正潮樓

營業中

休息中

銅鑼灣既正潮樓，呢昌新店係主打潮式海鮮，例如海參、鮑魚等名貴食材😍另外仲有傳統潮州菜餚，係古色古香的味道🍲一坐埋位已經有茶飲，招呼周到一行兩人，叫咗個套餐，首先一人揀咗一個主菜🥘厚菇焗鮑魚 見到個樣已經垂涎欲滴，鮑魚又厚又大隻，用刀慢慢切開慢慢品嘗，鮑魚汁好香，而且炆到好腍仲有厚菇真係好厚，食落口軟棉棉🥘厚菇炆海參，海參好嫩滑，同啲汁好夾🌯滷水拼盤 滷水夠香 唔太鹹，豬大腸夠厚肉👍 有鵝肉、鵝紅，下低仲有豆腐 ，足料，而且鮮味可口🥗香煎韭菜棵 不嬲都幾鐘意食粉果、餃子呢類食物呢到既韭菜棵 粉和水比例拿捏得好，粉皮煙韌帶軟熟，蒸熟後再煎，好味餡料豐富，比例恰當有韭菜、豬肉和鮮蝦，每一啖都食到香濃既韭菜🍲方魚蠔仔粥 方蠔仔夠多及大隻 熱辣辣飲落好舒服

早前朋友介紹過銅鑼灣有間潮州菜都唔錯，今日放工經過就試下先。 位於利園附近嘅呢間正潮樓，主打潮式海鮮為主， 如果鍾意食鮑參翅肚嘅你就啱晒喇！而且聽聞仲係國家級大師傅坐鎮，菜色盡顯功架👍！ 餐廳不論係裝潢、擺設、餐具等都充滿古典味。 首先，店員送上功夫茶同埋餐前小食。然後推介晚市套餐。 我同老公分別點咗厚菇焗鮑魚（$488）同埋厚菇炆海蔘 （$438）各一客。 厚菇焗鮑魚：冬菇夠厚實，花紋清晰，鮑魚好大隻，富有彈性。 厚菇炆海參：海參炆得好稔，加埋啲鮑汁味道一流🤤。 跟餐每1-2位客人可以選3個菜式，每碟都細細碟，啱晒兩個人食用。 鹵水拼盤：有鵝片、豬大腸、豬紅、豆腐，鹵水味純厚，鮮香可口。鵝肉沒有羶味，肉質也軟嫩多汁。師傅切鵝嘅功夫也亦一流，切成均勻薄片，足夠每口嚐到其鵝香，鹹香恰到好處。 菜脯煎雞蛋：看似普普通通嘅菜底，其實非常考師傅嘅功力，菜脯鹹香脆口，爽口開胃，煎蛋兩面都煎炸至金黃色，香口酥脆，充滿熟蛋嘅香味，送飯一流。 川椒雞頸肉：雞頸肉爽滑，帶點點麻味，非常惹味。

又母親節又有父親節👩🏻🦱👨🏻大時大節梗係要同佢哋食餐好，好好孝敬👍🏻「正潮樓」菜式均由經驗豐富嘅國家級潮菜👨🏻🍳烹飪大師陳澤嘉師傅主理～陳師傅精心設計出多款特色手工菜，有啲仲已經係失傳添！夠晒特別，亦有質素保證🌟🌟而且仲推出咗晚市特色小菜套餐，凡惠顧晚市紅燒魚翅、紅燒燕窩、厚菇焗鮑魚、厚菇炆海參套餐，即可從 20 款嘅自選菜式當中任意配搭～由1-2位到7位以上都可以兼顧得到，相當實惠🤩「滷水鵝肝拼鵝片」「紅燒魚翅、紅燒燕窩、厚菇焗鮑魚、厚菇炆海參 (四選一)」「富貴石榴蟹」「玉枕白菜」「脆皮酸甜蠔」「香炒瑤柱鬆」「梅汁蒸馬友魚」「欖仁南瓜羹」「豆醬炒麻葉」「芋頭炒香飯」「菜脯炒粿條」「桔餅姜薯粿」值得一試有「玉枕白菜」，「富貴石榴蟹」～因為呢啲都係近乎失傳嘅潮州菜式，去其他潮州菜館都未必食到㗎！另外，為左回饋顧客對正潮樓嘅支持及推廣潮州飲食文化～正潮樓現推出優惠贈券，凡顧客惠顧滿二千元，即可獲贈價值港幣 238 元一泡功夫茶🫖優惠券一張，於下午茶時段享用。大家就可以一齊「蓆嗲」「蓆嗲」喇～～

預祝母親節，帶婆婆食中菜，選了婆婆喜歡的潮州菜。之前食過灣仔的正潮樓覺得不錯，知道銅鑼灣開咗新分店，一於嚟試吓㗎。一坐下，侍應便遞來功夫茶及小食招待。我哋4人選了4個特惠晚市套餐。厚菇焗鮑魚(兩客）賣相一流，睇見都知好味。花菇爽滑有菇味，我食到帶少少獨特的孜然粉味。鮮鮑魚炆得好腍又鮮味，口感軟滑彈牙。醬汁濃稠，精華所在。厚菇焗海參(兩客）海參好厚肉，係乾海參，Q彈Q彈，滿滿的蛋白質，同樣好入味。滷水拼盤有豬紅，鵝肉，豆腐及豬大腸。鵝肉片好腍，唔嚡，滷水好香。豆腐豬紅不能錯過，嫩滑入味。脆皮九肚魚好香脆，九肚魚滑溜溜，魚肉較薄身，蘸上帶柑桔香的醬汁，香口又不膩。方魚蠔仔粥蠔仔大隻冇沙而且超多，啖啖粥都有飽滿蠔仔，好滿足。蠔仔加上方魚及肉碎，超鮮甜。汕頭煎蠔烙煎得金黃香脆，充滿蛋香，鮮甜蠔仔超多，加上滑滑的木薯粉，加少少魚露提鮮，啱晒蠔仔控的我。炸蝦棗蝦棗好爽口彈牙，蝦肉加上豬肉及馬蹄，鮮味又甘香。

呢日放假去食潮州嘢做返晚「㗎己冷」先！今次去銅鑼灣新開嘅正潮樓，記得之前同老婆大人食過灣仔鋪啲潮州菜都幾特別，唔知今晚會唔會又有驚喜呢！銅鑼灣舖環境同灣仔店都好似！都係用好中國風嘅裝修而且坐得幾舒服。坐低先嘆返杯靚嘅甘香單樅茶，仲有傳統嘅花生同菜脯做小食送茶。人齊後先嚟整返份鵝肉拼鵝肝！呢度個鵝肝整得好嫩口滷水味亦都夠香濃，聽聞佢哋用嘅係獅頭鵝所以啲肉質都幾彈牙，呢碟拼盤帶出咗一個好好嘅開始。跟住我哋仲食埋矜貴嘅海味菜！而家做緊晚市特價套餐叫呢啲山珍海味仲可以另外喺20幾款嘅自選菜式入面任揀，視乎人數而定可揀三至九款價錢都係$438至$568一位食得過㗎。厚菇焗鮑魚入面隻鮑魚係墨西哥新鮮鮑嚟！炆得又香又腍仲好有咬口，側邊仲有隻勁厚肉嘅花菇吸晒啲汁都好好味㗎。同一個煮法換咗厚菇炆海參！爽滑入味嘅海參口感都好唔錯而且一樣咁惹味。跟住呢碗係女士們好鍾意嘅紅燒燕窩！入面有足三兩嘅金絲燕滿到瀉咁滯，試咗一啖個上湯令到燕窩有自己嘅鮮香味，食落去一絲絲嘅燕窩會令人好有滿足感。而我梗係揀紅燒魚翅嚟食啦！呢個係用金勾翅嚟整嘅好鬼矜貴，魚翅嘅份量都唔少呢一碗夠晒我過足口癮。呢個叫做玉枕白菜原來係好傳統嘅潮

慶祝母親節，媽媽鐘意食鮑魚，我又好耐無食潮州菜，幸好比我搵到正潮樓，上次同🐷食灣仔個間已經好食，今次試銅鑼灣💚得我地2個人，就特別試晚市特價套餐，份量亦好岩好我地2個人。一來就先上功夫茶、准鹽花生和菜脯🍄厚菇焗鮑魚：鮑魚够淋，而且配鮑魚汁更顯鮑魚鮮味，最正係厚菇同菜心浸淫鮑魚汁內🪿滷水拼盤：鵝肉、大腸、豆腐，豬紅全浸泡在香濃的滷水汁，口感層次豐富，再加上份量多，鵝肉不鞋口够嫩肉🦪 汕頭煎蠔烙：食潮州菜一定要蠔烙，勁多蠔肉再加上肉質鮮嫩多汁，經過和蛋煎烤後更加香脆可口和整道菜色澤金黃，外酥內嫩。🦐潮式炸蝦棗：口感酥脆、味道鮮美的蝦够彈牙。潮式炸蝦棗的外層酥脆金黃，內裡的蝦肉鮮嫩多汁，整體口感豐富。

平時食中菜都都通常食廣東菜，今次特登帶屋企人去食潮州菜，我哋4個人揀咗4位特價套餐，$438-$488/位，有鮑魚海參，仲可以揀5個潮式小菜。厚菇焗鮑魚/厚菇焗海參個汁絕對係精華，極鮮極濃，鮑魚大隻，鮮鮑嚟講味道好鮮好好，煮得稔滑。海參都厚身，食得出係用乾海參整嘅，煙靭QQ，沾上精華醬汁，好好味。冬菇唔使講都係好食，入晒味爽滑。滷水拼盤拼盤有4式，鹵水鵝片、鹵水豆腐、豬大腸、鴨血。全部都好入味，鵝肉唔會乾柴，豆腐我一貫鍾意食，豬大腸唔靱，鴨血滑滑。汕頭煎蠔烙呢個我好鍾意食，蠔仔脹卜卜幾大隻，蛋好香，底下嘅薯粉恰到好處，少少煙靭QQ又唔會好滑潺潺嘅感覺。蠔烙加咗啲蔥好香，加上食嘅時候沾少少魚露，鮮味即時提升。潮式炸蝦棗炸得金金黃黃，咬開見到真材實料全部都係蝦肉，配上特製嘅醬汁，有少少似鹹柑桔糖漿，冇咁熱氣之餘仲加咗啲清新嘅感覺。脆皮九肚魚平時食開嗰啲都係椒鹽九肚魚，呢度嘅做法有啲唔同，係將條九肚魚片成一塊塊，唔同平時嗰款原條一碌碌咁，食嘅時候同楊佩鹹柑桔糖漿，中和油膩感。方魚蠔仔粥呢窩蠔仔粥不得了，粥底好鮮，又有胡椒粉同埋方魚嘅香氣，重點係好多蠔仔，全部脹卜卜肥美冇沙，加上好多肉碎、芫荽

朋友之前食過呢間嘅灣仔分店覺得唔錯，所以咁啱見到銅鑼灣開咗新嘅分店，就同我嚟試吓～晚市有個特價套餐，除咗個主菜之外，我哋兩個人嚟仲可以揀多三個自選菜式，選擇都幾有彈性。上菜之前有個功夫茶，真係幾唔錯幾香濃～厚菇焗鮑魚：鮑魚好厚身，口感軟得來都保留有少少彈性，冬菇同埋鮑魚都問得好入味，幾好食。紅燒魚翅：有個爐㷫住可以保溫，而且魚翅份量好足又大大條，個湯羹有金華火腿嘅味，好香濃～本身諗住叫魚露浸花甲，但係當日冇花甲只係得花螺～花螺一早起左螺肉出黎，好貼心，只係覺得味道更濃一點兒會更好。生醃海蝦真係必食！醃得真係好入味，肉質爽嫩，好好食！最後叫左個方魚蠔仔粥，蠔仔粒粒飽滿，整體清清地，食落好舒服～呢個價錢食到呢d 野，都真係可以一食！

好朋友返咗香港約咗出街食飯，佢話好耐都未食過潮州菜，咁我諗一諗上網搵一搵資料，就揀咗呢一間位於銅鑼灣嘅正潮樓～我哋揀咗晚市套餐；厚菇焗鮑魚 $488位鮑魚大隻又肉厚，口感彈牙，鮑魚味香濃，花菇香滑，鮑魚和花菇炆得香濃，但係唔鹹，菜色盡顯功架！滷水拼盤有豬紅、豆腐、鵝片、豬腸，滷汁濃郁入味，但沒有偏鹹～脆皮九肚魚粉漿薄又脆，九肚魚厚身而且好嫩滑，上枱嘅時候仲係熱辣辣好好味～方魚蠔仔粥米飯粒粒分明，軟綿，清湯鮮甜，蠔仔粒粒飽滿 ，鮮味十足，我連胡椒粉都無落已經足夠味道～

雖然我平時比較少介紹中菜，但其實我本身係好鍾意食中菜嘅，特別係潮州嘢😍 最近我就同一班朋友去食咗一間喺銅鑼灣新開嘅高質中菜，好想推介俾大家🫶🏻鵝肉拼鵝肝食潮州嘢就一定要嗌鵝肉啦，佢地嘅鵝肉肉味好香濃，鵝肝入口即溶，豆腐都好香口❤️紅燒燕窩餐廳好細心用咗蠟燭坐熱， 保持溫度，入邊超足料，超多燕窩，佢哋用嘅係金絲燕窩，再配以老雞、豬骨、火腿、雞肉、豬皮同豬手等多種食材一齊熬湯，食落真係超滋潤🫶🏻富貴石榴蟹非常精緻嘅菜式，將煎過嘅蛋白皮，包住蝦、蟹、馬蹄等餡料，絕對係手工之作😍玉枕白菜另一道手工菜，用津白包住豬頸肉、鮮蝦、蝦米同香菇等食材，口感好豐富👍🏻脆皮酸甜蠔炸過嘅台山蠔，個炸醬好薄，裏便好大隻蠔，再加上啲酸酸甜甜嘅汁，超級開胃❤️香炒瑤柱鬆做法有少少似泰式嘅生菜包，但佢嘅材料就係用咗超多嘅瑤柱，加上馬蹄、韭菜同肉鬆一齊炒，食落一啲都唔會膩😍梅汁蒸馬友魚條馬友蒸到好滑，唔會有魚腥味，仲有啲酸酸甜甜嘅麵豉，唔食魚嘅我都表示好食🫶🏻欖仁南瓜羹呢個絕對係健康之選，南瓜打得細滑，入邊仲有好多唔同嘅果仁，去增加口感☺️ 豆醬炒麻葉芋頭炒香飯用個煲仔上，粒粒分明夠晒乾身，仲有芋頭、臘肉、蔥粒，食落仲有白

之前去灣仔食過，原來在銅鑼灣都開咗新分店！ 同樣主打令人難忘的傳統潮州菜，並加入矜貴食材，推出多款驚喜套餐！ 二人鮑魚海參套餐 $438/位起厚菇焗鮑魚，或厚菇炆海參 估唔到兩個人都可以食到高級鮑魚海參！鮑魚爽滑入味，配以厚身鮮嫩的冬菇，每一啖都好滋味！至於海參就炆煮得非常軟嫩！ 滷水拼盤潮州菜唔少得滷水啦！ 拼盤有鵝片、豬腸、豬紅、豆腐等，入味可口，豬紅爽滑、豬腸香濃有彈性！魚露浸花甲花甲本身具有鮮味，而魚露的鹹香則為菜品增添了層次感，是鹹香和鮮甜的結合！ 潮式炸蝦棗外層炸到金黃色，酥脆不膩！裡面是蝦肉爽彈鮮味，口感豐富！

今天去了銅鑼灣一間高级潮州酒樓叫正潮樓，掛了不少燈籠🏮，裝修別緻，甚有中國風😌我地叫了晚市特價套餐厚菇焗鮑魚 $488鮑魚的鮮甜味和菇菌的香氣在口中交織，帶給人們一種豐富而滿足的味覺享受😍厚菇炆海參 $438煨炆過後的海參更加軟綿，而菇類的風味則會與海參完美融合，帶來一種豐富而滋味濃郁的口感😋魚露浸花甲花甲本身帶有鮮甜海味，而魚露則為菜餚增添了鹹香和微微的酸甜風味😛方魚蠔仔粥方魚和蠔仔的鮮甜風味可能會充分融入粥中。這道粥應該會帶有濃郁的海鮮香氣，並且可能具有一種濃厚的魚湯風味😚滷水拼盤鵝肉，豬大腸，豆腐吸收了滷汁的風味，因此通常帶有濃郁的滷汁香味，並且鹹甜適中🤤

上星期去咗呢間正宗傳統潮州飯館-正潮樓食晚飯 ❤️除咗灣仔店，最近喺仲銅鑼灣開設分店😍銅鑼灣店裝修古色古香、好典雅💗 餐廳環境仲好舒適，更提供獨立包廂，非常適合與親友聚餐和商務宴請。菜式由經驗豐富嘅國家級潮菜烹飪大師陳澤嘉師傅主理，精心設計出多款特色手工菜😍今次同朋友試咗好多款傳統潮州菜，有幾款手工菜之前都冇食過😍除咗正宗，賣相精緻又好味🥰🔸鵝肉拼鵝肝鵝肉皮薄肉嫩 滷水汁好入味 厚切鵝肝味道好香濃 口感嫩滑😍🔹紅燒燕窩第一次食鹹嘅燕窩用咗三両金絲燕窩，再用老雞、豬骨、火腿、雞肉、豬皮同豬手等多種食材一起熬湯，味道濃郁😍食落啖啖燕窩好足料，口感豐富又滋補🥰 🔸富貴石榴蟹富貴石榴蟹係一款已經失傳嘅潮州菜式，師傅將新鮮嘅肉蟹蒸熟後拆肉，搭配蝦、馬蹄等作餡料包入用雞蛋白煎成圓形嘅蛋皮，蒸熟後再加上芡汁同用蟹膏作點綴❣️食落鮮味 賣相仲好精緻😍🔹玉枕白菜玉枕白菜係一道逐漸失傳嘅傳統潮州手工菜，佢嘅做法仲非常講究。用咗津白菜葉包住豬頸肉、鮮蝦、蝦米同香菇等食材，經過炆煮使其入味，最後再加上芡汁點綴💗味道鮮味 口感豐富🔸脆皮酸甜蠔新鮮台山蠔外層炸到好酥脆蠔肉鮮嫩多汁😋加上自家秘製嘅酸甜汁 好味又開胃🔹香

放工去到銅鑼灣正潮樓食潮洲菜，主打潮式海鮮鮑參翅肚燕窩名貴食材門口掛大紅燈籠，店內裝修古色古香，環境舒服，設有私人房間店員餐前送上功夫茶晚市鮑參翅肚特價套餐每人$438起，有一款鮑參翅肚，自選3款小菜厚菇焗鮑魚$438鮑魚都幾大隻，而且厚肉彈牙炆得入味，旁邊厚花菇香味濃郁厚菇炆海參$488海參入口極滑，配上香濃鮑汁炆花菇時菜，好好味滷水拼盤有滷鵝片、大腸、豬紅同豆腐，香濃滷水汁浸得入味脆皮九肚魚魚肚炸至金黃酥脆，外酥內嫩，點旁邊橙香蜜糖，畫龍點睛，好出色配搭方魚蠔仔粥每粒蠔仔超大粒鮮甜，加上方魚令粥底鮮味不但環境舒服，食物質素高，服務仲好細心，有質素餐廳，難怪幾年間開分店!

來到這間新開的高級潮州菜館,與香港經常看到的潮州大排檔完全不同。位於昂貴的銅鑼灣地區商業大廈裝修精緻。開始進食之前會先來個功夫茶,清一清喉令到你可以更感受到潮州菜的美味。厚菇焗鮑魚和厚菇炆海參讓人嘆為觀止的是其對食材的充分把握。鮑魚與營養豐富的海參本就是上乘佳餚,與入味菇類相伴,層層味道交融環繞,顯現出大師級的燉製功力。慢火精心熬製,一口饕餮,彷彿就置身於大自然的懷抱之中,清香溢彩流連於舌尖,海參質地結實充滿膠質,鮑魚入口彈牙口感十足。鹵水鵝用料實在,鵝肉本身的香濃回甘和獨門醃料的清香完美呼應,皮香肉嫩之餘還有鮮香四溢的特製醬汁相襯,精彩絕倫。拼盤中的鹵水豆腐、鵝血和豬大腸同樣驚豔,皆是潮州人熟悉的味道,讓人吮指回味,豬大腸沒有臭味,鵝血香滑,配上潮州招牌豆腐,有飯一定可以吃上兩碗。脆皮九肚魚,外皮金黃酥脆,入口即化。魚肚細嫩多汁,肉質鮮甜可口。其味道與單純的外表完全相反,這道菜不僅烹調手藝精湛,更展現了粵菜對食材處理的巧妙之處。至於方魚蠔仔粥,同樣令人讚不絕口。粥質滑爽細膩,溫潤滋補。大量的蠔仔新鮮肥美,口感Q彈有嚼勁。加上精心燉煮的湯底清香四溢。這道家常菜看似平凡無奇,卻能品嚐到傳