永記潮州粉麵

營業中

休息中

天氣涼, 行行路, 精神爽利. 由港大沿水街行至大街, 再向上環方向, 路經 “修打蘭街”, 發現這間小店. 種類供應不多, 分別有牛、豬、丸, 可以隨意雙併和三併. 近來牛肉價爆升, 就來一碗試一試質素高低吧. 叫了 鮮牛肉豬潤雙併米粉和可樂. 上檯時比想像中大碗, 材料也多, 牛肉煮得八成熟左右, 還現出微微的粉紅色, 沒有醃粉的化學作用, 咬落還保留原始的牛肉組織韌度和味道.豬潤切成薄片, 咬落算新鮮彈口, 畢竟厚簿口感不同, 切得簿便沒有了厚身咬落的粉滑口感.但保證了是全熟的豬潤. 豬潤即豬肝, 是最大解毒器官, 各種有毒代謝物都在肝中聚集, 若不徹底煮熟, 會造成有毒物質殘留. 米粉比一般的幼,但當然未及新竹米粉, 但都十分爽滑彈口.

永記位於街尾的小舖位.沒有華麗的環境,我到場時已3點亦是全滿,究竟有什麼吸引人?賣的食物亦簡單.只有豬類4款,牛類5款.丸類6款.而服務亦有街坊的溫情.禮貌是有的.我也滿意,可樂.豬粉腸,牛肉米共30元.3點到現場.豬牛不少項目都售完,淨下只有豬粉腸,牛肉.豬粉腸偏硬身.咬下去有點韌,粉腸中間亦滿佈粉.入口即散開.相當香口.其實也有一至二件生腸,爽口.是味覺享受,牛肉帶微紅色.肉味亦豐富.沒有經化學也不韌.至於湯底怎看也不似牛骨湯,味淡...只似生滾牛肉,.豬粉腸米煲出來,都叫真材實料,但湯底扣分.辣椒油,吃得辣的人.加少許已相當刺激,但只有辣,不是麻,亦不香口..埋單30元.行出來有小巴住荃灣,也相當方便.

身為住了在中西區一輩子的老街坊，居然未聽過修打蘭街這名字，真失禮。直至那天經過，家人說從前在這裏吃過美味的豬雜湯，滋味至今難忘，便找天前來一嚐。某下雨天拾步而來，位於後街的小店也居然坐滿了人．像是無視時間的人客，那怕當時已是下午三點，大嬸還是一人吃子兩碗雜河。坐櫃台的阿婆面無表情，只是在看見熟客時才揚一下嘴角．其他店員都是年輕人，穿著或粉紅碰黑色的制服．沉默不言的大家，卻有種無形的默契，直覺他們不是一家人就是老街坊．餐牌超級簡單，只有牛類，雜類和丸類，單雙多拼三級價錢，飲品只得汽水，非常簡單．不太吃內臟的我，一場來到不可能不吃碗雜湯吧！就要了牛腩，牛筋和豬膶三併，連麵不連麵也是同樣價錢．落了單，望著店員在煙霧瀰漫的廚房內起勁地煮，時而作剪狀，時而大力甩湯狀，要好一會兒才準備好．熱騰騰的滾雜湯賣相欠奉，聞來有濃濃的骨湯和黑椒香味，醇厚中帶刺激味，好香！牛腩切成細塊，略嫌肉味不夠濃，質感不夠軟稔．牛筋則因沒以柱候炆煮，味道不夠深層，也太硬．豬膶切得薄，粉綿鮮甜，這我平常不吃的反倒變成了最美味的一環．看到這可能你會問：這碗豬雜好像沒甚特別．．？精華，其實盡在牛骨湯當中．喝一口還是滾熱的骨湯，

作為潮州人集散地 - 西環，早上喝一口豬雜湯，除了上皇后街熟食中心的陳春記之外，還可以到修打蘭街的"永記"。大碗雙拼的豬心，豬肺，淨吃不要粉麵，湯身清澈，味道比較清。豬肺滑得彈破，鮮味十足，而豬心則欠了一點爽脆感，我還是喜歡上環畢街的生記，那個鮮爽豬心。如果吃得辣，可以自行添加辣醬，對我來說，已經覺得很刺激。

昨日為食猫走去品嚐很久都沒有食過的豬雜麵，知道永記豬雜麵甚有口啤，决定坐电車去西環，一嚐其出名的豬雜麵。到達時己下午一時半，見到店內只有４張枱，但冷巷亦放了數張枱，但天氣熱，坐冷巷對我這個大汗包簡直是受罪，幸好內有一個位，故可以享受冷氣。坐落，很快就落柯打叫三拼麵，原先想叫豬肺，豬粉腸，豬心，但沒有豬心，只有豬肝，故只好要豬肝。上枱時，發覺都幾大碗，先用匙嚐一口湯，好有豬雜味，再用筷子夾豬肺，白色的一片豬肺，入眼就非常對板，咬一口就覺得好好味，稔得來有帶有一些咬感，再試豬粉腸，粉味十足兼沒有苦澀味，證明沖洗得很乾淨，值得推薦，豬肝薄薄一片，味道不錯，但相對豬肺和豬粉腸，就失色一些，永記的麵是用油麵，加上芽菜，口感十足，埋單只是$26.00，如是單併，細的是$16.00，双併則是$21.00，以三拼麵來說，已經夠飽了，如以價錢味道值計數，就非常超值。永記除了豬雜外，還有牛肉、牛雜，下次一定會再來試。

離家近，每天都經過，以為是普通粉麵舖。Open rice it，才知道大有來頭。挑了個閒適的星期六上午，試試看。這個時間不用等，小店還有5、6個吉位。我這個「愛猪」之人，點了猪心、粉腸和猪肺米粉。湯頭很清，不覺味精。猪肺像極了熬完湯般清淡，但切得細細的，表面滑滑也易入口。猪心也不是粗枝大葉的一件，不會太韌，但好像吃到一些不新鮮的酸味。最喜歡的還是粉腸，調味剛剛好。非常滑，但被腸裡的「粉」給撐住，不會太淋，很有內涵。食物普遍是切得細細的，不會侵犯了小咀。老爸叫了三拼牛河- 牛筋、腩、肚。反而這個更惹味，所以店內其他客人，似乎更愛點牛。****結脹的時候，老闆娘取出一份餐牌，對我們說來貨真的貴了，所以才貴了。我們從來沒有向店員評論價錢，可能見我們帶著旅行喼，怕是得失了省吃檢用的遊客吧？沒錯，28元一碗三拼，而且肉不算多，麵又沒有填滿整個大湯碗(笑)，是不算便宜；但我了解通脹猛如虎。不過，我給分有點嚴格，以各方面來判斷的話，對不起，今次是只能按個Like的程度。

永記潮州粉麵店鋪位於潮州人集散地之西環, 隱藏於修打蘭街, 真的很隱蔽, 附近海味鋪林立, 稍不留神, 也會錯過!來點歷史, 是日老板林老伯座於巷頭與街坊閒話家常, 退下火線的他, 一派悠然自得, 刻苦經營四十多年, 為三角碼頭開工的苦力們提供動力, 年紀大了, 留待子乘父業, 秉承潮州人團結情神, 而且”左邊帶上耳環的有型兒子” 確能做到父親一貫水準, 女兒又負責掌櫃, 打理財政. 上下一心, 林老伯老懷安慰!永記保留潮州舊口味傳統的豬什湯, 清洗豬, 牛什的功夫做得非常透徹 , 一絲不句, 非但沒有異味腥臊味, 灼淥得火侯剛剛好, 足見廚師對火侯控制已爐火純青, 不會過腍或過韌, 脆而不老, 灼得剛熟兼嫩滑 ; 沒有花巧, 不用醃料調味, 天然無添加, 材料新鮮, 加上大骨胡椒熬湯, 味道鮮甜, 再加上大量既唐芹, 莞茜, 蔥粒, 配上清甜爽口的芽菜, 香味四溢, 味蕾大滿足!是日還有赤膊工人在用餐, 街坊市井味濃, 在巷子街邊享受到一碗熱騰騰的平民美食, 湯頭一飲而盡, 碗底朝天, 實在太滿足!豬什種類選擇多, 有豬肺、豬肚、豬利，豬粉腸、豬潤、豬心等, 牛類有: 黑百葉,

呢度就近我公司，經常都幫襯，呢度最出名係豬雜，不過我不愛內臟，無食過。反而次次黎食豬肉丸牛肉米，牛肉不會用梳打粉整到無質感，保留屋企煮牛肉的味道，調味適中，豬肉丸爽口彈牙，中心無味精粒，湯底亦好味。價錢相宜，雙併只係$17，三併亦只係$22，好抵食~~

永記係我响上環工作獨個兒午餐既熱點，唔好飯既我，隔三、兩天就去一趟，大熱天時10分鐘行程，背脊都可以濕透。今日無食中午飯，3點多黎到永記，期待食到美味既湯粉。無想像到呢個時候店裡都坐滿咁多客人。立刻叫至愛既黑百葉拼魚餃米，再配清湯菜，點知黑百葉同菜都已經沽清，有點失望！唯有退而求次，第二最愛豬潤代替栢葉啦。可能就係喜歡永記新鮮既材料，所以今次食唔到自己既至愛，下次都係早d去！無問過永記既歷史，但相信無30年都有20年，因為經常都有相熟朋友到店內同潮州老闆頃計，相信大家都係老街坊。而永記亦都係家庭式經營，自我幫襯當年，潮州老闆仲响厨房當厨，但其後可能年紀大喇，只當收銀，厨房就由仔女輪流擔任，以於媽媽一般都當樓面。永記所處地區、環境、經營手法絶對富有老香港既特色。 豬潤魚餃米：湯唔係一般清湯，味道鮮甜，再加上大量既唐芹，香味四溢，一試便知龍與鳯。豬潤切得細細塊，酌得剛熟兼嫩滑，平時怕食又硬又嚡既豬潤，但永記就食得好安心！用魚露加辣椒油點豬什，會更加正！永記唯一要改善既地方，相信係店內既冷氣系統，夏天會食到香汗淋漓。

30-3-2010是日為了執緊急的私事手尾, 放了半日假, 搞完後搵地方食個 lunch. 諗起皇后街一帶有間豬什粉麵店, 一直無機會試, 是日就過嚟睇睇, 話之佢膽固醇爆燈 3:00pm 來到係勁多人 ,「攝」到位立即叫碗豬什米 (中 size $17).先呷啖湯, 係牛骨湯? 味道唔算好濃, 不過幾鮮甜, 幾好飲;「豬什」係豬肺, 豬膶, 豬心及豬粉腸, 豬肺軟熟又帶點咬口; 豬心幾爽脆; 豬粉腸就較韌又唔多「粉」, 間中仲有苦澀味, 食到皺眉 ; 豬膶就幾「湯渣」feel, 硬硬粉粉的, 唔喜歡.檯上亦供應辣椒油及潮式魚露, 辣椒油好香, 食落就好 x 辣 魚露就夠晒鹹香, 幾討好.埋單 $17, 比街市嗰檔 (http://www.openrice.com/restaurant/commentdetail.htm?commentid=1894665) 的同類出品好, 但可能期望太高吧, 離開時都有少少失望. 唔知牛類會唔會好 d?

永記最大特色係低食, 因為細碗粉麵12蚊, 大17蚊, 以咁o既質素, 可算全港最平!佢地豬雜同陳春記最大分別係即叫即灼, 人地係預先熔霖o左, 有order至切件,永記豬雜除o左粉腸, 豬肺之外, 其他豬膶豬心, 都係切好薄片, 即叫即灼, 所以感覺好新鮮,同陳春記比, 係各有千秋, 可惜一點, 佢地湯底勁咸, 如果飲哂, 吸入o既鈉一定超標,應該改善一o下!

吃完陳春記，馬上再到這裡來一個豬雜比較。一樣叫了細的淨豬雜，先試湯，味道不及陳春記，有明顯味精感覺，沒有加胡椒，湯中有豬肺、豬肚、豬利，粉腸、豬潤、豬心及芽菜，份量及種類比陳春記略多，豬肺、豬肚軟稔美味，豬心夠爽，整體味道不錯，價錢只是12大元。和陳春記比較，豬雜味道不相伯仲，湯是陳春記優勝，價錢當然是永記大勝，如要二選一，我會揀永記(因為我窮) 。

一覺醒來,哦!!今日係星期一..不用上班...突如期來的休假....在上環遊遊盪盪..好hey....行到一橫街,滿巷是摺桌摺椅,令我回想童年家中同是小麵店...馬路邊也全是我家的桌椅...我二話不說,找位子坐下,一個淨魚皮餃墨丸----湯好清,墊底的牙菜和清湯給友人在十分中內解決掉..魚皮餃墨丸沒有大特出之處,不驚喜,不難吃...牛丸河----牛丸好味彈牙,河粉亦滑,但略嫌粉多了點,明白這個是我的早餐..但卻是別人的午飯..牛腩河----清湯牛腩河,不太懂欣賞,但不抗拒,下次我想試試豬什..

是日又要撲去西環做野, 當然, 外勤要選好時間. 順帶係果頭食埋lunch. 就在修打蘭街落車, 呢次, 就試下呢間人多多既麵檔. 雖然已經點半鐘, 店子依然全滿. 坐下來, 有不少西裝友. 相信呢度都幾吸引中環尾, 上環一帶既打工仔來食. 同檯, 亦有一位西裝畢直的老伯伯. 心想, 這店在潮州商會旁, 難道那伯伯是潮州商會的一名資深會員大老闆....而且佢又真係幾有"陳鴻烈" feel.我點下一個雙拼, 牛腩加上豬粉腸. 湯底, 喝了一口, 不用問, 淨靠味道已經知道這是豬什湯. 只是比起皇后街街市的陳x記, 少了點胡椒味. 不過, 這樣也好, 豬什腥味沒有被胡椒嚴重蓋過. 而且, 可能這裡的豬什, 只是粉腸, 豬肝, 豬肺, 同 豬心, 味道冇咁腥.牛腩, 就只是一般車仔麵店食到既碎腩冇分別. 沒有清湯腩的爽, 沒有傳統牛腩的濃. 但豬什方面, 就非常之好. 雖然, 我只食了豬粉腸, 夠淋之餘, 味道又唔係腥, 腸內脂肪夠粉. 咁多打工仔, 甚至老闆級人馬來食, 果然有返咁上下.看了其他資深食家既食評, 原來這也是昔日修打蘭街大排檔之一, 老字號, 果然是老當益壯.

作為潮州人集散地之西環,想喝一碗豬雜湯,未必一定要上到去陳春記.近日看某免費報章,梁家權提及過在修打蘭街的"永記".看罷便走去試.可惜下班時去已關門.原來營業時間由早上七點,到下午五時,紅日休息.擇日中午再來,店子不大,人頭擁擁,連外面帳蓬下的座位也坐滿.一個人來,勉何找到一個位.此店有豬雜之外,更有牛腩,墨丸,魚蛋,魚皮餃等供應.而且有大,中,小份量之份.很多人見到時代食通天"SML",分大,中,小就覺得好新奇.其實,吃燒味有例牌,半隻一隻分.吃粉麵也可大中細,西餐分SML碼,何其之有?豬雜湯要個中,內容有豬粉腸,豬潤,豬心,豬肺.連同芽菜.所有材料非常新鮮,豬潤切得較薄,鮮味又爽口.豬肺做得軟稔,豬心同樣爽脆,而豬粉腸一樣處理得宜,沒有任何異味.湯底清甜.這碗中碼豬雜,只是賣$17.再來個細碼魚皮餃河,做得一樣好.魚皮餃的外皮煙齦不過厚,餡料味道香濃.不會說是吃過之中最好,但一定是頭五位.吃飯加無敵大海景,往往所費不非,這趟在西環永記吃潮州粉麵,一樣可以望著海皮,不過,兩碗粉加罐汽水,區區$35一餐,只能換來"小罅景".