樂天經典 (已結業)

說到樂天集團，大家應該會先想到樂天皇朝的特式小籠包，不過在尖沙咀，它旁邊的樂天經典，就比較少人提及。這家主打星洲風味的中菜餐廳，裝修雅緻有格調。佔地面積大，座位很鬆動。甫坐下先上茶和小食，再慢慢點菜。經過一輪選擇困難後，我和男友決定點一份前菜，一款燉湯和兩款主食作晚餐。冰鎮苦瓜是一道很清新的前菜，苦瓜切成長條狀，非常薄，如花型般擺放，鮮綠色的看起來沒有很苦。吃起來質感清爽，味道甘甘的，真的不算苦。加上桂花蜜同吃更變甜甜的呢！就算平常不吃苦瓜的我也覺得不錯！其實這種燉湯是四人份量的，但我倆實在太久沒湯水，所以這一大盅淮山杞子螺頭湯就讓我倆慢慢嘆！淺黃色的湯帶螺頭的鮮味，加上大量豬肉燉成的甜味，每人喝了近三碗好滿足啊！湯料還可用豉油同食，不浪費。名為金牌的魅力就是會讓人必點！這裡有半隻金牌脆皮燒雞，份量頗夠的，還有爽脆蝦片拌碟。金黃色的雞皮薄也不太多脂肪，所以非常香脆！肉量多又嫩滑，點那微辣的醬汁吃更為惹味呢。另一道主菜選了原條蒸魚。選客家豆醬黃花魚就是想感受一下星洲風情，味道鹹香豐富。魚蒸得剛剛熟，魚肉都很容易夾出來，雪白又滑溜柔軟，是新鮮的貨色！這樣吃其實都很飽肚，連飯都沒有叫，名正言

之前吃過旁邊的樂天皇朝，發現同一層有兩間樂天，樂天皇朝是上海菜，樂天經典是星洲菜，今晚便再來吃星加波菜。藥材燉走地雞湯$178，食材有沙參、玉竹、當歸、杞子、淮山、甘草、黨參、北芪、排骨、老雞、雞腳。功效是益脾潤肺、活血補氣。份量一盅可共三至五人享用。湯底清甜帶點藥材的香味，沒有苦澀味，是一道足料而味道好的燉湯。招牌扣肉包$26一片，一片扣肉配一片麵包，麵包和扣肉非常配合，可以吸收油脂，又可減少醎味，兩者是非常絕配。如果扣肉可以再腍一點會更好。花雕雞油蒸螃蟹，中$368 (一斤四両)，花雕和雞油帶起了螃蟹🦀️的鮮味，令到螃蟹的味道層次更豐富。碟㡳的蛋白，吸收了蟹肉、花雕和雞油的鮮甜味，亦是一個美味的配搭。

自從上次食完之後一直念念不忘今日咁岩黎到尖沙咀做完野要搵野食夜媽媽真要搵好ｄ既真係唔易點知就遇到佢，梗係要食佢原來９點半後黎食有６８折咁抵食今日肚餓等唔切，下次一定要黎一上台就先有個小食同埋杯靚茶金牌脆皮燒雞（半隻）燒雞皮脆肉嫩，夾埋ｄ脆片食仲別有一番風味，仲可以點埋呢個酸酸地既汁更開胃荔枝咕嚕肉（中）咕嚕肉食得多，用荔枝黎整真係未見過，但又出奇地幾夾喎用荔枝比起平時用就咁用菠蘿多左一份清甜令成個咕嚕肉食多都唔會膩海鮮皇炒飯（中）個飯都炒得幾有鑊氣，而且粒粒分明仲夠晒大份，呢個中ｓｉｚｅ夠３個人食有餘同埋海鮮料都好足花菇雲耳蒸魚片（小）估唔到叫小份都咁多一個字：滑如果你想知蒸魚點先為之蒸得滑溜，蒸得鮮味，叫佢就岩架啦麥片蝦球（小）今日最大驚喜呢到ｄ蝦球就不嬲又爽口又好味架啦估唔到仲有用麥片黎整呢種咁新奇又好味既整法麥片有少少脆脆地甜甜地，好帶得出蝦球既鮮味之餘仲可以令蝦球多種口感，又唔會好似平時用粉漿或麵包糠咁膩極力推薦淮山杞子螺頭湯好靚既一個湯水，完全冇味精味唔怕你話佢唔足料，因為佢就係你面前幫你筆晒ｄ湯渣出黎，仲可以比你食埋可以見到幾清，真係真材實料馬來風光（小）炒通菜足料夠鑊氣

同朋友補祝食生日飯，朋友不嬲偏愛中菜，我之前嚟呢到食過，覺得佢地菜式選擇多，好食，性價比高！所以呢次帶朋友嚟，有信心佢會鐘意！✨小食 $15✨茶位 $10小食係炆花生栗子，好腍身好入味！✨招牌扣肉包 $26扣肉入味，鬆化，入口即溶，油香十足，但口感唔覺肥膩，夾埋包同芫荽一齊食，更滋味！✨荔枝咕嚕肉 $95咕嚕肉外脆內嫩，炸漿薄薄一層，仲冇骨啖啖肉，肉質有彈性，醬汁酸甜開胃，菠蘿之外，仲有清甜荔枝入饌，香甜味更為突出。✨臘味炒飯 $92炒飯粒粒分明，炒得乾身均勻，有鑊氣！仲好足料！有我最鐘意嘅臘腸粒，同香氣十足嘅冬菇粒，加上翠綠葱花，食落好惹味。✨淮山杞子螺頭湯 $188我同朋友都好鐘意飲湯，揀咗個滋陰螺頭湯潤一潤。湯料豐富，除咗淮山杞子螺頭，仲有瘦肉，雞腳，啲湯都足足有成5-6碗😋湯好清甜，味道香濃，咸味適中，好有鮮味。✨蒜蓉西蘭花 $68西蘭花炒得翠綠，爽脆唔油膩。✨三色桂花斑蘭糕 $45賣相精美，三層糕清晰分明，但又緊貼在一起。味道清香，椰汁/斑蘭/桂花味道同樣食到，質感好有彈性。

出去行街，雨勁大果陣，即刻匿入商場。 見到成日聽既樂天，就上左去。 上到去，覺得呢度好grand ，每張桌子都有些距離，就算一大班人聚埋傾下計，都唔會太嘈。 好多野食既選擇，有唔小特色既菜式，不過我唔食得辣， 食唔到佢地最出名既野。呢碟前菜，栗子好甜好好食，忍唔住食左好多。 呢碟魚好味甜甜地，但對我黎講有點辣。 脆卜卜好岩送酒。呢碟椒鹽准山，係我全晚最愛。一黎未食過，二黎個調味配搭剛剛好 ， 可以賴健康得黎又食到香口野。櫻花蝦四季豆賣相好好，好岩送飯，味道偏咸。 第二最愛，黃金蝦球，咸蛋黃味唔太夠，不過好香，蝦好有咬口同彈性。扣肉刈包，個包好軟熟。塊肉好軟身，分量十足，如果好似台灣咁有花生碎加埋入塊就更正啦 。荔枝咕嚕肉，荔枝好甜，好耐無食過荔枝了，估唔到可以咁樣煮法，碟碟都好有穫氣，好脆既皮。炸粉分量適中，食到停唔到口。楊枝甘露，好滑身，成為好好既一個句號。總括黎講，上菜速度快，食物夠穫氣，食物又有新意。

中菜、西餐、日本菜及泰國菜等在香港都比較常見，而新加坡的娘惹風味就比較少，這間在尖沙咀樂天經典就主要是星菜為主。小食花生炆得很腍。古早魚香老鼠粉煲：這個老鼠粉屬於較經典的菜式，有別於一般的炒粉面飯，以特製的醬汁配上咸魚汁拌在一起，老鼠粉帶點咸魚的鮮味，而且又滑，加上些椰菜花及爽口新鮮的大蝦，食到停唔到口。黃金蝦球：有六隻大蝦，每只都以咸蛋黃包裹，外面呈金黃色，外脆內彈，蝦肉新鮮彈牙，又有咸蛋甘香。星洲黑胡椒螃蟹：胡椒既香又惹味，肉蟹十分新鮮，蟹肉結實帶鮮甜之余又有黑椒香味。三色桂花斑蘭糕：以椰汁、斑蘭及桂花杞子製成的三色糕，帶點彈性又不會太甜。

今晚又約了閨蜜們飯聚。原先想去食八色小籠包，閨蜜說樂天集團除了樂天皇朝外，好像還開了一家樂天經典，主打南洋fusion菜；今晚就轉轉口味，齊齊向樂天經典出發。餐廳地點在加拿芬廣場，就在樂天皇朝旁邊，一貫樂天集團的風格，裝修簡潔清雅。菜式主要是南洋菜，亦混雜了些許廣東小菜。頭盤先上，叫了冰鎮苦瓜。苦瓜切薄薄的一片，入口爽脆，不覺有苦味，只覺回甘。若怕苦味的可以加些桂花蜜糖，增加甜美之餘，淡淡的桂花香，更把苦瓜的苦味全部蓋過，非常好味。另外叫了個鐵板豆腐。豆腐大大塊，開頭以為是普通的嫩豆腐，但是切開來裏頭黃黃的，有點像玉子豆腐；但從未見過坊間有這麼大的玉子豆腐賣，可能是餐廳自家製吧。嘗一口超級嫩滑，再配以香香的肉醬和菜粒粒，加碗白飯來吃就最好不過了。這道菜看似很濃郁，但吃進口完全不覺膩口，不錯不錯。另外又叫了個海鮮炒麵線。上桌時我們以為是送錯了，我們叫的是麵線，怎麼來了一碟沙律？原來在菜絲下面就是條條麵線，把我們都欺騙了。麵線以豉油王炒製，頗彈牙，不油不膩也不錯。當然少不了點一個素菜，是晚叫了金銀蛋浸菠菜。菠菜嫩滑，而湯汁亦很入味。這個也很好吃。閨蜜說有點上火，於是叫了杯羅漢果茶。我嘗一口

今日慶祝一個好熟既朋友生日，特意揀左間好好既餐廳，同幾個好朋友一齊食，半年前黎過呢道，食物質素同選擇都好高質，所以就決定黎呢道同佢食生日飯！裝修同之前一樣，都係好精緻好grad, 不過今日比上次少人左，可能因為最近遊行既影響，少左人出街消費，希望香港快d好返><今次黎見到呢個特別野，夜貓必去入面既宵夜特色小菜，係930pm後先有得叫，望落每樣都幾好味咁！我地睇左陣餐牌，最後叫左一個燉湯同幾道送菜，燉湯一定要點，有媽媽級既水準！淮山杞子螺頭湯一盅燉湯大約可以比4-5個人飲，你飲得出佢用咗好多心機去燉，味道濃郁，又唔算多油，絕對有媽媽級嘅水準，用料又有返咁上下，所以每次我嚟到一定叫一個燉湯一齊飲！鍾意食蟹嘅一定要試，佢有成四五種唔同嘅口味，今次我試咗呢個黑胡椒蟹，廚師都好細心，幫我地已經敲碎左某啲外殼，同埋準備咗手套比我地，食又食得舒服又唔怕污糟，然後胡椒蟹又好入味，食到我哋舔舔脷！馬拉盞炒蜆馬拉風味嘅炒蜆，小小辣，幾惹味，同香港嘅豉椒炒蜆有啲似，份量又多，岩哂一大班人食油浸銀雪魚外皮輕輕煎過幾脆口，魚肉幾滑臘味炒飯色水炒得幾靚幾乾身，飯粒分明，又有臘味嘅香味，不錯錯食飽飽

週末放假約咗老朋友晚飯聚舊， 來到這間尖沙咀加拿分道「樂天經典」就最合適不過。樂天經典主打廣東菜、 新加坡菜，口味更迎合大眾。餐廳裝修雅緻，設計時尚高貴，雲石效果的枱配上木色座位，環境整潔，令人感覺舒服。餐牌裡有多款特色菜，看得我也眼花瞭亂。花菇雲耳蒸魚片蒸魚片啖啖肉，魚肉肉質結實滑嫩不帶魚骨，新鮮爽口，清淡而鮮美。蒸魚片的鮮味與花菇、雲耳、金針、紅棗的味道很配，不錯！金牌脆皮燒雞(半隻)金牌脆皮燒雞有蝦片伴碟。雞皮呈現誘人焦糖色，而且雞皮夠薄，皮脆肉嫩，口感香脆，燒雞肉汁豐盈，嫩滑多汁。海鮮皇炒飯炒飯以鮮蝦、帶子及蟹籽炒製，飯炒得粒粒分明，軟硬適中，不會黏作一團。蒜蓉粉絲蒸扇貝經店員推介後，點下2份蒜蓉粉絲蒸扇貝，果然沒有介紹錯！在蒜蓉粉絲蒸過程中，粉絲可以吸收扇貝鮮味同蒜味，一點都不失色。而扇貝很大隻，鮮甜爽滑，烹煮的時間掌握得很好，一點都不韌，扇貝吸收左蒜蓉味後相當惹味！芹香醬爆桂花蚌桂花蚌鮮甜爽滑，一點都不韌。桂花蚌加辣椒醬，辣椒醬雖然惹味，但也會過份地掩蓋桂花蚌的鮮甜。芹菜爽口，但數量多，有點妹仔大過主人婆的感覺。樂天經典是混合傳統和現代的自家菜，打造出別樹一幟的南洋中菜，將

今晚本身打算食樂天皇朝，點知太多人排隊😭又好肚餓，就去左旁邊呢間同集團既樂天經典，主打南洋菜。裝修華麗，好多大檯，座位亦好闊落👍🏻原來仲提供宵放時段，更有優惠小菜！不要小看這碟前菜，非常有驚喜！於樂天皇朝用餐時我每次都會吃光整碟😂😂栗子跟花生均烹調得非常入味和軟腍！蒜香紅海蜇頭，海蜇頭爽脆，搭配蒜頭跟芫茜的香氣，加上酸酸辣辣的醬汁，十分開胃，吃過不停！唯獨我覺得青瓜可以稍為煮一下，吃下有點太生。必食古早魚香老鼠粉煲，店員於奉上食品後會再淋上特製鹹魚醬汁並混和，醬汁裡應還有加上檸檬汁，吃下酸酸的，中和鹹魚的濃烈味道。煲內還有鮮蝦，椰菜花和雞蛋等，鮮味十足。馬來風光，類似是泰式馬拉盞通菜，廚師炒得有獲氣，很惹味👍🏻通菜爆炒後仍保持鮮嫩，絕不過老。菜香鐵板豆腐，用上雞蛋豆腐，味道更濃口感又滑，醬汁是菜心肉碎醬，適合下飯，底層是薄薄的蛋皮。蒜蓉粉絲蒸扇貝，不敗的配搭！扇貝蒸至剛熟，吃落嫩滑，粉絲索滿醬汁和扇貝的鮮味😋想不到樂天集團期下的餐廳都非常有質素！最喜歡這家餐廳大部份菜式均可選擇性小、中或大，縱然人數不多，亦可嚐到多款菜式。

四大一小到尖沙咀搵食，樂天經典地方闊落，而且午市唔限入座時間，最啱我哋慢慢傾計歎吓茶。前菜叫咗推介嘅脆醬美人魚，賣相一般，食落果然好脆，辣辣哋好開胃海鮮白玉磚，即係海鮮豆腐，點沙律醬，都係開胃之選。金銀蛋浸時蔬好足料，好多皮蛋同鹹蛋。清蒸小黃魚幾鮮味，不過比較多骨。麥片蝦，隻隻蝦都好大隻爽口娘惹咖啡雞，咖哩汁好濃好杰，雞肉嫩滑，薯仔入味。喇沙海鮮麵，好食但料就比較少。椰汁斑蘭桂花糕，三部分味道都好突出，唔太heavy，完美嘅收結

喺尖沙咀的樂天經典，門面光鮮整潔，主打南洋中菜。店內地方和座位都很寬敞舒適，不錯！茶 $10 每位小吃 $15花生和栗子都餣得軟腍好味！青島 $28夠凍之餘，隻杯仲要好靚添！脆醬美人魚 $58是炸小魚乾配上甜甜的醬汁，小魚極為脆口，咬落去真係可以聽到卜卜聲！而且有很多條，夾極都有，推介的餐前小食！金銀蛋浸時蔬 $88選擇了S size，上湯清甜，好吃又健康！秘製燒汁排骨王 $88同樣選擇了S size，估唔到有八件咁多，仲要件件都係厚身啖啖肉！味道有點像京都骨，肉質軟腍入味！漁香茄子煲 $78同樣也是最細的S size，但茄子也是Fill滿了整個煲，超級惹味，食到停唔到口！白飯 $15漁香茄子又怎可以沒有白飯？客家豆醬蒸黃魚 $118香、滑、鮮！三個字就足以形容呢碟魚，豆醬的咸香和魚肉很夾，兩三下手勢就成碟清晒！楊枝甘露 $38南洋Style的楊枝甘露汁底帶酸，頗有特色！

近來除咗屋企食，都好少食中菜，所以今日約埋阿媽同老豆去樂天經典飲下茶，孝敬下兩老。加拿分廣場2樓有兩間酒樓，兩間都係樂天字頭，應該係同一集團，我哋揀咗樂天經典試吓。佢嘅座位都坐得好寬敞舒適，我哋揀咗卡位坐，非常闊落，張枱又大，叫多幾碟餸都唔怕好迫夾。淮山杞子螺頭湯：湯好鮮甜又好味，個盅望落雖然唔係好大，但係都有成六碗湯咁多，而且裏面仲有好多湯嘅配料例如有雞腳、瘦肉、螺頭、淮山、杞子，咁多材料唔怪得咁好飲。招牌扣肉包：好貼心地店員係將扣肉同包分開上，咁就唔怕扣肉啲汁整林個包啦，個包係八包有少少似饅頭咁，但係包汁非常林，好好味。扣肉好厚身，半肥瘦，啖啖肉，同個包一齊食好夾。星泰鳳爪：中菜餐廳好少有得食，呢個鳳爪舊舊都大大嚿，去晒骨，食得好方便。雙菇扒西蘭花：我哋三個人叫咗細碟，但份量一啲都唔小，無論冬菇、西蘭花同另一種菇嘅份量都非常多，味道都好香，非常唔錯。臘味炒飯：一樣叫咗細碟，但份量都唔少，炒飯裏面有臘味粒、蔥花、菇粒，炒得好香，同埋好乾身，我覺得呢個飯有90幾分。

臨收工已經肚子在打鼓🥁 來到馬上有小食一碟， 跟樂天皇朝一樣～ 小食都是煮花生及栗子， 味道不錯二人一下子點了5 樣東西 好豐富！ 招牌扣肉包一份$26～ 我們來了兩份， 軟熟麵包夾著扣肉， 扣肉的脂肪跟肉比例很好， 醬汁不會太濃，作為小食及前菜也是一流！ 金銀蛋波菜～ 上湯清甜，喝進胃裡很舒服～ 波菜亦不會很油， 咸蛋粒跟皮蛋粒還有豬肉粒～ 清淡之選！咸蛋蒸肉餅好有「家」的味道肉碎、 馬蹄同咸蛋真是絕配～肉質嫰滑， 很好送飯！ 芥末蝦球好有驚喜！ 蝦夠大隻，鮮甜！ 炸過之後醮上芥末沙律醬，另有芒果粒及蘭香子、蟹籽～ 配搭好開胃好 fresh 海鮮喇沙米線又是開胃之選微辣的喇沙湯底， 配上滑滑的米線、 及豆卜、 魚塊、蟹柳等～ 配料豐富， 今夜吃了一頓滿足的晚餐！

未食過唔脆皮嘅.....炸焼雞 👎🏻肉質更加「鞋」都呢⋯⋯之後投訴侍應交回廚房，不久回來話厨房食了一件無問題，我地立即奇怪表情互望👀⋯⋯廚師👨‍🍳咁神奇食到一件不硬皮兼脆的一件？後來待應終於可以再做多半只給我哋，可惜都未能食回之前的水準，仲話係「金牌脆皮雞」....其實之前食過ok 無問題的，所以再帶另外一班朋友嚟，今次真的失望。另外想叫素炒飯，侍應對答：「無呢d野」我奇怪😅喂...菜粒都無？酒樓喎，點做食肆㗎....唔會再嚟囉！