影片
更多
2024-04-29
984 瀏覽
好多人話，食嚟食去，屋企飯最好味，因為永遠會食得出媽媽嘅用心。如果出街食，又點樣知道廚師有冇用心呢？我諗最簡單就係睇佢嘅笑容。食Omakase 既時候，好多師傅都會講解下食材，但係講講下笑出黎，真情流露我都係第一次見。 🍖講緊嘅就係油坊住呢條魚，喺我食六件壽司嘅最後一件。師傅話哩條係好大條既魚，佢地係成條買返嚟，自己切割，我問佢地係咪會切俾客人睇，佢自豪咁話會啊，而且每次個個都舉起哂手機，仲好高興咁叫同事攞個 I pad俾我睇下之前的相，相入兩位師傅攞住條魚，笑到見牙唔見眼，我諗就係呢種對自己工作嘅喜愛，就睇得出佢嘅用心。件壽司的確相當好味，肉質爽脆，又有油香，師傅仲特別係上面加炸蒜，用酥脆對比增加客人對魚肉口感嘅體會。另一件好特別嘅壽司係骨膠原鯛魚，原來條魚真係食骨膠原長大，講真望落真係幾水潤，肉質又真係好Q彈順滑，身價一定不霏。仲有右口魚，如果唔問真係唔識，原來右口大條d，而且冇鱗，口感滑好多，左口就一般做薄切為主，而且今次仲加入右口魚肝，令到成件壽司特別香，更加細滑。 🍖刺身方便，有時候會覺得一片片嘅刺身，總係會同壽司相類似，變左越食越混亂d口味。今次嘅刺身就好唔同，漬左既吞拿魚
🍖講緊嘅就係油坊住呢條魚，喺我食六件壽司嘅最後一件。師傅話哩條係好大條既魚，佢地係成條買返嚟，自己切割，我問佢地係咪會切俾客人睇，佢自豪咁話會啊，而且每次個個都舉起哂手機，仲好高興咁叫同事攞個 I pad俾我睇下之前的相，相入兩位師傅攞住條魚，笑到見牙唔見眼，我諗就係呢種對自己工作嘅喜愛，就睇得出佢嘅用心。件壽司的確相當好味，肉質爽脆，又有油香，師傅仲特別係上面加炸蒜，用酥脆對比增加客人對魚肉口感嘅體會。另一件好特別嘅壽司係骨膠原鯛魚，原來條魚真係食骨膠原長大，講真望落真係幾水潤，肉質又真係好Q彈順滑，身價一定不霏。仲有右口魚，如果唔問真係唔識，原來右口大條d，而且冇鱗，口感滑好多，左口就一般做薄切為主，而且今次仲加入右口魚肝，令到成件壽司特別香，更加細滑。
🍖刺身方便，有時候會覺得一片片嘅刺身，總係會同壽司相類似，變左越食越混亂d口味。今次嘅刺身就好唔同，漬左既吞拿魚切粒，加山芋蓉，龍蝦起肉，加入海膽同魚子，原條熒光海賊，同埋最好味既華連生蠔。四種嘅姿態都好唔同，令到刺身同壽司層次分明。
特別講下呢種生蠔，肉質結實爽脆，以前食過有d生蠔，d肉太林身，唯有夾硬話creamy，有時有啲大少不一，自己食着歪d果隻感覺又會不爽。華連之所以喺日本一，就係因為佢完全唔會有以上嘅問題，隻隻大小均勻，肉質真係好爽，唔需要有太重海水味，反而加少少醋汁，已經帶出佢既鮮味。
🍖最後係海膽飯同埋吞拿魚蓉手卷。其實佢可以分成兩種手卷出，不過海膽放飯碗入邊，影相就靚好多，而且個紫菜可以由客人自己決定點樣配合。吞拿魚蓉手卷就超足料，由於吞拿魚蓉同飯都係打橫鋪喺紫菜上面，變成由頭到尾都可以食到吞拿魚蓉，而上面仲加左天婦羅脆脆，又係一個對比式去昇華個口感嘅好例子。
🍺配搭瀬祭三角九分，呢餐係滿足，長知識，同埋感受用心既一餐。
張貼
