正潮樓

營業中

休息中

如果有睇開我嘅都知道我鍾意食潮州嘢發掘唔同嘅潮州餐廳，今日就嚟到正潮樓佢晚市有個套餐，我都覺得幾抵食有燕窩，鮑魚，魚翅，海參做主，之後再揀三至四款小菜紅燒燕窩不得了，估唔到燕窩份量都幾多下我都係第一次食紅燒燕窩！味道幾好厚菇焗鮑魚鮑魚又係大大隻，非常之淋啊真係差唔多做到入口即溶嘅感覺梅膏拌海蜇第一次試呢一道菜，味道偏酸，作為前菜係幾開胃滷水拼盤豆腐，鵝肉，豬大腸同埋豬紅正常發揮啦，冇乜邊一樣係突出川椒雞頸肉食落有些少似雞軟骨，但又未去到咁脆口口感有啲似豬耳，加埋川椒嘅香味幾惹味總結，係銅鑼灣我覺得呢一間潮州菜館價廉物美！我必定會再去

位於銅鑼灣新寧道的「正潮樓」，係一間主打正宗潮州菜的餐廳🍴店內裝修充滿中式韻味，座位寬敞舒適晚市時段設有晚市特價套餐，根據人數可以選擇指定數量的自選菜式。每位定價四百零蚊起厚菇焗鮑魚鮑魚大大隻，口感軟嫩，鮮味十足！厚菇炆海參海參肥美厚肉，炆得好腍同好入味，充滿骨膠原嘅感覺滷水拼盤潮式滷水拼盤包括有豆腐、豬紅、豬大腸及鵝肉，每款都滷得好入味～豬大腸肥美又邪惡；滷水鵝肉肉質細嫩，味道鮮香汕頭煎蠔烙蠔餅煎到金黃色，好吸引！周邊煎到脆卜卜，中間口感軟糯，包含大量蠔仔肉，好足料，而且充滿雞蛋香；配上魚露，更能體現出蠔仔的鮮味方魚蠔仔粥粥底加咗蠔仔及方魚一齊烹調，鮮甜味美，好好食！米飯帶點嚼勁，當中仲有唔少蠔仔，每粒都飽滿又肥美，正呀

之前好鍾意食灣仔一間潮州菜，最近知道原來係銅鑼灣新開左間高級版，裝修別具古韻呢度既晚市套餐都幾抵食，而且係可以自選的，我地兩個人每人四百幾蚊就可以食到咁多菜！等上菜時候仲有功夫茶同前菜小吃「厚菇焗鮑魚」係今晚重頭戲。鮑魚選材上乘，彈性十足，慢火細焗之下，湯汁緊鎖其間，與厚菇的醇厚相輔相成「滷水拼盤」既滷水味係深邃有層次既五香味，鵝片非常油潤，豆腐都好綿密入味，大腸、鴨血都不錯「汕頭煎蠔烙」新鮮蠔肉與細膩薯粉結合，外皮金黃酥脆，內裡卻保留了蠔肉的鮮嫩多汁，再佐以特製醬料，令人難忘。「生醃海蝦」海蝦新鮮，肉質緊實，酸辣爽口的特製潮式醃料，鮮甜中帶著微妙的辛香

銅鑼灣又開新餐廳 緊係要去試下❤️係食正宗傳統潮州菜既正潮樓灣仔本店 成日book 唔到位嫁銅鑼灣店風格好古色古香 環境好寛敞舒適黎到潮式菜館 必食一定鵝肉片拼鵝肝鵝肉鮮嫩 滷水汁又香又鮮味鵝肝入口即化 一定要試香炒瑤柱鬆用上日本瑤柱 馬蹄 韭菜 肉碎一齊炒用生菜包住黎食 清爽又爽脆玉枕白菜好花心機既菜式 用津白包住 香菇肉 豬頸肉 鮮蝦 津白天然既甜味配搭上 餡料既鮮味 好夾紅燒燕窩紅燒翅就食得多 紅燒燕窩真係第一次食到金華火腿帶咸香 用上三両金絲燕窩湯底用老雞 豬骨 火腿 雞肉 熬製而成 味道十足富貴石榴蟹🦀用蛋白煎成外皮 包住新鮮蟹肉 搭配馬蹄餡料石榴外型 好花功夫 仲有蟹膏做點綴 脆皮酸甜蠔用上台山蠔裹上粉漿去炸 炸皮唔會太厚外酥內嫩 蠔肉好厚身 鮮味十足梅汁蒸馬友🐟魚肉勁嫩滑 用酸酸甜甜既梅子去蒸 唔會有腥味 仲好開胃欖仁南瓜羹南瓜加上湯打成蓉 有粟米綠豆等等 再加上香口既欖仁 健康美味豆醬炒麻葉第一次食麻葉有啲似番薯葉 鮮味滑口 芋頭炒香飯炒得粒粒分明 好香口 乾身 有鑊氣菜脯炒粿條菜脯爽脆 粿條軟滑 帶胡椒香氣 桔餅姜薯粿🍊外皮煙煙韌 帶啲桔餅香氣 幾清新

之前同大家介紹過嘅❣︎正潮樓❣︎喺銅鑼灣開設左分店啦😍新店主打潮式海鮮為主，以舊有國家級大師傅坐鎮👨🏻‍🍳，古色古香嘅環境，設有獨立房間，鍾意食潮州野嘅快啲去試吓啦🏃🏻‍♀️‍➡️今晚來嘆左個晚市特價套餐😋高級名貴食材4選1➕自選菜式3款❣︎厚菇焗鮑魚❣︎$488/位⭐️必食推介😋鮑魚肉質Q彈，厚花菇肉厚渾圓飽滿，醬汁味道濃郁鮮味👍🏻口感一流。❣︎厚菇炆海參❣︎$438/位海參吸收晒醬汁嘅精華😋入味爽彈，滋補益腎👍🏻❣︎滷水拼盤❣︎⭐️必食推介😋二十幾種材料熬製而成嘅滷水汁，味郁濃香👍🏻豬大腸口感超好👍🏻柔而不韌，超高水準👍🏻❣︎脆皮九肚魚❣︎⭐️必食推介😋炸得金黃酥脆，九肚魚入口超嫩滑，配上蜜糖醬，口感更加好👍🏻❣︎方魚蠔仔粥❣︎蠔仔份量超多，大大粒好肥美😋粥底清淡得來又夠鮮味。

有無朋友係潮州人？🙋🏼‍♀️潮州菜相信平時大家就食唔少 經典嘅菜式好似烏頭 反沙竽 凍蟹 etc…大家都應該食過 但有啲近乎失傳的菜式就聽都未聽過 食都未食過 ！喺銅鑼灣呢間正潮樓 就可以真「正」食到「正」 宗 「正」牌的 「正」斗潮州菜～ 晚市套餐身為豐富🥳😚😋鵝肉拼鵝肝：厚切大大塊鵝肝擺放喺眼前 真係忍唔住流晒口水 🤤味道夠香 入口即化 鵝片數量很多 鵝含有豐富蛋白質 鮮嫩扎實 滷水汁鎖緊在鵝肉當中 非常好吃另处還有紅燒魚翅、紅燒燕窩、厚菇焗鮑魚、厚菇炆海參 比你四選一 我就揀左厚菇炆海參 同樣是補身之選 柔軟夠腍 夠入味 亦是男女老幼的恩物 ！😍😍富貴石榴蟹 就是一道近乎失傳的潮州菜式，其製作過程非常繁複。首先要用新鮮的肉蟹蒸熟拆肉，並搭配馬蹄等作餡料。接下來，將雞蛋白煎成蛋皮。然後，把蝦、蟹、馬蹄等餡料包裹在香滑透薄的蛋白皮中。經過調味後，將其包搓成石榴形狀。蒸熟後加上芡汁，用蟹膏點綴頂部，令人賞心悅目，口感亦非常微妙！玉枕白菜亦是一道已逐漸失傳的傳統潮州手工菜，做法非常講究。特選豬頸肉，搭配鮮蝦、蝦米和香菇等食材，包裹在嫩滑津白菜葉中，經過炆煮使其入味，再加上芡汁點綴。蝦米香菇

銅鑼灣正潮樓主打潮式海鮮，晚市套餐可選魚翅、燕窩、鮑魚或海參等名貴食材，走高格調的路線。飯前奉上功夫茶，提神醒腦兼有消滯功效。 厚菇焗鮑魚原隻鮑魚炆得入味，鮑魚肉質柔軟，鮮甜彈牙，醬汁提味剛好，用刀叉享用十分豪氣。厚菇炆海參海參炆得軟腍肉，吸滿醬汁，厚身軟滑富口感。滷水拼盤滷水食物是每次食潮州菜必叫，是次的滷水拼盤包括有鵝肉、豬大腸、豬紅及豆腐。滷水鵝皮薄，鵝肉嫩滑多汁，滷水色澤適中。豬大腸厚身有質感，豬紅不易散開，入味爽脆，滷水豆腐豆味香濃。魚露浸花甲魚露浸花甲比較少見，魚露的獨有鹹鮮味增添花甲的鮮甜味道。花甲新鮮無沙，入口滋味。方魚蠔仔粥潮州粥不似廣州粥的煮到開米花，反而近似湯飯，飯粒一粒粒完整的。蠔仔份量下得不少，細細粒脹卜卜的。

Best Chiu Chow Cuisine🖤 一個價錢吃到鮑魚`燕窩`海參`魚翅😍..古色古香既潮洲菜館，開到黎銅鑼灣了🥳！新分店比灣仔本店有更多特色精緻手工菜、潮洲甜品粿類、功夫茶等，仲設有多個獨立房間可以包廂，來一個潮洲菜的盛宴吧🥢。【晚市特價套餐 Special Dinner Set Menu🍴】一個價錢已經吃到鮑參翅肚，仲可以因應人數而自選菜式，配搭自由更多元化呢，份量不多可每樣試少少，都係銅鑼灣一個不錯吃既精緻潮洲菜選擇喔！🔸厚菇焗鮑魚 $488🔸厚菇炆海參 $438自選菜式系列：🔸滷水拼盤🔸魚露浸花甲🔸方魚蠔仔粥 我就試左鮑魚 & 海參，炆煮入味又軟淋😍，矜貴精緻菜式之一。自選菜式就試左：必點招牌滷水拼盤 (已有鵝肉、大腸、鴨血、豆腐)，而浸花甲亦滿有鮮味，最後既蠔仔粥都係潮洲菜必吃呢，咸香鮮味滿滿，暖肚又滿有飽足感～..×××××ש銅鑼灣新寧道8號中國太平大廈第一期地下B號舖..

厚菇焗鮑魚＄488 per head 鮑魚和厚菇的組合在這道菜中表現得相當出色。大愛這道鮑魚，鮑魚的鮮嫩口感和厚菇的肉質豐潤，配合得宜 點了主角鮑魚後，兩人入座便可以點三款小菜，$488可以吃到高質鮑魚還有三道菜也蠻划算 鹵水拼盤 這道有豆腐，鵝肉，鵝腸，豬紅。各種食材在鹵水中經過燉煮，讓它們吸收了濃郁的湯汁，口感味道更加豐富 脆皮九肚魚 外皮酥脆，肉質鮮嫩，只是份量有點少，只有兩件，建議點其他菜式 汕頭煎蠔烙 新鮮的蠔餅煎過後外皮酥脆，內裡鮮嫩多汁。能夠品嚐到蠔肉的鮮美

一向認為潮州菜都係比較「大人」嘅菜式， 估唔到原來小朋友都好鍾意食。 2 人晚餐 有 厚菇炆海參 或 厚菇焗鮑魚 加 3 個自選小菜。 鮑魚焗得好入味，厚肉 好淋， 塘心 真係好正！ 一定要用刀叉食！ 更加滋味。 花菇 厚肉棉密入味海參肥大肉厚， 炆得好夠火喉！ 滷水拼盤 有齊滷水鵝肉、豬紅、豬大腸、滷水豆腐全部都炆得好入味， 小朋友非常鍾意食豬紅同埋豬大腸。 魚露浸花甲 凍食嘅花甲比較少見， 原來用魚露浸花甲 特別鮮甜 兩個小朋友爭住食梅膏伴海蜇 微微酸酸的，做餐前小食非常開胃$1000 吾使 有糖心鮑魚、海參花甲滷水鵝，真係好抵食

正潮樓係灣仔嘅分店經常座無虛席，可見其質素，終於係銅鑼灣再開分店，位於利園地段，更顯高級食潮州菜一坐底都會飲番杯功夫茶先，細細杯，茶甘味濃，另一樣我好鐘意嘅就係菜脯做前菜，脆脆地鹹鹹地，食到停唔到呀當日叫左呢個晚市特價套餐，一個食厚菇焗鮑魚（$488/位）、一個就食厚菇炆海參（$438/位），另外1-2位就可以揀3款菜色首先食左最期待嘅鮑魚同海參先，兩款都扣到入曬味，$500唔洗有得刀叉鋸鮑魚海參，真係爽yy第一款小菜揀左滷水拼盤，有豬紅、大腸、五花腩，下面墊有豆腐另外揀左食潮州菜唔少得嘅潮式炸蝦棗，夠彈牙，唔油膩，一人一粒岩岩好最後係揀左方魚蠔仔粥，估唔到二人份量又幾大碗，又估唔到蠔仔係咁大粒又多，作為蠔怪，表示食得好開心

平時都好中意打冷今日就同班好友們嚟到【正潮樓】試下~✨鵝肉拼鵝肝✨厚菇焗鮑魚✨富貴石榴蟹 (需一天前預訂) HK$98/位（4位起）✨玉枕白菜(需一天前預訂) HK$88/位（4位起）✨脆皮酸甜蠔 $58/隻✨香炒瑤柱鬆 ✨梅汁蒸馬友魚✨欖仁南瓜羹✨豆醬炒麻葉✨芋頭炒香飯✨菜脯炒粿條✨桔餅姜薯粿 $58 / 每客.1次過試咗好多傳統嘅潮洲菜，平時都好少會咁食到! .印象最深刻係已失傳的傳統潮州手工菜【玉枕白菜】、【富貴石榴蟹】非常精緻又好健康！.梅汁蒸排骨就食得多，梅汁蒸馬友魚又係第1次食，味道酸甜+魚鮮味，又幾夾！.中意食鮑魚就要試下【厚菇焗鮑魚】選用墨西哥鮮鮑魚，配上厚菇，鮑魚炆得夠入味，食落爽滑！.最後又點少得甜品【桔餅姜薯粿】，口感同平時食既粿好不同，似食緊水晶糕咁，幾得意~ .大家又中意邊款潮州嘢食呢?

作為半個潮州人，細細個就好鍾意食潮州嘅菜式，新鮮食材，以簡單嘅調味，最能突顯食材嘅鮮味～今次嚟到呢一間「正潮樓」，由國家級潮菜烹飪大師主理，提供傳統正宗潮汕風味菜式，一於就去試試先！———————————————————🔹 鵝肉拼鵝肝潮州滷水一向係經典中嘅經典！呢度採用澄海獅頭鵝，出名大大隻，鵝肉鮮嫩油脂豐富！鵝片入口細緻嫩滑，搭配埋鬆軟滑順嘅鵝肝，成個組合冇得彈！———————————————————🔹 厚菇焗鮑魚餐廳主打菜式之一！來自墨西哥嘅鮑魚大大隻，厚肉飽滿，搭配大大件冬菇，加入豬骨、老雞等配料熬製慢煮10小時，夠哂入味！鮑魚鮮味十足，入口煙煙韌韌，食得夠晒滿足！———————————————————🔹 富貴石榴蟹富貴石榴蟹呢度菜式夠晒懷舊，係正宗傳統潮式失傳菜式！將肉蟹蒸熟後起肉，混合爽口馬蹄再以蛋白皮包裹蒸熟，最後淋上晶瑩剔透嘅芡汁，擺盤夠晒精緻，每一啖都食到濃濃嘅蟹肉鮮香！———————————————————🔹 玉枕白菜將簡單色彩，演化出豐富口味！鮮嫩多汁嘅津白包住豬頸肉、鮮蝦、蝦米及香菇等食材，慢火炆煮，將所有嘅鮮味精華融合，入口清甜多汁，層次感豐富！————————

之前同朋友食過灣仔分店覺得好高質，同男朋友行銅鑼灣利園附近見到都有分店，所以決定晚餐入黎食。呢間裝修都好古色古香， 座位都非常闊落，一入到去就會奉上功夫茶同2款前菜，開胃解膩。呢邊主打名貴食材，除左潮洲食物外，仲有海參，鮑魚，燕窩等供應。我地叫左晚市套餐$488 一位已經可以食到鮑魚加任選3款潮洲菜， 岩哂我三心二意既人， 而份量都岩岩好。厚菇焗鮑魚鮑魚夠哂厚同大, 食落嫩淋入味， 醬汁入味，鹹鮮味道出色，厚菇同菜吸收哂鮑汁精華，好美味。魚露浸花甲每人2隻，略嫌份量小左d, 但花甲大大隻，肉質嫰，配上咸香既魚露，花甲既鮮味更突出。滷水拼盤有豬大腸，鵝肉，豬紅同豆腐 , 滷水味香濃入味,鵝肉好嫩， 豬大腸處理乾淨，口感煙韌, 豆腐夠哂入味。方魚肉碎粥蠔仔超多又夠哂大粒,加入左方魚，食菇咸香，仲有配菜香芹、冬菜提升鮮味，口感豐富。

🌟餐廳：正潮樓📍地址：銅鑼灣新寧道8號中國太平大廈第一期地下B號舖💰價位：～$400 - $800⏰營業時間：星期一至日12:00 - 15:00 / 18:00 - 23:00📱電話：21165519講起潮州菜，好友介紹我去一間承傳正宗潮州傳統文化既餐廳👉🏻銅鑼灣「正潮樓」分店，餐廳特意聘請國家級潮菜烹飪大師主理，即刻嚟到捧下場先😻 😻———————————————————🔹 鵝肉拼鵝肝潮州菜招牌菜式，取材潮汕澄海區獅頭鵝，肉質飽滿，鵝油豐盛，師傅將鵝肉切片起肉，薄薄嘅油脂搭配嫩滑嘅鵝肉，超級滿足！粉嫩嘅鵝肝入口滑順，細微咀嚼慢慢滲透出油香及滷水香氣，超出色！———————————————————🔹 紅燒魚翅招牌菜既紅燒魚翅，採用傳統古法處理，先將金勾翅發開，再用老雞及金華火腿等材料熬製湯頭，令金勾翅更入味～魚翅入口啖啖軟腍滑順，鹹鮮味濃！———————————————————🔹 富貴石榴蟹富貴石榴蟹係一道經典失傳潮州菜式，其製作過程工序繁多，先將新鮮肉蟹蒸熟後拆肉，搭配馬蹄等爽口食材作為餡料，外層再以蛋白煎成蛋皮，包裝成石榴形狀。蒸熟後餡料飽滿，再加上清澈嘅芡汁，最後加入蟹膏點綴，