪過或放得太久，蛋白質地彈得像膠波，餡料又是雞粒菇粒等。失望是奄春蛋不新鮮。中午茶錢$10一位，三人吃了$238。

好耐冇嚟果呢度食，質素仍然保持住👍🏻金瑤琵琶豆腐（$88）呢度嘅琵琶豆腐係細粒嘅，但係有好多粒，炸得脆👍🏻啫啫雜菜煲（$78）炒得香，唔太油膩，好惹味😋粟米魚塊（$158）係呢度嘅拿手主菜👍🏻魚塊炸得脆，又唔油膩，漿又唔會太厚，粟米汁唔會太結。值得推介！荷香蒸滑雞（$118）個人覺得汁有D油膩，但係味道方面唔錯。有好多菇同埋雲耳。雞肉好白好腍👍🏻😋法式牛柳粒（$118）幾多粒同埋幾大粒🤩D汁好味，鍾意佢有好多蔬菜唔係薯仔😅唔太油膩👍🏻送綠豆沙唔係太甜，好足料👍🏻呢度係同一家人一齊食飯嘅好地方🥰食物質素唔錯，價錢合理，環境都好，服務員可以再親切D☺️

一行大小12人嚟食晚飯，叫咗個10人精選套餐!首先，馳名乳豬全體，皮脆肉嫩，完全唔覺油膩，勁正!粉絲中蝦煲，粉絲入哂味，蝦數目多，有大有小，廚師已將蝦切開一半，好容易就可進食，貼心!呢個羹都算足料，啖啖都有咬口! 唔太咸，味道剛好!西蘭花炒得剛好，爽口，魚塊彈牙，加埋蠔油勁正!頭腩蒸得好香好香，不失鮮味!呢個蝦醬骨就較淡口，無乜蝦醬味，唔香，但肉質尚算ok, 唔太韌!唐生菜煲，外表有d削，但味道好好，好香好惹味，生菜入哂味!貴妃雞肉質鮮嫩，非常好味!炒飯夠鑊氣，夠乾，十分唔錯! 炒麵就較淡，加埋醬汁就ok!最後有糖水紅綠豆沙，唔太甜，正!

豬年年初二又與家人來到北角新斗記吃開年飯。因新春時間食店比較擠迫所以我們早前已預訂好了枱。凖六時扺達，店內已坐滿了食客。今夜選吃的是精選優惠套餐。餸菜內特別要提到的當然是新斗記出名的即燒的乳豬全體，是晚又新鮮出爐，皮脆肉滑，一點也不肥膩，令你食過不停！沾甜醬或糖來吃都同樣好味，任君選擇。鮑參翅肚𡙡的材料全部都是切絲的，配了一個較清的湯羮，吃起來既爽口又清淡，絕對不會有生粉獻餬口的感覺。薑蔥焗中蝦煲的粉絲比較乾而中蝦有大有小，亦欠新鮮。啫啫唐生菜煲和大澳蝦醬骨同樣是用了惹味的蝦醬。前者是煲仔上，要快手用筷子兜炒，不然的話，生菜就會被燒焦啦！後者的蝦醬味頗淡但排骨肉一點也不硬。碧綠炒龍躉球的魚肉是彈牙的，配了西蘭花來吃，非常爽口。陳皮蒜蓉蒸頭腩更惹味。是日秘制貴妃雞售罄，於是由豉油雞取代。雞肉既入味亦滑，沾上豉油汁更惹味。最後吃埋美味的炒麵、炒飯和紅豆沙，捧腹回家。

星期四中午一行12個女人喺北角飲茶, 訂咗粵華酒店的新斗記1pm, 雖然地點唔係好就腳, 但係都幾多人. 枱與枱之間就比較密. 點心選擇都幾多, 一般的炒粉麵及小菜都有. 因為人多叫咗大約20碟點心再加兩個炒粉麵, 上菜的效率都算快. 腸粉皮薄而且滑, 叉燒好食, 春卷都好脆, 乾炒牛河味道啱啱好, 馬拉糕鬆軟好味, 菜心唔錯但份量少....整體來說食物算不錯, 人多可以試多幾款唔同的點心, 埋單都係 $100一位, 喜歡飲茶的可以一試!

冬至吃飯訂咗北角新斗記，七個人叫了六餸加一麵一飯。當然有叫燒乳豬同粟米魚塊，這兩個菜式都是新斗記出名的。乳豬皮脆肉嫩，保持水準。粟米魚塊也算大塊配上比較稀的粟米汁，亦算可口。但值得推薦是那個薑蔥美國桶蠔煲，蠔肥美，走油後煑得啱啱好，令人非常回味。另外，熱騰騰加上蝦醬香氣的啫啫唐生菜煲，是每次到新斗記都必食的。鴛鴦蒸豆腐，有蝦有魚滑在豆腐上蒸，再淋上熟油及豉油，老人家很喜歡吃。脆米黃金大蝦球，也值得一讚。楊州炒飯，飯是炒得粒粒分明，配料有蝦和义燒粒等，但味道淡了些。反而雜菌炆伊麵很好吃，內裏還加了芽菜，軟得來又爽爽地。

朝聖米芝蓮粵菜😍😍😍 由著名菜館「新兜記」原班人馬主理，仲拎過米芝蓮車呔人嘅一星獎添✨ 當中最著名一定係火山石即燒乳豬，外皮燒到好似薯片咁脆口，仲帶點微焦香，而肉質都非常嫩口，超高質囉😍豉油皇海中蝦就煎到脆卜卜加埋爆香咗嘅青蔥豉油吊味，食落超香口😏粟米魚塊呢啲簡單菜色都有花心思，特登將粟米汁另上，為保持魚塊炸後嘅脆度最後個蟹飯係我最鐘意，好重蒜味同時又吸收咗蟹嘅鮮味，連埋蟹羔撈勻食真係好邪惡😍

Great place for authentic Cantonese dinner and not having to spend a fortune. Must have been here half a dozen times with family, friends and colleagues. Love the suckling pig. Skin was crispy. They got it down to science and it was perfect every time!!!The ginger and scallion lobsters with crispy egg noodles were cooked to perfection and not overcooked.The shrimp paste pork ribs, oyster casserole, groupa w broccoli, marinated goose, goose intestine w black bean sauce and the clams in black bean

他們的乳豬是很不錯的，點心水準時好時壞，最差的就是服務。兩個人飲茶埋單約188.2，我給＄500，找三張100元紙幣，11.8散紙，最後我放下8毫子在在他們的找換簿上。那位經理竟然將那8亳子直接放在枱上給我，我沒有把它收起直接就走了，他竟然追出來，將毫子交給我。我只係將事實說出來請消費者們自行感覺，那感覺是如何？

今日約左爹媽去食好西，同佢地食晚飯，多數都會選返中式菜，因為他們比較傳統，所以今次選來「老字號」食中菜吧！薑蔥美國桶蠔煲每隻蠔都大大件，與薑和蔥一同製作，香味特別濃，成煲十分野味！而蠔的口感同鮮味都保持得很好！椒鹽魷魚鬚魷魚咬落很爽口，食落已經知道新鮮！外皮又香又脆，這些煎炸食品，當然係即煮即食先好吃，所以好快比我地KO哂！豉油皇花蝦 豉油皇花蝦，話難整又唔係難，話易又唔係易，不過就好考時間控制。大蝦鮮甜肉嫩，蝦殼脆卜卜，每隻都沾上秘製豉油，蝦的每個位置都沾有秘製豉油，每啖都好惹味，簡直連殼都唔放過。啫啫唐生菜煲呢個啫啫唐生菜煲未開蓋已聞到一陣好香既味道，打開睇下原來係生菜，真係好香好好味，呢個菜建議盡快品嚐，放耐了，生菜就會太熟而冇甘脆口！簡單得嚟又惹味，配得好！生滾拆肉泥鯭粥 久違了的生滾拆肉泥鯭粥，只係個菜名都知道要花一輪功夫了！處理才是最重要的一環，先把煎至剛熟，慢慢拆肉，仲要拆都冇哂骨，之後再把粥底跟煮成粥。的泥鯭粥拆肉拆得乾淨，唔覺得有魚骨，味道又鮮又甜，一啖就讓人蠢蠢欲動，一碗又一碗，一啖也不留呢~~~！

有次放工,朋友相約我到她家附近餐廳食晚飯,就來到新斗記。 店內設計傳統中式酒樓裝潢,座位寬敞。* 確實是即燒乳豬。** 【即燒乳豬】1/4 $188 乳豬外層燒燒到金黃色夠透身,外皮又薄又酥脆, 肉質嫩而多汁,忍不住吃多幾件。** 【薑蔥美國筒蠔煲】$198 大大的蠔外脆內嫩, 好肥美鮮甜, 同薑蔥配搭,帶出蠔的鮮味, yummy!** 【龍躉炆頭腩炒球】 $368 龍躉球非常新鮮,肉質幼滑,鮮味十足, 散發著淡淡的魚香,而且炒香甜的西芹,並有爽脆的口感。** 最後,免費送上香甜紅豆沙的甜品。

趁著仲係正月，同兩個農歷新年冇時間見嘅朋友一齊去食飯團拜，朋友仔今次揀咗呢間位於北角嘅中菜新斗記。餐廳裝潢好有傳統中國味道，紅色為主調，都有幾多遊客嚟食。我哋睇完餐牌之後，就一口氣叫咗5個菜，第一個就係紅燒乳豬，乳豬除咗燒到好脆，仲好稔同滑，招牌菜果然係招牌菜！聽聞呢度嘅粟米大魚塊都係好出名，粟米汁同魚塊係分開上，粟米汁好清香，唔會好鹹；魚塊大大塊，有半個手掌咁大，又無骨，值得一試！食中菜一定要叫個生炒骨食，呢度嘅生炒肉上排，都夠酸，味道可以，肉粒夠多，其他青椒菠蘿都幾好食。食咗咁多肉，係時候食下菜，南乳粗齋煲入面有多樣菜同素食食材，有時間中食下齋都唔錯㗎！呢個椒鹽豆腐粒係無意中叫嘅，估唔到一樣都好出色，豆腐又脆，但唔會好鹹，大家一定要食！今晚食得好開心，再一次祝大家新年快樂，身體健康！

因為新年契媽去了旅行，很久沒見，所以趁她有時間，約了她出來吃晚飯！北角的新斗位於粵華酒店一樓，酒樓好大！菜式選擇好多，也有套餐。新斗記最出名是乳豬，所以我們點了一份例牌乳豬，乳豬皮脆過薯片，好鬆化，這裡的乳豬是即燒的，肥瘦均勻，乳豬皮沒有肥膏，肉也很嫩！果然是招牌菜！因為契媽比較喜歡吃素，所以我們點了椒鹽豆腐粒、金瑤琵琶豆腐和南乳粗齋煲！粗齋煲的調味不會過濃，有甜竹，各種菜，雲耳等，好豐富！咬開椒鹽豆腐粒外皮不是脆身，但豆腐裡面好滑好滑，椒鹽味好香！我最喜歡金瑤琵琶豆腐，豆腐混和魚肉炸脆，外脆內軟帶鮮味，口感極好！ 而金瑤汁甜甜的，琵琶豆腐吸滿汁，好好吃！細佬是食肉獸，點了金牌炸子雞半隻，炸子雞的皮好脆，雞肉有咸香味，很嫩滑！香煎鮮蝦餅，有6大塊，炸得好香，蝦味十足，點附上的酸甜，好醒胃！最後還有紅豆沙/綠豆沙做糖水，糖水都好夠火喉！侍應招呼都好好，好滿意的一餐！

工作繼續排山倒海地湧過來，預計月尾情況更為堪輿，所謂「吊頸都要抖下氣」，趁末日尚未降臨之前，這天決定準時收工鬆一鬆。為了達成目標，早上拼搏地清了大堆文件，夠鐘便帶著昏脹的腦袋、澀瀝的雙眼去開飯。新斗記，小妹幫襯過不只一次，印象不錯，今晚再去看看水準是否依然。還是新正頭的關係，酒樓大堂掛上炮竹串和紅燈籠，充滿節日氣氛。近門口處有個大魚缸，展示巨型的游水海斑，夠晒生猛。用餐區四四正正，設有好幾間獨立客房，燈光明亮、骨子企理。由於是夜顧客不多，毫無焗促或嘈吵之感，而侍應招呼殷勤，用餐過程十分舒適。酒樓的餐具全部印有公雞圖案，懷舊又有心思，就連餐牌也古色古香，相信長輩們很受落，年輕人覺得很新奇。安頓過後，店員便主動送上茶芥($15/位)，現時幾款食物正進行推廣，包括：濃湯雞煲翅($588)、豉油皇花蝦($192/4隻)、紅燒BB鴿($48)及蜜汁叉燒皇($118)。說到新斗記最駕勢的，莫過於招牌即燒乳豬($148/例)，必定要試。紅噹噹的乳豬切成6小件，整齊排列，放進嘴裏，即時傳出「咔嚓」一聲，外皮香脆無比。師傅已將多餘肥膏除去，皮下脂肪很薄，完全沒有膩感，最適合我這種貪吃又怕肥的女生。豬肉嫩

「新斗記」，是一間有故事的餐廳。老饕們，想必對其由來有一番認識。 他，也是一個有故事的人。只是，在錯誤的年代，他作了一個錯誤的決定。就這樣，他只能錯誤地過著早生華髮的人生。 與他去內內外外都是紅當當的「新斗記」吃開年飯，祝願他來年順風順水，好運連連﹗ 餐具如茶杯、茶壺、碟子、瓷匙等，均繪有懷舊公雞圖案，懷舊之餘，也是特別。茶芥$15/位，壽眉水滾茶靚，茶香撲鼻。每枱有一少碟醃製的青瓜，清爽酸香多汁，醒神開胃。 先來一客鎮店之寶 - 即燒乳豬，色澤均勻，表皮的氣泡分佈細密，一看，已知香脆無比了﹗咬一口乳豬皮，果然香脆萬分，如薯片般清脆可口。乳豬皮下的肥油肥膏，早已被去掉， 吃起來酥脆且不油膩，乳豬肉也十分好吃。 椒鹽鮮魷$118，香腍鮮嫩的魷魚，沾上薄漿與紅椒絲同炸，椒鹽鮮魷炸至金黃色，香脆鬆化且不油不膩，又帶微微的辣勁，煞是好吃﹗ 他，點來一隻香氣四溢的燒乳鴿$48，獨自品嚐。據說，燒乳鴿鹹香入味且啖啖肉，炸蝦片，由小妹一口包辦。 大時大節，當然要善待自己，點來一隻鮮蹦活跳的波士頓龍蝦$268/隻。 識食，當然是食「芝士焗波士頓龍蝦」了﹗奈何，他想吃得清淡一點，揀了上湯龍蝦伊麵(+$5