水鴨朱椰子雞 (已結業)

尋晚行開大角咀，知道水鴨朱椰子雞好出名，所以黎這裡一試。避風塘炒蟹（298）：用上新鮮的大肉蟹，蟹身非常夠肉質，而且食落有啖啖海水味，加上用上炸蒜粒，指天椒，泡彈椒來製作，食落非常香口惹味，最特別係用炸豆豉，所以食落咸咸香香，非常特別。金銀蛋雜菜（68）：用上咸蛋黃來製作的湯底，加上雜菜，雜菌，食落好似飲咸蛋湯，非常解暑，最岩依家天好熱食的炒小菜。椰子凍（33）：聽講依到最出名的甜品就係椰子凍，用上鮮奶加椰子水製作的凍啫里，食落奶味濃郁，加上椰子水的清甜，口感非常特別，係必食的甜品。總括來說，這裡的炒小菜非常出色，而且椰子又係依到的著名食品，喜歡椰子的朋友必到一試。

最近堅熱到爆炸，但都無阻我打邊爐，雖然今次只食椰子雞鍋，但已經夠哂癮大角咀對我嚟講都算近，水鴨朱個名無估錯應該係老闆花名我同爸爸其實都好鍾意呢啲親民大眾小店，貪其食得自在正宗海南椰子雞鍋 $178/半隻椰子雞上場了，椰子水滾起後就落雞計時頭湯椰香味甜，雞件外皮微脆，肥脂甚少，雞肉尚算嫩滑另外叫了白菜仔，吸哂鮮甜嘅湯好正豉椒炒鵝腸 $78上色平均，而鵝腸係新鮮貨，好厚身又長，爽口帶實在，而豉油味香甜薑蔥大鱔煲 $138薑蔥炒到勁香，而鱔都好新鮮微脆嘅魚身，口感很好

今日公司有事要我和同事往大角咀辦理，好不容易才在放工時候辦好，連午餐都未有時間食，如今餓極了，同事說附近棕樹街有一間食椰子雞好出名，名叫水鴨朱椰子雞，不如去試試，當然好啦！我們就一同前往食好野！食火鍋指定動作：混醬，尼間多左檸檬仔，酸酸地開胃d，可以食多一些！正宗海南椰子雞鍋（半隻）：餐牌寫住海南配方，雞是正宗海南文昌雞。湯底是椰子水，還加上竹笙和椰子肉，味道清香又香甜！湯滾將雞放入鍋內，待再滾後可以熄火，之後計時，半隻雞焗3分鐘，一隻焗4分鐘，我叫的是半隻雞，所以3分鐘後可以食得！文昌雞皮爽肉彈牙，又有鮮味！非一般普通冰鮮雞可比，飲埋碗椰子煲雞的湯底，清甜可口，竹笙因為有湯，所以鮮甜又爽口，美味可口！之後加湯就可以叫一些火鍋配料打邊爐，我們因想食些小菜，所以只叫了鳳城水餃試試，水餃有因為有蝦和木耳絲，所以很爽口。但略為細隻左。京都肉排：肉排入味有口感，味道酸酸甜甜好開胃。豉油皇鵝腸：鵝腸夠穫氣，味道調較得很惹味，食個不停！海南椰子凍：店主推介的甜品，當然要試試，椰子凍真的好夠凍，面上結了一層薄薄的冰，味道香滑！總括來說：這店食物吾錯，老闆都好好人，招乎週到，唯一遺憾的是我們最後⋯⋯,

個湯底堅係用椰水，仲有馬齊，竹生，椰肉，煲好左我地直接飲d椰水湯，真係好清甜又滋潤。之後落雞，好似係用左文昌雞，雞肉非常滑，放落煲焗3分鐘就食得，有timer 同你計時間，保證唔會雞肉唔會過火。醬料又係值得一讚，有新鮮青檸，同蒜頭薑蓉，同雞肉好夾個湯可以飲到幾碗，份糧夠晒多仲有其他特色菜，例如呢個魚頭，辣得黎又保持到鮮味，魚頭既肉係好滑。仲叫左雲吞同烏冬，估唔到雲吞都做得幾出色，好大隻鮮蝦，烏冬比一般的較扁身同彈牙。

朋友知道大角咀新開椰子雞，即時約埋閠蜜們去開餐。海南出名天氣熱，適逢夏日炎炎椰子做湯底最啱，清甜又消暑，難怪平日人流都唔少。茶記裝修，茶記價錢相當合理。椰子雞醬料比較特別，有沙薑、海南青金桔、辣椒加入豉油，別具海南風味，帶出香、酸、辣相當特色 (茶介醬油每位 $10)海南椰子雞鍋（一隻雞) $289食材十分簡單，鍋內只有椰子和雞兩種。侍應將雞件放入滾湯煮八分鐘，旁邊有計時器，而且全程侍應會照顧椰子雞。如果閣下自命地獄廚神都唔怕，保證會食到最嫩滑雞夠鐘！起錨！雞件帶粉紅剛剛熟 (建議先食細雞件，大雞件浸多陣) 雞件肉質嫩帶甜，再飲啖椰子湯，唔燥熱唔太膩，啱曬夏天打邊爐！食完椰子雞之後待應會加上湯打邊爐墨魚滑$75．新鮮彈牙西班牙黑梅頭肉$68．肉質算淋凍豆腐$26．吸湯一流．Menu

3人行，見網上介紹，覺得用椰子尼做湯底幾特別，所以去試下！等個湯滾左會有專人幫手落雞，然後再等個雞熟埋熄火計時焗10分鐘食得！即刻試下個湯，好清新，淡淡既椰子味，覺得可以再濃d就正啦！不過本人都幾中意既！叫左一隻雞，之後再叫左手切牛肉（細）、竹苼、脆鯇魚片（有點失望，覺得被騙，因為唔係脆鯇只係普通鯇魚）、萵荀、貢丸、芝心丸（麻麻地果種）...再一支生啤加一支加多寶。其實整體上火鍋食物都冇咩特別，都係平平無奇，不過環境唔錯，唔會好雜，夠乾淨，空間足夠，覺得坐得好舒服，食得亦舒服！最值得讚揚既係服務，真心覺得服務好既！最後再每人叫左個椰子凍試下，都係覺得椰味比較淡，如果係椰奶凍就正啦！食完每人$330，算唔算貴見人見志，本人覺得還可以啦，我地都算叫得多野食，同埋睇埋服務同環境既話呢個價係值既。

椰子是我最喜歡的食物之一用椰子水打邊爐一定沒有難吃的理由二人份用半隻雞剛剛好餐廳用心的用計時器幫客人調好烹煮時間這樣雞肉才不會煮老呷一口湯頭非常清甜湯底有椰子肉和竹笙雞肉在清甜的湯頭中烹煮更能突出其雞味這種食法真令我眼界大開追加了其他的火鍋配料牛肩肉的肉味非常濃郁肉片帶一點厚度所以涮的時間要長一點配上烏冬食用就最適合不過墨魚滑亦十分彈牙貴精不貴多我們都十分享受這個充滿海南風情的火鍋最後不少得甜品時間椰子凍是這裡的名物入口清甜椰味濃郁是椰子控必點之一

一家人未去過大角咀覓食，要來大角咀尋好野食，一家人討論後來了水鴨朱椰子雞。弟弟鍾愛(西蘭花炒蝦仁)，蝦仁新鮮鮮甜，略為少一點，弟妹爭著食。我鍾愛(半隻的沙薑雞)，醬汁味道很開胃，最欣賞沙薑雞嫩滑。姐姐要(椒鹽九肚魚)認真香脆，一家人都未食過，肉質很爽，正。媽媽要 (蜆芥鯪魚球)肉質一流，爽口幾彈牙，用上醬汁，好入味，食不停，正。妹妹是椰子迷必要(椰子凍)，入喉微涼，感覺好Fresh，入口立即是一股的香氣。 

最新經常有朋來自遠方來, 所以都時不時要出去食飯, 身體都重左不少…不過朋友就快要離開香港喇! 今晚佢有個主意想打下邊爐, 一經搜尋之下真係發覺香港咩野形形式底既火鍋店都有…香港人真係可以冬天又打邊爐, 夏天又打邊爐. 不過宜家香港多左不少主題火鍋, 個個都大賣有幾特別, 所以係香港邊一區搵火鍋店真係不難.. 不過最近食得太多, 自己又唔想食d咁重口味既火鍋, 黎到呢間主打椰子雞既火鍋店佑唔到帶比我地好驚喜!其實呢度除左有火爐之外都有小菜食, 見到其他人叫既野食賣相都幾正如果多人d既話下次再黎食下小菜都係個唔錯既選擇! 自選醬油系列 : 豉油、辣椒、小柑橘、砂薑撈蒜後面果2款係一般火鍋店比較少有, 因為加左小柑橘關係味道帶酸酸鹹鹹 解火鍋既膩口之餘仲特別開胃!半隻雞既份量都幾多, 而且雞既色澤都幾新鮮 店員很好服務, 留意住湯底一滾起就主動幫手落雞件, 再滾起就熄火, 然後自行用timer計時焗3分鐘咁就食得喇! 可以開動👍🏻😋打邊爐當然要先飲飲個湯底先~ 真係打邊爐都冇罪惡感😹, 然後再食雞, 之後先再加湯食其他配料.雞因為上左湯之後先落, 肉質好滑, 一啲都唔鞋口! 椰子雞湯底幾簡

今晚pop up 飯局.............近排係facebook不停見到哩間的介紹，片段內是整個椰青倒入煲，再加雞的椰子雞煲.....真的超吸引！即刻組團來試下！9點半後，椰子雞煲做特價，剛好大家放9點，來到剛剛好👍🏻.....但訂了位都要等，最後要10點才有位😪哩間食店除了食椰子雞外，仲有小炒食，味道仲不錯添......由於大家都肚餓，所以除了叫了椰子雞煲，也叫了幾個小炒.......椰子雞煲：湯底有清甜椰子味......雞肉也可以.......本身正常會跟的辣椒/黃薑/吉仔.......但吉仔居然冇晒.......冇咗其中一個精髓.......當然也沒有係客人面前倒椰青水既環節啦🙈椒鹽九肚魚：味道不錯，幾乾身不油小炒皇：超好味，韮菜花/蝦乾/銀魚乾/腰果/菜脯/魷魚/豬耳........料多又惹味墨魚餅：麻麻地.......不夠彈牙，也沒有墨魚粒，可以不叫蜜桃生炒骨：剛剛掛汁，排骨是近軟骨位那些，啖啖肉黑椒咸豬手：皮尚算脆口，但皮肉已分離，味道還可以.....附上的黑椒汁就真的太一般了.....像碟頭飯那些由於已食飽......說好的火鍋配料也沒叫😂p.s. 簽到會有飲品送，

今日同朋友去聚會 ，講開話想食打邊爐 ，之前就話想試椰子雞，之後喺openrice 到大角咀有間椰子雞唔錯, 我哋今日就專登訂咗三位八點鐘過嚟食 。黎到空間感都好多，坐得到舒服 ，唔會好焗 。但係之後再睇番餐牌，原來佢哋都有辣嘅嘢食，特別有一個叫做酸菜桂花魚 ，侍應都話多人食。因為我哋係辣人嘅關係， 所以都忍唔住話不如就試咗個辣嘅先 。整體這裏質素不錯，嘢食新鮮而且價錢亦都唔貴，我哋三個人每人都係220蚊左右 。大約十分鐘左右， 我哋嘅酸菜水煮魚就到 ，原來佢嘅桂花魚係分開上 ，感覺比較特別，因為平時的水煮魚都係魚放喺 煲入面 ，所以 今日食嘅魚畀之前 更嫩滑， 自己放魚片落去唔會因為煲太耐而變老，十分抵讚！湯底沒想到都幾辣，因為可能有一些 青色椒 關係， 越煲越出味 ，而且仲要唔咸，不錯。其他打邊爐材料不久就到，牛肉十分新鮮好有牛肉，而且好有 口感 。四寶丸十分 彈牙 ，特別我最愛吃的是墨魚丸 ，油麥菜份量都唔少 ，我哋三個人食一盤菜都已經夠。椒鹽九肚魚黎到熱呼呼，皮脆肉質嫩滑，份量多，但要等待時間偏耐。最後叫左椰子凍甜品，味道清甜又彈牙，3個勁飽地離開。

最近好友從英國回歸，當然要盡地主之餘，帶她連續吃個不停，享受美食佳餚的情趣，今次來到地點人流很旺的大角咀一帶覓食，剛好經過新開的「水鴨朱椰子雞」，餐廳多款巧手小菜，正合好友的口味，同她盡興吃一餐。 地點位於大角咀棕樹街的地舖食店，餐廳佔地面積很好，環境寛敞，用餐的空間感很舒適，氣氛自在輕鬆，感覺相當不錯，歡聚閒談的聚腳地。 店內佈置新簇優雅，周圍更添置美食的圖片，未食巳吸睛，令我胃口大開，來到坐下立即看餐牌享受晚餐，侍應服務很細心，主動向客人簡單推介美食，令客人有賓至如歸的感覺。 粟米魚肚羹 $88 上台時熱度十足，單單看樣子已經令人唾涎，粟米魚肚羹入味清香，粟米魚肚彈牙爽口，不會太淋身，充滿優雅不膩的滋味，感覺很不錯。 蜆芥鯪魚球 $58 我很久也沒嚐過了，這道菜帶出鯪魚球的風味，鯪魚球一口咬下去，十分彈牙，黏性剛好，再配上蜆芥，混合起來的味道挺夾，香氣四溢，味道可口。 椒鹽九肚魚 $68 椒鹽九肚魚不可錯過，外型已好吸引，新鮮夠厚肉，每啖食落都脆卜卜，不會太硬，咬下去很香，增添了不少口感，喜出望外的美味。 涼瓜炒滑牛肉 $78 涼瓜肉汁豐富，入面的汁走出來，味道濃郁，加

最近約左一班朋友食晚飯聚舊，諗住去試下大角咀新開嘅水鴨朱椰子雞，食椰子雞火鍋，同埋小菜，去到門囗見倒一個個新鮮椰子放左喺度做生招牌，坐低左後，睇完個餐牌，真係有多款小菜、火煱，經一輪點菜後，我地點左椰子雞火鍋、避風塘炒蟹(我見枱枱都order)、黃金蝦、燒豬手、蜆芥鯪魚球、芥末生腸,椒鹽九肚魚，金銀蛋莧菜，生炒骨等等，嘩，食完真係覺得超好好味😋，食材真係好新鮮，小菜好有鑊氣尤其是黃金蝦，好新鮮，咸蛋適中，吾會滿口油，真係有驚喜，絕對好食過好多食市，大排檔嘅價錢，但高級食府嘅質素，下次一定再黎!，食完飯,店員仲介紹我地食椰凍做飯後甜品，好吃啊

店內環境尚算舒服，地方整潔， 服務貼心，店員不斷介紹店內食品，最意想不到是椰子雞湯底做打邊爐，椰子雞湯底好清甜，加埋隻雞打邊爐， 竟然變得非常彈牙，各類小炒也非常出色，小炒鑊氣夠，有童年街邊大排擋特色，另外不可不提是紅燒乳鴿， 脆皮香口，食飽諗住埋單走人，店內經理推介甜品……椰子凍（必食），驚喜萬分，唯獨地點隔涉，不是朋友介紹，我也不知道大角咀原來有間可接近米芝蓮星級食府，自己揸車都算方便，因為門口大量車位，不會抄牌……必定再試