星海薈 (利舞臺廣場)

營業中

休息中

都有好一陣子沒和媽媽去酒樓食下點心☺️。這次試試銅鑼灣的星海薈。它在利舞臺廣場有專用升降機直到。一出升降機便看到一大串模仿海洋泡泡的水晶吊燈和佈滿花朵的旋轉樓梯。樓底好高，頭上的魚群燈飾好漂亮，用餐環境好好，而且好適合用作婚禮場地。茶我們要了香片，非常清香鮮甜，媽媽大讚😆，說好少飲到這麼清甜的香片🤩。‖ 春風得意腸 ($40) ‖這個好讚😍。外面包著腸粉，第二層是炸得非常鬆脆的油炸鬼，最裡面是滿滿的蝦肉，上面再用些蟹籽點綴，賣相精緻得來又好好味😋😋，最喜歡的一道點心❤️。‖ 雪山叉燒焗餐包 ($31) ‖這個同樣非常好食🤤。上面層雪山脆脆地香香甜甜，餐包軟彈有咬口，口感好好☺️，裡面叉燒餡料飽滿而鹹甜平衡適中，讚👍🏽。‖ 京川紅油抄手 ($36) ‖辣油味道不錯，不過抄手比較實和乾，質感略遜。‖ 腩仔米線 ($35) ‖腩仔皮脆肉味鹹香，米線軟硬適中，很不錯。‖ 山竹牛肉球 ($27) ‖‖ 潮州粉果 ($27) ‖‖ 蟹籽燒賣皇 ($36) ‖三款點心都十分出色，牛肉球軟綿多汁，粉果餡料豐富味道得宜，燒賣扎實飽滿😋。‖ 晶瑩蝦餃皇 ($40) ‖蝦餃大大粒，裡面好多蝦肉，彈牙爽口😊。‖ 老

親戚家的孩子結婚，然後趁著我的假期「三姑」便帶著我去視察場地。酒家環境很冠冕堂皇，還有專用的升降機，應該是不錯的婚宴場地吧！我們這天連小吃、點心一共品嚐了8道菜。這天最驚艷的菜式是招牌胡椒濃雞湯灌湯餃。這個胡椒雞湯味道很濃郁，喝著覺得非常溫暖。灌湯小籠包皮薄多汁，非常美味。我認為這個點心的擺盤很用心，可以輕鬆完整地將小籠包送往嘴巴！這裡的炸物亦很優秀，椒鹽雞軟骨皮漿厚度合適，而且炸得香脆乾爽。我們的餐點還有XO醬炒腸粉、老乾媽蒸鳳爪、雪山叉燒焗餐包、金箔蝦餃皇及蛋白瑤柱炒飯，真的非常豐富！

消費券的威力，真係相當大😬⋯⋯我嘅乖囡話要請我哋食飯啊⋯⋯仲話要請我們食龍蝦🦞⋯⋯我個人比較欣賞中菜😋所以😬乖女請我哋去一間質素比較高，交通相當方便銅鑼灣心臟地帶🥰⋯⋯星海薈📍銅鑼灣波斯富街99號利舞臺5樓☎️ 2811 9181餐廳相當闊落，樓底超高😬⋯⋯鐵板白胡椒煎焗澳洲龍蝦澳洲龍蝦🦞肉質相當結實！肉量豐滿！味道鮮美清甜！由鐵板奉上！傳出陣陣嘅白胡椒的香氣⋯⋯惹味非常！😋川貝海底椰鱷魚肉燉花膠湯鱷魚肉滋陰養費又補氣！川貝化痰止咳！加埋海底椰超潤！花膠又養顏⋯⋯我個乖女指定一定要飲呢個湯！而家年青人都懂得滋補😋⋯⋯鮮菠蘿脆皮咕嚕肉咕嚕肉炸得非常酥脆⋯⋯肉質相當爽口！每一口都掛滿秘製醬汁！超正！鮮菠蘿非常鮮甜！

上星期日午膳，2時前入席，講明3:30前交枱，無問題，人家要做多輪生意，但未到3時，個侍應打埋單叫我找數，話晚上有包場，我話冇叫埋單，店大就咁趕客!目測附近仲有起碼10幾枱客人，我認為阻止他們食至真，因為班部長、廚師等坐在隔離張枱，桌上已擺食物。唯有走人，由於同行老人家去了洗手間，我企係電梯大堂等，順手將裝有打包點心的袋暫放門口長桌上，但跟住個女侍應"喂喂"喝我，阻止擺個袋。😡呢度食物算一般，但環境較好，所以也有一定客量，不過店大欺客，以後也不會來。😡😡

前幾日屋企人想食酒樓，諗返起之前喺尖沙咀食過呢一間分店嘅點心味道十分唔錯，所以就去試吓銅鑼灣嘅分店！估唔到味道真係超特，而且服務態度都好好！🌟❤️認真值得一去！真心！特別係其中有個經理叔叔十分之Nice❤️晚市人流唔算多,燈飾好精緻招牌白胡椒蟹 （$598）：啱啱想來嘅時候個鐵板滋滋聲,隻蟹係肉蟹嚟嘅，所以肉都好多！蟹鉗好大隻！😍😍😍食落去食得出師傅嘅功夫十足！整得好惹味！食完未夠喉！川貝海底椰燉鱷魚肉花膠湯 （$98）：佢哋個燉湯都做得十分之好，用料好足，個湯好清甜！又滋補❤️大龍躉：唔好意思呢個原諒我唔記得咗塞名😂🙈但係但係真係重點推介俾大家真係好好食！好好食！😍因為老實講其實落單嘅時候個經理話好大分叫我哋唔好嗌其他餸，我哋仲要為係講笑，結果上到嚟先至真係唔係講笑😂勁大一條應該差唔多有三斤！而且食落去好似食緊魚扒咁！真係食得出佢嘅新鮮，煮得好好食！阿媽連啲汁都唔肯放過🤣

係附近放lunch 午市想食點心 無等到兩點下午茶夜晚係做婚宴 見佢枱上都放左兩張枱😂叫左叉燒餐包 牛柏葉 燒賣 紅油炒手 鳳爪除左個紅油炒手其他都好味 本身想叫蛋撻王 不過賣曬 賣單每人$140 食到五個點心

難得放假，跟家人來到銅鑼灣的這間酒樓飲下午茶，由於佢地係專門做婚宴場所嘅關係，場地裝修份外華麗，樓底亦都好高，用餐環境舒適。.潮州粉果：皮薄餡多，口感脆身，餡料肉質細嫩。.老乾媽蒸鳳爪：鳳爪口感滑嫩，非常入味，帶有微微的辣味和咸味。.灌湯小龍包：貌相精緻，外皮柔軟，湯汁鮮美，餡料鮮嫩多汁，三粒令人意猶未盡。.蝦乾迷你珍珠雞：珍珠雞口感細膩，蝦乾鮮香味美，糯米軟而不過爛，保留點口感。.春風得意腸：腸皮薄而有彈性，內餡豐富，口感鮮美，外軟外酥。.招牌酥皮焗大蛋撻：蛋撻真心超大，酥皮鬆脆，蛋漿滑嫩，口感甚佳，甜而不膩。.椰汁桃膠燉鮮奶：椰汁香甜，桃膠爽滑，鮮奶濃郁，暖胃舒服。.京川紅油抄手：抄手口感爽滑，餡料豐富，紅油香辣可口，令人食指大動。.海皇泡稻庭烏冬：烏冬口感彈牙有嚼勁，海鮮鮮甜味美，湯汁濃郁，而且係有鑊氣嘅味道。

High quality nice decor Chinese restaurant@Lee Theatre Plaza，CWB銅鑼灣利舞臺廣場高質靚裝中菜My family and I went to a restaurant called " The Starview" (星海薈) located in 5/F, Lee Theatre Plaza, 99 Percival Street, Causeway Bay銅鑼灣波斯富街99號利舞臺廣場5樓There is a grand marble spiral staircase and lovely floral installation for wedding photo!!White pepper Australian lobster on Iron pan鐵板白胡椒煎焗澳洲龍蝦HKD $598(每隻約斤半)..Each Australian lobster weighted around one and a half kilo..The Australian lobster is incredibly fresh,sweet

呢間餐館晚市人流唔多，適合一路食飯一路談心。天花的燈飾也特別精緻，格外美麗。🥬啫啫馬友蝦乾芥蘭上桌時滋滋作響，如鐵板餐一樣，職員把菜淆撈一撈，更濕惹味，此菜送飯一流。🍗脆皮燒雞件件肥瘦分明，肉質滑滑嫩嫩的，皮都很脆，是很高質的雞，食完一件又一件唔停口。🐖化皮燒腩仔皮都很脆的，肉質都很香。🐖鮮菠蘿脆皮咕嚕肉菠蘿很甜美，咕嚕肉入口即化，美味佳餚。🐟蒸龍躉蒸得很滑，整體恰到好處，豉油唔太咸。🥬蒜蓉菜芯菜芯都很新鮮，蒜蓉配合菜芯，份外香口。很可惜的是，這家店晚市不送糖水，要額外點，假如會送糖水，便更加好。#星海薈 #啫啫馬友蝦乾芥蘭 #脆皮燒雞 #化皮燒腩仔 #鮮菠蘿脆皮咕嚕肉 #蒸龍躉 #蒜蓉菜芯 #利舞臺廣場

✏️ 鮑魚汁炆鳳爪今日好想飲茶，飲茶又好想食鳳爪，又唔想普通食個豉汁鳳爪。呢個爪入味又淋，膠質夠重，每隻爪都好完整脹卜卜的。惹味小食，港式酒樓風味💯‼️✏️ 火燒皇子乳鴿呢度嘅乳鴿都幾出名，口感骨香酥皮又脆，可揀原隻上呲開嚟食，斯文啲佢都可以為你切上！又係好好味💯‼️✏️燒腩仔脆皮燒腩仔肥瘦相間、咸香滋味，加上鬆化香脆的豬皮，最愛那烤得脆卜卜的皮配上芥辣，無人抗拒‼️✏️ 雪梨無花果花膠燉湯雪梨無花果燉花膠裡面嘅南水梨可以潤肺止咳、生津通便、解瘡毒、酒毒，而無花果就可以補氣養血、有助排毒，各美人趁呢個時間潤燥養陰，食多啲可以舒解秋燥同滋補嘅食物，調理好身子。身體健康哦💯‼️✏️ 紅燒煲仔翅（足三兩）朋友揀選了翅，但我都飲了少少，每啖滋味，每啖驚喜，超多翅的原價$388 煲現在震撼價$208當然，大家都好好揀選應唔應該食魚翅☺️舔舔脷指數：🌟🌟🌟🌟🌟/6環境指數: 🌟🌟🌟🌟🌟🌟/6服務指數：🌟🌟🌟🌟/6性價比指數：🌟🌟🌟🌟/6回頭指數：🌟🌟🌟🌟🌟🌟/6＜滿分🌟🌟🌟🌟🌟🌟>以上屬小編主觀（非專業）食評，所有意見只供參考#唐茶 #銅鑼灣美食 #飲茶 #必吃 #香港飲茶 #痛風餐 #foodguide

位於銅鑼灣利舞臺的星海薈﹒譽宴餐廳裝修高貴優雅· 氣派十足門口設有樓梯佈置· 好適合作為宴會婚宴場地♡ 捃牌白胡椒蟹（$598)店員會上枱前淋上胡椒醬汁熱辣辣鐵鑊令白胡椒味更香濃肉蟹啖啖肉· 蟹味鮮甜胡椒香香辣辣·非常惹味♡ 養生木桶雞（$138)木桶雞份量十足·雞肉嫩滑而湯汁較濃味少少♡ 得獎金磚脆豆腐（$68)豆腐炸到金黃香脆 · 外脆人嫩♡ 金蝦頭油二蝦粉絲煲（$168)粉絲煲很夠鑊氣·無多餘油份除了鮮蝦 ·加入蝦乾令整體更香口♡ 雪梨無花果花膠燉湯（$68)足料燉湯 · 滋潤清甜♡ 晩茶芥（$15)♡ 餐前小食（$20)

呢個原籠大澳三鮮蒸飯好好味呀！😋好彩同事食點心食飽，結果我成籠打包返屋企先試到咋！個飯充滿咸香味！好似食緊咸蛋飯咁🤣海鮮亦好足料，有蝦乾、帶子、鮮魷🦑$138 好抵食！另外我必點嘅係胡椒濃雞湯灌湯餃！搭果件雞認真老過煲湯渣，餃皮超級薄，胡椒味超重！胡椒豬肚湯就飲得多，雞湯一向我至愛😋$58 真係要自私飲哂呀！瑤柱扒豆苗其實混咗好多金菇，不過不失$108小籠包個樣就靚仔但厚皮又唔juicy so 失望其他點心都係正常發揮叉燒包同添好運比真係比下去海蜇燻蹄值得一讚👍🏻唔會好厚脂肪，燻蹄比例好均稱！海蜇調味亦好夠唔會偏酸或過淡

由於太多人食開年飯了，訂咗位都等左7個字先有位時間緊迫關係，同事極速落好單，炸物好快上枱，譽宴炸物真係值得一讚，每次都唔會令你失望上枱速度非常快，份量足，緊接住點心都陸陸續續上，無冷場時段各樣點心都好有質量，又好有份量，食到個個都好滿足又開心

銅鑼灣利舞臺上面有好多食肆，今次同屋企人黎到星海薈 · 譽宴食晚餐！搭𨋢一上到黎就見到條長樓梯加水晶燈，如果婚宴係度影相都幾靚。鐵板白胡椒煎焗澳洲龍蝦 $598鐵板熱辣辣，未食已經聞到好香白胡椒味，龍蝦肉掛滿白胡椒芡汁，龍蝦肉結實，已經稍微起左肉，食落好方便。晚市孖寶C - 脆皮燒腩仔 + 清蒸龍躉班 $338燒腩仔肥瘦參半，豬皮燒到好脆，龍躉都幾大條，蒸到剛剛熟，肉質鮮甜嫩滑，唔錯！星海薈小炒皇 $128小炒皇好有鍋氣，有多款海鮮海味 - 蝦仁，魷魚，魚乾，蝦乾… 好豐富！雪梨無花果花膠燉湯 $68燉湯好足料，雪梨同花膠都好大舊，飲落非常清甜滋潤，雞腳都燉到好淋好入味，好好飲！

大年初一同媽咪2個人去飲茶， 利舞臺有好多酒樓就算一間冇位同可以去第二間。見呢間都幾多人去就試下，估唔到一早去到都好爆下，好多一家大細團拜。好彩我地只係2個又咁啱有張細枱，唔洗等就入得坐低好快剔好點心，叫左8樣，等一陣都好快上，見到全部侍應其實都好忙，因為真係好多客人。當佢上左一籠燒賣時，我話我地冇叫到喎。因為媽咪唔食燒賣嘅，我亦唔會自己隊一籠咁傻。之後其中一個侍應就叫上菜嗰位拎返去櫃枱嗰邊。以為就咁完，食到中段侍應再拎返蘢燒賣嚟同埋張點心紙，話我有剔到。都懷疑左幾秒，諗住可能真係剔錯啦就話咁放低啦。然後媽咪都諗左陣話肯定我係冇剔燒賣，同時間其他點心已經上齊除左粉果，而粉果喺點心紙到係排喺燒賣下面。我地就諗可能落單佢睇錯落左燒賣，我地冇追粉果，就係想等埋單時對單係咪真係冇入到粉果。而個推測係真，張單冇粉果但有燒賣，嗰刻就覺得佢唔老實！客人點粉果你入錯單，我話冇落但事後你唔想拎返入廚房，就喺我張點心紙剔左燒賣再拎嚟比我睇，等我都以為落錯，叫左嘅冇嚟，冇叫嘅就嚟左仲話你有剔野食雖然唔差，但呢種咁嘅手法就令到我覺得唔係咁舒服，2個人飲左$500， 雖然知係新年，但其實都貴再加上咁樣唔老實法🤦